17th Sunday (B) Ord. Time

PAMALANDONG SA EBANGHELYO

MAY ISA KA BATA DIRI…
Ang matahum kag makatalandog nga eksena subong sa aton Ebanghelyo amo nga may isa ka bata nga maalwan nga nagpaambit sang iya nga pagkaon bisan pa nga nahibaluan niya nga nilibo ang palakan-on nga suno sa Ebanghelyo, mga lima ka libo nga mga lalaki, wala labot ang mga babayi kag mga kabataan. Ini nga bata wala gid magpulu-panumdum kon paano makakaon ang mga tawo sa iya “ahaw” nga pagka-on. Bisan gani ang mga gintutun-an nagsiling: “Pero ano ang pulos sini sa amo nga kadamuon sang mga tawo?” Daw sa ginsiling nila nga: “Its an exercise in futility!”
Siguro, amo gid man ini ang mga kabataan– sige lang nga sige… bisan nadadasma na sa paghampang, sige man gihapon… bisan nag-ilinaway na sila sang ila mga kahampang… sige man gihapon… bisan pa balibaran sang ila ginikanan sang ila ginapangayo… sige man gihapon asta gid maghatag ang ginikanan.
Ayhan amo man ini ang rason kon ngaman “na-obligar” ang aton Ginuo sa pagbuhat sang milagro sa pagpamuad sang tinapay kag pagpadamo sang mga isda nga mangin kalan-on sang mga ginagutum nga mga tawo.
Amo ini ang sahi sang tagipusuon nga ginapangita sang aton Ginuo sa tagsa-tagsa sa aton. He is very consistent with His teaching that “Unless you become like little children, you cannot enter the Kingdom of God…”
Masami sa aton kapakaton kag mga “abilidad”, daw nalilimtan na naton nga mangin isa ka bata. Ang aton Amay sa langit, yara lang nga magahatag sang PINAKAMAAYO sa aton. Magsalig kita sa Iya!
FR. RONNIE

Feast of St. John the Baptist (B)

ANG IYA NGALAN, JUAN!
“Mangin ano ayhan ini nga bata? Kag maathag gid nga ang gahom sang Ginoo yara sa iya.” Amo ini ang mga panugda-on sang mga nakabati sa “pinasahi” nga pagkatawo ni Juan Bautista. Pinasahi gid man ini nga hitabo tungud si Juan Bautista natawo sa ginikanan nga tigulang na kag baw-as pa! Pinasahi tungud nga bisan ang mga ginikanan ni Juan wala magpili sang ngalan nga ginpatuhoy sa iya kundi ang Dios mismo ang nagpali paagi sa Iya nga anghel kon ano ang ngalan nga igahatag sa iya sang iya nga pamilya.
Para sa mga Judeo, ang ngalan indi lamang sang isa ka “label” o “tigulo” sang isa ka tawo, kundi ang ngalan nagakahulugan sang isa ka “misyon” nga ginhatag sang Dios para sa iya mga tawo. Sa bagay nga isa ka daku nga katingalahan para sa ginikanan ni Juan, bisan pa sa iya sini mga himata kag mga kakilala nga siya wala magdala sang ngalan sang iya mga katigulangan ukon sang iya nga tatay. Pwede tani nga ang iya ngalan mangin Zacarias Jr., suno sa ngalan sang iya nga amay, ukon ngalan sang iya nga lolo ukon iban pa sa ila pamilya, apang wala ni isa sa ila sang ginkuhaan ukon ginsundan si Juan sang iya nga ngalan. Ginhatagan siya sang ngalan nga wala ginkuha sa iya pamilya kundi suno sa “linyada” sang Mahal nga Dios– suno sa painu-ino sang Dios nga amo ang naghatag sa iya para sa iya pamilya.
Ang ngalan nga Juan ukon sa Hebreo Yohanan nagakahulugan nga ang “Dios maalwan”- God is merciful!, kag ini nga kaalwan amo ang mangin misyon ni Juan Bautista sa iya pagdala sang Maayong Balita gikan sa Dios pakadto sa iya mga tawo. Paagi sa iya ginpahayag ang kaalwan sang Dios sa mga tawo paagi sa PAGPATAWAD sang ila mga sala, kag ang tagsa-tagsa ginhatagan liwat sang kahigayunan sa pagpanumbalik sa paghigugma sang Mahal nga Dios!

FR. RONNIE




HAPPY BIRTHDAY JOHN!
Ong piesta et isa ka santo o santa ginasaulog et Simbahan sa adlaw et ana kamatayon, ong adlaw et ana pagsulod sa Langit. Apang may daywa ka ‘birthday’ nga ginasaulog bilang piesta sa aton Liturhiya: ong kaadlawan et Mahal nga Birhen Maria ag ni Juan Bautista. Sa Biblia ag sa mga pagtulon-an et ‘Fathers of the Church’, si San Juan ginapadunggan bilang tawo nga ginpuno un nga daan et grasya sugod pa sa tiyan et ana iloy ag tawo nga nagpreparar et dalan para kay Jesukristo, ong Mesiyas ag Manunubos. Gani ginasaulog et Simbahan ong ana kaadlawan – Junio 24 – bilang piesta solemne.
Importante ong pagkatawo ni Juan tungod sa ana mangin papel sa kasaysayan et kaluwasan. Tungod kay sia importante sa ana plano, ong Dios mismo ong nagtao et ngalan kanana. Ong ngalan nga Yehohanan (Juan) nagakahulogan “Maayo ong Dios”. Bugay et Langit si San Juan. Ag bag-o dya nga ngalan. Owa pa kara et kapareho sa mga katigulangan nana. Sya ginbun-ag nga unga et pari, apang mangin bag-o ong ana papel: sia mangin PROPETA et Ginoo.
Ong papel ni San Juan padayon nga ginahimo sa aton panahon. Kaangay na, kita may misyon nga itudlo si Jesus sa mga tawo paagi sa pagbantala et Maayong Balita ag sa pagbalhin et aton kabuhi. Ong aton misyon amo nga ipahayag sa mga tawo nga mangin alisto sa presensya et Ginoo ag sa paghulat et ana pagbalik liwat sa katapusan et panahon. Buot silingon, kita man dapat magkabig et aton kaugalingon bilang mga INSTRUMENTO et Dios sa ana padayon nga hilikuton: ong pagluwas sa kalibutan.
Mabuhay ong Maalwan nga mga Mambusaonon!

FR. DODO

11th Sunday in Ord. Time (B)

SI TATAY ANG AKON SUPERMAN!
Ang aton Ebanghelyo subong nga Domingo naghatag sa aton sang laragway kon ano ang Ginharian sang Mahal nga Dios. Suno sa aton Ginuo, ang ginharian sang Dios kaangay sang tawo nga nagsab-og sang binhi sa iya uma. Nagakatul;og siya kon gab-I apang ang binhi padayon nga ginapatubo sang duta. Ukon katulad ini sang isa ka binhi sang mostasa– ang pinaka-labing diutay nga binhi sa kalibutan apang kon itanum ini nagatubo kag nagadaku ini sa bagay nga ang mga pispis nagapugad sa iya mga sanga nga mahandong. Ano bala ang ginapatuhuyan o ang ginapadulungan sini nga palaanggiran?
Matuod nga wala makahibalo ang manugsab-og kon paano ginapatubo sang duta ang binhi, ap-ang sa aton simple nga paghibalo, ang binhi nagatubo tungud ini gin-atipan sa likud sang aton “katulugon” sang Taghatag sang kabuhi sang tagsa-tagsa. Ang binhi nagatubo nga wala sa aton ihibalo apang ini nahibaluan tanan sang aton Amay sa langit.
Tungud sang paghigugma sa aton sang aton Amay sa langit, kita ginahatagan sang mga bugay nga kalan-on kag kasulhayan sa aton tagsa ka kabuhi. Pagkaon nga bunga sang mga patubas sang aton mga pananmu, kag kasulhayan nga ginadulot sang mga “landong” sang mga kahoy nga amo ang aton nangin “pasilungan” sa tag-ilinit sa aton kabuhi.
Ginahatagan naton karon nga Domingo sang pagtalupangud ang aton mga amay sa selebrasyon sang “commercial” nga “Father’s Day”. Ini agud aton nga mapakita nga ang aton mga amay amo ang mga haligi sang aton pamilya nga nagapabakud snag institusyon sang panimalay. Para sa isa ka bata, si tatay amo ang iya “superman”. Kuntani tularan sang tagsa ka tatay ang kaalwan sang PAGKA-AMAY sang aton Dios nga manughatag sang tagasa ka maayo sa iya mga anak!

FR. RONNIE



LISO
Daywa ka bilog ong palaanggiran manakara nga Domingo, nga anggid man. Ong daywa ka palaanggiran nagahambal nahanungod sa isot ag sa daw owa pulos nga mga liso. Apang kon sanda maghamtong un sa pagtubo, ong magagmay nga mga liso nangin mga pinakahanggud nga mga tanom. Dyang daywa ka mga palaanggiran nagatudlo et daywa man ka mga butang.
Una, ONG MGA MABAHOL NGA MGA BUTANG NAGAHALIN SA MGA MAGAGMAY NGA GINSUGURAN. Ong mga daw owa et pulos mahimo nga importante. Ong mga ordunaryo sarang mahimo nga espesyal. Bisan kita diutay lang ag daw owa et sarang matao, malahalon kita para sa Dios. Kay sa mata et Dios, owa et ginasikway ag ginakalimtan. Ong tanan espesyal ag importante.
Ikaduha, ONG PAGTUBO, PAGBAG-O AG PAGSANYOG ISA KA LAYE ET KABUHI. Indi kita pwede magpabilin sa isa lang ka lugar, daw owa labot ag amo un lang gid kaon. Kay ong indi pagtubo ag pagsanyog nagakahulogan et pagbalik ukon pagdausdos. Owa et permanente sa karang kalibutan. Tanan kita may kapasidad nga magtubo, magsangkad ag mangin hamtong.
“Sa pelikula nga “Evolution”, ong mga ginakakulbaan sa una et mga ‘Scientists’ sa mga organismo nga naghalin sa gintup-an et isa ka ‘meteor’, amo ong mga makakulogmat nga damang, insekto ag putian nga mga gorilla. Apang sa ulihe, anda natukiban nga ong dapat gid tana gali kakulbaan et tanan amo ong simple nga LAGO, nga kon anda palukpan, nagahanggud et todo ag dayon nagadugmok lang et tanan nga ana maagyan ag matapakan.”
Mabuhay ong Maalwan nga mga Mambusaonon!

FR. DODO

Corpus Christi (B)

KALIG-ONAN SANG KASUGTANAN !
Kapiestahan Solemne karon nga adlaw sang Hamili nga Lawas kag Dugo sang aton Ginuong Jesukristo. Ini nga pagpadungug sa aton Ginuo nagatumud sa isa ka daku nga Misteryo sang paghigugma nga ginpatuhoy sang Dios sa aton tanan– ang paghigugma nga nag-abut sa paghalad sang jabuhi sang Iya nga nga Anak agud kita matubos gikan sa pagka-ulipon sang sala.
Ini nga selebrasyon aton ginpanubli sa selebrasyon anay sang mga Judeo. Sila may selebrasyon sang Paskwa sa pagsaulog sang ila kahilwayan gikan sa Ehipto nga ginasimbolo sang duha ka mga bagay- ang TINAPAY nga wala sing lebadora nga nagsimbolo sang kahilwayan, kag ang DUGO (kalis sang bino) nga nagasimbolo sang paghimo sang Israel bilang banwa nga pinili sang Dios.
Ang ginbuhat sang aton Ginuo sa katapusan nga panihapon indi lamang sang isa ka paghanduraw sang selebrasyon sang mga Judeo kundi isa ka paghatag man sa aton sang isa ka SINUMPAAN indi lamang paagi sa tinapay nga nagakapan-os, kundi paagi sa tinapay nga amo ang Iya kaugalingon nga lawas, kag indi lamang paagi sa dugo sang mga sapat, kundi paagi sa Iya kaugalingon mismo nga dugo nga amo ang nagasilyo sini nga kasugtanan kag kahilwayan.
Paagi sa Iya ginbuhat sa katapusan nga panihapon, Iya ginhatagan sang bag-o nga kahimtangan ang kaangtanan sang Dios kag sang tawo. Ang kasugtanan karon sa tunga sang tawo kag sang Dios nangin isa ka MALAHALON nga kasugtanan tungud ini ginpalig-on sang PAGHALAD SANG KABUHI sang aton Ginuo– LAWAS KAG DUGO– nga ginpamihak-pihak kag ginpa-ilig sa aton agud aton maangkon liwat ang dignidad nga kita mga anak sang Dios.


FR. RONNIE



EUCHARISTIC PROCESSION
Ong kapiestahan et Corpus Christi ginhimo nga pangkalibutanon nga kahiwatan sa aton Simbahan ni Santo Papa Urban IV sang 1264. Ong isa ka tradisyon nga nagatao et duag halin pa sang una amo ong “Eucharistic Procession” ukon ong pagprosesyon et Mahal nga Hostia nga daon sa Monstrance, nga ginaimawan et tanan nga mga kalalakihan sa bilog nga banwa. Dya nga selebrasyon amo ong ginakabig nga pambato batok sa tanan nga heretiko nga pagpati nga nagakontra sa Minatuod nga Presensya et Kristo sa Santos nga Misa, sa bayhon et Tinapay ag Bino.
Sa ana pagpamalandong nahanungod et karang tradisyon nga aton ginapadayon bisan hasta manakara, ong aton anay Santo Papa ag karon Beato Juan Pablo II nagtugda: “Pwera sa anang orihinal nga importansya bilang sabat sa mga sala nga pagpati sa matuod nga presensya ni Kristo sa Eukaristiya, ong prosesyon kinahanglan gihapon ag makahulogan. Ong aton pagtuo sa Dios nga nahimo nga tawo ag nag-imaw gid kanaton kinahanglan nga IWARAGWAG, labi un gid, sa aton mga karsada ag mga puloy-an, bilang pagpakita et aton pagpasalamat ag paghigugma ag mangin gikanan et nagadasondason nga bendisyon para kanaton. Ong “Eucharistic Procession” nagapahanumdom gid kanaton kon paano ong buhi ag nabanhaw nga Kristo nag-imaw sa pagpanaw sa bilog nga adlaw sa sadtong daywa ka mga gintutun-an paadto sa Uma.(cf. Luke 24)”
Kabay pa unta nga dyang Domingo et Corpus Christi magpahanumdom ag magpaanting pa gid et aton pagtuo sa minatuod nga presensya ni Kristo sa Santos nga Misa!
Mabuhay ong Maalwan nga mga Mambusaonon!


FR. DODO

Trinity Sunday (B)

WATER IS THICKER THAN BLOOD!

Ang pagpadala sang aton Ginoong Jesukristo sang Iya mga gintutun-an, indi lamang sa kon pila ka mga katawohan ukon mga rasa, ukon mga duog. Kundi ini nga pagpadala amo ang pagkadto sa BUG-OS nga kalibutan. Siya nagpadala sa ila sa pagbantala sang MAAYONG BALITA sa ngalan sang AMAY, KAG SANG ANAK, KAG SANG ESPIRITU SANTO.
Ang nahauna nga buluhaton sang mga gintutun-an amo ang PAGBAUTISO sang ila ginabantalaan. Pagbautiso nga nagadala sang “pormula” sang Santisima Trinidad– sa ngalan sang Amay, kag sang Anak, kag sang Espiritu Santo. Indi sa ngalan ni Jesukristo, ukon sa ngalan lang sang Amay, ukon sa ngalan lamang sang Espiritu Santo. Kundi, sa ngalan sang Amay, kag sang Anak, kag sang Espiritu Santo.
Sa bagay nga sa aton pagbase sa sining Santos nga mga dinalan sa Biblia, aton makita nga ang “balido” lamang nga pagbunyag nasandig kon ini ginabuhat sa ngalan sang Santisima Trinidad.
Ang Sakramento sang pagbunyag ginakabig nga aton nga ikaduha nga pagkatawo. Sa aton nahauna nga pagkatawo, kita nangin katapo sang panimalay sang aton mga ginikanan. Diri sa aton nahauna nga pagbunyag ginabase ang hulubaton nga: “Blood is thicker than water.” Apang sa aton ikaduha nga pakatawo, kita nahimo nga mga “anak” sang Dios kag nangin bahin sang “daku” nga pamilya sang Dios nga amo ang Simbahan. Diri man, nagbaliskad ang aton tawohanon nga hulubaton. Ini nangin: “Water is thicker than blood.” tungud kita nangin mag-ululutod paagi sa TUBIG kag Espiritu Santo. Ang aton bala pagkabuhi, nagapamatuod nga kita mag-ululutod kag Anak sang isa lamang ka Amay sa langit?

FR. RONNIE




ISA TUNGOD SA GUGMA

Pag-abot nana sa balay halin sa eskwelahan, ong isot nga unga nga si Marriane nagbalita: “Mama, manakara nga adlaw, gintun-an namon ong Santisima Trinidad.” Ong tanan sa anda balay “excited” nga nagganyat kanana nga isugid ong ana natun-an. Si Marriane naghambal: “Akon natun-an nga daon ong Amay, ag ong Anak ag ong Espiritu Santo...” Dayon naghipos sya et makadali, kag nagpadayon.. “Ag ong Amen indi gali ya et tawo, kundi sabat lang tana!”
Ong Santisima Trinidad amo ong Amay, ong Anak nga si JesuKristo ag ong Espiritu Santo. Bisan tatlo sanda ka mga Persona, ISA lang gihapon ong aton Dios. Owa et “Manunudlo ag Gintutun-an”. Owa et “Nahauna ag Ulihe”. Owa et “Labaw ag Kabos”. Sanda Isa lamang, palareho ag nagahiusa. Ag Anda ginapakita ong anda PAG-ISA paagi sa Paghigugma.
“Kon ong isa nagahigugma sa isa pa gid ag sya lang ong naghigugma sa isa, may paghigugma matuod, apang indi on et NAHIUSA nga paghigugma. Kon ong daywa nagahigugma sa isya ag isya ag nagatao et pagpalangga ag lubos nga pagkabalaka sa isya ag isya, may paghigugma matuod apang paghigugma on nga ‘exklusibo’ ag may pinilian ag indi on et nahiusa nga paghigugma. Sa pagkamatuod, nagkatabo lamang ong nahiusa nga paghigugma kon ong daywa nga nagahigugmaanay, nagahigugma pa gid et ikatatlo. Gikan duri, aton makita nga owa et NAHIUSA nga paghigugma sa Santisima Trinidad kon may daywa lamang ka persona ag owa et ikatatlo.”(Richard of St. Victor)
Mabuhay ong Maalwan nga mga Mambusaonon!


FR. DODO

Pentecost (B)

ANG ESPIRITU– MANANABANG

Domingo subong sang Pentekostes– ang adlaw nga ginakabig sa aton selebrasyon sa Simbahan nga “Adlaw sang Pagbun-ag” sa iya, tungud sa sini nga adlaw ginbubo sa Simbahan ang grasya sang Espiriitu Santo– ang Espiritu sang Kamatuoran.
Ini amo ang ginsaad nga Mananabang nga igapadala sang aton Ginuo matapos nga Siya nagbalik sa Iya “lingkuran” didto sa langit sa Iya nga pagkayab. Amo ini ang katumanan sang Iya nga pangako sa Iya mga gintutun-an nga indi Niya sila pag-ibilin nga mga ilo, kundi Siya padayon nga maga-upod sa Iya nga Simbahan tubtub sa katapusan paagi sa presensya sang Espiritu Santo.
Ini nga Espiritu amo ang magapabakud sa ginsuguran nga simbahan o katilingban sang mga apostoles nga ginbilinan sang aton Ginuo sa pagpadayon sa pagpalapnag sang Maayong Balita sa tanan nga mga kapungsoran. Ini nga Espiritu amo ang magapa-isog sa mga “nagapalanago” kag mga “matalaw” nga mga apostoles sa pagkadto sa “mga dalanon” kag daw sa mga “hubog” (suno sa kay Propeta Joel) nga magabantala sang Maayong Balita sang Dios.
Paagi sa sining Espiritu sang kamatuoran, ang tanan nga kahadlok ginpu-as kag ginpanas. Sa baylo, ang mga gintutun-an nangin mapagsik kag wala’y-hadlok nga nagpanaksi paagi sa ila KABUHI sang Maayong Balita sang Diyos. Sa sini nga pagpanghikot sang Espiritu Santo, ang Simbahan nagpamukadkad sang isa ka bag-o nga kabuhi! HAPPY BIRTHDAY!


FR. RONNIE


ESPIRITU ET GUGMA

Ong dinaan nga estorya nahanungod sa Tore et Babel (Gn. 11:1-9) sa kadutaan et Shinar ukon Babylon nagapahangop kanaton kon ngaa ong mga tawo nagahala et mga nagakalainlain nga linggwahe nga indi maintiendihan et anda isigkatawo nga ISA man lang gani ong anda ginhalinan. Ag aton nasaydan nga ong nagtuga et karang sinamuryakot ag indi mahangpan nga hala et mga manug-obra et Tore amo ong anda nga sala, nga pareho sa sala nanday Adan ag Eba: GUSTO NANDA MANGIN PAREHO ET DIOS. Luyag nanda maglabaw sa anda limitasyon bilang mga GINTUGA lamang ag nagmatomato sa pagdesisyon kon ano ong maayo ag malain. Indi un nanda gusto magsalig sa anda Manugtuga.
Karon, ong kaluwasan naangkon lamang ni Kristo bangud et ana pagtuman sa kabubut-on et ana Amay bisan hasta sa kamatayon. Tungud et ana pagpaubos ag PAGBALIBAD nga mangin “pareho et Dios”, sya ginhimaya sa ana Pagkabanhaw. Ag ong Espiritu Santo amo ong nagapasanag et kara nga kamatuoran. Buot silingon, ong tanan nga mga tawo MAGAINTIENDIHANAY lang kon anda ilogon dyang ejemplo ni Kristo sa ana pagtao et lubos nga pagsalig sa ana Amay lamang ag indi sa ana kaugalingon nga ikasarang.
Ong Pentekostes nagaselebrar et ‘Birthday” et Simbahan, ong Kumonidad et mga Tumuluo. Kon sa aton pa, kita ginaagda sa PAGPATINDOG liwat – indi un et Tore et aton mga kaugalingon kundi et buhi ag aktibo nga ‘monumento’ o katilingban et Dios. Ag dya ong katilingban kon sa diin ong PAGHIGUGMA amo ong nagahiusa sa tanan nga mga katapu nga may nagkalainlain nga kolor, ginhalinan kag linggwahe.
Mabuhay ong Maalwan nga mga Mambusaonon!


FR. DODO

Ascension (B)

GAMHANAN NGA MGA TANDA

Nag-abut na ang tion nga nagabalik na ang aton Ginuo sa ‘pagpungko’ sa Iya trono sa ginharian sang Iya nga Amay sa langit. Nag-abut na ang ti-on nga ang Iya nga ‘presensya’ sa kalibutan magatakup na kag indi na siya makita sang Iya mga gintutun-an suno sa kina-andan nga may ara Siya nga unod kag tul-an.
Apang sa Iya nga pagkayab pabalik sa Iya ginhari-an, katahum sang mga pulong sang paglugpay kag pagpakig-anut ang Iya nga ginbilin: “Ang mga tumuluo pagahatagan sang mga gahum sa pagtabog sang yawa sa Iya nga ngalan… maghambal sang iban nga mga hambal… mag-uyat sang mga man-ug, kag mag-inum sang hilo nga indi sila mahalitan… kag magatungtong sang ila mga kamot sa mga masakiton kag ini sila magaayo!” Buot silingon nga bisan Siya magabalik sa Iya nga Amay, sa gihapon Siya ‘MAGAPABILIN’ sa ila tunga sa pagpadayon sang misyon sa pagbantala sang Maayong Balita.
Ini nga presensya sang aton Ginuo amo ang padayon nga nagapanghikot karon sa aton nga Simbahan. Siya padayon nga nagapakig-upod sa Iya nga Simbahan sa pag-alungay sini, ilabi na gid sa iya mga ministeryo sa pagpalapnag sang Maayong Balita sa bug-os nga kalibutan.
Sa Iya nga pagkayab, kita na amo ang gintugyanan sang mga hilikuton paagi sa aton mga buhat nga amo ang matuod-tuod nga tanda sang Iya ‘nagapabilin’ nga kaangtanan sa aton. Ang Kristo nga nabanhaw kag BUHI amo ang aton ginapahayag sa aton pagkabuhi!


FR. RONNIE




ONG OWA NAGBIYA NGA DIOS

“Sa isa ka Cruiseship, may isa ka gwapa nga dalaga nga aksidente nga nahulog sa dagat nga duro et mga pating. Ong amay nagaugahab nga nagapangayo et bulig sa mga pasahero nga luwason ong ana unica hija. Sang hinali lang, may isa ka soltero nga nag-dive sa tubig ag nagluwas sa dalaga. Sang nakasaka un sanda sa barko, ong amay et dalaga nga multimilyonaryo gali, nagpamangkut sa soltero kon ano ong ana gusto nga kabaylo sa pagluwas nana sa dalaga. Ong binatilyo nagsabat: “Owa takon et plano sa pag-asawa sa imo unga ukon sa imo nga kwarta. Ong gusto ko lang tana masaydan amo nga kon sin-o ong gagogago nga nagtiklod kanakon sa tubig?”
Sa tunga et Panahon et Paskwa et Pagkabanhaw ag Pentekostes amo ong aton ginasaulog manakara nga Domingo et PAGKAYAB ni Kristo palangit. Kinahanglan ni Kristo nga magbalik sa ana Amay agud nga halin sa ana Amay, Ana mapahatud kanaton ong ana Espiritu. Gani ong mga Apostoles nakasayud gid nga si Kristo owa gid man nagpanaw sa tunga nanda kundi daon man Sia gihapon paagi sa ana Espiritu nga padayon nga nagaimaw kananda.
Ong Pagkayab ni Kristo nagamarka et katapusan ag ginsuguran. Si Kristo nagtapus et ana bulohaton sa kalibutan apang sya nag-umpisa sa pagpadala et ana mga gintutun-an sa pagpadayon kara. Sya padayon nga NAGAIMAW kanaton. OWA gid sya NAGBIYA kundi padayon nga nagakabalaka kanaton. Kay sa pagkamatuod, Sya NAGAHULAT gid kanaton sa Langit. Gani kon ong mga tawo magsukna kay Kristo ngaman GINPABAY-AN nana sanda, dapat aton tana pamangkuton ong aton mga kaugalingon: “NGAMAN GINPABAY-AN TA SANDA?”
Mabuhay ong Maalwan nga mga Mambusaonon!


FR. DODO

6th Sunday of Easter (B)

MATUOD NGA PAGHIGUGMA

Isa ka Griego nga Pilosopo nga si Aristotle nagsulat: “Ang tawo nga halangdon handa sa paghimo sang tanan para sa iya mga abyan… kag kon kinahanglan, sa paghatag sang iya kabuhi para sa ila…”
Sa aton Ebanghelyo subong, ini nga mga pulong ginpahayag man sang aton Ginuo sa katapusan nga panihapon. Iya ginasiling nga ini nga paghigugma labaw sa tanan nga sahi sang paghigugma: “Ang labing daku nga gugma nga mapakita sang isa ka tawo sa iya mga abyan amo ang paghalad sang iya kabuhi sa ila… subong nga Siya naghigugma sa aton.”
Si Jesus wala magsiling nga balusan naton ang aton isigkatawo sang pareho kadaku nga paghigugma, kundi nga balusan naton ang Iya nga paghigugma paagi sa ATON PAGHIGUGMAANAY sa madalum nga paagi. Maghigugmaanay kamo subong nga Ako nagahigugma sa inyo.
Ining gugma nga ginatumod sang aton Ginuo indi sang BALATYAGON. Kon makahigugma kita sang tanan nga mga tawo sa aton balatyagon, maayo gid ini. Pero ang balatyagon daw isa lang ka ‘icing on the cake’. Indi ini ang labing importante. Ang labing importante amo ang BUHAT. Kag ang paghigugma paagi sa buhat nagakahulugan sini: pagpangamuyo, paghimo sing maayo, pagpatawad, pagbendisyon, dili paghusgar, kag pag-alagad. Ang paghigugma sa sini nga paagi– sa paagi ni Ginoong Jesus– indi sang madali nga buhaton, tungud ini indi sang ‘drama’, kundi isa ka hamtong nga desisyon!


FR. RONNIE



MAGHIGUGMAANAY KAMO!

“Isa ka adlaw, may isa ka unga nga lalake nga nagpamangkut sa ana mga ginikanan: “Siin gahalin ong GUERRA? San-o dya ginadeklarar?” Gani ong Amay, nga duro ong nasaydan sa ekonomiya, nagsugod sa paghala nahanungod sa mga humay, asayte ag sang tanan nga mga butang nga nagapasipak et kalibutan. Apang ong Iloy nagpanumdom nga tama pa ka bata et anang unga agud mahangpan nana ong ginahala et ana nga tatay, gani ong nanay nagsaligbat: “Ako bala ong pa-explikara!” Dayon ong Iloy nag-umpisa sa pagpahangup, apang ong Amay nagpangakig, ag dayon nagsugod ong tag-as tono nga pagbinaisay. Ong anda unga kinulbaan, gani nag-hands up ag nagwawaw: “Pa! Ma! Untati un ninyo on. Karon nasaydan ko un kon paano mag-umpisa ong Guerra!”
Ong pinakasentro et pagtulon-an ni Kristo amo ong GUGMA. Siling nana: “Amo ra ong akon sugo: MAGHIGUGMAANAY kamo subong nga ako nagahigugma sa inyo!” Apang dyang mando ni Kristo et paghigugma masiling naton nga malupos ukon sisiw lang naton ihambal ag himuon, labi un gid sa mga tawo nga nagapalangga man kanaton. Apang kon aton lantawon dya sa nagakahanabo manakara nga panahon, owa pa gid naton mahangpan dya sa minatuod ukon owa ginahimo ag ginasunod. Kay sa isa ka pamantalaan may nakasulat nga takus et aton nga atensyon: “Sang sulosobra lang daywa ka libo ka tuig, ginapamangkut nanda dya nga tawo kon ano bala ong ana pinakaimportante nga sugo. Sya nagsabat: “Maghigugmaanay kamo subong nga ako nagahigugma sa inyo!” Ag sa karang ana nga mensahi, nagsugod o nagtuhaw ong mga sulosobra lang sa 25 mil ka mga relihiyon – ag sanda tanan nagapaindis-indis, indi maghilisugot ag nagadumot sa isya ag isya!”



FR. DODO

5th Sunday of Easter (B)

PUNO, SANGA, KAG BUNGA

Padayon ang aton Ginuong Jesukristo sa paghatag sang mga palaanggiran sang Iya nga ‘papel’ sa kabuhi sang tagsa Niya ka mga sumulunod.
Sang nagligad nga Domingo, Siya nagsiling nga Siya amo ang Maayo nga Manugbantay, kag karon Iya ginapadayon ini sa pagpahayag nga Siya amo ang Puno sang ubas sa diin nagakuha sang kabuhi ang mga sanga kag ang mga bunga sini.
Katulad man sang mga manugbantay nga may ‘maayo’ kag ‘malain’, ang isa ka puno sang kahoy ukon ubas, may ‘maayo’ man kag ‘malain’. Ginasiling gani sang mga katigulangan: “Alang-alang man magpamunga ang santol sang bayabas, ukon ang mangga sang saging”. Ini nagalaragway lamang sang ginasiling sang aton Ginuo subong nga ’ang maayo nga puno sang ubas, nagapamunga man sang maayo’ nga bunga. kon naga-angut diri nga mga sanga, ang iya nga mga bunga, MADAMO. Apang kon wala naangut diri ang mga sanga, ini nga mga sanga WALA SING MAHIMO kag WALA SING KABUHI sa iya kaugalingon.
Amo ini ang isa ka gintutun-an… amo sini ang isa ka Kristyano… amo ini ang kabuhi sang tagsa-tagsa sa aton nga nagasunod sa aton Ginuo sa dalan sang pagtuo.
Ayhan matahum nga usisaon ta ang aton kaugalingon kon bala matuod nga ‘naangut’ kita sa kabuhi sang aton Ginuo? Ano ang aton bunga?


FR. RONNIE

KITA MGA KRISTO
“Sa isa ka lugar sa America, si Harry Fosdick nakakita et isa ka kahoy et mansanas nga punopuno et bunga, nga kinahanglan pa butangan et mga tukon ong ana sanga agud dya indi mabali bangud et bug-at et mga mansanas. Sya nagdayaw sa mga mangunguma, apang dya naghambal kanana: “Antes mo kami dayawon, lantawa danay ong puno et mansanas!” Dayon nakita nana nga may hanggud nga guhab ong puno et mansanas, nagpangutana sya sa mangunguma kon ngaa. Ong mangunguma nagpahangop kanana: “Amo on ong amon nasaydan sa mga kahoy et mansanas. Kon ong kahoy nagadyagku ag nagadabong ong ana mga dahon nga daw nagaplano sya nga kahuyon imbes nga magpamunga, amon dayon ginaguhaban ong ana nga puno. Ag bisan owa man kami kasayud et rason kara, ong resulta amo ag amo man gyapon. ONG KAHOY NAGATINGUHA GID TANA NGA MAGPAMUNGA!”
Ong ginhambal ni Kristo kanaton nga dapat kita magpabilin kanana agud kita makapamunga, pareho man sa hambalanon nga kon indi kita magsunod et ana mga gin-agihan, pag-antus ag kamatayon sa Krus, indi man kita maluwas. Makapamunga lamang kita et duro paagi sa pagbatas naton et mga pag-antus sa pagtao et aton mga kaugalingon paagi sa pag-alagad ag paghigugma sa isya ag isya. Ag dya amo man ong basehan nga kita NAANGOT gid kanana ag mga matuod nana nga mga gintutun-an.
Si Santa Teresa et Avila nagsiling: “Owa un et lawas si Kristo sa kalibutan kundi ong imo. Owa un sya et kamut kundi ong imo. Owa un sya et tiil kundi ong imo. Ong imo mga mata amo ong mga mata ni Kristo nga magalantaw ag magabulig sa mga nagakinahanglan. Sa imo mga tiil Sya magapanaw agud maghimo et mga maayo nga butang sa iban. Ag imo ong mga kamut nga Sya magapadayon sa pagbendisyon sa kalibutan”.
Mabuhay ong Maalwan nga mga Mambusaonon!


FR. DODO

4th Sunday of Easter (B)

AKO ANG MAAYO NGA MANUGBANTAY
Subong nga Domingo, aton nga ginasaulog ang Domingo sang Maayo nga Manugbantay. Gintaumod sang aton Ginuo, ang isa sang mga kamatuoran sang Iya nga misyon diri sa duta. Nagkari Siya bilang isa ka Maayo ng Manugbantay para sa Iya mga panong. Ngaman? Tungud Iya nakita nga ang kalabanan sang mga katawohan, gina-giyahan sang mga manugbantay nga indi sang minatuod– mga peke… mga sinuhulan… mga wala sing kabalaka sa ila mga panong.
Sa aton nga Ebanghelyo, ginapakita sang aton Ginuo nga may duha ka klase sang mga manugbantay ang mga karnero. Ang una amo ang mga ‘sinuhulan’ nga mga manugbantay.Amo ini ang mga manugbantay nga nga ila lang ginabuhat amo ang pag-isip sang mga inoras sa diin sila ginabayaran. Amo ini sila ang mga manugbantay nga indi na magpalawig sang ila “koriya” tungud ang ila nga ginalantaw lamang amo nga kon paano sila makaginansya. Sa malip-ot nga pulong ini nga mga sahi sang mga manugbantay sang panong nagatakus lamang sang ila ginatrabaho suno sa sweldo nga ila ginabaton. Biuot silingon, ini nga mga manugbantay mga MAISIP! Kay ang ilang ginapanumdum amo nga kon paano SILA magtambok, bisn pa ginagutum na ang ila panong.
Ang Maayo nga Manugbantay amo ang NAGAHALAD SANG IYA KAUGALINGON sa Iya panong. Amo ini ang aton Ginuo. Siya naghalad sang Iya bug-os nga kaugalingon sa aton. Kita? Paano kita mag-alagad?

FR. RONNIE



PRO-LIFE KA BALA?
Si Kristo ong MAAYO nga Manugbantay bangud sya handa sa pagtao et ana kaugalingon nga kabuhi para sa ana mga karnero. Buhaton nana ong tanan para lang nga mabuhi kita. Gani klaro gid nga ong isa ka tawo nga owa nagatahud, owa nagasakdag ag sa baylo, nagahalit pa gani et kabuhi et iban, INDI MAAYO nga Manugbantay.
“May daywa ka mag-utod nga anghel nga nagsuroysuroy sa kalibutan ag nakasampot sa mansion et isa ka dahakdahak nga manggaranon. Sanda ginpakatyog et hangolhangol nga tawo indi sa ana ‘guest room’ kundi sa isot nga lugar sa ana ‘basement’. Sang sanda nagahigda un, anda nakit-an ong isa ka BUHO sa dingding ag dayon ong magulang nga anghel nagkay-o o naglupon et buho. Sa masunod nga gab-I, sanda nagpahuway sa isa ka sobra kaalwan nga mag-asawa nga mangunguma nga nag-amuma gid kananda ag nagpakatyog pa kananda sa anda kaugalingon nga higdaan. Pagkahin-aga, nakit-an et mga anghel ong mag-asawa nga nagawawaw bangud ong anda nagaisahanon nga BAKA patay nga gahigda sa uyapad.
Dayon ong manghod nga anghel, naakig nga nagburoka sa ana magulang: “Owa ka gid tana et pulos. Ngaman ginpabay-an mo lang nga mapatay ong baka nga amo ong nagaisahanon nga pangabuhian et mag-asawa? Unfair ka! Dapat sanda tana ong buligan mo ag indi adtong sungaksungak nga manggaranon nga imo pa ginlupnan ong buho et dingding na.” Nagsabat ong ana magulang: “Indi tanan nga makita mo amo ong matuod. Pamatyagan mo lang on. Kay bal-an mo, sang nagahigda kita sadto sa basement, akon nakita sa buho nga sa pihak et dingding may daon nga mga sinako nga BULAWAN, gani akon ginlupnan ong buho agud dya indi makit-an et dahakdahak nga manggaranon. Ag kagab-I, samtang kita nagakatyog, akon nakit-an nga nag-abot si KAMATAYAN agud kuhaon tani ong asawa et mangunguma. Gani bilang kabaylo, gintao ko kanana ong baka!”
Mabuhay ong Maalwan nga mga Mambusaonon!


FR. DODO

ANECDOTE

ANIMALS GO TO HEAVEN

A cat and a mouse died on the same day and went up to Heaven. At the top they met God and he asked them 'How do you like it so far?' 

The mouse replied 'It's great, but can I get a pair of roller skates?' God said 'Sure', and he gave him a pair of roller skates. 

The next day God saw the cat and asked him 'How do you like it up here so far?' and the cat replied 'Great, I didn't know you had meals on wheels up here!'



FOOD FOR THOUGHT

“Compassion will no longer be seen as a spiritual luxury for a contemplative few; rather it will be viewed as a social necessity for the entire human family.” (Duane Elgin)

3rd Sunday of Easter (B)

HIKAPA NINYO AKO!

Suno sa aton adlaw-adlaw nga eksperyensya, kon mag-untat na ang tanan nga pamaagi sang pagpamatuod, kon mag ‘malfunction’ na ang panulukan sang aton mga mata, ang panimhot sang aton mga ilong, ang pagpamati sang aton mga dalunggan, ang katapusan na gid lang nga nagapabilin nga ‘manugpamatuod’ amo ang aton ‘sense of touch’- ang pagbatyag sang aton pagtandog.
Klaro ko gid nga matandaan sang nagbisita ako sa akon amigo nga pari nga “nagahimumugto”. Nag-untat na ang tanan sang iya mga “senses”. Indi na siya makahambal, makabati, makapanimhot, ukon makakita. Halos wala na siya ‘naga-react’ sa mga nagahanabo sa ‘gwa’ sang iya nga kaugalingon. Indi na ako kahibalo kon ano ang akon nga buhaton sang naga-atubang ako sa iya, sa pagpasalig sa iya nga bisan pa sa iya malapit nga kamatayon, yara gihapon ako sa iya luyo– naga-unong bilang isa ka abyan. Nagatulo ang akon luha samtang nagalantaw ako sa isa ka amigo nga madali nalang mabugtuan sang ginhawa. Wala gid ako sang mahimo magluwas nga “hikapon” ko ukon “tandugon’ ang iya nga kamot kag palad. Samtang ginahawiran ko siya, nakita ko nga nagtulo ang luha sa iya mga mata, kag nagsiling ang nagabantay sa iya: “Padre, nahibalu-an niya nga ari ka, ginapaabut kag gihahulat ka gid niya. Siguro makapahuway na ina siya…” Sang kaaganhon, nagtaliwan siya nga may ‘yuhum’ sa iya nga guya.
Ginatandug man kita sang aton Ginuo sa Iyang pagkabanhaw apang paano naton Siya ginatandug sa aton kabuhi?

FR. RONNIE



PANUMDUMA ONG PAGKABANHAW

Bisan daywa un ka semana ong nagligad halin sa Paskwa et Pagkabanhaw, sa gihapon, kita ginaguyod sa pagpanumdom sa pagkabuhi liwat ni Kristo. Sa manakara nga Ebanghelyo, nagpakita sya liwat sa ana mga gintutun-an sa pagsegurado sa anda nga sia nabanhaw gid et minatuod. Dya nagatudlo man kanaton et kamatuoran nga ong Pagkabanhaw indi lamang isa ka adlaw nga aton ginaselebrar ag dayon kalimtan. Ong Pagkabanhaw padayon nga nagakatabo adlaw-adlaw tungod nga ong kamatayon padayon man nga nagakatabo adlaw-adlaw.
Adlaw-adlaw, ong aton mga pamantalaan ag telebisyon naga-report et kamatayon. Ag duro man ong aton mga reaksyon ag ginapanumdom para kaon. Apang bilang mga sumulunod ni Kristo, aton dapat pirme panumdomon ong mga tinaga nana: “Ako amo ong pagkabanhaw!” Sa aton paglabay sa mga sementeryo ag mga funeraria, aton panumdomon ong pagkabanhaw. Kon may i-annunciar nga may napatay ukon mabatian naton ong pagbagting et “agonias”, aton panumdomon ong pagkabanhaw. Kon magtaliwan ong aton suod nga abyan ukon kadugo ag kapamilya, sa tunga et pag-iniyagak ag paghinibi, aton panumdomon nga may daon gid ya nga pagkabanhaw. Ag bisan sa pagpanumdom et aton kaugalingon nga kamatayon, maghugnot kita et kusog ag kabakod sa saad ni Kristo: “Ako amo ong Pagkabanhaw!”
Si F. S. Whale nagsiling: “Ong mga Ebanghelyo owa nagaexplicar et Pagkabanhaw. Ong pagkabanhaw amo ong nagaexplicar sa mga Ebanghelyo. Ong pagtuo sa Pagkabanhaw indi tana ong sugpon sa pagtuluohan nga Kristiano. Amo gid dya ong Kristiano nga pagtuluohan!”
Mabuhay ong Maalwan nga mga Mambusaonon!

FR. DODO

2nd Sunday of Easter (B)

PAGPADAYON SANG MISYON!

Ang plano sang Dios wala nagasugod sa ‘magarbo’ ukon dalagku nga mga bagay. Wala man ini nagasugod sa mga tawo nga puno sang ikasarang. Kon aton gid nga panilagan sang mayad, ang Dios gani nagpili sang mga tawo nga nagakilala sang ila kakulangan, kag nagasalig lamang sa iya… nagapali Sia sang isa ka pinakamagamay nga ‘binhi’ sang mostasa– ang pina-kadiutay nga binhi, agud nga magtubo ini kag maglambo, sa diin ang mga kapispisan makapamugad.
Ang pagbantala sang Maayong Balita ginhimo sang mga apostoles nga nagbiya kay Jesus sa Iya pasyon. Naglaum sila nga ang ‘Ginharian sang Dios’ magaabut sa mahimayaon nga paagi, gani daku gid ang ila kasubo kag kahadluk sang si Jesus gindakop kag ginkondenar. Wala sila makahangup sang gintudlo ni Jesus nga kinahanglan nga ang Mesiyas mag-antos kag mapatay, sa wala pa Sia ginhimaya.
Apang ang plano snag Dios labaw pa sa ginaplano sang tawo. Ang ‘pagkalutos’ sang mga apostoles wala nagatapos sang ila misyon. Si Jesus nga nabanhaw sa minatay nagpakita sa ila kag naghatag sing paghidait. Ginhatag man Niya sa ila ang Espiritu Santo agud mangin ila kaisug kag manugtuytoy.
Ini nga ‘pagpadala’ sa isa ka misyon sang pagbantala, padayon sa gihapon nga nagakahanabo sa kabuhi sang Simbahan. Kita amo ang mga bag-o nga gintutun-an sang aton Ginuo nga ginatawag sa pagpalapnag sang Iyang Maayong Balita sa tanan.


FR. RONNIE



IRIRIMAW SA PAGTUO

Isa ka Domingo nga aga, may tawo nga nagsulod sa Simbahan ag nagpungko sa una nga nakakalo. Sang nakita sya et sacristan, dya nagpalapit kanana ag nag-estorya ag dayon naghinyo kanana nga kon pwede bul-on nana ong ana kalo. Naghambal ong tawo: “Ow pasensya gid ha! Pero owa gid ko nalipat kara. Ginhungod ko gid gani nga magkalo. Kay sa daywa ka bulan nga sagad ko balikbalik sa kara nga Simbahan, owa gid et may nagatamyaw kanakon. Gani akon napanumdoman nga amo lang dya ong paagi agud may magsapak o may magbugno o may maestorya kanakon!”
Si Tomas owa sa “Upper Room”, ong lugar sa diin ong tanan nga mga gintutun-an nagtipon sa paglalaw sa anda namatay nga Ginoo. Sya nagpili nga magpangasubo nga ISAHANON LANG. Ag tungod nga owa sya nag-imaw kananda, owa nana nakita ong nasaksihan et tanan – Ong Nabanhaw nga Kristo. Duri ginatudlo kanaton ong Hanggud nga Importansya et PAG-IRIRIMAW ag PAGHILIUSA et mga Kristianos. Si Kristo daon sa ana Simbahan ag ong tagsa ka katapu kara maka-experiensya et labing maayo et ana presensya kon sanda tililingob ag dululungan nga nagapalapit kanana. Kay aton gid nasaydan nga ong Iglesya indi gid isa ka lugar kundi mga tawo; indi dya isa ka sagrado nga “building” kundi pagtililipon et mga tumuluo. Ong Simbahan IKAW nga nagapangamuyo, indi nga kon sa DIIN ikaw nagapangamuyo.
“May isa ka “Easter legend” nga nagasiling nga ong Ganhaan et Langit isa ka sobra ka isot nga alagyan nga ong NAGAISAHANON nga tawo indi gid makasulod duri. Ong daywa ka tawo nga nagabinuligay makakita et mahupos nga ‘entrance’. Pero kon pulo un ka bilog nga tawo nga nagahigugmaanay ong mag-abot, anda makita nga sobra tana kahanggud et ganhaan nga anda pagasudlan!” (Charles Brown)
Mabuhay ong Maalwan nga mga Mambusaonon!
FR. DODO

Easter Sunday (B)

WALA SING KAMATAYON SA GUGMA!
Suno sa pagpamalandong sa isa ka “existentialist” nga si Gabriel Marcel: “Ang pasiling nga ‘ginahigugma ko ikaw’ sa isa ka tawo amo ang pagsiling man nga ‘indi ka mapatay’… ang paghigugma, ang matuod nga paghigugma, amo mismo ang paghandum sa pagkadi-mamalatyon. Indi ini malaglag, isa ini ka nawag sang wala’y katubtuban, isa ini ka pagsubli sang wala’y katapusan…”
Si San Juan nagsiling: “ Ang paghigugma wala sing katapusan!” Magalipas ang pagtuo kag paglaum, apang ang paghigugma nagapadayon!
Ayhan amo ini ang ginpamatud-an sang aton Ginuo sa aton tanan sa sining tion sang PAGKABANHAW. Indi sarang makapahamulag sa aton ang kamatayon… ang kamatayon wala sing gahum sa isa nga nagahigugma! Ang kamatayon wala sang lugar sa isa ka kaangtanan nga nasilyohan sang matuod nga paghigugma… ang nagahigugma, nagakabuhi sang matuod– kabuhi nga wala sing katapusan.
Amo gani nga kon sa tion sang ‘Biernes Santo’, kita nagpakuribong sa kasubo tungud sang kamatayon sang aton Ginuo, karon gid nga adlaw, naga-’GWA’ kita sa aton mga kapung-aw, kag nagapahayag nga sa pagkamatuod kita ang KAHILWAYAN nag-abut sa aton tungud sa aton Dios nga NAGHIGUGMA sa aton, sa bagay nga kita may BAG-O na nga KABUHI!
Sa sini nga tion matahum nga aton lantawon ang sahi sang kabuhi nga yara sa aton. Isa bala ini ka kabuhi sang GUGMA?- Kabuhi nga BUHI?

FR. RONNIE



ONG PUNTA ET ESTORYA
Sa nagligad nga daywa ka adlaw, aton nasaksihan ong makangilidlis nga kasakit ag kamatayon ni Kristo. Isa dya ka masubo nga ESTORYA – isa ka trahedya o estorya et pagkalutos. Ong tanan nga aton ginlauman daw nagtapos duri ag pareho et daywa ka mga gintutun-an nga nagapaadto sa uma, kita nagbatyag nga nalugaw-an. Apang ong aton nabatian sang nagligad nga daywa ka adlaw indi amo ong punta et estorya. Ong katapusan indi makit-an. Ag sa isa ka maayo nga estorya, ong punta amo ong labing importante. Manakara, aton ginaselebrar ong KATAPUSAN et estorya. Manakara, aton liwat ginakanta ong “Alleluiah” nga owa naton makanta sa bilog nga panahon et Kwaresma. Ano ong punta et estorya et Semana Santa? Ong kamatayon ag pagkalutos indi amo ong ‘ending’ et estorya. Ong punta et estorya amo ong PAGKABANHAW. Dya ong pinakaimportante nga ‘kapitulo’ sa aton estorya. Paagi kara, nangin masinadyahon ong katapusan et aton estorya. Buhi ong aton Dios.
“May isa ka Misyonero sa India nga nagawali sa merkado. Pagkatapos nana et wali, may isa ka tawo nga nagpalapit kanana ag nagsuya kanana: “Kamo nga mga Kristiano dapat mag-ako nga may duro kami nga mga butang nga owa kamo ag dya mas maayo sang sa inyo!” Ong Misyonero nagpamangkut: “Ag ano on?” Nagsabat ong tawo: “Kon kami mag-adto sa amon mga ‘religious sites’, amon tana makita ong mga LUNGON et amon lideres. Amo man on ong sa amon mga lagting nga mga tawo. Makita gid namon ong anda mga bangkay sa amon pagdumdom kananda. Pero kon kamo tana nga mga Kristiano mag-adto sa Jerusalem, owa kamo et may makit-an kundi ong owa sulod nga lulubngan!” Ag nagsabat ong Misyonero: “Amo gani on ong diperensya naton. Ong inyo mga lagting nga lideres napatay ag sarang mikita sa mga lungon. Apang ong amon Kristo nabanhaw tana. Owa tana sya nagpabilin nga patay. Buhi tana ong amon Dios!”
Mabuhay ong Maalwan nga mga Mambusaonon!
FR. DODO

Palm Sunday (B)

DIOS KO! SA DIIN KA?

Mabudlay magtungkad sang kabubut-on sang Dios. Diin bala ang Dios sa kasakit ni Jesus? Kag diin man bala ang Dios sa aton kasakit? Kon kaisa, sa aton kaluya kag pag-antus, sa aton pagbatyag nga halos wala sing pulos ang aton mga paghimud-os, kita man nagasiling, “Dios ko, ngaa ginpatumbayaan mo ako?”
Kon si Jesus nga Anak sang Dios, kag ang Dios yara sa iya, ang dinalan sang pasyon suno kay San Markos nagapakita nga ang Dios nagapakilala sang Iya nga kaugalingon indi sa gahum kundi sa KALUYA! Kay Jesus, “gin-uba” sang Dios ang Iya pagka-Dios agud mabatyagan Niya ang aton pagkatawo. Ginpabay-an sang Amay nga Siya “mahuy-an” sa dili Niya pagsabat sang singgit ni Jesus. Ginhulat Niya nga matapos ang tanan, kag ginsabat Niya si Jesus paagi sa pagbanhaw sa Iya.
Sang makita sang Kapitan nga Romano kon paano napatay si Jesus, sia nagsiling: “Matuod gid nga ini nga tawo amo ang Anak sang Dios.” Para kay San Markos, kon kita nagatuo kay Jesus tungud kay Sia may gahum sa pagpangwali kag paghimo sang mga milagro, indi ini lubos nga pagtuo. Wala pa naton makilala si Jesus. Ginpamatud-an ni Jesus nga Sia matuod nga Anak sang Dios sa iya “kaluya” sa pagtuman sang buot sang Amay tubtob sa kamatyon sa Krus!
Ang Dios ni Jesus indi mahapos hangpon. Apang ini nga Dios kaupod naton sa aton kasakit, bisan pa kon kaisa indi naton mabatyagan ang Iya presensya. Kon ginhimaya Niya si Jesus, kita man, Iya paghimayaon!

FR. RONNIE



KRUS ET PAGPALANGGA

Si Maureena Fritz amo ong presidente et Bat Kol Institute nga akon gin-eskwelahan sa Jerusalem sang mga lima un ka tuig ong nagligad. Sya nagsugid nga sang una nga pag-abot nana sa Israel sang mga “70’s” agud sugdan ong Institute, nagbakal sia sa isa ka balaligyaan et ‘ice cream’. Apang sya nakibot ag nakum-an nga, sang hinali lang, may isa ka soltero nga Judeo nga naghablot et ana ginakulentas nga Krus. Abi nana kawatan dya, apang ong soltero owa tana nagdalagan kundi akig-akig nga NAGLAMPOS et Krus sa semento, nagdupla kara ag nagtinapaktapak et Krus. Dayon dya nagtulok et matalum sa ana nga nagapamangkut: “Sa diin kamo nga mga Kristiano sang ginapatay kami ni Hitler nga mga Judeo?”
Bisan kita manakara nagaselebrar et masinadyahon nga pagsulod ni Kristo sa Jerusalem, ong Ebanghelyo et Pasyon et aton Ginoo nagahatud gid kanaton sa Kalbaryo. Indi gid naton mapunggan nga mag-focus sa Krus. Ano bala ong aton pagtulok sa Krus? Isa man bala dya ka eskandaloso nga imahen pareho et pagkabig et soltero sa aton estorya?
Sa pagkamatuod, ong Krus isa ka makahaladluk o makangilidlis nga butang. Kay sa duro nga mga eskwelahan sa Germany, ong mga ginikanan et mga estudyante nagpamwersa nga bul-on ong mga nagakabit nga mga Krusipiyo sa mga ‘classrooms’ tungod siling nanda: “ong paglantaw et imahen et gin-torture nga tawo naga’traumatize’ sa amon mga kabataan”. Daw isa ka ginanggong nga panimuot! Kay aton gid nasaydan nga ong tawo nga daon sa Krus, daon dira, indi sa pagkugmat kanaton kundi sa pagpakita et ana wala’y tupong nga pagpalangga sa aton nga mga makasalala. Owa sya napatay sa Krus tungod et ana nga binuhatan kundi tungod et imo ag akon nga binuhatan. Imaw gid tani dya ong aton panumdoman samtang aton ginasaulog ong Semana Santa.
Mabuhay ong Maalwan nga mga Mambusaonon!
FR. DODO

5th Sunday of Lent (B)

TION SANG PAGHIMAYA

“Nag-abut na ang tion nga pagahimayaon ang Anak sang Tawo”. Amo ini ang ginpamulong sang aton Ginuong Jesus sa Iya mga apostoles sa Iya ginapa-abut nga kasakit, kamatayon, kag pagkabanhaw– Ang Misteryo Paskwal nga ginakabig nga tatlo ka halintang sa isa ka hitabo.
Wala sang himaya ukon pagkabanhaw kon wala sing kasakit kag kamatayon. Sa bagay nga nagsiling ang aton Ginuo nga : “Ang isa ka binhi sang humay indi magdamo kon indi pag-ipanggas sa duta kag mapatay. Kon mapatay siya, magapamunga ini sing madamo.”
Kon luyag naton mahangpan ang mga pulong sang aton Ginuo kag ining mahimayaon nga kabuhi nga Iya ginatan-ay sa aton, dapat “ubahon” naton ang aton nga “kutiba” sang daan nga pagkabuhi- ang aton nahulog sa sala nga pagkatawo. Ini dapat nga “mapatay” kag ilubong upod sa aton Ginuo, agud kita magtuhaw bilang isa ka “bag-o” nga tinuga sa kay Kristo.
Sa aton nga kamatayon sa aton pagpakasala, kita maga-ambit sang isa ka bag-o nga kabuhi sa kabuhi sang aton Ginuong Jesus.
Amo ini ang kwaresma. Pagbiya sa sala kag pagtuo sa Maayong Balita!

FR. RONNIE



MORTIFICATION

“May daywa ka mag-utod nga lalaki. Ong magulang matarung, mahugod ag mahinadlukon sa Dios apang ong manghod salbahe nga daw terorista. Duro nga mga tiempo nga ong manghod kaagahon un mag-abot, duro dala nga kwarta ag hilonghilong. Ong magulang pirmepirme man nagalaygay kanana sa pagkabuhi et maayo pero indi gid sia magpati. Isa ka gab-I, ong manghod nagadalidali nga nagsulod sa anda balay nga nagabitbit et pusil ag puno et dugo ong ana bayu. Sya nagtuad: “Nakatiru ako et tawo!” Sa dili lang mabuhay, ong anda balay napalibutan un et mga pulis ag nasaydan et mag-utod nga indi un sanda kapalagyo. “Noy, indi ko hungod nga patyon sia..”, nagakurog nga hambal et manghod, “Indi ko gusto nga mapatay noy!” Sa kara nga tion, ong mga pulis nagapanuktok un sa pwertahan. Ong magulang may nadumduman nga himuon. Ana ginkuha ong baril sa manghod ag ginsuksok ong ana duguon nga bayu. Sya ong gindakop et pulis ag ginpamatbatan et ‘lethal injection’ sa krimen nga ‘murder’. Sya napatay ag ong ana manghod nabuhi. Nagpanginmatay sia para sa ana utod.”
Dya nga estorya nagatao et minatuod nga halimbawa et ginatumod ni Kristo nga ONG KAMATAYON NAGATAO ET KABUHI. Dya nga kamatuoran makita man naton sa aton matag-adlaw nga pagpangabuhi. Himutari bala ong posporo. Di bala nga kinahanglan danay et posporo nga magsigrab ukon maupod o mapatay sa ana pagkapalito agud magtao et siga sa shellane o sa tinig-ang mo? Kamatayon nga nagatao et kabuhi. Ong tubig nga ginapaligo ta. Di bala kinahanglan danay et tubig nga maghigku o mapatay sa ana pagkalimpyo agud magtinlo sa aton mga lawas? Amo man on ong “ice cube”. Kinahanglan danay et ‘ice’ nga mapugdaw agud magtao et lamig sa tubig ukon sa mga tanduay dark o beer nga ginainum mo.
Paagi sa kamatayon, dya tanan ag duro pa nga mga bagay, nagabag-o ukon nagataas ong kahulogan ukon nagatao gid et kabuhi. Ag imaw dya ong kahulogan et “MORTIFICATION” o pagpakamatay sa kaugalingon nga ginatudlo ag ginbatas man et Ginuo bangud et ana wala’y tupong nga pagpalangga kanaton.
Mabuhay ong Maalwan nga mga Mambusaonon!

FR. DODO

4th Sunday of Lent (B)

ANG HINIGUGMA NGA GINHALAD
Samtang nagahilapit na ang Semana Santa, ginhatagan naton sing pagtamod ang pag-antus ni Jesus. Sia nagpanagna tuhoy sini. Subong nga si Moises nagbayaw sang man-og nga saway sa tukon didto sa desierto, Sia man pagabayawon sa Krus.
Suno sa aton Ginuo, ini nga paghalad Iya nga pagabuhaton tungod sang Iya paghigugma sa Amay kag sa bug-os nga katawhan. Paagi sini “ang tagsa-tagsa nga nagatuo sa Iya indi na mapatay, kundi may kabuhi nga wala sing katapusan.”
Ini nga sakripisyo nga pagabuhaton sang aton nga Ginuo isa ka pagtuman sang pagbuot sang Amay– ang pinalangga kag Bugtong nga Anak– para sa kaluwasan sang kalibutan.
Ang paghalad nga ini sang langitnon nga Amay nagapahanumdum sa aton sang isa pa ka amay: Si Abraham. Sa iya katigulangon, si Abraham ginhatagan sang Dios sang isa ka matuod nga manunubli– si Isaac nga iya anak kay Sara, nga amo ang magadala sang iya ngalan. Apang ginpangayo sang Dios sa iya si Isaac- “ihalad mo siya bilang sinunog nga halad!” Abaw kasakit man sini! Nagadugo ang kasing-kasing ni Abraham, apang wala niya gindumili ang iya anak sa Diyos. Siya nagtuman… siya nagmasinulundon!
Ginpungggan sang Dios si Abraham sang makita niya ang katutum ni Abraham, apang wala Niya ginpunggan ang paghalad sang Iya Anak tungud sang Iya nga paghigugma sa aton. Amo kita sini KAMAHAL sa mata sang Diyos!

FR. RONNIE



MAN-OG
Duro nga mga simbolismo ong naangot sa imahen et MAN-OG. Sa mga sinauna nga mga pagano nga relihiyon, ong mga man-og ginakabig nga pagpakita et mga diosdios et “fertility” o pagpaduro et unga. Ong mga manugbasa et Biblia nakakita et man-og bilang isa ka “manugsulay” nga nagpalayas kanday Adan ag Eba sa paraiso (Gen. 3). Apang ong simbolismo nga mas ginapatihan et kadam-an, amo nga ong man-og nagapatimaan et “KABUHI AG KAMATAYON”. Para sa sinauna nga mga tawo, ong man-og ginakabig bilang dios et kadadalman o kamatayon. Apang kay tungod ong man-og nagapangluno o nagabaylobaylo et ana panit, ginakabig man dya nga sarang makabag-o et kabuhi. Gani ong man-og sapat et kabuhi ag kamatayon.
Dya nga palatandaan nahanungod sa man-og amo ong naexperiensyahan et mga Israelinhon sa desierto (Nm 21: 4-9). Tungod et anda pagrebelde sa Dios ag kay Moises, ong Dios nagpadala et mga mabangis nga mga man-og nga nagtukob o nagbuntog ag nagpatay et duro kananda. Karon, sang sanda maghinulsol, ong Dios nagmando kay Moises sa paghimo et man-og nga saway sa isa ka tukon agud nga kon sin-o man ong makagat ag dayon magtulok duri, magaayo ag mabuhi.
Si Kristo nagmuno man et karang naagihan et mga Judeo sa desierto, apang sya nagasugid pa gid et lain ag mas makahulogan nga pagpatongtong sa isa ka kahoy – ong ana kamatayon sa Krus. Kon ong mga Judeo dapat magtulok sa man-og nga saway agud mabuhi. Kita ana dapat magtulok sa Krus ni Kristo agud maluwas. Kay dyang Krus amo ong minatuod nga palatandaan nga ong Dios nagapalangga gid kanaton. Si Karl Barth, isa sa mga labing maayo nga mga theologo sa 20th Century, ginpamangkut: “Sa tanan nga mga ideya nga daon kanimo, ano ong pinakamadalum ag pinaka-the best sa anda?” Sya nagsabat: “Palangga ako ni Kristo!”
Mabuhay ong Maalwan nga mga Mambusaonon!


FR. DODO



A Match Fixed in Heaven

The Pope met with the College of Cardinals to discuss a proposal from Benjamin Netanyahu, the leader of Israel. 
"Your holiness," said one of the Cardinals, "Mr. Netanyahu wants to determine whether Jews or Catholics are superior, by challenging you to a golf match." The Pope was greatly disturbed, as he had never held a golf club in his life.
"Not to worry," said the Cardinal, "we'll call America and talk to Jack Nicklaus. We'll make him a Cardinal; he can play Netanyahu. We can't lose!" Everyone agreed it was a good idea.
The call was made and, of course, Jack was honored and agreed to play. The day after the match, Nicklaus reported to the Vatican to inform the Pope of his success in the match. "I came in second, your Holiness," said Nicklaus.
"Second?!" exclaimed the surprised Pope. "You came in second to Benjamin Netanyahu?!"
"No," said Nicklaus, "second to Rabbi Woods.

FOOD FOR THOUGHT

“The important thing is this: to be ready at any moment to sacrifice what you are for what you could become.” (Charles Dickens)

BITS AND PIECES

“Did You Know?”

Q. Why do ships and aircraft use 'mayday' as their call for help?
A. This comes from the French word m'aidez - meaning 'help me' - and is pronounced approximately, 'mayday.'

Q. Why are zero scores in tennis called 'love'?
A. In France , where tennis became popular, round zero on the scoreboard looked like an egg and was called 'l'oeuf,' which is French for 'egg.' When tennis was introduced in the US , Americans (mis)pronounced it 'love.'

3rd Sunday of Lent (B)

TEMPLO KAG PRESENSYA SANG DIOS

Ginadayaw sadto anay ang katahom sang templo (simbahan) sang Jerusalem sa sini nga mga pulong: “Ang wala makakita sang Jerusalem wala makakita sang matahum nga siudad!” Suno sa Biblia, ini nga Templo napugtakan sang mga malahalon nga mga bato, mga bulawan, kag mga diamante. Ini tanan nahimo tungud ini gin-”renovate” ni Haring Herodes bilang iya “regalo” sa mga Hudiyo. Naka-abut sa 46 ka tuig ang pagpaobra sini ni Haring Herodes.
Gani daw ano gid kadaku ang kabalaka sang mga pangulo sang mga Judio sang makita nila si Jesus nga “nagpaninlo” sang templo. Sanglit kay kinahanglan sa sakripisyo ang mga sapat kag ang pagbaylo sang kwarta, indi lang pagpaninlo ang ginhimo ni Jesus kundi pagbutang man sa alang-alang sang kahulugan sang Templo. Dayon may ginsiling Sia nahanungud sa “pag-guba” sini! Bisan pa nga bug-os ang ila pagtuo nga ang Dios dili magbiya sa iya templo, indi madula sa mga Judio ang kahadluk nga maguba ini.
Si Propeta Jeremnias nagpaandam sadto anay nga ang templo indi garantiya sang kalig-onan. Kon himuon man lang ang temlo nga “kweba sang mga kawatan,” gub-on sang Ginuo ang Iya nga balay pareho sang Iya ginhimo sa Shiloh (Jer 7: 11-14). Naguba man ang templo nga ginpatindog sadto ni Haring Solomon.
Ang Templo nagapatimaan sang balaan nga PRESENSYA sang Dios, amo gani nga para sa aton Ginuo, dapat ini “matinlo” indi lamang sa iya pang-gwa nga dagway kundi labi na gid sa “KASING-KASING” sang nagahalad diri. Hantup bala ang aton tagipusuon sa aton paghalad sa Dios?

FR. RONNIE



ONG NAGAPANGAKIG NGA DIOS

Ong CODE of CANON LAW nagasiling: (Can. 1210)“Sa isa ka sagrado nga lugar, ang ginatugutan lamang amo ang mga butang nga nagapasanyog sang pagsimba, pagpakasantos kag relihiyon. Ang bisan ano nga butang nga wala nagakaigo sa pagkabalaan sang lugar dapat pamalabagan….” Kag (Can.1211) “Ang mga Sagrado nga mga Lugar sarang ‘ma-DESACRAR’(madula ang pagkabalaan sini) paagi sa mga binuhatan nga sobra ka makahalalit kag nagtao sang ‘SCANDAL’ sa mga tumulu-o…”
Ngaman si Jesus nangakig? Ngaman naghimo Sya sang inughanot nga lubid kag ginpanabog ang tanan upod na ang mga kasapatan pagwa sa Templo? Ngaman naghambal Sya nga “INDI NINYO PAGHIMOA NGA BALALIGYAAN ANG BALAY SANG AKON AMAY”?
Una sa tanan, Si Jesus nagbalingaso sa pagpangakig tungod ‘ang Balay sang Dios ginadesacrar’. Wala ginataha ang pagkasolemne sang Templo. Ara ang kinagamo sang mga nagabaligya nga NAGAPAMINTAHA sa buot magsimba sa Dios.
Ikaduha, nagpangakig si Jesus tungod buot Niya ipakita nga ‘ang Halad nga sinunog nga mga Kasapatan wala na sang pulos’. Sa aton pagsimba, ang ginapangita sang Dios, indi ang mga halad nga sinunog, kundi ‘ang aton malimpyo nga taguipusuon’.(cf.Isaiah1:11-17;Jeremiah7:12;Hosea 5:6&8:13; Psalm 51:16)
Ikatlo, tungod buot Nya ipahanumdum ang permanente nga kamatuoran: “Ang Akon balay pagatawgon nga BALAY SANG PANGAMUYO sa tanan nga mga kapungsuran” (Mark 11:17).
Mabuhay ong Maalwan nga mga Mambusaonon!


FR. DODO



LENT: OUR SPIRITUAL TITHING

The penitential season of Lent is the period of forty week-days beginning on Ash Wednesday. It is a season of the Church year that commemorates the forty days Jesus fasted and prayed in the wilderness before He began His public ministry of preaching for repentance. Six Sundays are within the season; the last, Passion Sunday, marks the beginning of Holy Week. Holy Thursday begins the Triduum (three days) before Easter day, which includes Good Friday and Holy Saturday.

The Church has devoted a period of time to prayer and fasting as a preparation for the liturgical commemoration of the Passion of Christ and the celebrations of the feast of the Resurrection, Easter Day, since very early times. In 604 Pope Gregory I defined Lent as "The spiritual tithing of the year", a time of solemn spiritual and physical preparation for our own acceptance of salvation through Christ's sacrifice. (Ordinary tithing meant to give a tenth part ­ a tithe ­ of one's goods to God. Lent's forty days represents about a tenth of the year.)

The word "Lent" comes from the Anglo-Saxon word "lencten", referring to the lengthening of days in the Spring. Lent, of course, is an English word. In Latin, still the official language of the the Catholic Church, the entire season is known as Quadrigesima, or "forty".
The season of Lent calls Christians to imitate the forty days of prayer and fasting of Jesus. The period of forty days is significant. When God punished the sinfulness of mankind by the Flood, the rain lasted forty days and forty nights. Moses led the Hebrew people out of bondage in Egypt, but they wandered forty years in the desert before reaching the promised land. Elijah fasted and sought God's will on Mount Horeb for forty days. Jonah prophesied the destruction of Nineveh in forty days

2nd Sunday of Advent (B)

KAPASLAWAN… KADALAG-AN
Kanami na sang pamatyagan sang mga apostoles sang sila padayon nga nagasunod sa aton Ginuo. Sikat na sila! Bisan diin sila magkadto, gina-apungan sila sang mga tawo. May gahum man sila sa pagpang-ayo kag pagtabog sang mga malain nga espiritu, bisan pa kon kaisa, kulang-kulang pa ang ila nga pagtuo. Apang bisan pa sa mga sitwasyon nga subong sina, wala gid sila nahadlukan kay yara dayon ang ila nga “hero”- ang aton Ginuong Jesus.
Sing wala pagduhaduha, ang mga apostoles “maisog” tungud sila nagapati nga ang aton Ginuo, amo na ang Makagagahum nga magahilway sa ila sa ila pagka-ulipon sa diin, ila ginapahamtang ang ila paglaum nga maangkon ang ila “pagdaug” sa mga nagapigos sa ila!
Daw ano ayhan ang ila pagkapaslaw sang ila mabatian ang aton Ginuo nga nagapanagna nga Siya magabalik sa Jerusalem agud mag-antus, mapatay, kag mabanhaw! Huh! Para sa ila, indi ini nagakabagay para sa aton Ginuo kag indi man ini mahangpan sang ila “manubo” nga painu-ino– ano nga kamatayon? Ano nga pagkabanhaw?
Agud maka-”sid-ing” sila sa ginapangako nga kabanhawan sa likod sang kamatayon, sila karon ginpakita-an sang ginapa-abut nga himaya nga ila man sa ulihi pagapakig-ambitan.
Ginasiling sang mga eksperto sa bibliya, nga ang hitabo sang PAGBAG-O SANG DAGWAY ni Kristo, nagapahayag sang isa ka daku nga PAGLAUM, nga sa likod sang tanan nga mga pag-antus nga mga pagtilaw sa kabuhi, may KADALAG-AN nga nagahulat sa tagsa-tagsa. Indi kita magdula sang paglaum!
FR. RONNIE
FOAM
“Isa ka adlaw, sa anda hardin, may isa ka unga nga babaye nga nagpamangkut sa ana nanay kon ngaa ginabutangan et “IPOT” ong mga “flower pots”. “Ah, ginabutangan kaon, anak, bilang abono. Agud madasig bala nga magpamukadkadkad ong aton mga bulak!”, sabat et nanay na. Naglibog ong ulo et unga ag nagtindog sya sa tupad et isa ka ‘flower pot’ ag nagpanumdom et madalum. Sang hinali lang, nagsidlak ong ana mga mata ag naghambal sa ana nanay: “Ah, saydan ko un nay! Naintiendihan ko un. Nagadasig ong pagpamukadkad et mga bulak kon butangan mo et ‘ipot’ tungod gasako man sanda nga makapalagyo sa ‘baho’ kana!”
Indi taton makapalagyo sa pag-antus et Krus sa aton kabuhi, apang si Kristo nagatao et KAHULOGAN sa karang mga ‘krus-es’ sa aton kabuhi. Kay sa kaon nga mga ‘krus-es’ daon ong liso et kadalag-an et Pagkabanhaw. Owa kita nagaantus sa owa. Nagaantus kita sa daon. Ag kaon nga daon amo ong liso et himaya et Transfiguration. Dya amo ong liso et promisa nga kon kita mangin tampad ag matutom lamang sa pagsunod kay Kristo, piho man nga kita mabanhaw pareho kanana.
Ong Pagbag-o et dagway ni Kristo amo ong liso et PAGLAUM nga, kaangay et “foam” nga aton ginaludhan, ginapungkoan ag ginahigdaan, nagpahaganhagan et nagapadulong nga ‘impact’ et ana kamatayon sa ana mga gintutun-an. Kay sa pagkamatay ni Kristo, ong anda nga pagtuo kanana, segurado gid nga nauyog. Kon indi sa karang Transfiguration, ayhan mangin sobra gid ka budlay para sa anda ong pagtukib et himaya sa likod et Krus. Gani pat-ud nga dyang Transfiguration gid amo ong nagsakwat kananda sa tion et pag-antus et Ginuo. Tani imaw man dya ong magtao kanaton et paglaum sa tion et kapiot sa aton kabuhi.
Mabuhay ong Maalwan nga mga Mambusaonon!
FR. DODO

1st Sunday of Advent (B)

PAGPANIBAG-O KAG PAGPAUBOS!
Sa aton pagsugud sang Domingo sang Kwaresma, kita ginapanawagan sang aton Ginuo sa pagtadlong sang aton tiko nga pangabuhi sang pagpakasala, kag sa pagpati sa Maayong Balita.
Ini amo ang maathag nga mensahe sang aton Ginuo sa Iya nga ministeryo publiko. Ang Maayong Balita nga Iya nga ginadala amo ang Maayong Balita sa PAGPAHAULI sang nabuong ukon naguba nga kaangtanan sang tawo sa iya nga Dios kag sa iya isigkatawo.
Para sa aton Ginuo, may KAHIGAYUNAN ang tanan sa pagbalay sang isa ka maayo nga pagtamdanay, kag siya mangin bug-os liwat bilang isa ka tinuga suno sa laragway sang Iya Manunuga.
Ang PAGSUGUD liwat indi sang mahapos nga buluhaton. Nagakahulugan ini sang PAGKAMATUTUM sa aton nga desisyon sa PAGPANIBAG-O. Madamo nga mga PAGSULAY ang aton atubangon nga sarang makaganyat sa aton sa “pagbalik” sa aton nagliligad sa diin kita “mas kumportable” ukon para sa aton “mas mahapos” nga pangabuhi.
Katulad sa aton Ebanghelyo, ginpakita nga ang aton Ginuo ginpakadto sang Espiritu sa desierto, sa diin Siya ginsulay ni Satanas. Sa sini man, ginpakita nga ang aton Ginuo nangin madinalag-on tungud pagkatapos sang pagsulay, Siya nagbantala dayon sang Maayong Balita sa Galilea.
Paano si Jesus nangin madinalag-on? Paagi sa Iya pagpabilin nga MAPAINUBUSON NGA MASINULUNDON sa binubuot sang Iya nga Amay. Bisan pa tubtub sa Krus, si Jesus padayon nga ginsulay, apang Siya wala gid nagpa-ibabaw sa kabubut-on sang Iya Amay.
Ang himaya nga matuod maangkon lamang paagi sa dalan sang PAGPAUBOS!

FR. RONNIE


LENT
“May pari nga nagtao et “Recollection” sa isa ka grupo et mga estudyante agud ana sanda preparahon para sa Semana Santa. Nag-umpisa sia sa kara nga mga tinaga: “Duro un nga mga Kwaresma (Lent) ong naglipas sa inyo kabuhi, apang kasayud bala kamo et buot silingon kaon? Karon, gusto ta kamo pamangkuton: What is Lent?” Isa ka daw tikalon nga estudyante ong nagsabat: “Father, sobra ka simple naman et imo pamangkut. Sisiw lang on.” Gani sya tumindog ag bugalon nga nagbungat: “LENT is the past tense of LEND!” Tama!!!
Kon English Grammar ong pagahambalan, TAMA ong sabat et pamatan-on. Ag kon aton pa gid dya padalman, dya nagapasat-um kanaton et kamatuoran nahanungod sa aton kabuhi. Nga ong aton kabuhi, GIN-LENT ukon GINPAHULAM lamang kanaton et Dios. Sya ong nagtao; Sya ong tag-iya et aton kabuhi. Gani dapat ta dya nga halungan kay indi man tana dya aton.
Sa karang Nahauna nga Domingo et Kwaresma, si Kristo nagawali kanaton: “Nag-abot un ong nagakaigo nga tion. Ong Ginharian et Dios malapit un. Bayai ong inyo mga sala ag magpati sa Maayong Balita.” Dya nga pagwali, panawagan sa PAGHINULSOL. Ag panawagan man dya sa PAGPATI nga ong katapusan nga Pulong et Dios sa tawo ag sa kalibutan indi et KINAGAMU kundi KAHUSAYAN, GRASYA AG BENDISYON. Duri sa karang mga paghangkat ni Kristo, napasad ong kahulogan et Kwaresma. Apang ginasabat ta gid man bala Sya paagi sa paghimo et mga ginpangwali Nana?
Mabuhay ong Maalwan nga mga Mambusaonon!

FR. DODO

7th Sunday in OrdinaryTime (B)

DIOS LANG ANG MAKAPATAWAD!

“Anak ko, napatawad na ang imo mga sala”. Ini nga mga pulong sang aton Ginuo, nagatagring sa dalunggan sang mga Manunudlo sang Kasuguan sa Iya nga panahon. Para sa ila isa ini ka daku nga sala sa Diyos, tungud, ang Diyos lang ang sarang makapatawad! Ginabase ini nga ideya nga ang “sakit” ukon ang “kasablagan” sang lawas sang tawo nagagikan sa iya pagkabuhi sa kasal-anan. Kag gani, ang sakit isa ka”silot” nga ginhatag sang Diyos sa tawo bilang kabayaran sa iya nga kasal-an, kag gani ang Dios lang lang ang sarang makahatag sang kapatawaran sa tawo nga nakasala!
Sa pihak nga bahin, kon kita ginapatawad sang Dios, indi naton makita ang “epekto” sini sa aton mga mata, tungud gani ang pagpatawad maeksperyensyahan lang naton sa aton pagtuo kag pagsalig. Gani ang resulta sang pagpatawad mas mangin hayag paagi sa mga bagay nga “makita” sang aton mga mata! Sa pag-ayo sang aton lawas, labi nga ginapakita ang gahum sang Dios nga Siya nagapatawad.
Amo ini ang sitwasyon sang aton Ginuo sa atubang sang mga “malisyoso” nga mga Manunudlo sang Kasuguan nga nagapangita lang sa padihot agud may i-akusar sila sa aton Ginuo nga kasal-anan.
Nahibaluan sang aton Ginuo ang ila nga panumduman, sa bagay nga sa sini gid nga tion, ginpahayag Niya ang gahum sang Diyos kag ang Iya PAGKA-DIOS paagi, indi lamang sa pagpatawad, kundi paagi man sa pag-ayo!
Sa kay Jesus, gina-uli ang kaangtanan sang isa ka tawo nga makasasala sa Diyos. Magpalapit kita sa Iya!

FR. RONNIE




PANGAGDA SA PAGPATAWAD

Sa Ebanghelyo, si Jesus nag-ayo et isa ka paralitiko paagi sa pagsiling nga: “Ginapatawad un ong imo mga sala!” Gani ong mga Manunudlo et Kasugoan nga daon didto nagprotesta sa ana ginhambal kay para kananda, owa et may makapatawad et sala kundi ong Dios lamang. Apang paagi sa pag-ayo ni Kristo sa paralitiko, ana ginapahayag nga ong gahum sa pagpatawad indi et ana lamang et Dios, kundi nga bisan ong isa ka tawo, may gahum man sa pagpatawad.
Huo, ong pagpatawad indi et ‘exclusibo’ nga kinamatarung et Dios kundi nga kita man may kinamatarung bilang ana mga unga. Kay sa pagkamatuod, indi bala nga kita ana ginmanduan nga magpatawad, indi lamang et makapito, kundi kapituan kapito? Gintudloan man kita nga magpangamuyo sa Dios “nga patawaron ong aton mga sala subong nga ginapatawad man naton ong mga nakasala kanaton”. Kita ginapahug pa gani sa pagpatawad et aton mga utod kay kon indi, indi man pagpatawaron ong aton mga sala. Buot silingon, si Kristo nagapangagda sa mga Manunudlo et Kasugoan nga mangin MAPINATAWARON, kasubong nga ana man ginawaragwag nga ong pagpatawad, ulobrahon ukon responsibilidad et tanan nga buot magsunod kanana.
Gani, aton buligan ong mga tawo sa ‘paghimos et anda banig ag sa pagpanaw’, sa pagkalipat ag pagbiya et anda mga sala, agud nga sanda magpadayon et anda kabuhi sa bag-o nga pagkabuhi. Ong Dios, sa oras nga tanan, nagabukas et pwertahan et pagpatawad para sa aton. Amo man on ong aton himuon sa isya ag isya.
Mabuhay ong Maalwan nga mga Mambusaonon!

FR. DODO

6th Sunday in Ordinary Time (B)

BAG-O NGA KABUHI KAY JESUS

Sang panahon ni Jesus, ang mga aruon ginalikawan sang tanan. Ang mga aruon nagapahilayo sa katilingban, kag kon sila may masumalang, nagapaandam sila paagi sa pagsinggit: “Di-matinlo ako, di-matinlo ako!” (Nahauna nga Balasahon).
Ang aru nagikan sa Griego nga tinaga “leptein”, nga ang buot silingon, “nagakahulog ang panit.” Mga sahi ini sang katol. Indi ini sang “Hansens’s disease” sa panahon subong kag indi tanan nga katol makalalaton! Apang ginakangil-aran ang aru tungud “ginahigkuan” sini ang tawo kag gindumilian sa pagsimba sa Dios sa sinagoga ukon templo. Ang pari lamang ang makadesisyon kon nag-ayo na ang tawo sa sini nga balatian.
Tungud ginhimulag ang tawo sa iya pamilya kag ka-kilala, kag indi siya makapalapit sa pagsimba sa Dios, ginakabig siya nga “patay” bisan pa nga buhi pa siya. Gani ang pag-ayo sa aru daw isa ka”pagkabanhaw” sa minatay– kag ang Dios lamang ang makahimo sini. (Num 12: 10-12; 2 Hari 5: 7)
Ang aru simbolo sang kasal-anan. Katulad sang isa ka aruon nga nagluhod sa atubangan ni Jesus agud siya ayuhon, kita man nagaluhod sa kumpesyonaryo agud makabaton sang patawad. Kag ginahatag sa aton ang absolusyon. Paagi sa ministeryo sang Simbahan, ginahatag sa aton sang Dios ang Iya patawad, paghidait, kag bag-o nga kabuhi!
Ayhan wala kita sang aru nga makita sa aton mga panit, apang sa sulod sang aton matuod nga pagkatawo, nagaka-mi-mi ukon nagakatiphag na ang aton kalag sa pagpakasala. Magluhod kita sa atubangan ni Jesus kag magbaton sang bag-o nga kabuhi!

FR. RONNIE



ZOMBIES
Sa tiempo ni Kristo, ong sakit nga aru ginakabig et mga Judeo nga isa ka makangilil-ad nga sakit, pareho et Cancer ukon AIDS sa aton panahon. Apang, sa minatuod, labaw pa kaon ong anda pagtulok sa aru. Ginakabig nanda ong aru nga isa ka sumpa ukon hiwit et Dios, isa ka pena bangud et mabahol nga sala. Ong isa ka aruon ginakabig nga zombie ukon patay un bisan buhi pa sia. Ginahusgahan sia nga mahigku, isa ka kahuluy-an sa ana pamilya. Gani ong aruon ginadumilian sa pagsulod sa isa ka pampubliko nga lugar. Ag ginadumilian man ong tanan sa pagpakisugilanon o pag-imaw kanana. Kay kon sin-o man ong magtandog kanana, kabigon man nga mahigku ag sikwayon man et tanan. Apang amo gid gani on ong ginhimo ni Kristo: Sia nagsalimuha sa isa ka aruon. Ana gin-untay ong ana kamut ag gintandog ong aruon ag sia nagpakighala kanana. Imbes nga sia magpangilidlis sa aruon, sia nagbatyag et kaluoy kanana. Gani sa pag-ayo kanana, si Kristo nagpahauli sa aruon sa komunidad ag nagbalik kanana et ana dignidad bilang unga et Dios.
Manakara, bangud et ‘advances’ et aton medisina, ong aru may bulong un. Talagsa ka un gid lang makasugata et aruon sa dalan. Apang may daon man kita nga mga “moderno” nga mga aruon. Sanda ong ginakabig et aton sosyedad nga makangilil-ad ag mahigku, gani dapat likawan ag sikwayon et mga tawo. Pareho dabi et mga pokpok, mga priso ag mga ‘ati’ nga masami ginapakanubo ag ginahalitan et mga tawo. Ano ong aton pagtratar ag pagkabig kananda? Bilang isa ka Kristiano, ano ong aton ginahimo kananda? Aton lamang tandaan nga ong nagtulod sa kay Kristo sa pag-ayo sa aruon, nagpangibabaw ong ana kaluoy sang sa paghimo et hustisya. Tani mangin amo man kita kaon.
Mabuhay ong Maalwan nga mga Mambusaonon!
FR. DODO


ANECDOTE

A CHRISTIAN DEED

An atheist was taking a walk through the woods. "What majestic trees! What powerful rivers! What beautiful animals!" he said to himself.
As he was walking alongside the river he heard a rustling in the bushes behind him. He turned to look and saw a 7 foot grizzly bear charge towards him. He ran as fast as he could up the path. He looked over his shoulder and saw that the bear was closing in on him. He looked over his shoulder again and the bear was even closer. He tripped and fell on the ground. He rolled over to pick himself up but saw the bear right on top of him, reaching for him with his left paw and raising his right paw to strike him. 
At that instant the Atheist cried out to the Lord. 
Time stopped, the bear froze, the forest was silent. A bright light shone upon the man, a voice came out of the sky, "You deny my existence for all of these years, teach others I don't exist, and even credit creation to a cosmic accident. Do you expect me to help you out of this predicament? Am I to count you as a believer?" 
The atheist looked directly into the light, "It would be hypocritical of me to suddenly ask you to treat me as a Christian now, but perhaps could you make the BEAR a Christian?" "Very well," said the voice. The light went out. The sounds of the forest resumed. And then the bear dropped his right paw, brought both paws together and bowed his head and spoke: "Lord, bless this food, which I am about to receive through Christ our Lord, Amen."

FOOD FOR THOUGHT

“It is never too late to be who you might have been.” (George Eliot)

5th Sunday in Ord. Time (B)

PANGAMUYO: UNA SA TANAN

Sang panahon sang aton Ginuo, ang mga lugar nga Iya ginakadtuan nagaginutok sang mga tawo tungud Siya nagapang-ayo kag nagabulig sa ila. Bisan diin Siya magkadto nga mga kabanwahanan, Siya gina-apungan sang mga tawo nga luyag mag-ayo sa ila mga balati-an. Apang aton matalupangdan nga daw sa wala nagabatyag sing “kakapoy” ang aton Ginuo. Daw indi Siya sang “burn-out” sa Iya mga hilikuton. Daw may tuburan sa Iya kaugalingon sang enerhiya nga ginahalinan sang Iya nga kusog kag kabakud. Diin bala naghalin ini nga kabaskug? Ano ang nagahatag sa Iya sang kusog, paghigugma, kaluoy, kag kalulo?
Si San Markos, sa aton Ebanghelyo nagapahayag sang sikreto ni Jesus: “Madulomdulom pa sang masunod nga aga, si Jesus nagbangon kag naggwa sa balay. Nagkadto Siya sa maligwin nga duog sa gwa sang banwa sa diin Siya nagpangamuyo.” Sa pagkamatuod, ang pangamuyo ang ginagikanan sang espirituhanon nga kusog ni Jesus!
Ang pangamuyo amo ang “oxygen” sang kalag. Kon wala kita nagapangamuyo, indi makaginhawa ang aton kalag, sa bagay nga katulad sang aton Ginuo, dapat kita magtigana sang oras sa aton orasan, agud kita makaangkon sang tion sa “pag-ginhawa” sing masulhay kag agud mangin mabakod kita sa bisan ano man nga mga kabudlayan ang aton masumalang sa aton adlaw-adlaw nga pagkabuhi!
Ang pagpangamuyo amo ang dapat mangin sadsaran kag mangin pagsugod sang aton kabuhi. Diri dapat nasandig ang aton adlaw-adlaw nga pagginawi agud mangin mabakod kita katulad sang aton Ginuo. Ang pagpangamuyo bala amo ang aton “top priority”?
FR. RONNIE



MAKALULUWAS NGA PAG-ANTUS
“Sang WWII, ginbombahan ong isa ka banwa ag duro ong mga ‘civilian nga casualties’. Ong simbahan nanda naigo man, apang kay tungod dya un lang ong nabilin nga pinakahanggud nga lugar para sa pagtatap et mga nahalitan, ong altar nahimo un nga “operating bed”. May isa ka soldado nga nabombahan ag kinahanglan utdon ong ana wasak nga tiil. “Kinahanglan mo nga mangin maisog,” siling et doctor, “kay sobra gid kasakit dya nga operasyon. Owa un taton et ‘anesthesia’ kay naubos un tanan sang ong hospital nabombahan”. Ong soldado nagtulok sa likod et altar ag nakita nana ong isa ka Krus. Dayon siya nagsiling: “Ok lang doc. Patuloka lang ako sa Krus nga on samtang ginaoperahan moko. Kay samtang nagatulok ako dira, bal-an ko, makasurvive gid ako kaon.”
Si Jesus isa ka matuod nga manugbulong ukon manug-ayo. Apang indi sa punto nga sya ensegueda nagatao dayon et bulong o solusyon sa aton nga mga pag-antus, kundi, paagi sa ana paghigugma ag kabalaka, nagatao et bag-o nga kahulogan sa aton mga sakit ag kasakit. Kay sya mismo indi et estranghero sa pag-antus. Amo gani nga pagkatapos nana et ayo sa ugangan ni Pedro, nagpanaw sya sa iban pa gid nga duog sa palibot et Galilea. Dya tungod nga ana namulalungan nga mas nanamian pa tana ong mga tawo sa paglantaw o pag-agum et pisikal nga pag-ayo, sang sa spiritual nga kaluwasan nga ana ginahatud kananda.
Si Kristo isa ka manugbulong, ag mas sobra pa kaon. Sa bagay nga sa aton man mga sakit ag balatian, may mas LABAW pa kaon. Buot silingon, paagi sa amo man nga Kristo, paagi sa ana kaugalingon nga pag-antus ag kamatayon, sya nagatao et MAKALULUWAS nga KAHULOGAN sa aton pag-antus.
Mabuhay ong Maalwan nga mga Mambusaonon!
FR. DODO

FOOD FOR THOUGHT

“An authentic life is the most personal form of worship. Everyday life has become my prayer.”
(Sarah Ban Breathnach)

ANECDOTE

PRAYING FOR NOTHING?

A very religious man lived right next door to an atheist. While the religious one prayed day in, day out, and was constantly on his knees in communion with his Lord, the atheist never even looked twice at a church. However, the atheist's life was good, he had a well-paying job and a beautiful wife, and his children were healthy and good-natured, whereas the pious man's job was strenuous and his wages were low, his wife was getting fatter every day and his kids wouldn't give him the time of the day. So one day, deep in prayer as usual, he raised his eyes towards heaven and asked: 

"Oh God, I honor you every day, I ask your advice for every problem and confess to you my every sin. Yet my neighbor, who doesn't even believe in you and certainly never prays, seems blessed with every happiness, while I go poor and suffer many an indignity. Why is this?" And a great voice was heard from above: 
"BECAUSE HE DOESN'T BOTHER ME ALL THE TIME!"

4th Sun in Ord. Time (B)

EXOUSIA

Ginapakita subong nga Dominggo ang ‘awtoridad kag gahum” sang aton Ginuong Jesukristo. Amo ini ang kahulugan sang griego nga tinaga nga “exousia”. Ini nga awtoridad makita sa Iya makatalanhaga nga mga pulong nga sa diin, bisan pa ang mga malain nga mga espiritu nagatuman sa Iya.
Ang awtoridad sang aton Ginuo wala nagahalin sa kayo sang Iya nga pagtulun-an subong maalamon nga “manunudlo”. Ini nagahalin sa Iya pulong nga nagahimo sang iya ginamando. “Ini nga tawo may gahum bisan pa sa pagsugo sang malaut nga espiritu, kag nagatuman sila sa Iya,” siling sang mga tawo sa daku nga pagkatingala. Ang pulong ni Jesus katulad sang pulong sang Dios nga nagatuga. Ang Dios nagsiling, “Magluntad ang kapawa!”- kag nagluntad gid ang kapawa (Gen. 1:3)
Ining pulong nagalugpay sa mga nabudlayan kag mga nagahinulsol, kag nagapuno sang kalag sing pagtuo, paglaum, kag paghigugma. Pulong ini nga “mapuslanon sa pagpanudlo, pagsabdong, pagtadlong, kag paghanas sa kamatuoran” (2 Tim 3:16). Pulong ini nga makapatubo sa mga tumuluo kag makahatag sang palanublion nga aton maambit sa tanan nga ginapakabalaan (Bin. 20:32).
Ang mga nakahibalo kon ano gid ang Kristianismo nagasiling nga kon nalugaw-an gid man ini, ini tungud kay wala pa ini gintilawan sa kabuhi. Ayhan mga Kristiano ukon Katoliko lang kita sa pulong, kag indi sa BUHAT! Ayhan wala pa gid kita nagkabuhi suno sa Pulong sang Diyos.
Magsugod kita sa pag-usisa sang aton kaugalingon sa iwag sang Pulong sang Dios. Ipahayag naton ini paagi sa aton kabuhi sang PAGPANIBAG-O!
FR. RONNIE



NAWONG SA NAWONG
Sa Israel, owa et may makatupong kay Moises bilang propeta ag manugtao et kasugoan. Apang si Moises mismo nagasiling nga ong Dios magapadala pa gid et isa ka propeta nga kaangay nana o LABAW pa kanana. Ag dya nga panagna natuman sa kay Kristo. Iba si Moises sa tanan nga mga pinuno et Israel, indi tungod kay duro nga mga milagro ong ana ginhimo ukon duro ong ana ginbatas sa pagtuytoy et Israel paadto sa Duta nga Ginsaad, kundi tungod kay sia nakighambal sa Dios et tampad – “nawong sa nawong”, pareho et paghambal et tawo sa isa ka abyan (Ex. 33:11).
Karon, ong katumanan et panagna tuhoy sa bag-o nga propeta makita lamang kay Jesus. Ag ong katumanan kara labaw pa sa ginlauman. Bisan nga madalum ong kaangtanan ni Moises sa Dios, owa tana sia gintugoti nga makita ong nawong et Dios, ong LIKOD lamang et Dios ong ana nakita (Ex. 33:23). Apang ong bag-o nga Moises – si Jesukristo – matuod nga nakakita gid ya sa Dios. Si Jesus nagakabuhi mismo sa atubangan et Dios, indi tana bilang isa ka abyan, kundi bilang Anak.
Sa Ebanghelyo manakara, aton nabatian ong PAGKATINGALA et mga tawo sa pagpanudlo ni Kristo nga may “exousia” ukon awtoridad. Indi lamang dya tungod kay manami sia magpamulong-pulong ukon may gahum ong ana mga pulong sa pagtabog et demonyo kundi nagahalin dya mismo sa ana Amay. Ong Pagtulun-an ni Kristo owa ginatudlo sa bulothoan; owa man dya nagahalin sa kaalam et tawo. Sa baylo, NAGAHALIN dya sa Amay, sa pagpakighambal ni Jesus sa Dios “nawong sa nawong”, sa ana pagpangamuyo bilang Anak.
Mabuhay ong Maalwan nga mga Mambusaonon!
FR. DODO

3rd sunday Ord. Time (B)

PADAYON ANG PAGBANATALA

Sa pagsugod sang aton Ginuo sa pagpanglakaton sa pagbantala sang Maayong Balita sa Galiliea, ang pagwali nahanungud sa Maayong Balita nangin isa ka “seryoso” nga buluhaton. Sa bagay nga nagsugud ang Ebanghelyo subong sa mga dinalan nga nagasiling: “Nabilanggo si Juan Bautista.” Ini man pagasugpunan sang madamo pa gid nga mga kasaysayan– pagapapuguton si Juan sang ulo sa kaadlawan ni Herodes tungud sa padihot ni Herodias, sa baylo sang makagalanyat nga saot!
Sa sini nga paagi nagalaum si Herodes kag ang mga tawo sa Galilea nga “ginpahipos” na ang “tingug” sa desierto. Ang Bautista “ginbunyagan” paagi sa iya kaugalingon nga dugo!
Apang sa pihak nga bahin, padayon ang pagwali sang Pulong sa Diyos. Sa aton ikaduha nga balasahon, ginsiling ni San Pablo sa iya sulat kay Timoteo: “Wala ginagapos ang pulong sang Diyos!” (2 Tim 2:9). Gani ang pulong nga nabatian anay sa kawayangan sang Judea, nagalanog liwat sa Galilea: “Ang ginha -rian sang Diyos malapit na!”. Ang pulong subong labi nga mabaskug, labi nga may awtoridad, tungud ini nga pulong Iya ni Jesus sang Nazaret nga ginpahayag bilang hinigugma nga Anak sang Diyos sang Siya ginbunyagan ni Juan didto sa Jordan.
Ginsugdan ni Jesus ang Iya pagpangalagad sa Galilea sa diin Siya nagdaku– ang distrito sang mga Hentil. Ini nagapahayag nga ang Maayong Balita para sa tanan. Ang Maayong Balita indi dapat pagtaguon lamang kundi IGAPALAPNAG!
Sa aton nga panahon karon, ang tagsa-tagsa ka Kristiyano ginatawag sa pagdala sang Maayong Balita sa bug-os nga kalibutan. Instrumento bala kita?

FR. RONNIE



ALISTO NGA PAGSABAT

Si Kristo nagsugod et ana Misyon paagi sa pagtawag. Una, dya panawagan sa pagbag-o ag pagpati sa Ebanghelyo. Paagi sa karang panawagan sa pagliso et taguipusuon, si Kristo luyag nga ong mga tawo magdangop sa Dios, i-sigo ong anda pagginawi sa kabubut-on Nana ag ihalad ong anda kabuhi sa Ginuo. Ikaywa, dya imbitasyon sa pagsunod kanana: nga mangin mangingisda et tawo, mangin kabulig sa ana bulohaton, mangin ana mga Apostoles.
Si Kristo nagtawag et apat ka tawo agud mangin ana nahauna nga mga sumulonod: si Simon ag ana utod nga si Andres, si Santiago ag ong ana utod nga si Juan. Owa et mga tinaga nga nagkawas sa andang mga baba agud mabal-an naton ong anda sabat. Apang ong anda mga AKSYON nagahambal para sa anda: ginbayaan nanda ong tanan – sahid, sakayan ag mga pamilya – sa pagsunod kay Jesus.
May hulobaton nga nagasiling: “Indi un pag-ipahin-aga ong imo mahimo manakara!” Ag aton man makita ong makita sa mga mabahol nga truck nga nagalabaylabay sa aton mga karsada ong mga tinaga nga: “Gugma ni Castro. DO NOT DELAY!” Dya nga mga pahibalo ag duro pa, ong nagapahayag et HANGKAT kanaton et Ebanghelyo: SABTON naton manakara ag indi un pagpabwasan pa, ong Panawagan ni Kristo. Ong Dios nagadaho kanaton et ana grasya et kaluwasan. Depende un kanaton ong pagbaton kara. Kon aton pilion nga INDI, ti owa man ta et basulon nga iban sa punta, kundi ong aton man lang mismo nga mga kaugalingon.
Mabuhay ong Maalwan nga mga Mambusaonon!

FR. DODO

FOOD FOR THOUGHT

“When one door closes another door opens; but we so often look so long and so regretfully upon the closed door, that we do not see the ones which open for us.” (Alexander Graham Bell)

ANECDOTE

LOGICAL

A lawyer defending a man accused of burglary tried this creative defense: "My client merely inserted his arm into the window and removed a few trifling articles. His arm is not himself, and I fail to see how you can punish the whole individual for an offence committed by his limb."

"Well put," the judge replied. "Using your logic, I sentence the defendant's arm to one year's imprisonment. He can accompany it or not, as he chooses." The defendant smiled. With his lawyer's assistance he detached his artificial limb, laid it on the bench, and walked out.

Sto. Niño (B)

KAANGAY SA ISA KA BATA
Isa ka pilosopo ang nagsiling: “The only permanent thing in life is change.” Buot silingon nga wala sang bagay diri sa duta nga wala nagabalhin… wala sing may nagapabilin nga pareho lang… wala sang permanente. Gustuhon man naton ang “wala sing katapusan”, magaabut gid ang katapusan sa isa ka tinuga.
Sa pihak nga bahin, may mga bagay nga dapat magpabilin sa kabuhi sang isa ka tawo. May mga batasan nga dapat magtener, pabaskugon, kag pagahuptan sang tagsa-tagsa sa aton. Isa sini amo ang “magpabilin bilang isa ka bata.” Ini wala nagasiling nga magpabilin ang tawo nga kulang ang hinalung-ong kag kusog. Ini nagakahulugan nga sa aton pagdaku kag pagtigulang, nagapadayon pa gihapon ang mga binatasan nga “iya sang bata” nga aton gina-amligan.
Amo gani nga ang aton Ginuo nagpanudlo nga “kon indi kita mangin katulad sang isa ka bata, indi kita makasulod sang ginharian sang langit.”
Karon, ginabalikan naton ang imahen sang “pagkabata” sang aton Ginuo sa aton pagsaulog sang Kapiestahan sang “Sto. Niño– isa ka bata sa aton tunga nga nagdaku kag nagtubo, apang nagpabilin nga isa ka bata tungud sang Iya nga pagkamatinumanon sa kabubut-on sang Iya nga Amay sa langit! Siling gani ni San Pablo nga Apostol, ang aton Ginuo nagpabilin nga masinuloundon sa kabubut-on sang Amay bisan pa tubtub sa kamatayon sa Krus. Ang pagpabilin nga matinumanon amo ang bugal sang ginikanan sa ila kabataan. Sundon naton ang Sto. Niño sa pagpabilin nga matinumanon kag masinulundon. Mangin kaangay kita sa isa ka bata! VIVA SR. STO. NIÑO!
FR. RONNIE



UNGA
“Ong mga tawo buot maghatud et anda mga unga kay Kristo agud ana sanda mabendisyonan. Apang ginsaway sanda et mga gintutun-an. Sang madiparan dya ni Kristo, naakig sya. Dayon ginbaton ni Jesus ong mga unga, ginkugos dya tanan, ag ginbendisyonan sanda samtang ginatungtong nana ong ana mga kamut sa tagsa-tagsa kananda.” Daw ano katahum et kara nga palanan-awon.
Ong pagsaway et mga gintutun-an sa mga unga nagapakita lamang kanaton et anda pagkabalaka kay Kristo. Seguro indi nanda luyag nga madistorbo o ma-iritar ong Kristo et mga indi importante, owa pulos, owa bili ag magamo nga mga unga. Apang imbes nga maakig sya sa mga bata, sa anda tana sya naakig. Ag ana pa sanda ginsermonan nga kon gusto nanda magsulod sa langit, kinahanglan nanda mangin kaangay et karang anda ginabalagan nga mga unga.
Aton nasayran nga ong isa ka hamtong nga tawo nagakahulogan nga sya nakamaan un magtindog sa ana kaugalingon nga mga tiil ag owa un nagasalig sa iban ukon sarang un mabuhi bisan nagaisahanon sa karang kalibutan. Sa pihak nga bahin, ong mga unga, nasayran man nanda ukon owa, kinahanglan magdepende ag magsalig sa iban nga tawo. Buot silingon, sanda nagasalig lamang sa iban. Apang duri ginapakita kanaton ong isa ka kamatuoran nga ong Ginharian et Dios indi isa ka bayad ukon suhol nga pwede naton mabakal kundi dya ginabaton bilang isa ka libre nga regalo o bugay.
Sa karang Fiesta et Sto. Nino, kabay nga aton matun-an ong pagbaton et mga bugay et Dios nga may pagpasalamat, nga owa nagasiling nga may kabalaslan ong Dios sa pagtao kara kanaton, nga owa nana ginapanag-iyahan ong tanan, agud piho gid nga maghari ong Dios sa tunga naton.
Viva sa mga Maalwan nga mga Mambusaonon!

FR. DODO


FOOD FOR THOUGHT

“It's easier to build strong children than to repair broken men.” (Frederick Douglass)


ANECDOTE

WRONG SIDE

A guy goes into the confessional box after years being away from the Church. He pulls aside the curtain, enters and sits himself down. There's a fully equipped bar with crystal glasses, the best vestry wine, Guinness on tap, cigars and liqueur chocolates nearby, and on the wall a fine photographic display of buxom ladies who appear to have mislaid their garments.
He hears a priest come in: "Father, forgive me for it's been a very long time since I've been to confession and I must admit that the confessional box is much more inviting than it used to be". The priest replies, "Get out, you idiot. You're on my side".

Epiphany (B)

ANGA BITUON SA ATON KABUHI
Ang buot silingon sang Epipaniya, ang aton ginasulog nga kapiestahan subong nga Dominggo, amo ang “pagpakilala” ukon “pagpakita” sang Ginuo. Si Jesus, ang Ginuo kag Mesiyas, ginpakilala indi lamang sa mga Judio kundi sa bug-os nga katawohan nga gin- tiglawas sang mga Mago.
Ang sugilanon sang mga dumuluong may mensahe nga ginapahayag: Si Jesus mabaton lamang sang mga tawo nga bukas sa pagtuytoy sang Dios. Madali kita magliso pakadto kay Kristo kon bukas ang aton tagipusuon; mabudlay matabo ini kon ginasirahan ini sang kasal-anan.
Para sa mga Mago, ang bituon nga nagsubang indi sang ordinaryo nga bituon, kundi isa ini ka palatandaan sang isa ka indi ordinaryo nga hari. Sa pihak nga bahin, si Herodes kag ang tanan nga mga tawo sa Jerusalem natublag gid, sa baylo nga magkalipay sila sa balita nga nag-abot na ang madugay na nga ginalauman sang Israel, sila hinadlukan, kag nagpabilin nga nagpanago sa kadudulman sang kasal-anan.
Agud mangin madalum pa gid ang aton pagtuo, kinahanglan nga pangitaon naton ang “bituon” sa ordinaryo nga hitabo. Indi naton dapat kahadlukan ang mga bag-o sa aton panulok kag hunahuna. Pangitaon naton ang tanda sang Espiritu Santo nga nagagiho sa kabuhi sang tawo. Kag sa aton pagbinag-binag sang Pulong sang Dios, pangitaon naton ang kaangtanan sang Pulong sa aton kabuhi. HAPPY THREE KINGS!
FR. RONNIE



GASIDLAK NGA BITUON
Ong ginsuguran et pagpanglakaton et mga MAGO amo ong tion nga sanda nakakita et tanda sa langit – isa ka BITUON nga may makatilingala nga sidlak. Ag dya, sa kabuhayon, pagatawgon naton nga PAROL. Ong parol nagikan sa Espanyol nga FAROL, nga ong buot silingon, “Suga nga ginasab-it”. Dya nga bituon ong anda ginpatihan nga magatuytoy sa anda paadto sa Manunubos et Israel.
Tungod ong anda pagpanglakaton isa ka lihuk nga daw owa et kaseguradohan, kinahanglan nanda ong MAPAG-ON nga pagtuo ag pagsalig sa anda paghalin agud sundon ong bituon sa kon diin sanda ihatud kara. Gani pila ayhan ka adlaw, bulan ukon tuig nga nagpinanaw sanda? Piho nga ginbatas man nanda ong init, yab-ok, gutom, uhaw ag mga katalagman sa dalanon. Ag piho man nga sa pagpanglakaton et mga mago, owa sanda pirme gintuytoyan et bituon. Amo gani nga sang pag-abot nanda sa Jerusalem, nagpamangkot sanda sa palasyo ni Herodes. Apang paagi sa panagna et propeta ag sa grasya et Dios, nagpakita liwat kananda ong bituon. Ag gani nakalambot sanda sa Bethlehem sa diin nakita nanda ong unga nga si Jesus.
Ong aton kabuhi isa man ka pagpanglakaton pakadto sa Dios. Ag ong Dios mismo nagtao kanaton et mga DIREKSYON agud mahapos ong aton pagbalik kanana. Gintaw-an nana kita et “Bituon” agud amo ong maggiya ag magsanag et aton mga dalanon. Ag dya walay liwan kundi ong aton Ginuong Jesukristo, ong ana mga gintudlo ag mga mando. Apang bangud man et aton mga ginahimo, kon kaisa, daw nagakadula ong “bituon” nga nagatuytoy kanaton. Apang nagatuhaw liwat dya sa tion nga kinahanglan naton ong kasanag. Masami maathag ong aton pagkakita et kara nga bituon sa aton kabuhi. Apang kon kis-a, dyang bituon ginatago et gal-om et mga PAGTILAW, agud matilawan gid kon ano KADALUM ong aton pagtuo ag pagsalig sa Dios.
Happy Three Kings sa mga Maalwan nga mga Mambusaonon!
FR. DODO



FOOD FOR THOUGHT

“Even after all this time, The sun never says to the earth, "You owe me." Look what happens with 
A love like that. It lights the whole sky.” (Hafiz of Persia)
ANECDOTE

Work Smarter, not Harder

A clergyman, walking down a country lane, sees a young farmer struggling to reload a cart that had lost its load of hay.
"You look hot, my son," said the cleric. "Why don't you rest a moment and then I'll give you a hand?"
"No, thanks," said the young boy. "My father wouldn't like it."
"Don't be silly," the minister said. "Everyone is entitled to a break. Come, have a drink of water. Rest in the shade."
Again the young man protested. "Oh, no, sir. My father would be real mad!"
Losing his patience, the clergyman said, "Your father must be a real slave driver. Tell me where I can find him; I'll give him a piece of my mind!"
The young farmer replied, "He's right there under that pile of hay!"