ANG IYA SANG AMAY, AKON!
Bilang Anak sang aton Amay sa langit, ang aton Ginuo amo ang makabig naton nga “Manunubli” sang pagkagamhanan sang Iya nga Amay. Ini suno lamang sa aton “tawohanon” nga panglantaw sang Iya estado bilang “Bugtong” nga Anak” sang aton Manunuga. Apang kapin pa sa sini nga kaangtanan ang nagaluntad sa tunga NILA. Indi lamang Siya sang Manunubli, kundi nga Siya kag ang Amay ISA lamang, kag ini nga paghi-usa, ginapahayag sang indi mabugras nga kaangtanan sang PAHIGUGMA nga amo ang “persona” sang Espiritu Santo nga amo ang “nagahugpong” sa ila sang wala’y katubtuban.
Ini nga “kaangtanan” sang mga personas amo karon ang ginasa-ulog nnga Kapiestahan– Ang Kapiestahan sang Santisima Trinidad. Ginapahayag ini sang aton pagtulu-ohan nga nagasiling nga may ISA LAMANG ka DIYOS apang Siya may TATLO ka mga PERSONAS– Ang Amay, Anak, kag Espiritu Santo.
Maathag ini nga ginpahayag sang aton Ginuo sa aton Ebanghelyo subong nga Dominggo. “Ang Espiritu sang Kamatuoran, magatuytoy sa inyo sa bug-os nga kamatuoran… ang Iya ihambal indi Iya, kundi magasugid Siya sa inyo sang Iya nabatian...kay Siya magabaton sang akon inugsiling sa inyo… Ang tanan nga Iya sang Amay Akon...ang Espiritu amo ang magapahayag sini sa inyo!”
Ini nga mga dinalan gikan sa Ebanghelyo ni San Juan 16:12-15, nagapahayag sa aton sang HIMPIT NGA PAGHIUSA nga nagaluntad sa tatlo ka personas sang Diyos. Ang Amay– bilang MANUNUGA, ang Anak– bilang MANLULUWAS, kag ang Espiritu– bilang MANANABANG. Paagi sini ginpahayag sang aton Ginuo ang mga “buluhaton” sang Diyos agud mahikut ang bug-os nga KALUWASAN sang tawo sang isa ka Diyos nga may tatlo ka mga personas!
FR. RONNIE
1+1+1=1
Ong Santisima Trinidad larawan et matuod nga PAGHIUSA. Minatuod nga may kinatuhay ong tagsa ka persona, apang palareho ag isa lamang ong Dios. Ong tatlo ka persona indi pwede mahamulag sa isa ag isa. Kon sa Biblia pa, kon sa diin si Jesus, didto man ong Amay ag Espiritu Santo.
Ano ong rason et karang indi mabugras nga paghiusa? Owa un et iban pa kundi bangud et PAGHIGUGMA. Ong Dios indi lang laragway et Paghiusa kundi laragway man et Paghigugma. May daon nga paghiusa tungod kay ong tatlo ka persona nagahigugma sa isa ag isa. Amo man on ong nagakatabu sa aton mga kaangtanan o relasyon sa iban nga tawo. Kon kita nagahigugma sa iban, aton mabatyagan nga kita malapit ag isa gid kananda.
Ong kabuhi et Santisima Trinidad isa ka mabahol nga hangkat sa patag et aton pagpangabuhi manakara. Kay ong paghiusa ag paghigugma indi “popular” o sikat sa aton panahon. Ong mga pungsod nagasinamaray paagi sa “guerra” ag dumot. Ong mga nagkalainlain nga mga relihiyon, tribo ag grupo nagapaindis-indis para sa gahum ag impluwensya. Sa aton gobierno daon ong kinagamo. Bisan sa aton mga panimalay, padayon ong pagsinakitay et buot. Ong aton kalibutan naga-antus bangud ong mga tawo owa gid ‘naka-appreciar’ et ‘valor’ et paghiusa ag paghigugma. Tani kita indi un magdugang pa kundi mangin instrumento o ahente gid et Paghiusa ag Paghigugma et Santisima Trinidad sa tanan.
FR. DODO
ANECDOTE
YOURS OR MINE?
Late one night, a mugger wearing a ski mask jumped into the path of a well-dressed man and stuck a gun in his ribs. .Give me YOUR money,. He demanded.
Indignant, the affluent man replied, .You can’t do this, I’m a politician!..In that case,. replied the robber, .give me MY money!.
FOOD FOR THOUGHT
“ Every morning you have two choices... Continue your sleep with dreaming... or wake up and chase your dreams... The choice is yours!” (Unknown)
Saturday, May 29, 2010
Friday, May 21, 2010
Pentecost (C)
ESPIRITU NGA NAGAPAGHI-USA!
Mga isa na ka gatus (100) ka tuig ang nagligad, may isa ka taga-Poland nga Doktor sa Lingwahe, nga nagbuhat sang isa ka linggwahe nga sarang magamit sang tanan nga mga tawo sa bug-os nga kalibutan. Ini siya amo si Dr. Zamenhof nga nagtawag sini nga linggwahe nga “Esperanto”- ang linggwahe sang PAGLAUM!
Ini nga “ngalan” nagapakita sang paglaum sa tanan nga katawohan nga ang isa ka “kumon” nga hambalanon sarang makabulong sang mga pagbinahin-bahin nga nagaluntad sa tunga sang mga tawo. Ginagamit gani naton ang mga ekspresyon nga, “speaking the same language” nga buot sayuron, nga kita isa sang painu-inu kag balatyagon sa mga isyus ng aton gina-atubang.
Ang Kapiestahan sang Pentekostes nga aton ginasa-ulog subong nga Dominggo nagapahayag sang selebrasyon sa aton Simbahan nga kita isa kag NAHI-USA sa gahum sang Espiritu Santo. Ang nahauna nga Balasahon sa Misa sa ”bisperas” sini nga selebrasyon, nagapanumbalik sa aton sa paghanduraw sang natabo sang una sa handum sang tawo nga magbuhat sang Tore nga makalab-ut sa langit– Ang “Tore sang Babel”, sa diin ginapakita nga tungud sa “mataas” nga BUGAL sang tawo kag sa iya KASAKUN nga mangin labaw sa tanan, ginsilutan sila sang Diyos nga maglain-lain ang ila linggwahe!
Ang bugal, ang pagkasakon, ang pagkamatina-as-taason nagadala sa aton sang mga di-paghangpanay, kag sa ulihi, amo ang magapahamulag sa aton, sa aton kaangtanan sa isa kag isa.
Sa Pentekostes, ginahatag sa aton ang “regalo” sang Diyos sa paghiusa paagi sa gahum sang Espiritu Santo. Kabay unta nga maghulag kita suno sa pagtudlo sang Espiritu Santo agud kita mangin “isa ka lawas kag balatyagon” dira kay Jesukristo nga Ginuo!
FR. RONNIE
NO. 50
Ong “Pentecost” naghalin sa Griego nga tinaga nga “Pentekoste” nga ong buot silingon, “fifty” ukon ‘singkwenta’. Dya ong ika-singkwenta nga adlaw pagkatapos et Paskwa et Pagkabanhaw. Para kanaton nga mga Kristianos, ong fiesta et “Pentecost” nagapahanumdom kanaton et pagkunsad et Espiritu Santo sa mga Apostoles ag kay Maria Santisima. Paagi sa pagpadala et Espiritu Santo, dya nga Panug-an ag Promisa et Kaluwasan et katawhan, nahimo nga hasta sa katapusan et panahon. Amo gani nga ong Espiritu Santo, ginatawag et mga ‘Theologo’ nga amo ong “Ikaduha nga Emmanuel” o “Ikaywa nga Mesias”.
Ong “Pentecost”, kon aton padalman, nagatumod et “pagtubo paadto sa kabug-osan” ukon “mangin bug-os”. Kay ong “No. 50” may daon nga madalum nga kahulogan sa paminsaron et aton mangin-alamon sa pagpakasantos. Si anay Santo Papa Gregorio Magno, ong ‘author’ et “Gregorian Chant” ag et “Gregorian Calendar” nga aton ginagamit ag ginasunod hasta manakara, nagsiling nga kon ong tawo 50 anos un ong panuigon, sya maalam nga tawo tungod et ana edad, ‘experiensya’ ag sa Espiritu Santo. Si San Benedicto, ong Amay et “Western Monasticism”, gintaw-an et Dios et katungdanan et “Spiritual Direction” sang sya nag-edad et 50 anos. Suno sa mga experto nga nagatuon nahanungod sa proceso et pagtubo et Pagtuo, ong isa ka tawo nagaagi sa isa ka ‘krisis et pagtuo’ sa tungatunga et ana kabuhi, sa edad 40. Halin dira paadto sa edad nga 50, ong ana relasyon sa Dios nakasalalay sa ana personal nga experiensya ag paghimakas. Bisan sa Israel, ong ika-50 nga tuig ginakabig nga “Jubilee Year” (Lev. 25:11ff). Isa dya ka tuig et Pagpahuway kon sa diin ong mga kapuso ag kapamilya ni Kristo nagatadlong et mga tiko sa anda kabuhi. Dya ong tion kon sa diin ong mga utang ginapanas ag ong mga binilanggo ginabuy-an.
Gani kon kita 50 anos un manakara, “bug-os” ag himpit un gid man bala ong aton Pagtuo?
FR. DODO
ANECDOTE
USE OF WORDS
An American visiting England walked into a hotel lobby. .The lift will be down presently,. the receptionist told him. The lift?. said the American. .Oh, you mean the elevator...No, I mean the lift.. replied the Englishman. I think I should know what it is called,. said the American. .Elevators were invented in the States...Perhaps,. retorted the Englishman. .But we invented the language..
FOOD FOR THOUGHT
“I know that you believe you understand what you think I said, but I'm not sure you realize that what you heard is not what I meant.” (Robert McCloskey)
Mga isa na ka gatus (100) ka tuig ang nagligad, may isa ka taga-Poland nga Doktor sa Lingwahe, nga nagbuhat sang isa ka linggwahe nga sarang magamit sang tanan nga mga tawo sa bug-os nga kalibutan. Ini siya amo si Dr. Zamenhof nga nagtawag sini nga linggwahe nga “Esperanto”- ang linggwahe sang PAGLAUM!
Ini nga “ngalan” nagapakita sang paglaum sa tanan nga katawohan nga ang isa ka “kumon” nga hambalanon sarang makabulong sang mga pagbinahin-bahin nga nagaluntad sa tunga sang mga tawo. Ginagamit gani naton ang mga ekspresyon nga, “speaking the same language” nga buot sayuron, nga kita isa sang painu-inu kag balatyagon sa mga isyus ng aton gina-atubang.
Ang Kapiestahan sang Pentekostes nga aton ginasa-ulog subong nga Dominggo nagapahayag sang selebrasyon sa aton Simbahan nga kita isa kag NAHI-USA sa gahum sang Espiritu Santo. Ang nahauna nga Balasahon sa Misa sa ”bisperas” sini nga selebrasyon, nagapanumbalik sa aton sa paghanduraw sang natabo sang una sa handum sang tawo nga magbuhat sang Tore nga makalab-ut sa langit– Ang “Tore sang Babel”, sa diin ginapakita nga tungud sa “mataas” nga BUGAL sang tawo kag sa iya KASAKUN nga mangin labaw sa tanan, ginsilutan sila sang Diyos nga maglain-lain ang ila linggwahe!
Ang bugal, ang pagkasakon, ang pagkamatina-as-taason nagadala sa aton sang mga di-paghangpanay, kag sa ulihi, amo ang magapahamulag sa aton, sa aton kaangtanan sa isa kag isa.
Sa Pentekostes, ginahatag sa aton ang “regalo” sang Diyos sa paghiusa paagi sa gahum sang Espiritu Santo. Kabay unta nga maghulag kita suno sa pagtudlo sang Espiritu Santo agud kita mangin “isa ka lawas kag balatyagon” dira kay Jesukristo nga Ginuo!
FR. RONNIE
NO. 50
Ong “Pentecost” naghalin sa Griego nga tinaga nga “Pentekoste” nga ong buot silingon, “fifty” ukon ‘singkwenta’. Dya ong ika-singkwenta nga adlaw pagkatapos et Paskwa et Pagkabanhaw. Para kanaton nga mga Kristianos, ong fiesta et “Pentecost” nagapahanumdom kanaton et pagkunsad et Espiritu Santo sa mga Apostoles ag kay Maria Santisima. Paagi sa pagpadala et Espiritu Santo, dya nga Panug-an ag Promisa et Kaluwasan et katawhan, nahimo nga hasta sa katapusan et panahon. Amo gani nga ong Espiritu Santo, ginatawag et mga ‘Theologo’ nga amo ong “Ikaduha nga Emmanuel” o “Ikaywa nga Mesias”.
Ong “Pentecost”, kon aton padalman, nagatumod et “pagtubo paadto sa kabug-osan” ukon “mangin bug-os”. Kay ong “No. 50” may daon nga madalum nga kahulogan sa paminsaron et aton mangin-alamon sa pagpakasantos. Si anay Santo Papa Gregorio Magno, ong ‘author’ et “Gregorian Chant” ag et “Gregorian Calendar” nga aton ginagamit ag ginasunod hasta manakara, nagsiling nga kon ong tawo 50 anos un ong panuigon, sya maalam nga tawo tungod et ana edad, ‘experiensya’ ag sa Espiritu Santo. Si San Benedicto, ong Amay et “Western Monasticism”, gintaw-an et Dios et katungdanan et “Spiritual Direction” sang sya nag-edad et 50 anos. Suno sa mga experto nga nagatuon nahanungod sa proceso et pagtubo et Pagtuo, ong isa ka tawo nagaagi sa isa ka ‘krisis et pagtuo’ sa tungatunga et ana kabuhi, sa edad 40. Halin dira paadto sa edad nga 50, ong ana relasyon sa Dios nakasalalay sa ana personal nga experiensya ag paghimakas. Bisan sa Israel, ong ika-50 nga tuig ginakabig nga “Jubilee Year” (Lev. 25:11ff). Isa dya ka tuig et Pagpahuway kon sa diin ong mga kapuso ag kapamilya ni Kristo nagatadlong et mga tiko sa anda kabuhi. Dya ong tion kon sa diin ong mga utang ginapanas ag ong mga binilanggo ginabuy-an.
Gani kon kita 50 anos un manakara, “bug-os” ag himpit un gid man bala ong aton Pagtuo?
FR. DODO
ANECDOTE
USE OF WORDS
An American visiting England walked into a hotel lobby. .The lift will be down presently,. the receptionist told him. The lift?. said the American. .Oh, you mean the elevator...No, I mean the lift.. replied the Englishman. I think I should know what it is called,. said the American. .Elevators were invented in the States...Perhaps,. retorted the Englishman. .But we invented the language..
FOOD FOR THOUGHT
“I know that you believe you understand what you think I said, but I'm not sure you realize that what you heard is not what I meant.” (Robert McCloskey)
Friday, May 14, 2010
Ascension Sunday (C)
PAGKAYAB… PAGPATAWAD!
Suno sa mga pulong sang aton Ginuo sa aton nga Ebanghelyo subong nga Dominggo, nga tungud sa Iya pagkabanhaw sa mga minatay, ang paghinulsul kag kapatawaran sang mga sala, igabantala sa bug-os nga kalibutan, magsugud sa Jerusalem. Ini nagakahulugan lamang nga paagi sa Iya nga pagkabanhaw, ang tanan napaha-uli na sa “KAANGTANAN” sa aton Amay sa langit... ang ginakabig nga mga “patay” tungud sang kasal-anan, may kahigayunan na nga “mabuhi liwat” tungud sa pagkabanhaw sang aton Ginuo. Ang pagkabanhaw nagahatag sa aton sang kahigayunan nga mag-angkon indi lamang sang “2nd life” kundi sang kabuhi sa KABUGANAAN! A life fulfilled! A life FULL and FILLED!
Sa karon nga Dominggo, ginasaulog naton ang Kapiestahan sang Pagkayab sang aton Ginuo sa langit… Siya magahalin sa aton tunga, apang sa gihapon ang Iya nga misyon magapadayon paagi sa ATON.– KITA ang Iya gintugyanan sa pagpadayon sa pagbantala sang Maayong Balita nga nangin bunga sang Iya nga Pagkabanhaw gikan sa mga minatay, kag ini nga bunga amo ang KAPATAWARAN sang mga sala! Kita na karon ang mangin INSTRUMENTO kag ALAGYAN sa pagbantala nga may yara kita nga Amay sa langit nga bukas sa mga mahinulsulon, sa pagpatawad sa ila, kag handa sa pag-uli liwat sa aton sang aton nadula nga dignidad bilang mga anak sang Diyos!
Bilang mga instrumento, kita dapat mangin ahente sa pagpaluntad sang pagpatawad sa aton tunga… kita dapat MAGPINATAWARAY SA ISA SA KAG ISA!
FR.RONNIE
ANECDOTE
ONE MISTAKE
The employee stormed angrily into the cashier’s office. .What’s the meaning of this? I just counted my pay and it’s fifty-pesos short!.
The cashier examined the envelope, then checked his records. .Last week we paid you fifty-pesos more. You didn’t complain then, did you?..
Look. said the employee. .An occasional mistake I can overlook - but two in a row is too much!.
FOOD FOR THOUGHT
“Forgiveness is freeing up and putting to better use the energy once consumed by holding grudges, harboring resentments, and nursing unhealed wounds. It is rediscovering the strengths we always had and relocating our limitless capacity to understand and accept other people and ourselves.” (Sidney and Suzanne Simon)
Suno sa mga pulong sang aton Ginuo sa aton nga Ebanghelyo subong nga Dominggo, nga tungud sa Iya pagkabanhaw sa mga minatay, ang paghinulsul kag kapatawaran sang mga sala, igabantala sa bug-os nga kalibutan, magsugud sa Jerusalem. Ini nagakahulugan lamang nga paagi sa Iya nga pagkabanhaw, ang tanan napaha-uli na sa “KAANGTANAN” sa aton Amay sa langit... ang ginakabig nga mga “patay” tungud sang kasal-anan, may kahigayunan na nga “mabuhi liwat” tungud sa pagkabanhaw sang aton Ginuo. Ang pagkabanhaw nagahatag sa aton sang kahigayunan nga mag-angkon indi lamang sang “2nd life” kundi sang kabuhi sa KABUGANAAN! A life fulfilled! A life FULL and FILLED!
Sa karon nga Dominggo, ginasaulog naton ang Kapiestahan sang Pagkayab sang aton Ginuo sa langit… Siya magahalin sa aton tunga, apang sa gihapon ang Iya nga misyon magapadayon paagi sa ATON.– KITA ang Iya gintugyanan sa pagpadayon sa pagbantala sang Maayong Balita nga nangin bunga sang Iya nga Pagkabanhaw gikan sa mga minatay, kag ini nga bunga amo ang KAPATAWARAN sang mga sala! Kita na karon ang mangin INSTRUMENTO kag ALAGYAN sa pagbantala nga may yara kita nga Amay sa langit nga bukas sa mga mahinulsulon, sa pagpatawad sa ila, kag handa sa pag-uli liwat sa aton sang aton nadula nga dignidad bilang mga anak sang Diyos!
Bilang mga instrumento, kita dapat mangin ahente sa pagpaluntad sang pagpatawad sa aton tunga… kita dapat MAGPINATAWARAY SA ISA SA KAG ISA!
FR.RONNIE
ANECDOTE
ONE MISTAKE
The employee stormed angrily into the cashier’s office. .What’s the meaning of this? I just counted my pay and it’s fifty-pesos short!.
The cashier examined the envelope, then checked his records. .Last week we paid you fifty-pesos more. You didn’t complain then, did you?..
Look. said the employee. .An occasional mistake I can overlook - but two in a row is too much!.
FOOD FOR THOUGHT
“Forgiveness is freeing up and putting to better use the energy once consumed by holding grudges, harboring resentments, and nursing unhealed wounds. It is rediscovering the strengths we always had and relocating our limitless capacity to understand and accept other people and ourselves.” (Sidney and Suzanne Simon)
Saturday, May 8, 2010
6th Sunday Easter (C)
PAGHIDAIT NI KRISTO!
Ang aton Ginuo nagbilin sang isa ka panugyan sa Iya mga gintutun-an, kag ini amo ang panugyan sang PAGHIDAIT– Paghidait nga indi katulad sang ginahatag sang kalibutan, kundi paghidait nga naangut sa Iya bilang Diyos sang KABUHI!
Para sa kalibutan ang pagluntad sang paghidait amo ang pagkadula sang kinagamo, may nagaluntad nga kalinong sa tunga naton, may katawhay sa aton palibut. Ginasiling gani nga “peace is the absence of war”. Ini nga klase sang paghidait, ayhan manami lantawon, apang indi ini ang sahi sang paghidait nga ginatungdan sang aton Ginuong Jesus, tungud ini nga klase sang paghidait sarang maangkon sa pamaagi nga indi sang maayo. Agud wala sang giyera, dapat pyerdihon ang nagapakig-away, ukon dapat mag-angkon ka sang hinganiban nga mas kapin sang sa imo kaaway agud indi siya makasulong pakadto sa imo. Sa sini nga eksena, nagaluntad ang gintawag nga “Cold War” ukon “Arms Race”- Paindis-indis sa pag-imbento sang mga hinganiban agud indi maka-abanse ang imo kaaway sa imo! May paghidait matuod, apang ini tungud kay ang isa nahadluk mag-una sa isa!
Bisan sa aton palaabuton nga Pagpinili-ay, ginapadala ang mga soldado sa mga “hot spots” agud wala sang gamo!- Kay ang tawo NAHADLUK!
Lain ang paghidait ni Jesus! Wala ini ginabase sa kahadluk ukon paindis-indis, kundi sa kahilwayan kag pag-alalangay nga kita mga anak sang Diyos nga buhi! Kon kita nagakabuhi bilang matu-od nga mga mag-ululutod kag mga anak sang Diyos, ang HILWAY NGA PAGHIDAIT aton gid maangkon!
FR.RONNIE
SHALOM!
“Paghidait sa inyo!” ong nahauna nga ginhambal ni Kristo sang sya nagpakita ag sa tagsa nana ka-pakita sa ana mga gintutun-an sa tapos sya mabanhaw (Lk 24,36). Kay sa pagkamatuod, “PAGHIDAIT” gid man ong mensahi, indi lamang et Panahon et Pagkabanhaw, kundi bisan sang bilog gid mismo nga kabuhi ni Kristo sang dari pa sia sa duta.
Ong Biblia nagasugid nga sang pagkakita et mga Apostoles kanana, kinulbaan sanda tungod nakakita sanda kuno et ‘murto’ o ‘kalag’. Pero mapati ka man bala nga kinulbaan sanda tungod nakakita gid man sanda et “murto”? Indi dapat eh! Hinadlukan ong mga Apostoles indi tungod nakakita sanda et “murto”, kundi tungod nahuya sanda sa anda mga kaugalingon. Ngaman? Tungod GINBAYAAN nanda sya. Sang sya gindakop, daw mga ‘puti lasog’ sanda nga nagpalalagyo ag nagpalanago. Ag manakara, dari sya nagatindog sa atubangan nanda, BUHI suno sa ana ginpromisa. Ag gani si Jesus, imbes nga ‘tumbuyon’ sanda, nagtamyaw pa kananda: “Paghidait sa inyo…!”, nga kon sayuron, “Naintiendihan ko kamo… Ginapatawad ko kamo…”
Sang ako nagtuon diutay sa Jerusalem, ako nasaydan nga dyang “Paghidait” ni Kristo owa lamang nagakahulogan et isa ka butang kundi tatlo. Una, ong Paghidait isa ka panamyaw pareho et “Gud morning, gud evening, hi, hello, haller….” Ikaduha, ong Paghidait isa man ka “lehithraot”, tinaga nga Hebreo nga kon sayuron, “goodbye”. Buot silingon, “goodbye” sa tanan nga aligutgot, “goodbye” sa tanan nga hisa, dumot ag indi pag-intiendihanay, etc… Ag ikatlo, ong Paghidait nagakahulogan et “lo milkhamah”, tinaga gihapon nga Hebreo nga ong buot silingon, “owa guerra” o “owa away”. “Paghidait kaninyo” - amo gid on ong ginabilin ag ginasiling mismo ni Kristo manakara kanimo ag kanakon ag dapat man naton iilus sa aton mga isigkatawo…
Mabuhay ong Maalwan nga mga Mambusaonon!
FR. DODO
ANECDOTE
NOT AFRAID
A small farm boy was milking his cow when all of a sudden a bull came charging towards him. As horrified workers nearby watched, the boy calmly continued his milking. To everyone’s astonishment, the bull stopped a few inches from the boy, turned around and walked away. Weren’t you afraid?. One of the workers asked the boy. Not at all, the boy replied , I knew this cow was his mother-in-law.
FOOD FOR THOUGHT
“Peace is not the product of terror or fear.
Peace is not the silence of cemeteries.
Peace is not the silent result of violent repression.
Peace is the generous, tranquil contribution of all to the good of all.
Peace is dynamism. Peace is generosity.
It is right and it is duty.” (Bishop Oscar Romero)
Ang aton Ginuo nagbilin sang isa ka panugyan sa Iya mga gintutun-an, kag ini amo ang panugyan sang PAGHIDAIT– Paghidait nga indi katulad sang ginahatag sang kalibutan, kundi paghidait nga naangut sa Iya bilang Diyos sang KABUHI!
Para sa kalibutan ang pagluntad sang paghidait amo ang pagkadula sang kinagamo, may nagaluntad nga kalinong sa tunga naton, may katawhay sa aton palibut. Ginasiling gani nga “peace is the absence of war”. Ini nga klase sang paghidait, ayhan manami lantawon, apang indi ini ang sahi sang paghidait nga ginatungdan sang aton Ginuong Jesus, tungud ini nga klase sang paghidait sarang maangkon sa pamaagi nga indi sang maayo. Agud wala sang giyera, dapat pyerdihon ang nagapakig-away, ukon dapat mag-angkon ka sang hinganiban nga mas kapin sang sa imo kaaway agud indi siya makasulong pakadto sa imo. Sa sini nga eksena, nagaluntad ang gintawag nga “Cold War” ukon “Arms Race”- Paindis-indis sa pag-imbento sang mga hinganiban agud indi maka-abanse ang imo kaaway sa imo! May paghidait matuod, apang ini tungud kay ang isa nahadluk mag-una sa isa!
Bisan sa aton palaabuton nga Pagpinili-ay, ginapadala ang mga soldado sa mga “hot spots” agud wala sang gamo!- Kay ang tawo NAHADLUK!
Lain ang paghidait ni Jesus! Wala ini ginabase sa kahadluk ukon paindis-indis, kundi sa kahilwayan kag pag-alalangay nga kita mga anak sang Diyos nga buhi! Kon kita nagakabuhi bilang matu-od nga mga mag-ululutod kag mga anak sang Diyos, ang HILWAY NGA PAGHIDAIT aton gid maangkon!
FR.RONNIE
SHALOM!
“Paghidait sa inyo!” ong nahauna nga ginhambal ni Kristo sang sya nagpakita ag sa tagsa nana ka-pakita sa ana mga gintutun-an sa tapos sya mabanhaw (Lk 24,36). Kay sa pagkamatuod, “PAGHIDAIT” gid man ong mensahi, indi lamang et Panahon et Pagkabanhaw, kundi bisan sang bilog gid mismo nga kabuhi ni Kristo sang dari pa sia sa duta.
Ong Biblia nagasugid nga sang pagkakita et mga Apostoles kanana, kinulbaan sanda tungod nakakita sanda kuno et ‘murto’ o ‘kalag’. Pero mapati ka man bala nga kinulbaan sanda tungod nakakita gid man sanda et “murto”? Indi dapat eh! Hinadlukan ong mga Apostoles indi tungod nakakita sanda et “murto”, kundi tungod nahuya sanda sa anda mga kaugalingon. Ngaman? Tungod GINBAYAAN nanda sya. Sang sya gindakop, daw mga ‘puti lasog’ sanda nga nagpalalagyo ag nagpalanago. Ag manakara, dari sya nagatindog sa atubangan nanda, BUHI suno sa ana ginpromisa. Ag gani si Jesus, imbes nga ‘tumbuyon’ sanda, nagtamyaw pa kananda: “Paghidait sa inyo…!”, nga kon sayuron, “Naintiendihan ko kamo… Ginapatawad ko kamo…”
Sang ako nagtuon diutay sa Jerusalem, ako nasaydan nga dyang “Paghidait” ni Kristo owa lamang nagakahulogan et isa ka butang kundi tatlo. Una, ong Paghidait isa ka panamyaw pareho et “Gud morning, gud evening, hi, hello, haller….” Ikaduha, ong Paghidait isa man ka “lehithraot”, tinaga nga Hebreo nga kon sayuron, “goodbye”. Buot silingon, “goodbye” sa tanan nga aligutgot, “goodbye” sa tanan nga hisa, dumot ag indi pag-intiendihanay, etc… Ag ikatlo, ong Paghidait nagakahulogan et “lo milkhamah”, tinaga gihapon nga Hebreo nga ong buot silingon, “owa guerra” o “owa away”. “Paghidait kaninyo” - amo gid on ong ginabilin ag ginasiling mismo ni Kristo manakara kanimo ag kanakon ag dapat man naton iilus sa aton mga isigkatawo…
Mabuhay ong Maalwan nga mga Mambusaonon!
FR. DODO
ANECDOTE
NOT AFRAID
A small farm boy was milking his cow when all of a sudden a bull came charging towards him. As horrified workers nearby watched, the boy calmly continued his milking. To everyone’s astonishment, the bull stopped a few inches from the boy, turned around and walked away. Weren’t you afraid?. One of the workers asked the boy. Not at all, the boy replied , I knew this cow was his mother-in-law.
FOOD FOR THOUGHT
“Peace is not the product of terror or fear.
Peace is not the silence of cemeteries.
Peace is not the silent result of violent repression.
Peace is the generous, tranquil contribution of all to the good of all.
Peace is dynamism. Peace is generosity.
It is right and it is duty.” (Bishop Oscar Romero)
Subscribe to:
Posts (Atom)