Epiphany (A)

KITA ANG BAG-O NGA MGA MAGO

Ang kapiestahan sang “Epiphany” ginlubad sa aton lenggwahe nga kapiestahan sang “PAGPAHAYAG” sang aton Ginuo. Siya nagpakita sang Iya nga bugay indi lamang sa mga taga-Israel kundi man, sa bug-os nga kalibutan!
Sugud karon nga adlaw, ginpahayag sang Diyos ang Iya makaluluwas nga giho sa tanan nga mga tawo sang kalibutan, kag ini ginasimbolo sang mga mangin-alamon nga naghalin sa tagsa ka pamusud sang duta– ang aton ginhatagan nga titulo sang “tatlo ka hari”.
Paagi sini nga hitabo, ginpakita sang Diyos nga “bukas” na ang ginharian sang langit, indi lamang sa isa ka “hakup”, ukon “pinili” nga mga tawo, kundi sa tanan nga bukas kag “mapainubuson” nga magabaton sa Iya bilang ila nga hari sang ila nga kabuhi.
Amo ini ang ginbuhat sang mga mago. Bisan naghalin sila sa mga nanuhay-tuhay nga mga duog sang kalibutan, sila nagpangita sang bata nga natawo nga amo ang ila hari, agud sila makadala sa Iya sang ila mga dulot. Sa tunga sang mga kabudlayan nga ila gin-agihan, wala gid sila magdula sang pagla-um nga ila gid masapwan ang hari sang ila kabuhi.
Ang pagpanglakaton sang mga mago, mapa-anggid man naton sa aton nga pagpanglakaton sa sining kinabuhi. May mga tini-on man nga daw sa halos madulum ang aton gina-agihan sa pag-usoy sang kahulugan sang kabuhi, apang sa aton dalayon nga pagtuo kag paglaum, sa hinali may naga-abut nga grasya ang Diyos– may “kasanag sang bitu-on” nga nagasubang sa aton kabuhi, kag aton masapwan nga yara lang gali ang Diyos nga wala nagpabaya sa aton!
Kabay unta nga Siya mangin aton KASANAG!


FR.RONNIE


STAR ET PASKWA

“Isa ka adlaw, samtang nagapungko ong isa ka ermitanyo upod ong ana ayam, hinali lang nga may naglabay nga isa ka hanggud nga rabbit. Ong ayam ensegueda nga tumindog ag naglagas sa ayam. Tungod sa ana lahay, ong iban nga mga ido nag-iba man sa paglagas sa rabbit. Dayon nakita et ermitanyo nga angan-angan, tungod kinapoy, isa-isa nga nagpulundo sa paglagas ong mga ayam nga nag-iba sa ana ayam, hasta nga ong ana un gid lang nga ido ong nabilin sa paglagas sa rabbit. “Haman?”, pamangkot et ermitanyo sa ana kaugalingon. Dayon nahangpan man nana nga ong rason kon ngaman amo on ong natabu tungod kay “Ong iban nga mga ayam owa nakakita sa rabbit. Ong ana lamang nga ayam!”
Sa karang Domingo, aton masumalang ong mga Mago nga amo ong isa sa daywa lamang ka grupo et mga tawo nga nakakita sa Ginuo. Ong anay Arsobispo Fulton Sheen nagsulat: “Daywa lang ka klase et tawo ong nakatuntol ag nakakita sa Ginuo: Ong mga Manugbantay et Karnero ag ong mga Mago. Ong una amo sanda nga nakasayud nga gamay lang ong anda naman-an. Ong ikaduha amo sanda nga nakasayud nga owa nanda naman-an ong tanan. Ag indi sanda klase et mga tawo nga nagpanumdom nga sanda nakasayud gid, gani, owa sanda nakasalapo sa Ginuo!”
Nakatuntol ag nakit-an ta gid man bala ong “STAR of Bethlehem” – si HesuKristo, sa karang Paskwa et Pagkatawo? Ukon basi lain tana nga star o bituon ong nakita ta?



FR. DODO

BITS & PIECES
-One tequila, two tequila, three tequila, floor.

-The main reason Santa is so jolly is because he knows where all the bad girls live.

-I went to a bookstore and asked the saleswoman, "Where's the self-help section?" She said if she told me, it would defeat the purpose.


FOOD FOR THOUGHT
“Every time we love, every time we give, it's
Christmas.” (Dale Evans)

Holy Family (A)

PAMILYA TA … BARKADA TA!

Ginasaulog naton karon nga Dominggo ang Solemnidad sang Sagrada Familia– ang panimalay ni Jesus, Maria, kag Jose.
Tungud sa kahadluk ni Herodes nga “maagawan” siya sang “pwesto” bilang hari, siya nagmando nga pamatyon ang mga kabataan nga naga-edad sang duha katuig paidalum sang iya nasayran nga “natawo” na ang hari sang Israel.
Bisan pa sa sini nga mga kapipit-an, nagpabilin nga mabaskug ang pamilya nanday Jesus, Maria kag Jose tungud sila naghugpong kag nahiusa sa isa lamang ka misyon– nga mapadayon ang binubuot sang Diyos sa ila nga kabuhi. NAHIUSA ang ila PAMILYA sa tunga sang mga krisis kag mga palaligban. Sa isa kag isa, ila nakita ang kabakud nga bisan pa nga “gintapuk-tapuk” sila sa mga lain-lain nga mga duog, sila nagpabilin nga ISA ka pamilya nga may PAGHIGUGMA!
Madamo sa aton mga pamatan-on subong, ang nawili na sa “pag-usik” sang ila tini-on sa ila mga barkada. Sa ano ayhan nga rason? Masami nga aton mabati-an sa ila nga rason, kay tungud “wala” man sang tini-on sa ila ang ila mga ginikanan! Maayo pa sa ila mga barkada may “bonding” sila. Ang iban sa ila nagasiling: “Natak-an na kami kay tatay kag kay nanay, kay pirmi lang kami gina-akigan!”
Ayhan matuod ini nga mga pagpa-utwas sang mga pamatan-on, apang kon mag-abut gani ang “trouble” sa barkada, si tatay kag si nanay man gihapon ang ila dalaganan!
Sa pagkamatuod, ang aton minatuod nga barkada amo ang aton PAMILYA. Kabay unta nga MAGHIUSA ang tagsa naton ka pamilya sa isa ka PAGHIGUGMA!


FR.RONNIE

PAMILYA NGA NAGAHIRUPAY

Isa ka kahaponanon et Christmas, samtang ong pari nagasuroysuroy sa gwa et kumbento, ana nadiparahan ong isa ka bata nga naga-stand by sa kilid et karsada ag ginpamangkot: “Hamat dari kaw timo duri? Hapon un ag Christmas pa, nga-a owa ka pa gapauli?” Ong bata nagsabat: “Bal-an mo Padre, DAON si Nanay ag Tatay sa balay!” Naglibog ong ulo et pari. Gani nagpamangkot sya liwat: “Owa ka nanda ginapangita? Hamat owa ka nalipay kon upod kamo?” Ong unga nagsabat: “Bal-an mo Padre, natamaran gid ako magtener sa balay kon daon si Tatay ag Nanay. Nagamuhan ako, kay pirme lang sanda naga-inaway. Gamay-gamay lang nga bagay nagasinggitanay ag nagabinaisay. Kon diin pa sanda nagtiguwang, didto pa sanda pirme nagainaway.” Bangud karang sabat et unga, ong pari naukyan ag owa makahambal.
Ginahambal nga ong isa ka Pamilya nga Pilipino may daon nga “strong family ties”. Pero kon aton usisaon, aton masapwan sa manakara nga panahon nga duro et aton mga pamilya ong naga-alaplaag ukon nagakalaguba. Duro man ong rason kara. Ong mga mag-asawa nga nagabulagay tungod kay indi maghilisugot. Nadula un ong paghirupay sa sulod et balay. Sa masami man, owa sanda et tiempo sa isa ag isa, ag ilabi un gid sa anda mga kabataan. Gani ong anda mga kabataan hay mas “at home” pa sa anda mga barkada sang sa anda.
Gani kabay pa nga sa solundan et Sagrada Familia nanday Jesus, Maria ag Jose, aton ibalik o pasangkadon ong mainit nga PAGHIGUGMAANAY sa sulod et aton tagsa ka panimalay. Ag dya paagi sa pagtao et TIEMPO o tion sa isa ag isa.



FR. DODO

4th Sunday Advent (A)

INDI KA MAGKAHADLUK!
Katapusan na nga Dominggo sa panahon sang Adviento ang aton ginasaulog subong, kag malapit na gid lang nga matawo ang aton Manluluwas. Apang ano bala nga sahi sang Manluluwas ang matawo sa aton tunga? Amo ini ang ginasabat subong sang aton nga Ebanghelyo- kon paano nahanabo ang pagkatawo ukon ang “pagbusong” sa aton Ginuo!
Suno sa aton nga Ebanghelyo, Siya igabun-ag sang isa ka dalaga nga kalasalon, nga nasapwan na nga nagabusong, sa isa ka bata nga pagatawgon nga Emmanuel– “ang Diyos kaupod naton”, nga magaluwas sa Iya mga tawo sa sala. Isa ini ka hitabo nga mabudlay mahangpan sang aton tawohanon nga panghuna-huna sa bagay nga bisan si Jose, sa iya ordinaryo nga painu-ino, indi man makahangup sini!
Kon kita man siguro ang sa sitwasyon ni Jose, ayhan makapanumdum man kita nga magbuhat man sang iya “kuntani” nga buhaton– ang pagbiya sa kay Maria sing “tago” agud nalang mapahilayo sa nagapaabut nga “kahuy-anan”. Kahuy-anan nga indi lamang kay Maria kundi bisan pa man sa iya! Hamakon mo, ang imo palakaslan, nagabusong na nga wala mahibal-an ang tatay?- Makahuluya kag makahaladluk!
Apang ginpahayag sang Diyos paagi sa anghel ang Iya nga binubu-ot nga ini nga bata, ginbusong paagi sa gahum sang Espiritu Santo kag Siya gintagna na nga mangin Manluluwas sa mga tawo– kay sa Diyos wala sang indi sarang mahimo. Sa bagay nga INDI siya dapat magkahadluk!
Madamo sang mga hitabo sa aton kabuhi nga “nahadluk” kita, ayhan tungud sang aton mga sakit, sang mga pagyaguta sang tawo, ukon mga kahuy-anan. Tulukon naton si San Jose sa iya nga pagtuo kag kabay nga katulad niya MAGSALIG kita kag INDI MAGKAHADLUK kay ang Diyos amo ang aton Emmanuel– ang Diyos nga kaupod naton!

FR. RONNIE
VIR JUSTUS
May isa ka bana nga naglahog sa isa ka pari: “Bal-an mo Father, si San Jose gid ya ong pinakapaborito ko nga santo sa tanan… Kay daw uloanggid gid ya kami, tungod owa gid ko ya limog sa akon pamilya. Ong akon tana nga asawa ong “Speaker of the House”.
Ong sikat nga persona sa kara nga Domingo amo si San Jose. Matuod gid man nga sya mahipuson tungod bisan buklaton mo pa ong bilog nga Biblia, owa gid sya et may namitlang nga isa ka tinaga. Ginasugid et Ebanghelyo nga sya isa ka “VIR JUSTUS” – matarong nga tawo. Ginpahayag dya sa punto nga antes sanda pormal nga magpuyo ni Maria, nasaydan nana nga naganabdos un tana sya. Gani bilang isa ka matarung nga tawo, ana gindesisyonan nga idivorce sya sa tago. Apang sang sya nagdamgo ag ginpahangop nga ong Espiritu Santo amo ong naglalang et ginadala nana ag indi et tawo, ana sya ginbaton sa ana balay.
May hulobaton nga nagasiling: “Fortiter in re, suaviter in modo”. Dapat kita mangin matig-a sa aton mga prinsipyo apang haganhagan sa aton pagginawi. Ong isa ka matarung nga tawo owa lamang nagapangita masami et hustisya kundi nagapahaganhagan et hustisya paagi sa pagkaluoy. Sarang kasohan ni San Jose si Maria. Pwede nana sya pahaboyan et bato hasta mamatay, nga amo ong sahi et penalidad para sa mga “salawahan” nga babaye sa ana panahon. Apang ana ginpili ong aksyon nga magaluwas et kabuhi ni Maria ag dignidad nana. Tungod kara, sya nangin sulondan et matuodtuod nga pagkamatarung! Matarung man bala kita?
Mabuhay ong Maalwan nga mga Mambusaonon!

FR. DODO


ANECDOTE
THE UNDERSTANDING BOSS
Office worker: Sir?.
Boss: Yes? What is it now?.
Office worker: Please can I have a day off next week to do some late Christmas shopping with my wife and our six kids?.
Boss: Certainly not!.
Office worker: I knew you’d be understanding, sir. Thanks for getting me out of that terrible chore..

FOOR FOR THOUGHT

“With courage you will dare to take risks, have the strength to be compassionate, and the wisdom to be humble. Courage is the foundation of integrity.” (Keshavan Nair)

3rd Sunday of Advent (A)

SUGIRI KAMI...!
Ginsaulog naton subong ang “Gaudete Sunday”. Sa panahon sang Adviento– panahon sang pagpa-abut kag pahanda sang kaugalingon paagi sa paghimo sang tadlong nga pagkabuhi– kita NAGAKALANGKAG na sa matabo nga madali na gid lang matawo ang Manunubos sang kalibutan. Si San Juan amo ang Iyang Manugbalita sa Iyang pag-abut kag siya man amo ang magahanda sa tagsa ka tagipusuon sang tawo nga magabaton sa Iya sa ilang kinabuhi.
Sa aton nga Ebanghelyo subong, aton man makita ini nga “kalangkag” sa tagipusuon ni Juan. Antes matabo ang iya paghimaya sa Diyos paagi sa pagkamartir, sa diin siya papapapugutan sang ulo ni Herodes, siya anay nag-usisa sang minatuod, kon bala ang iya ginhandaan sa pagtawag sa mga tawo sa mensahe sang pagpanibag-o, amo na gid ang “minatuod” nga Manluluwas, kay sa pagkamatuod, madamo ang mga “nagapkuno-kuno” nga nagsiling nga amo na Siya! Sa bagay nga si Juan nagsugo sa iya mga gintutun-an sa pagpamangkut “personal” kon bala Siya na gid man amo ang iya ginatumud, kay basi wala man lang pulos ang iya panawagan sa pagpanibag-o! “
Katahum sang sabat sang aton Ginuo. Indi paagi sa mga ideya ukon mga prinsipyo, ukon mahaba nga mga palabra, kundi paagi lamang sa pagtudlo sa mga “patima-an” nga makita sa Iya mga BINUHATAN– ang mga bulag makakita, ang mga piang makalakat, ang mga aruon gin-ayo, ang mga bungol makabati, ang mga patay ginbanhaw, kag ang Maayong Balita ginwali sa mga imol!
Sa aton BUHAT, kita makilala. Sa aton buhat makita kon matuod kita nga nagbag-o! Amo ini ang Adviento!
FR.RONNIE

3rd Sunday of Advent (A)

SUGIRI KAMI...!
Ginsaulog naton subong ang “Gaudete Sunday”. Sa panahon sang Adviento– panahon sang pagpa-abut kag pahanda sang kaugalingon paagi sa paghimo sang tadlong nga pagkabuhi– kita NAGAKALANGKAG na sa matabo nga madali na gid lang matawo ang Manunubos sang kalibutan. Si San Juan amo ang Iyang Manugbalita sa Iyang pag-abut kag siya man amo ang magahanda sa tagsa ka tagipusuon sang tawo nga magabaton sa Iya sa ilang kinabuhi.
Sa aton nga Ebanghelyo subong, aton man makita ini nga “kalangkag” sa tagipusuon ni Juan. Antes matabo ang iya paghimaya sa Diyos paagi sa pagkamartir, sa diin siya papapapugutan sang ulo ni Herodes, siya anay nag-usisa sang minatuod, kon bala ang iya ginhandaan sa pagtawag sa mga tawo sa mensahe sang pagpanibag-o, amo na gid ang “minatuod” nga Manluluwas, kay sa pagkamatuod, madamo ang mga “nagapkuno-kuno” nga nagsiling nga amo na Siya! Sa bagay nga si Juan nagsugo sa iya mga gintutun-an sa pagpamangkut “personal” kon bala Siya na gid man amo ang iya ginatumud, kay basi wala man lang pulos ang iya panawagan sa pagpanibag-o! “
Katahum sang sabat sang aton Ginuo. Indi paagi sa mga ideya ukon mga prinsipyo, ukon mahaba nga mga palabra, kundi paagi lamang sa pagtudlo sa mga “patima-an” nga makita sa Iya mga BINUHATAN– ang mga bulag makakita, ang mga piang makalakat, ang mga aruon gin-ayo, ang mga bungol makabati, ang mga patay ginbanhaw, kag ang Maayong Balita ginwali sa mga imol!
Sa aton BUHAT, kita makilala. Sa aton buhat makita kon matuod kita nga nagbag-o! Amo ini ang Adviento!
FR.RONNIE

2nd Sunday of Advent (A)

PAGBUNYAG SA KALAYO KAG ESPIRITU!
Sa daan nga Kasugtanan sang Bibliya, ang imahen sang kalayo tuman ka makahulugan sa “giho” sang Diyos kag sang Iya mga ginabuhat sa kalibutan kag sa tagsa ka kabuhi sang tawo. Ang Diyos kon kaisa, nagapahayag sang Iya kaugalingon paagi sa kalayo, katulad sang Iya nga pagpahayag kay Moises sa “nagadaba-daba” nga kahoy nga wala nagakasunog. Sa libro ni Ezekeil nga Propeta ang Diyos nagapahayag sang Iya nga “pagpangapin” paagi sa imahen sang kalayo (Ez. 1:4, 13). Sa kay Isaias nga Propeta ginpahayag man ang “silot” sang Diyos paagi sa kalayo (Is. 66:15-16). Sa Bag-o nga Kasugtanan, ang kalayo ginagamit sang Espiritu Santo nga imahen sa “pagpatin-aw kag pagpaninlo” (Mt. 3:11 & Bin. 2:3).
Sa aton Ebanghelyo subong ginapakita si Juan Bautista nga “nagasilabo” sa iya nga balatyagon sa pagpakilala sa aton Ginuo kag sa pag-abut sang Iya nga ginharian. Ginasiling sa Ebanghelyo nga si Juan Bautista “napun-an sang Espiritu Santo bisan nga yara pa siya sa tagu-angkan sang iya nga iloy” (Lk. 1:41). Ining “kalayo” sang Espiritu Santo amo ang nagtulud sa iya nga mangin “Manugbantala” sang manug-abut nga Manluluwas!
Ang mensahe ni Juan Bautista amo ang “pagpamukaw” sa mga tawo nga nagapatumbaya kag daw sa mga “wala sing labut” sa mga nagakahanabo. Isa ka pagpanawag sa pagkilala sa aton Ginuo sa aton tunga, kag sa pagliso sa Iya kon kita nagtalang sa ginapaabut nga matarung nga pagkabuhi. Si Juan nagapahanumdum sa aton nga “Iya” kita sang Diyos! Kita ginbuhat sa Iya laragway sa bagay nga dapat magkabuhi kita sang nagakaigo bilang Iya mga anak!
FR.RONNIE


DPWH SECRETARY
Ong tanan nga mga “artificially-made roads” nga aton ginaagyan manakara nag-ugat sa mga alagyan nga ginpaobra et mga hari sang una pa agud sanda man ong magaagi kaon. Ginatawag yaon nga “the king’s highway”. Gina-repair lang on kon ong hari kinahanglan nga mag-agi dira. Si San Juan Bautista ong nagpreparar sa alagyan et Kristo nga Hari. Sya nagasinggit sa pagtadlong ag pagtapan et mga dalan bilang preparasyon sa pag-abot et Hari nga Manunubos. Kay para kanana, amo lang dya ong paagi agud piho nga maangkon gid naton ong kaluwasan et manug-abot nga Ginuo.
Sa pagkamatuod, ong pinakalip-ot ag pinakamadasig nga distansya sa tunga et daywa ka punto amo ong isa ka tadlong nga linya. Kon ong Dios daon nagatindog sa isa ka lugar ag kita daon man sa pihak nga punta, ong tadlong ag matapan nga alagyan indi lamang nagapahapos et aton pag-adto kanana kundi nagapadasig gid.
Ong ginasinggit ni San Juan nga pagtadlong ag pagtapan et dalan bilang takus nga pag-aman sa pag-abot et Ginuo owa nagatumod et minatuod nga ginatapakan ta nga mga kalsada, pediroad o alagyan kundi sa pagtadlong ag pagtapan et aton kabuhi. Ong aton kabuhi amo ong matuod nga dalan konsadiin magaabot ong Manluluwas. Gani kon ong aton kabuhi gatikotiko, lubaklubak, kudolkudol, ukon ong nagalakat dira daw sa piang o daw ginbalda pagkatapos, ti kon ikaw ong hari, maagi ka man bala dira? Si San Juan Bautista amo ong pinakamaayo nga Secretary et DPWH et bisan ano man nga pungsod. Haman? Tungod sya indi corrupt. Sya mismo isa ka tadlong ag matapan nga dalan. Nahimo nana nga ong pag-abot et Ginuo indi lamang madasig kundi mahupos ag matawhay! Amo man tani kaon ong aton kabuhi manakara…

FR. DODO

1st Sunday of Advent (A)

ANG ATON GINAHANDAAN
Nagasugud naman kita sa isa ka bag-o nga pahina sa aton Kalendaryo Liturhiko sa Simbahan paagi sa aton pagsaulog sang Panahon sang Adbiento. Ang Adbiento naghalin sa tinaga nga “adventus”, buot silingon “ang pag-abut”. Sa pag-abut nga hitabo, duha ka mga bagay ang aton ginatumud. Ang manug-abut, kag ang nagapa-abut.
Sa pagkamatuod, ang manug-abut nga aton ginahulat, naka-abut na kag nagkabuhi na gani upud sa aton, apang Siya magakari liwat kag maga-abut bilang isa ka Hari sa isa ka bag-o nga panahon– ang panahon sang kahimayaan. Apang sa tunga sining duha ka klase nga pag-abut, may yara kita nga dapat talupangdon– Ang Iya nga pag-abut sa aton “adlaw-adlaw” nga pagpangabuhi. Ini nga pag-abut amo ang masami nga wala naton ginatalupangud tungud nawili kita sa madamo nga mga kalingawan sa sining kalibutan. Sa bagay nga masiling naton nga kon nahanungud sa aton ginapa-abut, wala kita sang ‘problema’ tungudSiya sigurado nga naga-abut sa aton tunga. Ang ‘problema’ yara sa bahin sang nagapa-abut– sa ATON!
Sa una nga pag-abut sang aton Ginuo, Siya nagpahayag sang Iya kaugalingon sa isa ka kubus nga bata nga natawo sa pasungan, kag Siya padayon nga nagbantala nga Siya
padayon nga magapahayag sang Iya kaugalinon paagi sa mga ginagutum, gina-uhaw, ginpabay-an, kag mga ginbilanggo!- Sa mga PINAKAKUBOS! Gani Siya nagapahanumdum sa aton subong nga “magmanginhanda” kita agud matalupangdan naton Siya!


FR.RONNIE



NAGAHIMO ET OBLIGASYON…

“May estorya nahanungod kay Colonel Davenport, ong Speaker et Connecticut House of Representatives nga natabu sadto anay sang 1789. Isa ka adlaw, samtang nagasession ong mga Kongregista, hinali lang nga nagdulom ong langit ag kahawaan. Ong iban nga mga Congressman naglantaw sa bintana ag nagpanumdom nga katapusan un et kalibutan. Dayon may daon nga kinagula sa mga Kongregista nga nagdemand et “immediate adjournment”. Apang si Davenport nagtindog ag naghambal: “Mga halangdon nga mga Congressman, ong Adlaw et Paghukom daw nagaabot un ukon indi man. Kon indi dya ong katapusan, ti, owa kita nagakinahanglan et “adjournment”. Pero kon amo un gid man dya ong tion, akon ginapili nga makit-an nga nagahimo et akon obligasyon. Gani, akon ginahinyo nga dalhon duri ong mga kandela.” Gindala ong mga kandela ag ong session nagpadayon.”
Si Kristo nagapanawagan manakara sa Ebanghelyo sa Pagbantay ag Paghanda. Ong pagbantay o paghanda owa nagatumod sa kahadluk nga ginatuga et pagpanumdom nahanungod sa makangilidlis nga mga matabu sa katapusan et kalibutan. Kundi dya nagakahulogan, kon kay Colonel Davenport pa, et matutom nga paghimo et aton mga obligasyon bilang mga Anak et Dios ag Manunubli et Langit. Buot silingon, ong matuod nga paghanda o ong indi pagpapirotpirot et mata amo ong pagkabuhi et matutom nga pag-alagad sa Ginuo, nga nagasunod et ana mga Kasugoan ag nagapabilin sa ana Grasya.



FR. DODO

CHRIST THE KING (c)

ANG HARI NGA GINYAGUTA!
Ang laragway nga ginpakita subong sa aton ni San Lukas sang aton Ginuo, amo ang laragway sang isa ka “hari” nga ang iya korona amo ang mga tunok, kag ang Iya trono amo ang kahoy nga Krus. Isa ka hari nga ginapasipalahan, ginapakahuy-an, kag ginayaguta sang iya kaugalingon nga katawhan... isa ka hari nga ginkabig nga “kriminal” sang iya mga kasimanwa… isa ka hari nga disidido nga manginmatay para sa iya mga katawohan!
Daw ano ka makatalanhaga ini nga selebrasyon sa pagtakup sang kalendaryo liturhiko sang aton nga Simbahan. Ini ginabuhat naton sa pagsaulog sang kapiestahan ni Kristo nga Hari– Cristo Rey.
Si Kristo ginapahayag naton nga aton Hari indi katulad sang mga hari sa sining kalibutan, kundi isa ka hari nga pinasahi. Pinasahi tungud ang Iyang pagkahari, KABALISKARAN sa mga hari sa sining kalibutan. Siya indi sang hari nga gina-alagaran, kundi hari nga NAGA-ALAGAD! Siya indi hari nga nagapamigos kundi hari nga NAGPAPIGOS agud sa pagbayad sang aton kasal-anan! Siya indi hari nga NAGADUMUT kundi Siya hari nga sa gihapon BUKAS SA PAGPATAWAD!
Ini ginapahayag subong sang aton Ebanghelyo sa Iya mga pulong nga ginsambit sa isa ka kriminal nga nagpangayo sang kapatawaran. Siya nagsiling: “Nagasiling ako sa imo, karon gid nga adlaw mangin kaupod ka nakon sa Paraiso!”
Amo ini ang aton Hari! Hari nga napun-an sang paghigugma, paghangup, kag pagpatawad. Diri naton ginabase ang aton pagkabuhi bilang Iya sumulunod!

FR.RONNIE
ONG HARI NGA INDI MAGLUWAS ET ANA KAUGALINGON!
“Mga pila lang ka tuig ong nagligad, sa isa ka bus sa Sweden, may isa ka soldado nga Amerikano nga nagsiling sa isa ka pasahero nga daon sa ana kilid: “Bal-an mo, ong Amerika un guro ong pinakademokratiko nga nasyon sa bilog nga kalibutan. Kay bisan ong mga pinakaordinaryo nga pumuluyo sarang makaadto sa ‘White House’ ag makapakigkita o makapakighala sa Presidente…” Ong tawo nga ana ginhambalan nagsabat kanana: “Pegado on. Duri sa Sweden, ong Hari ag ong mga tawo palareho nga nagasakay sa bus…” Sang nagapanaug ong Amerikano sa bus, siya ginsingganan nga siya nagapungko nga ingod gid ni King Gustav Adolf VI et Sweden.”
Sa aton kabuhi, duro gid kanaton ong owa pa makakita et Hari sa personal. Kay masami, daon sanda sa mga palasyo ag nagapungko sa anda trono. Ag owa sanda et paki sa pag-imbitar kanimo porque ikaw ordinaryo lang nga tawo. Apang ong Kristo nga Hari lain kananda. Owa tana sia nagapungko sa trono, siya nalansang sa Krus. Owa tana siya et korona nga puno et diamante ag bulawan, korona nga tunukon ong sa ana. Si Kristo Hari nga nagaantus, indi et hari nga nagapalupos. Ngaman? Sa pagpahanumdom kanaton nga ong aton Hari MALAPIT ag indi malayo kanaton. Kon kita nagabatyag et kaluya, kasakit ag kahuya, siya UNA un nga nagbatyag kaon. Owa ka bala nakatalupangud nga sa tagsa ka hulut et ospital may daon nga Krus? Dya agud ipahanumdom gid kanaton nga ong aton Hari malapit ag upod gid naton sa aton mga kakulangan ag kasakitan.
Halin pa sang una, nilibo ukon minilyon un ong nagpakamatay nga mga tawo para sa anda hari. Apang kita lang nga mga Kristiano ong nagadayaw sa isa ka hari nga nagpanginmatay para kanaton. Handa ka man bala sa pagpanginmatay para kanana?


FR. DODO

33rd Sunday Ord. Time ( C )

ANG TANAN MARUMPAG!

Nagahilapit na nga matapos ang kalendaryo sang tuig Liturhiko sang Simbahan sa “Ordinaryo” nga Panahon, kag sa sini nga kaangtanan, ang mga balasahon sa aton selebrasyon nagapatuhoy sa tema sang “KATUMANAN”- FULFILLMENT, sang tanan nga mga butang.
Ang mga panagna nga “magunaw” ang kalibutan sa katapusan nga panahon ginahinambitan, INDI sa pagpahug sa aton sa mahanabo nga katulad sa sine nga “2012”, apang sa pag-angkon sang PAGLAUM kag KALIPAY nga ang tanan mabutangan na sang pagtapos, agud makasugud ang isa ka bag-o nga “panahon”.
Ini man nagapahanumdum sa aton nga ang tanan may katapusan… ang aton kalipay kag pag-antus, ang aton kadalag-an kag kapaslawan, ang aton mga kahapusan kag kabudlayan, ang aton maayong lawas kag kasablagan, kag ang tanan nga yari diri sa kalibutan.
Ginapahanumdum kita sang katapuk sang aton tawohanon nga mga kadalag-an kag naabutan. Ginapahanumdum kita nga indi kita ang nagapanag-iya sang aton umalagi nga kalibutan, sa bagay nga ang tanan nga aton gina-agyan sa sining dutang “luhaan”, isa lamang ka hulam sa aton Diyos nga Manunuga, kag sa Iya kaugalingon nga tini-on, sarang Niya mabawi ini tanan sa aton!
Ini isa ka pagpamuklat sa aton nga kita dapat MAGMANGINHANDA sa tanan nga tinion sang aton kabuhi nga may mala-umon nga paghulat nga “nagapanaksi sa Maayong Balita”!

FR.RONNIE
MANAKARA

“May isa ka pari nga “bombastic” nga nagsermon nahanungod sa katapusan et kalibutan. “Magaanaw liwat,” siling nana. “Magalinog et “intensity 15”, magakahulog ong mga bituon, magalupok ong adlaw… Magadulom ong tanan sa kalibutan!”, ana nga paandam. Dayon may isa ka unga nga ginkulbaan ag nagsiling sa amay nana: “Tay, kon matabu ong ginahambal ni pader, owa un et klase kaon?”
Kon kita gani makabati et balita nahanungod sa Guerra, Linog, Piste, Bagyo, Gutom, ‘Tidal Waves’, ag iban pa nga kalamidad, duro gid dayon nga mga “Propeta” ong nagapaditol nga malapit un gid lang maguba ong kalibutan. Pero aton tandaan nga dyang mga kalamidad nagakatabu man taga-century halin pa sa tiempo ni Kristo. Ong mga pinakakulogmat natabu pa gani antes kay Kristo ag sa owa pa nagakabuhi ong mga tawo.
Gani si Kristo nagtao et mensahi: “Indi kamo magpalibog. Indi kamo magkahadluk. Indi kamo magpatalang. Magpakabakod kamo…” Haman? Tungod ong Dios amo ong nagauyat et estorya et kalibutan. Sya ong may control ag nakasayud et tanan. Sya ong sentro et tanan. Ong mga kalamidad matabu gid man apang normal dya nga matabu ag owa nagakahulogan nga ong katapusan malapit un. Indi dya TANDA nga manugguba un ong kalibutan.
Buot silingon, ong importante amo ong MANAKARA, kon ano ong aton ginahimo manakarya agud nga kon mag-abot gid man ong katapusan, handa kita sa pag-atubang kaon. Gani makara, ong Dios gid man bala ong sentro et kabuhi ta? Nagapakalig-on gid man bala kita sa pagkabuhi suno sa gintudlo ag mga kasugoan nana?



FR. DODO


ANECDOTE

THE END IS NEAR
As an airplane is about to crash, a female passenger jumps up frantically and announces, "If I'm going to die, I want to die feeling like a woman."
She removes all her clothing and asks, "Is there someone on this plane who is man enough to make me feel like a woman?"
A man stands up, removes his shirt and says, "Here, iron this!".

FOOD FOR THOUGHT
“Great is the art of beginning, but greater is the art of ending.”( Lazurus Long)

BITS AND PIECES
-As long as there are tests, there will be prayer in schools.
.
-Do stars clean themselves with meteor showers?

32nd Sunday Ord. Time (C)

FRIENDS FOREVER!
Nahamtang ang aton Ginuong Jesus sa isa ka sitwasyon sa diin Siya ginpamangkut nahanungud sa “kamatuoran” sang pagkabanhaw sang mga minatay. Ang sitwasyon nga may babayi nga ginpangasawa sang pito (7) ka mag-ululutod, isa ka daku nga palaligban, kon sa ulihi sila tanan mabanhaw. Kay sin-o bala siya nga asawa?
Matahum ang sabat sang aton Ginuo sa pagpahangup nga ang aton “painu-ino” sa sining kalibutan, tuman kalayo sa mga kamatuoran sa pihak nga kinabuhi! Sa kabuhi sang pagkabanhaw, wala na nagaluntad ang aton kaangtanan sang “paghigugma” nga aton diri gina-agihan sa dutang luhaan. Ang aton tawohanon nga paghigugma, ginabaylohan sang wala’y katapusan nga kaangtanan sang “pag-abyanay” nga amo ang SADSARAN sang tanan nga sahi sang paghigugma! Ang aton nga paghigugma, bisan pa ang paghigugma sang mag-asawa, tubtub lang sa sining kalibutan! Sa pihak nga kinabuhi, sa gihapon ayhan magahigugma-anay man gihapon ang mag-asawa apang indi na bilang “mag-asawa”, kundi bilang mga ‘ABYAN”! Gani indi kita magdumdum nga sa gihapon “magahinaksanay” ang mag-asawa sa pihak nga kinabuhi… Ang aton lawas nagakadunut, kag kaupud sini ang aton mga hakus kag mga haluk ang amo ang pagpahayag sang aton tawohanon nga paghigugma.
Ang wala’y katapusan nga sadsaran sang paghigugma amo ang pagpakig-abyan, kag amo ini nga kaangtanan ang magapabilin sa wala’y katubtuban. Amo gani nga ang aton mga kabataan wala nagapabilin nga mga kabataan. Kon sila magmangin ginikanan na, naga-untat ang ila “pagkabata” sa mata sang ila ginikanan, kag sila nangin “abyan”!
Sa pihak nga kinabuhi kita nangin MAG-ALALABYAN– Didto wala’y katapusan ang kalipay! Ayawan kita pinangamusta sa aton mga abyan!


FR.RONNIE

NAGA-AMAR GID MAN BALA KITA ET LANGIT?

Suno sa isa ka “scientific survey and study” nahanungod sa mga Amerikano (cf. Charles Swindoll, A Life Well Lived, 2007, p.91), aton masayran ong mga masunod:
-13% lang sa mga Amerikano ong nagasunod sa ’10 Commandments’ ag nagakabig kara nga importante.
-91% ong nagabutig pirme, sa balay man ukon sa ulobrahan.
-Halos tanan nga mga Amerikano nagakawat et ‘7 hours’ sa anda ‘working hours’ kada semana bangud sa “Pag-aloy” ukon pagpakunokuno nga nagamasakit.
Sa pamangkot nga: “Ano ong imo himuon para sa $10 million?”
-25% ong ‘maga-abandon’ et anda mga pamilya.
-23% ong ‘magaputa’ sa isa ka semana.
-7% ong magapatay et isa ka estranghero.
Karang mga “findings”, “shocking” gid katama. Pero kon dya himuon man sa Pilipinas, seguro mashock pa gid kita et resulta. Bilang mga Katoliko nga mga Kristiano, ong pagtuo sa pagkabanhaw indi un et ‘issue’ kanaton. Tanan kita nagapati sa Langit o sa Kabuhi nga owa et katapusan. Apang kon aton binagbinagon ong aton mga ginapanghimo ag mga ginahandum sa manakara nga panahon, daw indi gid dya maghatud kanaton pakadto sa Langit ah. Gani, minatuod gid man bala nga nagapati ag naga-amar kita et Langit?
Mabuhay ong Maalwan nga mga Mambusaonon!


FR. DODO


FOOD FOR THOUGHT

“The most beautiful discovery true friends make is that they can grow separately without growing apart.” ( Elizabeth Foley)


BITS AND PIECES

-He who laughs last, thinks slowest.

-Nothing is foolproof to a sufficiently talented fool.

-The 50-50-90 Rule:
-Anytime you have a 50-50 chance of getting something right, there's a 90% probability you'll get it wrong.

MAGADAYON AKO SA IMO BALAY!

Sa aton Ebanghelyo subong, natabo ang indi sang kinaandan sa aton adlaw-adlaw nga pagkabuhi. Ang “bisita” amo ang nag-agda sang iya kaugalingon nga magdayon sa balay sang isa ka tawo– si Zaqueo. Si Zaqueo indi lamang sang ordinaryo nga pumuluyo, kundi siya isa ka “pangulo” sang mga manugsukut sang buhis nga sadto anay sa panahon sang aton Ginuo, ginakabig nga “makasasala”!
Ang aton Ginuo ginakabig nga isa ka “propeta” sang Iya nga mga kasimanwa, sa bagay nga daku nga palaligban para sa ila, nga Siya nga nakahibalo sang mga ginahimo sang mga tawo– nga wala sang may nalipud sa iya ihibalo, nagsaka sa balay sang isa ka makasasala!
Ano ang ligwat sini nga hitabo? Indi lamang nga ang aton Ginuo kag ang mga tawo ang nakahibalo sang sala ni Zaqueo, kundi bisan si Zaqueo mismo, nakahibalo sang iya kasal-anan. Siya nag-ako nga siya “nagdinaya”, apang handa siya sa pagbayad bisan pa tubtub sa apat ka pilo sang iya ginkawat!
Si Zaqueo handa sa pagtadlong sang iya “tiko’” nga pagkabuhi, tungud siya nakatalupangud sang iya nga kasaypanan! Wala siya “mag-rason” kon ngaman ginbuhat niya ang iya sala. Siya mapainubuson nganagbaton nga matuod siya nakasala, period!
Ang aton Ginuo nagpahayag sa katapusan sang Ebanghelyo sang Iya nga misyon, kag ini amo ang “pagpangita kag pagluwas sang nadula”.Wala ginalantaw sang aton Ginuo ang kabug-at sang sala nga aton nahimo ukon ginahimo pa asta subong. Sa baylo, ang Iya ginalantaw amo ang aton mapa-inubuson nga tagipusu-on kag kaugalingon nga bukas sa pagsugud sa pagtikang tuhoy sa PAGPANIBAG-O! Katulad ni Zaqueo, nagapangagda ang aton Ginuo sa aton! Bukas bala kita para sa Iya?


FR.RONNIE

NOBODY TO SOMEBODY

May hulobaton nga nagasiling: “Every saint has a past and every sinner has a future.” Sang si Zaquio gintawag ni Kristo ag ginhambalan nga Sya maga-adto sa ana balay, piho nga sya namulaghat gid ag nagsiling sa ana kaugalingon: “Sin-o? Ako? Segurado ka? Ako nga ginakabig nga makasasala sa kara nga duog? Basi nagalahoglahog ka lang?” Aton gid mabatyagan ong kalipay ni Zaqeo. Seguro, sa bug-os na nga kabuhi, ana nabatyagan nga sya ginakaugtan et tanan. Gani sa pagtawag kanana ni Kristo ag sa pagmuno nga magaadto sa ana balay, ana nabatyagan nga sya espesyal. Halin sa “NOBODY”, sya nangin “SOMEBODY” sa isa ka ginataha nga Ginoo.
May mga tion nga amo man on ong aton ginabatyag. Kon mabatyagan ta nga halos ong tanan kontra kanaton ukon daw owa et may nagapalangga kanaton, aton nadiskubre nga may Dios nga nagapalangga ag nagaapin gid kanaton. Kay para kanana, kita indi lamang “ANYBODY”. Ong tagsatagsa kanaton espesyal kanana. Ong tagsatagsa kanaton personal nga palangga gid nana.
Pareho kay Zaqeo, kita man mga maluya ag makasasala. Apang may Dios taton nga nagapalangga, nagabilib, nagatao kanaton et tsansa ag nagasalig gid nga ‘ong gago mangin gwapo’, ‘ong lagtok mangin lagting’, ‘ong makasasala nga tawo mangin santo’…
Mabuhay ong Maalwan nga mga Mambusaonon!


FR. DODO


ANECDOTE
MEMORY RECALL

An elderly widow and widower were dating for about five years. The man finally decided to ask her to marry. She immediately said "yes". The next morning when he awoke, he couldn't remember what her answer was! "Was she happy? I think so, wait, no, she looked at me funny..." After about an hour of trying to remember to no avail he got on the telephone and gave her a call. Embarrassed, he admitted that he didn't remember her answer to the marriage proposal. "Oh", she said, "I'm so glad you called. I remembered saying 'yes' to someone, but I couldn't remember who it was."

FOOD FOR THOUGHT

“The curious paradox is that when I accept myself just as I am, then I can change.” (Carl Rogers)

BITS AND PIECES
-I'm going to start thinking positive, but I know it won't work.

-Two wrongs don't make a right, but two Wrights make an airplane.

-Money talks but all mine ever says is "goodbye."

30th Sunday Ord. Time (c)

MAPA-INUBUSON NGA BUGALON!

Ano bala ang matuod nga pagpa-ubos? Amo ini ang ginasabat sang aton Ebanghelyo subong nga Dominggo. Ginasiling nga may yara nga pagpa-ubos nga ginatawag “false humility” ukon pakuno-kuno nga pagpa-ubos, kag pagpaubos nga MINATUOD. Amo ini ang ginpakita sang duha ka tawo nga nagpangamuyo sa templo sang Diyos. Ang isa “fariseo” nga mapa-inubuson apang pakuno-kuno lang ang iya nga pagpa-ubos tungud sa ulihi nagtapos siya sa iya pangamuyo nga ang ginhatagan sang “kadayawan” amo ang iya KAUGALINGON, kag ang isa nga “manugsukut sang buhis” nga minatuod nga mapa-inubuson tungud GINBATON niya ang iya PAGKAMAKASASALA sa atubangan sang Diyos!
Ang aton Ginuo nagsiling sa katapusan, nga ang nakabaton sang pagpatawad sang Diyos amo yadto ang nagbaton sang iya “kagamayon” sa pagbaton sang iya nga kasal-anan!
Ang pagpa-ubos wala nagakahulugan nga “ginapakanubo” mo ang imo kaugalingon sa bagay nga mangin “miserable” ang imo pangabuhi, kundi ang pagpa-ubos nagakahulugan nga ikaw MAKABATON SANG IMO MINATUOD nga estado ukon sitwasyon sa kabuhi!- Ginabaton mo ang minatuod nga lugar sang imo kaugalingon kag ang minatuod nga lugar sang Diyos sa imo kabuhi!
Kon ang imo nawong daw sa “pina’pa’” nga luy-a, apang sagad ka sugid nga ikaw ang pinaka-matahum nga tinuga… kada aga sa imo pagbugtaw, gina-atubang mo ang imo nawong sa salamin kag magsi- ling: “You are the most beautiful creature on earth”, ipa -”check-up” ang imo mata, basi may diperensya!
Ang mapa-inubuson nga tawo wala nagalantaw sang iya kaugalingon sa iya kaugalingon nga talaksan, kundi sa talaksan sang Diyos. Mapainubuson ka bala?


FR.RONNIE

DUMDOMA ANAY ONG MUTA MO!

“Pagkatapos et panihapon, ong nanay ag ong ana lalake nga unga amo ong naghugas et anda mga kinan-an samtang ong tatay ag ong ana babaye nga unga naglantaw et “Noah”. Angan-angan, nabatian ong gamo et mga nagkalabuka nga mga pinggan ag mga baso ag dayon nagsunod ong malawig nga kalinong.
Dayon ong babaye nga unga nagtulok sa ana amay ag nagsiling: “Segurado nga si mader gid ‘to mu…” “Paano mo naman nasaydan?”, saligbat et tatay. Ag ong ana dalaga nagsabat: “Ti kay owa gid sia et may nahambal mu!”
Para sa iban nga tawo, madali ong magtamay sa mga kasal-anan ag kakulangan et anda mga isigkatawo. Apang ong owa nanda naman-an amo nga sanda man, nagakasala kon kis-a. Anda nalipatan nga TANAN KITA PALAREHO nga mga makasasala nga nagapangayo et kapatawaran et Dios. Gani owa gid kita et may maipabugal nga bisan ano kanana. Ukon may kinamatarung nga magtamay sa aton isigkatawo. Ukon magpanumdom nga lain ukon labaw kita sa kananda.
Kon ikaw magsulod sa Simbahan para magsimba, ano ong una nga nagasulod sa imo panumduman kon makita mo ong iban nga nagasimba man? Ginakumparar mo bala ag ginakabig ong imo kaugalingon nga labaw kananda? Tani ong kabaliskaran kaon amo ong aton panumdomon.



FR. DODO


ANECDOTE
DON’T BRAG ABOUT IT!

Two women that are dog owners are arguing about which dog is smarter.... First Woman : "My dos is so smart, every morning he waits for the paper boy to come around and then he takes the newspaper and brings it to me. Second Woman : "I know..." First Woman : "How?" Second Woman : "My dog told me."

FOOD FOR THOUGHT
“Do you wish people to think well of you? Don't speak well of yourself.” ( Blaise Pascal)

BITS AND PIECES
-You can't have everything - where would you put it?

-The things that come to those that wait
may be the things left by those who got there first.

-A fine is a tax for doing wrong. A tax is a fine for doing well.

29th Sunday Ord. Time ( C )

“MASABAD” NGA PAGPANGAYO!
Basta may nagapangayo gani, sigurado gid nga “masabad” gid ina ilabi na gid kon tapos na ang “eleksyon”. Pero kon eleksyon, daw sa nagadalhay lang sa aton mga politiko ang pagmedyos sa tagsa ka kinahanglanon sang ila mga “prospective” nga mga botante. Ayhan indi man ang “tanan” naton nga mga politiko ang natungdan sini kay may ara gid man ya nga mga “maayo” nga mga politiko nga masaligan mo sa ila bulig “in” or “off” season– mga politiko nga minatuod sa ila pangako nga magabulig gid sa ila mga ginaalagaran nga mga tawo.
Indi lamang ang sistema sang aton pamolitika ang ginatumud sang aton Ginuo, kundi ang sistema man sang aton ordinaryo nga pagkabuhi. Sa aton Ebanghelyo subong, sa kabuhi sang isa ka “garuk” nga huwes– huwes nga “wala nagakahadluk sa Diyos ukon nagatahod sa iya isigkatawo”. Ayhan siya nangin huwes lamang tungud sa iya mga “connections” ukon isa man siya sa kalabanan naton nga mga huwes sa Pilipinas nga isa ka “political appointee”! Apang bisan siya “garuk” nga klase sang huwes, siya “naghatag” sang kinahanglanon sang balo sa aton Ebanhelyo. Indi tungud kay siya maalwan kundi tungud sa “kasabad” sang balo nga wala’y puway nga binalik-balik sa iya sang iya ginapangayo! Ini nagatudlo sa aton sang sahi sang pagpangayo sa aton Amay– pagpangayo sang isa ka “masabad” nga bata sa iya Amay! Wala’y huya-huya nga pagpangayo kag pagsalig sa iya ginikanan!


FR.RONNIE

“PANGAMUYO NGA MAY “HUTZPAH”
Ong anghin Cardinal Sin pirme lang gahambal sang una: “Ong Pangamuyo amo ong kusog et tawo ag ong kaluya et Dios.” Ana ginapasat-um nga kon kita magpangayo et bisan ano sa Dios, ana on ginatao kanaton tungod palangga gid kita nana nga ana mga anak. Pero ginasabat gid man bala et Dios ong tanan naton nga mga pangabay? Masami malupos sa aton ong magsabat et “OO”. Apang masami gid kita nakaexperiensya nga magpangamuyo para sa aton pinalangga nga mag-ayo apang namatay man gyapon, ukon nag-ampo nga makapasar sa isa ka importante nga exam apang nalagbong man gyapon, ukon nagpangayo nga makakita et obra apang “jobless” man gyapon, ag iban pa. Sa karang mga tion, ong Dios daw owa nagasabat kanaton. Ag dya amo gid ong aton “dilemma” o palaligban. Nakasayud kita nga palangga gid kita et Dios. Nakamaan man kita nga ginasabat gid nana ong aton mga pangamuyo. Pero nakahibalo gid kita nga duroman nga beses nga ong Dios “absent” ukon daw nagahambal kanaton nga “INDI”.
May isa ka hulobaton nga nagasiling: “Kon magpangamuyo ikaw, MAG-UWANG ka nga daw sa lobo ag INDI MAGHUTIKHUTIK nga pareho et karnero.” Amo dya ong ginatawag et mga Judio, ong mga kapuso ag kapamilya ni Kristo, nga pangamuyo nga may HUTZPAH (Hootz-pah) ukon pangamuyo nga owa et huyahuya ukon kabalan. Si Kristo nagatudlo sa ana mga gintutun-an sa pagpangamuyo upod ong “Hutzpah” et balo ukon ginaupdan et pagkakabalan, nga nagahalin sa bug-os nga pagsalig ag pagtuo nga ong Dios magasabat gid et anda mga pangamuyo. Ong pagpangamuyo nga may “Hutzpah” nagakahulogan nga aton ginabutang ong aton kaugalingon sa kamut et Dios. Sya ong aton matuod nga “Boss” nga nakasayud gid kon ano ong pinakamaayo para kanaton. Ong pangamuyo nga may “Hutzpah” amo ong pangamuyo nga owa nagaisol ukon nagapangluya. Amo man bala kita kaon kon kita magpangamuyo?


FR. DODO


ANECDOTE

THE BEGGAR WHO KNOWS
A beggar comes up to the front door of a neat looking farmhouse and raps gently on the door. When the farm owner answers, the beggar asks him, "Please, sir, could you give me something to eat? I haven't had a good meal in several days."
The owner says, "I have made a fortune in my lifetime by supplying goods for people. I've never given anything away for nothing. However, if you go around the back, you will see a gallon of paint and a clean paint brush. If you will paint my porch, I will give you a good meal."
So the beggar goes around back and a while later he again knocks on the door. The owner says, "Finished already? Good. Come on in. Sit down. The cook will bring your meal right in."
The beggar says, "Thank you very much, sir. But there's something that I think you should know. It's not a Porsche you got there. It's a BMW."

FOOD FOR THOUGHT

“Between the optimist and the pessimist, the difference is droll. The optimist sees the doughnut; the pessimist the hole! “(Oscar Wilde)

BITS AND PIECES

-The other night I laid in bed looking up at the stars and I thought to myself, "Where the heck is the roof?"

-With proper diet, rest, and exercise a healthy body will last a lifetime.

-Light travels faster than sound. That's why some people appear bright until you hear them speak.

28th Sunday Ord. Time (C)

ANG MAPINASALAMATON
“Indi bala napulo ang gin-ayo? Diin na ang siyam?” Ginhambal ini sang aton Ginuo sang matapos Niya gin-ayo ang napulo (10) ka mga aruon nga nagpa- ngayo sa Iya sang bulig. Tanan sila nag-alayo apang isa lang ang nakatalupangud sang iya nga sitwasyon nga “nagbalik” kag nagpasalamat sa Mahal nga Diyos tungud sang ginbuhat sa iya.
Suno sa mga ginapanudlo sang aton Ginuo nga kon ikaw nagabuhat sang kamayaran sa imo isigkatawo, indi ka magpa-abut sang balus sa iya, kay ang Diyos nga nakakita sang imo ginabuhat sa tago, amo ang magabalus sa imo. Ini nga panudlo daw sa salungkaki sa na-obserbahan subong sang aton Ginuo. “Daw sa” nagpaabut Siya nga balusan tungud sang Iya ginbuhat nga pagpang-ayo.
Ayhan indi gid man “balus” ang ginapa-abut sang aton Ginuo, kundi ang aton lamang nga “PAGTALUPANGOD” sa kaayohan nga Iya ginbuhat sa aton kabuhi. Indi pang-”gwa” nga balus ang Iya ginapangita kundi ang aton pagbaton sa aton tagipusuon nga Siya amo ang nagagiho sa aton kabuhi. Siya ang nagapanag-iya sang tanan nga yara sa aton. Yara sa aton ang paghibalo kon paano naton IGAPABUTYAG ang PAGPASALAMAT sa Iya.
Nagbalik bala kita sa “pagpasalamat” sa Iya? Paano naton ginapabutyag ini nga pagpasalamat? Ang isa ka palad nga bukas, indi lamang para sa pagbaton kundi para man sa PAGHATAG!
FR.RONNIE

SALAMAT GID!
“Ong pagkamapinasalamaton sarang makaluwas kanaton.” Dya ong mensahi nga buot ipabutyag kanaton ni Kristo. Napulo ong gin-ayo nana, isa lang ong nagbalik ag nagpasalamat. Gani suno sa ana ginsiling nga “Magpanaw ka sa paghidaet. Ong imo pagtuo nagluwas kanimo”, ong mapinasalamaton nga Samariahanon owa lamang nakabaton et pag-ayo et ana nga lawas kundi et ana gid bug-os nga kalag.
Ong Dios owa et may kinahanglan kanaton. Kita ong nagakinahanglan kanana. Gani dapat nga kasayud kita magpasalamat kanana ag sa aton isigkatawo sa tanan nga bugay nga aton nabaton. Kay kon ong isa ka tawo magtao kanimo et isa ka malahalon nga KALO, indi ka bala magpasalamat kanana? Apang di bala nga dapat mas magpasalamat ka pa gid sa Dios nga nagtao kanimo et ULO nga pagasuksokan mo et kaon nga KALO? May hulobaton nga nagasiling: “Ong pagpasalamat sa mga bugay nga aton nabaton amo ong piho nga garantiya nga kaon nga mga bugay magapadayon nga magatupa kanaton”. Tani indi gid kita mangin ulianon o malipaton.
“May isa ka Hari nga nag-ilus et mansanas sa ana pinakapaborito nga alalay. Ong Hari nagpanit et mansanas ag ana ginpihak dya ag gintao ong tunga sa ana alalay ag gin-angkit man nana ong tunga. Angan-angan, ong Hari nakamutar nga ong mansanas nga ana ginausap hanog ag dunot un gani sobra kaaslum, apang ong ana alalay nanamitan tana ag naga-smile pa gani nga nagapadayon sa pagkaon. Gani nagburoka siya sa ana alalay: “Paano mo tana makaon ag matulon kaon nga mansanas nga dunot un ag sobra kaaslum? Ngaman owa mo on ginatupla?” Ag ong alalay nagsabat: “Mahal nga Hari, duroduro un nga mga maayo nga butang ag pabor ong gintao mo kanakon. Ag tungod kaon, paano nga ong isa ka mansanas nga naghalin kanimo mangin maaslum? Di bala nga mangin INGRATO ako kon akon dya itupla? Pero bisan taw-an mo pa ako et bisan ano nga butang nga maaslum o mapait, manami man gyapon ong sabor kaon kanakon!”


FR. DODO


ANECDOTE
THE PRIZE
Once there was a millionaire, who collected live alligators. He kept them in the pool in back of his mansion. The millionaire also had a beautiful daughter who was single.
One day, the millionaire decides to throw a huge party, and during the party he announces, "My dear guests, I have a proposition to every man here. I will give one million dollars, or my daughter, to the man who can swim across this pool full of alligators and emerge unharmed!" As soon as he finished his last word, there was the sound of a large splash in the pool. The guy in the pool was swimming with all his might, and the crowd began to cheer him on. Finally, he made it to the other side of the pool unharmed.
The millionaire was impressed. He said, "That was incredible! Fantastic! I didn't think it could be done! Well, I must keep my end of the bargain. Do you want my daughter or the one million dollars?" The guy catches his breath, then says, "Listen, I don't want your money! And I don't want your daughter! I want the man who pushed me in the pool!"

FOOD FOR THOUGHT

“As we express our gratitude, we must never forget that the highest appreciation is not to utter words, but to live by them.” (John F. Kennedy)

BITS AND PIECES
-At age 66 I'm bisexual.  I said bye to sex.

-If the #2 pencil is the most popular, why isn't it #1?

-Help Wanted - Psychic - you know where to apply

27th Sunday Ord. Time ( C )

ANG PAGTUO SANG SULUGUON

“Dugangi ang amon pagtuo!”. Amo ini ang ginapangayo sang mga gintutun-an subong sa aton Ginuong Jesus. Ayhan tungud nagapanumdum sila nga ang Diyos may “obligasyon” sa ila bilang pinili nga mangin mananahid sang mga tawo. Ini nanginkahigayunan sa aton ginuo sa pagpaathag sa ila kon ano gid ang buot silingon sang pagtuo– nga ini isa ka REGALO sang Diyos kag bisan “diutay” lang ini katulad sang isa ka binhi sang mostasa, ini tuman na agud sa pagmando sa isa ka kahoy sang sikomoro nga gabuton ang iya mga gamut kag itanum sa dagat!
Ang regalo sang pagtuo ginahatag sang Diyos sa tagsa-tagsa sa aton apang ara sa aton ang paglambon ukon ang pag-atipan sini agud ini magtubo kag maglambo, katulad sang isa ka suluguon nga NAGATUMAN sa binubuot sang iya nga agalon.
Ang matutum nga suluguon wala naga-isip sang iya nga ginabuhat para sa iya agalon, kundi sa pagtakup sang adlaw, siya “mapainubuson” nga nagasiling: “Sulugu-on lang ako, gintuman ko lang ang akon dapat buhaton!”. Ini tanan para lamang sa kadungganan kag pag-alagad sa iya agalon.
Madamo sa aton ang ayhan madamo na nga “ginbuhat” para sa mahal nga Diyos. Apang kon mag-abut ang mga pagtilaw indi bala madamo man sa aton ang “nagasukut” sa Diyos tungud sang aton “maayo” nga mga binuhatan? Indi kita dapat mag maisip sa Iya tungud kita Iya manlang mga “suluguon”. Wala Siya sang “obligasyon” sa aton. Kita iya ang may obligasyon sa Iya. Pangayuon ta nga dugangan ang aton pagtuo! Isa ka pagtuo nga sa baylo nga kita ang indi magbuhi sa Iya, Siya ang indi magbuhi sa aton!

FR.RONNIE

INDI KITA “EQUAL” SA DIOS

Sadto anay, ong mga pagano nagapati nga ong mga tawo gintuga et mga diosdios sa pag-alagad kananda samtang sanda tana nagapangalipay o nagapahuway lang. Apang ong Dios nga ginapakilala kanaton ni Kristo indi pareho et diosdios et mga pagano. Ginabayluhan nana ong larawan et Dios bilang isa ka diktador, sang larawan et isa ka Amay nga maluluy-on ag mahigugmaon.
Owa ginapaanggid ni Kristo ong agalon sa palaanggiran sa ana ukon sa ana Amay. Apang ginagamit nana dya nga sahi et tawo sa pagtudlo nga kon ong agalon duri sa kalibutan may poder sa pagsugo et bisan ano sa ana ulipon, ong Dios may daon man nga poder sa pagmando sa ana katawhan. Kay sia ong manunuga ag gingikanan et tanan. Buot silingon, kita ana lamang mga suluguon ag sia ong aton agalon. Indi kita “equal” ukon pareho et Dios. Sa itsura lang guro. Gani, sa atubangan nana, owa gid kita et mapabugal. Tungod on sa simple nga butang nga kon may daon man, dya naghalin man lang kanana.
Kon kita gani may mataas nga puwesto sa katilingban ukon maalwan sa pagbulig sa Simbahan, masami nagapaabot kita nga dayawon ag pasalamatan. Apang si Kristo nagasiling sa Ebanghelyo nga kita mga suluguon ag nagatuman lamang taton et aton katungdanan. Dyang pagkaubos nagapakita et aton pagtuo nga pareho sa liso et mostasa ag nagakahulogan nga ginatugyan naton ong tanan sa Ginuo. Sia ong ginhalinan et tanan ag mas nakasayud kon ano ong labing maayo para sa aton nga ana katawhan.



FR. DODO


ANECDOTE

AN USHER’S DUTY
A man lay sprawled across three entire seats in the posh theatre. When the usher came by and noticed this, he whispered to the man, "Sorry, sir, but you're only allowed one seat." The man groaned but didn't budge. The usher became impatient. "Sir, if you don't get up from there I'm going to have to call the manager." Again, the man just groaned, which infuriated the usher who turned and marched briskly back up the aisle in search of his manager.

In a few moments, both the usher and the manager returned and stood over the man. Together the two of them tried repeatedly to move him, but with no success. Finally, they summoned the police. The cop surveyed the situation briefly then asked, "All right buddy, what's your name?" "Sam," the man moaned. "Where ya from, Sam?" With pain in his voice Sam replied "The balcony."

FOOD FOR THOUGHT

“The best way to find yourself is to lose yourself in the service of others.”( Mohandas K. Gandhi)

BITS AND PIECES

-If you take a shower in the morning be sure to bring it back ! Someone else might need it!!

-Never go to a doctor whose office plants have died.

-For Sale: Wedding dress, size 12, worn once by mistake.

26th Sunday Ord. Time (C)

ANG MATUOD NGA MANGGARANON
Ginapakita sang aton Ginuong Jesukristo sa subong nga Dominggo ang duha ka tawo nga nagalaragway sang minatuod nga manggad nga dapat huptan sang tagsa-tagsa sa aton.– Ang isa ka tawo “manggaranon” sa mga pagkabutang sining kalibutan, apang ang isa ka tawo nga ginahingalanan nga Lazaro, isa ka “imol” nga ang ginasaligan lamang amo ang “bulig” nga ginahatag sa iya, bisan pa gani “bahug” nalang sang mga ido!
Ayhan ang paghingalan kay Lazaro ginhungud gid sang manunulat sang Ebanghelyo agud ipa-abut sa aton ang mensahe nga nga yadtong imol “espesyal” sa panulukan sang mahal nga Diyos. Kon bayawon gani ang kwenta sa pagtapos sang istorya sang aton Ginuo, yadtong imol amo ang MATUOD nga manggaranon tungud siya ang nag-ambit sang matuod nga ginharian sang mahal nga Diyos.
Puno matuod sang mga dutan-on nga manggad ang manggaranon nga tawo sa aton Ebanhelyo, apang ang iya nga “pagka-puno” amo ang nag “tabon”, nga sa diin, wala na sang lugar ang mahal nga Diyos sa iya kabuhi!- Napun-an siya sang iya kaugalingon… sang iya kahakug nga indi gani siya makapaambit sang iya pagkaon sa ginagutum! Maayo pa ang iya mga ido!
Ang Lazaro nga ngalan nagakahulugan: “Ang Diyos amo ang akon bulig”. Indi kita mawad-an kon ang Diyos amo ang aton dalangpan! Manggaranon kita kon ang Diyos amo ang aton ginahuptan sa aton kabuhi!
FR.RONNIE

MAY LABOT KITA!
Sa tiempo ni Kristo, owa et tinidor, kutsilyo ag “napkin”. Kon magkaon ong mga tawo, nagakinamot. Sa mga manggaranon, ginalimpyohan nanda ong anda mga alima paagi sa pagpahid kara sa tinapay ag dayon dya ginahaboy. Amo dya ong kalan-on nga ginahulat ni Lazaro.
Karon ano ong sala ni Dives? Owa man sia nagpahalin sa kay Lazaro sa ana nga ‘gate’. Owa man nana sia gintindakan.Ginbapay-an man lang gani nana nga magkaon si Lazaro sa ana mga usik. Ngaman naadto sia sa impyerno? Ong sala ni Dives amo ong sala et “omisyon”. Matuod owa sia et may malain nga ginhimo kay Lazaro apang owa man sia et may ginhimo nga maayo. Buot silingon, ong naghatud kay Dives sa impyerno indi ong ana nahimo nga malain kundi nga owa gid sia et may ginhimo agud buligan ong imol nga si Lazaro. Owa sia et labot ukon owa nagpasilabot. Sya nangin bulag sa kahimtangan ni Lazaro.
“Isa ka hapon, may isa ka Kristiano nga nagpanaw upod sa isa ka monghe. Sanda nakasayud gid nga may bagyo ag kinahanglan nga sanda makaabot sa monasteryo antes maggab-i agud indi sanda mapatay sa tugnaw. Sang nagatungatunga un sanda sa pagbaktas, nagabati sanda et ugayong et tawo nga nahulog sa kantil ag nagapangayo et bulig. Ong monghe nagkumod, “Suno sa amon pagtuo, dya ginatawag nga karma. Oras un gid man et kaon nga tawo nga mapatay”. Apang ong Kristiano nagsaligbat, “Suno amon pagtuo, kinahanglan ko buligan kaon nga tawo”. Gani ong monghe nagpadayon sa pagpanaw samtang ong Kristiano nagpadausdos sa paghakwat sa tawo. Gapanghulay un sia sa balhas sang ana makita ong suga et monasteryo. Dayon sia nasandad ag diutayan lang matumba. Pagbalikid nana sa ana nasandaran, namulaghat sia sang makita nana ong bangkay et monghe nga nagtiskog un bangud sa lamig. Ong Kristiano naluwas sa kamatayon bangud sa ana pagsakwat sa tawo nga amo ong nagpainit et ana lawas.” Kon sa aton dya matabo, pareho man bala sa Kristiano ong aton himuon?

FR. DODO


ANECDOTE

BEWARE OF WHAT YOU ARE EATING
A man walks into a hamburger shop and orders a regular meal. Later, the waitress brings his meal to him. He takes a bite out of it, and notices there's a small hair in the hamburger. He begins yelling frantically at the waitress, "Waitress, there's a hair in my hamburger! I demand to see what is going on!"
So, the waitress takes him back where the cook is and to his demise, he sees the cook take the meat patty and flatten it under his arm pit. He says, "That's disgusting!"
Then the waitress says, "You think that's disgusting you should see him make donuts."

FOOD FOR THOUGHT

“If a man be gracious and courteous to strangers, it shows he is a citizen of the world, and that his heart is no island cut off from other lands, but a continent that joins to them.”( Francis Bacon)

BITS AND PIECES
-Everyone has a photographic memory. Some don't have film.
-I couldn't repair your brakes, so I made your horn louder.
-Why do psychics have to ask you for your name?

25th Sunday Ord. Time ( C )

MASALIGAN NGA ENKARGADO
Ang “masaligan” nga tinaga nagatumud indi lamang sa tawo nga gintugyanan, kundi sa tawo man nga “nagatugyan”. Sa aton Ebanghelyo subong nga Dominggo (Lk. 16:1-13), gingamit ang tinaga nga masaligan sa isa ka “enkargado” kag isa ka “tag-iya” sang isa ka panimalay nga may mga sulugu-on kag may negosyo nga ginapalakat.
Kon aton gid usisaon ang aton Ebanghelyo, ini nagatumud sa relasyon sang Mahal nga Diyos sa Iya mga katawhan. Ang Diyos bilang TAG-IYA, kag ang katawohan bilang mga “ENKARGADO”. Ini nagapaabut sa aton sang mensahe nga ang tagsa-tagsa sa aton mga enkargado sang Diyos sa pagpatikang sang mga butang nga Iya gintuga, sa bagay nga ang tagsa-tagsa sa aton may RESPONSIBILIDAD sa pagpaumwad sang SAHI SANG KABUHI nga ginhatag sang Diyos sa aton.
Kon kita ginbugayan sang Diyos sang mas labaw-labaw sang sa iban, ini indi agud gamiton sa kalainan ukon “USIKAN” suno sa lengwahe sang aton Ebanghelyo, kundi ini gamiton sa KAMAYARAN kag para sa PAGPANGAMIGO– sa pagbalay sang maayo nga mga relasyon sa aton isigkapareho! Buot silingon nga ining mga pagkabutang nga gintugyan sang Diyos sa aton sa sining kalibutan, mga alagyan lamang sang kaalwan sang Diyos nga luyag Niya nga ipa-ambit man naton sa aton mga isigkatawo! Indi dapat ini paggamiton bilang hinganiban sa pagpamigos kundi bilang instrumento sa pagbatak sa mga wala-wala.
FR.RONNIE
KAABTIK AG KATUTOM
Duro ong mga nagabilib ag luyag mangin Lucio Tan, ong tag-iya et PAL ag 300 pa nga mga hanggud nga mga kompanya. Ag duro man ong gusto nga mangin Henry Sy, ong tag-iya et SM Malls duri ag sa gwa et pungsod. Apang duro man ong owa nakasayud nga sanday Tan ag Sy ‘nag-migrate’ sa Pilipinas halin sa China bangud et kaimulon. Sanda nagbatas et gutom, kahadluk ag mga pagtilaw. Sanda nga daywa nag-umpisa sa gamay ukon “small-time”. Si Lucio nagtrabaho sa isa ka ‘factory’ et sigarilyo. Si Henry nagbaligya et sapatos sa Recto. Sin-o bala ong magpanumdom nga sa pagligad et mga tinuig, sanda kilalahon bilang daywa sa mga pinakamanggaranon nga mga tawo sa bilog nga kalibutan? Ano ong sekreto et anda nga kadalag-an?
Si Jesus nagsiling: “Ong matutom sa diutay nga mga butang magamatutom man sa mga hanggud nga butang, ag ong indi masaligan sa magagmay nga mga butang indi man masaligan sa hanggud nga mga butang”. Duri ana kita ginataw-an et pagsulondan sa aton kabuhi. Tanan kita nagahangad sa kadalag-an ag manggad ag katumanan et aton mga handum. Apang bisan duro ong mga nagadamgo, isang kurot lang ong minatuod nga nakadiskubre nga ONG ALAGYAN PAKADTO SA KADALAG-AN NAGAUMPISA SA MAGAGMAY NGA MGA BUTANG. Ong aton maid-id nga paghimo sa mga detalye et aton pagtuo amo ong piho nga dalan agud kita mangin hamtong nga Katoliko ukon gintutun-an ni Kristo. Amo dya ong buot silingon et KAABTIK o KAALAM et manugdumala sa palaanggiran sa Ebanghelyo.
“Owa et isa ka libo nga owa nagaumpisa sa piso”. Ong mga santos nangin santos indi tungod sanda enseguida nga naghimo et mga butang nga mga “extra-ordinaryo” kundi sanda nag-umpisa sa matutom nga paghimo et magagmay nga mga buhat et paghigugma sa adlaw-adlaw et anda kabuhi. Tani mangin amo man kita kaon.
Mabuhay ong Maalwan nga mga Mambusaonon!
FR. DODO


FOOD FOR THOUGHT

“If you once forfeit the confidence of your fellow citizens, you can never regain their respect and esteem. It is true that you may fool all of the people some of the time; you can even fool some of the people all of the time; but you can't fool all of the people all of the time.” (Abraham Lincoln)

BITS AND PIECES

-If a "fatal" error is made with the E-mail I sent, does that mean I killed somebody?

-What's the speed of dark?

-When everything's coming your way, you're in the wrong lane.

24th Sunday Ord. Time (C)

NADULA KAG NAKITA!
Tatlo ka mga palaanggiran ang aton mapamalandungan subong sa aton Ebanghelyo. Ang NADULA nga karnero, ang NADULA nga salapi, kag ang NADULA nga anak. Ining tatlo ka mga nadula may kumon nga pagtapos, kag ini amo nga sila tanan, NAKITA kag may daku nga KINASADYA nga ginhiwat tungud sa pagkakita sa ila.
Sa sining tatlo ka mga palaanggiran sang aton Ginuo, ang nadula nga anak amo ang pinaka-pamoso sa tanan. Bantug ini sa bug-os nga kalibutan ayhan tungud kay ini nagapakita sang mga gin-agihan sang mga tawo sa ila kabuhi, kag maathag nga nagapahayag sang aton tawohanon nga balatyagon sa mga sirkumstansya nga aton ginasumalang sa aton kabuhi– pagka-isip, pagpamintaha, pagkabuha-ha sa pag-gasto ukon patuyang nga pagpangabuhi, pag-abusar, pagkaimol, paghinulsol kag pagmuklat sa kasal-anan, pagpanumbalik kag pagpakig-uli. Ini nga mga bagay ayhan masiling naton nga aton man inagihan. Pila ayhan sa aton ang ginpamintaha-an sang iban nga mga tawo ukon sang aton mga kabataan? Pila ayhan sa aton ang gin-isipan sang mga tawo nga ginakabig naton nga malapit sa aton? Pila ayhan sa aton ang nagakabuhi sa patuyang nga daw sa indi maubos ang aton tinipunan? Pila ayhan sa aton ang naga-eksperyensya sang kaimulon tungud sa aton pag-abusar sang aton kalawasan? Pila ayhan sa aton ang nakamuklat kag nakasiling: “Nakasala gid ako! Nalimtan ko na ang akon Amay sa langit! Mabalik ako sa Iya kay Siya wala nagadula sang Iya nga paghigugma sa akon!”

FR. RONNIE


SA ‘YO LAMANG
Manakara, ‘now showing’ un ong pelikula nga “Sa ‘yo lamang”. Ginasaysay dira ong pagbalik et isa ka amay nga nadula et buhay sa ana pamilya. Kon ikaw ong unga et amay nga kaon, patawaron ag batunon mo pa bala ong tatay nga nagbiya kaninyo ni mama mo? By the way, si Bea Alonzo gali ong unga dira nga ginatumod ko…
Ong pagpatawad isa ka topiko nga manami pamatian ag ihala. Apang kon kita un gani ong mismo nga ginahangkat kaon, daw mabudlay un dya himuon. Labi un gid kon ong paghangkat daon gid mismo sa aton kaugalingon nga mga balay o banawang. Aton gid nasayran nga sa mga magpamilya nga suod ong kaangtanan, indi mahupos ong magpatawad. Ong mga kasaypanan, kon matabu, pareho dabi et pangpanginlalake, pagpanginbabaye, pagtraidor, adiksyon sa druga, ‘incest’, pagnabdos nga owa sa oras, abuso pisikal, ag iban pa, nagatuga kanaton et samad nga daw owa nagapali ag daw owa katapusan nga pagtinangis. Gani masami nga kon tagumatayon un lang taton nga makasiling, “I’m Sorry!” ukon “I forgive you!”
Kon aton lantawon sa estorya ni Kristo kon ano ong ana ginatudlo nga himuon ta, aton masat-um nga ONG PAGPATAWAD LAMANG ONG SARANG MAKAAYO SA ISA KA GUBA NGA RELASYON. Lantawa bala kon paano ong amay nagbaton “with open arms” sa ana malalison nga unga. Owa un sia nagpamangkot ukon nagpangbasol. Owa un sia nagpa-esteeste pa ukon ‘nagpahard-to-get’ ah. Nagkalipay lang sia. Amo lang on. Himutari on nga tawo ag lantawa kon paano nga ong pagpatawad sarang gali makauli liwat et nabuka ukon makahatud et matuod nga kasadya sa kabuhi. Gani, matandaan mo pa bala ong tion konsadiin ong imo kabuhi daw nagaawas sa kalipay bangud kay imo ginpili nga magpatawad sang sa magtimalos?


FR. DODO


ANECDOTE
GETTING BACK HIS HORSE
A cowboy rode into town and stopped at a saloon for a drink. Unfortunately, the locals always had a habit of picking on strangers, which he was. When he finished his drink, he found his horse had been stolen. He went back into the bar, handily flipped his gun into the air, caught it above his head without even looking and fired a shot into the ceiling.
"Which one of you sidewinders stole my horse?!?!?" he yelled with surprising forcefulness. No one answered. "Alright, I'm gonna have another beer, and if my horse ain't back outside by the time I finish, I'm gonna do what I dun in Texas! And I don't like to have to do what I dun in Texas!" Some of the locals shifted restlessly. The man, true to his word, had another beer, walked outside, and his horse has been returned to the post.
He saddled up and started to ride out of town. The bartender wandered out of the bar and asked, "Say partner, before you go... what happened in Texas?" The cowboy turned back and said, "I had to walk home."

FOOD FOR THOUGHT
“Forgiveness is choosing to love. It is the first skill of self-giving love.” (Mohandas K. Gandhi)

BITS AND PIECES

-It is hard to understand how a cemetery raised its burial cost and blamed it on the cost of living.

-Why is stuff sent on ships called "cargo" and UPS sends "shipments?"

23rd Sunday Ord. Time ( C )

JESUS, YOU’RE MY NUMBER ONE!

Ang aton tigulo sa sini nga pagpamalandong, isa ka titulo sang kanta nga ginkomposo sang isa ka pari. Sa iya nga pagsabat sa pangagda sang aton Ginuo sa pag-alagad, iya nga natalupangdan nga ang aton Ginuo amo gid and basehan sang iya kabuhi, kusog, kag ikasarang. Para sa iya, ang tanan nga nagalibut sa iya kabuhi, wala sang kapuslanan kon ini wala ginapasad sa aton Ginuo. Wala siya pagtalang kon ang aton Ginuo lamang ang iya ginasunud. Siya “puno” lamang kon ang Ginuong Jesus amo ang iya “pagka-on” sa iya kabuhi. Para sa iya, ang minatuod nga manggad nga iya “nadiskubrehan” amo ang aton Ginuo, nga wala ni sin-o man ang sarang makakuha sa iya.
Diri ginapatuhoy subong ang pagtulun-an sang aton Ginuo. Ang pagsunud sa Iya, indi lamang sang “higya-higya”, ukon “sunod sa uso” nga hitabo sa aton kabuhi. Ang pagsunud sa aton Ginuo ginabinag-binagan sang maayo… ginapamalandungan...kag ginapainu-inuhan sang maayo, katulad sang isa ka hari nga nagakadto sa patag-awyan.
Ini tungud ang pagsunod sa aton Ginuo indi sang mahapos nga desisyon tungud mataas kag daku ang Iya nga ginapa-abut sa aton. Kag ayhan ang pinakadaku nga “demand” nga Iya ginapangayo sa Iya sumulunod nga Siya ang dapat nga NUMERO UNO– “Number One” sa aton Kabuhi! Handa kita sa pagbiya sang tanan para sa Iya! Bisan ano pa ang matabo INDI GID KITA MAGBIYA SA IYA!
Ang aton Ginuo gid bala ang aton PINASULABI sa aton kabuhi suno sa aton ginapahayag nga kita mga sumulunod Niya? Siya gid bala ang aton NUMBER ONE?


FR. RONNIE


TOTAL SURRENDER

Ong tanan nga mga relihiyon may daon nga mga kasugoan nga ginasunod. Bisan gani sa pagkaon, may daon nga “puede y no puede” nga kan-on. “Isa ka adlaw, naglingin ong ulo et isa ka manugluto kon ano ong ana lutuon sa isa ka salosalo et mga mag-abyanay halin sa nagkalainlain nga mga relihiyon. “Owa dapat et baboy!”, siling et mag-asawa nga Muslim. Ong magpamilya nga mga Hindu makaon lang et tinapay kon segurado nga owa et itlog nga lakot. Ong mga monghe nga Buddhist indi magkaon et utan kon ginbutangan et bawang...”
Ong mga ‘kondisyones’ ni Kristo agud kita ana mangin matuodtuod nga gintutun-an, owa nagalabot sa mga ‘externals’, owa nagatumod sa mga kalan-on o ilimnon ukon sa ‘rituals’, ukon bisan sa aton ginasuksok, kundi sa sabat et aton mga taguipusuon. Ong minatuod nga gintutun-an ni Kristo amo sanda nga “naga-SURRENDER” et anda kaugalingon kanana. Buot silingon, sya ong “FIRST” sa tanan nga parte et anda kabuhi.
Manakara, duro ong nagapalapit sa Ginuo sa ‘pag-surrender’ lamang et anda mga problema kanana. Apang ong Dios nagapangita et aton “TOTAL” o bug-os gid nga ‘pag-surrender’ et aton kaugalingon kanana. Buot silingon, sya mahamuot gid kon aton ginabuy-an ag ginahalad ong aton kabuhi bilang mag-asawa, ong aton mga obra, mga kaangtanan ag manggad kanana. Gani minatuod gid man bala kita nga mga GINTUTUN-AN et Ginuo? Ukon mga hapaw nga “ADMIRERS” o “FANS” lamang kita nana?


FR. DODO



ANECDOTE
ADVERTISING PROPOSAL
A tea manufacturer wanted a new advertising gimmick, so the senior creative man at the advertising agency decided to go to Rome to see if he could persuade the Pope to make a TV commercial.
“We’ll give you one hundred thousand pounds for a ten second commercial”, the ad man told the pontiff. All you have say is: “Give us this day our daily tea...”
“I’m sorry”, replied the Pope, “but I can’t do that…”
“Five hundred thousand”, offered the adman.
“I’m afraid not”, said the Pope, solemnly.
“All right. One million pounds. And that’s our very last offer…”
But still the Pope refused.
On his way back, the disappointed adman turned to his secretary and said: .”It’s odd that the Pope refused to do a commercial for tea. I wonder how much the bread people are giving him…”

FOOD FOR THOUGHT
“You have to pay the price. You will find that everything in life exacts a price, and you will have to decide whether the price is worth the prize.” (Sam Nunn)


BITS AND PIECES
-Does killing time damage eternity?
-Why is it that night falls but day breaks?
-Why is the third hand on the watch called a second hand?

22nd Sunday Ord. Time ( C )

ANG NAGAPAUBOS PAGAPATAASON

Sin-o lang abi sa aton ang indi luyag nga pasulabihon? Duna sa aton pagkatawo ang paghandum sang importansya sa atubangan sang aton isigkatawo. Gusto naton mangin lutaw… mangin sikat… mangin pinasulabi sang sa iban. Daw kapid sa aton kaugali-ngon ang pagsiling nga “mas mayad” kita sang sa aton isig-kapareho.
Ayhan amo man ini ang balatyagon sang mga tawo nga inagda sa punsyon nga gintambungan subong sang aton Ginuo sa aton Santos nga Ebanghelyo. Ayhan nagapauna-una sila sa mga pulungku-an nga pinasulabi– sa “presidential table!” tungud ini nagapahayag sang ila pagkalutaw sang sa iban nga mga inagda.
Ang aton Ginuo nakatalupangud sini nga pamatasan, sa bagay nga siya naghatag sang palaangiran nga nagatudlo sang aton pagpa-ubos sang aton kaugalingon. Pagpa-ubos nga nagatalupangud sang aton estado indi suno sa talaksan sang mga tawo sa palibut, kundi suno sa PANULUKAN sang Diyos. Ang pagpa-ubos wala nagakahulugan nga dapat mangin “makalulu-oy” kita sa atubangan sang mga tawo, ukon mangin “manubo” ang aton panulukan sang aton kaugalingon, apang ini nagakahulugan nga sa pagpa-ubos, “ginakakas” naton ang aton sayup nga paglantaw sang aton kaugalingon paagi sa aton pagkumparar sini sa iban. Ini nagahatag sa aton sang KAHILWAYAN nga mangin TAMPAD sa aton kaugalingon sa atubang sang Diyos.


FR. RONNIE


POSO NEGRO

Ano ong basehan et matuod nga pagkahalangdon ukon sa diin dapat maghalin ong aton ‘honor’? Kaon ong pila sa mga pamangkutanon nga ginataw-an et sabat et aton Ebanghelyo manakara nga Domingo. Ong matuod nga dignidad ukon kabilinggan o ‘valor’ et tawo dapat maghalin sa Ginuo. Ong kapuslanan et tawo dapat maghalin sa kon ano sia sa mata et nagtuga kanana. Sa duri ag duri lamang ong sukat et minatuod nga ‘honor’ ukon kadungganan.
Kon aton ilubad sa English ong tinaga nga “TAWO”, dya ginatawag nga “HUMAN” nga may anggid man sa tinaga et birtud nga “HUMILITY”. Kon aton naman pamatian ong mga “Latinista” kon sa diin naghalin ong tinaga nga “human” ag “humility”, dya naghalin sa isa lamang ka Latin nga tinaga nga “HUMUS” nga ong buot silingon, ‘higko’, ‘lunang’, ‘duta’ ukon ‘yab-ok’. Apang ong sugilanon nga: “Ong tawo naghalin sa YAB-OK, ag sa YAB-OK man sia magabalik!” isa lamang ka “EUPHEMISM” ukon ginpanami sa pamatin-an nga paghambal. Kay kon aton ilubad ong minatuod nga kahulogan et “HUMUS”, dya minatuod nga nagakahulogan gid et mga butang nga makita mo sa “POSO NEGRO”. Gani makapabugal ka pa bala kon mabal-an mo kon sa diin ka naghalin ag ginhimo bilang tawo? Payab-ok yab-ok ka pa! Sa Poso Negro ka man lang gali halin!
Gani si Kristo nagpanudlo nga dapat kita mangin MAPAINUBUSON kay “ong nagapakanubo et ana kaugalingon, pagapataason!”(Lk 14: 11) Dya nga birtud nagaduso kanaton sa pagkilala nga kon ano man ong aton naabutan ag kadalag-an ag kon ano man nga may daon taton, dya tanan naghalin sa Dios nga nagtuga kanaton.


FR. DODO



ANECDOTE

THE TALKING PARROT

Fred at last could see a way of making a fortune. He had trained his parrot, after month of hard work, to tell jokes.
At last he felt ready to cash in on all his hard work, and took the parrot down to his pub.
“This is my incredible joke-telling parrot!” boasted Fred. “Go on ,. jeered the pub regulars. We’ll give you ten to one that your parrot can’t tell us a joke..”
“All right…” replied Fred. “I accept your bet..” But try as he could, Fred was unable to make the parrot talk - let alone tell jokes.
On the way home Fred shook the bird and shouted: “What do you mean by keeping quiet? You made me lose a ten to one bet!.
“Don’t worry!... squawked the parrot...Tomorrow you’ll be able to get fifty to one..”


FOOD FOR THOUGHT
“It is unwise to be too sure of one's own wisdom. It is healthy to be reminded that the strongest might weaken and the wisest might err.” (Mohandas K. Gandhi)

21st Sun. Ord. Time- C

MAKITID NGA PWERTAHAN!
Ang paghalintulad nga ginatumud karon sang aton Ginuo amo ang “pamaagi” sa pagsulud sa Ginharian sang Diyos. Suno sa Iya, ang alagyan isa ka MAKITID nga pwertahan. Kon sa aton pa, maangkon lamang naton ang ginharian sang langit indi sa pahupos nga paagi kundi sa alagyan nga madamo sang kabudlayan. “We cannot buy our stairway to heaven!” Kon luyag kita magsulud diri dapat MAGTINGUHA gid kita sa pag-agi sa dalan nga mapi-ut, kag ini amo ang dalan nga gin-agihan man sang aton Ginuo– ang dalan sang Krus.
May hulubaton kita nga nagasiling: “No pain, no gain” ukon “Success comes only through a series of failures!” Ayhan ini nga hulubaton nag-gikan sa matuod nga mga inagihan sang mga tawo sa kabuhi sa diin naangkon lamang nila ang kadalag-an sang masumalang nila ang madamo nga mga kapaslawan!
Sa aton pagkabuhi sang aton Kristiyano nga pagtuo, ayhan madamo man kita nga mga upang nga nasusumalang, kag kita man ginahangkat sa pag-agi sa dalan nga makitid, kay sa pagkamatuod, indi mahapos ang magpaka-kristiyano sa subong nga mga panahon. Ginasiling gani nga mahapos lang ang mangin-kristiyano apang mabudlay ang MAGPAKA-KRISTIYANO, tungud ini nagakahulugan sa pagkabuhi sang aton pagtuo 24 oras sa tagsa ka adlaw.
Ang dalan sang isa ka kristiyano amo ang dalan sang MATUOD NGA PAGHIGUGMA! Amo bala ini ang pwertahan nga aton gina-agyan?

FR. RONNIE


INDI KA MAGPANIGURO
Sa aton panahon, duro nga mga Filipino ong nagaestorya nahanungod sa pagpanaw sa gwa ukon ong ‘pag-abroad’. Dya agud magbakasyon, makapakigkita sa mga pariente, magpuyo didto ukon agud mag-obra. Sa tiempo ni Kristo, ong mga tawo nagahinala sang mga butang nga labaw pa sa ‘abroad’. Ag dya amo kon ‘paano sanda makaadto o makasulod sa langit’.
Isa dya ka dalayawon nga butang nga dapat man naton ilogon. Apang ong problema sa anda amo nga, tungod sanda kuno kaliwat et mga Patriarka ag katapo et banwa nga pinili et Dios, sanda NAGAPANIGURO nga sanda maluwas un gid. Gani ong minatuod kuno nga pamangkot sa baylo et pamangkot nga: “Ginuo, gamay lang bala ong maluwas?” amo nga “Ginuo, KAMI lang bala ong maluwas?”. Sa anda taguipusuon, sanda nagapanumdom nga sanda gid lang ong mapalangit. Daw ano ka kalam-otan nga hasta manakara, dya nga panumdoman daon man gyapon. Lantawa un lang kon paano ong mga relihiyon nagailinaway ag nagapaditol nga sanda lang gid ong minatuod nga Simbahan. Ong iban sala ag sanda lang ong tama.
Gani si Kristo klaro nga nagtugda nga makitid ong pwertahan et langit ag owa et “shortcut” paadto duri. Kinahanglan ong PERSONAL nga pagtinguha ag paghimakas sa pagpangabuhi et maayo agud makasulod duri. Ong langit isa ka bugay et Dios nga ginatan-ay sa TAGSATAGSA kanaton ag indi dya ‘exclusibo nga pabor’ nga ‘ginreserva’ lamang sa mga katapo et isa ka grupo. Buot silingon, ong mga ‘VIP’s’ ag ‘Big Shots’ et karang kalibutan indi makasegurado nga ‘VIP’s’ ag ‘Big Shots’ man sa langit. Indi importante kon ano ong imo ‘social status’ sa kalibutan, ukon ong imo ‘bank account’ ukon ong imo itsura ukon ong imo ‘academic degrees’. Ong importante amo nga kon nangin ano ikaw nga sahi et tawo sa imo pagkabuhi duri sa duta: “Kon sungaksungak ka bala ukon mahigugmaon ka nga tawo?”

FR. DODO


ANECDOTE

KIDS ASK DIFFICULT QUESTIONS

A lawyer was seated next to a little girl on the airplane when the   lawyer turned to her and said, 'Let's talk. I've heard that flights go quicker if you strike up a conversation with your fellow passenger.'
The little girl, who had just opened her book, closed it slowly and said to the stranger, 'What would you like to talk about?'
'Oh, I don't know,' said the lawyer. 'How about nuclear power?' and he smiles.
'OK, ' she said. 'That could be an interesting topic. But let me ask you a question first. A horse, a cow, and a deer all eat the same stuff - grass - . Yet a deer excretes little pellets, while a cow turns out a flat patty, and a horse produces clumps of dried grass. Why do you suppose that is?'
The lawyer, visibly surprised by the little girl's intelligence, thinks about it and says, 'Hmmm, I have no idea.'
To which the little girl replies, 'Do you really feel qualified to discuss nuclear power when you don't know shit?


FOOD FOR THOUGHT

“As we advance in life it becomes more and more difficult, but in fighting the difficulties the inmost strength of the heart is developed.” ( Vincent van Gogh)

Assumption ( C)

NAGKIBO SA KALIPAY!

Sa Solemnidad sang “Mahimayaon nga pagdala kay Maria sa Langit”, ginapahanumdum sa aton paagi sa aton Santos nga Ebanghelyo kon paano ang aton nga Iloy nga Langitnon ginhatagan sang Diyos sang pinasahi nga kadungganan bilang alagyan sang Manluluwas sang kalibutan. Si Maria ginpili sa tanan nga mga babayi sa kalibutan nga mangin “tawohanon” nga Iloy sang aton Ginuong Jesus. Sa sini nga kaangtanan, tungud nga siya ginpili, siya ginhatagan sang isa ka ESPESYAL nga prebilihiyo nga mangin hilway sa dalit sang sala nga palanubli-on. Siya nangin isa ka “matinlo nga suludlan” sa diin mangin tawo ang Diyos nga Manluluwas.
Sa sini nga kaangtanan, si Maria mangin gikanan sang pagkalipay sang kalibutan tungud kay paagi sa iya, matigayon na ang plano nga kaluwasan sang Diyos sa tanan nga mga katawohan.
Ini maathag nga ginpahayag ni Elisabet sang pagdu-aw ni Maria sa iya sang siya nagabusong man sa isa ka bata nga magahanda sang dalan nga paga-agyan sang aton Manluluwas. Ang bata ni Elisabet nga sa ulihi pagahingalanan kay Juan, nagkibo sa kalipay tungud sa iya pagsumalang sa Manluluwas sang kalibutan, bisan ara pa lang sila sa tagu-angkan sang ila mga iloy!
Sa sini nga hitabo, makita naton nga si Maria, bilang iloy, luyag gid magdala sang KALIPAY sa tagsa sa aton tungud yara sa “iya” ang aton Ginuong Jesus. Higugmaon naton siya agud magkalipay kita! Tularan ta ang iya nga pagdala sa iya kaugalingon sang presensya sang aton Ginuo sa aton tunga, kag sa sini mangin alagyan man kita sang matuod nga kalipay!


FR. RONNIE


PAGKATYOG

Didto sa Jerusalem, sa kilid et Lulobngan ni Haring David ag “The Upper Room”, may simbahan nga ginatawag nga “DORMITIO” ukon “Pagkatyog”. Suno sa ginapatihan, duri ‘nagkatyog’ ukon napatay ong Mahal nga Birhen. Sa isa ka duog, may matahum nga imahen et mga Apostoles nga nagabantay kay Maria sa tion et ana kamatayon. Apang ong daon sa sentro amo ong “icon” ni Kristo nga may ginakugos nga daw manyika. Laragway adto et kalag ni Maria, nga sa ana kamatayon, ginsalo dayon et Ginuo agud nga upod ong ana lawas dalhon dayon sa himaya et langit.
Ong “ASSUMPTION” ukon pagdala sa langit kay Maria ginatawag et mga “Eastern Churches” nga “Pagtulog et Mahal nga Iloy” tungod ginasaulog kadya ong pagsaylo ni Maria sa pihak nga kinabuhi nga owa nadunot ong ana lawas. Sia “nagkatyog” sa kamatayon ag dayon ginhatud, lawas ag kalag, palangit. Dya nga pagtuloohan nahanungod kay Maria bunga et bugay et Dios nga nagpili kanana nga mangin Iloy et Manunubos. Tungod kara, si Maria lamang ong ginpanamkon nga owa et dagta et sala. Ag gani, ong Ebanghelyo manakara nagapakita et ana pagkabulahan suno sa ginsambit sa “Magnificat”.
Si Maria tanda ag panguna et mga bagay nga ginaaman man et Dios kanaton. Kita gintuga para sa langitnon nga kabuhi. Sa katapusan et aton kabuhi duri sa kalibutan, ong aton lawas magabalik sa yab-ok. Apang ong aton kalag owa nagakadula. Ag sa katapusan et panahon, pagabanhawon man ong aton lawas sa langit, konsadiin si Maria nag-una un kanaton.


FR. DODO



THE PATIENT’S VISIT

A man hasn't been feeling well, so he goes to his doctor for a complete check-up. Afterward, the doctor comes out with the results. "I'm afraid I have some very bad news," the doctor says. "You're dying, and you don't have much time left." "Oh, that's terrible!" says the man. "How long have I got?" "Ten," the doctor says sadly. "Ten?" the man asks. "Ten what? Months? Weeks? What?!" The doctor interrupts, "Nine..."


FOOD FOR THOUGHT

“When I approach a child, he inspires in me two sentiments; tenderness for what he is, and respect for what he may become.” (Louis Pasteur)

19th Sunday Ord. Time (C)

ANG ATON MANGGAD?
Maathag ang pagtumud sang aton Ginuong Jesus nahanungud sa klase sang mga manggad nga aton gina-angkon sa sining kinabuhi. May manggad nga “ginasulud” sa puyo nga nagakagisi kag gani sarang makawat ukon mabuhinan, kag may manggad nga “ginahatag” nga wala sang suludlan, pero indi makawat kag indi man mabuhinan.
Ang nahauna nga klase sang manggad amo ang manggad nga dutan-on, nga sarang naton madula sa oras nga tanan. Mga manggad nga indi naton madala kon kita magtaliwan sa sining kinabuhi… mga manggad nga “nagapabug-at” lamang sa aton mga painu-inu kag kaangtanan sa isa kag isa. Ini nga klase sang manggad suno sa aton Nahauna nga balasahon sang nagligad nga Dominggo gikan sa Libro sang Manugwali, manggad nga WALA SING KAPUSLANAN! Ngaman? Tungud ini nga manggad “ginapangabudlayan mo sa bug-os mo nga kaalam, ihibalo kag kinaadman, apang bayaan mo lang ini sa tawo nga wala magpa -ngabudlay sini!... Ang tanan mo nga ginahimo sa bug-os mo nga pagkabuhi, wala sang iban nga ginadala kundi palaligban kag kasakit sa tagipusoon!”
Ang ikaduha nga klase sang manggad amo ang manggad sang isa ka suluguon nga MATUTUM nga nagahanda sa oras nga tanan sa pag-abut sang iya agalon, sa bagay nga nagabuhat siya sang MAAYO sa iya isig-kasuluguon. Ang iya GINAHATAG nga manggad sang may KAALWAN KAG PAGHIGUGMA amo ang MATUOD NGA MANGGAD!
Matuod bala nga manggad ang aton ginahuptan?

FR. RONNIE

GAME KA UN BALA?
Tatlo man lang ka butang sa ibabaw et duta ong indi naton mabalibaran, mapaindian o mapalagyohan. Pat-ud ag segurado nga magaabot dya kanaton tanan. Una, ong Sakit o Balatian. Bisan gusto naton o indi, magaluya gid aton lawas o magaburoburo gid aton tambutso. Ikaduha amo ong Pagkatigulangon. Bisan gusto man naton o indi, magatubo o magadugang gid ong aton edad. Magatig-a ag magakuryanot ong aton mga gawi ag panit nga sang una, daw sa ano kahumok ag kanamitorn. Ikatlo, ong Kamatayon. Bisan gusto pa gid naton o indi, ag bisan sin-o ka pa, bata man o tiguwang, matambok, maniwang, bingkong, laon o binayaan, bisan pa ikaw aswang, pat-ud nga mapatay gid taton. Kay ong kamatayon daw isa ka makawat nga owa taton kasayud kon san-o magaabot ag manakaw kanaton.
Gani sa Ebanghelyo, aton mabatian ong duro nga mga pulong nga ginhambal et Ginuo: “Maghanda kamo… nga nawagkusan ong inyo hawak ag nasindihan ong inyo suga!” “…nagamata ag handa…” “…nagahulat…” “…nagabantay…” Dya nga mga pulong indi lamang simple nga panugyan, kundi mga “MANDO” gid kanaton et Ginuo. Kay bilang mga tawo nga nagatuo kanana o manunubli et Langit, dapat ag kinahanglan nga kita preparado ag nakaaman gid, sa oras nga tanan, sa pag-abot nana.
Sa panahon manakara, ong iban kanaton nagapanumdom et “Reincarnation”, nga kon mapatay man sanda nga owa nakaaman o indi preparado, sanda taw-an pa gid et ikaywa nga tsansa para maluwas. Apang klaro gid sa Sulat sa mga Hebreo: “ong tawo isa lang mapatay ag pagkatapos kaon, amo ong paghukom” (Heb. 9:27) Ong Simbahan owa gid nagapabor sa “Reincarnation” kay kon matuod on, ong ana paghimakas sa pagtao et “Last Sacraments” sa tagumatayon mangin owa gid pulos. Gani preparado o nagapreparar gid man bala kita?


FR. DODO

ANECDOTE

BIG SALE

It was the day of the big sale. Rumors of the sale and some advertising in the local paper were the main reason for the long line that formed by 8:30 in the morning in front of the store. A small man pushed his way to the front of the line, only to be pushed back, amid loud and colorful curses.

On the man's second attempt, he was punched square in the jaw, and knocked around a bit, and then thrown to the end of the line again. As he got up the second time, he said to the person at the end of the line, "That does it! If they hit me one more time, I don't open the damn store!"


FOOD FOR THOUGHT

“Learn wisdom from the ways of a seedling. A seedling which is never hardened off through stressful situations will never become a strong productive plant.” ( Stephen Sigmund )

18th Sun. Ord. Time (C)

KAHAKUG
May hulubaton nga nagasiling: “Beware of what you possess, because what you possess might POSSESS YOU!” Ini isa ka paandam sa aton nga madamo nga mga butang sa kalibutan nga sarang maka-ULIPON sa aton kon yara na sila sa aton nga pag-angkon… mga butang nga ginakabig naton nga “manggad” apang kon bayawon ang kwenta sa katapusan sang aton kabuhi, INDI man naton sila madala sa “pihak” nga kinabuhi!
Maathag ang pamat-ud sang aton Ginuo paagi sa palaanggiran sa subong nga Dominggo nahanungud sa isa ka manggaranon nga tawo nga nagtinipon lang sang iya nga manggad kag nagkabuhi sa patuyang kay para sa iya may malawig pa siya nga kabuhi, apang ang Diyos nagsiling: “Buang-buang, KARON GID nga gab-i MAPATAY KA!” Indi gid niya mapuslan ang iya tinipunan! Amo gani nga nagsiling ang aton Ginuo nga magtipon kita sang manggad nga “langitnon” kay amo ini ang aton sarang madala sa aton pagtaliwan sa sining kalibutan– ang maayo nga pagtamud sa aton isigkatawo, ang pagpakig-abyan, ang pagkamahigugma-on, ang pagkamapinatawaron, ang pagpa-ubos, kag iban pa nga mga manggad sang maayong kabubut-on nga indi sarang ma-ut-ut sang mga sapat-sapat kag indi sarang pag-atakon!
Tan-awon ta ang aton mga pagkabutang– kwarta, kadutaan, pagkabutang, kag iban pa. Kon mapatay ka, madala mo bala ini? Sa pagkamatuod, INDI MAN INA IMO! GINPAHULAM LANG INA SANG DIYOS!


FR. RONNIE


KWARTA
“Isa ka Domingo, may pari nga “bombastic” nga nagsermon: “Indi kamo magsalig sa dutan-on nga manggad. Indi kamo maglagas sa kwarta. Indi ninyo kinahanglan ong kwarta palangit. Kay sa langit, owa kwarta! Dayon ong isa ka soltero nagtindog ag nagsaligbat: “Father, daon un kami kara sa langit eh!” Ong pari nagpamangkut kanana kon ngaman ag paano. Ong pamatan-on nagsabat: “Kay sa amon balay Father, owa kmi pirme kwarta!”
Husto nga sa langit, indi naton kinahanglan ong kwarta. Owa et euro, dollar o peso nga makatao kanimo et matuod ag owa et katapusan nga kalipay. Apang sa duta, kinahanglan naton ong kwarta. Bisan akuon naton o indi, di bala nga parte et aton pangamuyo kon mag-adto ag magsimba kita sa Simbahan amo nga tani taw-an kita et Dios et kwarta? Kwarta nga galastuon sa aton adlaw-adlaw nga mga kinahanglanon, para sa aton mga kabataan ag para sa palaabuton? Pareho man lang kita sa punto nga kaon, kay kami nga mga pari nagakinahanglan man pirme et kwarta para sa galastuon et aton Parokya, labi un gid para sa aton mga proyekto. Buot silingon, ong kwarta indi malain o sala. Kay ong kwarta, kon imo ginpabalhasan et maayo, isa pa gani nga regalo et Dios para kanaton, para sa aton pamilya ag katilingban.
Indi malain ong kwarta apang ong igpat kara makasisilaw, gani duro ong nagakatiplang. Amo gani nga si Kristo nagapaandam gid kanaton nga indi kita mangin sungaksungak ag hangolhangol sa bisan ano nga butang, labi un gid sa kwarta. Indi naton paghimuon Dios ong kwarta. Kay ong isa ka sungaksungak nga tawo owa nagabatyag et kinahanglanon et iban. Ong ana lamang kinahanglan ong ana nabatyagan. Bisan nasat-uman nana o indi, ong hangolhangol nga tawo nagayaub o nagasimba sa ana manggad ag indi sa Dios. Gani paano sia makapalangit kaon?



FR. DODO



ANECDOTE

THE PRIEST IS DYING

An old priest was dying. He sent a message for his banker and his lawyer, both church members, to come to the Rectory.
When they arrived, they were ushered up to his bedroom. As they entered the room, the priest held out his hands and motioned for them to sit on each side of the bed. The priest grasped their hands, sighed contentedly, smiled, and stared at the ceiling. For a time, no one said anything.
Both the banker and lawyer were touched and flattered that the priest would ask them to be with him during his final moments. They were also puzzled; the priest had never given them any indication that he particularly liked either of them. They both remembered his many long, uncomfortable sermons about greed, covetousness, and avaricious behavior that made them squirm in their seats.
Finally, the banker said, "Father, why did you ask us to come?
The old priest mustered up his strength and then said weakly, "Jesus died between two thieves, and that's how I want to go."

FOOD FOR THOUGHT

“It's only when we truly know and understand that we have a limited time on earth -- and that we have no way of knowing when our time is up -- that we will begin to live each day to the fullest, as if it was the only one we had.” (Elisabeth Kubler-Ross)

BITS AND PIECES

Doesn't expecting the unexpected make the unexpected become the expected ?

17th Sunday (Fil-Mission)- Ord. Time ( C )

AMAY NGA NAGAHATAG
Ang pinakamanami nga imahen sang Diyos nga ginpahayag sang aton Ginuong Jesus, amo nga Siya amo ang aton AMAY. Ini nga tinaga mahapos naton mahangpan tungud ang tagsa-tagsa sa aton may ara gid nga ginakabig nga amay sa sining kalibutan, tungud ang kada isa sa aton may ara gid nga gingikanan. Ang amay ginakabig nga “haligi” sang panimalay. Siya amo ang kabakud sang iya nga pamilya, amo gani nga ang amay ginasiling nga amo ang “bread-winner” ukon “manugpaka-on” sang iya pamilya– siya ang nagahatag sang para sa “ikaayong” lawas sa mga katapo sang iya nga panimalay. Amo gani nga sa palaang-giran sang aton Ginuo, Siya nagsiling nga: “May ara bala nga amay nga magahatag sang iwi-iwi kon ang iya bata nagapangayo sang itlog? Ukon sang man-og kon ang ginapangyo isda?” tungud nahibalu-an sang aton Ginuo nga amay sang panimalay nagahimud-os gid sa paghatag sang maayo nga mga butang para sa iya pamilya bisan pa nga ini nga “tawohanon” nga amay mismo may iya man kaugalingon nga mga “kapaltahan” kag “kakulangan”.
Apang ang aton Ginuo sa aton Ebanghelyo subong nagapakilala sang isa ka Amay nga “himpit”- wala sang kakulangan kag kapaltahan, tungud ini nga Amay amo man ang Iya nga Amay nga langitnon– ang Amay nga Manunuga, kag Amay nga nakahibalo kon ano ang maayo para sa aton. Siya isa ka Amay nga nagahatag sing maalwan sa isa ka anak nga “nagapangayo, nagapangita, kag nagapanuktok!”.

FR. RONNIE


TATAY KO ONG DIOS!
Bilang mga Kristiano nga nagatuo ag nagasunod kay Kristo, klaro nga ginatudlo kanaton et Ebanghelyo nga, una sa tanan, kinahanglan naton ong pangamuyo o ‘obligasyon’ naton ong magpangadi. Kay sa pagkabuhi ni Kristo duri sa duta, sia nagtao gid mismo et malawig nga mga tinion sa pagpangamuyo o pagpakigsugilanon sa Dios. Gani sa manakara nga Domingo, sia nagatao kanaton et sulondan kon paano kita magpangadi sa amo man nga Dios.
Ag dya amo ong PAGPANGAMUYO BILANG MGA UNGA SA ATUBANGAN ET DIOS BILANG ATON TATAY! Ong pagpangamuyo et isa ka Kristiano dapat isa ka personal ag pinamilya nga butang. Buot silingon, sia nagapakighala sa Dios pareho nga sia isa ka anak nga nagapakigsugilanon sa ana amay. Lantawa bala ong mga kabataan kon paano sanda owa et huyahuya sa pagpalapit ag sa pagpangayo et bisan ano nga mga butang sa anda mga tatay. Ag kon indi gani sanda pagpromisahan sa gab-i nga ron, lantawa bala pagkahin-aga, daon uman sanda sa kilid et tatay nanda nga nagahikolhikol hasta itao gid ong anda ginapangayo!
Si Kristo nagatudlo nga magpangamuyo kita sa Dios bilang aton Amay agud sa pagtadlong et paghangop nga ong aton Dios pareho et “Big Boss” nga dapat kurogan o isa ka “Hari” nga dapat kahadlukan. Sa baylo, ong dapat naton panumdomon amo dya: “Ong Dios mapinasiensyahon, makuli sa pagpangakig ag puno et mapinadayunon nga gugma bangud Anak nana Ako ag Tatay ko Sia!”
Kita nakasayud nga ong mga kabataan nagasalig sa anda mga ginikanan nga ong ginahimo et anda mga ginikanan para gid sa anda kaayohan. Gani, sa amo man nga bagay, kon kita magpangamuyo, dapat kabigon ta ong aton mga kaugalingon nga unga sa atubangan et Dios ag saligan ta Sia nga ana gid igatao kon ano ong pinakamaayo kanaton tungod Tatay ta Sia!


FR. DODO


THE NEXT ONE

After they had brought their first baby home from hospital, a young wife suggested to her husband that he try his hand at changing diapers. “I’m busy” he said “I’ll do the next one..”
The next time the baby was wet, she asked if he was now ready to learn how to change diapers. He looked puzzled. .Oh,. he replied finally. .”I didn’t mean the next diaper. I meant the next baby!”

FOOD FOR THOUGHT

“It is a wise father that knows his own child.” (William Shakespeare)

BITS AND PIECES

- What do sheep count when they can't get to sleep?
-If a word in the dictionary were misspelled, how would we know?
-Why do women shave off their eyebrows, then paint them back on?