14th Sunday Ord. Time (C)

TIG DUHA-DUHA

Aton mabati-an subong nga Dominggo ang pagpadala sang aton Ginuong Jesus sang 72 ka mga tawo sa pag-una sa Iya sa tagsa ka banwa kag duog nga Iya pagakadtuan. Ngaman nga tig duha-duha gid kay pwede man sila makalakat nga isahanon? Sa sini mas madamo nga mga duog ang ila makadtuan, indi bala?
May buot silingon ang pagpadala sang tig duha-duha. Ini nagapahayag sang “pagpanaksi” sang isa ka kaupod sa mga ginapahayag nga pulong kag mga inagihan sang isa ka tawo nga amo ang iya kaubay sa pagbantala. Ang isa kag isa nangin saksi sa ginasugid sang isa agud ini sila MAPATIHAN. Paagi sa pagpanaksi sang kaupod sang manugbantala, indi masiling nga siya “nagapalapaw” lang sang iya nga ginsugid ukon ginabantala. Ang kaupod naga-konpirmar sang ginapahayag sang isa ka nagabantala sang maayong balita… ang kaupod, nagapahayag man sang kaangtanan sang paghigugma nga nagaluntad sa tunga sang mga gintutun-an sang aton Ginuo… ang kaupod nagapahayag sang kamatuoran sang ginapahayag sang isa ka gintutun-an!
Amo ini nga “PAG-INUPDANAY” nga dapat magluntad sa tunga sang isa ka Kristiyano nga katilingban. “It is a relationship of COMPLIMENTARITY!” Isa ka kaangtanan sa diin ang isa kag isa naga-alungay sa tagsa-tagsa. Sila nagabinuligay para sa kaayohan sang isa kag isa. Sila naga kumpleto kag nagapuno sang kakulangan sang isa. Sa sini ginapahayag ang matuod nga Maayong Balita. Amo gain nga ang pag-abi-abi nga ginadala sang isa ka gintutun-an amo ang pag-abi-abi sang PAGHIDAIT! “We are supposed to COMPLETE and NOT COMPETE with one another!”
Kita amo ang bag-o nga mga gintutun-an sang aton Ginuo. Kuntani dulaon naton ang PAINDIS-INDIS sa aton tunga, sa baylo MAGBINULIGAY kita!

FR. RONNIE


INDI MAGPADITOL, BUHATA!

May hulobaton sa Ingles nga bantog gid: “Actions speak louder than words!” Simple lang ong buot silingon kadya: “Mas maathag ong ginapakita et aton ginahimo sang sa aton ginahala!” Gani kon gusto ta nga mahangpan et mga tawo ong aton ginawakal, ‘maghambal’ kita paagi sa aton mga buhat. Kay kon ong iban pa nga mga tawo magsiling: “Indi ka magwangot kon paano ginahimo dya, ipakita kanakon!” Ong isa ka ehemplo nagapaathag kadya. Halimbawa, kon may tawo nga mas matambok pa sa baboy nga magpaathag kanakon et importansya et pagpaniwang, et ‘dieting’ ag ‘exercise’, indi takon magsapak kanana. Guro hambalan ko pa sia, “Doktor, ayuha danay ong imo kaugalingon! Ong halimbawa et imo kasamok ag katamad mag-ehersisyo, mas matunog pa sang sa ginalaygay mo!”
Sa manakara nga Ebanghelyo, mabatian ta ong pamilinbilin ni Kristo sa ana 72 ka mga gintutun-an. Sa ana pamilinbilin, mas duro ong ginsiling ni Kristo tuhoy sa anda pagahimuon sang sa anda pagahambalon. Si Kristo owa nag-insistir sa kon ano ong anda igahambal. Sa baylo, sia nag-insistir sa anda pagahimuon, sa anda dapat nga batasan ukon pagginawi. Kay dya, labaw pa sang sa anda mga tinaga, magapakita kon ano nga sahi et tawo sanda ag kon ano ka dungganon et anda ginahatud nga mensahi. Ag labaw sa tanan, dya nagapakilala gid kon sin-o ong nagpadala kananda: ong Ginuong Jesus. Gani kita, labaw bala ong aton ginahimo sang sa aton ginahala?
Mabuhay ong Maalwan nga mga Mambusaonon!

FR. DODO




DOCTOR AND THE PLUMBER

A pipe burst in a doctor's house. He called a plumber. The plumber arrived, unpacked his tools, did mysterious plumber-type things for a while, and handed the doctor a bill for P5,000.00
The doctor exclaimed, "This is ridiculous! I don't even make that much as a doctor!"
The plumber quietly answered, "Neither did I when I was a doctor."."

FOOD FOR THOUGHT
“If one is estranged from oneself, then one is estranged from others too. If one is out of touch with oneself, then one cannot touch others.” (Anne Morrow Lindbergh)