UNOD NGA NAGHATAG KABUHI!
Sa wala sing pagpangduha-duha, maathag nga kita makasiling nga kon indi kita magkaon, mapatay kita! Apang sa pihak nga bahin, ang pagkaon indi sang garantiya nga kita indi na mapatay! Pila sa aton gani ang napatay sa sobra nga paglamun!- Patay tungud sa “bangungut” ukon tungud sa “impasto”! Delikado man gali ang sobra nga pagkina-on. Dapat ang aton nga pagkaon “nagaka-igo” lang sa kinahanglanon sang aton nga lawas.
Sa aton nga selebrasyon karon, ginapahanumdum man kita sang isa ka sahi sa pagka-on, nga amo ang kalan-on sang aton “kalag”- ini amo ang kalan-on nga wala sang liwan kundi ang “unod” sang aton Ginuong Jesukristo nga aton makita sa bayhon sang tinapay kag bino. Suno sa Iya, ini nga pagkaon amo lamang ang “matuod-tuod” nga pagkaon nga makahatag sang kabuhi sa kapupun-an… kabuhi nga wala’y katapusan!
Indi ini katulad sang tawhanon nga pagkaon nga nagakadunot o pagkaon nga nagakapan-os. Indi ini katulad sang “umalagi” nga pagka-on nga bisan magpabusog pa kita, indi kita makapalagyo sa panawag sang kamatayon sa aton nga lawas. Ini nga pagka-on– ang lawas kag dugo sang aton Ginuo, amo lamang ang sarang makahatag sa aton sang kabuhi nga wala sing katapusan kay bisan madunot pa ang aton nga lawas sa tawohanon nga kamatayon, ini mangin aton “balon” sa pag-ambit sang kabuhi nga wala sing katapusan!
Kay sa aton pag-ambit sini nga pagkaon, naga-ambit man kita sang kabuhi sang aton Ginuong Jesukristo, kag ang Iya nga kabuhi isa ka kabuhi nga nagda-ug sang gahum sang kamatayon paagi sa iya PAGKABANHAW. Sa bagay nga ang pagpakig-ambit sang kabuhi sang aton Ginuo, pagpakig-ambit man sa kabuhi nga wala sing katapusan!
FR. RONNIE
Thursday, June 23, 2011
Thursday, June 16, 2011
TRINITY SUNDAY (A)
DON’T BUG ME… HUG ME!
Ginapahayag subong sang aton nga Ebanghelyo ang KINATUHAY sang Diyos. Yara sa gihapon sa panghuna-huna sang kalabanan nga ang Diyos daw katulad sang isa ka “pulis” nga nagabantay lang sa tagsa naton ka sala, kag kon madakpan kita, iya kita ibutang sa bilanggu-an. May ara man nga nagapati nga ang Diyos daw katulad sang isa ka “hukom” nga nagahatag sang iya nga sintensya sa mga nakabuhat sang kalainan.
Apang sa aton nga Ebanghelyo subong, maathag nga ginpahayag ni San Juan nga ang Diyos “NAGHIGUGMA gid sa kalibutan sa bagay nga ginhatag Niya ang Iya bugtong nga Anak...wala Niya ginpadala ang Iya Anak sa paghukum sang kalibutan, kundi sa PAGLUWAS sang kalibutan.” Tungud sa paghigugma sang Amay sa Iya mga tinuga, Iya gintan-ay ang kaluwasan para sa TANAN paagi sa Iya Bugtong nga Anak, agud ang tagsa-tagsa may kahiga-yunan sa pagpanumbalik sa Iya nga sabak.
Luyag sang Amay nga kita mag-ambit sang Iya nga himaya sa bagay nga luyag Niya nga “hakson” ang tanan, ano man nga sahi kita sa aton pagkatawo. Diyos Siya nga nagahigugma kag indi Siya luyag nga kita “tabugon” sa Iya nga presensya. “He is a God who does not bug, but HUG”! Sa bagay nga bisan pa ini nagakahulugan nga Iya “i-sakripisyo” ang Iya bugtong nga Anak, agud lang nga “mahakus” liwat ang Iya mga tinuga, ginpadala Niya Siya sa aton tunga.
Sa baylo sini tanan, ang tawo nagapabilin nga “maluya” sa gihapon sa iya pagkabuhi sa paghigugma, sa bagay nga ginpadala man sang Anak ang Espiritu Santo agud aton mangin kabakud! Sa sini ginpahayag ang ISA ka KINATUHAY sang DIYOS– Amay, Anak, kag Espiritu Santo.
FR. RONNIE
MANGIN MAHIGUGMAON KA!
Ong tagsatagsa kanaton bahin et kasaysayan et katawhan paagi sa aton amay ag iloy. Kita nagtuhaw sa kalibutan indi bilang tawo nga nagaisahanon kundi tawo nga may kaangtanan sa iban nga tawo. Bunga kita et paghigugmaanay et daywa ka tawo nga nag-angotay. Gani kita may daon nga katungdanan nga maghigugma.
PAGHIGUGMA – amo dya ong kahulogan et fiesta et Santisima Trinidad. Ginasaulog kara ong PAGHIGUGMAANAY nga NAGA-ISA sa Amay, sa Anak ag sa Espiritu Santo. Bisan sanda Tatlo ka persona, Isa lang gyapon ong aton Dios. Ag dya amo gid ong nagakatabu sa aton man mga kaangtanan. Kon kita nagahigugma sa iban nga mga tawo, aton gid mabatyagan nga daw kita malapit ukon ISA gid kananda.
May isa ka maalam nga tawo nga nagsiling: “Ong Santisima Trinidad indi isa ka problema nga dapat naton solbaron, kundi isa ka misteryo nga dapat naton ikabuhi.” Dya ong mabahol ag padayon nga paghangkat kanaton: ONG PAGKABUHI SA PAGHIGUGMA! Gani, mahigugmaon gid man bala kita nga mga tawo? Ong aton mga desisyon sa kabuhi naangot lang bala pirme sa aton makitid nga kaayohan, ukon nagatinguha kita para sa ikaayo man et iban? Natamaran bala kita nga mangin matarung ag maalwan sa iban bangud sanda indi aton ‘kapamilya’ ukon ‘kapuso’? Pila un bala nga mga tawo ong aton natandog et gugma et Dios?
FR. DODO
Ginapahayag subong sang aton nga Ebanghelyo ang KINATUHAY sang Diyos. Yara sa gihapon sa panghuna-huna sang kalabanan nga ang Diyos daw katulad sang isa ka “pulis” nga nagabantay lang sa tagsa naton ka sala, kag kon madakpan kita, iya kita ibutang sa bilanggu-an. May ara man nga nagapati nga ang Diyos daw katulad sang isa ka “hukom” nga nagahatag sang iya nga sintensya sa mga nakabuhat sang kalainan.
Apang sa aton nga Ebanghelyo subong, maathag nga ginpahayag ni San Juan nga ang Diyos “NAGHIGUGMA gid sa kalibutan sa bagay nga ginhatag Niya ang Iya bugtong nga Anak...wala Niya ginpadala ang Iya Anak sa paghukum sang kalibutan, kundi sa PAGLUWAS sang kalibutan.” Tungud sa paghigugma sang Amay sa Iya mga tinuga, Iya gintan-ay ang kaluwasan para sa TANAN paagi sa Iya Bugtong nga Anak, agud ang tagsa-tagsa may kahiga-yunan sa pagpanumbalik sa Iya nga sabak.
Luyag sang Amay nga kita mag-ambit sang Iya nga himaya sa bagay nga luyag Niya nga “hakson” ang tanan, ano man nga sahi kita sa aton pagkatawo. Diyos Siya nga nagahigugma kag indi Siya luyag nga kita “tabugon” sa Iya nga presensya. “He is a God who does not bug, but HUG”! Sa bagay nga bisan pa ini nagakahulugan nga Iya “i-sakripisyo” ang Iya bugtong nga Anak, agud lang nga “mahakus” liwat ang Iya mga tinuga, ginpadala Niya Siya sa aton tunga.
Sa baylo sini tanan, ang tawo nagapabilin nga “maluya” sa gihapon sa iya pagkabuhi sa paghigugma, sa bagay nga ginpadala man sang Anak ang Espiritu Santo agud aton mangin kabakud! Sa sini ginpahayag ang ISA ka KINATUHAY sang DIYOS– Amay, Anak, kag Espiritu Santo.
FR. RONNIE
MANGIN MAHIGUGMAON KA!
Ong tagsatagsa kanaton bahin et kasaysayan et katawhan paagi sa aton amay ag iloy. Kita nagtuhaw sa kalibutan indi bilang tawo nga nagaisahanon kundi tawo nga may kaangtanan sa iban nga tawo. Bunga kita et paghigugmaanay et daywa ka tawo nga nag-angotay. Gani kita may daon nga katungdanan nga maghigugma.
PAGHIGUGMA – amo dya ong kahulogan et fiesta et Santisima Trinidad. Ginasaulog kara ong PAGHIGUGMAANAY nga NAGA-ISA sa Amay, sa Anak ag sa Espiritu Santo. Bisan sanda Tatlo ka persona, Isa lang gyapon ong aton Dios. Ag dya amo gid ong nagakatabu sa aton man mga kaangtanan. Kon kita nagahigugma sa iban nga mga tawo, aton gid mabatyagan nga daw kita malapit ukon ISA gid kananda.
May isa ka maalam nga tawo nga nagsiling: “Ong Santisima Trinidad indi isa ka problema nga dapat naton solbaron, kundi isa ka misteryo nga dapat naton ikabuhi.” Dya ong mabahol ag padayon nga paghangkat kanaton: ONG PAGKABUHI SA PAGHIGUGMA! Gani, mahigugmaon gid man bala kita nga mga tawo? Ong aton mga desisyon sa kabuhi naangot lang bala pirme sa aton makitid nga kaayohan, ukon nagatinguha kita para sa ikaayo man et iban? Natamaran bala kita nga mangin matarung ag maalwan sa iban bangud sanda indi aton ‘kapamilya’ ukon ‘kapuso’? Pila un bala nga mga tawo ong aton natandog et gugma et Dios?
FR. DODO
Friday, June 10, 2011
Pentecost Sunday (A)
PAGPATAWAD…
Ang isa sa pinakamanami nga regalo sang aton Ginuong Jesukristo sa Iya nga pagkayab sa langit amo ang pagpadala sang isa ka Mananabang sa aton tunga nga amo ang mangin aton kabakud sa pagsumalang sa mga pagtilaw sa aton pagpanaksi sa Iyang Maayong Balita.
Sa sini nga Domingo, Iya nga ginpahayag kon ano ini nga sahi sang Mananabang– ini nagatulod sa aton sa pagbuhat kag sa pagtikang sa dalan sang PAGPATAWAD! Ini nga Mananabang amo ang magabulig kag magahatag sa aton sang kapasidad sa pagpatawad sa isa kag isa nga amo gid lang ang makadala sa aton sang KAHUSAYAN sa atubangan sang aton Amay sa langit. Sa bagay nga ginhatag sang aton Ginuo sa Iyang mga gintutun-an ang OTORIDAD sa pagpatawad paagi sa MINISTERYO sang Iya nga SIMBAHAN! Amo ini ang rason kon ngaman nga may yara kita nga Sakramento sang PAGKUMPISAR– diri indi nga tungud sa “personal” nga kapasidad sang isa ka pari nga siya “nagapatawad” kundi ini tungud kay paagi sa ministeryo sang Simbahan, siya gintugyanan nga mangin instrumento sa pagdala sang kahusayan sa tunga sang tawo kag sang Diyos. Sa bagay nga kon ang isa ka pari maghatag sang “kapatawaran” o “absolusyon” siya wala nagasiling nga ginapatawad ko ikaw suno sa AKON ikasarang, kundi ginapatawad ko ikaw sa “gahum sang Santa Iglesia nga ginhatag sa akon, sa ngalan sang AMAY, kag sang ANAK, kag sang ESPIRITU SANTO.”
Pagpatawad? Sus KABUDLAY man sina Padre? Amo gani nga kinahanglan naton ang Espiritu Santo. Siya ang magatudlo sa aton sa pagpatawad! Pangayuon naton ang Iya kabakud agud kita magtuon sa pagpatawad sa isa kag isa!
FR. RONNIE
NAKA-DRUGS KA?
Kon ong isa ka tawo nga mahipuson ag hinali lang mangakig sa sala nga ginahimo et ana mga kaibahan, nagapamangkut kita dayon: “Naano to sia man? Napossessed ka?” Kon ong isa naman ka tawo nga daw indi gid man maalam, hinali lang naghinala et ‘straight english’, nagapanumdom kita dayon: “Naano to sia man? Nakainum o hubog ka?” Kon ong isa ka tawo nga mahina, hinali lang nagdasig ag nagpakita et grabe nga ‘adrenaline’, kita dayon nagamuno kanana: “Naano ka man? Naka-drugs ka?”
Sa aton panahon, ong tanan nga mga tawo nagapangita et kahulogan et anda nga kabuhi. Apang masami, ong nagatulod o ‘naga-inspired’ kananda amo ong espiritu et kalibutan. Ong espiritu et kahakug ag kompetisyon; ong espiritu et ulag ag patuyang; ong espiritu et kaakig ag pagtimalus; ong espiritu et bugal ag katig-a et ulo ag taguipusuon. Ong owa naton nasaydan amo nga dya nga mga espiritu nagapalain et aton relasyon sa Dios ag sa aton mga isigkatawo.
Sa panumdoman et Dios, may isa lamang ka espiritu nga aton kinahanglan. Isa lamang ka espiritu nga makapaumpaw et tanan naton nga kauhaw ag kagutom. Isa lamang ka espiritu nga makatao et minatuod nga kahulogan sa aton kabuhi. Ag ina amo ong Espiritu Santo. Kon kita ginatuytoyan et kara nga Espiritu, ukon dya nga espiritu amo ong nagatulod ag naga-inspired kanaton sa tanan naton nga ginahimo sa aton kabuhi, piho ag segurado nga mangin balaan ag makahulogan gid ong aton kabuhi. Lantawa lang bala ong kabuhi et aton mga santos, ong aton mga baganihan sa Simbahan! Gani, ano bala nga espiritu ong nagatulod o naga-inspired kanimo?
Mabuhay ong Maalwan nga mga Mambusaonon!
FR. DODO
Ang isa sa pinakamanami nga regalo sang aton Ginuong Jesukristo sa Iya nga pagkayab sa langit amo ang pagpadala sang isa ka Mananabang sa aton tunga nga amo ang mangin aton kabakud sa pagsumalang sa mga pagtilaw sa aton pagpanaksi sa Iyang Maayong Balita.
Sa sini nga Domingo, Iya nga ginpahayag kon ano ini nga sahi sang Mananabang– ini nagatulod sa aton sa pagbuhat kag sa pagtikang sa dalan sang PAGPATAWAD! Ini nga Mananabang amo ang magabulig kag magahatag sa aton sang kapasidad sa pagpatawad sa isa kag isa nga amo gid lang ang makadala sa aton sang KAHUSAYAN sa atubangan sang aton Amay sa langit. Sa bagay nga ginhatag sang aton Ginuo sa Iyang mga gintutun-an ang OTORIDAD sa pagpatawad paagi sa MINISTERYO sang Iya nga SIMBAHAN! Amo ini ang rason kon ngaman nga may yara kita nga Sakramento sang PAGKUMPISAR– diri indi nga tungud sa “personal” nga kapasidad sang isa ka pari nga siya “nagapatawad” kundi ini tungud kay paagi sa ministeryo sang Simbahan, siya gintugyanan nga mangin instrumento sa pagdala sang kahusayan sa tunga sang tawo kag sang Diyos. Sa bagay nga kon ang isa ka pari maghatag sang “kapatawaran” o “absolusyon” siya wala nagasiling nga ginapatawad ko ikaw suno sa AKON ikasarang, kundi ginapatawad ko ikaw sa “gahum sang Santa Iglesia nga ginhatag sa akon, sa ngalan sang AMAY, kag sang ANAK, kag sang ESPIRITU SANTO.”
Pagpatawad? Sus KABUDLAY man sina Padre? Amo gani nga kinahanglan naton ang Espiritu Santo. Siya ang magatudlo sa aton sa pagpatawad! Pangayuon naton ang Iya kabakud agud kita magtuon sa pagpatawad sa isa kag isa!
FR. RONNIE
NAKA-DRUGS KA?
Kon ong isa ka tawo nga mahipuson ag hinali lang mangakig sa sala nga ginahimo et ana mga kaibahan, nagapamangkut kita dayon: “Naano to sia man? Napossessed ka?” Kon ong isa naman ka tawo nga daw indi gid man maalam, hinali lang naghinala et ‘straight english’, nagapanumdom kita dayon: “Naano to sia man? Nakainum o hubog ka?” Kon ong isa ka tawo nga mahina, hinali lang nagdasig ag nagpakita et grabe nga ‘adrenaline’, kita dayon nagamuno kanana: “Naano ka man? Naka-drugs ka?”
Sa aton panahon, ong tanan nga mga tawo nagapangita et kahulogan et anda nga kabuhi. Apang masami, ong nagatulod o ‘naga-inspired’ kananda amo ong espiritu et kalibutan. Ong espiritu et kahakug ag kompetisyon; ong espiritu et ulag ag patuyang; ong espiritu et kaakig ag pagtimalus; ong espiritu et bugal ag katig-a et ulo ag taguipusuon. Ong owa naton nasaydan amo nga dya nga mga espiritu nagapalain et aton relasyon sa Dios ag sa aton mga isigkatawo.
Sa panumdoman et Dios, may isa lamang ka espiritu nga aton kinahanglan. Isa lamang ka espiritu nga makapaumpaw et tanan naton nga kauhaw ag kagutom. Isa lamang ka espiritu nga makatao et minatuod nga kahulogan sa aton kabuhi. Ag ina amo ong Espiritu Santo. Kon kita ginatuytoyan et kara nga Espiritu, ukon dya nga espiritu amo ong nagatulod ag naga-inspired kanaton sa tanan naton nga ginahimo sa aton kabuhi, piho ag segurado nga mangin balaan ag makahulogan gid ong aton kabuhi. Lantawa lang bala ong kabuhi et aton mga santos, ong aton mga baganihan sa Simbahan! Gani, ano bala nga espiritu ong nagatulod o naga-inspired kanimo?
Mabuhay ong Maalwan nga mga Mambusaonon!
FR. DODO
Friday, June 3, 2011
ASCENSION (A)
TUDLO-I NINYO SILA…
Sa kapiestahan sang Pagkayab sang aton Ginuo, Siya nagabilin sa aton sang isa ka tulumanon kag buluhaton bilang patimaan sang Iya padayon nga presensya sa aton tunga.
Suno sa aton Ginuo, kinahanglanon gid nga Siya magbalik sa Iya nga Amay sa langit, kay sa sini lamang nga paagi nga mapadala Niya ang isa ka Mananabang nga amo ang Espiritu Santo nga mangin gikanan sang aton nga kabakud sa pagpabilin nga matutum sa pagsunod sa Iya mga sugo kag mga buluhaton.
Ayhan makahaladluk ang mga panugyan sang aton Ginuo nga mga “responsibilidad” para sa isa ka gintutun-an, apang Siya nagapasalig sang Iya padayon nga pag-upod sa tagsa-tagsa, tubtub sa katapusan sang panahon. Ano pa nga pasalig ang maglabaw sini nga mga pulong sang aton Ginuo? Sa Iya, ginpakita sa aton nga wala na sang gahum ang kamatayon… sa Iya nalutos na ang gahum sang kalainan… sa Iya nagdaug ang kapawa batuk sa kadulum… sa Iya, naangkon ang matuod-tuod nga kahilwayan kag kadalag-an.
Sa aton nga panahon subong, padayon kita nga ginahangkat sining mga panugyan sang aton Ginuo: “Tudlo-i ninyo sila sa PAGTUMAN sang tanan nga gintudlo ko sa inyo…”, kag gani may katungdanan ang tagsa-tagsa ka Kristiyano sa paghimo sang tinindugan sa tanan nga luyag magpatalang kag maghalyo sa mga tawo sa paglakat sa dalan sang kalainan kag kasal-anan! Amo gani nga ang aton mga Obispo nagapamatuk sa mga lihuk nga balingag sa pagtulun-an sang aton Ginuo. Kita, ano ang aton tinindugan?
FR.RONNIE
MEDYAS
May isa ka OFW nga manugbalik un sa pungsod nga ana ulobrahan. Sa adlaw et ana pagpanaw, nagsiling sya sa ana “junior” ag subang nga unga: “Ikaw un ong mag-atipan et imo mga manghod. Buligi ong imo nanay sa pagbantay kananda. Tandaan mo, bisan ako didto un sa iban nga lugar, ong akon painoino ag gugma padayon nga daon kaninyo.”
Si Kristo nagkayab un palangit apang sia kaupod naton sa gihapon. Ag tungod Sya imaw naton sa tanan nga tion, bisan ano pa nga mga pagtilaw, kasakit ag pagbakho ong aton maagihan sa kabuhi, ong Pagkayab amo ong magasanag sa aton madulom nga alagyan. Pat-ud ag piho un ong aton samputan: “Kita natalana para sa kabuhi nga dayon.” Ong pagkayab ag paglingkod ni Kristo sa tuo et ana Amay amo ong kabug-osan et kabuhi nga maaguman man naton nga ana mga gintutun-an. Buot silingon, magasunod man kita kanana.
Sa Pagkayab et Ginuo, kita ana gintaw-an et Misyon ag ina amo ong paghimo sa tanan nga mga tawo nga ana man mga gintutun-an. Ag ina indi lamang paagi sa aton pulong kundi labi un gid sa aton buhat. Por ejemplo, “Ong anay Santo Papa Pablo VI nagsugid et pinakasantosantoson nga babaye et ana tiempo. Ong ana ngalan amo si Simone Weil nga taga-France. Sang unga pa si Simone, ana nakit-an ong duro nga mga unga nga owa et medyas sa “winter”. Ginpamangkot nana ong ana nanay kon ngaa owa nagasuksok et medyas ong mga unga kay sobra kalamig et panahon. Ong nanay nagsabat kanana: “Owa sanda et kwarta nga ibakal et medyas!” Dayon si Simone naghambal sa ana nanay: “Nay, sugod manakara, indi un ako magsuksok et medyas hasta nga ong mga unga nga yaon may medyas un nga isuksok!”
Mabuhay ong Maalwan nga mga Mambusaonon!
FR. DODO
Sa kapiestahan sang Pagkayab sang aton Ginuo, Siya nagabilin sa aton sang isa ka tulumanon kag buluhaton bilang patimaan sang Iya padayon nga presensya sa aton tunga.
Suno sa aton Ginuo, kinahanglanon gid nga Siya magbalik sa Iya nga Amay sa langit, kay sa sini lamang nga paagi nga mapadala Niya ang isa ka Mananabang nga amo ang Espiritu Santo nga mangin gikanan sang aton nga kabakud sa pagpabilin nga matutum sa pagsunod sa Iya mga sugo kag mga buluhaton.
Ayhan makahaladluk ang mga panugyan sang aton Ginuo nga mga “responsibilidad” para sa isa ka gintutun-an, apang Siya nagapasalig sang Iya padayon nga pag-upod sa tagsa-tagsa, tubtub sa katapusan sang panahon. Ano pa nga pasalig ang maglabaw sini nga mga pulong sang aton Ginuo? Sa Iya, ginpakita sa aton nga wala na sang gahum ang kamatayon… sa Iya nalutos na ang gahum sang kalainan… sa Iya nagdaug ang kapawa batuk sa kadulum… sa Iya, naangkon ang matuod-tuod nga kahilwayan kag kadalag-an.
Sa aton nga panahon subong, padayon kita nga ginahangkat sining mga panugyan sang aton Ginuo: “Tudlo-i ninyo sila sa PAGTUMAN sang tanan nga gintudlo ko sa inyo…”, kag gani may katungdanan ang tagsa-tagsa ka Kristiyano sa paghimo sang tinindugan sa tanan nga luyag magpatalang kag maghalyo sa mga tawo sa paglakat sa dalan sang kalainan kag kasal-anan! Amo gani nga ang aton mga Obispo nagapamatuk sa mga lihuk nga balingag sa pagtulun-an sang aton Ginuo. Kita, ano ang aton tinindugan?
FR.RONNIE
MEDYAS
May isa ka OFW nga manugbalik un sa pungsod nga ana ulobrahan. Sa adlaw et ana pagpanaw, nagsiling sya sa ana “junior” ag subang nga unga: “Ikaw un ong mag-atipan et imo mga manghod. Buligi ong imo nanay sa pagbantay kananda. Tandaan mo, bisan ako didto un sa iban nga lugar, ong akon painoino ag gugma padayon nga daon kaninyo.”
Si Kristo nagkayab un palangit apang sia kaupod naton sa gihapon. Ag tungod Sya imaw naton sa tanan nga tion, bisan ano pa nga mga pagtilaw, kasakit ag pagbakho ong aton maagihan sa kabuhi, ong Pagkayab amo ong magasanag sa aton madulom nga alagyan. Pat-ud ag piho un ong aton samputan: “Kita natalana para sa kabuhi nga dayon.” Ong pagkayab ag paglingkod ni Kristo sa tuo et ana Amay amo ong kabug-osan et kabuhi nga maaguman man naton nga ana mga gintutun-an. Buot silingon, magasunod man kita kanana.
Sa Pagkayab et Ginuo, kita ana gintaw-an et Misyon ag ina amo ong paghimo sa tanan nga mga tawo nga ana man mga gintutun-an. Ag ina indi lamang paagi sa aton pulong kundi labi un gid sa aton buhat. Por ejemplo, “Ong anay Santo Papa Pablo VI nagsugid et pinakasantosantoson nga babaye et ana tiempo. Ong ana ngalan amo si Simone Weil nga taga-France. Sang unga pa si Simone, ana nakit-an ong duro nga mga unga nga owa et medyas sa “winter”. Ginpamangkot nana ong ana nanay kon ngaa owa nagasuksok et medyas ong mga unga kay sobra kalamig et panahon. Ong nanay nagsabat kanana: “Owa sanda et kwarta nga ibakal et medyas!” Dayon si Simone naghambal sa ana nanay: “Nay, sugod manakara, indi un ako magsuksok et medyas hasta nga ong mga unga nga yaon may medyas un nga isuksok!”
Mabuhay ong Maalwan nga mga Mambusaonon!
FR. DODO
Friday, May 27, 2011
6th Sunday of Easter (A)
PAGHIGUGMA KAG PAGTUMAN
Nagapadayon ang “diskurso” sang aton Ginuong Jesus nahanungud sa Iya kasuguan sang PAGHIGUGMA. Duha ka semana antes naton pagasaulugon ang “Pagkayab” Niya– ang Iya nga pagbalik sa Iya nga Amay sa ginharian sang langit, Siya nagapahayag sang ginatumud Niya nga kasuguan sang paghigugma– Ini nga paghigugma makita sa pagpabilin nga MATUTOM sa PAGTUMAN sang Iya mga sugo, tu-ngud ang Iya mga sugo amo man ang sugo sang aton Amay sa langit. Ang paghigugma nga Iya ginatumud makita naton sa Iya nga paghi-usa sa Iya nga Amay nga ginasilyohan sang kabakud sang isa ka Mananabang nga amo ang Espiritu Santo.
Amo gani nga Siya magabalik sa Iya nga Amay agud pangayuon Niya ang paghatag sa Iya mga gintutun-an sang ila kabakud kag kapag-on sa dulut sang Espiritu Santo.
Sa sini nga mga pulong sang aton Ginuo, aton matalupangdan nga ang ginatumud Niya nga paghigugma, nagadulut sang PAGHI-USA– paghi-usa sang mga personas… paghi-usa sang panghuna-huna… sang tinutuyo… sang balatyagon. Sa malip-ot nga pulong ang kahulugan sang paghigugma amo ang PAGTINGUB sang kabug-osan sang tagsa ka katapo!
“Love unites. It builds communities of persons!” Amo gani nga ginasiling sang aton Ginuo sa aton Ebanghelyo subong nga “kon ginahigugma ninyo Ako, tumanon ninyo ang Akon mga sugo. Pangayuon ko sa Amay nga hatagan Niya kamo sang isa ka Mananabang, ang Espiritu sang kamatuoran, nga magapabilinupod sa inyo sa walay katapusan.”
Ano bala nga sahi sang paghigugma ang nagaluntad sa aton tunga? Ini bala paghigugma nga nagapahiusa sang aton panghuna-huna kag balatyagon, o nagapahamulag sa aton sa aton kaangtanan sa sia kag isa?
FR. RONNIE
PAGTUMAN SA KASUGOAN
“May isa ka klase nga nag-overnight sa beach. Pagkagab-i, may daywa nga nagtripping nga magboating. Ong anda maestro nagpasugot pagkatapos nana sanda hambalan nga: “Maghalong gid kamo kay basi malunod kamo. Pero bisan ano man ong matabu, kaput lang kamo ag indi magbiya sa baroto.” Dayon sang daon un sanda sa tunga et lawod, naubon gid man sanda. Ong isa nga nagapabugal gid nga mayad sya maglangoy, nagbiya sa ana kaibahan ag naglangoy pahigad. Apang kay tungod madulom ag indi nana makita ong ana ginapakadtuan, nalumos siya. Ong isa nga nagpabilin sa baroto nakit-an paghin-aga nga maluya apang buhi tana sia.”
Duri ginapasat-um kanaton et estorya ong leksyon nga: “Ong pagkamasinulondon makaluwas gid kanaton!” Kon kasayud lang taton magpati ag magsunod, indi gid kita maano. Amo dya ong punto ni Kristo sang sya maghambal nga: “Kon ginahigugma ninyo ako, ginatuman ninyo ong akon mga sugo.” Buot silingon, ong nagaisahanon nga pruweba o pamatuod et minatuod nga paghigugma amo ong pagsunod sa imo ginahigugma. Paagi sa ana pagkamasinulondon, si Jesus nagpakita et ana paghigugma sa ana Amay. Ag paagi sa kara man nga pagkamasinulondon, aton sarang mapakita ong aton paghigugma kanana.
Gani palangga ta gid man bala et minatuod ong Ginuo? Kon amo, ipakita naton on sa aton pagsunod ag pagkabuhi et ana mga sugo…
Mabuhay ong Maalwan nga mga Mambusaonon!
FR. DODO
Nagapadayon ang “diskurso” sang aton Ginuong Jesus nahanungud sa Iya kasuguan sang PAGHIGUGMA. Duha ka semana antes naton pagasaulugon ang “Pagkayab” Niya– ang Iya nga pagbalik sa Iya nga Amay sa ginharian sang langit, Siya nagapahayag sang ginatumud Niya nga kasuguan sang paghigugma– Ini nga paghigugma makita sa pagpabilin nga MATUTOM sa PAGTUMAN sang Iya mga sugo, tu-ngud ang Iya mga sugo amo man ang sugo sang aton Amay sa langit. Ang paghigugma nga Iya ginatumud makita naton sa Iya nga paghi-usa sa Iya nga Amay nga ginasilyohan sang kabakud sang isa ka Mananabang nga amo ang Espiritu Santo.
Amo gani nga Siya magabalik sa Iya nga Amay agud pangayuon Niya ang paghatag sa Iya mga gintutun-an sang ila kabakud kag kapag-on sa dulut sang Espiritu Santo.
Sa sini nga mga pulong sang aton Ginuo, aton matalupangdan nga ang ginatumud Niya nga paghigugma, nagadulut sang PAGHI-USA– paghi-usa sang mga personas… paghi-usa sang panghuna-huna… sang tinutuyo… sang balatyagon. Sa malip-ot nga pulong ang kahulugan sang paghigugma amo ang PAGTINGUB sang kabug-osan sang tagsa ka katapo!
“Love unites. It builds communities of persons!” Amo gani nga ginasiling sang aton Ginuo sa aton Ebanghelyo subong nga “kon ginahigugma ninyo Ako, tumanon ninyo ang Akon mga sugo. Pangayuon ko sa Amay nga hatagan Niya kamo sang isa ka Mananabang, ang Espiritu sang kamatuoran, nga magapabilinupod sa inyo sa walay katapusan.”
Ano bala nga sahi sang paghigugma ang nagaluntad sa aton tunga? Ini bala paghigugma nga nagapahiusa sang aton panghuna-huna kag balatyagon, o nagapahamulag sa aton sa aton kaangtanan sa sia kag isa?
FR. RONNIE
PAGTUMAN SA KASUGOAN
“May isa ka klase nga nag-overnight sa beach. Pagkagab-i, may daywa nga nagtripping nga magboating. Ong anda maestro nagpasugot pagkatapos nana sanda hambalan nga: “Maghalong gid kamo kay basi malunod kamo. Pero bisan ano man ong matabu, kaput lang kamo ag indi magbiya sa baroto.” Dayon sang daon un sanda sa tunga et lawod, naubon gid man sanda. Ong isa nga nagapabugal gid nga mayad sya maglangoy, nagbiya sa ana kaibahan ag naglangoy pahigad. Apang kay tungod madulom ag indi nana makita ong ana ginapakadtuan, nalumos siya. Ong isa nga nagpabilin sa baroto nakit-an paghin-aga nga maluya apang buhi tana sia.”
Duri ginapasat-um kanaton et estorya ong leksyon nga: “Ong pagkamasinulondon makaluwas gid kanaton!” Kon kasayud lang taton magpati ag magsunod, indi gid kita maano. Amo dya ong punto ni Kristo sang sya maghambal nga: “Kon ginahigugma ninyo ako, ginatuman ninyo ong akon mga sugo.” Buot silingon, ong nagaisahanon nga pruweba o pamatuod et minatuod nga paghigugma amo ong pagsunod sa imo ginahigugma. Paagi sa ana pagkamasinulondon, si Jesus nagpakita et ana paghigugma sa ana Amay. Ag paagi sa kara man nga pagkamasinulondon, aton sarang mapakita ong aton paghigugma kanana.
Gani palangga ta gid man bala et minatuod ong Ginuo? Kon amo, ipakita naton on sa aton pagsunod ag pagkabuhi et ana mga sugo…
Mabuhay ong Maalwan nga mga Mambusaonon!
FR. DODO
Friday, May 20, 2011
5th Sunday of Easter (A)
INDI KAMO MAGPALIBOG!
Isa sa nagapadasig sa aton nga “magtigulang”, suno sa mga nakasiyasat sini nga bahin sang aton pagkatawo, amo ang mga nagatublag sa aton nga mga PALALIGBAN. Kon pirmi lang kita nagapalibog, madali magkuryanot ang aton mga agtang… madali magputi ang aton mga buhok… madali kita mag- pangluya, tungud kay indi na kita makapahuway sang maayo.
Amo ini ang ginasaad subong sang aton Ginuo sa aton nga Ebanghelyo. Indi kita dapat magpalibog, kundi dapat kita MAPAHAMTANG, tungud Siya amo aton kalig-onan! Kon yara Siya, wala sang may makadaog sa aton nga palaligban. Sa Iya gid lang kita wala pagtalang, tungud Siya amo ang DALAN, ang KAMATUORAN, kag ang KABUHI! Siya nagapromisa sang isa ka duog sa diin kita makaambit sang kabugana-an sang kabuhi kaupod sa Iya nga Amay sa Iya nga ginharian.
Amo ini ang aton ginahandum tanan… ang pag-angkon sang kalipay nga nagapabilin. Masubo lang nga aton matalupangdan ang aton kaugalingon nga sa masami nagapangita kita sini nga kalipay sa lain nga dalan- sa dalan sang umalagi nga kalibutan sa diin ang tanan madali nga naga-agi ukon nagalipas lamang. Pun-on mo man sang alahas ang imo lawas… naga-awas-awas man ang imo kwarta sa bangko… malapad man ang imo kadutaan… madamo man ang imo mga pagkabutang, apang sa gihapon, imo mabatyagan may yara gihapon nga kulang sa imo ginapangita nga kalipay. Masami imbes nga ini magahatag sa imo sang kalipay, ini pa gani ang nagahatag sa imo sang kapin nga palaligban!
Siling ni San Agustin: “My soul is restless until it rests in God!” Si Jesus amo ang aton TUNAY nga KALIPAY!
FR. RONNIE
PIHO NGA DALAN
“Sa kilid et karsada, sa isa ka bangga, may isa ka pastor ag pari nga nagahawid et isa ka karatula nga nagasiling: “MADALI UN LANG ONG KATAPUSAN. MAGLISO UN KAMO AGUD INDI KAMO MAGLUMPAT SA INYO KALAGLAGAN.” Dayon may naglabay nga sobra kadasig nga kotse nga puno et magkaberks nga nagadinaskal ag nagasininggit. Ginhibaygan nanda ong pari ag pastor ag ginsuyaan: “Hoy! Mga salimpapaw nga mga reliyoso. Owa kamo et labot kanamon. Pabay-i nyo lang kami…” Owa pa nanda matapos ong anda pagyaguta sa pari ag pastor sang mabatian ong tunog et pag-igot et mga goma ag ong hanggud nga “splash” sa tubig. Dayon ong pari naghambal sa pastor: “Ano abi sa imo Bro.? Lainon ta un lang guro ong aton pahisayud. Isulat ta un lang gid nga: “GUBA ONG TULAY. MAG-UNTAT UN KAMO AG DURI MAG-AGI SA CROSSING.”
Kon ikaw dabi daon sa isa ka lugar nga owa mo pa gid nakadtuan ag ikaw nagpangayo et “direksyon” sa isa ka tawo. Dayon ong tawo nagtudlo sa imo: “Diretso ka lang sa ikaywa nga crossing ag dayon liko ka ag dayon maglibot ka sa landmark ag diretso, dayon liko sa ikalima nga block ag….” Piho nga matalang ka gid. Apang kon ong tawo nga imo ginpamangkutan magsiling sa imo: “Dali! Dal-on ko ikaw didto!” Sa kaon nga punto, ong tawo amo gid mismo ong imo ‘alagyan’ ag makasampot ka gid sa imo kaladtuan. Amo dya ong punto et ginhambal ni Kristo sa Ebanghelyo. Owa lang sia nagatudlo o nagapaditol et alagyan, kamatuoran ag kabuhi. SIA gid MISMO ong Dalan, Kamatuoran ag Kabuhi padulong sa Amay. Kon owa sya, indi gid kita makasampot sa langit.
Mabuhay ong Maalwan nga mga Mambusaonon!
FR. DODO
Isa sa nagapadasig sa aton nga “magtigulang”, suno sa mga nakasiyasat sini nga bahin sang aton pagkatawo, amo ang mga nagatublag sa aton nga mga PALALIGBAN. Kon pirmi lang kita nagapalibog, madali magkuryanot ang aton mga agtang… madali magputi ang aton mga buhok… madali kita mag- pangluya, tungud kay indi na kita makapahuway sang maayo.
Amo ini ang ginasaad subong sang aton Ginuo sa aton nga Ebanghelyo. Indi kita dapat magpalibog, kundi dapat kita MAPAHAMTANG, tungud Siya amo aton kalig-onan! Kon yara Siya, wala sang may makadaog sa aton nga palaligban. Sa Iya gid lang kita wala pagtalang, tungud Siya amo ang DALAN, ang KAMATUORAN, kag ang KABUHI! Siya nagapromisa sang isa ka duog sa diin kita makaambit sang kabugana-an sang kabuhi kaupod sa Iya nga Amay sa Iya nga ginharian.
Amo ini ang aton ginahandum tanan… ang pag-angkon sang kalipay nga nagapabilin. Masubo lang nga aton matalupangdan ang aton kaugalingon nga sa masami nagapangita kita sini nga kalipay sa lain nga dalan- sa dalan sang umalagi nga kalibutan sa diin ang tanan madali nga naga-agi ukon nagalipas lamang. Pun-on mo man sang alahas ang imo lawas… naga-awas-awas man ang imo kwarta sa bangko… malapad man ang imo kadutaan… madamo man ang imo mga pagkabutang, apang sa gihapon, imo mabatyagan may yara gihapon nga kulang sa imo ginapangita nga kalipay. Masami imbes nga ini magahatag sa imo sang kalipay, ini pa gani ang nagahatag sa imo sang kapin nga palaligban!
Siling ni San Agustin: “My soul is restless until it rests in God!” Si Jesus amo ang aton TUNAY nga KALIPAY!
FR. RONNIE
PIHO NGA DALAN
“Sa kilid et karsada, sa isa ka bangga, may isa ka pastor ag pari nga nagahawid et isa ka karatula nga nagasiling: “MADALI UN LANG ONG KATAPUSAN. MAGLISO UN KAMO AGUD INDI KAMO MAGLUMPAT SA INYO KALAGLAGAN.” Dayon may naglabay nga sobra kadasig nga kotse nga puno et magkaberks nga nagadinaskal ag nagasininggit. Ginhibaygan nanda ong pari ag pastor ag ginsuyaan: “Hoy! Mga salimpapaw nga mga reliyoso. Owa kamo et labot kanamon. Pabay-i nyo lang kami…” Owa pa nanda matapos ong anda pagyaguta sa pari ag pastor sang mabatian ong tunog et pag-igot et mga goma ag ong hanggud nga “splash” sa tubig. Dayon ong pari naghambal sa pastor: “Ano abi sa imo Bro.? Lainon ta un lang guro ong aton pahisayud. Isulat ta un lang gid nga: “GUBA ONG TULAY. MAG-UNTAT UN KAMO AG DURI MAG-AGI SA CROSSING.”
Kon ikaw dabi daon sa isa ka lugar nga owa mo pa gid nakadtuan ag ikaw nagpangayo et “direksyon” sa isa ka tawo. Dayon ong tawo nagtudlo sa imo: “Diretso ka lang sa ikaywa nga crossing ag dayon liko ka ag dayon maglibot ka sa landmark ag diretso, dayon liko sa ikalima nga block ag….” Piho nga matalang ka gid. Apang kon ong tawo nga imo ginpamangkutan magsiling sa imo: “Dali! Dal-on ko ikaw didto!” Sa kaon nga punto, ong tawo amo gid mismo ong imo ‘alagyan’ ag makasampot ka gid sa imo kaladtuan. Amo dya ong punto et ginhambal ni Kristo sa Ebanghelyo. Owa lang sia nagatudlo o nagapaditol et alagyan, kamatuoran ag kabuhi. SIA gid MISMO ong Dalan, Kamatuoran ag Kabuhi padulong sa Amay. Kon owa sya, indi gid kita makasampot sa langit.
Mabuhay ong Maalwan nga mga Mambusaonon!
FR. DODO
Tuesday, May 17, 2011
4th Sunday of Easter (A)
KILALA ANG TINGUG!
Sa pagkadamo sang mga karnero sa Israel, tungud ini isa ka pangabuhi-an nga indi lamang nagahatag sa ila sang kita, kundi tungud ini nagahatag sa ila sang kasulhayan sa ila pagpangabuhi, sa bagay nga ang paghuput sang karnero isa ka daku nga bahin sa ila adlaw-adlaw nga pagkabuhi.
Tungud sa masami, ang ginapahalban sang mga karnero isa ka “kumon” nga patag, nagaka-igo lang nga ang mga karnero may iya nga kaugalingon nga “password” nga ginhatag sang ila manugbantay, agud madali ang magtipon sa ila matapos sila makahalab sa ila halalban. Amo gani nga ginasiling sang mga nakasiyasat sini nga mga kinadayhon sang mga Israelinhon, nga ang tagsa ka manugbantay, may iya nga pinasahi nga panawag sa iya mga panong, katulad abi sang isa ka espesyal nga “panihol” ukon “tingug”. Ang indi sang bahin sina nga panong sang mga karnero, indi man makahangup sang pagtawag sang manugbantay.
Sa sini man nga painu-ino, ang aton Ginuong Jesus nagapahayag sang Iya buot silingon, nga bilang aton Maayo nga Manugabantay, Siya may Iya nga pinasahi nga panawag sa Iya mga sumulunod kag may pinasahi man Siya nga pagkilala sa ila.
Ining pinasahi nga pagkilal-anay amo ang nagahatag sang kahulugan sang aton kaangtanan (bilang panong) sa aton Ginuo (bilang aton Manugbantay). Siya nakakilala sa aton sang lubos sa bagay nga handa Siya sa paghalad sang Iya kaugalingon nga kabuhi agud malikaw kita sa mga halit sa aton kaugalingon. Siya ang Maayo nga Manugbantay kag handa magpakamatay sa aton nga Iya panong. Kilala Niya kita! Paano naton Siya ginakilala?
FR. RONNIE
MAAYO KA BALA NGA MANUGBANTAY?
Isa sa mga sinauna nga mga sala et katawhan amo ong “OWA LABOT”. Dya ginsugdan ni Cain nga, pagkatapos nana patyon ong ana utod nga si Abel, naghambal, “Salabton ko bala ong akon utod?” (Gen.4:9) Dya nga panugdaon hala un, sugod sadto, nga ginabalikbalik sa estorya et kalibutan et mga sungaksungak nga katawhan. Gani ong dugo ni Abel padayon man nga nagasinggit et bulig ag hustisya paagi sa mga tawo nga gintalikdan et anda owa et labot nga mga utod ag abyan.
Bilang sabat sa pagtiyabaw et mga makaluluoy nga mga biktima et ‘DEADMA’ ag pagpabulagbulag et katawhan, ong Dios nagpadala et mga MANUGBANTAY suno sa ana taguipusuon ag ginsaad. (Jer. 3:15) Ag ong pinakahalangdon sa karang mga manugbantay, owa un et iban pa, kundi si Jesukristo. Paagi kay Kristo, ong Maayo nga Manugbantay, ong mahigugmaon nga kaluoy ag kaayo et Dios nakaabot ag napabatyag sa mga tawo. Sa kay Kristo, ong Dios nagbantay sa ana mga tawo.
Apang pagkatapos ni Kristo, dyang hilimuon et pagbantay gintongtong sa aton nga mga abaga. Paagi sa aton bunyag, kita otomatik nga nagaugyon sa bulohaton ni Kristo sa pagbantay. Gani indi un kita dapat maghambal nga: “Salabton ko bala ong akon utod?” Kay sa pagkamatuod, salabton ta gid man tana ong isya ag isya. Kaangay kay Kristo, kita man dapat nga mangin Maayo nga mga Manugbantay, nga nagakabalaka, nagaulikid, nagatatap ag nagabulig sa anda.
Mabuhay ong Maalwan nga mga Mambusaonon!
FR. DODO
Sa pagkadamo sang mga karnero sa Israel, tungud ini isa ka pangabuhi-an nga indi lamang nagahatag sa ila sang kita, kundi tungud ini nagahatag sa ila sang kasulhayan sa ila pagpangabuhi, sa bagay nga ang paghuput sang karnero isa ka daku nga bahin sa ila adlaw-adlaw nga pagkabuhi.
Tungud sa masami, ang ginapahalban sang mga karnero isa ka “kumon” nga patag, nagaka-igo lang nga ang mga karnero may iya nga kaugalingon nga “password” nga ginhatag sang ila manugbantay, agud madali ang magtipon sa ila matapos sila makahalab sa ila halalban. Amo gani nga ginasiling sang mga nakasiyasat sini nga mga kinadayhon sang mga Israelinhon, nga ang tagsa ka manugbantay, may iya nga pinasahi nga panawag sa iya mga panong, katulad abi sang isa ka espesyal nga “panihol” ukon “tingug”. Ang indi sang bahin sina nga panong sang mga karnero, indi man makahangup sang pagtawag sang manugbantay.
Sa sini man nga painu-ino, ang aton Ginuong Jesus nagapahayag sang Iya buot silingon, nga bilang aton Maayo nga Manugabantay, Siya may Iya nga pinasahi nga panawag sa Iya mga sumulunod kag may pinasahi man Siya nga pagkilala sa ila.
Ining pinasahi nga pagkilal-anay amo ang nagahatag sang kahulugan sang aton kaangtanan (bilang panong) sa aton Ginuo (bilang aton Manugbantay). Siya nakakilala sa aton sang lubos sa bagay nga handa Siya sa paghalad sang Iya kaugalingon nga kabuhi agud malikaw kita sa mga halit sa aton kaugalingon. Siya ang Maayo nga Manugbantay kag handa magpakamatay sa aton nga Iya panong. Kilala Niya kita! Paano naton Siya ginakilala?
FR. RONNIE
MAAYO KA BALA NGA MANUGBANTAY?
Isa sa mga sinauna nga mga sala et katawhan amo ong “OWA LABOT”. Dya ginsugdan ni Cain nga, pagkatapos nana patyon ong ana utod nga si Abel, naghambal, “Salabton ko bala ong akon utod?” (Gen.4:9) Dya nga panugdaon hala un, sugod sadto, nga ginabalikbalik sa estorya et kalibutan et mga sungaksungak nga katawhan. Gani ong dugo ni Abel padayon man nga nagasinggit et bulig ag hustisya paagi sa mga tawo nga gintalikdan et anda owa et labot nga mga utod ag abyan.
Bilang sabat sa pagtiyabaw et mga makaluluoy nga mga biktima et ‘DEADMA’ ag pagpabulagbulag et katawhan, ong Dios nagpadala et mga MANUGBANTAY suno sa ana taguipusuon ag ginsaad. (Jer. 3:15) Ag ong pinakahalangdon sa karang mga manugbantay, owa un et iban pa, kundi si Jesukristo. Paagi kay Kristo, ong Maayo nga Manugbantay, ong mahigugmaon nga kaluoy ag kaayo et Dios nakaabot ag napabatyag sa mga tawo. Sa kay Kristo, ong Dios nagbantay sa ana mga tawo.
Apang pagkatapos ni Kristo, dyang hilimuon et pagbantay gintongtong sa aton nga mga abaga. Paagi sa aton bunyag, kita otomatik nga nagaugyon sa bulohaton ni Kristo sa pagbantay. Gani indi un kita dapat maghambal nga: “Salabton ko bala ong akon utod?” Kay sa pagkamatuod, salabton ta gid man tana ong isya ag isya. Kaangay kay Kristo, kita man dapat nga mangin Maayo nga mga Manugbantay, nga nagakabalaka, nagaulikid, nagatatap ag nagabulig sa anda.
Mabuhay ong Maalwan nga mga Mambusaonon!
FR. DODO
Friday, May 6, 2011
3rd Sunday of Easter (A)
EMMAUS… DALAN SANG PAGLAUM
Isa ka tawohanon nga reaksyon ang pagkapaslaw sa mga tawo nga ginhigugma naton sang lubos, ginsaligan naton kag ginalauman, kag sa ulihi matalupangdan naton nga kabaliskaran gali sa aton ginapa-abut ang ila nga batasan, pag-ginawi kag mga buhat… ang imo ginkabig nga abyan, amo man gali ang nagapakala-in sa imo! Daw tinaklapan ka sang langit kon ang imo ginasaligan, amo man ang mag- “man-og” sa imo! Ang ginakabig mo nga amigo ukon amiga, amo man ang una nga magahaklab sa imo kon ikaw nagatalikod… amo man ang nagalibak kag nagapakalain sa imo! Daw sa kabudlay na magsalig liwat… kabudlay na maghigugma liwat… kabudlay na magpasimpalad liwat. Maayo pa magpaukoy nalang kag magpahimuyong sa imo kaugalingon nga kutiba!
Amo ini ang nabatyagan sang mga gintutun-an. Sa pagkamatay sang aton Ginuo, ang “tanan” para sa ila, napatay man! Amo gani nga mansig-lakat na lang sila agud mapahilayo sa ila di-maasoy nga kasubo! Apang ang aton Ginuo padayon nga nagatudlo sa ila nga ang problema masolbar lamang kon ini GINA-ATUBANG!
Matuod nga napatay ang aton Ginuo, apang matuod man nga Siya nabanhaw! Amo gani nga dapat sila MAGSUGUD LIWAT kay sa Iya pagkabanhaw, may BAG-O nga kabuhi! FACE A BRAND NEW LIFE EVERYDAY...GIVE YOURSELF A CHANCE TO LOVE AGAIN! Sa aton Ginuo, makalantaw kita sang isa ka matahum nga KABUHI SANG PAGBAG-O! Amo ini ang kahulugan sang Iya nga pagkabanhaw– sa Iya may paglaum kita… sa Iya may kusug kita sa pagsugud liwat sa isa ka pagpanglakaton… sa Iya indi sang imposible ang pagkabuhi sang matarong!
FR. RONNIE
MISA SA UMA PABALIK SA BANWA
Ong “Emmaus” naghalin sa Hebreo nga tinaga nga “Hamat” nga ong buot silingon, “Maalabaab nga mga Bubon”. Dyang banwa sa Judea, nga amo ong destinasyon et daywa ka gintutun-an, indi gid mapaktan kon sa diin un manakara. Apat ka ‘moderno’ nga mga banwa ong nagapaindis-indis para sa kara nga honor: Latrun, Abu Ghosh, El-Qubeibah ag Qaloniya.
Apang bisan ano man ong minatuod ag ‘historical’ nga “Emmaus”, klaro ong tatlo ka mensahi ni San Lukas. Una, Si Kristo ong nagapahangop et Santos nga Kasulatan. Sya ong ginawangot ag katumanan et Kasulatan. Ikaduha, ong panyapon nagapasat-um et Eukaristiya. Ong mga gintutun-an nakakilala kay Kristo sang Sya “nagpamihakpihak et tinapay”, ong pinakauna nga pagtawag et mga Kristiano sa Misa. Ikatatlo, pagkatapos nga makilal-an nanda si Kristo sa Kasulatan ag sa panyapon, si Cleofas ag ong ana amigo nagbalik ag nagpaambit et anda naexperiensyahan sa iban nga mga gintutun-an.
Ong natabo sa aton Ebanghelyo amo gid ong dapat man nga nagakatabo sa aton tagsa ka pagpakigbahin sa Santos nga Misa. Sa aton pagpamati ag pagpamalandong sa pagbasa et Pulong et Dios ag sa aton pagkalawat, duri naton dapat nga masugata ag makilala ong aton nabanhaw nga Manlulowas. Agud nga sa paghambal et pari nga “Magpanaw sa paghidait…”, kita, nga puno et kasadya ag paglaum, makapaambit et aton naexperiensyahan sa mga tawo nga aton masugata sa gwa. Apang amo gid man bala kaon ong nagakatabo sa tagsa naton ka pagsimba ag sa paggwa naton pagkatapos et Misa?
FR. DODO
Isa ka tawohanon nga reaksyon ang pagkapaslaw sa mga tawo nga ginhigugma naton sang lubos, ginsaligan naton kag ginalauman, kag sa ulihi matalupangdan naton nga kabaliskaran gali sa aton ginapa-abut ang ila nga batasan, pag-ginawi kag mga buhat… ang imo ginkabig nga abyan, amo man gali ang nagapakala-in sa imo! Daw tinaklapan ka sang langit kon ang imo ginasaligan, amo man ang mag- “man-og” sa imo! Ang ginakabig mo nga amigo ukon amiga, amo man ang una nga magahaklab sa imo kon ikaw nagatalikod… amo man ang nagalibak kag nagapakalain sa imo! Daw sa kabudlay na magsalig liwat… kabudlay na maghigugma liwat… kabudlay na magpasimpalad liwat. Maayo pa magpaukoy nalang kag magpahimuyong sa imo kaugalingon nga kutiba!
Amo ini ang nabatyagan sang mga gintutun-an. Sa pagkamatay sang aton Ginuo, ang “tanan” para sa ila, napatay man! Amo gani nga mansig-lakat na lang sila agud mapahilayo sa ila di-maasoy nga kasubo! Apang ang aton Ginuo padayon nga nagatudlo sa ila nga ang problema masolbar lamang kon ini GINA-ATUBANG!
Matuod nga napatay ang aton Ginuo, apang matuod man nga Siya nabanhaw! Amo gani nga dapat sila MAGSUGUD LIWAT kay sa Iya pagkabanhaw, may BAG-O nga kabuhi! FACE A BRAND NEW LIFE EVERYDAY...GIVE YOURSELF A CHANCE TO LOVE AGAIN! Sa aton Ginuo, makalantaw kita sang isa ka matahum nga KABUHI SANG PAGBAG-O! Amo ini ang kahulugan sang Iya nga pagkabanhaw– sa Iya may paglaum kita… sa Iya may kusug kita sa pagsugud liwat sa isa ka pagpanglakaton… sa Iya indi sang imposible ang pagkabuhi sang matarong!
FR. RONNIE
MISA SA UMA PABALIK SA BANWA
Ong “Emmaus” naghalin sa Hebreo nga tinaga nga “Hamat” nga ong buot silingon, “Maalabaab nga mga Bubon”. Dyang banwa sa Judea, nga amo ong destinasyon et daywa ka gintutun-an, indi gid mapaktan kon sa diin un manakara. Apat ka ‘moderno’ nga mga banwa ong nagapaindis-indis para sa kara nga honor: Latrun, Abu Ghosh, El-Qubeibah ag Qaloniya.
Apang bisan ano man ong minatuod ag ‘historical’ nga “Emmaus”, klaro ong tatlo ka mensahi ni San Lukas. Una, Si Kristo ong nagapahangop et Santos nga Kasulatan. Sya ong ginawangot ag katumanan et Kasulatan. Ikaduha, ong panyapon nagapasat-um et Eukaristiya. Ong mga gintutun-an nakakilala kay Kristo sang Sya “nagpamihakpihak et tinapay”, ong pinakauna nga pagtawag et mga Kristiano sa Misa. Ikatatlo, pagkatapos nga makilal-an nanda si Kristo sa Kasulatan ag sa panyapon, si Cleofas ag ong ana amigo nagbalik ag nagpaambit et anda naexperiensyahan sa iban nga mga gintutun-an.
Ong natabo sa aton Ebanghelyo amo gid ong dapat man nga nagakatabo sa aton tagsa ka pagpakigbahin sa Santos nga Misa. Sa aton pagpamati ag pagpamalandong sa pagbasa et Pulong et Dios ag sa aton pagkalawat, duri naton dapat nga masugata ag makilala ong aton nabanhaw nga Manlulowas. Agud nga sa paghambal et pari nga “Magpanaw sa paghidait…”, kita, nga puno et kasadya ag paglaum, makapaambit et aton naexperiensyahan sa mga tawo nga aton masugata sa gwa. Apang amo gid man bala kaon ong nagakatabo sa tagsa naton ka pagsimba ag sa paggwa naton pagkatapos et Misa?
FR. DODO
Saturday, April 30, 2011
2nd Sun. Easter- A
AKO MAN NAGAPADALA SA INYO...
Ang ginasaulog naton nga kapiestahan subong amo ang “Domingo sang Diosnon nga Kaluoy”. Sang una anay, ginatawag ini nga Domingo ni “Tomas nga Madinudahon” ukon “Doubting Thomas Sunday”. Apang sang si Papa Juan Pablo II, nga igadeklarar man nga Santo ni Papa Benedicto XVI, sa sini nga Mayo 1, 2011, ang nagpili-an bilang Santo Papa sadto nga tion, nagpahayag, nga ini nga adlaw mangin adlaw sang Diosnon nga Kaluoy o Divine Mercy Sunday.
Ayhan ini tungud sa painu-ino nga bisan pa nga si Tomas nangin madinudahon sa aton Ginuo, katulad sa kalabanan sa aton, sa gihapon wala mag-untat ang Mahal nga Diyos sa pagtan-ay sang Iya nga KALUOY sa aton. Bisan pa nga sa masami, kita nagpangduha-duha kon bala ang Diyos matuod gid nga yari sa aton luyo, sa gihapon, Iya nga ginapabatyag sa aton ang Iya nga paghangup kag pag-alungay, nga sa ulihi kita man makapanaksi katulad ni Tomas nga nagasiling: “Ginuo ko kag Diyos ko!”
“We gained salvation, not because we deserve it, but because of the grace and mercy of God.” Kay kon aton lang nga latawon ang aton kaugalingon, wala gid kita sang sarang mapabugal sa atubangan sang Mahal nga Diyos. Sa pagkamatuod, dapat gani kita MAHUYA tungud sang aton PAGKAMAKASASALA!
Sa likod sini tanan, ginalab-ot kita sang kasing-kasing sang aton Ginuong Jesus sa paghangup kag paghigugma agud kita magliso kag magpanumbalik sa aton Amay. Kabay unta nga MAGMALULOY-ON kita!
FR. RONNIE
PAGTUO NGA OWA NAGAPANGDUHADUHA
“Sang una, may isa ka tawo nga nagsiling: “Kon indi ko makita ong Dios sa akon kaugalingon nga mga mata, indi gid ako magpati kanana.” Ong ana amigo hantup nga nagpangamuyo gid para sa ana konbersyon, hasta, isa ka adlaw, ong Dios nagmando sa ana sa damgo: “Hambala ong imo amigo nga magapakita ako kanana sa bukid et Balat-an hindon gid nga gabii!” Ginhambalan nana ong ana amigo et ginhambal et Dios kanana, ag dya nagsaka sa bukid, ag didto ana gid nakita ong Dios. Pagbalik nana sa banwa, ong ana amigo “excited” nga nagpangutana kanana: “Karon nga nakita mo un gid ong Dios, ti nagatuo ka un gid kanana?” Ong ana amigo nagsabat: “Owa man gyapon! Huo, tama nga may nakita gid man ako didto sa bukid. Pero labot ko man ya kon Dios un gid man ato!”
Si R. H. Benson nagsiling: “Ong tawo nga nagasiling: “Kon indi ko ma-feel, indi ako magpati”, pareho lang et tawo nga makitid ong ulo ag buing nga nagasiling: “Kon indi ako makahangop, indi ako magpati!” Ang pagkakita ag ong pagtuo masami indi ‘compatible’ sa isya ag isa. Kay laban laban nga owa man kita gyapon et pagtuo bisan nakita ta un ong tanan nga ebidensya. Ong pagtuo nga nagapakilimos et pruweba pareho et pagtuo nga nasandig lamang sa pamatyagan, tanda, ukon milagro. ‘Granted’ nga dya nga pagtuo may daon man nga pagpati, apang dya nagakadula ukon nagalipas man lang kon ong mga ebidensya indi naman makita. Buot silingon, owa kara ginatao ong mabakod nga pundasyon et pagtuo nga dapat naton ipatungod sa Dios.
Si San Agustin nagsiling: “Ong pagtuo amo ong pagpati et mga butang nga indi ag owa naton makita, ag ong padya et kara nga pagtuo amo ong pagkakita et aton ginapatihan.” Gani kinahanglan gid naton ong pagtuo kay Kristo ag sa ana Pagkabanhaw, bisan daon un ong tanan nga ebidensya. Tani ong aton pagtuo kanana owa gid et pagpangduhaduha.
FR. DODO
Ang ginasaulog naton nga kapiestahan subong amo ang “Domingo sang Diosnon nga Kaluoy”. Sang una anay, ginatawag ini nga Domingo ni “Tomas nga Madinudahon” ukon “Doubting Thomas Sunday”. Apang sang si Papa Juan Pablo II, nga igadeklarar man nga Santo ni Papa Benedicto XVI, sa sini nga Mayo 1, 2011, ang nagpili-an bilang Santo Papa sadto nga tion, nagpahayag, nga ini nga adlaw mangin adlaw sang Diosnon nga Kaluoy o Divine Mercy Sunday.
Ayhan ini tungud sa painu-ino nga bisan pa nga si Tomas nangin madinudahon sa aton Ginuo, katulad sa kalabanan sa aton, sa gihapon wala mag-untat ang Mahal nga Diyos sa pagtan-ay sang Iya nga KALUOY sa aton. Bisan pa nga sa masami, kita nagpangduha-duha kon bala ang Diyos matuod gid nga yari sa aton luyo, sa gihapon, Iya nga ginapabatyag sa aton ang Iya nga paghangup kag pag-alungay, nga sa ulihi kita man makapanaksi katulad ni Tomas nga nagasiling: “Ginuo ko kag Diyos ko!”
“We gained salvation, not because we deserve it, but because of the grace and mercy of God.” Kay kon aton lang nga latawon ang aton kaugalingon, wala gid kita sang sarang mapabugal sa atubangan sang Mahal nga Diyos. Sa pagkamatuod, dapat gani kita MAHUYA tungud sang aton PAGKAMAKASASALA!
Sa likod sini tanan, ginalab-ot kita sang kasing-kasing sang aton Ginuong Jesus sa paghangup kag paghigugma agud kita magliso kag magpanumbalik sa aton Amay. Kabay unta nga MAGMALULOY-ON kita!
FR. RONNIE
PAGTUO NGA OWA NAGAPANGDUHADUHA
“Sang una, may isa ka tawo nga nagsiling: “Kon indi ko makita ong Dios sa akon kaugalingon nga mga mata, indi gid ako magpati kanana.” Ong ana amigo hantup nga nagpangamuyo gid para sa ana konbersyon, hasta, isa ka adlaw, ong Dios nagmando sa ana sa damgo: “Hambala ong imo amigo nga magapakita ako kanana sa bukid et Balat-an hindon gid nga gabii!” Ginhambalan nana ong ana amigo et ginhambal et Dios kanana, ag dya nagsaka sa bukid, ag didto ana gid nakita ong Dios. Pagbalik nana sa banwa, ong ana amigo “excited” nga nagpangutana kanana: “Karon nga nakita mo un gid ong Dios, ti nagatuo ka un gid kanana?” Ong ana amigo nagsabat: “Owa man gyapon! Huo, tama nga may nakita gid man ako didto sa bukid. Pero labot ko man ya kon Dios un gid man ato!”
Si R. H. Benson nagsiling: “Ong tawo nga nagasiling: “Kon indi ko ma-feel, indi ako magpati”, pareho lang et tawo nga makitid ong ulo ag buing nga nagasiling: “Kon indi ako makahangop, indi ako magpati!” Ang pagkakita ag ong pagtuo masami indi ‘compatible’ sa isya ag isa. Kay laban laban nga owa man kita gyapon et pagtuo bisan nakita ta un ong tanan nga ebidensya. Ong pagtuo nga nagapakilimos et pruweba pareho et pagtuo nga nasandig lamang sa pamatyagan, tanda, ukon milagro. ‘Granted’ nga dya nga pagtuo may daon man nga pagpati, apang dya nagakadula ukon nagalipas man lang kon ong mga ebidensya indi naman makita. Buot silingon, owa kara ginatao ong mabakod nga pundasyon et pagtuo nga dapat naton ipatungod sa Dios.
Si San Agustin nagsiling: “Ong pagtuo amo ong pagpati et mga butang nga indi ag owa naton makita, ag ong padya et kara nga pagtuo amo ong pagkakita et aton ginapatihan.” Gani kinahanglan gid naton ong pagtuo kay Kristo ag sa ana Pagkabanhaw, bisan daon un ong tanan nga ebidensya. Tani ong aton pagtuo kanana owa gid et pagpangduhaduha.
FR. DODO
Saturday, April 9, 2011
5th Sun. Lent (A)
ANG PAGHIBI NI JESUS
Ginapahayag sang aton Ebanghelyo subong ang pagka-”tawohanon” ni Jesus. Siya nagbatyag sang kasubo sa pagkamatay sang iya nga pinakasuod nga abyan, sa bagay nga Siya nagpatulo sang Iya nga luha.
Subong man sini ang aton nabatyagan kon ang aton pinalangga mag-”biya” sa aton paagi sa kamatayon, may pagpangasubo nga nagaluntad sa aton tagipuso-on… may kapung-aw… may kahidlaw. Kon mapatay ang aton punalangga, daw may yara man nga “nagakapatay” sa aton kaugalingon. Ini tungud kay ang isa ka tawo nga mapatay, sa iya kamatayon ginadala man niya ang INDI NA MASULIT nga tinuga sa ibabaw sining duta! “When a person dies, something UNREPEATABLE also dies!” Indi na sarang masulit ang tawo. Wala sang may maka-ilog sa iya. Tungud ang tagsa-tagsa sa aton PINASAHI. Wala sing may makapareho sa aton.
Amo ini ang nagakit-kit sa aton tagipusoon, kon ngaman ginasakitan kag ginasubu-an kita sa kamatayon sang isa ka pinalangga. Amo man ini ang nabatyagan sang aton Ginuo, bilang isa ka tawo.
Apang sa sini nga hitabo, gingamit ini sang aton Ginuo nga mangin pamaagi sa pagpahayag sang kamatuoran sang Iya ginapanudlo nahanungud sa PAGKABANHAW. Ang pagkabanhaw ni Lazaro aton man nga pagkabanhaw, paagi sa aton PAGBANGON sa isa ka bag-o nga kabuhi!
FR. RONNIE
NAGA-IYAGAK NGA DIOS!
Daywa man lang ka beses nga naghibi si Kristo suno sa Biblia. Ong isa amo sang makita nana ong “Irateka” ukon “old walled city” et Jerusalem, samtang sya nagadulhog paadto sa Gethsemane. Ag ong ikaywa amo ong natabu sa aton Ebanghelyo sa karang Domingo. Antes nana pamatud-an nga sya amo ong “Pagkabanhaw ag Kabuhi” paagi sa pagbanhaw kay Lazaro, si Jesus NAGTANGIS. Dyang natabu kay Kristo takus et aton hanggud nga pagtamud bangud dya indi lamang simple ukon ordinaryo nga paghibi, kundi dya gina-imawan et nagasimpon nga “emosyon” et kaakig, gugma ag kaluoy. Buot silingon, si Kristo owa lamang nagtangis pareho sa pagtangis ni Nora Aunor sa ana mga pelikula, nga ginatawag nga “restrained acting” ukon sya nagatangis nga daw mahupos lang o hipos nga nagahibi samtang nagabaha ong luha sa ana mga mata. Si Kristo NAGHAGULHOL, NAGTIYABAW, O NAG-IYAGAK GID TANA. Ukon sa aton pa, si Kristo nagtangis nga may dala nga pagsiru, pagpudagpudag, paghidluka, histerikal, pagkudogkudog et lawas ag paghudlot et sip-on.
Karon, bisan daon sa mga painoino et tagsa ka Judeo nga “kon mas mabaskug ong pagtangis, mas hanggud man ong pagpadungog sa napatay”, ong mensahi nga ginapaabot kanaton et pag-iyagak ni Kristo nagatumod sa aton DAPAT nga PAGKILALA sa Dios. Kay para sa mga Griego, ong una nga pamatasan et Dios amo ong “APATHEIA” – owa sya nagabatyag et bisan ano nga emosyon. Kay kon ong Dios nagahibi, buot silingon, may sarang makaimpluwensya kanana. Ti, indi un sia et Dios kay may mas gamhanan pa kanana. Duri ginapakita nga ong Dios daw isa ka Dios nga owa et labot, kumod ag owa kaluoy.
Gani, kon para sa mga Griego, ong pagpiyangak ni Kristo isa ka eskandalo, nagahatud naman dya et bag-o ag maayo nga balita para kanaton. Ag ano on? Ong Dios nagabatyag gid et aton mga kabudlay ag kalisod. Sya nakasayud ag nagapatlud sa aton mga kapaslawan ag pag-antus. Sya Dios nga NAGAKABALAKA!
FR. DODO
Ginapahayag sang aton Ebanghelyo subong ang pagka-”tawohanon” ni Jesus. Siya nagbatyag sang kasubo sa pagkamatay sang iya nga pinakasuod nga abyan, sa bagay nga Siya nagpatulo sang Iya nga luha.
Subong man sini ang aton nabatyagan kon ang aton pinalangga mag-”biya” sa aton paagi sa kamatayon, may pagpangasubo nga nagaluntad sa aton tagipuso-on… may kapung-aw… may kahidlaw. Kon mapatay ang aton punalangga, daw may yara man nga “nagakapatay” sa aton kaugalingon. Ini tungud kay ang isa ka tawo nga mapatay, sa iya kamatayon ginadala man niya ang INDI NA MASULIT nga tinuga sa ibabaw sining duta! “When a person dies, something UNREPEATABLE also dies!” Indi na sarang masulit ang tawo. Wala sang may maka-ilog sa iya. Tungud ang tagsa-tagsa sa aton PINASAHI. Wala sing may makapareho sa aton.
Amo ini ang nagakit-kit sa aton tagipusoon, kon ngaman ginasakitan kag ginasubu-an kita sa kamatayon sang isa ka pinalangga. Amo man ini ang nabatyagan sang aton Ginuo, bilang isa ka tawo.
Apang sa sini nga hitabo, gingamit ini sang aton Ginuo nga mangin pamaagi sa pagpahayag sang kamatuoran sang Iya ginapanudlo nahanungud sa PAGKABANHAW. Ang pagkabanhaw ni Lazaro aton man nga pagkabanhaw, paagi sa aton PAGBANGON sa isa ka bag-o nga kabuhi!
FR. RONNIE
NAGA-IYAGAK NGA DIOS!
Daywa man lang ka beses nga naghibi si Kristo suno sa Biblia. Ong isa amo sang makita nana ong “Irateka” ukon “old walled city” et Jerusalem, samtang sya nagadulhog paadto sa Gethsemane. Ag ong ikaywa amo ong natabu sa aton Ebanghelyo sa karang Domingo. Antes nana pamatud-an nga sya amo ong “Pagkabanhaw ag Kabuhi” paagi sa pagbanhaw kay Lazaro, si Jesus NAGTANGIS. Dyang natabu kay Kristo takus et aton hanggud nga pagtamud bangud dya indi lamang simple ukon ordinaryo nga paghibi, kundi dya gina-imawan et nagasimpon nga “emosyon” et kaakig, gugma ag kaluoy. Buot silingon, si Kristo owa lamang nagtangis pareho sa pagtangis ni Nora Aunor sa ana mga pelikula, nga ginatawag nga “restrained acting” ukon sya nagatangis nga daw mahupos lang o hipos nga nagahibi samtang nagabaha ong luha sa ana mga mata. Si Kristo NAGHAGULHOL, NAGTIYABAW, O NAG-IYAGAK GID TANA. Ukon sa aton pa, si Kristo nagtangis nga may dala nga pagsiru, pagpudagpudag, paghidluka, histerikal, pagkudogkudog et lawas ag paghudlot et sip-on.
Karon, bisan daon sa mga painoino et tagsa ka Judeo nga “kon mas mabaskug ong pagtangis, mas hanggud man ong pagpadungog sa napatay”, ong mensahi nga ginapaabot kanaton et pag-iyagak ni Kristo nagatumod sa aton DAPAT nga PAGKILALA sa Dios. Kay para sa mga Griego, ong una nga pamatasan et Dios amo ong “APATHEIA” – owa sya nagabatyag et bisan ano nga emosyon. Kay kon ong Dios nagahibi, buot silingon, may sarang makaimpluwensya kanana. Ti, indi un sia et Dios kay may mas gamhanan pa kanana. Duri ginapakita nga ong Dios daw isa ka Dios nga owa et labot, kumod ag owa kaluoy.
Gani, kon para sa mga Griego, ong pagpiyangak ni Kristo isa ka eskandalo, nagahatud naman dya et bag-o ag maayo nga balita para kanaton. Ag ano on? Ong Dios nagabatyag gid et aton mga kabudlay ag kalisod. Sya nakasayud ag nagapatlud sa aton mga kapaslawan ag pag-antus. Sya Dios nga NAGAKABALAKA!
FR. DODO
Monday, April 4, 2011
4th Sunday of Lent (A)
NAGBALIK NGA NAKAKITA
Ang pagsumalang sa aton Ginuong Jesus masami nagapakita sang isa ka PAGPANIBAG-O, suno sa mga ginapahayag sang mga pulong sang Ebanghelyo. Amo gani nga ginatawag ang pulong sang Diyos nga MAAYONG BALITA.
Amo ini ang natabo sa isa ka bulag sugud pa sa iya pagkatawo. Suno sa pagpati sang mga Judeo, ini nga mga kakulangan sang isa ka tawo, nagapahayag lamang sang “silot” sang Diyos, ayhan tungud sa kasal-anan sang iya mga katigulanggan, ginikanan, ukon ang iya personal nga mga kasal-anan. Kon sa aton pa: “Mirisi! Amo na kay damo ka na sang sala sa Diyos!”
Amo bala ini nga sahi sang Diyos ang ginapakilala sang aton Ginuo? Suno sa aton Ebanghelyo, ang aton Ginuo, naghimo sang seremonyas sang pagpang-ayo sa sini nga bulag, kag ginpalakat siya sa paghugas sang iya mga mata sa “punong” sang Siloe (ang lugar nga nagakahulugan “Ginpadala”). Kag sa pagsunud sang bulag sa ginpabuhat sang aton Ginuo, natabo ang milagro sang PAG-AYO– Nakakita siya!
Ang panahon sang kwaresma, isa ka ti-on sa diin kita ginapabatyag sang kaluoy kag pagpatawad sang Diyos tungud sang Iya nga paghigugma sa aton. Indi Siya sang Diyos nga nagadumut, ukon Diyos nga matimaluson. Siya Diyos nga nagalab-ut sa Iya mga tawo kag handa sa paghatag sang kahigayunan sa tagsa-tagsa sa paglakat sa idalum sang kasanag sang Iya pagpatawad kag gugma.
Ang pagsumalang sa aton Ginuo, nagatulud sa aton sa pagbalik nga may bag-o nga panan-awan. Bag-o nga mga mata nga makakita sang maathag! - Makakita sang kamayaran kag indi ang kalainan!
FR. RONNIE
DULOM – PAWA!
“Isa ka adlaw, nag-away ong isa ka mag-asawa. Tungod sa sobra nga kaingit sa isa ag isa, owa un sanda nagsapakanay. Kon sa aton pa, tungod owa et gusto magpalolos, ang una nga maghambal, pierde.
Sa masunod nga adlaw, kinahanglan sang bana magbugtaw et agahon para sa ana “FLIGHT”. Gani nagsulat sya sa ana asawa: “Pukawa ako alas-5 hin-aga.” Pagkahin-aga, nagbugtaw sya alas-7. Ingit-ingit gid sya kay binayaan un sya et eroplano. Dayon, nagtulok sya sa ulunan sa kilid nana. Ag didto, ana nakita ong hanggud nga sulat et ana asawa: “Hoy bugtaw! Alas-5 un. Basi ma-late ka sa imo ‘flight’!” Leksyon? Kon owa et pagpalolos ag sigihon ta lang ong aton bugal, owa gid et maayo nga matabu kanaton.
Sa Ebanghelyo, ginapakita sa aton ong daywa ka klase et bulag: 1. Ong ‘PISIKAL’ nga Bulag 2. Ong ‘SPIRITUAL’ nga Bulag. Sa una, dya nagatumod sa bulag nga gin-ayo ni Kristo, nga bulag gid man ya kay indi sya makakita apang gusto makakita. Kag ong ikaduha nagatumod sa bulag nga mga Phariseo, nga matuod nga makakita apang indi gusto makakita ukon nagapabulagbulag lang tungod sang bugal.
Karon, kon ong aton kabuhi isa ka pagpanglakaton nga nagaamar et maayo nga dalangtan, buot silingon, ong bulag nga gin-ayo ni Kristo nagpanglakaton “gikan sa kadulom paadto sa kasanag” samtang ong mga Phariseo nagpanglakaton “gikan sa kadulom pakadto pa gid sa kadudolman o kadadalman”. Sa diin kita sa kara nga daywa? Ukon sa aton tana kabuhi, diin duri nga pagpanglakaton ong aton ginausoy?
Mabuhay ong Maalwan nga mga Mambusaonon!
FR. DODO
Ang pagsumalang sa aton Ginuong Jesus masami nagapakita sang isa ka PAGPANIBAG-O, suno sa mga ginapahayag sang mga pulong sang Ebanghelyo. Amo gani nga ginatawag ang pulong sang Diyos nga MAAYONG BALITA.
Amo ini ang natabo sa isa ka bulag sugud pa sa iya pagkatawo. Suno sa pagpati sang mga Judeo, ini nga mga kakulangan sang isa ka tawo, nagapahayag lamang sang “silot” sang Diyos, ayhan tungud sa kasal-anan sang iya mga katigulanggan, ginikanan, ukon ang iya personal nga mga kasal-anan. Kon sa aton pa: “Mirisi! Amo na kay damo ka na sang sala sa Diyos!”
Amo bala ini nga sahi sang Diyos ang ginapakilala sang aton Ginuo? Suno sa aton Ebanghelyo, ang aton Ginuo, naghimo sang seremonyas sang pagpang-ayo sa sini nga bulag, kag ginpalakat siya sa paghugas sang iya mga mata sa “punong” sang Siloe (ang lugar nga nagakahulugan “Ginpadala”). Kag sa pagsunud sang bulag sa ginpabuhat sang aton Ginuo, natabo ang milagro sang PAG-AYO– Nakakita siya!
Ang panahon sang kwaresma, isa ka ti-on sa diin kita ginapabatyag sang kaluoy kag pagpatawad sang Diyos tungud sang Iya nga paghigugma sa aton. Indi Siya sang Diyos nga nagadumut, ukon Diyos nga matimaluson. Siya Diyos nga nagalab-ut sa Iya mga tawo kag handa sa paghatag sang kahigayunan sa tagsa-tagsa sa paglakat sa idalum sang kasanag sang Iya pagpatawad kag gugma.
Ang pagsumalang sa aton Ginuo, nagatulud sa aton sa pagbalik nga may bag-o nga panan-awan. Bag-o nga mga mata nga makakita sang maathag! - Makakita sang kamayaran kag indi ang kalainan!
FR. RONNIE
DULOM – PAWA!
“Isa ka adlaw, nag-away ong isa ka mag-asawa. Tungod sa sobra nga kaingit sa isa ag isa, owa un sanda nagsapakanay. Kon sa aton pa, tungod owa et gusto magpalolos, ang una nga maghambal, pierde.
Sa masunod nga adlaw, kinahanglan sang bana magbugtaw et agahon para sa ana “FLIGHT”. Gani nagsulat sya sa ana asawa: “Pukawa ako alas-5 hin-aga.” Pagkahin-aga, nagbugtaw sya alas-7. Ingit-ingit gid sya kay binayaan un sya et eroplano. Dayon, nagtulok sya sa ulunan sa kilid nana. Ag didto, ana nakita ong hanggud nga sulat et ana asawa: “Hoy bugtaw! Alas-5 un. Basi ma-late ka sa imo ‘flight’!” Leksyon? Kon owa et pagpalolos ag sigihon ta lang ong aton bugal, owa gid et maayo nga matabu kanaton.
Sa Ebanghelyo, ginapakita sa aton ong daywa ka klase et bulag: 1. Ong ‘PISIKAL’ nga Bulag 2. Ong ‘SPIRITUAL’ nga Bulag. Sa una, dya nagatumod sa bulag nga gin-ayo ni Kristo, nga bulag gid man ya kay indi sya makakita apang gusto makakita. Kag ong ikaduha nagatumod sa bulag nga mga Phariseo, nga matuod nga makakita apang indi gusto makakita ukon nagapabulagbulag lang tungod sang bugal.
Karon, kon ong aton kabuhi isa ka pagpanglakaton nga nagaamar et maayo nga dalangtan, buot silingon, ong bulag nga gin-ayo ni Kristo nagpanglakaton “gikan sa kadulom paadto sa kasanag” samtang ong mga Phariseo nagpanglakaton “gikan sa kadulom pakadto pa gid sa kadudolman o kadadalman”. Sa diin kita sa kara nga daywa? Ukon sa aton tana kabuhi, diin duri nga pagpanglakaton ong aton ginausoy?
Mabuhay ong Maalwan nga mga Mambusaonon!
FR. DODO
Wednesday, March 23, 2011
3rd Sunday of Lent (A)
ANG NAGLIGAD KAG ANG PALAABUTON
Ang aton Ebanghelyo sa sining ikatatlo nga Dominggo sang Kwaresma, nagapakita sa aton sang pagsumalang sang aton Ginuo sa isa ka babayi nga Samaria sa isa ka “bubon”.
Ang bubon sa isa ka disierto, masami nga madalum, agud makakuha ka sang bastante nga tubig, kag suno sa kustumbre sang mga Israelinhon, ang mga babayi amo ang “nagasag-ub” sang tubig. Amo gani nga ang aton eksena subong nga samtang ang aton Ginuo ‘naga-inum’ sang tubig sa amo nga bubon, may isa ka man ka babayi nga manugsag-ug sang tubig, kag ayhan ini nga babayi ginakapoy na sa sige gid nga binalik-balik sang pagsinag-ub. Sang iya mabati-an ang aton Ginuo nga nagasiling nga Siya may igahatag nga tubig nga kon siya makainum, INDI na gid siya pag-uhawon liwat, daw maano siya sa kalangkag sa pagpangayo sini sa aton Ginuo!
Apang ang aton Ginuo, nagatumud sa isa ka mas madalum pa gid nga bubon, kag ini amo ang bubon sang iya TAGIPUSU-ON. Kon siya lamang magkabuhi sa KAMATUORAN, kag indi magpanago sa landong sang kabutigan, siya makaita sang tuburan sang isa ka bag-o nga kabuhi sa diin ang Diyos amo ang iyamangin KAPUPUN-AN.
Nakahibalo ang aton Ginuo nga ini nga babayi may nagligad– nga siya nagkabuhi sa pito ka lalaki, kag ang iya ginapuyo subong indi sang iya nga bana, apang ginpasalig siya sang aton nga Ginuo, nga indi tungud kay siya may nagligad, wala na siya sang palaabuton. Siya sa gihapon, ginahigugma sang Diyos kon siya handa sa paglakat sa dalan sang pagbag-o!
FR. RONNIE
TUBI SA TABO
Manakara, madali un bulngon ong kauhaw et tawo. Luwas sa tubi, duro un et ‘soft drinks’ ag ‘energy drinks’. Ong kauhaw sa kasadya sarang mabulong et pag-imnanay et ‘beer’ o ‘whiskey’ o ‘tanduay rhum’. Ag kon kis-a may upod pa nga kalingawan.
Apang madula bala kaon ong kauhaw et kalag, ong madalum nga kauhaw sa matuod nga kalipay? Ong Ebanghelyo manakara nagatudlo nga si Kristo lamang ong may bulong sa kara nga kauhaw. Kon tubtob manakara, padayon pa kita nga nagalagas et kalipay bisan pa nga dara un kanaton ong manggad ag kadungganan, ayhan dya tungod kay owa pa gid naton makilala si Kristo.
“Nagdala ong isa ka pari et TABO sa ana sermon. Ana dya ginpakita sa mga tagpalamati ag dayon ginsudlan nana dya et mga hanggud nga bato. Nagpamangkut sya sa mga tumuluo: “Puno un bala ong tabo ukon indi?” Owa nagsabat ong ana ginasermonan, gani ana pa gid dya ginbutangan et magagmay nga bato ag dayon ginbudboran et balas. Pagkatapos kaon, ana ginbubuan ong tabo et TUBI ag gindeklarar nga punopuno un gid ong tabo. Dayon ong pari nagsiling sa ana mga parokyano: “Kon aton baliskaron ong proceso et aton mga ginpangbutang sa tabo o kon gin-una naton ong pagbutang et tubi, tani, kagaina pa napuno ong tabo!”
Ano ong leksyon et estorya? Kon luyag naton ong bug-os nga kalipay, indi kita maglagas sa kalipay nga ginatao et kalibutan. Kay bisan daon un kanaton ong tanan nga manggad, kadungganan, ag kadayawan, ong aton kabuhi indi gid mangin kumpleto ag kulang kon owa naton UNA nga ginapangita si Kristo, ong tubi nga buhi, ong matuod nga bulong sa kauhaw et tawo.
FR. DODO
Ang aton Ebanghelyo sa sining ikatatlo nga Dominggo sang Kwaresma, nagapakita sa aton sang pagsumalang sang aton Ginuo sa isa ka babayi nga Samaria sa isa ka “bubon”.
Ang bubon sa isa ka disierto, masami nga madalum, agud makakuha ka sang bastante nga tubig, kag suno sa kustumbre sang mga Israelinhon, ang mga babayi amo ang “nagasag-ub” sang tubig. Amo gani nga ang aton eksena subong nga samtang ang aton Ginuo ‘naga-inum’ sang tubig sa amo nga bubon, may isa ka man ka babayi nga manugsag-ug sang tubig, kag ayhan ini nga babayi ginakapoy na sa sige gid nga binalik-balik sang pagsinag-ub. Sang iya mabati-an ang aton Ginuo nga nagasiling nga Siya may igahatag nga tubig nga kon siya makainum, INDI na gid siya pag-uhawon liwat, daw maano siya sa kalangkag sa pagpangayo sini sa aton Ginuo!
Apang ang aton Ginuo, nagatumud sa isa ka mas madalum pa gid nga bubon, kag ini amo ang bubon sang iya TAGIPUSU-ON. Kon siya lamang magkabuhi sa KAMATUORAN, kag indi magpanago sa landong sang kabutigan, siya makaita sang tuburan sang isa ka bag-o nga kabuhi sa diin ang Diyos amo ang iyamangin KAPUPUN-AN.
Nakahibalo ang aton Ginuo nga ini nga babayi may nagligad– nga siya nagkabuhi sa pito ka lalaki, kag ang iya ginapuyo subong indi sang iya nga bana, apang ginpasalig siya sang aton nga Ginuo, nga indi tungud kay siya may nagligad, wala na siya sang palaabuton. Siya sa gihapon, ginahigugma sang Diyos kon siya handa sa paglakat sa dalan sang pagbag-o!
FR. RONNIE
TUBI SA TABO
Manakara, madali un bulngon ong kauhaw et tawo. Luwas sa tubi, duro un et ‘soft drinks’ ag ‘energy drinks’. Ong kauhaw sa kasadya sarang mabulong et pag-imnanay et ‘beer’ o ‘whiskey’ o ‘tanduay rhum’. Ag kon kis-a may upod pa nga kalingawan.
Apang madula bala kaon ong kauhaw et kalag, ong madalum nga kauhaw sa matuod nga kalipay? Ong Ebanghelyo manakara nagatudlo nga si Kristo lamang ong may bulong sa kara nga kauhaw. Kon tubtob manakara, padayon pa kita nga nagalagas et kalipay bisan pa nga dara un kanaton ong manggad ag kadungganan, ayhan dya tungod kay owa pa gid naton makilala si Kristo.
“Nagdala ong isa ka pari et TABO sa ana sermon. Ana dya ginpakita sa mga tagpalamati ag dayon ginsudlan nana dya et mga hanggud nga bato. Nagpamangkut sya sa mga tumuluo: “Puno un bala ong tabo ukon indi?” Owa nagsabat ong ana ginasermonan, gani ana pa gid dya ginbutangan et magagmay nga bato ag dayon ginbudboran et balas. Pagkatapos kaon, ana ginbubuan ong tabo et TUBI ag gindeklarar nga punopuno un gid ong tabo. Dayon ong pari nagsiling sa ana mga parokyano: “Kon aton baliskaron ong proceso et aton mga ginpangbutang sa tabo o kon gin-una naton ong pagbutang et tubi, tani, kagaina pa napuno ong tabo!”
Ano ong leksyon et estorya? Kon luyag naton ong bug-os nga kalipay, indi kita maglagas sa kalipay nga ginatao et kalibutan. Kay bisan daon un kanaton ong tanan nga manggad, kadungganan, ag kadayawan, ong aton kabuhi indi gid mangin kumpleto ag kulang kon owa naton UNA nga ginapangita si Kristo, ong tubi nga buhi, ong matuod nga bulong sa kauhaw et tawo.
FR. DODO
Saturday, March 19, 2011
2nd Sunday of Lent (A)
ANG IYA GUYA NAGMASILAW
May mga tinion sa aton kabuhi nga ang aton mga mata ”naga-inggat” tungud sa kalipay, ukon ang aton guya, may ginapahayag nga “kapagsik”- indi ka “haggard” lantawon. Ini naga-abut sa aton sa masami kon kita maka-eksperyensya sang matahum nga balatyagon. Ini ginapahayag man sang una sa mga “love-letters” nga nagasiling: “Just being with you, I feel like walking on pink clouds!” Daw kanami lang batyagon kon ikaw “in-love”… daw ang tanan ara lang sa estado sang “ecstacy”- gikan sa tinaga nga “ex– stasis” buot silingon “ikaw nagatindong sa GWA SANG IMO KAUGALINGON.”- daw nagalutaw-lutaw lang ikaw sa kahanginan.
Sa aton Ebanghelyo subong, ang aton Ginuo, nag-eksperyensya man sining “moment of ecstacy” sa bagay nga nagmasilaw ang iya nawong, kag bisan pa gani ang iya nga bayu, nagmaputi nga wala sa bug-os nga kalibutan nga makatumbas sang kaputi sini! Siya nakabatyag sini tungud Iya na nakita ang Iya ginahulat nga himaya nga pagapakig-ambitan kaupod sa Iya Amay, kon matapos na ang Iya nga misyon sa paghalad sang Iya nga kabuhi sa Krus!
Ang presensya ni Moises kag ni Propeta Elias nga nagpahayag sang ila mga kaugalingon sa aton Ginuo, naghatag man sa aton Ginuo sang kabakud sa paghatag sang katumanan sa binubuot sang Amay.
Ang “TRANSFIGURATION” indi lamang sang tion sang paputi-puti sang mga bayo ukon pagmasilaw sang guya. Ini tion sa pagpainu-ino nga sa likud sang kasakit, may paglaum kag tunay nga KALIPAY!
FR. RONNIE
LUHA
“Ginoo, mayad gid nga dari taton duri!” – Amo on ong ginsiling ni Pedro pagkatapos et pagbalhin et dagway ni Kristo. Dya nagapahayag nga indi un sya buot maghalin idto sa ibabaw et bukid. Kon sa aton pa, si Pedro daw nagasiling: “Indi un ta magpanaug ah! Nami tana duri sa ibabaw. Indi un taton magpanaug sa idalum! Didto malain tana kay duro et problema, pinatyanay, kidnapanay, linibakay, traidoranay, linog ag tsunami…Duri un lang taton!”
Apang indi on ong dalan nga buot et Dios nga aton panawon. Owa et “SHORT CUT” paadto sa Pagkabanhaw. Gani si Kristo mismo ong nag-una sa tatlo ka mga Apostoles sa pagdulhog paidalum sa pagpakita nga ong ana “Transfiguration” isa lamang ka pasamit o patilaw o pagpasid-ing et himaya nga pagaangkunon man nanda kon sanda mag-upod lamang kanana ag magsunod sa ana dalan et Krus.
“Isa ka adlaw, ong tanan nga mga Angheles nagpanaug sa duta sa pagpangita et pinakamatahum nga regalo nga anda itao sa “Birthday Celebrator” nga amo ong Dios. Nagbalik sanda ag isa isa nga nagtao et anda regalo sa Ginoo. Ong “Birthday Boy” nalipay gid ag nagpasalamat kananda. Apang ong isa nga nagtao gid et pinakahanggud nga kalipay sa Dios amo ong isa ka anghel nga nagtao kanana et isa ka “LUHA”. Luha adto et isa ka tawo nga nagaluhod nga nagatiyabaw sa isa ka madulom nga kapilya bangud et kapiot, kabudlay ag kapaslawan sa pagpangabuhi. Ong Dios nagsiling: “Dya nga luha amo ong pinakatahum nga regalo nga akon nabaton. Kay dya luha et isa ka tawo, nga bisan sa ano pa nga kalisod ag kabug-at et kabuhi, PADAYON GIHAPON NGA NAGALAUM, NAGASALIG AG NAGATUO KANAKON!”
FR. DODO
May mga tinion sa aton kabuhi nga ang aton mga mata ”naga-inggat” tungud sa kalipay, ukon ang aton guya, may ginapahayag nga “kapagsik”- indi ka “haggard” lantawon. Ini naga-abut sa aton sa masami kon kita maka-eksperyensya sang matahum nga balatyagon. Ini ginapahayag man sang una sa mga “love-letters” nga nagasiling: “Just being with you, I feel like walking on pink clouds!” Daw kanami lang batyagon kon ikaw “in-love”… daw ang tanan ara lang sa estado sang “ecstacy”- gikan sa tinaga nga “ex– stasis” buot silingon “ikaw nagatindong sa GWA SANG IMO KAUGALINGON.”- daw nagalutaw-lutaw lang ikaw sa kahanginan.
Sa aton Ebanghelyo subong, ang aton Ginuo, nag-eksperyensya man sining “moment of ecstacy” sa bagay nga nagmasilaw ang iya nawong, kag bisan pa gani ang iya nga bayu, nagmaputi nga wala sa bug-os nga kalibutan nga makatumbas sang kaputi sini! Siya nakabatyag sini tungud Iya na nakita ang Iya ginahulat nga himaya nga pagapakig-ambitan kaupod sa Iya Amay, kon matapos na ang Iya nga misyon sa paghalad sang Iya nga kabuhi sa Krus!
Ang presensya ni Moises kag ni Propeta Elias nga nagpahayag sang ila mga kaugalingon sa aton Ginuo, naghatag man sa aton Ginuo sang kabakud sa paghatag sang katumanan sa binubuot sang Amay.
Ang “TRANSFIGURATION” indi lamang sang tion sang paputi-puti sang mga bayo ukon pagmasilaw sang guya. Ini tion sa pagpainu-ino nga sa likud sang kasakit, may paglaum kag tunay nga KALIPAY!
FR. RONNIE
LUHA
“Ginoo, mayad gid nga dari taton duri!” – Amo on ong ginsiling ni Pedro pagkatapos et pagbalhin et dagway ni Kristo. Dya nagapahayag nga indi un sya buot maghalin idto sa ibabaw et bukid. Kon sa aton pa, si Pedro daw nagasiling: “Indi un ta magpanaug ah! Nami tana duri sa ibabaw. Indi un taton magpanaug sa idalum! Didto malain tana kay duro et problema, pinatyanay, kidnapanay, linibakay, traidoranay, linog ag tsunami…Duri un lang taton!”
Apang indi on ong dalan nga buot et Dios nga aton panawon. Owa et “SHORT CUT” paadto sa Pagkabanhaw. Gani si Kristo mismo ong nag-una sa tatlo ka mga Apostoles sa pagdulhog paidalum sa pagpakita nga ong ana “Transfiguration” isa lamang ka pasamit o patilaw o pagpasid-ing et himaya nga pagaangkunon man nanda kon sanda mag-upod lamang kanana ag magsunod sa ana dalan et Krus.
“Isa ka adlaw, ong tanan nga mga Angheles nagpanaug sa duta sa pagpangita et pinakamatahum nga regalo nga anda itao sa “Birthday Celebrator” nga amo ong Dios. Nagbalik sanda ag isa isa nga nagtao et anda regalo sa Ginoo. Ong “Birthday Boy” nalipay gid ag nagpasalamat kananda. Apang ong isa nga nagtao gid et pinakahanggud nga kalipay sa Dios amo ong isa ka anghel nga nagtao kanana et isa ka “LUHA”. Luha adto et isa ka tawo nga nagaluhod nga nagatiyabaw sa isa ka madulom nga kapilya bangud et kapiot, kabudlay ag kapaslawan sa pagpangabuhi. Ong Dios nagsiling: “Dya nga luha amo ong pinakatahum nga regalo nga akon nabaton. Kay dya luha et isa ka tawo, nga bisan sa ano pa nga kalisod ag kabug-at et kabuhi, PADAYON GIHAPON NGA NAGALAUM, NAGASALIG AG NAGATUO KANAKON!”
FR. DODO
Saturday, March 12, 2011
1st Sun. of Lent (A)
HABOK VS KUPOS
Ang tanan nga mga pagsulay ginapatuhoy una sa tanan sa aton BUGAL. Ang panulay nagasudyut sa aton PAGPAHABOK sang aton kaugalingon… Kon ikaw Anak sang Diyos… kon ikaw ang hari… kon ikaw ang manager… kon tunay ka nga lalaki… kon ikaw maisug...kag iban pa nga mga panghangkat. Sumulud gani kita sa sini nga patibong, ang tanan mahapos na para sa demonyo!
Suno kay San Mateo sa aton Ebanghelyo, ang panulay indi sang tinuga nga may sungay, may bangkil, may ikug, ukon isa ka maitum nga “monster”. Para kay San Mateo ang panulay amo ang isa nga NAGASUDYOT O NAGA-ASOT sa aton sa pagbuhat sang kontra sa binubuot sang Diyos… naga-asot sa aton sa pagbuhat sang MALAIN. Sarang ini sila nga mangin aton barkada, pinakasu-od nga abyan, ginikanan, ukon utod! Amo ini sila ang nalipay maglantaw nga amat-amat naton nga ginasamad ang aton kaugalingon kag pangabuhi.
Ang demonyo nagatudlo sa aton sa paghandum sang isa ka mahapus nga pamaagi, ang pinakamadasig nga pahito, ang pinaka-”short-cut” sang mga butang nga aton ginahandum. Gani ang demonyo nagapakita sa aton sang “instant” nga resulta, mangin “sikat” pirmi, kag mangin manggaranon sa padali nga paagi.
Sa aton pagsugud sang panahon sang Kwaresma, ginapakita sa aton sang aton Ginuong Jesus ang pagpakigbato sa sini nga mga pagsulay– ang minatuod nga kadalag-an indi sa pamaagi nga masulhay kundi sa pamaagi sang KRUS!
FR. RONNIE
PAGTILAW
Ano gid bala ong buot silingon et tinaga nga TENTASYON? Dya naghalin sa tinaga nga griego nga “PEIRAZEIN” nga ong buot silingon “TO TEMPT”. Sa English, dya ginakabig masami ag pirme nga isa ka malain nga tinaga. Kay ong kahulogan kaon amo ong pagsulay sa isa ka tawo para maghimo et malain, para magpakasala, para maglisa sa husto nga dalan. Apang ong “peirazein” nga tinaga nga gingamit sa Biblia may daon pa gid nga iban nga kahulogan. Ag kaon amo ong “TO TEST” o PAGTILAW.
Por ejemplo, ong isa sa mga pinakamatahum nga estorya sa Daan nga Kasugtanan amo ong estorya ni Abraham nga kon sa diin gamayan nya lang sug-an ong ana ‘unico hijo’ nga si Isaac. Dya nagasugod sa kara nga mga tinaga: “Sang ulihe, ong Dios “NAG-TEMPT” kay Abraham…” (Gen 22,1) Klaro duri nga ong tinaga nga “to tempt” owa nagakahulogan et pagsulay agud mangin malain. Kay isa ka binuang ong magpanumdom nga ong Dios buot maghimo sa isa ka tawo nga magpakasala. Buot silingon, ong tinaga nga “to tempt” duri klaro nga nagakahulogan indi et pagsulay kundi pagtilaw. Nag-abot un ong tion et pinakahanggud nga PAGTILAW et Dios sa ‘loyalty’ – pagkatampad ni Abraham. Subong nga ong salsalon ginatilawan anay antes gamiton, gani ong tawo ginatalawan man et Dios antes nana sya ipadala ukon pahimuon et ana naluyagan.
Si San Ambrosio nagsiling: “Ong demonyo nagasulay agud sya mangguba; Ong Dios nagatilaw agud Sya mangkorona!” Buot silingon, ong tentasyon indi dapat sa aton maghatud sa sala; dapat dya maghatud kanaton sa pagdaug et sala. Indi dya dapat maghimo kanaton nga malain; dapat dya maghimo kanaton nga maayo. Indi dya dapat magpaluya kanaton, dya dapat magtinlo, magpino ag magpabakud kanaton.
FR. DODO
Ang tanan nga mga pagsulay ginapatuhoy una sa tanan sa aton BUGAL. Ang panulay nagasudyut sa aton PAGPAHABOK sang aton kaugalingon… Kon ikaw Anak sang Diyos… kon ikaw ang hari… kon ikaw ang manager… kon tunay ka nga lalaki… kon ikaw maisug...kag iban pa nga mga panghangkat. Sumulud gani kita sa sini nga patibong, ang tanan mahapos na para sa demonyo!
Suno kay San Mateo sa aton Ebanghelyo, ang panulay indi sang tinuga nga may sungay, may bangkil, may ikug, ukon isa ka maitum nga “monster”. Para kay San Mateo ang panulay amo ang isa nga NAGASUDYOT O NAGA-ASOT sa aton sa pagbuhat sang kontra sa binubuot sang Diyos… naga-asot sa aton sa pagbuhat sang MALAIN. Sarang ini sila nga mangin aton barkada, pinakasu-od nga abyan, ginikanan, ukon utod! Amo ini sila ang nalipay maglantaw nga amat-amat naton nga ginasamad ang aton kaugalingon kag pangabuhi.
Ang demonyo nagatudlo sa aton sa paghandum sang isa ka mahapus nga pamaagi, ang pinakamadasig nga pahito, ang pinaka-”short-cut” sang mga butang nga aton ginahandum. Gani ang demonyo nagapakita sa aton sang “instant” nga resulta, mangin “sikat” pirmi, kag mangin manggaranon sa padali nga paagi.
Sa aton pagsugud sang panahon sang Kwaresma, ginapakita sa aton sang aton Ginuong Jesus ang pagpakigbato sa sini nga mga pagsulay– ang minatuod nga kadalag-an indi sa pamaagi nga masulhay kundi sa pamaagi sang KRUS!
FR. RONNIE
PAGTILAW
Ano gid bala ong buot silingon et tinaga nga TENTASYON? Dya naghalin sa tinaga nga griego nga “PEIRAZEIN” nga ong buot silingon “TO TEMPT”. Sa English, dya ginakabig masami ag pirme nga isa ka malain nga tinaga. Kay ong kahulogan kaon amo ong pagsulay sa isa ka tawo para maghimo et malain, para magpakasala, para maglisa sa husto nga dalan. Apang ong “peirazein” nga tinaga nga gingamit sa Biblia may daon pa gid nga iban nga kahulogan. Ag kaon amo ong “TO TEST” o PAGTILAW.
Por ejemplo, ong isa sa mga pinakamatahum nga estorya sa Daan nga Kasugtanan amo ong estorya ni Abraham nga kon sa diin gamayan nya lang sug-an ong ana ‘unico hijo’ nga si Isaac. Dya nagasugod sa kara nga mga tinaga: “Sang ulihe, ong Dios “NAG-TEMPT” kay Abraham…” (Gen 22,1) Klaro duri nga ong tinaga nga “to tempt” owa nagakahulogan et pagsulay agud mangin malain. Kay isa ka binuang ong magpanumdom nga ong Dios buot maghimo sa isa ka tawo nga magpakasala. Buot silingon, ong tinaga nga “to tempt” duri klaro nga nagakahulogan indi et pagsulay kundi pagtilaw. Nag-abot un ong tion et pinakahanggud nga PAGTILAW et Dios sa ‘loyalty’ – pagkatampad ni Abraham. Subong nga ong salsalon ginatilawan anay antes gamiton, gani ong tawo ginatalawan man et Dios antes nana sya ipadala ukon pahimuon et ana naluyagan.
Si San Ambrosio nagsiling: “Ong demonyo nagasulay agud sya mangguba; Ong Dios nagatilaw agud Sya mangkorona!” Buot silingon, ong tentasyon indi dapat sa aton maghatud sa sala; dapat dya maghatud kanaton sa pagdaug et sala. Indi dya dapat maghimo kanaton nga malain; dapat dya maghimo kanaton nga maayo. Indi dya dapat magpaluya kanaton, dya dapat magtinlo, magpino ag magpabakud kanaton.
FR. DODO
Friday, March 4, 2011
9th Sun. Ord. Time (A)
KAY SIN-O OTORIDAD?
Sa tagsa ka pamangkut sa aton Ginuo sa mga hitabo sa Iya nga kabuhi, may yara gid Siya nga sabat sini. Bisan ano pa man ang “isyu”, indi gid Siya mawad-an sa Iya panglantaw sa mga hitabo kag sa Iya kaugalingon nga painu-ino. Ayhan masiling naton nga Siya isa ka “philosopher”, isa ka “abogado” ukon isa ka mangin-alamon nga nakahibalo sang tanan. Daw isa Siya ka “walking encyclopedia”. “Ask anything under the sun, and He will always have an answer!”
Ayhan amo sini ang panglantaw sang mga tawo sang una sa Iya ukon sang iban man sa aton subong. Apang ang aton Ginuo, sa akon pagpati, wala sa mga “klase” sang mga tawo nga aton ginsambit sa ibabaw. Siya isa ka tawo nga “tampad”- sinsero, nga ang iya lamang tinindugan amo ang iya “INTEGRIDAD”, kag ang Iya hinganiban amo ang KAMATUORAN. Wala Siya sang ginatago, wala Siya sang ginapasulabi, kag wala Siya sang ginapanagangan. Ginatan-ay Niya ang KAHILWAYAN sa tagsa-tagsa kag ang Iya panghangkat amo ang paglakat sa dalan sang PAGHIGUGMA subong nga Iya Amay GUGMA!
Amo gani nga wala Siya sang ginakahadlukan, bisan pa sa mga makapatay sang Iya nga lawas, tungud ang Iya pagkatawo mismo amo ang NAGAPANAKSI sang Iya ginabantala nga maayong balita.– “His works and personhood testifies to His integrity as a person!”
Bilang isa ka sumulunod Niya, kita man Iya gina-agda sa pag-agi sa dalan nga Iya gina-agyan– sa dalan sa diin kita mangin matuod-tuod nga HILWAY tungud aton ginahuptan ang KAMATUORAN KAG GUGMA!
FR. RONNIE
FACE THE MUSIC
Nakabati un bala kamo et hambalanon nga “Face the music”? Amo dya ong estorya sa likod kaon. Duro nga tinuig ong nagliligad, may isa ka tawo nga luyag magtukar sa isa ka ‘Imperial Orchestra’ apang owa gid sia et may naman-an bisan isa ka nota. Pero tungod kay sya manggaran ag impluwensyado nga tawo, sya nagdemand nga maentra sa orchestra agud sya makapasikat sa atubangan et Hari. Ong ‘conductor’ nagpasugot nga mapungko sia sa ikaywa nga raya et orchestra. Bisan indi sya kasayud matukar, sia gintaw-an et ‘plauta’. Ag kon mag-umpisa un gani ong konsyerto, ana dayon ginabayaw ong ana instrumento, magpahabok et ana gawi ag maghulaghulag et ana tudlo. Ana dya tanan ginahimo apang owa ka gid et mabatian nga tunog. Daw sa ‘lip sing’ lang gali.
Dya nga pagpakunokuno nagpadayon sa masunod nga daywa ka tuig. Ag isa ka adlaw, nagbag-o ong ‘conductor’ et orchestra. Ginhambalan nana ong orchestra nga gusto nana personal nga i-audition ong mga manugtukar agud masayran nana kon ano sanda kasagad. Pahalinon nana ong indi makaabot sa ana ‘standards’.
Isa isa nga nagperform ong mga manugtukar. Sang ana un nga torno sa pagperform, tungod sa kakulba, ong manugplauta nag-aloy. Apang nagpatawag et duktor ag nag-examine kanana ag nagdeklarar nga owa sia et sakit. Dayon ong bag-o nga ‘conductor’ nag-insist nga magtukar sia. Gani ong manugplauta, nga sobrasobra ong kahuya, nag-ako nga sia peke gali. Ag amo on ong adlaw nga sia nag-”face the music”.
Duro kanaton ong nagasiling nga kita nagatuo gid kay Kristo apang owa man naton ginasaksihan ong aton pagtuo. Duro kanaton ong nagasiling nga palangga naton ong Dios apang owa man naton ginasunod ag ginakabuhi ong ana mga gintudlo. Buot silingon, duro kanaton ong mga peke. Magaabot ong tion nga tanan kita magatindog sa atubangan et Hukom et langit ag duta ag maga-”face the music”. Owa un et makakatakata, makapaditol, makapakunokuno o makapanago sa kadam-an. Masayran un ong mga peke sa minatuod nga Katoliko. Tani indi kita masapwan upod sa mga peke.
FR. DODO
Sa tagsa ka pamangkut sa aton Ginuo sa mga hitabo sa Iya nga kabuhi, may yara gid Siya nga sabat sini. Bisan ano pa man ang “isyu”, indi gid Siya mawad-an sa Iya panglantaw sa mga hitabo kag sa Iya kaugalingon nga painu-ino. Ayhan masiling naton nga Siya isa ka “philosopher”, isa ka “abogado” ukon isa ka mangin-alamon nga nakahibalo sang tanan. Daw isa Siya ka “walking encyclopedia”. “Ask anything under the sun, and He will always have an answer!”
Ayhan amo sini ang panglantaw sang mga tawo sang una sa Iya ukon sang iban man sa aton subong. Apang ang aton Ginuo, sa akon pagpati, wala sa mga “klase” sang mga tawo nga aton ginsambit sa ibabaw. Siya isa ka tawo nga “tampad”- sinsero, nga ang iya lamang tinindugan amo ang iya “INTEGRIDAD”, kag ang Iya hinganiban amo ang KAMATUORAN. Wala Siya sang ginatago, wala Siya sang ginapasulabi, kag wala Siya sang ginapanagangan. Ginatan-ay Niya ang KAHILWAYAN sa tagsa-tagsa kag ang Iya panghangkat amo ang paglakat sa dalan sang PAGHIGUGMA subong nga Iya Amay GUGMA!
Amo gani nga wala Siya sang ginakahadlukan, bisan pa sa mga makapatay sang Iya nga lawas, tungud ang Iya pagkatawo mismo amo ang NAGAPANAKSI sang Iya ginabantala nga maayong balita.– “His works and personhood testifies to His integrity as a person!”
Bilang isa ka sumulunod Niya, kita man Iya gina-agda sa pag-agi sa dalan nga Iya gina-agyan– sa dalan sa diin kita mangin matuod-tuod nga HILWAY tungud aton ginahuptan ang KAMATUORAN KAG GUGMA!
FR. RONNIE
FACE THE MUSIC
Nakabati un bala kamo et hambalanon nga “Face the music”? Amo dya ong estorya sa likod kaon. Duro nga tinuig ong nagliligad, may isa ka tawo nga luyag magtukar sa isa ka ‘Imperial Orchestra’ apang owa gid sia et may naman-an bisan isa ka nota. Pero tungod kay sya manggaran ag impluwensyado nga tawo, sya nagdemand nga maentra sa orchestra agud sya makapasikat sa atubangan et Hari. Ong ‘conductor’ nagpasugot nga mapungko sia sa ikaywa nga raya et orchestra. Bisan indi sya kasayud matukar, sia gintaw-an et ‘plauta’. Ag kon mag-umpisa un gani ong konsyerto, ana dayon ginabayaw ong ana instrumento, magpahabok et ana gawi ag maghulaghulag et ana tudlo. Ana dya tanan ginahimo apang owa ka gid et mabatian nga tunog. Daw sa ‘lip sing’ lang gali.
Dya nga pagpakunokuno nagpadayon sa masunod nga daywa ka tuig. Ag isa ka adlaw, nagbag-o ong ‘conductor’ et orchestra. Ginhambalan nana ong orchestra nga gusto nana personal nga i-audition ong mga manugtukar agud masayran nana kon ano sanda kasagad. Pahalinon nana ong indi makaabot sa ana ‘standards’.
Isa isa nga nagperform ong mga manugtukar. Sang ana un nga torno sa pagperform, tungod sa kakulba, ong manugplauta nag-aloy. Apang nagpatawag et duktor ag nag-examine kanana ag nagdeklarar nga owa sia et sakit. Dayon ong bag-o nga ‘conductor’ nag-insist nga magtukar sia. Gani ong manugplauta, nga sobrasobra ong kahuya, nag-ako nga sia peke gali. Ag amo on ong adlaw nga sia nag-”face the music”.
Duro kanaton ong nagasiling nga kita nagatuo gid kay Kristo apang owa man naton ginasaksihan ong aton pagtuo. Duro kanaton ong nagasiling nga palangga naton ong Dios apang owa man naton ginasunod ag ginakabuhi ong ana mga gintudlo. Buot silingon, duro kanaton ong mga peke. Magaabot ong tion nga tanan kita magatindog sa atubangan et Hukom et langit ag duta ag maga-”face the music”. Owa un et makakatakata, makapaditol, makapakunokuno o makapanago sa kadam-an. Masayran un ong mga peke sa minatuod nga Katoliko. Tani indi kita masapwan upod sa mga peke.
FR. DODO
Wednesday, March 2, 2011
8th Sunday Ord. Time (A)
SWEET SURRENDER
Amo ini ang titulo sang kanta ni John Denver. Ini nagapadayon sa masunod nga mga tinaga: “Sweet, sweet surrender, live, live without care. Like a fish in the water, like a bird in the air.” Ini nagapahayag sang panglantaw sang kabuhi nga may PAGSALIG!
Sa aton Ebanghelyo subong, ginapakita sang aton Ginuo ang sabat sa masami naton nga ginapamangkut sa aton kabuhi: “San- o pa bala ako makapahuway?” Sa aton pagkabuhi nagakalumos-lumos na kita masami sa sobra nga kasaku-on o kapakaton. Ginakulang na ang aton kaugalingon sa pahuway. Indi bala nga kon agdahon kita sa mga buluhaton ukon mga aktibidades, ang masami naton nga ginasabat: “Kamo nalang, kay pakat gid ako”. Pakat sa ano? Sa pagpangita sang aton pangabuhi-anan.
Gina-agda kita sang aton Ginuo sa paglantaw sa mga kapispisan sa kahawaan, kag sa mga bulak sa latagon. Wala sila nagapanrabaho, apang GINASAGUD sila sang aton Amay sa langit! Ayhan pa kita nga gintuga sa laragway sang Diyos?
Wala nagasiling ang aton Ginuo nga magpalando-lando kita sa aton kabuhi, kundi nga katulad sa mga kapispisan kag mga bulak, aton ipahamtang ang aton kabuhi sa BUG-OS nga PAGSALIG sa aton Amay sa langit. Isa ka kabuhi nga MAPINASALAMATON kon ano man ang IHATAG sang Diyos sa aton, kag indi na kita maghandum sa mga bagay nga sa pagkamatuod, INDI MAN gani naton KINAHANGLANON! Kon ang Diyos amo ang NAGAPUNO sa aton, ang tanan PAAMAN nalang!
FR. RONNIE
MAMON
Ong “MAMON” isa ka tinaga nga Hebreo nga ong buot silingon “Material Possessions” ukon dutan-on nga manggad. Ong ensakto nga ‘spelling’ kaon amo nga dya may isa lang ka “M” ag indi daywa. Buot silingon, indi et “Mammon” kundi “Mamon” lang.
Sang una-una gid, indi dya malain nga tinaga. Dya naghalin sa isa ka “root word” nga ong kahulugan “to entrust” ukon ‘itugyan’. Gani ong ‘mamon’ amo ong butang nga ginatugyan et isa ka tawo sa banko ukon sa isa ka masaligan nga talalaguan. Dya amo ong manggad nga ginatugyan et isa ka tawo sa isa ka tawo agud mahinalungon nga taguon para kanana. Apang sa pagligad et panahon, ong ‘mamon’ owa un nagakahulogan et isa ka butang nga ginatugyan et isa ka tawo agud taguon kundi sang butang konsadiin ginatugyan et tawo ong ana pagsalig. Gani sa punta, ong ‘mamon’ owa un ginabasa nga may gamay nga ‘m’ kundi ginabadbad bilang may hanggud o “Capital” nga “M”. Buot silingon, dya ginakabig un nga daw dios.
Amo dya ong aton dumdomon sa paghambal ni Kristo nga: “You cannot serve both God and mamon!” (Indi kamo makaalagad sa Dios ag sa manggad!) Sya liwat nga nagatudlo kanaton nga sa aton kabuhi, dapat sya ong numero uno, sya gid ong aton palanggaon ag indi ong mga kalibutanon nga manggad nga sya man lang ong nagtuga ag nagtao kanaton. Sya nagapaandam nga indi kita dapat maglagas, magpalangga et todo ukon mangin ulipon et mga manggad et karang kalibutan, nga aton un Sya malipatan ag ong Ginaharian et Langit – ong kabuhi nga nagaumpisa sa aton pagpanaw halin sa karang nagalipas nga kalibutan. Gani, ong Dios gid man bala ong aton ginasaligan?
FR. DODO
Amo ini ang titulo sang kanta ni John Denver. Ini nagapadayon sa masunod nga mga tinaga: “Sweet, sweet surrender, live, live without care. Like a fish in the water, like a bird in the air.” Ini nagapahayag sang panglantaw sang kabuhi nga may PAGSALIG!
Sa aton Ebanghelyo subong, ginapakita sang aton Ginuo ang sabat sa masami naton nga ginapamangkut sa aton kabuhi: “San- o pa bala ako makapahuway?” Sa aton pagkabuhi nagakalumos-lumos na kita masami sa sobra nga kasaku-on o kapakaton. Ginakulang na ang aton kaugalingon sa pahuway. Indi bala nga kon agdahon kita sa mga buluhaton ukon mga aktibidades, ang masami naton nga ginasabat: “Kamo nalang, kay pakat gid ako”. Pakat sa ano? Sa pagpangita sang aton pangabuhi-anan.
Gina-agda kita sang aton Ginuo sa paglantaw sa mga kapispisan sa kahawaan, kag sa mga bulak sa latagon. Wala sila nagapanrabaho, apang GINASAGUD sila sang aton Amay sa langit! Ayhan pa kita nga gintuga sa laragway sang Diyos?
Wala nagasiling ang aton Ginuo nga magpalando-lando kita sa aton kabuhi, kundi nga katulad sa mga kapispisan kag mga bulak, aton ipahamtang ang aton kabuhi sa BUG-OS nga PAGSALIG sa aton Amay sa langit. Isa ka kabuhi nga MAPINASALAMATON kon ano man ang IHATAG sang Diyos sa aton, kag indi na kita maghandum sa mga bagay nga sa pagkamatuod, INDI MAN gani naton KINAHANGLANON! Kon ang Diyos amo ang NAGAPUNO sa aton, ang tanan PAAMAN nalang!
FR. RONNIE
MAMON
Ong “MAMON” isa ka tinaga nga Hebreo nga ong buot silingon “Material Possessions” ukon dutan-on nga manggad. Ong ensakto nga ‘spelling’ kaon amo nga dya may isa lang ka “M” ag indi daywa. Buot silingon, indi et “Mammon” kundi “Mamon” lang.
Sang una-una gid, indi dya malain nga tinaga. Dya naghalin sa isa ka “root word” nga ong kahulugan “to entrust” ukon ‘itugyan’. Gani ong ‘mamon’ amo ong butang nga ginatugyan et isa ka tawo sa banko ukon sa isa ka masaligan nga talalaguan. Dya amo ong manggad nga ginatugyan et isa ka tawo sa isa ka tawo agud mahinalungon nga taguon para kanana. Apang sa pagligad et panahon, ong ‘mamon’ owa un nagakahulogan et isa ka butang nga ginatugyan et isa ka tawo agud taguon kundi sang butang konsadiin ginatugyan et tawo ong ana pagsalig. Gani sa punta, ong ‘mamon’ owa un ginabasa nga may gamay nga ‘m’ kundi ginabadbad bilang may hanggud o “Capital” nga “M”. Buot silingon, dya ginakabig un nga daw dios.
Amo dya ong aton dumdomon sa paghambal ni Kristo nga: “You cannot serve both God and mamon!” (Indi kamo makaalagad sa Dios ag sa manggad!) Sya liwat nga nagatudlo kanaton nga sa aton kabuhi, dapat sya ong numero uno, sya gid ong aton palanggaon ag indi ong mga kalibutanon nga manggad nga sya man lang ong nagtuga ag nagtao kanaton. Sya nagapaandam nga indi kita dapat maglagas, magpalangga et todo ukon mangin ulipon et mga manggad et karang kalibutan, nga aton un Sya malipatan ag ong Ginaharian et Langit – ong kabuhi nga nagaumpisa sa aton pagpanaw halin sa karang nagalipas nga kalibutan. Gani, ong Dios gid man bala ong aton ginasaligan?
FR. DODO
Saturday, February 19, 2011
7th Sunday Ord. Time (A)
MANGIN… HIMPIT!
Sang ang aton Ginuong Jesus ang nag-interpretar sang layi, Iya ini ginhatagan sang bag-o nga kahulugan. Iya ginpahayag ang matuod nga “painu-ino” sang Amay. Ang layi indi lamang pagkuhaan sang base sa iya “minimo” nga talaksan nga amo ang “hustisya” kundi may malapad ini nga sadsaran nga amo ang “bugay kag paghigugma” sang Diyos.
Ang “daan” nga layi sang PAGTIMALOS, isa lamang nga “limitado” nga tikang sa pag-angkon sang kahusayan! Ano gid kon makabalos ka? Ano dayon? Ini magatuga lamang sang pagtimalos man sang imo nga ginbalusan. Gani ang matabo, BALUSAY– Balos-balos… wala sang katapusan. Sa ulihi nagatini-og-ti-ug nalang kita sa sistema sang isa ka kadena nga indi mabadbad!
Ang aton Ginuo naghatag sang isa ka sahi sang kabuhi (way of life) nga nagbag-o sang kahulugan sang layi sang pagtimalos. Ang layi nga mapiguson, nahimo nga gabay sang kabuhi sang paghigugma kag kaluoy! Para sa aton Ginuo, ang pagtuman sang layi indi mapuno paagi sa pagtimalos, kundi sa pamaagi lamang sa PAGHIGUGMA!
Ano bala ang nagahimo sang Kristiyanismo nga lain sang sa iban nga relihiyon sa bug-os nga kalibutan? Ini amo ang GRASYA ukon BUGAY sang Diyos– sa pagkabig sa aton isigkatawo INDI suno sa aton talaksan, kundi suno sa talaksan sang Diyos!- Ang Diyos maalwan sa maayo kag malain… sa mga balaan kag mga makasasala— tungud Siya HIMPIT! Bilang Iya mga anak kita man ginaagda nga mangin himpit!
FR. RONNIE
PAGKA-MAPINATAWARON
“Tani patawaron sya et Dios. Luyag ko nga mapalangit man sya!”, ong mga panaghoy ni Santa Maria Goretti, onse anyos nga unga, samtang ginabuno sya et isa ka 19-anyos nga pamatan-on.
Ong leksyon et aton Ebanghelyo owa un nagakinahanglan pa et duro nga “emphasizing”. Kon gusto naton mangin minatuod nga mga Kristiano, KINAHANGLAN NATON PATAWARON ONG NAKASAKIT O NAKASALA KANATON! Ngaman? “Kita nagapatawad tungod kita nagahigugma!”, siling ni Francois De La Rochefoucauld. Kinahanglan naton palanggaon ong tanan nga mga tawo, ong aton mga amigo ag bisan pa ong aton mga kaaway. Siling ni G. K. Chesterton: “Kita ginasugo sa paghigugma sa aton mga isigkatawo ag sa aton mga kaaway. Ag sanda palareho lang man nga mga tawo.”
“Isa ka adlaw, gindapal si Ton2 et ana magulang nga si Mac2. Gani sya naghibi ag nagdumot sa ana magulang. Sang sya manugkatyog un sa gab-I ag manugpangadi et ana “night prayers”, sya ginhutikan et ana mama, “Gusto ko nga patawaron mo anay si manong mo!” Apang owa sa modo si Ton2 nga magpatawad. Ong ana mama naghimo un et tanan nga klase et paglaygay ag pag-engganyo apang owa gid et epekto.
Sa katapusan, sya naghambal: “Ti ano karon kon ong utod mo mapatay manakara nga gab-I, indi ka bala pagkonsensyahon nga owa mo sya napatawad?” Daw sa natouch man ong isot nga taguipusuon ni Ton2, gani sya nagsiling: “Ok ginapatawad ko un sya!” Ag ana pa gindugangan: “Pero kon buhi pa sya hin-aga, dapalon ko man sia ha!”
Siling ni Henry Ward Beecher: “Makapatawad ako apang indi gid ako malipat” hai pareho man lang sa hambalanon nga “Indi ako makapatawad!” Kristiano gid man bala kita? Ukon Mapinatawaron gid man bala taton?
Mabuhay ong Maalwan nga mga Mambusaonon!
FR. DODO
Sang ang aton Ginuong Jesus ang nag-interpretar sang layi, Iya ini ginhatagan sang bag-o nga kahulugan. Iya ginpahayag ang matuod nga “painu-ino” sang Amay. Ang layi indi lamang pagkuhaan sang base sa iya “minimo” nga talaksan nga amo ang “hustisya” kundi may malapad ini nga sadsaran nga amo ang “bugay kag paghigugma” sang Diyos.
Ang “daan” nga layi sang PAGTIMALOS, isa lamang nga “limitado” nga tikang sa pag-angkon sang kahusayan! Ano gid kon makabalos ka? Ano dayon? Ini magatuga lamang sang pagtimalos man sang imo nga ginbalusan. Gani ang matabo, BALUSAY– Balos-balos… wala sang katapusan. Sa ulihi nagatini-og-ti-ug nalang kita sa sistema sang isa ka kadena nga indi mabadbad!
Ang aton Ginuo naghatag sang isa ka sahi sang kabuhi (way of life) nga nagbag-o sang kahulugan sang layi sang pagtimalos. Ang layi nga mapiguson, nahimo nga gabay sang kabuhi sang paghigugma kag kaluoy! Para sa aton Ginuo, ang pagtuman sang layi indi mapuno paagi sa pagtimalos, kundi sa pamaagi lamang sa PAGHIGUGMA!
Ano bala ang nagahimo sang Kristiyanismo nga lain sang sa iban nga relihiyon sa bug-os nga kalibutan? Ini amo ang GRASYA ukon BUGAY sang Diyos– sa pagkabig sa aton isigkatawo INDI suno sa aton talaksan, kundi suno sa talaksan sang Diyos!- Ang Diyos maalwan sa maayo kag malain… sa mga balaan kag mga makasasala— tungud Siya HIMPIT! Bilang Iya mga anak kita man ginaagda nga mangin himpit!
FR. RONNIE
PAGKA-MAPINATAWARON
“Tani patawaron sya et Dios. Luyag ko nga mapalangit man sya!”, ong mga panaghoy ni Santa Maria Goretti, onse anyos nga unga, samtang ginabuno sya et isa ka 19-anyos nga pamatan-on.
Ong leksyon et aton Ebanghelyo owa un nagakinahanglan pa et duro nga “emphasizing”. Kon gusto naton mangin minatuod nga mga Kristiano, KINAHANGLAN NATON PATAWARON ONG NAKASAKIT O NAKASALA KANATON! Ngaman? “Kita nagapatawad tungod kita nagahigugma!”, siling ni Francois De La Rochefoucauld. Kinahanglan naton palanggaon ong tanan nga mga tawo, ong aton mga amigo ag bisan pa ong aton mga kaaway. Siling ni G. K. Chesterton: “Kita ginasugo sa paghigugma sa aton mga isigkatawo ag sa aton mga kaaway. Ag sanda palareho lang man nga mga tawo.”
“Isa ka adlaw, gindapal si Ton2 et ana magulang nga si Mac2. Gani sya naghibi ag nagdumot sa ana magulang. Sang sya manugkatyog un sa gab-I ag manugpangadi et ana “night prayers”, sya ginhutikan et ana mama, “Gusto ko nga patawaron mo anay si manong mo!” Apang owa sa modo si Ton2 nga magpatawad. Ong ana mama naghimo un et tanan nga klase et paglaygay ag pag-engganyo apang owa gid et epekto.
Sa katapusan, sya naghambal: “Ti ano karon kon ong utod mo mapatay manakara nga gab-I, indi ka bala pagkonsensyahon nga owa mo sya napatawad?” Daw sa natouch man ong isot nga taguipusuon ni Ton2, gani sya nagsiling: “Ok ginapatawad ko un sya!” Ag ana pa gindugangan: “Pero kon buhi pa sya hin-aga, dapalon ko man sia ha!”
Siling ni Henry Ward Beecher: “Makapatawad ako apang indi gid ako malipat” hai pareho man lang sa hambalanon nga “Indi ako makapatawad!” Kristiano gid man bala kita? Ukon Mapinatawaron gid man bala taton?
Mabuhay ong Maalwan nga mga Mambusaonon!
FR. DODO
Tuesday, February 15, 2011
6th Sunday Ord. Time (A)
NAGKARI SA PAGPATUMAN SANG LAYI
Sa aton Ebanghelyo subong, ang aton Ginuo nagpaathag sang kasugu-an kag sang iya nga kahulugan sini. Ang layi ginbuhat agud indi mangin “mabug-at” ang kabuhi sang tawo, kundi indi agud magpamag-an sang iya kabuhi nga ini mangin “mabinungahon, mangin balaan, mangin mahidaiton, kag mangin malipayon.
Ang diperensya lang sang mga manunudlo sang kasuguan sang panahon sang aton Ginuo, kay tungud sang ila tuman nga “kaid-id”, madamo na sila sang gindugang nga mga “paaman” sa diin ini nangin kabangdanan nga mangin pabug-at na sa pagtuman sang minatuod nga kahulugan sang layi.
Ayhan amo man ini sa aton panahon subong. Sang nagligad nga eleksyon para sa aton pangulo sang aton pungsud, ginpamangkot si P-Noy, ang aton presidente subong: “Ngaman sa tanan nga mga senador, siya lang ang ‘wala’ sang ginpasa nga layi sa Pilipinas?”. Ang iya nga sabat: “Indi naton kinahanglan sang mga layi, tungud ara na ina tanan nasulat sa aton Konstitusyon. Ang aton lang kinahanglan, amo ang pagpatuman sini!”
Amo gani nga ginasiling nga ang RH Bill, indi na kinahanglanon naton tungud ang tanan nga nasulat dira ara nabutang sa mga Health Bills sang una pa nga panahon. Ang RH bill, sa pagkamatuod, nagasupak sang aton Konstitusyon tungud ini nagalapak sang kinamatarong sang tawo, ilabi na gid sang “lapsag” nga mabuhi! Indi kita dapat mangin upang sa tinutuyo sang Diyos. Amo ini ang kahulugan sang layi!
FR. RONNIE
PINAKA-THE BEST NGA PAGKAKATOLIKO
“Ong Reyna et Englatera pirme lang nagaduaw sa ‘Bob Morrow Castle’. Isa ka adlaw, samtang nagapanaw sya paadto didto, nag-ulan et mabaskug. Gani nagdalagan sya sa isa ka balay. Ong tag-iya et balay buringot nga nagpanumdom nga “Sin-o man tana dya nga istorbo sa ana ginaobra sa kaon nga aga man?”. Ana ginbuksan ong pwertahan et istan ag naglahay: “Ano to?” Ong Reyna owa nagpakilala ko sin-o sya. Ana lang ginhambal nga “Pwede ko makahulam et imo payong?” “Dali lang!”, ngurob et babaye. Dayon ana ginlampos ong pwertahan, nadula et makadali, ag nagbalik nga bitbit ong pinakakalaw-ayon nga payong, balibali ong pakaw ag duro lubot. Ginduso nana dya sa guang et pwertahan ag naghambal: “Dari oh!”. Ong Reyna et Englatera nagpasalamat kanana ag nagpanaw nga usar ong ana kalainorn nga payong.
Pagkahin-aga, ong tanan nga mga “escort” et Reyna, nga nakasuksok et anda ‘royal uniform’, nagpondo sa tupad et ana balay. Ong isa nagpanuktok ag nag-uli et payong sa babaye nga nagasiling: “Ong Reyna et Englatera nagapasalamat gid kanimo!”. Sang nagapalayo un sya, ana nabatian ong babaye nga naghambal sa ana kaugalingon: “Kon nasaydan ko lang, tani gintao ko gid ong akon pinaka-“THE BEST” nga payong kanana!”
Sa isa ka adlaw, tanan kita magatindog sa atubangan et Hari et Langit ag ong iban aton man mabatian nga gasiling: “Kon kamaan lang takon, tani gintao ko gid ong akon pinaka-“the Best” kanimo, Ginuo!” Ong minatuod kaon, KASAYUD KITA, apang duro kanaton gihapon ong padayon nga nagatao sa kay Kristo et mga pasi, lub-ok, ban-os, peke, ukon ‘sobra sa aton kinan-an” nga klase et pagpangabuhi kanana.
Palangga gid kita et Dios. Ag tungod kaon, gintao gid nana kanaton ong ana PINAKA-THE BEST, ong ana Anak. Tani itao ta man kanana ong aton pinaka-the best nga pagpangabuhi ag pamatasan.
FR. DODO
Sa aton Ebanghelyo subong, ang aton Ginuo nagpaathag sang kasugu-an kag sang iya nga kahulugan sini. Ang layi ginbuhat agud indi mangin “mabug-at” ang kabuhi sang tawo, kundi indi agud magpamag-an sang iya kabuhi nga ini mangin “mabinungahon, mangin balaan, mangin mahidaiton, kag mangin malipayon.
Ang diperensya lang sang mga manunudlo sang kasuguan sang panahon sang aton Ginuo, kay tungud sang ila tuman nga “kaid-id”, madamo na sila sang gindugang nga mga “paaman” sa diin ini nangin kabangdanan nga mangin pabug-at na sa pagtuman sang minatuod nga kahulugan sang layi.
Ayhan amo man ini sa aton panahon subong. Sang nagligad nga eleksyon para sa aton pangulo sang aton pungsud, ginpamangkot si P-Noy, ang aton presidente subong: “Ngaman sa tanan nga mga senador, siya lang ang ‘wala’ sang ginpasa nga layi sa Pilipinas?”. Ang iya nga sabat: “Indi naton kinahanglan sang mga layi, tungud ara na ina tanan nasulat sa aton Konstitusyon. Ang aton lang kinahanglan, amo ang pagpatuman sini!”
Amo gani nga ginasiling nga ang RH Bill, indi na kinahanglanon naton tungud ang tanan nga nasulat dira ara nabutang sa mga Health Bills sang una pa nga panahon. Ang RH bill, sa pagkamatuod, nagasupak sang aton Konstitusyon tungud ini nagalapak sang kinamatarong sang tawo, ilabi na gid sang “lapsag” nga mabuhi! Indi kita dapat mangin upang sa tinutuyo sang Diyos. Amo ini ang kahulugan sang layi!
FR. RONNIE
PINAKA-THE BEST NGA PAGKAKATOLIKO
“Ong Reyna et Englatera pirme lang nagaduaw sa ‘Bob Morrow Castle’. Isa ka adlaw, samtang nagapanaw sya paadto didto, nag-ulan et mabaskug. Gani nagdalagan sya sa isa ka balay. Ong tag-iya et balay buringot nga nagpanumdom nga “Sin-o man tana dya nga istorbo sa ana ginaobra sa kaon nga aga man?”. Ana ginbuksan ong pwertahan et istan ag naglahay: “Ano to?” Ong Reyna owa nagpakilala ko sin-o sya. Ana lang ginhambal nga “Pwede ko makahulam et imo payong?” “Dali lang!”, ngurob et babaye. Dayon ana ginlampos ong pwertahan, nadula et makadali, ag nagbalik nga bitbit ong pinakakalaw-ayon nga payong, balibali ong pakaw ag duro lubot. Ginduso nana dya sa guang et pwertahan ag naghambal: “Dari oh!”. Ong Reyna et Englatera nagpasalamat kanana ag nagpanaw nga usar ong ana kalainorn nga payong.
Pagkahin-aga, ong tanan nga mga “escort” et Reyna, nga nakasuksok et anda ‘royal uniform’, nagpondo sa tupad et ana balay. Ong isa nagpanuktok ag nag-uli et payong sa babaye nga nagasiling: “Ong Reyna et Englatera nagapasalamat gid kanimo!”. Sang nagapalayo un sya, ana nabatian ong babaye nga naghambal sa ana kaugalingon: “Kon nasaydan ko lang, tani gintao ko gid ong akon pinaka-“THE BEST” nga payong kanana!”
Sa isa ka adlaw, tanan kita magatindog sa atubangan et Hari et Langit ag ong iban aton man mabatian nga gasiling: “Kon kamaan lang takon, tani gintao ko gid ong akon pinaka-“the Best” kanimo, Ginuo!” Ong minatuod kaon, KASAYUD KITA, apang duro kanaton gihapon ong padayon nga nagatao sa kay Kristo et mga pasi, lub-ok, ban-os, peke, ukon ‘sobra sa aton kinan-an” nga klase et pagpangabuhi kanana.
Palangga gid kita et Dios. Ag tungod kaon, gintao gid nana kanaton ong ana PINAKA-THE BEST, ong ana Anak. Tani itao ta man kanana ong aton pinaka-the best nga pagpangabuhi ag pamatasan.
FR. DODO
5th Sunday Ord. Time (A)
PASABOR SANG KALIBUTAN
Ano ang matudlo sa aton sang asin kag iwag nahanungud sa Diyos kag sa Iya nga pag-gahum diri sa duta? Si Jesus nagagamit sang mga “ordinaryo” nga mga butang sa pagpaathag sang mga butang nga “langitnon”. Katulad na lang abi sang ASIN kag sang IWAG.
Sadto nga panahon, ang asin ginakabig nga isa sa mga importante nga kinahanglanon. Ang mga tawo nagakabig sini nga daw katulad sang bulawan ukon mga “stocks” sa aton stock-market sa subong nga panahon. Ang asin amo man ang pinakamaayo nga ginagamit sang wala pa madiskubre ang “elektrisidad” kag maimbento ang mga “refrigerators’. Indi lamang nga ang asin nagahatag sang “sabor” sa pagkaon, kundi ini nagapugong man sa pagkaon nga indi madali magpan-os. Subong nga ang asin nagapanalupsup sa ginabutangan sini, amo man ang isa ka sumulunod sang aton Ginuong Jesus. Dapat siya magpanalupsup sa kabuhi sang katilingban kag mangin bahin sini!
Amo man ang iwag. Bisan subong, nagakinahanglan kita sang iwag sa aton kabuhi. Tan-awa na lang kon sa tunga sang kagab-ihon, gulpi mag “brown-out”. Ano ang aton nga reaksyon? Indi bala ang kalabanan nagasinggit tungud sa hinali nga pagdulum? Ang iban gani indi makaginhawa sang maayo! Ang iwag nagahatag sa aton sang kapawa nga kinahanglan agud indi kita masandad ukon madasma. Sa mga Judeo, ang iwag nagasimbolo sang matuod nga katahum, kamatuoran, kag kaayo sang Mahal nga Diyos. Kita? Asin kag Kapawa man bala kita sa tagsa-tagsa?
FR. RONNIE
ASIN AG KAPAWA
Kita ginatawag ni Kristo nga ASIN ag KAPAWA et kalibutan. Ano ong ana buot silingon kaon?
Tatlo ong pulos et ASIN: Una, ong Asin tanda et PURITY – kaputi, katinlo ag kaputli. Kon ong isa ka Kristiano buot nga mangin asin et kalibutan, dapat sya mangin ehemplo et katinlo sa ana ginahambal, ginahimo ag ginapanumdom. Ikaywa, ong Asin amo ong pinakaginagamit nga PRESERVATIVE. Dya ginausar sa pagbato et pagkaban-os et mga pagkaon. Buot silingon, ong isa ka Kristiano isa ka tawo nga nagakontra sa kurapsyon sa ana palibot. Ikatlo, ong Asin nagatao et SABOR sa pagkaon. Ong isa ka Kristiano isa ka tawo nga manugtao et Kalipay o Kasadya sa ana isigkatawo sa tunga et mga kalalat-an ag kalisdanan et kalibutan.
Tatlo man ong buot silingon et KAPAWA: Una, Ong Kapawa dapat makita ukon VISIBLE. Ong aton pagkaKristiano dapat ipakita ta sa aton ordinaryo nga mga ginahimo sa kalibutan. Dapat ipakita ta dya sa paagi kon paano kita mag-order sa restaurant, kon paano kita magtrato sa aton mga suluguon o empleyado ukon employer, kon paano kita maghampang, magdrive ukon magparking et aton mga salakyan, sa mga lingwahe nga aton ginahambal ag kon ano ong aton ginabasa ag ginalantaw. Ong Kristiano indi lamang Kristiano sa Simbahan kundi Kristiano man bisan sa opisina, eskwelahan, hospital, basketball court, balay, sa sala, kusina ukon bisan sa CR pa… Ikaywa, ong Kapawa isa ka GIYA. Buot silingon, ong isa ka Kristiano dapat amo ong mag-una ukon ililogan et pagkabuhi nga husto, maayo ag matarung. Ikatlo, Ong Kapawa isa ka WARNING. Isa ka obligasyon et isa ka Kristiano ong pagpahanumdom, sa ngalan et gugma, sa ana isigkatawo sa pagbalik sa Dios kon dya nagalisa sa ana pagkabuhi. Agud nga indi lamang sya, kundi kita tanan ong makapalangit.
Gani matuod gid man bala kita nga Asin ag Kapawa et kalibutan suno sa ginhambal et Ginuo?
FR. DODO
Ano ang matudlo sa aton sang asin kag iwag nahanungud sa Diyos kag sa Iya nga pag-gahum diri sa duta? Si Jesus nagagamit sang mga “ordinaryo” nga mga butang sa pagpaathag sang mga butang nga “langitnon”. Katulad na lang abi sang ASIN kag sang IWAG.
Sadto nga panahon, ang asin ginakabig nga isa sa mga importante nga kinahanglanon. Ang mga tawo nagakabig sini nga daw katulad sang bulawan ukon mga “stocks” sa aton stock-market sa subong nga panahon. Ang asin amo man ang pinakamaayo nga ginagamit sang wala pa madiskubre ang “elektrisidad” kag maimbento ang mga “refrigerators’. Indi lamang nga ang asin nagahatag sang “sabor” sa pagkaon, kundi ini nagapugong man sa pagkaon nga indi madali magpan-os. Subong nga ang asin nagapanalupsup sa ginabutangan sini, amo man ang isa ka sumulunod sang aton Ginuong Jesus. Dapat siya magpanalupsup sa kabuhi sang katilingban kag mangin bahin sini!
Amo man ang iwag. Bisan subong, nagakinahanglan kita sang iwag sa aton kabuhi. Tan-awa na lang kon sa tunga sang kagab-ihon, gulpi mag “brown-out”. Ano ang aton nga reaksyon? Indi bala ang kalabanan nagasinggit tungud sa hinali nga pagdulum? Ang iban gani indi makaginhawa sang maayo! Ang iwag nagahatag sa aton sang kapawa nga kinahanglan agud indi kita masandad ukon madasma. Sa mga Judeo, ang iwag nagasimbolo sang matuod nga katahum, kamatuoran, kag kaayo sang Mahal nga Diyos. Kita? Asin kag Kapawa man bala kita sa tagsa-tagsa?
FR. RONNIE
ASIN AG KAPAWA
Kita ginatawag ni Kristo nga ASIN ag KAPAWA et kalibutan. Ano ong ana buot silingon kaon?
Tatlo ong pulos et ASIN: Una, ong Asin tanda et PURITY – kaputi, katinlo ag kaputli. Kon ong isa ka Kristiano buot nga mangin asin et kalibutan, dapat sya mangin ehemplo et katinlo sa ana ginahambal, ginahimo ag ginapanumdom. Ikaywa, ong Asin amo ong pinakaginagamit nga PRESERVATIVE. Dya ginausar sa pagbato et pagkaban-os et mga pagkaon. Buot silingon, ong isa ka Kristiano isa ka tawo nga nagakontra sa kurapsyon sa ana palibot. Ikatlo, ong Asin nagatao et SABOR sa pagkaon. Ong isa ka Kristiano isa ka tawo nga manugtao et Kalipay o Kasadya sa ana isigkatawo sa tunga et mga kalalat-an ag kalisdanan et kalibutan.
Tatlo man ong buot silingon et KAPAWA: Una, Ong Kapawa dapat makita ukon VISIBLE. Ong aton pagkaKristiano dapat ipakita ta sa aton ordinaryo nga mga ginahimo sa kalibutan. Dapat ipakita ta dya sa paagi kon paano kita mag-order sa restaurant, kon paano kita magtrato sa aton mga suluguon o empleyado ukon employer, kon paano kita maghampang, magdrive ukon magparking et aton mga salakyan, sa mga lingwahe nga aton ginahambal ag kon ano ong aton ginabasa ag ginalantaw. Ong Kristiano indi lamang Kristiano sa Simbahan kundi Kristiano man bisan sa opisina, eskwelahan, hospital, basketball court, balay, sa sala, kusina ukon bisan sa CR pa… Ikaywa, ong Kapawa isa ka GIYA. Buot silingon, ong isa ka Kristiano dapat amo ong mag-una ukon ililogan et pagkabuhi nga husto, maayo ag matarung. Ikatlo, Ong Kapawa isa ka WARNING. Isa ka obligasyon et isa ka Kristiano ong pagpahanumdom, sa ngalan et gugma, sa ana isigkatawo sa pagbalik sa Dios kon dya nagalisa sa ana pagkabuhi. Agud nga indi lamang sya, kundi kita tanan ong makapalangit.
Gani matuod gid man bala kita nga Asin ag Kapawa et kalibutan suno sa ginhambal et Ginuo?
FR. DODO
4th Sunday Ord. Time (A)
KABALISKARAN SA NAANDAN
Ano bala ang “maayo” nga pangabuhi nga gintigana sang Diyos para sa aton? Kag paano ini naangut sa katapusan kag sa kahulugan sang kabuhi? Indi bala ini amo ang aton nga handum kag pagpangita sang “matuod-tuod” nga kalipay, nga wala sing liwan kundi ang kabug-usan sang tanan nga maayo, sa diin wala na kita sang pangitaon pa nga iban?- “Wala ka nang hahanapin pa?” Amo ini ang ginsabat sang aton Ginuo sa sini nga pamangkut sa iya “sermon” sa bukid. Ang kaalibuturan sang mensahe sang aton Ginuo amo nga kita sarang makakabuhi sa isa ka MALIPAYON nga pagpangabuhi. Ang “bokasyon” sa pagpakasantos, ang pagkalipay sa pagsunud sa tinutuyo sang Diyos, aton makita sa mga “pagpanginbulahan” nga ginpahayag sang aton Ginuo.
Ano bala ang kahulugan sining mga pagpanginbulahan? Ngaaman nga ginakabig ini nga “alibutod” sa mga pagtulun-an sang aton Ginuo? Ini tungud kay ini nagasabat sang kina-andan nga handum sang tawo nga magmangin-malipayon suno sa gindihon sang Diyos sa iya nga tagipusu-on. Ini nagatudlo sa aton sang matuod-tuod nga kalipay nga aton maagum sa diin kita gintawag sang Mahal nga Diyos– ang pag-abut sang Ginharian sang Diyos, ang pagtan-aw sa nawong sang Diyos, ang pagpahuway kaupod sa Iya presensya. Ini man naga-usisa sa aton nahanungud sa aton mga “pagpili” sa sining kalibutan kon bala ginagamit naton ang aton mga dutan-on nga kaayohan sa pag-angkon sang “matuod nga kalipay” nga Siya lang ang sarang makahatag!
Suno kay Santa Teresa de Avila: “Ang Diyos lang ang nagapabilin nga maayo”, ang tanan magalipas!
FR. RONNIE
KABUHI NGA DAW SA LANGIT UN!
Tanan kita luyag mangin bulahan ukon malipayon. Apang ong kalipay daw sobra ka budlay makita o maagum. Ag ong rason kaon amo nga owa kita nagapalarehas sa pamaagi agud mangin malipay. Ong iban nagasiling nga ikaw may kalipay kon duro ka et kwarta. Ong iban naman nagapati sa hambalanon nga “Magkabuhi ka ‘to the max’; talagsa ka man lang magkabuhi duri sa kalibutan.” Ag ong iban naman tana nagabilib nga sanda malipayon kon “Mahimo ko ong akon gusto, sa bisan ano nga tion nga gusto ko, ag sa bisan ano nga paagi nga gusto ko on himuon.”
Sang pagsulod ko sa kwarto et klasmyt ko nga si Fr. Berman Ibanez sa seminaryo, ong nagkuha et akon igtalupangod amo ong isa ka kwadro nga nagalista et resulta et mga paghinun-anon et mga “Psychologists” kon paano ong isa ka tawo mangin matuod nga malipayon sa ana pagkabuhi. Kumbaga, ano ong himuon et tawo agud nga sya nagakabuhi nga daw sa langit un bisan dari pa sya sa duta? Ag dya amo ong mga masunod: 1. Indi ka magpalibog. 2. Indi ka magdumot. 3. Magkabuhi ka et simple. 4. Magtao ka et duro. 5. Mag-expectar ka lang et isot. 6. Magyuhom ka pirme. 7. Magpabilin ka sa paghigugma.
Dya nga mga hilimuon nasandig INDI tungod sa kaayohan et aton sungaksungak nga kaugalingon KUNDI para sa kaayohan et iban. Kay paagi kaon, kon aton lang dya himuon, ong aton adlaw-adlaw nga pagkabuhi daw isa ka rosas nga maamyun nga nagatao et kadayawan sa Dios. Ginakabuhi gid man bala naton ong “Beatitudes”?
FR. DODO
Ano bala ang “maayo” nga pangabuhi nga gintigana sang Diyos para sa aton? Kag paano ini naangut sa katapusan kag sa kahulugan sang kabuhi? Indi bala ini amo ang aton nga handum kag pagpangita sang “matuod-tuod” nga kalipay, nga wala sing liwan kundi ang kabug-usan sang tanan nga maayo, sa diin wala na kita sang pangitaon pa nga iban?- “Wala ka nang hahanapin pa?” Amo ini ang ginsabat sang aton Ginuo sa sini nga pamangkut sa iya “sermon” sa bukid. Ang kaalibuturan sang mensahe sang aton Ginuo amo nga kita sarang makakabuhi sa isa ka MALIPAYON nga pagpangabuhi. Ang “bokasyon” sa pagpakasantos, ang pagkalipay sa pagsunud sa tinutuyo sang Diyos, aton makita sa mga “pagpanginbulahan” nga ginpahayag sang aton Ginuo.
Ano bala ang kahulugan sining mga pagpanginbulahan? Ngaaman nga ginakabig ini nga “alibutod” sa mga pagtulun-an sang aton Ginuo? Ini tungud kay ini nagasabat sang kina-andan nga handum sang tawo nga magmangin-malipayon suno sa gindihon sang Diyos sa iya nga tagipusu-on. Ini nagatudlo sa aton sang matuod-tuod nga kalipay nga aton maagum sa diin kita gintawag sang Mahal nga Diyos– ang pag-abut sang Ginharian sang Diyos, ang pagtan-aw sa nawong sang Diyos, ang pagpahuway kaupod sa Iya presensya. Ini man naga-usisa sa aton nahanungud sa aton mga “pagpili” sa sining kalibutan kon bala ginagamit naton ang aton mga dutan-on nga kaayohan sa pag-angkon sang “matuod nga kalipay” nga Siya lang ang sarang makahatag!
Suno kay Santa Teresa de Avila: “Ang Diyos lang ang nagapabilin nga maayo”, ang tanan magalipas!
FR. RONNIE
KABUHI NGA DAW SA LANGIT UN!
Tanan kita luyag mangin bulahan ukon malipayon. Apang ong kalipay daw sobra ka budlay makita o maagum. Ag ong rason kaon amo nga owa kita nagapalarehas sa pamaagi agud mangin malipay. Ong iban nagasiling nga ikaw may kalipay kon duro ka et kwarta. Ong iban naman nagapati sa hambalanon nga “Magkabuhi ka ‘to the max’; talagsa ka man lang magkabuhi duri sa kalibutan.” Ag ong iban naman tana nagabilib nga sanda malipayon kon “Mahimo ko ong akon gusto, sa bisan ano nga tion nga gusto ko, ag sa bisan ano nga paagi nga gusto ko on himuon.”
Sang pagsulod ko sa kwarto et klasmyt ko nga si Fr. Berman Ibanez sa seminaryo, ong nagkuha et akon igtalupangod amo ong isa ka kwadro nga nagalista et resulta et mga paghinun-anon et mga “Psychologists” kon paano ong isa ka tawo mangin matuod nga malipayon sa ana pagkabuhi. Kumbaga, ano ong himuon et tawo agud nga sya nagakabuhi nga daw sa langit un bisan dari pa sya sa duta? Ag dya amo ong mga masunod: 1. Indi ka magpalibog. 2. Indi ka magdumot. 3. Magkabuhi ka et simple. 4. Magtao ka et duro. 5. Mag-expectar ka lang et isot. 6. Magyuhom ka pirme. 7. Magpabilin ka sa paghigugma.
Dya nga mga hilimuon nasandig INDI tungod sa kaayohan et aton sungaksungak nga kaugalingon KUNDI para sa kaayohan et iban. Kay paagi kaon, kon aton lang dya himuon, ong aton adlaw-adlaw nga pagkabuhi daw isa ka rosas nga maamyun nga nagatao et kadayawan sa Dios. Ginakabuhi gid man bala naton ong “Beatitudes”?
FR. DODO
Subscribe to:
Posts (Atom)