Mary Mother of God (B)

PAGPAMALANDONG SA KAGAMO...

Nagasugod ang bag-ong tuig sa aton pagpahayag nga si Maria amo ang aton ILOY! Ang iloy nagadala kag nagasagud sang kabuhi sa iya tagu-angkan. Kon ang bata mabun-ag na, padayon pa niya ini nga ginasapupo kag ginabantayan.
Sa Ebanghelyo makita naton si Maria nga “mahipos” nga nagabantay. Sang mabatian niya ang makatili -ngala nga mga hitabo nga ginapanugid sang mga manugbantay sang karnero “gintipigan niya ini nga mga butang kag ginpamalandungan sa iya kaugali -ngon” (Lk 2:19).
Si Maria nagahatag sa aton sang pamalandungon nga lain sang sa magahod nga mga pagsinadya nga dala sang Bag-ong Tuig.
Ang pagkatawo ukon ang bag-o nga kabuhi amo ang labing importante kag makatalanhaga nga bugay. Ini ang ganhaan pakadto sa pagpanglakaton agud pangitaon ang plano sang Diyos para sa aton.
Ang pinakamaayo nga paagi sa pagselebrar sang kabuhi amo ang pagtipig sini sa aton tagipusuon. Nagakahulugan ini nga kinahanglan naton ang tion agud nga mag-isahanon, magbinag-binag, kag magpangamuyo!- Wala gid sang gindulot nga maayo ang “kinagamo” sa pagsug-alaw sang Bag-ong Tuig!
Ang malinong kag simple nga pagginawi– suno sa pagginawi ni Maria– nagahatag sa aton sing kusog sa pag-atubang sa mga hangkat sang kabuhi– sa kasadya ukon sa kasakit! HAPPY NEW YEAR TO ALL!

FR. RONNIE



LANOG

Isa ka adlaw, nagsinggit ong isa ka nagahampang nga unga sa ibabaw et bukid: “Sin-o ka?” Ag ana nabatian ong isa ka limog nga nagasinggit man: “Sin-o ka?” Karon nagsinggit sia liwat: “Gago ka!” Ag ong limog nagsabat man kanana: “Gago ka!” Dayon nagpauli sia nga natingala ag ginsaysay ong ana experiensya sa ana iloy. Ong ana nanay naglaygay kanana nga maghambal et maayo sa limog: “Maghambal ka et “I love you” sa limog ag lantawa kon ano ong ana ibalos!” Gani pagkahin-aga, ong unga nagsaka liwat sa bukid ag nagsinggit: “Palangga ta ka!” Ag ong limog nagsabat: “Palangga ta ka!” Ong unga NALIPAY sa ana nabatian.
Ong estorya et nagalanog nga limog estorya man et aton kabuhi. Ong kalibutan nagapabalik lamang kanaton kon ano ong aton ginatao kara. Kon kita maayo, aton man gina-expectar nga ong kalibutan maayo. Kon kita malain, aton man ginapanumdom nga ong tanan sa kalibutan malain. Kon ano man ong aton ginatao sa kalibutan, amo man on ong nagabalik kanaton. Gani kon gusto naton ong maayo, dapat maghimo kita et maayo ag mangin maayo.
Luyag naton papason ong kalainan ag malas paagi sa malimali – BILOG nga mga butang sa sulod et balay, POLKA DOTS sa aton mga bayu ukon paagi sa PALUPOK. Ngaman indi naton pag-ilogon ong estratehiya et mga manugbantay et karnero ag ni Santa Maria? Ong mga manugbantay et karnero NAGPILI, labaw sa tanan, sa pagpangita sa unga, ong Mesias nga ginapaabot et tanan. Si Santa Maria nakadiskubre et PAGGIHO et Dios sa ana kabuhi. Sanda ong aton mga modelo sa aton pagsugod et karang NEW YEAR nga may POSITIBO nga panimuot ag nagakalipay sa kon ano ong maayo ag indi sa malain, nga nagakatabu sa aton, sa aton mga isigkatawo ag sa aton kalibutan.
Happy New Year sa Maalwan nga mga Mambusaonon!
FR. DODO

Christmas (B)

REGALO KAG PAGPALANGGA

Ayhan sa sini nga tion manami nga binag-binagon naton kon ngaman nga nagahinatagay kita sang regalo sa sining tion sang “paskwa”. Ayhan ini tungud sa tradisyon nga aton na namuklatan? Ukon nahaylo na kita sang mga “commercial” nga aton nakikita kag nabati-an? Ukon aton gid man nahibalu-an nga dapat kag bagay gid nga maghinatagay kita sang regalo? Daw sa may “nagatulod” sa aton nga daw “natural” lang sa aton, nga daw “obligasyon” pa gani naton nga maghatag sang regalo.
Kalabanan nga mga ginikanan, amo sini ang ila nga balatyagon– obligado gid sila maghatag sang regalo sa ila mga anak kag mga ihado kag ihada! Ngaa bala amo sini ang nagaluntad nga balatyagon sa aton.
Ginbantala sa aton ang dili-mapatihan nga Maayong Balita nga sa isa ka panahon kag isa ka lugar, ang Anak mismo sang Diyos nangin tawo katulad naton– dala ang aton kakulangan kag kaluya, luwas lamang sa sala!
Sa malip-ut nga pulong, ginsugid sa aton nga ang Diyos nga Amay nagapalangga sa tagsa-tagsa sa aton sa bagay nga ginpadala Niya ang Iya nga pinalangga nga Anak agud akuon ang aton kinabuhi! Ini ginasugid sa aton paagi sa isa ka Lapsag nga may lawas kag dugo, nga natawo karon sa Bethlehem, nga amo ang labing daku nga REGALO sang Amay sa aton. Sa sini nga adlaw ang aton Amay sa langit nagahambal sa aton: “Palangga ko ikaw. Importante ka sa Akon!” MERRY CHRISTMAS– YOU ARE PRECIOUS!
FR. RONNIE



LOOK-ALIKE KITA NI KRISTO

“May isa ka manunulat nga nagsugilanon sa isa ka pari nga nakakita kay Hitler sa personal. Ong manunulat naghambal et tanan nga mga kalainan nga ana nasaydan nga ginhimo ni Hitler agud ong pari maakig ag magkaugot kay Adolf Hitler. Sa katapusan, ong manunulat nagpamangkot sa pari: “Pads, ano ong itsura ni Hitler?” Ong pari nagsabat: “Ong ana itsura pareho man et itsura et tanan nga mga tawo. Buot silingon, pareho et itsura ni Kristo!”
Manakara, aton ginasaulog et malipayon ong Paskwa et Pagkatawo ni Kristo. Apang, malipayon gid man bala ong tanan nga Pilipino sa kara nga Paskwa? Sarang pa bala tamyawon et mga taga-Iligan ukon taga-CDO ag ong sa iban pa nga lugar nga naigo ag nahalitan et bagyo Sendong ong isya ag isya et “Merry Christmas”? Kon aton lang ibutang ong aton balatyagon sa anda ginabatyag, ayhan makaugayong gid kita: “Ano un dya ong natabu sa kalibutan?” Apang kon kita magtulok lamang sa Bata nga daon sa pasungan, piho nga aton man madumdoman ong pagsiling: “Ano dya ong nag-abot sa kalibutan?” Panumdoma bala: Ong Dios owa nagpadala lang et ana anghel ukon proxy. Tungod palangga gid kita et Dios, ginpadala gid nana ong ana Bugtong nga Unga. Ag ong dya nga Lapsag nagkabuhi nga imol, nag-agi man sa mga paghingabut tubtob nga patyon et mga tawo nga amo ong rason et ana pagpakatawo.
Kon sa kara nga punto lamang naton ginapaayon ong aton panimuot, pat-ud nga ong Christmas magapahangop gid kanaton nga ong matuod nga kalipay indi sarang masukat o mabakal et karang kalibutan. Gugma, paghidaet, kaayo, pagbinuligay, paghangpanay – dya nga mga indi kalibutanon nga butang amo ong nagahimo et aton Paskwa nga malipayon, masinadyahon, mabinungahon ag makahulogan.
Merry Christmas sa mga Maalwan nga mga Mambusaonon!
FR. DODO

4th Sunday of Advent (B)

ANG EVA NANGIN AVE

Sentro sang aton selebrasyon karon nga Dominggo amo ang aton Mahal nga Iloy Birhen Maria. Sa Ebanghelyo, ginasaysay sa aton ang “misteryo” sang pagpaka-”unod” sang Diyos, kag ini nagsugud sa pagtunda sang anghel sa isa ka birhen ukon ulay nga dalaga nga ang iya ngalan amo si Maria.
Bisan halos indi makahangup si Maria sang mensahe sang anghel nga siya mangin Iloy sang Diyos nga magapakatawo, siya nagsabat: “Alagad ako sang Ginuo. Kabay nga matuman ini sa akon suno sa imo ginsiling.” Si Maria, nagsalig sa pulong sang anghel tungud siya nakahibalo nga ini nga anghel amo ang tagbalita sang Diyos nga indi sarang magbutig sa iya.
Ginasiling ni San Pablo nga si Maria amo ang bag-o nga Eva, kag aton Ginuo amo ang bag-o nga Adan. Subong nga ang kasal-anan nagsulod sa kalibutan tungud sang pagkamalalison sang una nga Adan kag Eva, sa amo man nga paagi, ang kaluwasan sang kalibutan nag-abot tungud sang pagkamasinulundon ni Maria kag ni Jesus nga amo ang aton bag-o nga modelo sang isa ka bag-o nga katawhan.
Indi bala matahum nga pamalandungan nga ang Eva nga nangin gingikanan sang aton kalaglagan, sa pagkatawo ni Maria nangin Ave sa mata sang aton Manunuga?– AVE– Himaya kag Pagdayaw!... Ang babayi nga nangin gikanan sang kapaslawan kag pagsumpa sa tawo, sa pagkatawo ni Maria nangin himaya, kadayawan, kag kaluwasan sang bug-os nga katawhan.
Amo ini ang papel ni Maria sa kaluwasan . Amo gani nga siya NAHAMUT-AN sang Diyos!

FR. RONNIE



TAGBALAY!

Sa isa ka despedida party et mga magagraduar sa High School, ong isa ka maestra gin-imbitar sa pagtao et ‘inspirational talk’. Nagsiling sia kananda: “Nasaydan ko et piho nga mangin ‘successful’ gid kamo sa ulihe. Apang panumdomon nyo pirme ag indi gid pagkalimtan nga ONG PESO INDI MANGIN PESO, KON OWA ET ISA KA CENTIMO! Ag ako ong isa ka centimo nga on sa kadalag-an nyo…”
Samtang kita nagapadayon sa pagpamalandong sa misteryo et INCARNATION ni Kristo, indi naton mahamulag ong pagpanumdom kay Santa Maria bilang isa ka kubos apang importante nga centimo sa kabuhi nana. Kay kon owa si Mama Mary nagpahuo, basi owa kita et may ginaselebrar nga Christmas manakara ukon ong bug-os nga kasaysayan et kaluwasan isulat liwat sa lain nga paagi.
Apang aton nahibaluan nga si Santa Maria nagpasugot ukon nagpahuo sa kabubut-on et Dios nga mangin Iloy et Mesias. Si Santa Maria nagpasulod ensegueda sa Dios sang dya magpanuktok sa ana taguangkan. Kay ong Pagtunda, siling ni Bishop Soc Villegas, amo nga ong Dios nagapangayo kay Maria nga pasudlon sia. Daw ong Dios nagahambal kay Maria, “Tagbalay!” ag si Maria nagsabat: “Sulod ka!”
Amo gid dya ong minatuod nga kahulogan et Christmas: indi nga mahimo kita et balay para sa Dios nga nahimo sa bulawan ag diamante, kundi nga PASUGTAN ONG DIOS NGA HIMUON ONG ATON MGA TAGUIPUSUON NGA BALAY NANA. Gani pareho kay Santa Maria, ong Dios nagapanagbalay man kanaton. Ano bala ong aton ginasabat kanana?
Mabuhay ong Maalwan nga mga Mambusaonon!

FR. DODO

3rd Sunday of Advent (C)

MANUGSUGID SANG KAPAWA

Madali na lang nga “magapakatawo” ang aton Ginuo, kag padayon ang pagpakilala sa aton sang “propeta” nga si Juan Bautista, INDI SA KON ANO, kundi kon SIN-O ang aton ginahandaan nga magaabut.
Suno sa panahon sang aton selebrasyon, subong “Christmas” na para sa tagsa-tagsa, bisan pa nga ang Christmas Season nagasugud pa sa petsa 25 sini nga bulan kag magatakup sa Kapiestahan sang Pagbunyag sa aton Ginuo.
Christmas na tungud ang mga tawo nagahanda na sang ila mga “regalo” nga igapaambit sa isa kag isa. Daw sa nagakahulugan bala nga ang Christmas, isa lamang ka okasyon sang pagrenegalohay, paghinatagay, kag pagpaambitanay. Kon kaisa gani ginahimo naton ini nga paghinatagay nga isa ka “hampang”- exchange gifts, kris-kringle, manito-manita, surprise here-surprise there, kag iban pa nga mga padugi agud mahatagan sang “kolor” ini nga selebrasyon.
Apang ang Christmas indi lamang sang paghinatagay kundi isa man ka tini-on sang aton “pagdiskubre” indi lamang sang sulud sang regalo kundi sang kahulugan sang “sakripisyo” nga ginhatag sang manughatag… indi lamang sa kon ano ang ginahatag kundi kon SIN-O ang naghimud-os kag kon ang iya nga mga “sakripisyo” nga gin-agihan agud mahatag sa aton ang iya regalo!
Ginapakilala sa aton ni Juan kon Sin-o ang sa likud sang regalo sang aton Amay. Siya amo ang KAPAWA nga mangin aton IWAG sa kalibutan nga nadulman tungud sang aton pagpakasala!
FR. RONNIE



TESTIGO
May daon nga tawo nga nahakluk magtestigo. Kon sanda gani mangin saksi et isa ka krimen ukon et isa ka aksidente, sanda ensegueda nagakadula bangud nga nakulbaan et konsekwensya ukon nahadluk hingabuton et nagpatay. Ong isa ka matuod nga saksi dapat mangin maisog, matarung ag masaligan. Kay sa ana nga mga tinaga nasandig ong mga seryoso nga mga desisyon. Sya indi dapat magpangwarta sa ana nga pagtestimonya. Sya nagahambal para masaydan ong kamatuoran ag magbulig sa ana isigkatawo.
Si San Juan Bautista isa ka dekalibre nga tawo. Ong mga tawo indi makapugong nga maila sa ana nga “appeal” kananda. Indi sya isa ka tawo nga naghimo et ana kaugalingon nga propeta, pareho et ginahimo et iban kanaton sa manakara nga panahon, ilabi un gid ong makikita mo nga nagawali sa sulod et ceres ukon sa mga balaybalay. Sya GINPADALA et Dios. Owa nana ginpakilala ong ana kaugalingon nga amo ong LIDER nga dapat ana pamatian, kahangawaan ag ilogon. Sya simple nga nagsiling nga sia amo ong SAKSI sa isa nga mas hanggud pa kanana, isa ka TESTIGO sa minatuod nga kapawa. Kay kon mahinahina lang nga tawo si San Juan, seguro sia nahulog un sa mga pagdayaw et mga tawo nga nagapamati kanana ag nagpakilala un nga sia amo ong Mesiyas nga anda ginapaabot. Apang indi amo on ong natabu. Sya saksi lamang ag indi ong kapawa nga ginapaabot nanda.
Pareho kay San Juan, kita ginahangkat man sa pagpanaksi sa kay Kristo, ong Kapawa, sa aton kabuhi. Ag dya aton mahimo sa bisan diin man taton nga lugar ag sitwasyon. Por ejemplo, paagi sa paghambal et ‘honest’ nga tinaga, tadlong nga pagsabat, ong maisog nga ‘INDI’ kon ong ginapangayo et ‘pakikisama’ batuk sa ginatudlo ni Kristo, ag duro pa….
Mabuhay ong Maalwan nga mga Mambusaonon!
FR. DODO



FOOD FOR THOUGHT

“Your vision will become clear only when you can look into your own heart.” (Carl Jung)

2nd Sunday of Advent (B)

PAMUKAW-PUKAW

Para sa Ikaduha nga Dominggo sang Adbiento, aton mabati-an ang panawagan ni Juan Bautista nga nagasiling: “Ihanda ninyo ang dalan para sa Ginuo!, tadlunga ang mga tiko!” Isa ini nga pagtawag sa aton nga masami madali mahaylo sa pagkabuhi sang patuyang kag pagpatumbaya! Isa ka “wake-up call” sa aton tanan nga nagapaabut sa pag-abut sang aton nga Manluluwas.
Ang panawagan ni Juan Bautista isa ka pamukaw-pukaw basi kon kita maabtan nga nagakatulog sa aton mga responsibilidad kag mga tulumanon sa aton adlaw-adlaw nga pagkabuhi. Amo gani nga ang iya nga ginadala nga balita amo ang balita sang PAGHINULSOL kag PAGPATAWAD, padulong sa isa ka TADLONG nga dalan.
Sa aton adlaw-adlaw nga pagkabuhi, ayhan madamo na gid man kita sang mga inagyan nga sa masami nagatalang kita sa insakto nga dalan. Karon ang tion kag kahigayunan nga ginahatag sa aton agud sa pag-usisa sang aton mga kaugalingon kon bala kita “nagamuklat” kag “nakahanda” na sa aton Manluluwas nga magaabut, paagi sa husto nga pagkabuhi kag mapainubuson nga pag-ginawi.
Si Juan nagasiling nga indi gani siya sing takus nga maghubad sang higot sang sandalyas sang Magaabut, bisan pa nga sa iya nga estado, sarang niya “maangkon” ang “titulo” bilang amo na ang Ginapa-abut tungud madamo na ang nagapati sa iya ginabantala. Apang si Juan nagpabilin nga mapa-inubuson tungud siya nakahangup kon ano ang iya nga estado kag papel sa plano sang Diyos nga kaluwasan. Kita ginapukaw ni Juan sa pagkabuhi nga may pagpa-ubos kag pagkasimple.
FR. RONNIE




ONG PIHO NGA PAG-AMAN

May isa ka pari nga gintaw-an et tsansa nga makalibot sa planta et ulobrahan et kotse. Isa sang mga trabahador didto ana parokyano ag ana ginpabugal nga kilala gid nana nga maayo sa trabaho. Apang ong foreman owa magkurpormi sa ana ginhambal. Sa baylo, naghambal pa dya kanana, “Tani eh, isa gid sia sa mga maayo nga manug-obra, ugaling mas duro pa tana ong ana estorya tuhoy et ana pagtuluohan sang sa ana pagpadalagan et makina.” Dugang pa kana, “Maayo gid man sia et batasan apang sa ana obra, dapat nana masayran man kon paano ong pagpadalagan et makina. Dapat ong ana pagtuluohan maggwa sa ana mga kamut ag indi sa ana baba lang!”
Nagalanog ong nagasinggit nga tingog ni Juan Bautista nga gintuad ni Isaias nga propeta sa aton manakara: “Amana ninyo ong alagyan et Ginuo. Maghimo kamo et tadlong nga dalan nga ana pagaagyan.” Dya panawagan et pagbag-o halin sa sulod naton - pagbag-o et aton mga taguipusuon. Kay duri ag duri lamang napasad ong minatuod nga pagbag-o. Kon ong tagsatagsa kanaton nagatinlo et aton mga kaugalingon, labanlaban man nga sa indi mabuhay, magatinlo man ong aton sosyedad.
Sa dugang nga pahisayud ni San Juan, ong isa ka pamaagi sa pag-aman para sa Ginuo amo ong pagpaubos. Kay kon ong gugma ag pagtuo isa ka hampang, dapat padag-on ta gid pirme ong Dios. Dapat sa aton paghirit, buklo kita pirme, sia tanan ong kabi. Agud nga kaangay kay San Juan man, kita mangin istan, ag ong Dios ong mangin mabahol sa aton kabuhi.
Mabuhay ong Maalwan nga mga Mambusaonon!
FR. DODO



FOOD FOR THOUGHT

“In reality, humility means nothing other than complete honesty about yourself.” (William Countryman)

1st Sunday of Advent (B)

GAHULAT SA PAGHIGUGMA

Kon ang aton pinalangga magpanglakaton sa malayo nga duog, ano bala ang aton nga ginabuhat? Ginapabaya-bayaan ta lang bala ang ila “pagkadula”, ukon nagahawat-hawat kita nga sa pila ka adlaw, sila magabalik? Kag sa sini nga mga tini-on sang “paghulat” kita nagahanda gid nga ang ila nga pag-abut mangin makahulugan.
Amo ini ang tema sang aton Ebanghelyo sa aton pagsugud sang panahon sang Adbiento. Kita gina-agda sang aton nga Simbahan sa paghanda sa pag-abut sang isa ka pinalangga, nga magapuyo upod sa aton… pinalangga nga amo ang nagahatag sang kahulugan sang aton nga kabuhi… pinalangga nga amo ang rason kon ngaman may ti-on sang paghigugma nga nagaluntad sa kalibutan.
Ini nga pinalangga amo ang regalo sang aton nga Amay sa langit– isa ka Diyos nga magapakatawo kag magapuyo sa aton tunga, sa bagay nga kita nagakalangkag sa Iya nga pag-abut tungud nga Siya amo ang magatudlo sa aton sa dalan sang PAGHIGUGMA nga amo ang kahulugan sang aton bug-os nga selebrasyon sang bantug nga “Christmas Season”.
Katulad sang suluguon sa aton Ebanghelyo nga “nagahulat” sa pag-abut sang ila nga agalon, kita man gina-agda nga maghulat nga may kalangkag kag may paghigugma. Kita nagahanda sang dalan nga paga-agyan sang aton Manluluwas nga matawo sa aton tunga.
Kabay nga ang panahon sang Adbiento mangin isa ka tion sa aton tanan nga kita magmahigugma-on, mahida-iton, kag mapinatawaron. Sa sini nga paagi ang aton nga paghulat mangin makahulugan.

FR. RONNIE




MAGBANTAY TATON!

“Sa isa ka ulobrahan et mais, nag-lunchbreak ong mga trabahador. Sanda naglingkod ag naghumlad et anda mga ‘packed lunch’. Ong isa ka lalake nagtulok sa ana balon para sa ilabas ag nagpangdilapdilap bangud et nagalatab nga “lechon” nga ana sud-anon. “Uhmm, kanamitorn magkaon et lechon..”, siling nana sa ana kaugalingon. Apang isa ka adlaw antes kaon, sya nakonbertir ag ginbunyagan sa pagka-‘born again’, gani ana gintiklop ong ana mga kamut ag himpit nga nagpiyong sa pagpangamuyo. Pagbukas nana et ana mga mata, owa un ong ana nga lechon. Gintaban un et ayam.
Dayon ong isa nana nga kapwa-trabahador nga nakakita et tanan nga natabu, nagangirit nga naghambal kanana: “Maayo gid man tana ong magpangamuyo, apang kinahanglan mo man nga magbantay!”
Ong Adbiento panahon et pagbantay. Pat-ud nga magaari si Ginuong Jesukristo. Nag-ari un sia sang una ag nangin bahin et aton kasaysayan. Magaari sia liwat, apang owa et may nakasayud et takna et ana pag-abot. Ong Adlaw et Ginuo magaabot et hinali.
Gani, tungod kita piho ag segurado nga magaari gid man sia liwat, dapat kita nga magbantay ag mangin maabtik. Buot silingon, owa et parte sa kabuhi et isa ka Kristiano ong pagpapatay-patay ag owa et ginasapak. Dapat kita bugtaw nga nagahulat sa pag-abot et aton Ginuo. Indi kita dapat maabtan nga nagakatyog ukon sa pangabuhi nga patuyang ag pahilonghilong.
Mabuhay ong Maalwan nga mga Mambusaonon!

FR. DODO



FOOD FOR THOUGHT

“Scared and sacred are spelled with the same letters. Awful proceeds from the same root word as awesome. Terrify and terrific. Every negative experience holds the seed of transformation.” (Alan Cohen)

CHRIST THE KING

K K K

Ginatakup naton karon ang kalendaryo sang Simbahan sa Ordinaryo nga Panahon sa pagpahayag nga si Kristo amo ang Hari sang bug-os nga kalibutan kag sang aton nga kabuhi. Amo ini ang kapiestahan sang “Cristo Rey”!
Ginasiling sang una sang aton mga katigulangan nga ini nga kapiestahan, iya sang mga “lalaki” tungud sa basehan nga ang mga lalaki amo ang HALIGI sang tagsa ka panimalay… ang tatay bilang hari sang iya nga pamilya.
Apang sa aton “kontemporaryo” nga panahon karon, daw sa indi na gid sang masyado ang paghatag sang “emphasis” sa sini nga selebrasyon sa mga kalalakihan tungud sang “kahilwayan” nga ginhatag sa mga babayi nga kon kaisa makita na naton nga amo ang nagapangita para sa ila pamilya… Madamo na nga mga babayi subong ang nagabuhat sang papel bilang “bread-winner” sang ila nga mga panimalay kag daw ang mga lalaki na ang “nagabulusong sa ila nga buy-on” sa sulod sang ila panimalay! Makahuluya nga panumdumon kag lalantawon, apang amo ini ang kamatuoran. Pasensya lang ang mga igu-on nga mga lalaki, apang indi bala kamo ang mga hari sa inyo pamilya? Ang pagkahari nga ginatumud sang aton Ginuo subong sa Ebanghelyo amo ang hari nga wala ginaalagaran kundi naga-alagad! Ang minatuod nga hari, handa sa paghalad sang iya kaugalingon para sa iya mga sinakpan, ilabi na gid sa mga KUBOS, KABOS, kag mga KULABOS.– Ang mga KKK!
Sa katapusan ang Hari sang tanan mahusgar sa aton kon ano ang aton ginbuhat sa mga responsibilidad nga Iya ginhatag sa aton. Ginkilala ta bala Siya sa mga KKK sang aton panimalay kag katilingban?
FR. RONNIE



KARNERO KA BALA UKON KANDING?

Ong tuig et Liturhiya nagatapos sa pagsaulog ta et piesta solemne et Kristo nga Hari. Si Kristo amo ong Alpha ag Omega, ong pamuno ag katapusan et tanan. Sia ong Ginuo et bug-os nga kasaysayan. Sa katapusan et aton pagpanglakaton duri sa kalibutan, kita magaatubang sa pagpakighusay kanana nahanungod sa aton nahimuan sa kabuhi.
Si Kristo magabalik bilang Hari ag magahukom sa aton tanan – ong buhi pa ukon patay un. Ong “scenario” et Paghukom ginhulam sa imahen et pangabuhian nga kumon nga makita sa tiempo ni Jesus. Ong hukom magapain et maayo sa malain, kasubong et pagpain et mga pastor et karnero sa kanding. Apang ano karon ong diperensya et karnero sa kanding?
Ong karnero simbolismo et MAAYO bangud sanda nagapakita et halangdon nga pamatasan. Ong karnero imahen et matuod nga lalake. Kon sanda may ‘partner’ un, ginapakigbato nanda agud nga indi dya makastahan et iban nga karnero. Buot silingon, ginapanginmatyan nanda ong anda ‘partner’.
Sa pihak nga bahin, ong kanding nagasimbolo et KALAIN tungod et anda makahuluya nga pamatasan. Kon sanda may ‘partner’ un, owa sanda et labot ukon ginapagustoan lang nanda ong iban nga kanding nga magkasta sa anda ‘partner’. Gani, sa panumdoman et mga tawo nga daon sa Middle East, bisan hasta manakara, ong tawo nga indi makadampig sa ana asawa ginakabig nga kanding. Karon, kon ong Adlaw et Paghukom mag-abot manakara kanaton, sa diin bala kita makit-an o “ma-belong”? Imaw bala sa mga karnero? Ukon sa mga kanding?
Mabuhay ong Maalwan nga mga Mambusaonon!
FR. DODO


FOOD FOR THOUGHT
“To touch the soul of another human being is to walk on holy ground.”(Stephen Covey)

33rd Sun.in Ord.Time (A(

MAGAHATAG KITA SANG HUSAY

Nagahingapos na ang aton nga kalendaryo sa Simbahan sa Ordinaryo nga Panahon, kag ginapahanumdum man kita sa aton Ebanghelyo sang “katapusan” sang tanan, ilabi na gid sa aton pagkabuhi.
Sa isa ka “tumuluo”, nagadulot ang painu-ino nga ang aton kabuhi “hinulaman” lamang sa aton Diyos nga Manunuga. Kita nagapati nga ang aton kabuhi indi sang aton, kundi ginpahulam lamang sa aton sang Diyos nga luyag magpaambit sang Iya labing daku nga gugma sa tagsa-tagsa.
Ini nga kabuhi, ginhatag sa aton bilang isa ka “pakete”- isa ka “package” sa diin, kaupod sini ang aton mga abilidad, kina-agman, kag mga “manggad”, agud aton nga gamiton sa paghimaya lag pagdayaw sang Iya pagkahalangdon kag pagka-Diyos.
Amo gani nga aton masiling nga ang tagsa-tagsa sa aton may mga kahigayunan sa pagpaumwad sang mga bagay nga ginhatag sang Diyos sa aton paagi sa pagpabunga sini sa aton adlaw-adlaw nga pagkabuhi.
Amo ini ang kaundan kag kahulugan sang aton nga Ebanghelyo subong. Sa katapusan nga panahon, ang Diyos bilang Hukom, magapangayo sa aton sang “husay” kon ano ang aton ginhimo sa mga “manggad” nga Iya ginhatag sa aton… sa diin naton gingamit ang mga kahigayunan nga Iya ginhatag sa aton… ang mga manggad, mga kina-agman kag mga kinatuhay nga yari sa aton.
Ang “ginlubong” nga manggad amo ang mga kahigayunan nga aton nadula tungud sang aton PAGKASAKON imbes nga kita MAGMA-ALWAN! Ginpa-ambit bala naton ang ginhatag sang Diyos sa aton?

FR. RONNIE



MAGRISGO KITA!

Sa pangabuhi, ong tawo nga nahadluk et RISGO amo ong masunson nga malutos. Kay may hulobaton nga nagasiling: “Gamiton mo dya, kay kon indi gani, madula dya!” Ano bala ong madula? “TALENTO” nga nagasakop et kinaadman, kahigayunan, kaangtanan, kwarta ag duro pa.
Ayhan amo man dya ong nagakatabo sa “KABUHI NGA LANGITNON”, nga amo ong matuod nga ginatumod ni Kristo sa Ebanghelyo. Sia nagatudlo nga ong bisan sin-o nga buot magluwas et ana kabuhi madulaan kara, apang ong bisan sin-o nga nagadula et ana kabuhi TUNGOD SA KANANA makakita kara (Mt 16:25).
Si Jesus mismo huwaran et tawo nga owa “naghalong” et ana reputasyon ag kabuhi: nag-imaw sia sa mga imol, mga makasasala, ag mga ginsikway. Gin-ayo nana ong mga masakiton sa Adlaw et Inugpahuway nga ginadumilian sadto. Ginsumpong nana ong mga Fariseo ag mga pinuno nga relihiyoso. Gani tungod kaon, indi pa bala et klaro kanaton nga ginatudlo nana paagi sa pulong ag buhat nga ong tawo nga nahadluk et risgo owa et may maluwas sa katapusan?
Sa Adlaw et Paghukom, kita pamatbatan suno sa ginhimo ukon sa owa naton ginhimo para kay Kristo. Ag didto naton masayran ag makita nga ong tawo nga owa “NAGASUGAL” et ana kaugalingon ag owa nagaatubang et risgo sa pag-alagad sa iban, pat-ud nga magadula et ana kaugalingon. Apang sa pihak nga bahin, kon kita RISGADO sa pagsakripisyo et aton kaugalingon ag pagkabutang agud makaalagad sa iban, piho nga makasalapo gid kita et kaluwasan sa Ginharian et Dios.
Mabuhay ong Maalwan nga mga Mambusaonon!

FR. DODO

ANECDOTE
ONE LAST MEAL
Three men, an Italian, a Frenchman, and a Jew, were condemned to be executed. Their captors told them that they had the right to have a final meal before the execution. They asked the Frenchman what he wanted. "Give me the best French wine and French bread," he requested. So they gave it to him, he ate it, and then they executed him. Next it was the Italian's turn. "Give me a great big plate of pasta," said the Italian. So they brought it to him, he ate it, and then they executed him. Now it was the Jew's turn. "I want a big bowl of strawberries, " said the Jew. 
"Strawberries!!! They aren't even in season!" "No? OK, so I'll wait..."

32nd Sunday Ord. Time (A)

LAGING HANDA!
Ginanami-an gid ako maghanduraw sang mga tion nga ako “bata” pa– sang mga Elementary days. Didto ako nakamuklat sa mga magagmay nga kamatuoran sa kabuhi apang nangin isa gali ka daku nga hinganiban nga sarang ko magamit paghamtong ko bilang isa ka tawo.
“Enthusiast” ako sa mga “adventures”- sa mga pagpasimpalad. Amo gani nga sang nag-”grade four” na ako, nag-”enjoy” gid ako sang ako magpasakup sa”Boy’s Scout of the Philippines”. Wala sang camping nga indi ako present. Wala sang jamboree nga indi ako magpasakup. Sa halos tanan nga aktibidades sang Boy’s Scout, ara gid ako! Mayad ako mag-gamit sang “semaphore flag”, maghigot sang nagkalain-lain nga mga “knots”, mag-obra sang “folding bed”, kag iban pa.
Apang may isa gid ako ka bagay nga indi malipatan sa Boy’s Scout. Ini amo ang ila nga motto nga “Laging Handa!”- ALWAYS READY… EVER READY!
Amo ini ang kaalibuturan subong sang aton nga Ebanghelyo.Ginapahanumdum kita sang aton Ginuo nga Siya naga-abut sa aton kabuhi, ilabi na gid sa mga tini-on nga wala naton Siya ginapaabut– katulad sang isa ka makawat nga basta na lang magsulod sa aton panimalay sa tion nga indi gid kita sang preparado. Sa bagay nga kita gina-abisohan sang aton Ginuo nga dapat magmangin-handa sa tanan nga tion.
Sa isa ka nagapati kag nagatuo sa Iya nga pag-abut, wala sang lugar ang mga nagapabuyan-buyan. Wala sang lugar ang mga matamad… ang mga palatulog… ang mga uyaya sa ila obligasyon.
FR. RONNIE



MAALAM VS BUANG
“Sa isa ka Mental Hospital, may isa ka buang nga nagkadto sa “director” ag naghambal nga magwa na sia kay maayo un sia. Ong ‘director’ nagsabat: “Ti kon maayo ka un, ano himuon mo paggwa mo duri sa ospital?” Ong buang nagsabat: “Mabakal ko tirador, Ma’am! TIRADORON ko ong bulan!” Gani ginpabalik sia et ‘director’. Pagkaligad et 2 ka tuig, nagbalik yuman sia ag nagsiling: “Manakara, maayo un gid ko ya, Ma’am!” “Ti, ano obrahon mo paggwa mo?”, pamangkot et ‘director’. Nagsabat ong buang: “Mabakal ko salakyan, Ma’am!” Ong ‘director’ nagpangutana: “Ha? Anhon mo ong salakyan?” Nagsabat sia: “Syempre Ma’am, gabuton ko ong ana goma, kwaon ko ong ‘interior’, himuon ko tirador, tiradoron ko bulan!” Gani, ginpabalik yuman sia. Pagkaligad et 3 ka tuig, nagbalik yuman sia sa ‘director’ ag nagsiling: “Ma’am, minatuod un gid dya. MAAYO un gid ko!” “Ti ano un himuon mo paggwa mo?”, saligbat et ‘director’. Ong buang nagsabat: “Mangasawa un ko Ma’am!” “Very gud! Pwede ka un kaguwa!”, hambal et ‘director’. Ok un tani apang nagsaligbat pa ong buang: “Ag dayon Ma’am, sa amon ‘honeymoon’, akon hubaon ana “panty”, kwaon ko ong “garter”, himuon ko tirador, tiradoron ko ong bulan!”. Buang gid!!!
Sa Biblia, ong kabaliskaran et MAALAM indi et ‘bundol’ ukon ‘mango’, kundi BUANG. Ong kaalam owa et labot sa ihibalo o tinun-an sa eskwelahan. Ong isa ka maalam nga tawo amo sia nga nakasayud kon ano ong mga importante nga butang ag owa nagauntat agud ana mabuol dya. Ong maalam nga tawo amo sya nga indi un mahulog sa isa ka ‘manhole’ et daywa ka beses. Apang ong buang nga tawo amo sia nga owa un kadumdom nga may buho gali sa kaon nga dalan, o kon nasayran gid man nana, owa sia et may natun-an nga leksyon, gani, dirediretso sia nga malagbong liwat sa ‘manhole’. Sa diin kita sa karang daywa?
Mabuhay ong Maalwan nga mga Mambusaonon!
FR. DODO


ANECDOTE

SAME OLD BUSINESS

A man with a nagging secret couldn't keep it any longer. In the confessional he admitted that for years he had been stealing building supplies from the lumberyard where he worked. "What did you take?" his priest asked. "Enough to build my own house and enough for my son's house. And houses for our two daughters and our cottage at the lake." "This is very serious," the priest said. "I shall have to think of a far-reaching penance. Have you ever done a retreat?" "No, Father, I haven't," the man replied. "But if you can get the plans, I can get the lumber."

FOOD FOR THOUGHT

“To be awake is to be alive.” ( Henry David Thoreau)

31st Sunday in Ord. Time (A)

PAKITA-KITA LAMANG…

Pirmi ko gid nabati-an sang una ang mga ginahambal sang mga tigulang: “Follow what I say, but don’t follow what I do!”. Sa akon linghud nga painu-ino sadto, kanami pamatian nga “rhetorics”! Kanami pamatian nga “expression”. Apang sang naga-edad ako, akon natalupangdan nga ayhan may kamatuoran gid ini sa aton adlaw-adlaw nga eksperiensya. Huo, tama ang mga abiso sang mga magulang sa aton tungud ayhan ila na nga gin-agyan ang aton paga-agihan, apang nakita man nila ang kakulangan sa paghatag sang katumanan sa ginalantaw nila nga “malain” tungud sila man mismo nahulog sa amo nga mga patibong sang kabuhi!... Sa gihapon, bisan asta subong, bisan ila nga nahibalu-an nga indi sang insakto, sa gihapon, ginapadayon nila ang pagbuhat sini. Sa bagay nga may rason sila sa pagsiling: “So not follow what I do!”
Sa aton Ebanghelyo subong, ginapakita sang aton Ginuo nga ayhan, tawohanon nga nagakaganyat kita sa pagbuhat sang kasal-anan, apang indi ini sang rason nga mapakamatarung naton ang aton kaugali- ngon sa mata sang Diyos, ukon makapakamatarong nga mas mayad kita sang sa iban. Indi lamang nga nagkontento kita sa paghibalo sang tama kag sang sala, kundi nga dapat sa aton pagkabuhi, Makita ang aton paglikaw sa sala kag sa pagbuhat sang maayo!- “It is not enough that we have the sense of right and wrong. What is important is we defeat the wrong by doing what is right!”.
Ayhan mayad kita magtudlo kon ano ang dapat himuon, apang sa aton pagkabuhi, ginasunod ta gid bala ang aton ginapanudlo? Kon wala, daw katulad lang nga ang aton kabuhi PAKITA-KITA!

FR. RONNIE



SADSARAN ET PAGPANGULO

“Isa ka gab-i sa palasyo et Russia, si Catalina II nagpindot et ‘intercom’ sa pagtawag et ana suloguon. Owa dya nag-abot, gani nag‘ring’ sya liwat, apang owa man sia gihapon nag-ulpot. Gani, sa sekreto, ong reyna naggwa sa ana kwarto ag nag-adto sa “servent’s quarters” ag ana nakita ong ana nga suloguon nga masako sa pag“tong-its”. Nagapalibog gid dya sa pagdiskarte et ana baraha. Ginkuha et reyna ong ana baraha ag ginsugo sia sa pagkabal sa merkado ag dayon, ong reyna naghimo et isa ka butang nga naurongan ong tanan: SYA ONG NAGTONG-ITS PARA SA ANA SULOGUON!”
Ong una nga pagtilaw sa isa ka halangdon nga tawo amo ong ana PAGKAMAPAINUBUSON. Kon luyag mo nga mangin hanggud, talahuron ag halangdon, mag-umpisa ka nga mangin istan. Kon gusto mo maghimo et mga mabahol nga butang, panumdoma anay ong pundasyon et pagkamapainubuson. Kay kon ano kataas ong estruktura nga imo pagapatindogon, nabase on sa kon ano kadalum ong imo pundasyon.
Sa minatuod, owa et malain sa dutan-on nga mga titulo ag poder nga ginatudlo ni Kristo nga indi naton paglagson. Ong nagapalain kananda amo ong “ATTITUDE” ukon panimuot nga ong OTORIDAD gamiton para lamang sa personal nga interes ag kadayawan, ag owa un et labot sa mapainubuson nga pagserbisyo sa mga tawo. Ong ginakondenar ni Kristo indi ong otoridad (authority) kundi ong otoritarianismo (authoritarianism). Indi man tani naton pag-ipasad duri ong aton nga pagpanudlo ag pagpangulo.
Mabuhay ong Maalwan nga mga Mambusaonon!

FR. DODO



ANECDOTE
TWO TROUBLE MAKERS
A couple had two little mischievous boys, ages 8 and 10. They were always getting into trouble, and their parents knew that if any mischief occurred in their town, their sons would get the blame. 
The boys' mother heard that a clergyman in town had been successful in disciplining children, so she asked if he would speak with her boys. The clergyman agreed and asked to see them individually. So, the mother sent her 8-year-old first, in the morning, with the older boy to see the clergyman in the afternoon. 
The clergyman, a huge man with a booming voice, sat the younger boy down and asked him sternly, "Where is God?" They boy's mouth dropped open, but he made no response, sitting there with his mouth hanging open. The clergyman repeated the question. "Where is God?" Again, the boy made no attempt to answer. So, the clergyman raised his voice some more and shook his finger in the boy's face and bellowed, "Where is God!?" The boy screamed and bolted from the room.
He ran directly home and dove into his closet, slamming the door behind him. When his older brother found him in the closet, he asked, "What happened?" The younger brother, gasping for breath, replied: "We are in real BIG trouble this time! God is missing, and they think we did it!"

FOOD FOR THOUGHT
“Don't worry that children never listen to you; worry that they are always watching you.” (Robert Fulghum)

30th Sun. in Ord.Time (A)

ANG SADSARAN SANG PAGHIGUGMA

Maathag kon paano ginhatagan sang matuod nga “interpretasyon” sang aton Ginuo ang kahulugan sang kasugu-an ukon layi. Sa panulok sang aton Ginuo, ang layi dapat napasad sa prinsipyo una sa tanan sa “paghiguma sa Diyos” kag ang ikaduha, sa “paghiguma sa isigkatawo”. Kag kon aton pa gid nga pagasimplehon ini, masiling naton nga ang layi dapat napasad sa prinsipyo sang ’PAGHIGUGMA”.
Amo ini ang ginsabat sang aton Ginuo sa mga Pariseo nga “nagapakamatarung” sang ila kaugalingon nga sila amo ang kaliwat sang Israel nga nagatuman sang kasugu-an sang Diyos sa “detalyado” nga pamaagi, sa diin ang napulo ka sugo nga ginhatag sang Diyos sa kay Moises, ila nga ginbadbad tubtub nga maka-abut ini sang 613 ka mga kasuguan!
Imbes nga nangin mahapus ang pagtuman sang kasuguan sang Diyos, nangin “pabug-at” na lamang ini sa kabuhi sang tagsa-tagsa, kag “nadula” na ang matuod nga sadsaran nga amo ang paghigugma.
Sa sabat sang aton nga Ginuo, Iya nga ginbalik sa matuod nga kahulugan ang paghatag sang Diyos sang napulo ka mga sugo kay Moises didto sa Bukid sang Sinai, kag ang basehan sini tanan amo ang paghigugma sa Diyos kag sa isigkatawo.
Mangin mapiguson gid lang ang layi ukon ini indi gani makabig nga layi kon ini wala mapasad sa prinsipyo sang paghigugma. Ini tungud kay sa paghigugma gid lang nga kita makatulok sa isa kag isa bilang mag-ululutod sa idalom sang pagka-Amay sang aton Diyos sa langit. Amo gani nga bisan “dumulu-ong” ang isa ka tawo may katungdanan kita sa iya tungud sa paghiguma sang Diyos sa aton tanan!
FR. RONNIE



GUGMA NI KRISTO

May daon nga nobyo nga naghimo et “love letter” para sa ana nobya: “Pinalangga ko nga Chen2, bangud palangga ta gid ikaw nga tunay, handa ako sa pagtaklas et pinakamataas nga mga bukid. Handa ako sa paglangoy bisan et pito pa ka dagat. Handa ako sa pagbato bisan et pulo pa ka leon. Handa ako sa pagpanginmatay tungod lamang sa imo…” Dayon ana ginsulat sa punta: “Ong imo panggoy, Jakizz!” Ag sa idalum kaon, sya nagdugang: “P.S.: Panggay, bisitahan ko gid ikaw sa Sabado KON INDI MAG-ULAN!”
Mahapus katama ong magpaditol nahanungod sa paghigugma apang kon dya nagasukot un kanaton et pagsakripisyo, lain un tana on nga estorya. Apang dapat ta tandaan nga ong nagaisahanon nga pruweba et minatuod nga paghigugma amo ong aton AKSYON ukon ano ong aton ginaBUHAT para sa aton ginahigugma. Ag ong kabuhi ni Kristo amo ong himpit nga ejemplo ag sulondan et kara nga kamatuoran. Ong aton paghigugma sa Dios dapat mapruwebahan sa aton paghigugma sa aton mga isigkatawo. Kay paano naton masiling nga ginahigugma gid naton et minatuod ong Dios nga indi naton makita kon owa gani naton ginapalangga ong aton isigkatawo nga aton makita ag imaw gid naton adlaw-adlaw?
PAGHIGUGMA – amo dya ong pinakahanggud nga sugo sa tanan; amo dya ong nagaisahanon nga rason ag motibo nga naggiya ag nagtulod sa tanan nga panimuot, panghunahuna, pagbantala, pagpang-ayo ag kamatayon nga ginhimo ni Kristo sa ana kabuhi. Paghigugma para sa ana Amay ag para sa aton. Amo man bala dya ong nagagiya ag nagatulod sa tanan naton nga ginahimo sa aton kabuhi?
Mabuhay ong Maalwan nga mga Mambusaonon!

FR. DODO

ANECDOTE
A VERY DESPERATE MARRIAGE
A man really loved a woman, but he was just too shy to propose to her. Now he was up in his years and neither of them had ever been married. Of course, they dated about once a week for the past six years, but he was so timid he just never got around to suggesting marriage much less living together.
But one day, he became determined to ask her the question. So he calls her on the phone, "June."
"Yes, this is June."
"Will you marry me?"
"Of course I will! Who's this?"

FOOD FOR THOUGHT
“It is the spirit and not the form of law that keeps justice alive.” (Earl Warren)

29th Sunday in Ord. Time (A)

NAGAKAIGO SA DIYOS KAG TAWO!
Sa aton nga “madasig” nga panahon– madasig nga pagbaylo sang klima, madasig nga sahi sang pangabuhi, madasig nga tini-on sa trabaho, kag sa halos tanan nga anggulo sang aton kabuhi, indi gid naton malikawan ang pagkamatarung sang aton kaugalingon sa rason nga kita pirmi gid “pakat” sa aton mga buluhaton!
Kon indi kita makapartisipar sa mga “movements” ukon mga “organization”, ang masami naton nga rason: “Pakat gid ako, wala na ako sang tiempo sina!” Kon ma-”late” kita sa trabaho masiling kita: “Pakat gid abi ako sa pag-atipan sang akon panimalay.” Kon kita indi makasimba, ini tungud man sa rason nga PAKAT gid kita sa aton negosyo o aton pangabuhi-anan!
Apang lantawa bala. Indi bala nga sa imo kapakaton, “IMO” lang kaugalingon ang imo gintalupangud? Paano ang imo katilingban? Kag paano ang imo Diyos? Ah! Yara lang sila sa higad-higad! Ngaman? Kay indi mo man sila kinahanglanon… subong!
Kon mag-abut na gani ang remalasos kag madumduman mo nga ikaw gali bahin man sang katilingban kag ikaw gali ANAK man sang Diyos!
“Ihatag kay Cesar ang para kay Cesar, kag sa Diyos ang para sa Diyos!” Buot silingon nga sa aton kabuhi, ang tagsa-tagsa may iya nga kaugalingon nga lugar, may nagakaigo nga katahuran, may nagakaigo nga pagtalupangud!
Ang imo panimalay nagakinahanglan sang imo paghigugma, indi ang imo trabaho. Ang imo Diyos nagakinahanglan sang imo pagtuo, indi sang imo ginansya!
Ginhatag ta gid bala ang para sa Diyos, ukon gin-IMO mo lang ang tanan?

FR. RONNIE



MAS IMPORTANTE ONG PARA SA DIOS
Sa manakara nga Ebanghelyo, ginbuko et mga Pariseo ag mga katapu et partido ni Herodes nga sid-on si Jesus. Naghimo anay sanda et pauna nga pang-asot paagi sa pagdayaw kanana bilang manunudlo nga owa et ginapasulabi. Ag dayon ginhulog nanda ong siod paagi sa isa ka pamangkot tuhoy sa buhis para sa emperador et Roma. Kon si Jesus magsabat et “Huo”, hingabuton sia et mga Romano ag silutan bilang isa ka manugribok. Ag kon sia magsiling nga “Indi”, maakig naman kanana ong mga Judeo ag kabigon sia nga isa ka traidor. Sampak gid kaayo ong anda ginhanda nga siod ag daw piho gid nga indi sia kaluwas.
Apang sin-o bala ong makatupong sa diosnon nga kaalam? Ong stratehiya et mga ‘espiya’ daw ‘boomerang’ nga nagbalik kananda: “Itao ninyo sa Emperador ong para sa Emperador, ag itao sa Dios ong para sa Dios”. Si Jesus owa nagsulod sa pagbinaisay et pulitika. Owa sia magsiling nga dapat pahalinon ong mga Romano sa Israel.
Karon, sa estilo et paghambal nga “PARALLELISMO” sadto anay, ong ikaduha nga bahin amo ong mas labing importante. Gani ong pagtao sa Dios et sang ana et Dios labaw sa katungdanan sa Emperador. Si Jesus owa magsiling kon ano ong para sa Emperador, kay owa et may ginapanag-iyahan ong Emperador. Owa man sia magsiling kon ano ong para sa Dios, kay ong tanan ana et Dios. Sia ong nagtuga et tanan.
Owa si Jesus nagawala et gahum et tawo. Sa katilingban ukon sa pungsod, kinahanglan ong nagapamuno. Apang ginapahanumdom nana nga Dios ong tag-iya et tanan, ag ong bisan sin-o nga pinuno, emperador man sia, ukon mayor, gobernador, ukon presidente sa aton panahon, may salabton kanana.
Mabuhay ong Maalwan nga mga Mambusaonon!
FR. DODO



ANECDOTE
BETTER RELATIONSHIP
A man walked into a therapist's office looking very depressed. "Doc, you've got to help me. I can't go on like this." "What's the problem?" the doctor inquired.
"Well, I'm 35 years old and I still have no luck with the ladies. No matter how hard I try, I just seem to scare them away."
"My friend, this is not a serious problem. You just need to work on your self-esteem. Each morning, I want you to get up and run to the bathroom mirror. Tell yourself that you are a good person, a fun person, and an attractive person. But say it with real conviction. Within a week you'll have women buzzing all around you."
The man seemed content with this advice and walked out of the office a bit excited. Three weeks later he returned with the same downtrodden expression on his face. "Did my advice not work?" asked the doctor. "It worked alright. For the past several weeks I've enjoyed some of the best moments in my life with the most fabulous looking women." "So, what's your problem?" "I don't have a problem," the man replied. "My wife does.”

FOOD FOR THOUGHT
“Remember always that you not only have the right to be an individual, you have an obligation to be one.” (Eleanor Roosevelt)

28th Sunday in Ord. Time (A)

GINHARIAN KAG BANGKETE

Ginhalintulad sang aton Ginuo ang Ginharian sang Diyos sa isa ka hari nga naghanda sang bangkete sang Kasal. Ang bangkete isa ka selebrasyon… isa ka pagkinalipay… isa ka pagpahayag sang paghigugma. Sa bagay nga kita makasiling nga sa bangkete: “The more, the merrier”. Apang isa ka masubo nga sitwasyon subong ang ginpakita sang aton Ginuo sa Iya nga palaanggiran. Ang mga inagda naghimo sang mga “kabangdanan” nga indi sila makapasakup! Sa pagkamatuod INDI gid man sila iya luyag magbaton sang pangagda, apang katulad man sang kalabanan sa aton sila naghimo sang mga “alibi” agud indi sila makakakadto!
Sa sini nga sitwasyon, tungud kay nagbalibad ang mga “pinili nga inagda”, nagsugo nalang ang hari nga imbitaron ang TANAN nga masumalang sang mga suluguon sa dalanon, malain man ukon maayo!
Amo man ini ang natabo sa maragtas sang kaluwasan. Gin-una sang Mahal nga Diyos ang mga Isrelinhon nga mangin Iya nga pinili, apang sila man ang una nga nagbalibad sa Iya nga pangagda, amo gani nga ang kaluwasan gintan-ay sa TANAN nga mga rasa sang mga pungsud sa bug-os nga kalibutan… ang TANAN ginaagda sa bangkete nga gintigana sang Diyos sa bug-os nga katawhan.
Tulad sang mga bangkete nga aton ginatipunan, kinahanglan man nga may ara nga mga pagsulundan katulad sang aton ginasuksuk nga bayu. Dapat ang aton nga pagkatawo o pagginawi, nasanto man suno sa painu-inu sang nag-agda sa aton. Ginahanda ta man bala sang maayo ang aton kaugalingon paagi sa paghigugma, pagpatawad, kag paghidait, agud mangin malipayon ang aton nga pagpasakup sa bangkete sang aton Amay sa langit?

FR. RONNIE




BAYU

Ong Simbahan – bisan pa nga gintawag et Dios – ginabuylogan et maayo ag malain nga mga tawo. Ag dya nga pagtawag, indi lamang agud kita magpasakop, kundi sa paghimo et pagbulot-an et nagapapunsyon nga amo mismo ong Dios.
Sa aton Ebanghelyo, ginpatapok et hari ong tawo nga owa makasuksok et bayu para sa punsyon. Ong importansya owa sa bayu; daon dya sa aton panimuot nga ginasimbolo et bayu. Kon mag-adto kita sa punsyon, nagasuksok kita et nagakaigo nga bayu. Ong iban gani nagapatahi gid. Amo man dya ong aton ginahimo kon magsimba. Ukon nagabayu kita et pormal kon kita magpakigkita sa importante nga tawo. Dya tanan tanda et aton pagtahod. Mu gani nga ong tawo nga owa magsuksok et bayu para sa punsyon owa nagatao et pagtahod sa hari. Gani sya gindakop, gingapus ag ginhaboy sa kadudolman.
Sang kita ginbunyagan, kita nagpasakop un sa punsyon et Ginuo. Apang nagasuksok bala kita et nagakabagay nga bayu? May hulobaton nga nagasiling: “El habito no hace el monghe!” – Ong habito owa nagahimo sa isa ka monghe. Buot silingon, ong bayu para sa punsyon nga ginapangita et hari indi ong bayu nga ginasuksok ta ag masami ginapaila-ila pa naton sa iban kundi amo ong KAAYO o BIRTUDES nga dapat ‘isul-ob o isuksok’ et tagsa ka Katoliko nga Kristiano. Apang ginasuksok gid man bala naton dya nga sahi et bayu?
Mabuhay ong Maalwan nga mga Mambusaonon!

FR. DODO

ANECDOTE
OVER-FEEDING
A highly timid little man, ventured into a biker bar in the Bronx and clearing his throat asked, "Um, err, which of you gentlemen owns the Doberman tied outside to the parking meter?" A giant of a man, wearing biker leathers, his body hair growing out through the seams, turned slowly on his stool, looked down at the quivering little man and said, "It's my dog. Why?"
"Well," squeaked the little man, obviously very nervous, "I believe my dog just killed it, sir." "What?" roared the big man in disbelief. "What in the hell kind of dog do you have?" "Sir," answered the little man, "it's a little four week old female puppy." "Bull!" roared the biker, "how could your puppy kill my Doberman?" "It appears that your dog choked on her, sir."

FOOD FOR THOUGHT

“The way you treat yourself sets the standard for
others.” (Sonya Friedman)

27th Sunday in Ord. Time (A)

IPA-AGSA SA IBAN

Ang Maayong Balita sang atonAmay sa langit una nga ginbantala sa mga Judeo– sa pungsod nga ginpili sang Diyos. Sila amo ang “chosen people” suno sa aton moderno nga linggwahe, apang bisan pa sa mga kaayo nga ginpakita sang aton Amay, sugod pa sa panahon sang “exodus” gikan sa Ehipto pakadto sa isa ka “Duta nga Ginpangako” sang Mahal nga Diyos, sa gihapon nagpabilin nga “matig-a” ang ila nga tagipusuon sa pagpati kag pagtuo nga ang Diyos nagalab-ut gid sa Iya mga tawo.
Sa bagay nga nag-abut ang tion nga bisan pa ang Bugtong nga Anak sang aton Amay sa langit Iya nga ginpadala agud sa pagdala sang Maayong Balita kag kaluwasan sa bug-os nga katawhan. Sa pihak nga bahin, sa gihapon nagpabilin sila nga “buta kag bungol” sa panawagan sang Mahal nga Diyos, nga bisan ang aton Ginuo ila pa natubsan nga pasakaan sang panumbungon bilang isa ka “kriminal” kag ginpamatbatan sang kamatayon sa Krus!
Diri nasentro ang palaanggiran sang aton Ginuo subong nga Dominggo. Ang presensya sang aton Ginuo isa ka manggad para sa mga tawo nga “nagabaton” sa Iya sa ila kabuhi, apang kon padayon naton nga ginabalibaran ang “kaalwan” sang Mahal nga Diyos, Siya magakuha sini nga manggad kag ini igahatag sa iban nga bukas sa pagbaton sini.
Ining Maayong Balita padayon nga ginatan-ay sa aton sang aton Ginuo sa tagsa-tagsa. Bukas bala ang aton tagipuson sa pagbaton kag pagbag-o sang aton kabuhi? Yari na ini sa aton tunga! Ginahakus ta bala ini bilang aton matuod-tuod nga manggad?

FR. RONNIE


KINAHANGLAN TA MAGPAMUNGA

Ong palaanggiran et Talamnan et Ubas nagasugid kanaton et kapintas et mga agsador nga nagpamatay et mga suloguon et tag-iya. Anda man dya ginhimo sa ana anak ag heredero. Gani tungod et anda kapintas, ong ginharian et Dios bawion sa mga ‘agsador’.
Si Jesus nagtumod sa mga pinuno et Israel bilang amo ong mga mapintas nga mga agsador. Dya sanda pagaislan et iban nga mga pinuno. Ag ong katilingban ni San Mateo nga ginabuylogan et mga Judeo ag mga Hentil, nagasiling nga sanda karon ong bag-o nga “Ethnos” – ong mga tawo nga nagpanubli et talamnan. Kaangay et Israel sang una, sanda amo “ong pinili nga kaliwat, harianon nga katilingban et mga pari, balaan nga pungsod, katawhan nga ana et Dios” (1 Ped 2:9) Ag gani, kinahanglan nga ipakita nanda nga nagakabagay sanda sa kara nga pagtawag paagi sa pagpamunga et hustisya ag paghidait, agod nga ong ngalan et Dios indi pagtampalason bangud kananda.
Karon, kita nga mga Katoliko nga Kristiano amo ong tiglawas et karang bag-o nga komunidad ni Kristo. Ong tagsa-tagsa ginatawag sa pag-obra sa talamnan et ubas et Ginuo. Apang nagapamunga bala kita et duro? Kon ong aton sabat: “Huo, nagakabuhi gid man ko ya bilang minatuod nga Katoliko, sa pulong ag buhat!”, ti maayo ag padayuna. Apang kon owa man lang kita nagapatubas et ginapaabot et Dios kanaton, ti kinahanglan ta un nga magpamalandong ag magbag-o. Kay basi ukon pat-ud gid nga matabo kanaton ong natabu sa mga tawo nga pinili sang una: “Ong Ginharian et Dios kuhaon sa inyo ag itao sa mga tawo nga nagapatubas et nagakaigo nga mga bunga!”
Mabuhay ong Maalwan nga mga Mambusaonon!

FR. DODO

26th Sunday in Ord. Time (A)

ANG MGA MALAIN NAGPATI

Ang mga katigulangan kag mga Manunudlo sang kasuguan sang panahon sang aton Ginuo, may pagpati nga sila lang ang mayad… sila lang ang maayo… sila lang ang may ihibalo sa pag-interpretar sang kasuguan nga ginsulat ni Moises. Buot silingon nga ini nga mga tawo nagapati nga sila lang ang “sigurado” nga makapanubli sang Ginharian sang Diyos– sila lang ang maluwas!
Sa aton nga panahon subong, madamo man nga sahi sang mga tawo ang may painu-ino nga subong sini. Sila ayhan nagasiling sa ila kaugalingon: “Ah, gasimba man ako kada Dominggo, sigurado na ang akon kaluwasan”…” Nagabulig man ako sa Simbahan, may padya gid ako sa langit sa ulihi”… “Wala man ako sang ginsupak nga sugo sang Diyos, indi gid ako pagsilutan sa impyerno”… kay ayhan iban pa nga mga “pagpaniguro” ang nagatanum sa ila painu-ino kag balatyagon.
Apang sa aton nga Ebanghelyo, daw mas may madalum pa gid nga ginapaabut sa aton ang aton Ginuo. Indi lang kay nagatuman kita sang mga kasuguan sang Diyos ukon nagabulig, kundi nga dapat nga sa aton nga kaugalingon mismo nga pagkabuhi, makita ang MINATUOD nga PAGTUMAN sa binubuot sang aton Amay sa langit kag indi lang sang pagpakita-kita nga kita maayo. Hantup bala ang aton pagtuman sa Iya ukon mayad lang kita magsiling sing “huo” kon may nagapamati o may nagalantaw?

FR. RONNIE



HUO

Owa et lubos nga dalayawon sa daywa ka anak sa aton palaanggiran kay sanda pareho lang nga nagtao et kalisod sa balatyagon et anda amay. Ong unga nga nagsiling “HUO-APANG-INDI”, nagtao et kalipay sa amay, apang NALUGAW-AN sia kanana tungod nga owa na ginhimo ong ana pagbuot. Sa pihak nga bahin, ong unga nga nagsiling “INDI-APANG-HUO” nagpilas et balatyagon et amay tungod et ana PAGPAMALIBAD. Apang, sa gihapon, mas maayo ong magliso ag magbaylo et panghunahuna ag maghinulsol sang sa magpadayon sa pagpakatig-a et taguipusuon.
Sa pagpamangkot ni Kristo kon sin-o ong mas maayo sa daywa ka unga, owa sia nagapangita kon sin-o ong pinakamaalam sa ana mga tagpalamati. Kundi ana ginaduso ong punto nga, sa anda kaangtanan o relasyon sa Dios, indi ong imo ginahambal, indi ong imo ginapanug-an, indi ong imo maayo nga plano ong IMPORTANTE, kundi kon ano ONG IMO GINAHIMO, ong imo ginabutang sa buhat.
Ong magulang nga anak nagarepresentar sa mga manugsukot et buhis ag mga alpot nga ong anda kabuhi nangin “INDI” sa mata et Dios apang manakara NAGHINULSOL un ag gani, una pa sanda sa pagsulod sa ginharian et Langit. Ag ong manghod nga anak nagatumod sa mga lideres et mga Judeo nga sanda mga “santos” KUNO apang owa nagpati sa panawagan ni Juan Bautista nga MAGHINULSOL ag MAGBAG-O et anda kabuhi, sa PANIMUOT ag PAGGINAWI. Buot silingon, bilang mga MINATUOD nga SUMULONOD ni Kristo, ong palaanggiran nagapapat-ud kanaton nga ong Dios nagahulat et aton “HUO” kanana. Ag dyang “HUO” dapat itao naton MANAKARA, sa kara gid nga tion. Ag dayon sa tanan nga tion. Kay ayhan owa un kita et kahigayunan hin-aga sa pagbag-o et aton kabuhi.
Mabuhay ong Maalwan nga mga Mambusaonon!

FR. DODO

ANECDOTE

FAITHFULNESS QUESTIONED

Jimmy, a priest and a rabbi were talking one day and during the course of the conversation, Jimmy casually asks the rabbi, "I know that in your religion, you're not supposed to eat pork... but have you really never even tasted it?" The rabbi responded, "I must tell you the truth. Yes, I have, on the odd occasion." Jimmy then asks the priest, "I know that in your religion, you're supposed to be celibate, but..." The priest interjected, "Yes, I know what you are going to ask, and yes, I have succumbed to temptation once or twice." The rabbi then asks the priest, "Better than pork, isn't it?"


FOOD FOR THOUGHT

“A good example is the best sermon.” (Thomas Fuller)

BITS & PIECES

THE SENILITY PRAYER:

Grant me the senility to forget the people 
I never liked anyway, 
The good fortune to run into the ones I do, and 
The eyesight to tell the difference.

25th Sunday in Ord. Time (A)

KADTO MAN KAMO KAG MAG-OBRA

Ang palaanggiran sang mga manug-obra sa talamnan sang ubas, isa ka pagpahanumdum sa aton kon ano ang ginharian sang aton Mahal nga Diyos. Katulad sang pangagda sang tag-iya sang ubasan, ang Diyos naga-agda man sang “tanan” nga magpasakup sa “hilikuton” sa Iya nga ginharian. Ini nga ginharian Iya na nga ginsuguran sang Iya gintukud ini diri sa kalibutan paagi sa pagpasad sang Iya nga Simbahan– ini amo ang Iya nga ubasan diri sa duta, sa diin kita nagapanrabaho agud sa ulihi, sa “pagtunud sang adlaw” sang aton kabuhi, kita man makakuha sang aton nagaka-igo nga “sweldo” sa Iya ginharian sa langit.
Sa sini nga Simbahan– sini nga ubasan– ang tanan gina-agda sa pagpasakup sa pagbuhat sang iya nagaka-igo nga “papel” bilang isa ka trabahador sang Mahal nga Diyos. Sa bagay nga bilang katapo sang “lawas” sang aton Ginuo, suno kay San Pablo, tanan kita may yara nga iya nga kaugalingon nga buluhaton agud mapasanyog ining bug-os nga lawas!
Indi lang sang tama na nga magsiling kita nga kita “Kristiyano” (nagatuo kay Kristo nga Diyos), apang wala man kita nagapasakup sa Iya nga Lawas nga amo ang Simbahan. Ang minatuod nga Kristiyano nagapasakup sa kabuhi sang Simbahan- sa ubasan– sang aton Ginuo, sa diin siya nagatrabaho!

FR. RONNIE



NAHISA KA BALA KAY MAALWAN AKO?

Ong palaanggiran sa Ebanghelyo owa nagatuhoy sa “hustisya” kundi sa KAHISA. Nagpamangkot ong tag-iya: “Nahisa ka bala kay maalwan ako?” Sa orihinal nga Griego, ong nahisa “nagtao et malaut nga mata” sa tag-iya sa paghimo et malain kanana agud makuha ong ana pagkabutang. Owa sanda et pagtahod sa tag-iya; ong anda ginalagas amo lamang ong para kananda. Ikaw ag ako nakasayud kon ano ong kahisa. Kon owa ikaw nakamaan et “spelling” kaon, piho nga kasayud ka gid et pamatyagan kon paano mahisa. Ong kahisa isa ka balabag sa pagtubo sa kabuhi et pagkasantos.
Ano ong kahisa? Dya amo ong KALISOD nga aton nabatyagan bangud ong anda et iban owa kanaton. Kita naton ong daon sa iban nga owa kanaton, gani, nagahimo on kanaton nga masinulob-on. Nagapanumdom kita dayon nga kon may daon lang kita tani et anda et iban, malipay gid kita. Apang sa pagkamatuod, ong sekreto et kalipay owa nasandig sa pag-angkon et mga butang nga owa kanaton kundi daon on sa PAGTAO et mga butang nga daon un kanaton. Kay kita indi gid mangin malipayon bisan makuha ta man ong mga owa kanaton bangud, kon daon un sanda kanaton, kita mahadlukan naman nga madula sanda kanaton.
Ong kahisa may duro nga dagway: ‘material possessions’, ‘physical attributes’ ag bisan ‘spiritual benefits’. Ano ong bulong kaon? Pagpauli mo hindon ag manugkatyog ka un, start COUNTING your BLESSINGS. Indi pag-isipa ong mga grasya nga owa pa kanimo, ukon ong mga bugay nga ginapangayo mo. Isipa ong mga grasya nga DAON UN kanimo. Kay sa pagkamatuod, puno un ong aton mga palad ag indi un kita dapat magpangayo et dugang. Kon aton lamang umpisahan ong pag-isip et aton mga nabaton nga grasya, magatubo gid kita sa pagkamapinasalamaton ag gani mangin mas malipayon. Kon ong ginatan-aw lamang naton pirme amo ong “KULANG” sa aton, indi gid kita mangin malipayon sa aton kabuhi.
Mabuhay ong Maalwan nga mga Mambusaonon!
FR. DODO


ANECDOTE

TOO MUCH RESEARCH WORK
"What time does the library open?" the man on the
phone asked. 
"Nine A.M." came the reply. "And what's the idea of calling me at home in the middle of the night to ask a question like that?"
"Not until nine A.M.?" the man asked in a disappointed voice.
"No, not till nine A.M.!" the librarian said. "Why do you want to get in before nine A.M.?"
"Who said I wanted to get in?" the man sighed sadly. "I want to get out." 

FOOD FOR THOUGHT
“Without community, there is no liberation.” (Audre Lorde)

24th Sunday in Ordinary Time (A)

GINPATAWAD KO ANG IMO UTANG
Ayhan madamo sa aton ang may palaligban katulad ni Pedro sa aton Ebanghelyo subong: “Makapila bala makasala ang akon utod, kag patawaron ko siya?” May layi ukon may talaksan bala ang aton nga pagpatawad? May hulubaton kita nga nagasiling: “Kon puno na gani ang gantangan, kalison gid ikaw!”, ukon “Indi pag-inata sang sobra ang koriya, kag basi mabugto!” Ini nga mga hambalanon nagapahayag nga ang tagsa-tagsa sa aton may talaksan sa aton utod nga nakasala.
Apang ang punto sang aton Ginuo, daw sa lain sang sa kinaandan nga pagpati. Para sa aton Ginuo, ang sukatan sang pagpatawad amo nga WALA INI SANG SUKATAN! Ang “expression” nga “kapitoan ka pito” nagakahulugan nga ang pagpatawad “wala sang katapusan!” Ang pagpatawad INDI SANG MAISIP! Ang pagpatawad nagahatag sang tanan nga tion para sa PAGBAG-O sang isa ka tawo. Ini tungud kay ang ini nga sahi sang pagpatawad amo ang sahi sang pagpatawad nga ginpaluntad sang aton Mahal nga Diyos sa aton tunga. Amo ini ang sahi sang pagpatawad nga gintan-ay sang aton Ginuo bisan tubtub sa katapusan nga pagtinghak sang Iya nga ginhawa didto sa Krus! Pagpatawad nga wala nagadula sang paglaum nga ang isa ka makasasala sarang MAKAPANIBAG-O!
FR. RONNIE


LEKSYON ET PAGPATAWAD
Duro kanaton ong nakamaan et daywa sa pinakasikat nga kastila nga mga “TENOR” sa bilog nga kalibutan nga sanday Placido Domingo ag Jose Carreras. Apang nasaydan ta bala nga sanda mortal nga magkaaway? Si Placido Domingo isa ka Madrileno ag si Jose Carreras isa ka Catalan. Ong mga Catalan ag mga Madrilenos kontrahanay sa pulitika. Dyang rason sa pulitika ag ong anda ‘professional’ nga paindis-indis amo ong naghimo day Placido ag Jose nga mortal nga magkaaway. Gani sanda nga daywa “explicit” nga nagahambal sa anda mga kontrata nga sanda maga-perform lamang kon ong isa indi imbitado.
Sang 1987, si Carreras nakasugata et isa ka kontra nga mas mapintas pa gid sang sa kay Domingo: Ong sakit nga LEUKEMIA! Ong ana pagbato sa kara nga sakit amo ong pinakamasakit sa tanan. Sya napilitan nga magpabalikbalik sa USA, isa ka bes tagabulan, sa pagpabulong. Tungod indi sia makaobra sa ana sitwasyon ag bisan manggaranon sia, ong mahal nga bayad sa plete ag sa mga ‘treatments’, nagpakabos et ana kwarta.
Sang dali un lang gid maubos ong ana ‘finances’, nadiskubrehan nana ong “Hermosa Foundation” sa Madrid nga ong nagaisahanon nga obra amo ong pagbulig sa mga may leukemia. Ag paagi kara, si Jose nag-ayo ag nagbalik sa pagkanta. Gani pagkatapos nana mabawi ong ana nga manggad, sia nagpanumdom sa pag-entra sa ‘foundation’. Apang sang sya nagabasa et anda “by-laws”, ana nadiskubrahan nga ong “founder ag president” et ‘foundation’ amo si Placido Domingo. Dayon ana man nasaydan nga gintukod ni Placido ong ‘foundation’ sa pagbulig sa ana, ag owa sya nagpakilala agud indi man sia mahuy-an.
Gani sang sanda magkit-anay, si Jose nagsorpresa kay Placido sang sia nag-interrupt et ana ‘performance’. Si Jose nagluhod sa tiilan ni Placido, nagpangayo et ana patawad ag hayag nga nagpasalamat kanana sa mga nagalantaw. Si Placido naghakus kay Jose nga amo ong selyo et umpisa et anda suod nga pag-abyanay.
Tani dya nga estorya mangin aton inspirasyon ag magtulod sa aton sa PAGPATAWAD.
Mabuhay ong Maalwan nga mga Mambusaonon!
FR. DODO



ANECDOTE

FORGIVE THE IGNORANT!
"Mister, why doesn't this cow have any horns?" asked the young lady from a nearby city. The farmer cocked his head for a moment, then began in a patient tone, "Well, ma'am, cattle can do a powerful lot of damage with horns. Sometimes we keep'em trimmed down with a hacksaw. Other times we can fix up the young 'uns by puttin' a couple drops of acid where their horns would grow in, and that stops 'em cold. Still, there are some breeds of cattle that never grow horns. But the reason this cow don't have no horns, ma'am, is 'cause it's a horse."

23rd Sunday Ord. Time (A)

MAGHISUGUT SA PAGPANGAMUYO
Daw ano katahum sang mga pulong sang pagpasalig subong sang aton Ginuo sa aton nga Ebanghelyo, nga pagahimuon para sa aton sang aton Amay sa langit ang aton ginapangayo kon ini aton ginakasugtan sa aton nga pagpangamuyo.
Ginapakita sini nga dinalan sa Santos nga Ebang- helyo ang gahum sang “katilingban” nga “nagahiusa” sa iya nga pagpanawag sa Mahal nga Diyos. Ang Diyos nga aton Amay magahatag gid sang aton nga ginapangayo kon kita may mabaskug nga paghiusa sa isa kag isa– ang PAGHIUSA SA PANGAMUYO.
Si Fr. Patrick Peyton, ang manugpalapnag sang debosyon sa Santo Rosario balik-balik nga nagapanawagan: “The family that prays together, stays together”. Diri ginapahayag nga kon nagahiusa ang panimalay sa pagpangamuyo, nagabakud man ang sadsaran sang tagsa ka panimalay– ang panimalay nangin isa ka KATILINGBAN nga mapinangamuyuon. Kag kon nahiusa kita sa pagpangamuyo, ang Diyos magapamati man sang aton nga panawag!
Masubo lang ugaling kon aton nga panilagan subong nga panahon nga ang aton mga panimalay nagahiusa sa madamo nga mga okasyon kag kalingawan -programa sa telebisyon (nga ginaba-isan pa gani sang kalabanan), dibersyon (indi kuno sang sugal bisan nagakapierde na sang linibo ka pesos), pagplano kon paano kaganansya sang daku (indi man kuno dinaya, kundi may “advantage” lang), apang WALA na nagahiusa sa pangamuyo! Amo man gani siguro kon ngaman nga aton mga pangamuyo daw sa wala man ginapamatian sang aton Amay sa langit! Balikan naton angPAGHIUSA SA PAGPANGAMUYO! Diri nasandig ang aton KABAKUD!
FR. RONNIE



PAGHIGUGMA NGA NAGAKONTRA
Duro kanaton ong nagapanumdom nga kon palangga mo ong isa ka tawo, dapat sundon mo sya pirme ag indi mo gid pagsakiton ong ana balatyagon. Apang ong minatuod nga paghigugmaanay ag pag-amigohay nagakahulogan man et pagsalungat, pagkontra ag pagtadlong sa abyan nga nagapanaw sa tiko nga dalan.
Ong ebanghelyo manakara nagatudlo: “Kon ong imo utod nagasala kanimo, kadtui sia ag ipakita kanana ong ana sala” (Mt. 18,15) Tungod et aton mahuyang nga tawhanon nga kinaugali, malip-ot ong aton pasiensya sa mga kakulangan ag mga kasal-anan et tawo. Nagalikaw kita sa malaut nga mga tawo; ginasiling naton nga owa taton et labot kananda. Apang si Kristo nagaagda kanaton nga himuon ta ong tanan agud nga ong nakasala makabalik sa aton katilingban, kay sia utod naton.
Sa pagtudlo ni Kristo nga may obligasyon ag labot kita sa isya ag isya, ana man ginapasat-um nga isa ka importante nga parte et paghigugma ong PAG-CORREGIR et sala nga ginahimo et iban. Kay ong ana Amay nagpaandam: “Kon hambalon ko ong isa ka malaut nga tawo nga mapatay siya, ag ikaw owa et may ginhambal agud haylohon sia sa ana malain nga ginahimo, mapatay sia bangud sa ana sala, apang ikaw ong mangin RESPONSABLE sa ana kamatayon.”(Ez. 33;7-9)
Kita tanan may katungdanan sa pagpatindog et maayo nga pagtamdanay, paghiliusa, pag-angtanay ag pagpinatawaray sa tunga naton. Ong ebanghelyo nagasambit et mga tikang paadto sa duri nga paghilisugot, paghirupay ag pag-ayuhay. Kay indi et kabubut-on et Dios nga ong makasasala mapatay, kundi nga sia magbalik, magliso ag mabuhi.

FR. DODO

ANECDOTE

DON’T FOOL GOD IN YOUR PRAYERS

Smith climbs to the top of Mt. Sinai to get close enough to talk to God. Looking up, he asks the Lord. . . "God, what does a million years mean to you?" The Lord replies, "A minute." 
Smith asks, "And what does a million dollars mean to! you?" The Lord replies, "A penny. 
"Smith asks," Can I have a penny?" The Lord replies, "In a minute".

FOOD FOR THOUGHT

“We don't accomplish anything in this world alone ... and whatever happens is the result of the whole tapestry of one's life and all the weavings of individual threads from one to another that creates something.” (Sandra Day O'Connor)

22nd Sunday Ord. Time (A)

IMO ANG TANAN… ANO DAYON?

Amo ini ang ginapamangkut subong sang aton Ginuo sa Iya mga apostoles kag subong man sa aton nga nagapamati sini: “Ano bala ang makuha sang tawo kon maangkon niya ang bug-os nga kalibutan kag madula niya ang iya kabuhi? Wala gid! Wala sing sarang mahatag ang tawo agud mabuhi siya liwat.” Imo man matuod ang kalibutan pero wala ka gid sang madala kon mabugto na ang kabuhi mo sa sining kalibutan. Bisan anhon sang imo “gina-angkon” nga manggad, kon ikaw mapatay na, wala ka gid sinig mahimo agud mabuhi ka pa liwat! Ini nagapahanumdum sa aton nga bisan nano pa kita ka gamhanan kag kamanggaran sa sining kalibutan, ni kamilingkingan, wala gid kita sang “ginapanag-iyahan”! Ang tanan puro “HINULAMAN”! Kag ini ginpahulam sang isa gid lang ka nagapanag-iya sang tanan– Ang Diyos nga aton Amay! Ang MANUNUGA!
Kamatuoran ini nga halos nahibal-an naton tanan, apang sa masami, amo man ang aton PIRMI nalilimtan! Kon kita ara na sa putuk-putukan sang kadalag-an kag kasaganahan, nagadumdum gid kita nga ini tanan nahanabo tungud sa aton tinamakasan kag abilidad! Ayhan matuod ina, apang indi man naton pagkalimtan ang sa likud sina nga kamatuoran– nga ini tanan GINHATAG SANG DIYOS sa aton! Sa aton nga moderno nga lenggwahe, makasiling kita nga “weather-weather” lang ina! Swerte ka lang kay na weather-weatheran ka! Maayo ang igo sang “bwenas” sa imo! Apang dapat naton panumdumon nga ang naghatag sang maayo nga weather sa imo amo ang TAGTUGA sang weather– Ang Diyos nga aton Amay sa langit! Indi kita kuntani malipat sini!
FR. RONNIE




MABUHAY ONG KRUS!

Ong ebanghelyo manakara nagapasat-um nga owa pa mahangpi ni Pedro ong pagka-Kristo ni Jesus. Para kanana, si Jesus Mesiyas suno sa ginalauman et kadam-an sa Israel. Si Jesus ong mapatindog et napukan nga ginharian ni David; ong magalutos et mga kaaway et banwa et Dios; ong magapatuman et Kasugoan et Dios sa tanan. Dayon ong mga gintutun-an magahari imaw kanana. Daw isa dya ka “dream come true” para kay Pedro. Gani, hanggud gid ong kakugmat ni Pedro sang mabatian nana si Jesus nga nagpahayag nga maadto sia sa Jerusalem, maantus et grabe ag pagapatyon.
Owa et tawo nga gusto mapatay, labi un gid, nga mapatay nga NAGABAGUN-A ukon NAGATIYABAW sa KASAKIT. Sa panumdoman ni Pedro, kon si Jesus Anak et Dios ag amo ong ginapaabot nga Manlulowas, ngaman kinahanglan pa nana mag-antus. “What are we in power for?” Hamat indi nana gamiton ong ana gahum suno sa ana gusto ag kinahanglanon? Gani si Pedro nagsaway kay Jesus. Apang ginsaway man sia ni Jesus ag gintawag pa gani nga “Satanas” nga, ong buot silingon, ginabalagan nana ong plano ag luyag matabu et Dios.
Nakasayud gid ong aton Ginuo nga suno sa ‘talaksan et Dios’, maluwas lamang ong kalibutan paagi sa ana pag-antus. Mabawi lamang et tawo ong ana dignidad kon ong Dios mismo magpanaug ag magsakwat et kalainan nga ginapas-an et tawo. Kay kon indi dya pagdal-on et Dios, indi kita maluwas nga mga tawo. Sa ginasiling ni Fr. Ronnie sang Viernes Santo, “ong kamatayon ni Kristo sa Krus amo ong pruweba nga ong aton sala nabayran un, nga ong aton utang IMPAS un!”
Mabuhay ong Maalwan nga mga Mambusaonon!
FR. DODO


I DID IT MY WAY

Pedro was driving down the street in a sweat because he had an important meeting and couldn't find a parking place.
Looking up toward heaven, he said "Lord, take pity on me. If you find me a parking place I will go to Mass every Sunday for the rest of my life and give up tequila."
Miraculously, a parking place appeared.
Pedro looked up again and said, "Never mind. I found one."

FOOD FOR THOUGHT

“Treasure your relationships, not your possessions.” (Anthony J. D'Angelo)

21st Sun. Ord. Time- A

ANG AKON NGA IGLESIA...
Ang tinaga nga “Iglesia” ginlubad sa aton nga lenggwahe nga “Simbahan”. Kag sa masami ini nga tinaga aton ginagamit sa madamo nga mga kahulugan. May ara nga nagagamit sini nga nagatumud sa isa ka “Esruktura” (Structure ukon Building). Gani kon magpamangkut ka: “Ano kadaku ang inyo nga simbahan?”, buot silingon, ano ka daku ang inyo “building”. May ara man nga nagatumud sini bilang isa ka “Pagtulu-ohan”. Gani kon ikaw magpamangkut: “Ano nga simbahan o ano nga iglesia ang imo ginasudlan?” ikaw nagatumud sa sahi sang pagtuo nga imo ginahakus– katoliko ka bala? Protestante? Ukon iban pa?
Karon nga Dominggo, gingamit man ini nga tinaga sang aton Ginuo sang Iya nga “gindayaw” si Pedro sang iya ma-”jacpot”an ang sabat sa pamangkut sang aton Ginuo kon sin-o gid bala Siya. Sang magsabat si Pedro nga si Ginuong Jesus amo ang “Kristo, ang Anak sang Dios nga buhi!”, ginpahayag man sang aton Ginuo ang sahi sang iglesia o simbahan nga Iya pagatukuron. Ini nga Iglesia may kaangtanan sa Iya nga Amay sa langit. Indi lamang ini sang tawohanon nga estruktura ukon tawohanon nga institusyon, kundi isa ka pagtuo sa isa ka Amay nga nagpahayag sang Iya nga kaugalingon paagi sa Iya Anak nga nagpakatawo kag ginapadayon nga mangin mabakud paagi sa gahum sang Espiritu Santo, nga bisan ang “gahum sang kamatayon indi makadaug sa iya!”. Sa pihak nga bahin ini nga simbahan gintugyan sa mga tawo katulad ni Pedro nga amo ang una nga gintugyanan sang yabi sa pagtugot o pagdumili! Gani, ang Iglesia nga wala nagapati kay Jesus nga Anak sang Diyos indi sang matuod nga gintukod nga Iglesia ni Kristo!

FR. RONNIE


PEDRO a.k.a. BATO
Paano nangin ‘BATO’ si Pedro kay sia MAHINA, MAHUYANG AG MATALAW nga tawo? May sugilanon ukon ‘pelikula’ nga nagatumod sa kara nga kamatuoran. Sa pagsugod et paghingabot sa mga Kristianos sa Roma sadto, si Pedro ‘puti et lasog’ nga nagbiya sa ana isigkakristiano agud ‘itorture’ o ipakaon sa mga leon. Samtang sia daon un sa ‘Via Appia’, nasumalang nana si Kristo. Nakibot sia ag ginpamangkut ong Ginuo: “Sa diin ka maadto?” (“Quo vadis?” sa Latin) Nagsabat ong Ginuo: “Sa Roma….agud mapalansang liwat!” Igo kara si Pedro ag nahuy-an. Dayon sia nakamarasmas nga kon luyag nana magsunod kay Kristo, dapat sia man handa sa pagpakamatay sa Krus pareho kanana. Gani si Pedro nagbalik sa Roma ag, pareho kay Kristo, nagpalansang sa Krus, apang sa BALISKAD nga posisyon, tungod indi sia takus nga ilansang pareho sa paglansang kay Kristo.
Sang ato ako didto sa Roma, akon nasaydan nga may isa ka simbahan nga ginatawag “Quo Vadis” agud magmarka sa lugar nga nagsugat-anay sanday Kristo ag Pedro. Ong isa ka mas ‘interesting’ dira amo nga sa pikas kaon, may daon man nga ‘Restaurant’. Kay ginasugid nga pagkatapos et pagsumalangay nanda et Ginuo, ong ‘puti lagay’ nga si Pedro nag-inum et duro nga bino agud magpainit-init, nga amo man ong nagpaisog et ana buot agud magbalik sa Roma, sa pag-atubang et ana kamatayon. Ag ano ong ngalan et ‘restaurant’? “Quo Vadis” man.
Duro et mga Santo Papa ag mga lider nga relihiyoso nga ililogon sa pagkabuhi nga santos. Apang duro man nga mga pari, bisan Obispo nga, paagi sa anda malain nga mga ginhimo, nagtao et grabe nga “ESKANDALO” sa mga tumuluo. Apang bisan ano ong matabu, malain man ukon maayo, ong Simbahan naton MAKALAMPUWAS gid hasta sa katubtoban bangud dya NAPASAD SA BATO!
Mabuhay ong Maalwan nga mga Mambusaonon!
FR. DODO


ANECDOTE

A PHILOSOPHICAL DEFINITION OF JESUS

Jesus said, Whom do men say that I am? And his disciples answered and said, Some say you are John the Baptist returned from the dead; others say Elias, or other of the old prophets. Jesus asked: "But whom do you say that I am?" Peter answered, "Thou art the Logos, existing in the Father as His rationality and then, by an act of His will, being generated, in consideration of the various functions by which God is related to his creation, but only on the fact that Scripture speaks of a Father, and a Son, and a Holy Spirit, each member of the Trinity being coequal with every other member, and each acting inseparably with and interpenetrating every other member, with only an economic subordination within God, but causing no division which would make the substance no longer simple."
And Jesus answering, said, "Huh?"

FOOD FOR THOUGHT

“Leadership involves finding a parade and getting in front of it.” (John Naisbitt)

20th Sunday Ord. Time (A)

MAAYO AKO IYA SANG SA IBAN!
Ang aton nga Ebanghelyo subong nagapakita sa aton sang isa ka sitwasyon sa diin ginapahayag ang “kultura” nga nagaluntad sa panghuna-huna sang mga Hudiyo. Ang aton Ginuo nakaabut sa duog sa “guwa” na sang Judea, sa kadutaan sang Tiro kag Sidon nga yara malapit sa “distrito” sang Canaan. Sa bagay nga ang babayi nga nagpalapit sa Iya taga-Canaan man.
Suno sa malawig nga maragtas sang mga taga-Israel, ang “linahi” sang mga taga-Canaan isa ka linahi nga “mahigko” tungud ang ila mga katigulangan, nagsimba sa mga diyos-diyos! Sa mata sang mga Israelinhon, sila nagdagta sang ila nga kaangtanan sa Diyos ni Abraham, Isaac, kag ni Jacob! Sa bagay nga sa “expression” sang mga Judeo, ang mga tawo nga nagapuyo sa mga duog nga katulad sang Canaan, ginakabig nga “sapat”, partikularmente “mga ido”. Amo gani nga ini nga “expression” gingamit sang aton Ginuo sa nagpalapit nga babayi nga nagapangayo sang bulig sa Iya: “Indi nagakabagay nga kuhaon ang pagkaon sang mga kabataan kag ihaboy sa mga ido.”- Ini pagpahayag sang panghuna-huna nga nagaluntad sa mga Israelinhon nga sila lang ang “pinili nga rasa” sang Diyos. Sila lang ang “favored people” sang Diyos!- Sila lang iya ang mayad! Masami amo man kita sini, indi bala? Mayad kita magkumparar sang aton kaugalingon sa mas menos-menos sang sa aton!
Ayhan, isa ini ka masakit nga “insulto” para sa aton mga pamatin-an, apang indi para sa sini nga babayi. Wala siya magreklamo sa sini nga “pagpasipala” tungud ayhan, GINBATON niya sa iya kaugalingon nga matuod, may sayup gid man ang ila mga katigulangan. Sa baylo, iya gingamit ini bilang “argumento” sa PAGPAUBOS sang iya nga kaugalingon, lamang nga iya madala sa atubangan sang Ginuo ang iya nga kinahanglanon.
Nakita sang aton Ginuo ang iya nga “pagtuo” kag tungud sini Iya man ginpahayag ang isa ka “BAG-O” nga painu-ino– nga sa Diyos, WALA SANG PINASULABI– ang tanan Iya nga ANAK!
FR. RONNIE

19th Sunday Ord. Time (A)- St. John Mary Vianney Sunday

ANG SEGURISTA NGA GINTUTUN-AN
Sa aton nga Ebanghelyo subong nga Dominggo, aton mabati-an ang pasalig nga mga pulong sang aton Ginuo sa Iya mga gintutun-an ilabi na gid sa kay Pedro: “Indi kamo magkahadluk… AKO INI!”
Ini nga mga pulong sang Mahal nga Diyos, suno sa mga nakasiyasat sang kaundan sang bibliya, ginasiling nga gingamit sa Bag-o nga Testamento sa kapin sa 212 ka beses. Halimbawa, ini nga pulong: “Indi ka magkahadluk”, gingamit sang anghel sang iya pagtunda sa kay Maria Santisima nga Siya magabusong sang Manluluwas sa gahum sang Espiritu Santo. Amo man ini ang mga pulong sang aton Ginuo sa mga tawo sang Siya magsiling: “INDI KAMO MAGKAHADLUK, sa makapatay sang inyo lawas apang indi makalaglag sang inyo mga kalag…” kag madamo pa nga hitabo.
Partikularmente, sa karon nga Dominggo, amo man ini nga mga pulong ang ginpasalig sang aton Ginuo sa Iya mga apostoles sang ang ila sakayan ginsumpiya sang mabaskug nga balud tungud sa madlos nga hangin sa suba. Daw ano nalang ang kahadluk sang mga gintutun-an sang ila ini masumalang, tungud ang mga Judeo may pagpati nga ang “mabaskug nga balud” isa ka patimaan sang malain nga hitabo, ini naghalin sa malain nga espiriitu, ukon ini kahimu-an sang gahum sang kadudulman! Sa bagay nga sang makita nila ang Ginuo, nagdumdum sila nga sila nakakita sang isa ka malain nga palanan-awon! Isa ka BAGAT sa tunga sang dagat!
Apang sa “kalma” nga panimuot, ang aton Ginuo nagpasalig sa ila nga Siya kag indi ang prinsipe sang kadulum ang nagalakat sa ibabaw sang tubig. Tungud luyag ni Pedro nga “makapaniguro” nagpangayo siya nga tugutan nga makalakat man sa ibabaw sang tubig!
Pila ayhan sa aton ang katulad kay Pedro kag sa mga gintutun-an nga luyag anay magpaniguro paagi sa mga tanda nga aton makita agud magpati gid kita sa presensya sang aton Ginuo sa aton kabuhi? Yara lang ang DALAYON NGA PRESENSYA sang aton Ginuo bisan pa sa mga “balud” sang aton kabuhi!
FR. RONNIE

MAGPAKA-ISOG KAMO!
May sugilanon nahanungod sa isa ka soltero nga nagtuon et paghorma et kulon sa isa ka manunudlo nga bantog sa ana kinaadman ag abilidad. Sa tapos sia makaobra et pila ka tuig ag natun-an ong halos tanan nga dapat tun-an, nagpamangkut sia kon pwede na sia makahalin ag makadumala et ana kaugalingon nga hilimuan et kulon. Ong manunudlo nagsiling kanana nga magpadayon lang sia sa pag-obra. Gani bisan mabug-at sa ana balatyagon, nagpadayon sia sa pag-obra. Sa tapos et isa pa gid ka tuig, nagpaaalam sia liwat ag liwat man nga ginbalibaran. Sang nagpamangkut sia kon ngaa, nagsabat ong maestro: “Indi pa dya tion et paghalin. Ayhan, sa pila ka adlaw, indi mo un kinahanglan nga magkopya et akon mga kulon. Sa kaon nga tion, makahalin ka un ag makadumala et imo kaugalingon nga hormahan.” Gani nagpadayon sia sa pag-obra, ag isa ka adlaw, nakibot un lang sang singganan et ana manunudlo: “Tion un nga ikaw maghalin. Kay nasapwan ko un ong akon kaugalingon nga nagakopya et imo mga kulon.”
Pareho et estudyante nga manughimo et kulon, kita tanan kinahanglan magtuon et mga butang sa kinabuhi ‘the hard way’. Kon kaisa kinahanglan naton maglugdang agud makasayud maglangoy. Ong aton lamang kinahanglan amo ong magpakaisog, indi magkahadluk ag magsalig sa Dios. Kay sia pat-ud gid, bilang Emmanuel, nga magatabang kanaton sa tanan nga kalalat-an.
Mabuhay ong Maalwan nga mga Mambusaonon!
FR. DODO
ANECDOTE

JESUS FAILS TO WALK ON THE WATER
Jesus and Moses get together for a little reunion. Moses says" I haven't parted a sea in a long time". So he raises his hands, and a sea parts. He looks a Jesus and says " Damn that was fun". So Jesus looks at Moses and says " I haven't walk across water in a long time". Jesus starts to walk on water. He gets out about 10 feet and sinks, so he swims back in. " What the hell went went wrong? I'm gonna try again." This time he gets out about 20 feet, and he sinks, so he swims back in. " I still don't know what happened, I'm gonna try one more time." He gets out about 30 feet and sinks, so he swims back in. He looks right at Moses and says " I know why I can't do it. The last time I tried it I didn't have holes in my feet."

FOOD FOR THOUGHT

“Our fears are more numerous than our dangers, and we suffer more in our imagination than in reality.” (Seneca)

18th Sun. Ord. Time (A)-Fil-Mission

GINHATAG SANG MGA GINTUTUN-AN…

Pagkatapos sang pagpangamuyo sang aton Ginuo sa lima ka tinapay kag duha ka isda, iya ini ginpamihak-pihak kag ginhatag sa mga gintutun-an kag ang mga gintutun-an NAGHATAG sini sa mga tawo.
Karon nga Dominggo, aton nga mabatian sa aton Ebanghelyo, sa aton pagsaulog sang”Fil-Mission Sunday”, ang milagro sang pagpadamo ukon ang pagpamu-ad sang aton Ginuo sang tinapay kag isda nga nakapakaon sang lima ka libo (5,000) ka mga lalaki, wala labut ang mga kabataan kag mga babayi!
Ang milagro sang pagpamu-ad suno sa mga nakasayasat sini, isa ka milagro nga gintuna-an man sang madamo pa gid nga milagro– nga ang Diyos nagabuhat sang milagro sa tagsa-tagsa sa aton, agud nga KITA MAN mangin alagyan sang Iya milagro para sa aton mga isig-kapareho.
Wala makumpleto ang milagro sang aton Ginuo kon una sa tanan, wala sang isa ka bata nga “nagpa-ambit” sang iya nga lima ka tinapay kag duha ka isda, kag wala man ini makumpleto kon wala pag-ipanagtag sang mga gintutun-an sa mga tawo ang nagdamo nga pagka-on. Ini nagapakita lamang sa aton nga ang Diyos matuod nga nagabuhat sang mga milagro sa aton kabuhi apang nagakinahanglan man siya sang aton tawohanon nga masarangan nga igahatag kag igapanagtag para sa Iya!
Matuod, ayhan ang kadam-an sa aton nagadala sang ila mga kinahanglanon ukon mga palaligban sa Diyos, apang sa masami, kon aton na gani “mabaton” ang amo nga milagro sa aton kabuhi, nakadumdum bala kita sa “pagpa-ambit” ukon sa “pagpanagtag” sini nga mga milagro sa aton mga isig-kapareho?
Madamo nga mga kaayohan kag kamayaran ang aton nabaton gikan sa Mahal nga Diyos apang ginpaambit ta man bala ini? Ang “Fil-Mission Sunday” nagahangkat sa aton sa pagpaambit sang mga bugay nga aton nabaton para sa aton mga misyonero! MAGMAALWAN UNTA KITA!
FR. RONNIE

MILAGRO ET PAGBAG-O
Suno sa isa ka biblista, ong isa ka ‘scenario’ nga sarang natabu amo dya. “Duro ong mga tawo. Malapit un lang maggab-i. Ag gutom sanda. Ag piho nga may balon gid sanda. Apang mga SUNGAKSUNGAK sanda. Buot silingon, owa et gusto magsugod sa pagbukas et anda balon sa panumdoman nga basi pangayuan sanda et iban, gani, makulangan pa sanda et anda isot nga dala. Apang si Kristo ag ong ana mga gintutun-an NAG-UNA sa pagtao et anda istan nga balon. Ag sa pagkakita kaon et mga tawo, sanda man nag-ilus et anda balon sa iban. Ag sa owa lang nanda nasaydan, nagsulobra man lang gali ong pagkaon para sa tanan.”
Kon amo kara ong natabu, buot silingon, dya INDI milagro et pagpaduro et Tinapay ag Isda kundi dya MILAGRO et PAGBALHIN halin sa PAGKASUNGAKSUNGAK paadto sa PAGKAMAALWAN et mga tawo. Dya milagro et pagbutang et gugma sa matig-a nga taguipusuon et isa ka tawo. Buot silingon, matuod gid nga ginpakaon ni Kristo ong mga tawo, indi lamang et isda ag tinapay, kundi et ana gid mismo Lawas ag Espiritu. Nakaexperiensya ka un bala et kara nga milagro?
Apang bisan ano pa man ong minatuod nga natabu, isa lang ong segurado ag piho: “Basta daon si Kristo, ong mga nagalasalasa, makapahuway gid tana, ag ong mga ginagutom, mabusog gid!”


FR. DODO

17th Sunday Ord. Time ( A )

GINBALIGYA ANG TANAN…

Madamo kita sang mga ginapasulabi sa aton kabuhi… ang mga bagay nga aton naluyagan, ang aton mga handum, ang aton mga damgo nga luyag naton mangin kamatuoran, kag iban pa.
Masami kaangay kita sang tawo sa Santos nga Ebanghelyo subong nga nagpangita sang “manggad” nga ginlubong ukon sang isa ka “malahalon” nga perlas. Sang iya pagka-diskubre sini, ginhimulatan gid niya nga maangkon ang amo nga mga manggad, paagi sa pagbaligya niya sang TANAN niya nga pagkabutang kag ginbakal niya ini. Ang tawo sa aton Ebanghelyo nag-RISGO sang tanan niya nga palangabuhi-an agud lamang maangkon ang manggad nga mas labi pa ang bili sang sa iya gina-angkon.
May hulubaton nga nagasiling: “No pain… no gain”.
Ang isa ka bagay nga aton ginahandum nga maangkon, masami aton lamang maangkon kon ini aton ginapangabudlayan… kon ini aton ginapabalhasan… kon ini aton ginasakripisyohan!
Ang isa ka estudyante, nagatapos “with flying colors” sa iya nga pagbutho, tungud siya nagsakripisyo sa pagtuon adlaw-adlaw sang iya nga leksyon, wala siya nagalakwatsa ukon nagapabuyan-buyan sa iya nga pagtuon… Ang isa ka ordinaryo nga trabahador nangin isa ka hepe sa iya gina-obrahan tungud nga siya matutum sa pagtuman sang mga obligasyon nga ginahatag sa iya sang tagdumalahan… Ang mga ginikanan, bugalon sa mga naabut nga kadalag-an sang ila mga kabataan tungud sila nagsakripisyo sa pagpangita agud isuporta sa ila bata nga nagahimud-os sa pagtapos sa iya nga kurso...Ang isa ka pamatan-on nangin malipayon tungud iya nga ginbayaan ang iya panimalay kag mga dutan-on nga manggad agud magsunod sa aton Ginuong Jesukristo.
Sa isa ka kristiyano, ang iya nga manggad amo ang aton Ginuong Jesus. Ano na bala ang aton ginsakri - pisyo para sa Iya? Ano ang mga bagay nga aton gintalikdan agud Siya aton “maangkon” sa aton kabuhi?
FR. RONNIE


TRAWL
Sa mga mangingisda sa Linaw et Galilea, daywa ka sahi ong pagpangisda: Dya amo ong PAGPANGLAYA ag ong PAG-TRAWL. Ong pagpanglaya ukon “casting-net” (Greek amphiblestron) ginahimo et isa ka tawo nga matanda magmata kon sa diin ong mga isda ag ana dayon habuyan dya et lambat. Sa pihak nga bahin, ong pag-trawl ukon “drag-net” (Greek sagene) ginaobra et mangingisda paagi sa pagguyod et lambat sa barato nga nagakuha et bisan ano lang nga klase et isda, hanggud man ukon istan. Pagkatapos kara, ginadala ong sahid sa pangpang ag dayon pillion ong mga dakup.
Duri sa aton, BAWAL ong pag-trawl nga malapit sa baybayon kay ginasamad kara ong mga “corals” ag iban pa nga manggad et aton kadagatan. Apang sa palaanggiran et Sahid, ong pagpangisda paagi sa PAG-TRAWL amo ong ginpasat-um ni Kristo. Daon sa ‘natura’ et kara nga pagpangisda nga owa dya et ginapili nga makuha. Nananarisari ag mikskla pirme ong makita mo nga kuha et lambat. Karon, kon aton dya i-aplikar sa Simbahan, indi tanan nga katapu kara mga maayo nga tawo lamang. May daon gid ikaw nga makita nga salawayon ag pasaway. Ong aton Simbahan kumbinasyon et malain ag maayo ag amo on ong malaw-ay nga kamatuoran.
Ag imaw et kaon nga kamatuoran, ong palanggiran nagatudlo gid nga magaabot ong tion et PAGPILI – et maayo sa malain, et 1st class sa parutpot, et lagting sa lagtok, etc. Tani sa kaon nga tion, kita mapili bilang mga 1st class, lagting, ag maayo gid nga mga tawo.
Mabuhay ong Maalwan nga mga Mambusaonon!
FR. DODO

ANECDOTE

THE OLD LEAF

A little boy opened the big family bible. He was fascinated as he fingered through the old pages. Suddenly, something fell out of the Bible. He picked up the object and looked at it. What he saw was an old leaf that had been pressed in between the pages. "Mama, look what I found", the boy called out. "What have you got there, dear?" With astonishment in the young boy's voice, he answered, "I think it's Adam's underwear!"

16th Sun.Ord. Time (A)

ANG TAGSA-TAGSA MAY TSANSA
Sa aton kabuhi aton nga natalupangdan nga may duha ka sahi sang mga tawo. Ang mga “maayo” kag “malain”… ang mga “manugtonto” kag ang “tulontohon”… ang mga “maalam” kag mga “bundol”, kag madamo pa nga mga “klasipikasyon” nga ayhan makapakita sang pagsumpunganay sang “maayo nga mga binhi kag mga bugang”. Ang pagsumpunganay sang kaayohan kag kalainan indi gid malikawan sa sining kalibutan– ang demonyo nagapangita gid sang pamaagi sa pagpakigsumpong sa Diyos! Kag sa aton man nga mga eksperyensya,naluyag gid kita nga magdaug ang kaayohan sa kalainan… nga magpa- ngibabaw ang kasanag sang sa kadulum. Bisan gani sa sine, ang tema yara pirmi sa pagdaug sang maayo sa malain, kag kon manami gid ang pag-obra sang “producer kag director” sang sine, nagapamalakpak gid kita kon mahuman na ang istorya!
Amo man ini ang tema sang aton nga Ebanghelyo sa subong nga Dominggo.Luyag gid sang mga suluguon sang tag-iya sang uma nga pang-gabuton ang mga “bugang”-ang mga malain, agud makapamuhi kag makapatubas sang maayo nga mga bunga ang “maayo” nga mga binhi. Apang sa pihak nga bahin, indi katulad sang aton tawohanon nga painu-ino, ang tag-iya nagpa-iway sa pagpang-gabut sini kay para sa iya, basi madalahig ang iban nga maayo nga mga tanum kag wala nagid sang maani pa sa iya nga uma.
Indi bala sa masami amo man ini ang aton balatyagon? Gusto naton papason ang mga malain! Madamo sa aton ang luyag nga ibalik ang “death pe -nalty” agud indi na “pagpamarisan” ang mga “hoodlum” sang aton sosyedad! Luyag naton panason sa ibabaw sang duta ang mga “garuk” kag ginakabig nga “bugang” sa aton kabuhi tungud lipud sa aton ihabalo, kita nagapati nga kita iya, MAAYO! Ayhan? Basi swerte lang kita kay gintagaan kita sang tsansa sang Diyos kag daw nalipud-lipod ang aton kalainan. Sa Diyos ang tanan may tsansa. Aton dakpon ini nga kahigayunan mientras may tion pa!


FR.RONNIE


THE WHOLE MAN
Ong kalibutan puloy-an indi lamang et mga maayo nga mga tawo kundi et mga malaut man. Kay sa pagkamatuod, owa gid et tawo nga lubos nga maayo. Ong tagsatagsa nagabatyag et misteryo et kaayo ag kalautan sa ana taguipusuon. Tungod kara, ong tagsatagsa owa gid et kinamatarung sa paghusga, paghukom, pagpamatbat, labi un gid sa paglibak sa ana isigkatawo.
Ong palaanggiran et Maayo nga Binhi ag Bugang nagapamatuod nga magaabot ong Adlaw et Paghukom apang dya magaabot sa katapusan. Kay ong tawo pagahukman, sa katapusan, indi sa isa ka butang nga ana ginhimo kundi sa mga butang nga ana ginhimo sa bilog nana nga pagkabuhi. Kay posible gid nga matabu nga ong isa ka tawo makahimo et hanggud nga sala sa ana kabuhi, apang bangud sa ana paghinulsol kara, ong kabilogan et ana kabuhi nangin maayo. Ag posible man nga ong isa ka tawo magkabuhi nga maayo apang sa katapusan sya nahulog sa sala nga amo ong nagguba et tanan nga maayo nana nga hinumuan. Buot sillingon, owa et tawo nga, ong ana lamang nakita amo ong isa ka bahin, nga makapamatbat et kabilogan. Sa amo man nga bagay, ‘No one who knows only a part of a man’s life can judge the whole man’.
Dios lamang ong may kinamatarung sa pagpamatbat. Sya lamang ong makasiling nga dya nga tawo malain ukon maayo. Tungod sya lamang ong nakasayud sa kabug-osan o kabilogan et kabuhi et tawo.


FR. DODO