15th Sunday Ord. Time (A)

LISTEN… If you have ears

Ang tagsa ka bahin sang aton nga lawas may iya nga kaugalingon nga “purpose”… may iya nga kaugalingon nga “hilikuton” agud mabalay ang isa ka “bug-os” kag “mapagsik” nga lawas. Kon ang isa ka bahin sini indi na magbuhat sang iya buluhaton, kon ini mag “malfunction”, magamasakit ang lawas kag amat-amat ini nga maga-as-as. Amo gani nga para ang isa ka lawas mangin “healthy”, kinahanglanon gid nga ara sa mayad nga “kondisyon” ang tanan nga bahin sini.
“We are created for a purpose in just the same way, that each limb of our body has a purpose.” Amo gani nga ginasiling subong sang aton Ginuo nga dapat naton nga gamiton ang mga bahin sang aton lawas suno sa tinutuyo sang Diyos sa Iya nga pagtuga sa aton. Ang aton Ginuo nagsiling nga” “Gani magpamati kamo kon may dalunggan kamo!”. Kay ano ang pulos sang aton dalunggan kon wala man lang naton ginagamit ini sa pagpamati? Daw katulad lang kita sang mga “bungol” kon ini aton man lang ginasiradhan! Apang maathag nga nagpanawagan ang aton Ginuo nga magpamati kita kon may dalunggan kita. Tungud Siya nakahibalo nga madamo sa aton ang kumpleto sang dalunggan, apang wala naton ginagamit ini sa pagpamati! Kalabanan sa aton “nagapabungol-bungol”! Ginasiling gani nga mabudlay nga pukawon ang tawo nga nagabugtaw! Subong man, mabudlay makabati ang tawo nga nagapabungol-bungol!- nagasulod lang ini sa pihak kag naggwa man sa pihak… wala nagadulot ang pulong, gani wala man sang tama nga ginapadulungan ang pagsa-ot sa sonata sang kabuhi. Dapat nga “mabagay” ang aton nga kabuhi suno sa “tono” sang Diyos agud makabuhat kita sang matahum nga “musika sang kabuhi” nga makabig naton nga isa ka “obra maestra”. Naka-tono na bala ang aton kabuhi suno sa sonata sang Diyos? Nagapamati gid bala sang mayad ang aton mga dalunggan?


FR.RONNIE


MAAYO NGA DUTA

Ong palaangiran et manugsab-og nagikan sa ordinaryo nga ginahimo et mga mangunguma, apang nagasugid dya sang ‘labaw pa’ sang sa naandan naton nga himuon. Ag ano on? “Ong patubas et binhi nga nagtupa sa maayo nga duta sarang makabayad sa nausik nga mga binhi ag makaimpas sa kabudlay et manugsab-og”.
Owa nagatapos ong bulohaton et Dios sa ana pagsab-og et ana Pulong sa aton mga taguipusuon. Duro pa ong kinahanglan himuon – labi un gid ong mainunungon nga pagtatap – agud nga ong binhi magtubo ag magpamunga et duro.
Sa amo man nga bagay, ong dalan padulong sa pagkabalaan nagasugod sa isa ka istan nga binhi nga dapat tatapon. Owa et ‘shortcut’. Owa et tawo nga santo sa ana pagkatawo. Ong mga balaan, mga tawo nga nagpili sa Dios ag sa anda isigkatawo. Indi sanda et mga ‘paborito’ et Dios. Apang, sa gihapon, ginpili nanda nga mangin tampad ag matutom, nga ong buot silingon, mangin “maayo nga duta”.
Gani kita, ginapili man bala naton nga mangin maayo nga duta? Ukon ginapun-an man bala naton ong kakulangan et iban? Ukon tungod sa aton kabuhi ag pagginawi, owa bala nadulai et pulos ong kabudlay et manugsab-og?



FR. DODO