11th Sun. Orc. Time (C)

SIMONITIS!
Ang punta sang tinaga, ukon ang “suffix” sang isa ka pulong nga “ITIS” nagahulugan sang kasablagan sa aton nga lawas. Katulad abi sang “gingiv-ITIS”- kasablagan sa aton nga ngislo ukon gums…”bronch-ITIS”- kasablagan sa aton baga ukon lungs…”arthr-ITIS”- kasablagan sa aton mga tul-an… kag iban pa.
Apang ano naman ang “SIMONITIS”? Ini amo ang kasablagan ni Simon nga Pariseo sa aton Ebanghelyo subong… kag ini nga kasablagan MAKALALATON. Wala naton matalupangdan nga basi kita mismo nalapnan na sang sini nga kasablagan o sakit. Ano ini nga sakit? Ang sakit nga mayad “magkondenar” sa mga makasasala!... Ang sakit nga nagabantay lang sang kasal-anan sang iban apang ang iya kaugalingon nga kapaltahan wala ginamulalungan!.. Ang sakit nga nagasiling nga mas mayad ka iya sang sa iban kay indi ka katulad nila nga mga “makasasala”!... Ang sakit nga NAGAPAKAMATARONG lang sang aton nga kaugalingon!
Amo ini ang natabo sa aton Ebanghelyo subong. Si Simon nga Pariseo wala magtalupangud sang iya kasal-anan tungud siya napahamtang sa atubang sang isa ka babayi nga para sa iya mas makasasala pa sang sa iya. Para sa iya, mas menos-menos ya ang iya nga sala sang sa sini nga babayi nga ginakabig nga isa ka “public sinner”.
Apang ang aton Ginuo maabtik nga nagpahanumdum sa kay Simon nga wala kita sang sarang mapabugal sa atubangan sang Diyos tungud kita tanan “nakasala” kag may mga “kapaltahan” man. Ayhan mas daku pa gani ang aton sala sang sa aton ginakondenar, ugaling, wala lang mahibalu-an sang iban!
Tanan kita nagakinahanglan sang “PAGPATAWAD” sang aton Diyos, kag tanan kita NAKABATON man sang Iya nga pagpatawad. Kuntani, mangin MAPINATAWARON man kita sa isa kag isa!


FR.RONNIE

UTANG NGA KABALASLAN SA DIOS
Sa kultura et mga Judeo, kon ong isa ka imbitado magsulod sa balay et manggaranon nga tawo, sya ginaabiabi paagi sa tatlo ka paagi: Una, ong tag-iya et balay nagatamyaw kanana paagi sa paghaluk, labi un gid kon sya isa ka “rabbi” ukon manunudlo. Ikaduha, ginahugasan et tubig ong ana mga tiil pareho et “foot spa”, para makapahuway dya sa malawig nga pinanaw. Ikatlo, sya ginapaasohan et mahumot nga insyenso ukon ginapatuloan ong ana dahi et agua halin sa mga “rose petals”.
Sa kadya nga kontexto, aton maintiendihan kon ngaman ong babaye sa Ebanghelyo nagbubo et agua sa mga tiil ni Kristo ag owa puway ong paghaluk nana kadya. Apang ong “host” nga si Simon, isa ka Pariseo, indi makabaton kaon kon ngaman gintolerar ni Kristo nga himuon kanana et babaye dya. Ngaman? Tungod ong babaye isa ka “prostitute”, isa ka makasasala ukon mahigko nga babaye. Kay para sa isa ka Judeo, ong isa ka ginatahud nga “rabbi” ginadumilian, bisan nga magpalapit lang gani sa isa ka makasalala kay basi malapnan sya et kahigku kadya. Ano pa ayhan kon magpatandog sya duri?
Gani si Kristo nagpasat-um sa ana “host” nga, sa baylo et babaye nga ginhukman nana nga mahigku, sya dapat ong naghimo kadya. Paagi kadya, ong Ginuo nagatudlo kanaton tanan nga sa ana atubangan, kita tanan mga MAKASASALA ag dapat magpangayo et ana kapatawaran. Kon kita lamang magpakanubo ag mag-ako et aton mga kasaypanan kanana, kita ana gid patawaron ag bendisyonan. Gani ikaw, isa ka man bala sa duro nga mga tawo nga nagasiling: “Owa ko ya sala Father ah!”


FR. DODO


ANECDOTE

ALWAYS WRONG

A salesman was dismissed because he was rude to a customer. A month later the sales manager spotted him walking about in a police uniform...I see you’ve joined the force, Johnny, said the sales manager...Yes, Sir... This is the job I’ve been looking for all my life. ..Here the customer is always wrong..

FOOD FOR THOUGHT

“I've missed more than 9,000 shots in my career. I've lost almost 300 games. 26 times I've been trusted to take the game winning shot and missed. I've failed over and over and over again in my life and that is why I succeed.” (Michael Jordan)