5th Sunday of Lent (C)

WALA SANG MAY NAGKONDENAR

Sa sining katapusan nga Dominggo sang kwaresma, ginapahayag sa aton kon ano gid ang kahulugan kon ngaman ang aton Ginuong Jesus, nagpakatawo kag nagpuyo upod sa aton– Siya nagkari agud mangin timaan nga ang aton Amay sa langit, wala NAGAKONDENAR sa Iya mga tinuga, kundi Siya padayon nga nagalab-ut sa aton paagi sa pagpatawad kag paghigugma. Nahangpan Niya ang aton kaluyahon, bisan ang aton masami nga pagpakasala.
Sa pihak nga bahin, wala man Siya “nagatolerar” sa aton sa pagpakasala, kundi Iya kita gina-agda sa paglakat sa isa ka “dalanon sang pagpanibag-o”. Amo gani nga sa aton Ebanghelyo subong sa pagsumalang sang aton Ginuo sa isa ka babayi nga nakasala sa pagpangin-lalaki, nga ginkondenar, kag ginpamatbatan sang kamatayon paagi sa pag-bato sa iya sa tunga sang ila “plaza”, ang aton Ginuo, “nag-apin” sa iya, ukon “naghangup” sa iya sitwasyon, apang ang panghangkat sa gihapon sang aton Ginuo nga “maglakat siya, kag dili na magpakasala liwat.”
May huyog kita sa masami, katulad sang mga nagkondenar sa babayi, nga mag-akusar kag magkondenar sa aton mga isigkapareho nga nakasala. Ayhan tungud ini siguro sa balatyagon nga mas maayo kita sang sa ila. Apang nausisa ta bala ang aton kaugalingon nga ayhan basi sobra pa kita sa aton ginakondenar, ugaling wala lang kita madakpan ukon matalupangdan? Basi nagakondenar lang kita agud “matakpan” ang aton kasal-anan?
Amo ini ang ginbuhat sang mga tawo sa babayi, apang sang ginpat-pat na sang aton Ginuo ang ila mga kasal-anan, amat-amat man sila nga nadula! INDI KITA MAGPANGKONDENAR sa baylo BULIGAN TA ANG NAKASALA NGA MAKABANGON!


FR. RONNIE
MAGHINAYHINAY SA PAGPANGHUSGA

Madali kanaton ong magbasol et iban nga tawo sa mga kalainan ag kakulangan nga aton makita ag nasaydan kananda. Kon kaisa, nalipay ag nakunyag pa gani kita sa pagsugilanon, dala tum-ok, nahanungod sa mga kasaypanan et mga tawo. Apang ong Ebanghelyo manakara nagaagda kanaton nga maghinayhinay kita sa pagpanghusga. Dapat kita mangin maluluy-on ag mapinasiensyahon tungod kay kita tanan may ‘baho’ ag kasaypanan, nga swerte ta lang, owa kita nadakpan sa akto. Tanan kita nagakinahanglan et kapatawaran et Ginuo.
“May isa ka babaye nga ginakabig nga ‘buang’ et tanan, tungod kay naga-estorya sia sa ana kaugalingon sa ‘publiko’ ag nagapati nga sia nagapakighala kay Kristo mismo ag si Kristo nagasabat man kuno kanana. Dayon may isa man ka pari nga nag-assign sa sina nga parokya, nga sang pagkabati nana nahanungod sa babaye, nagpanumdom nga sarang nana sia maayo ag mabuligan nga magbalik sa realidad.
Isa ka adlaw, nagsumalangay sanda sa dalan. Ong pari nagmuno, “Tuod kuno nga nagaestorya ka kay Kristo?” “Yes, sir!”, siling et babaye, “nagaestoryahanay kami ni Kristo sa adlaw ag gab-i!” Dayon ong pari naghambal, “Ti pwede ako kahinyo et pabor kanimo? Pwede mo bala mapamangkut si Kristo kon ano ong katapusan nga sala nga akon ginkompesar kanana?” Ong babaye nagsabat, “Syempre Sir, Ikaw pa! Para kanimo, pamangkuton ko sia!”
Pagkahin-aga, nakita et pari ong ‘buang’ sa plaza,
gani ginpalapitan nana sia ag ginpamangkut, “Ti naestorya mo gid man si Kristo kagab-i?” “Yes, Sir!”, sabat et babaye. “Ti ano kuno ong katapusan ko nga sala nga ginkompesar ko kanana?”, pamangkut liwat et pari. Ong babaye nagsabat: “NALIPAT UN KUNO SIA!”
Amo on ong Pagpatawad et Dios. Kon kita mag-hinulsol ag magpangayo et patawad nana, ong aton mga sala ginapanas o ‘ginadelete’ ag ginakalimtan nana. Tani amo man kita kaon sa mga sala et aton mga isigkatawo!



FR. DODO



FOOD FOR THOUGHT
“Forgiveness is choosing to love. It is the first skill of self-giving love” (Mohandas K. Gandhi)

MALIPAYON NGA PAGBALIK
Sa tanan nga mga pala-anggiran sang aton Ginuo, ang pala-anggiran sang “malalison” nga anak amo ang pinaka-lutaw. Ginlubad ini nga pala-anggiran sa sobra isa ka gatus ka linggwahe sa bug-os nga kalibutan. Halos sa tanan nga mga kultura, may yara gid nga “version” sini nga pala-anggiran. Ayhan ini tungud, mahapus naton mahalintulad ang aton mga inagihan bilang mga tawo– bilang mga anak, bilang mga mag-ululutod, o bilang mga ginikanan!
Kon aton gid usisa-on sing maayo, sa tatlo ka mga personas nga “main characters”, daw ang MANGHUD gid amo ang pinakasikat sa aton panglantaw kag pamatyagan. Ayhan ini tungud, ang kalabanan sa aton daw may kaangid sa gin-agihan sang manghud nga bata, sa aton adlaw-adlaw nga pagkabuhi. Tanan kita masami may “tendency” nga mangin katulad sang manghud. Kon ara kita sa kahamungayaan kag kabugana-an sang kabuhi, madali kita “mag-usik” sang mga butang nga yara sa aton– waldas diri, waldas didto… halus amigo ta ang tanan kag halos ang tanan nagapangamigo man sa aton… halus kilala kita bisan diin kita magkadto tungud ang ginalantaw lang sang aton mga “barkada” amo ang aton kabuganaan. Apang kon mag-abut na gani ang kapi-ot sang kabuhi, aton matalupangdan nga nangin “ma-usikon” gali kita sa ginpaambit nga kabuganaan sang Diyos– kag diri kita makadumdum nga ang aton gali pagkabutang ginpahulam lang sang “Dios”, nga daw sa halos nalipatan ta na gani sang kita may ara pa! Kag makamuklat kita sa “mapa-it” nga kamatu-oran nga pila gid lang gali ang aton “matuod nga mga abyan”, kon may ara gid man nga mabilin sa ila! Ang Amay gid lang ang matuod nga “makabaton” sa aton. Siya ang MATUOD NGA ABYAN! Dali, MABALIK kita sa IYA!


FR. RONNIE


AMAY NI TONTON
May isa ka amay nga may daon nga unga nga 3 ka tuig. Ong ana ngalan amo si Tonton. Isa ka adlaw, nakita ni Tonton ong ana amay nga nagakaon et ‘Fita’ samtang galantaw et ‘tv’ sa sala. Dayon nagsiling si Tonton sa ana kaugalingon, “Gusto ni Papa magkaon et ‘fita’ samtang nagainom et gatas. Timplahan ko si Papa et gatas!” Gani si Tonton dalidali nga nag-adto sa anda kalan-an ag nagbutong et pulungkoan paadto sa kusina. Dya nagkurit et salog. Dayon si Tonton nagtongtong sa pulungkoan ag todo nga nagbukas et ‘aparador’ gani naglitik ong kristal et pihak nga cabinet sang maigo dya. Dayon sia nagbuol et baso ag aksidente nga nasalapay ong daywa pa gid ka baso. “Crash! Ting, tingkilingking!” Amo on ong tunog et mga baso nga nahulog ag nagkalabuka sa salog. Pero si Tonton owa labot. Ong ana lang ginapanumdom, “Timplahan ko si Papa et gatas!”
Ong Amay ni Tonton nagapasalipod sa pwertahan ag nakakita kadya tanan ag nagapanumdom kon akigan nana bala ong ana unga o indi. Nagdesisyon sia nga pabay-an lang danay si Tonton. Dayon si Tonton nagpanaug sa pungkuan ag nag-adto sa ‘refrigerator’. Ginbuksan nana dya ag ginbuol ong ong isa gid tana nga ‘gallon’ et gatas imbes ong ‘half gallon’ lang. Dayon ginbutang nana ong baso sa salog ag ginbuboan et gatas. Syempre kay daw indi sia makadala et ‘gallon’, gamay gid lang ong ana napasigosigo nga gatas sa baso. Ong kalabanan et gatas naula sa salog.
Pagkatapos maggabang ong baso, ginbutang ni Tonton ong ‘gallon’ et gatas sa salog ag ginbuol ong baso ag lipaylipay nga nagbitbit kadya paadto sa ‘living room’ nga nagasinggit, “Pa, may daon ako nga inugtao kanimo!” Samtang nagahilapit na sia sa ana Amay,dimalas gid nga nasandad sia sa bigki et anda ‘floormat’ ag nabuy-an nana ong baso et gatas.
Dayon nagtindog si Tonton ag nagtulok sa ana palibot. Nakita nana ong mga buka nga baso, ong nag-anaw nga gatas, gaabri nga ‘cabinet’ ag ong ana Amay nga puno et gatas sa gawi. Dayon sia nagtangis. Samtang sia nagahibi, sia nagtulok sa ana Amay nga daw nagapamangkot, “Anhon mo ako, Pa?”
Ong Amay nagyuhom lang. Owa sia kakita et unga nga bag-o lang nagwasak ag naghigko et ana balay. Ong ana nakita amo ong isa ka diutay nga bata nga ginapalangga gid nana et todo. Gani nagpalapit sia kay Tonton ag ginhakus ong ana unga nga nagasiling: “Anak ko dya!”
Kon maghala kita nahanungod sa Dios bilang aton Amay, nagahambal kita sa sahi et Amay nga pareho et Papa ni Tonton. Ong Dios Amay nga nagapalangga kanaton et minatuod ag todotodo bisan kita masami nagakahulog sa sala. Ong Dios nagahulat lang et aton pagbalik kanana.
Mabuhay ong Maalwan nga mga Mambusaonon!

FR. DODO

ANECDOTE
FOOD PROBLEMS
A man walks into a doctor's office. He has a cucumber up his nose, a carrot in his left ear and a banana in his right ear.
Man: "What's the matter with me?"
Doctor: "You're not eating properly."

FOOD FOR THOUGHT
“That man is richest whose pleasures are cheapest” (Henry David Thoreau)

3rd Sunday of Lent (C)

PAGBIYA SA SALA

Isa sa mga naandan naton nga ginabuhat amo ang aton pag-”komparar” sang aton kaugalingon sang sa iban, ukon ang pagkomparar naton sang isa ka tawo sa aton kalapit ukon sa aton kilala. Kon may malain gani nga hitabo ukon “malas” nga mag-abut, madasig kita dayon nga mgasiling: “Muna, kay katig-a gid sang iya ulo, tan-awa kundi naaguman nya gid ang para sa iya– marisi ina sa iya!” Madamo man kita sang komentaryo kon ang isa ka tawo matakdan sang sakit sa lawas. Ayhan ang iban nagasiling: “Amo gid man na ang bagay sa iya kay abusador siya sa iya maayong lawas! Tan-awa bala ako, mas maayo ako ya sa iya sang napulo ka pilo!” Madamo pa kita nga mga hambalanon nga nagatumud sa amo nga mga hitabo sa aton kabuhi.
Ang mga tawo sang panahon sang aton Ginuo may pamatasan man nga katulad sini. Sang ginpamatay ang mga taga-Galilea sang sila nagahalad sa Templo kag sang mapatay ang 18 ka mga tawo nga natumbahan sila sang tore sa Siloe, sila nagahuna-huna nga ayhan ini tungud sang mga kasal-anan sadtong mga tawo. Gani, mas maayo sila kay sila iya wala makatilaw sini nga sahi sang kamatayon!
Pero, danay ka! “Time-out” danay, siling sang aton Ginuo: “Tungud kay ini nga mga tawo napatay sa sini nga paagi, indi kamo maghuna-huna nga labi sila ka makasasala sang sa iban! Kon indi kamo MAGBIYA sa pagpakasala, mapatay man kamo tanan subong sa ila!” Buot silingon sang aton Ginuo: “Usisaa anay ang imo kaugalingon kay basi kasubong ukon sobra ka pa gani sang sa imo ginakondenar” MAGBAG-O KA! MAGBIYA SA SALA- Amo ini ang Kwaresma.

FR. RONNIE


KAHOY NGA OWA BUNGA

Duro ong mga pamaagi sa pag-alaga et kahoy. May daon nga bunyagan mo dya, abonohan, ag paasohan. Apang hasta un lang dira ong imo mahimo. Kay pagkatapos kaon, depende un on sa kahoy kon sia mamunga. Ong bunga nagahalin sa kahoy. Owa tana dya ginabutang et nagtanum sa sanga. Kon owa ong kooperasyon et kahoy, owa ikaw et bunga nga kuhaon kanana. Gani maayo un lang nga tapson mo ong kahoy nga owa nagapamunga agud makwartahan mo pa.
Indi lang kahoy ong owa nagapamunga. Bisan ong tawo sarang man masiling nga owa nagapamunga. Dya ong ginatawag nga “Spiritual or Moral Barrenness” – ong indi makita nga maayo nga panimuot ag pamatasan nga gina-expectar et Dios sa tagsa nga nagatuo kanana. Gani pareho et kahoy nga ginatapas ag ginasug-an kon owa nagapamunga, ong tawo, sa katapusan et panahon, paga-itagbong man sa impyerno kon owa sia nagahimo et maayo samtang nagakabuhi pa sia duri sa duta.
Sa aton Ebanghelyo, si Kristo nagapanawagan nga dapat kita magliso ag maghinulsol sa aton mga sala ag kasaypanan manakara ag indi un magpabuyanbuyan pa. Kay bisan matuod nga ong aton Dios, Dios et ‘tsansa’, klaro gid suno sa palaanggiran et Kahoy nga Higera nga may katapusan ag ‘final’ nga ‘tsansa’. Kon kita masunson nga owa nagasapak sa ‘warning’ ukon paghangkat et Ginuo para magbag-o ag mangin maayo, magaabot ong tion nga sukton kita et aton kalainan. Ag dira naton madumduman ong hulobaton nga nagasiling: “Kon ano ong imo gintanum, amo man ong imo anihon!”


FR. DODO


ANECDOTE
THE CONFESSION
Matthew goes into a confessional box and says "Bless me father for I have sinned, I have been with a loose woman." The Priest says "is that you Matthew?" "Yes father, it is I." "Who was the woman you were with?"
"I cannot tell you for I do not wish to sully her reputation." The priest asks "Was it Brenda O'Malley?"
"No father." "Was it Fiona MacDonald?" "No father." "Was it Ann Brown?" "No father, I cannot tell you."
The priest says "I admire your perseverance but you must atone for your sins. Your penance will be five Our Fathers and four Hail Marys." Matthew goes back to his pew and his buddy Sean slides over and asks "What did you get?" Matthew replies "I got five Our Fathers, four Hail Marys and three good leads."

FOOD FOR THOUGHT
“There's only one corner of the universe you can be certain of improving, and that's your own self” (Aldous Huxley)

2nd Sunday of Lent (C)

PAMATI-I NINYO SIYA!

Sa siyensya (science), may prinsipyo nga ginatudlo nga ginatawag “The Principle of Stimulus and Response”. Ini nagapahibalo sa aton nga sa aton tagsa ka ginabuhat, sa masami, ini isa ka pagsabat sa isa ka pag-ganyat sang isa ka tawo, butang, ukon hitabo sa aton kabuhi. Daw katulad man ini sang prisipyo nga nagasiling: “In every action, there is a corresponding reaction”.
Amo ini ang natabo subong sa aton nga Ebanghelyo sa sining ika-duha nga Dominggo sang Kwaresma. Ang aton Amay sa langit nagahatag sang isa ka “stimulus” sa aton nga Iya nga ginpadala ang Iyang Anak agud kita pagatudlu-an sang mga kamatuoran nahanungud sa Maayong Balita kag maayo nga pagpangabuhi bilang mga anak sang Diyos.
Ang “response” nga ginapa-abut sa aton sang aton Amay, amo nga kita “MAMATI” sa Iyang Bugtong nga Anak! Pagpamati nga magadala sa aton sa isa ka pagpanibag-o sang aton kaugalingon nga mangin takus kita nga pagatawgon nga mga “anak sang Diyos”.
Nakahibalo kita nga mabudlay ang magpamati, tungud mas mahapus ang maghala ukon ang maghinala sang sa nagapamati. Ang kalabanan sa aton luyag maghala, kay para sa ila sila lang ang tama! Mas gusto naton magkinata-kata sang sa magpa-ukoy nga nagapamati! Mas kumportable kita magpanugid-sugid (tsismis) sang kabuhi sang iban sang sa magpamalandong sa aton kapaltahan, agud indi ini matalupangdan! MAKAPAMATI ayhan kita sa Amay sa sining panahon sang Kwaresma?

FR. RONNIE

EARPHONES

“May isa ka Pari nga nagmisa. Ag samtang sia nagasermon, ana nadiparahan ong isa ka matahum nga dalaga nga hala ong yuhom kanana ag hala man ong tangotango sa tagsa ka punto nga ana ihambal. Ong pari ‘na-excite’ ag ‘na-flattered’ bangud kadya, gani naglawig ana sermon.
Pagkatapos et ana sermon, sia nagbalik sa ana pulongkoan. Ag sang pagtalikod nana sa lin-ay, ana nakita nga dya nagayuhom man gyapon kanana. Ag hala man gyapon ong tangotango kanana. “Gwapo gid ko gro magsermon mo!”, siling et pari sa ana kaugalingon.
Apang sang pagtindog et ‘Congregasyon’ para sa pagpangamuyo et “Credo”, didto ag ana nasaydan ong mapait nga kamatuoran: “Ong dalaga patago nga nagbuol et “earphones” sa ana dulunggan ag nagsulod kadya sa ana bulsa. Owa tana sia gapamati o nagabilib sa pari kundi nagapamati et ‘music’!”
Nagapati ako nga dyang mga butang masami nga nagakatabo – sa Simbahan, sa mga olubrahan, o bisan sa aton mga puloy-an. Kita nagahulag nga daw nagapamati sa isa ag isa, apang, sa minatuod, owa gali. Daon ong aton presensya apang ong aton panumdoman malayo kaayo.
Ong nagadaguob nga tingog et Amay gikan sa panganod nagsiling: “Dya ong akon pinalangga nga Anak. Pamatii ninyo sia!” Nagapamati gid man bala kita sa Ginuo ag nagasunod et ana ginahambal? Di bala daywa gid ong imo dulunggan ag isa lang ong imo baba? Ngaman nanamian gid kita maghinala, magpinaditol, ag magkatakata? Tani sa kadyang kwaresma, matun-an ta ong magpamati ag magpati sa ginahambal et Dios, sang sa ginahambal et kalibutan.



FR. DODO


HEARING CHECK
Having lost most of his hearing a number of years ago, this elderly man goes to the doctor to be fitted with hearing aids which promise to allow him to hear 100%. A month later, he returns to the doctor for a check up on his progress. The doctor tells him that his hearing is perfect and asks if his family is pleased.
The man says, "Oh, I haven't told them about the hearing aids yet. I just sit around and listen to them talk. I've changed my will three times!"

FOOD FOR THOUGHT
“Listening is such a simple act. It requires us to be present, and that takes practice, but we don't have to do anything else. We don't have to advise, or coach, or sound wise. We just have to be willing to sit there and listen. “ (Margaret J. Wheatley)

1st Sunday of Lent (C)

MGA PAGSULAY KAG KWARESMA
Bilang pagsaulog sang nahauna nga Dominggo sining panahon sang Kwaresma, kita ginapahanumdum sang atonSimbahan kon ano ang kahulugan sini nga tion paagi sa aton mga Balasahon kag mga Ebanghelyo sa Santos nga Misa.
Karon nga Dominggo, ginapakita sa aton kon paano “ginsulay” ang aton Ginuo sang yawa sang Siya nagahanda sang Iya nga kaugalingon paagi sa pagbuhat sang isa ka “retiro” didto sa disyerto sa sulud sang kwarenta ka adlaw kag gab-i nga wala sang ginka-on… ini mga inadlaw sang PAGPAMU-ASA agud Siya may kabakud sa “kalag” sa pagpakig-away sa gahum sang yawa!
Apang ang yawa, may mga padihut gid agud kuntani “patalangon” ang aton Ginuo sa pagtuman sa misyon nga gintugyan sa Iya sang Iyang Amay nga langitnon– ang misyon sa paghalad sang Iya nga kabuhi para sa kaluwasan sang bug-os nga katawhan– “the mission to be the EBED YAHWEH– the Suffering Servant!”
Amo gani nga ang mga pagsulay sang yawa, nagapatuhoy sa “pagkuha” sang mga kabudlayan nga ginasumalang sang aton Ginuo… gutum, pag-antus, kag pagkaulipon, baylo sa kabulusgan, kasulhayan, kag pagkagamhanan sa dutan-on nga pagkabutang!
Amo ini ang kwaresma– TION SANG PAGSULAY. Kon kita na-angut sa aton Ginuo kag may maathag nga misyon sa aton pagka-kristiyano, wala sang kahigayunan sa aton ang yawa! Kaupod ta bala ang aton Ginuo sa sining panahon sang Kwaresma?


FR.RONNIE
TENTASYON C…
Sa aton paglantaw et mga “TV Game Shows” nga pareho dabi et “Deal or No Deal”, “Kwarta o Kahon”, “Pera o Bayong”, ukon ong “Willie of Fortune” et “Wowowee”, dira aton makita ong mga panghikot et “TENTASYON”. Ong ‘contestant’ ginataw-an un et 50 mil ukon 100 mil apang ginatintar pa gid sia agud makakuha et mas duro ag dyagku nga kwarta, bisan owa man sia gani et may ginbayad bisan ‘sinco’ sa ana pag-adto ag pagpasakop. Gani masami, tungod et ana pagkasungaksungak, imbes nga ‘milyon’ o ‘pangkabuhayan showcase’ ong ana makuha, mapuli un lang sia nga may 5 ka pesos sa bulsa o pabitbiton et ‘talong’, ‘toothbrush’ ag iban pa.
Tanan kita ginatintar o natintar un. Bisan gani ong aton Ginuo gintintar man. Apang bisan ong ‘tentasyon’ indi sala, dapat ta dumdumon nga dya makatalagam. Kay sa oras nga magpatintar kita, indi un yaon tentasyon kundi ‘sala’ nga nagapalayo kanaton sa aton Dios. Ginapaanggid ong tentasyon sa isa ka ayam nga nagaid sa isa ka haligi nga hala ong pagngurob ag paglahay kanimo. Kon malayo ikaw, indi ikaw maano. Pero oras nga magpalapit ka un, lagtak gid ong paggus-ab kanimo.
Karon paano kita makabato sa tentasyon? Owa un et iban pa nga paagi kundi nga ILOGON si Kristo nga nangin madinalag-on sa tentasyon et yawa. Si Kristo owa naghampang sang kalayo ni Satanas gani owa Sia nasunog. Masami dya ong aton pinakahanggud nga sala. Nasaydan ta ong aton kahuyang apang tungod et aton ‘apog’ o ‘overconfidence’, nagalumpat kita sa tentasyon nga nagapati nga indi kita maano. Daw pareho bala dya nga imo itusmog ong imo kamut sa nagadabadaba nga kalayo et ‘gas stove’, ag dayon mangamuyo ka nga indi mabatok ong imo alima. “Avoid all occasions of sin.” Likawan ta ong tentasyon, labi na gid, ong mga tentasyon nga nagaguba et aton kabuhi ag et kabuhi et aton mga ‘mahal’ sa kabuhi!

FR. DODO


ANECDOTE

THE CAT STORY
There was this cat who loved to get drunk, so he went to the bar down town on the other side of the tracks. He stayed all night long and got so wasted he could barely stand up, much less walk.
The cat starts to stumble on home. As the cat comes to the train tracks he doesn't notice a train as it is coming his way. The cat starts to cross the track and the train is right on him. Just as he crosses, the train goes on by, but the cat was not all the way over and the train ran over the his tail, the cat turns it's head to see where his tail is and the train cuts his head clean off.
Moral of the Story: DON'T LOSS YOUR HEAD OVER A LITTLE PIECE OF TAIL!

FOOD FOR THOUGHT
“Neutral men are the devil's allies.”
(Edwin Hubbel Chapin)

6th Sunday Ord. Time (C)

IMOL, GUTUM, NAGAHIBI KAG GINAPIGOS

Suno sa aton Ebanghelyo ang mga imol, gutum, nagahibi, kag ginapigos, ginakabig sang aton Ginuo nga BULAHAN! Nagakahulugan bala ini nga luyag sang Diyos nga kita mawad-an kag magpangasubo?
Sa konteksto sang pagpanudlo sang aton Ginuo, ini nagatumud sa pagka-umalagi sang mga butang sa kalibutan! Nagsayup kita sa pagpanumdum kag pagpati nga ang mga butang sa kalibutan, madala naton sa pihak nga kinabuhi… nga ang mga pagkabutang naton wala “nagapan-os!”… nga ang mga pagkabutang naton wala pagkadula! Ginapahanumdum kita sang aton Ginuo nga ang kabuhi naton sa sining dutang luhaan may yara nga kasugpun sa langit, kag ang aton ginabuhat diri sa duta may katumbas nga “padya” sa Ginharian sang aton Amay. Kon sa aton pa, ang mga pagkabutang diri sa kalibutan UMALAGI lamang– manggad, kwarta, pagkabusug, pagpangalipay, pagdayaw, kag pagkamakagagahum. Sa masami ini nagabuyok sa tawo nga mangin “garuk” sa iya pagpangabuhi. Sa sobra nga paghigugma sa butang nga dutan-on, masami ang tawo nagagamit sang mga indi maayo nga mga pamaagi agud maangkon niya ang iya ginahandum. Ang tawo nangin “hakugan” sang mga oportunidad, bisan pa sa paglapak sang deretso sang iya isigkatawo, lamang maangkon niya ang iya luyag! Ini nagatulud sa tawo nga mangin-IYA-IYAHON!
Amo gani nga bulahan ang mga imol, gutum, nagahibi, kag ginapigos, tungud wala sila sing masaligan, kay wala man sila sang dutan-on nga gahum. Ang ila gid lang SALALIGAN amo ang Diyos. Utod, kay sin-o ka bala nagasalig? Sa umalagi nga mga butang ukon sa nagapadayon sa wala’y katubtuban… sa ginbuhat ukon sa Magbubuhat?


FR. RONNIE

TUNGOD KAY KRISTO

May daywa takon ka pamangkut kaninyo: Una, sin-o kaninyo ong gusto mangin imol, gutom, masinulob-on ag ginakaugtan et tanan? Palihog alsa et kamut! May daon bala nga maalsa? Ikaduha, sin-o kaninyo ong gusto mangin manggaranon, busog pirme, palahibayag ag ginatahod et tanan? Segurado, ong tanan maalsa gid et kamut bisan nga bag-o lang kamo gintawag ni Kristo nga mga “KAILO” o buangbuang.
Kon kaisa, si Kristo nagapalibog et aton ulo. Kay hamakon mo, may daon bala nga ginikanan nga gusto nga ong anda mga unga mangin imol, gutom, masubo ag ginakaugtan? Apang si Kristo nagtawag pa kananda nga mga “BULAHAN”. Di bala ong Dios ong pinakamayad sa tanan? Ngaman ginatawag nana nga ‘bulahan’ o ‘maayo’ ong sahi et kabuhi nga kinaandan ta tawgon nga ‘daw ginsumpa’ o ‘kalainorn’?
Ong buot silingon ni Kristo duri amo nga kon sin-o man ong makabaton kadyang sahi et pag-antus o mga pagtamay bilang ‘presyo’ et anda pagsunod o pagtuman kanana, amo ong minatuod nga ‘bulahan’ o ‘dalayawon’. Ong kinaandan nga mga dalayawon sa mata et kalibutan, talamayon gali sa mata et Dios. Ong kaalam et kalibutan, kabuangan para sa Dios.
Manakara, owa un taton ginahingabot ag ginapatay bangud et aton pagtuo kay Kristo. Apang usisaon ta kon ong tanan bala nga aton ginahimo sa aton kabuhi, ginahimo ta bala para o tungod kay Kristo? Kon kita papilion sa obra nga may duro et kwarta tungod sa pagdinaya o ‘korupsyon’ ag sa obra may istan lang nga kwarta tungod ‘honest’ kita, diin ong aton pilion?
Mabuhay ong Maalwan nga mga Mambusaonon!


FR. DODO


ANECDOTE

ADAM'S RIB

In Sunday School, they were teaching how God created everything, including human beings. Little Johnny seemed especially intent when they told him how Eve was created out of one of Adam's ribs.
Later in the week, his mother noticed him lying down as though he were ill, and said, "Johnny what is the matter?"
Little Johnny responded, "I have a pain in my side. I think I'm going to have a wife."

FOOD FOR THOUGHT

“Greed is a fat demon with a small mouth and whatever you feed it is never enough.” (Janwillem Van De Wetering)

5th Sun. Ord. Time (C)

MAKASASALA AKO NGA TAWO
Si San Pedro ginakabig nga isa ka “professional” nga mangingisda...amo ini ang iya nga pangabuy-anan. Gani kon nagsiling siya sa aton Ginuo, “nga sa bug-os nga gab-i nagpanahid kami kag wala kami sang may nakuha nga isda”, wala siya nagahambal suno sa “obserbasyon lamang sang dagat, kundi ini tungud iya gid na-eksperyensyahan suno sa iya pagka-mangingisda. Para sa iya, indi gid siya pwede matudlu-an, apang tungud sang iya nga PAGSALIG sa mga pulong sang aton Ginuo nga: “Iladlad ang imo sahid”, nagtuman siya bisan pa nga daw indi ini mabaton sang iya nga painu-inu… napilitan lang siya...kontra gusto… sige na lang. Ayhan nagahunahuna man siya nga basi sa sini nga paagi, mapakita niya nga siya tama kag ang aton Ginuo, nagsala. Apang, sa wala gid ginadahum-dahum, ginpakita sang Ginuo ang Iya gahum, kag paglantaw sa aton kabuhi– labaw ang Iya nga painu-inu kag plano sang sa aton. Ang ginakabig naton nga imposible nangin isa lamang ka ordinaryo nga hitabo para sa aton Ginuo!
Ginatudlu-an sang aton Ginuo si Pedro nga indi magsalig sa iya tawohanon nga ikasarang, kundi nga siya dapat MAGTUO nga ang aton Diyos MAS NAKAHIBALO kon ano ang maayo sa aton. Para kay Pedro, isa ka daku nga “sala” nga siya nagpangduha-duha sa mga pulong sang aton Ginuo, sa bagay nga siya nagluhod sa atubangan sang Ginuo kag nagsiling: “Palayo ka sa akon Ginuo, kay makasasala ako nga tawo!” Masami kita nagakapukan sa aton pagpangabuhi tungud katulad ni Pedro, kita man nakulangan sang pagtuo! “ Ginuo dugangi ang amon pagtuo!”
FR. RONNIE

KAPASIDAD
Sa masami, kita nagapamangkot: Ano bala ong pagkakilala et mga tawo kay Kristo? Ano bala ong nagabutong kananda para magtuo kanana? Apang manakara, kita mamangkut et baliskad: Ano bala ong nakita ni Kristo sa ana mga ‘discipulo’? Ano bala ong nagganyat kanana agud ana sanda tawgon? Ano bala ong anda mga kalidad nga ana gid sanda ginsaligan? Ano gid ayhan ong nakita ni Kristo sa kadyang mga tawo?
Owa gid taton kapat-ud. Owa man ko kasayud. Kay aton gid nahibaluan nga ong ana mga Apostoles padayon nga nangin “imperfecto” ag mahuyang nga mga tawo bisan pa kaimaw nanda ong Ginuo. Apang aton gid makita nga lain gid tana ong pagtulok kananda ni Kristo. Gintulok nana sanda et may paghigugma ag pagsalig. Gintulok nana sanda bilang mga tawo nga may bwasdamlag ag ginbuligan agud dya mangin realidad. Buot silingon, nakita ni Kristo kananda ong “kapasidad” nga mangin maayo o pinakamaayo. Ana nakita ong isa ka Santo sa isa ka ultimo nga mangingisda. Ana nakita ong isa ka Apostol sa isa ka hamak nga manugpatuloy o manugbasnig lamang.
Kita, pila bala ka beses nga nagtulok sa aton mga isigkatawo nga may “fixed” o “biased” nga paglantaw o pagpakanubo? Kita nagahala: “Ah, inang mga ‘taga-squatter’ nga kaon, pulos un sanda mga makawat….”, “Ahay, owa gid ‘esperanza’ ong mga ati nga on, mamurdoy un gid lang sanda nga pobre…”, “Ong akon unga indi un gid magbag-o tubtob san-o!” Dyang mga paditol nagapakita lamang nga aton ginalimitahan ag ginapunggan ong ikasarang et aton isigkapareho nga magbag-o o mangin maayo. Tani ilogon naton si Kristo kon paano sia nagtulok sa ana mga Apostoles ag sa tagsatagsa kanaton o kanimo mismo. Binagbinagon ta ong holubaton nga nagasiling: “Every Saint has a Past, every Sinner has a Future!”

FR. DODO
ANECDOTE
Spell the Magic Word

After a long illness, a woman died and arrived at the Gates of Heaven. While she was waiting for Saint Peter to greet her, she peeked through the Gates. She saw that it was so beautiful.
Saint Peter came by; the woman said to him "This is such a wonderful place! How do I get in?"
"You have to spell a word", Saint Peter told her.
"Which word?" the woman asked.
"Love."
The woman correctly spelled "Love" and Saint Peter welcomed her into Heaven.
About six months later, Saint Peter came to the woman and asked her to watch the Gates of Heaven for him that day. While the woman was guarding the Gates of Heaven, her husband arrived.
"I'm surprised to see you," the woman said. "How have you been?" "Oh, I've been doing pretty well since you died," her husband told her. "I married the beautiful young nurse who took care of you while you were ill. And then I won the lottery. I sold the little house you and I lived in and bought a big mansion. And my wife and I traveled all around the world. We were on vacation and I went water skiing today. I fell, the ski hit my head, and here I am. How do I get in?"
"You have to spell a word", the woman told him.
"Which word?" her husband asked.
"Czechoslovakia."


FOOD FOR THOUGHT
“Strategic planning is worthless -- unless there is first a strategic vision.” (John Naisbitt)

4th Sun. Ord. Time (C)

KASIMANWA: APIN O KAAWAY!
Sa aton Ebanghelyo subong, ginapakita nga nagbalik ang aton Ginuo sa Iya kaugalingon nga banwa. Ginabantug na Siya nga isa ka “Manugbulong” kag “Maayo nga Manugwali.” Ini nga kabantugan, naglapnag sa bug-os nga Israel, sa bagay nga ang Iya mga kasimanwa nagpa-abut nga ayhan “magapasikat” man Siya sa Iya kaugalingon nga banwa paagi sa pagmilagro.
Apang nahibalu-an sang aton Ginuo ang ila nga mga panghuna-huna kag tagipusu-on nga napun-an sang “kahakug kag pagkamaiya-iyahon.” Amo gani nga natingala sila sa Iya mga kadalag-an, tungud “kilala” nila Siya! - Siya nga isa ka anak sang ultimo nga panday kag isa ka “balaynon” nga iloy! Imbes nga malipay sila sa kadalag-an sang ila kasimanwa, nangin isa ini ka kabangdanan sang ila “kahisa kag kahikaw” ayhan sa mga naabut na sang aton Ginuo nga pagkabantug!
Indi bala nagakahanabo man ini sa aton adlaw-adlaw nga pagkabuhi? Daw sa wala kita iya na-ila sang kadalag-an sang aton mga kaingud, kalapit, kag kasimanwa! Masami ang ila kadalag-an nangin okasyon sa aton sa paghikay kag pagkahikaw. Madasig kita dayon magkomentaryo nga “kilala ko na ina siya...ano man lang ina siya sang una?... Iya ginikanan mga wala-wala man gani sang una… mas may ikasarang iya ang amon pamilya sang sa ila… kag iban pa nga indi mayad nga mga komentartyo. Amo ini ang ginatawag naton nga “crab mentality” sang mga Pilipino. Indi kita makaumwad tungud ginabutong naton pabalik sa “bakag” ang mga luyag magsaka! Ang aton kasimanwa aton APIN indi sang KAAWAY!


FR. RONNIE

SIN-O GID BALA SI BRO?
“Pagkatapos et amon pag-adto sa ‘holy site’ et “Upper Room”- ong lugar et ‘Katapusan nga Panihapon’, may daon nga ‘tourist guide’ nga nagdala kanamon sa pihak nga lugar, ong “Shrine” o “Tomb of King David”. Isa dya sa mga “holiest sites” para sa mga Judio, nga anda gid ginapabugal ag ginatahud katama. Samtang ong ‘tourist guide’ ‘excited’ nga nagasaysay et importansya et lulubngan, ako nagpamangkut kanana: “Hay si Kristo tana? Ano ong pagkakilala ninyo kanana? Di bala, Sya ong “2nd David”? Ong ‘tuorist guide’ nagtulok kanakon et masakit, ‘nagblush’, ag nagapangakid nga naghambal: “Si Jesukristo isa ka impostor ag ordinary lang nga tawo. Owa kami kakilala ag labot kanana!”
Sang si Kristo nagbalik sa Nazareth nga ana kaugalingon nga banwa, sya ginatahod ag ginahangaan et tanan, apang, sa gihapon, indi nanda sya mabaton nga amo ong Mesias nga anda ginapaabot. Indi nanda sia mabaton nga Dios pareho sadtong nag-‘tourist guide’ kanamon. Para kananda, sya simple nga karpintero lamang ag kilala gid ag bulano pa nanda.
Para sa mga Judeo, ong Mesias isa ka “LIDER NGA PULITIKO” nga may daon nga mga soldado nga magalupig sa mga Romano ag magahimo sa banwa nga Israel nga “world power”, pareho sa tiempo ni Haring David. Indi si Jesukristo ong Mesias kay tungod sya owa nasanto sa “imahen” et Mesias nga nga anda ginapanumdom. Amo gani nga upod sa hisa, naakig sanda kay Jesus sang sya maghambal nga daw pabor pa sa mga Hentil. Kay ginakaugtan gid et mga Judeo ong mga Hentil, ong mga tawo nga owa nagatuo sa Dios et Israel. Para kananda, “Ong Dios nagtuga sa mga Hentil agud mangin kahoy et kalayo sa impyerno!”
Gani, kita, ano gid bala ong pagkakilala naton sa aton Ginuo?


FR. DODO


ANECDOTE

WRONG PERCEPTION

A moron walks up to a Coke machine and puts in a coin. Out pops a coke. The moron looks amazed and runs away to get some more coins. He returns and starts feeding the machine madly and of course the machine keeps feeding out drinks. A woman walks up behind the moron and watches his antics for a few minutes before stopping and asking if someone else could have a go. The moron spins around and shouts in her face: "Can't you see I'm winning."




FOOD FOR THOUGHT

“Expecting the world to treat you fairly because you are a good person is a little like expecting the bull not to attack you because you are a vegetarian.”
(Dennis Wholey)

ANG MISYON SANG ATON GINUO!

Sang mabasa sang aton Ginuo ang dinalan sa Libro ni Isaias nga Propeta, Siya nagsugud sa paghambal nga ining mga panagna ni Isaias nahatagan sang katumanan sa sina gid nga adlaw! Amo ining mga gintagna ni Isaias: “Ginpili niya ako sa PAGWALI sang Maayong Balita sa mga imol… sa PAGBANTALA sa KAHILWAYAN sa mga bihag… sa PAG-AYO sang mga bulag… sa PAGHILWAY sang mga ginapigos… sa pagbantala sang tuig nga ang Ginuo MAGALUWAS sa iya mga tawo!
Sa sini, ginpahayag na sang aton Ginuo kon mangin ano ang Iya nga buluhaton sa pagpuyo upod sa aton. Paagi sa Pagwali sang Maayong Balita, Siya magadala sang matuod nga Kahilwayan sa tagsa-tagsa, kag Siya mangin palatandaan nga ang Diyos wala nagapabaya sa Iya mga katawohan kundi nga Siya padayon nga nagatan-ay sang Kaluwasan sa aton nga tanan.
Karon nga Dominggo, ginasaulog naton ang National Bible Week, sa diin ginapahanumdum sa aton ang pagka-importante sang Bibliya sa kabuhi sang tagsa ka Katoliko. Diri naton mahangpan ang aton nga Misyon bilang mga inayup nga kaanakan sang aton Amay sa langit. Subong nga ang aton Ginuo nagsugud sa Iyang buluhaton sa pagpamatuod sang dinalan nga gintagna ni Propeta Isaias, kita man gina-agda sa pag-usisa sang aton kabuhi kag kaugalingon nga mga Misyon nga napasad sa balaan nga kasulatan. Amo ini ang aton sadsaran. “The Bible is our Handbook of Life”. May Bibliya bala kita sa aton mga balay?


FR.RONNIE

DOMINGO

Bilang isa ka Judeo, nakaandan un ni Jesus ong mag-adto sa Synagoga sa pagsimba sa Dios sa Adlaw nga Inugpahuway. Bisan duro nga mga butang nga ana nasawayan ag duro man ong nagakontra kanana, sa gihapon, sia naga-adto gid. Masiling naton nga ong pagsimba sa Dios sa sinagoga malayo nga mangin perfecto, apang si Jesus owa gid natak-an sa pag-imaw sa mga manugsimba sa Adlaw et Ginuo.
Para sa aton nga mga Katoliko, ong Adlaw et Ginuo o Adlaw nga Inugpahuway, amo ong Adlaw et aton pagsimba sa Dios, nga amo ong Adlaw nga Domingo. Ong ikatlo nga sugo et Dios nagamando kanaton sa pagpakabalaan o pagtao et nagakaigo mga importansya sa Ginoo sa adlaw nga Domingo. Kay aton dumdumon ong ginsiling et mga nahauna nga mga Kristiano sa mga manugpatay kananda tungod et anda pagsimba sa Dios kon Domingo: “Paano kami mabuhi kon owa ong Domingo?” Paano kami mabuhi kon owa ong Eukaristiya kon Domingo?”
Dios ong nagamando kanaton sa pagsimba kon Domingo. Kay ong Dios gid mismo ong aton ginasimbahan. Indi si Fr. Dodo o si Fr. Ronnie. Kami nagaenganyo lang. Makatilingala kon kaisa nga panumdomon nga may mga tawo nga owa un nagasimba kay nasaway sa pari o sa anda mga kaibahan. Apang sa gihapon, Dios ong naga-insistir nga kita magsimba kanana sa ana Balaan nga Adlaw.
Gani pareho kay Kristo nga matutom sa pag-adto sa sinagoga sa pagsimba sa Dios, dapat kita man mangin matutom sa pagbalikbalik sa Simbahan sa pagtambong sa Misa kon Domingo. Indi kita mangin “ALLERGIC” sa pagsimba sa Dios!

FR. DODO



LACK OF TACT

A cowboy walked into a barber shop, sat on the barber's chair and said, "I'll have a shave and a shoe shine." The barber began to lather his face and sharpen the old straight edge while a woman with the biggest, firmest, most beautiful breasts that he had ever seen knelt down and began to shine his shoes.

The cowboy said, "Young lady, you and I should go and spend some time in a hotel room."

She replied, "I'm married and my husband wouldn't like that.

The cowboy said, "Tell him you're working overtime and I'll pay you the difference."
She said, "You tell him. He is the one shaving you."


FOOD FOR THOUGHT

“The deepest craving of human nature is the need to be appreciated.” (William James)

Sto. Niño- (C)

ANG NIÑO NGA INDI SANG PALABOY!

Tungud sa aton nga debosyon nga mga Pilipino sa aton mga “Patron”, madamo kita sang mga “panimad-on” nga ginapatuhoy agud mahatagan sila sang aton nga padayaw kag pagtahud. Ang problema lang nga sa masami, ang aton mga nadiskubrehan, daw wala na nagasanto sa aton “dapat” nga pagtulu-ohan. Isa na diri ang aton mga “pratices” nahanungud sa Santo Niño.
Ang mga “komersyante” nakadiskubre sini nga maayo nga pamaagi nga mag-umwad ang ila negosyo. Gani nagtuhaw ang mga sari-sari nga mga imahen sang Santo Niño. Ang pinakapamoso amo ang Santo Niño de Palaboy, kay suno sa ila, ang aton Ginuo nadula sang tatlo ka adlaw, kag wala nakapa-uli sa ila nga balay sa sulud sini nga mga tini-on, buot silingon nga ang aton Ginuo nangin isa ka bata nga “talang-talang” ukon isa ka “batang-kalye” ukon nangin isa ka PALABOY! Daw kalaw-ay man sini nga imahen! Paano magtalang ang aton Ginuo, kay Siya amo ang DALAN, ang KAMATUORAN, kag ang KABUHI?
Amo gani nga ang Iya nga ginsiling sa Iya mga ginikanan, sang Makita nila Siya didto sa templo amo nga: “Wala bala kamo makahibalo nga kinahanglan nga yara ako sa balay sang akon Amay?” Indi sang “palaboy” ang aton Ginuo! Siya amo ang aton MATUOD NGA DALAN! Kuntani, insaktuhon ta ang aton pagtuo kag indi pagsakdagon ang mga nagapangunyadi sini! VIVA SA NIÑO NGA AMO ANG ATON MATUOD NGA DALAN!


FR.RONNIE

SI BRO NGA UNGA!

Ong malipayon nga pagsimba et mga Pilipino sa Sto. Nino ginalarawan et masinadyahon nga pagsaulog et Sinulog, Dinagyang, Ati-atihan ag madinuagon nga mga Fiestas sa Tondo ukon Pandacan sa Manila. “Onli in da Philippines” mo lang dya makita ag masaksihan. Ong mga turista nga nagaalabot nagadugang ag nagaugyon sa kadam-an sa pagsinaot sa mga kalye ag dalan, sa paghugyaw sa Kristo nga unga.
Dyang tradisyon et Sto. Nino nagapahayag sa gihapon et misteryo et “INCARNATION” – Ong Dios nangin tawo pareho kanaton. Ong Dios nangin gamay agud kita mangin hanggud. Ong Dios naglumpat halin sa langit paari sa duta agud kita nga daon sa duta, ana mabatak ag matib-ong palangit.
Dya ong kamatuoran et aton pagtuo nga aton ginasaulog sa tagsa ka Fiesta et Sto. Nino. Ag dya nga kamatuoran may paghangkat kanaton tanan. Ano on? NAGALAMBO, NAGATUBO AG HAMTONG NGA PAGTUO. Kay aton gid tandaan nga ong “cute” nga lapsag et Bethlehem nga aton ginaprocession, ginasaotan, ginabayuan ag ‘ginaperfuman’, naghanggud, nangin hamtong ag maisog nga nagbatas et kamatayon agud mahugasan kita sa aton mga sala.
Gani, kaangay kaon, ong aton pagtuo dapat man magtubo ag mangin hamtong. Buot silingon, ong aton mga tradiskyon ag debosyon dapat nga makita sa aton pamatasan, pagkabuhi ag pagsalimuha sa iban. Kay bisan kita nga mga Pilipino mga reliyoso nga mga tawo, sa gihapon, indi mahimutig nga ong mga krimen, pagdinaya, pagkatakata, pagkasungaksungak, mga bisyo, pag-ilinaway ag korupsyon nagaluntad sa gihapon sa bisan diin nga duog nga ong imahen et Sto. Nino hublas nga natongtong o nagakabitkabit.



FR. DODO


ANECDOTE

SUNDAY SCHOOL

Little Mary was not the best student in Sunday school. Usually she slept through the class.
One day, the teacher called on her while she was napping, "tell me, Mary, who created the universe?" When Mary didn't stir, little Johnny, an altruistic boy seated in the chair behind her, took a pin and jabbed her in the rear. "God almighty!" Shouted Mary and the teacher said, "very good" and Mary fell back asleep.
A while later the teacher asked Mary, "who is our lord and savior," but, Mary didn't even stir from her slumber. Once again, Johnny came to the rescue and stuck her again. "Jesus Christ!" Shouted Mary and the teacher said, "very good," and Mary fell back asleep.
Then the teacher asked Mary a third question. "What did eve say to Adam after she had her twenty-third child?" And again, Johnny jabbed her with the pin. This time Mary jumped up and shouted, "if you stick that damn thing in me one more time, I'll break it in half!"
The teacher fainted!

FOOD FOR THOUGHT

“The beginning of knowledge is the discovery of something we do not understand.” (Frank Herbert).

A PRAYER
I said a prayer for you today
And know God must have heard
I felt the answer in my heart
Although He spoke no word!
I didn't ask for wealth or fame
(I knew you wouldn't mind)
I asked Him to send treasures
Of a far more lasting kind!
I asked that He'd be near you
At the start of each new day
To grant you health and blessings
And friends to share your way!
I asked for happiness for you
In all things great and small
But it was for His loving care
I prayed for most of all!

Baptism of the Lord- C

MAGAABUT NGA MAS GAMHANAN
Si San Juan Bautista ginakabig nga “sikat” sang iya nga panahon, tungud nga siya amo ang naga-angut sang Daan nga kasugtanan sa bag-o nga Kasugtanan nga ginadala sang aton Ginuong Jesus. Siya amo ang katapusan sa mga “propeta” apang ang pinaka-BAG-O sa mga magapahayag sang mga tinago nga kaluwasan nga igapahayag sang Diyos sa Iya mga tawo.
Amo gani nga bisan ang mga “gamhanan” sa iya nga panahon, nagakahadluk sa iya tungud sa mga mensahi nga iya ginapahayag, kag madamo gid nga mga tawo ang iya naganyat sa paghimo sang mga pagpanibag-o sa ila nga kabuhi… madamo nga mga tawo ang nagliso kag nagpanumbalik sa Mahal nga Diyos, nga nakamuklat sa ila sayup nga pagpangabuhi. Paagi kay Juan Bautista, nauli ang madugay na nga gal-at nga nagaluntad sa tunga sang Diyos kag sang tawo.
Apang sa likud sining “dalagku” nga mga buhat ni Juan, wala gid magdaku ang iya nga ulo sa bugal, ukon naghatag ini sa iya sang kahigayunan sa pag-ako nga siya amo ang gina-paabut nga “Manluluwas” sang mga tawo. Nagpabilin siya nga “MAPINA-UBUSON” sa pagbaton sang iya nga papel bilang manughanda lamang sang dalan sa magaabut nga mas daku pa sang sa iya! Para kay San Juan, “UBI MAJOR, CAESAT MINOR”- “He must increase, but I must decrease”. Indi siya katulad sang langaw nga kon nakatung-tung na sa karabaw, abi niya mas daku pa siya sa karabaw! Kita? Ano ang aton pagpa-ubos?

FR.RONNIE

YAPAK
“May isa ka totoy nga nadula sa kagulangan. Agud sia makapauli, ong totoy nagsunod sa mga yapak nga ana nakit-an sa dalan. Sa pagsunod sa kadyang mga yapak, sia nagapati nga dya magahatud kanana pauli sa anda balay. Apang lain tana ong ana nadangtan. Kay adto nga mga yapak naghatud kanana sa hubon et mga pabo. Sing may kakulba, ong totoy nagpadayon nga nagpanaw ag nagsunod sa lain naman nga agi et tinapakan. Pero dya nagdala kanana sa panong et mga kanding. Daw halos madulaan un et paglaum ong totoy, apang sa gihapon, padayon sia nga nagpanaw ag nagsunod sa lain naman nga pares et mga tapak. Apang dya nagdala kanana sa tangkal et mga baboy. Dayon, ong bukaw nga nakatalupangod et mga naaguman et totoy, naglaygay kanana: “Ong imo padulongan napat-ud et sahi et mga yapak nga imo ginasunod. Sunda lang bala ong mga yapak nga ana et ayam kay kaon magahatud kanimo sa imo padulongan.” Sa gilayon, nagtin-aw ong panan-awan et totoy ag ana ginsunod ong laygay et bukaw. Ana ginlikawan ong iban nga pares et mga yapak ag maid-id nana nga ginpangita ong mga yapak nga ana et ayam. Ginsunod nana dya ag dya naghatud kanana sa anda puloy-an.”
Bilang mga binunyagan, kita nangin sumulunod ni Kristo ag ginatawag nana sa pagkilala et maid-id et ana mga yapak agud kita makalikaw ag makasikway sa mga yapak nga ana et panulay. Kay sa aton kabuhi, kita tanan ginapalibutan et mga nanarisari nga mga yapak. Ag tungod sa kaduruhon, sa masami, kita nabudlayan sa pagbinagbinag kon ano gid ayhan ong aton sundon. May mga yapak padulong sa kadalag-an. May mga yapak nga nagalagas sa manggad ag poder. May mga yapak man nga nagahatud kanaton sa pagkabuhi sa pangkalibutanon nga kalipay. Dya ag ong duro pa gid nga mga yapak masami nagasamo sa mga yapak ni Kristo nga dapat naton sundon. Ikaw, ano bala nga banas ong imo ginasunod ag ginapanawan?


FR.DODO
ANECDOTE

THROW IT ALL INTO A RIVER
A preacher, completing a temperance sermon, spoke with great fervor! "If I had all the beer in the world, I'd throw it all into the river."
With greater emphasis, he said, "And if I had all the wine in the world, I'd throw it all into the river."
And finally he said, "And if I had all the whiskey in the world, I'd throw it all into the river, too!"
As he took his chair, the song leader stood and announced with a smile, "For our closing hymn, let us sing number 365:"
"Shall We Gather at the River."

FOOD FOR THOUGHT

“I long to accomplish a great and noble tasks, but it is my chief duty to accomplish humble tasks as though they were great and noble. The world is moved along, not only by the mighty shoves of its heroes, but also by the aggregate of the tiny pushes of each honest worker.” (Helen Keller)

Epiphany- C

ANG “IYA” NGA BITUON

Ang palatandaan sang pagkatawo sang Manluluwas sang kalibutan ginpahayag sa mga tawo paagi sa pagsubang sang isa ka “espesyal” nga bituon. Ginasiling gani sang aton nga Ebanghelyo “Iya” ini nga bituon– bituon sang Manluluwas– bituon nga may iya nga kaugalingon nga kasanag nga amo ang maga-iwag sa mga tawo gikan sa kadudulman padulong sa matuod nga kapawa.
Ginasilinig sa hulubaton: “In every child, a STAR is born!” Buot silingon nga sa tagsa ka bata nga matawo, may ara siya nga kaugalingon nga bituon nga amo ang iya nga tumud, sa diin siya, indi magpanglakaton sa kadudulman sang sala kundi sa kasanag sang kahilwayan!
Ang kapiestahan sang “epiphany” isa ka pagpahayag gikan sa aton Amay nga ang kahilwayan nag-abut na sa kalibutan, kag gani HILWAY man nga igabantala ang Maayong Balita sa tanan nga kapungsuran. Amo ini ang ginarepresentar sang mga tawo nga ginmitlang sa aton Ebanghelyo nga naghalin pa sa malayo nga mga duog, gikan sa tagsa ka pamusod sang kalibutan. Sila naghandum nga makaambit man sini nga kahilwayan kag sa pagdayaw sang Manluluwas nga ginpadala sang Diyos nga Amay.
Ang tagsa sa aton may ara man nga bituon nga tumud, apang nagakabuhi bala kita sa “kasanag” kag matuod nga “hilway”?


FR.RONNIE

ONG IKAP-AT NGA MAGO!

Indi tatlo ong mga Dumuluong et aton Ginoo kundi APAT! Dya suno sa isa ka pelikula anay nga gintig-ulohan, “The Fourth Magi”. Suno sa pelikula may apat ka mga dumuluong ong Nino Jesus, apang naulihe ong isa ag owa nana maabtan ong Sagrada Familia sa Bethlehem. Luyag gid nana makit-an ong Nino Jesus sa bagay nga owa sia nga daan magbalik sa ana pungsod. Padayon nana nga ginpangita ong bata agud ana matao ong ana regalo nga mga diamante. Nagpuyo sia sa lugar et mga imol ag didto daw sa nawili sia sa pagbulig sa kadyang mga tawo. Sang ulihi, makaligad et sobra 30 ka tuig, ana nabalitaan nga ong lapsag nga buhay un nana ginapinangita, igalansang un sa Krus. Gani nagdalidali sia sa pag-adto sa pagalansangan kay Jesus nga dala ong isa un gid lang nga nabilin nga diamante bangud kay ana un nagamit ong iban sa ana pagbulig sa mga imol. Apang sa dalanon, ginbanggaan sia et mga buyong, ginbuol ong nabilin nga diamante, ginsakit sia, ag ginbilin nga nagatagumatayon. Sa kadya nga sitwasyon, hanggud gid ong ana kasubo bangud indi un gid nana makita si Jesus. Pero samtang nagadeliryo sia, ana nakita si Jesus nga nagatindog sa ana atubangan. Nahuya gid sia kay owa un sia et may matao nga regalo kay Jesus. Apang ginhambalan sia ni Jesus: “Natao un nimo kanakon ong pinakahanggud nga regalo…” Natingala gid sia. Ag si Jesus nagpadayon: “Ong imo pinakahanggud nga regalo kanakon amo ong imo pagbulig sa mga tawo nga nagakinahanglan.”
Kon ong mga tawo matuodtuod nga nagahigugma, naga-ilus ag nagabulig sa ana isigkatawo, masiling naton nga sanda nagahalad un sa Ginoo et isa ka regalo nga mas malahalon pa sang sa mga diamante. Huo, sa manakara nga panahon, APAT ong mga dumuluong. Ag IKAW, utod, ong IKAAPAT!


FR.DODO

ANECDOTE
LEAVING THE CONVENT
In the convent a young nun went to see the mother superior.
"Mother, I want to quit the veil."
"But why, my child?"
"To become a prostitute."
"What? What are you saying?"
"I said I want to become a prostitute, mother."
"Oh, you had me worried. I thought you said protestant!"


FOOD FOR THOUGHT
“It is unwise to be too sure of one's own wisdom. It is healthy to be reminded that the strongest might weaken and the wisest might err.” (Mohandas K. Gandhi

4th Sun. Advent (C)

BULAHAN KA MARIA!

Indi sang kumpleto ang pagsaulog sang Piesta sang Paskwa sang aton Ginuo kon indi naton pagtandugon ang nahanungud kay Maria, tungud gain nga ang Pagkatawo sang aton Ginuo wala nahanabo kon wala ining Babayi nga naghatag sang iya pahanugut nga matuman sa iya ang pagbulut-an sang aton Ginuo.
Sa pagkamatu-od, bisan ang aton Misa de Gallo, isa ka selebrasyon nga may yara nga “Marian flavor” tungud ini ginhatag nga prebelihiyo sa aton nga mga Pilipino sang Santo Papa, bilang mga debotos kag debotas sang aton Mahal nga Iloy. Huo, kita lang sa Pilipinas ang may yari sini nga selebrasyon! Kita lang ang may kustombre nga nagasaulog sang “Misa sa Pagpamalo” sang manok sa kaaganhon!
Ini tanan aton ginahalad bilang paghanda, nga yara ang espiritu sang aton Iloy, Birhen Maria, sa malapit na lang nga pagkatawo sang aton Ginuo.
Gina-agda kita sang Simbahan paagi sa aton Liturhiya subong, nga maglantaw sa pagkatawo sang aton Mahal nga Iloy, ilabi na gid ang iya PAGKAMATINUMANON sa pagbulut-an sang Diyos sa iya nga kabuhi. Bisan pa nga wala ukon indi niya mahangpan ang kahulugan sang iya nga “papel” nga mangin Iloy sang Diyos, iya ini ginbaton bilang isa ka “Alagad” nga matinumanon!
Labaw sa tanan nga layi kag mga pagkagamhanan, amo ang PAGKAGAMHANAN SANG DIYOS! Diri nagikan ang aton tawohanon nga awtoridad kag poder sa aton isigkatawo! Ang basehan sini tanan amo nga ang Diyos amo ang TAG-IYA sang tanan. Kita sa masami, diutay pa lang gani ang aton napanag-iyahan, nagadumdum kita nga ini tungud lamang sa aton pina-ninguha-an– nagabugalon kita! Tularan ta si Maria– ang mapa-inubuson nga alagad sang Diyos!

FR. RONNIE

SOLTERO

“May isa ka hari nga owa et unga nga lalake. Gani sia nag-invitar sa tanan nga soltero et ana ginharian agud himuon nana nga “adopted son” ag agud amo ong magabulos kanana. Daywa lang ong ‘qualifications’: Ong pamatan-on dapat nagahigugma et minatuod sa Dios ag ana isigkatawo. May isa ka imol nga soltero nga gusto mag-apply apang owa sia et ‘desente’ nga bayu nga suksukon. Gani sia nagtipon ag sa katapusan, sia nakabakal gid man et ‘desente’ nga suluksukon. Sang sia nagahilapit un lang sa palasyo, ana nasumalang ong isa ka ginakurog sa lamig nga tiguwang nga nagapangayo et bayu nga suksukon. Ong tiguwang nagpangayo un sa mga soltero nga naglabay, apang owa gid kananda, bisan isa ong nagtao sa tiguwang et bayu. Ong soltero natandog gid sa kahimtangan et tiguwang ag gani ginhuba ag gintao nana sa tiguwang ong ana bayu para sa ‘interview’. Dayon ong soltero nagdiretso sa kastilyo nga nagaduhaduha kon pasudlon pa sia tungod et ana mahigku ag gusot nga bayu. Apang nakasulod man sia gihapon. Sa ana pagsulod sa kwarto kon sa diin daon ong trono et hari, indi sia makapati sa ana nakita. Kay ong nagapungko sa trono amo ong tiguwang nga ana gintaw-an et ana gintiponan nga bayu. Dayon ong hari nagyuhom kanana ag naghambal: “Welcome, anak ko!”
Ong selebrasyon et pagduaw o pagbisita ni Maria sa ana pakaisa nga si Elizabeth nagahanduraw et pinakatahum nga aspeto et aton pagka-Kristiano: Pag-alagad o Pagbulig sa iban, ilabi na gid, sa mga nagakinahanglan. Ag dugang pa duri, dya nga pagduaw nagatao gid et grasya ag kasadya tungod dya ginaup-dan et pagsakripisyo sa pagpanaw lang et kapin sa 70 milya, halin sa Nazareth paadto sa Ein Karem, ag pagdalidali nga nagaisahanon lang. Gani, kita, kon kita magbisita sa aton mga kakilala, nalipay bala sanda o nagapanyam-id tana?
Mabuhay ong Maalwan nga mga Mambusaonon!


FR. DODO

FOOD FOR THOUGHT
“It is unwise to be too sure of one's own wisdom. It is healthy to be reminded that the strongest might weaken and the wisest might err.” (Mohandas K. Gandhi)

3rd Sun. Advent (C)

ANG IMO SOBRA, PARA SA IBAN!

Madamo na karon nga mga “socio-analysts” kag mga “sociologists” nga nagasiling, suno sa ila mga pagsayasat, nga ang kakulangan, ukon ang kagutum nga nagaluntad sa aton pungsod, nagikan sa TUMAN NGA KA SAKON sang mga “manggaranon” kag mga “impluwensyado” nga mga tawo. Imbes nga magkadto kuntani sa kadamu-an ang “bunga” ukon ang “patubas” sang kalibutan, ini nagkadto lamang sa kamut sang pila ka mga manggaran. Katulad nalang abi sang mga proyekto sang aton Gobyerno. Tungud sang mga SOP’s ginasiling, bisan pa sang mga “project engineers”, nga ang budget nga isa (1) ka milyon ka pesos, isa ka gatus (100) ka libo nalang ang naga-abut sa mga tawo. Gani makalulu-oy ang mga pumuluyo, kay kuntani, ila ato tungud sa ila ginabayad nga buwis sa gobyerno, apang gintaban lamang sang mga oportunista kag mga hamhaman sa pag-angkon sang mga butang, bisan pa ang indi ila! Amo gani nga indi kita makabangon kag makalakat sang mayo tuhoy sa dalan sang pag-umwad tungud ang sistema sang aton pagpadalagan sang aton gobyerno, ginalaktan sang sobra-sobra nga pagkamaiya-iyahon nga nagapamintaha sa tagsa-tagsa ka pumuluyo sang aton pungsod!
Ini nga mga bagay, wala lamang matabo sa aton panahon subong. Bisan pa sa panahon sang aton Ginuo, ini nga mga bagay nagakahanabo man. Amo gani nga sang Siya ginpamangkut sang mga tawo kon ano ang ila buhaton agud maangkon ang kabuhi nga wala sing katapusan Siya nagsabat nga “Kon duha ang imo bayu, ihatag ang isa sa wala sing bayu; kag kon sin-o ang may kalan-on, dapat maghatag sa mga wala sing kalan-on”… Indi magsukot sang sobra… indi magkuha sang kwarta sa palugos! Amo ini ang “recipe” sang aton Ginuong Jesus kon luyag kita maglampuwas sang sitwasyon sang PAGPAMINTAHA! - MAGPA-AMBIT KAG MAGMA-ALWAN!- Sa sini kita may matuod nga Kalipay sa aton pagsaulog sang Paskwa sang Pagkatawo!


FR. RONNIE

INDI KA MAGDINAYA!

“Isa ka ‘weekend’, may tatay nga nagdala et ana daywa ka unga sa isa ka ‘carnival’. Nagpalapit sia sa ‘ticket counter’ et ‘ferris wheel’ ag nagpangutana: “Pila ong bayad sa pagsakay?” Ong nagabantay nagsabat: “100 para kanimo ag 30 para sa 8 anos paibabaw nga unga ag libre para sa 7 anos paidalum. Ano ong anda edad haw?” Ong tatay nagsabat: “Ong manghod 6 ka tuig ag 8 anos ong magulang. Buot silingon, 130 ibayad ko kanimo?” Ong gabantay nagsiling: “Sir, kamanggaranon gid guro kanimo nga tawo. Kay kon ginhambal mo nga 7 lang ka tuig ong magulang, indi ko man gyapon mabal-an.” Ag ong tatay naghala: “Oo, pwede ko gid man un ihambal kanimo. Apang ong akon mga unga nakasayud gid kon ano ong anda edad ag indi ko gusto nga tawgon nanda ako nga bakakon!”
Sa aton Ebanghelyo sa kadyang ‘Gaudete Sunday’, ong mga manugsukot et buhis, mga soldado ag mga ordinaryo nga tawo nagpamangkut kay San Juan Bautista kon ano ong anda dapat himuon agud makaaman et nagakaigo sa pag-abot et Mesias. Ag si Juan naghangkat kananda sa paghimo et HUSTO, ENSAKTO, MAAYO AG MATARUNG sa anda tagsatagsa nga sitwasyon ag hilikuton sa kabuhi. Kon sanda manggaran, dapat sanda mangin maalwan sa mga walawala. Kon sanda daon sa poder, dapat indi sanda magpangurakot. Kon sanda may ‘otoridad’, dapat indi nanda paggamiton dya sa pagpamahog, paghalit, pagtonto ag pagdaugdaug sa iban. Buot silingon, mangin takus ag igo lamang ong aton preparasyon sa pag-abot ni Kristo kon kita nagahimo et HUSTO, ENSAKTO, MATARUNG AG MAAYO sa oras nga tanan ag sa bisan diin sa aton pagkabuhi adlaw-adlaw. Ikaw, minatuod, husto, ensakto, matarung ag maayo bala ong imo ginahimo sa oras nga tanan ag bisan diin ka man?



FR. DODO

ANECDOTE
DIRECTIONS
Pete and Larry had not seen each other in many years. Now they had a long talk trying to fill in the gap of those years by telling about their lives. Finally Pete invited Larry to visit him in his new apartment.
"I've got a wife and three kids and I'd love to have you visit us."
"Great. Where do you live?"
"Here's the address. And there's plenty of parking behind the apartment. Park and come around to the front door, kick it open with your foot, go to the elevator and press the button with your left elbow, then enter! When you reach the sixth floor, go down the hall until you see my name on the door. Then press the doorbell with your right elbow and I'll let you in."
"Good. But tell me...what is all this business of kickin
the front door open, then pressing elevator buttons with my right, then my left elbow?"
"Surely, you're not coming empty-handed."

FOOD FOR THOUGHT
“ When a man dies he clutches in his hands only that which he has given away during his lifetime.” (Jean Jacques Rousseau)

2nd Sun Advent (C)

PANAWAGAN NI JUAN BAUTISTA...
“Magbiya kamo sa inyo mga sala!...” Amo ini ang matunog nga tingug ni Juan Bautista nga nagapanawagan indi lamang sa iya nga panahon, kundi bisan pa sa aton nga panahon subong. Gina-agda kita niya sa pag-obra sang tadlong nga dalan bilang paghanda sa pag-abut sang pagkatawo sang aton nga Ginuo. Amo ini ang tama nga “description” sang sala– ini nagapahamulag sang aton relasyon sa Mahal nga Diyos, tungud ang dalan nga aton gina-agyan isa ka dalan nga tiko! - “We miss the target”, kag gani “nagatalang” man kita sa aton pagkabuhi!
Ang panahon sang adbiento isa ka tini-on sa aton pag-usisa sa aton kaugalingon kon bala kita yara pa sa gihapon sa tama nga dalan… kon bala ang aton pagpanglakaton isa ka “tadlong” nga pagpanglakaton ukon isa na ka pagkabuhi nga “patuyang” kag “pahubog-hubog”- patuyang sa mga butang nga dutan-on kag umalagi nga mga kalipay kag pahubog-hubog ilabi na gid sa poder kag inpluwensya nga tawohanon!
Sa sining “pakat” na nga mga inadlaw… sa sining “Christmas rush”, si San Juan Bautista naga-agda sa aton sa pag-usisa sa aton mga “values” ila bi na gid sa aton pagsa-ulog sang “Paskwa sang Pagkatawo” sang aton Ginuo. Basi mawili kita sa paghinanda sang mga regalo nga malipatan naton ang aton matuod nga GINAREGALOHAN… basi mawili kita sa paghanda sa aton mga “Christmas Lights” kag aton malipan ang aton matuod-tuod nga “LIGHT OF LIFE”, basi mawili kita sa aton mga “Christmas Trimmings” kag aton malipatan matuod naton nga GINA-ADORNOHAN NGA SELEBRANTE”...Basi mawili kita sa PAGPINAMANTAY sa iban kag aton malipatan ang MAGMABINANTAYON sa aton KAUGALINGON! Basi ang aton Paskwa ara lang sa selebrasyon kag madula na ang SELEBANTE nga amo ang aton Ginuong Jesukristo! Ihanda naton ang tama nga dalan para sa ATON GINUONG JESUS!


FR.RONNIE

ONG MENSAJERO

Sadtong una hasta manakara sa sidlangan nga bahin et kalibutan, kon ong isa ka hari magplano sa pagbisita sa isa ka bahin et ana ginharian, sia nagapadala et mensajero nga mag-una kanana para sa paghambal sa mga tawo didto sa pag-aman et ana alagyan. Si San Juan Bautista ginakabig nga amo ong mensajero et hari et mga hari. Apang ong sahi et preparasyon nga ana ginbantala amo ong pag-aman et taguipusuon ag kabuhi. “Ong Hari magakari,” siling nana, “Kay-oha, indi ong inyo mga karsada kundi ong inyo mga kabuhi”. Ag dya nga mensahe et mensajero et Kristo ginatao kanaton bilang obligasyon sa pagtadlong et aton kabuhi o pamatasan, agud nga kon ong Hari mag-abot un, malipay gid sia sa ana makita. Ag ana kita padyaan et kaluwasan.
“May estorya nahanungod sa isa ka hari nga nagbutang et isa ka hanggud nga bato sa tunga et nagaisahon nga karsada paadto sa merkado ag dayon nagpasalipud sa paglantaw kon sin-o ong magkuha et bato. Duro nga mga klase et tawo ong nag-abot ag nakakita sa bato. Ong iban nagtulok lang sa bato ag nagdiretso sa pagpanaw paagi sa pagpangalingid duri. Ong iban naman, nakakita sa bato ag naingit, nagbasol ag nagbuyayaw sa hari kon hamat owa ‘na gid ginpakuha sa ana mga soldado ong samong nga bato. Ag duro pa, apang owa gid kananda, bisan isa, ong may nagbuol et bato. Sa katapusan, nag-abot ong isa ka manugbaligya et utanon nga nagasakwat et isa ka tiklis nga pechay. Sa ana pagkakita sa hanggud nga bato, ana ginbutang sa duta ong ana pechay, nagpangita et kahoy ag ginpaligid ong bato sa ‘gutter’ sa higad. Dayon, sa ana pagbalikid sa lugar nga ginhalinan et bato, ana namulalongan ong isa ka puyopuyo.Sang ana ginbuksan dya, sia nakibot tungod ong sulod et puyopuyo mga diamante ag sulat halin sa hari nga nagasiling: “Dyang mga diamante ginatao sa tawo nga magakuha sa kadyang hanggud nga bato!”



FR. DODO

FOOD FOR THOUGHT
“Deep unspeakable suffering may well be called a baptism, a regeneration, the initiation into a new state.” (George Eliot)

1st Sun. Advent-C

MAGBANTAY KAMO!
Ginasuguran naman naton ang isa ka bag-o nga tuig sa kalendaryo sang aton nga Simbahan, kag sa sini nga kaangtanan, ginahingadlan naton ini nga tini-on sang pinasahi sang sa iban. Aton ini ginatawag nga panahon sang ADBIENTO nga naghalin sa tinaga nga ni-latin nga nagakahulugan sang “pagpa-abut” ukon “paghulat”. Ini nga klase sang pagpa-abut may kinatuhay nga kalidad, tungud ini nga pagpa-abut indi lamang sang pagpa-abut nga may pagpabaya, ukon daw wala’y sapayan lamang nga pagpa-abut, kundi isa ka pagpa-abut nga may buluhaton, paagi sa pagpabilin nga “nagabugtaw” ukon nakamuklat ang mga mata… ini nga pagpa-abut amo ang pagpaabut katulad sang isa ka sulugu-on nga nagahulat sa pag-abut sang iya nga agalon. Pagpa-abut nga “alerto” nga NAGABANTAY, tungud nahibalu-an niya nga ang iya agalon maga-abut sa indi mapaktan nga oras.
Ang panahon sang Adbiento nagahatag sa aton sang kahigayunan sa paghanda sang dalan nga pagaagyan sang aton Mamnluluwas nga matawo sa aton tunga. Sa sini nga tinion, kita gina-agda nga mangin “sensitive” sa aton palibut tungud ang tanan nga nagakahanabo may mga kahulugan kag kaangtanan sa pag-pakatawo sang aton nga Manluluwas.
Kon sang nagligad nga “cycle”, may mga butang kita nga ginpabulag-bulagan, sa sining tion gina-agda kita sang aton Ginuo nga MAGBANTAY kag MAGHANDA nga BUKAS ANG NGA MATA! Ano bala ang aton preparasyon sa Iya nga pag-abut?

FR.RONNIE



ORAS ET DIOS
“May masubo nga balita nga nag-abot sa Dios. Ginasiling et mga ‘guardian angels’ nga istan un lang ong mga tawo nga nagapangamuyo. Kay bisan ginahambal et mga tawo nga importante ong pangamuyo ag nagapanugda man sanda nga magapangamuyo, galing tungod pirme sanda masako, owa un sanda et tion sa pagpangamuyo.
Gani gintipon et Ginoo ong konsilyo et kalangitan ag may anghel nga ‘nagsuggest’ nga dapat dugangan et isa ka oras ong isa ka adlaw agud gamiton et mga tawo sa pagpangadi. Ginpasar dya et konsilyo ag ginmando et Dios. Sang ibantala dya sa katawhan, nalipay gid sanda ag gintawag nanda ong ika-25 nga oras nga “Oras et Dios”.
Apang pagkaligad et pila ka adlaw, isang kurot man lang gyapon ong mga pangamuyo nga nagaabot sa langit. Kay ginagamit et mga mangin-alamon ong ika-25 nga oras sa anda diskusyon kon makabulig gid man bala dya. Ong mga negosyante nagasiling naman nga may daon nga “economic recession” gani ginagamit nanda dya para sa negosyo. Siling naman et mga pari, kinahanglan nanda ong oras nga on sa anda ‘pastoral ministry’. Ag iban pa…
Dayon natukiban et mga anghel nga ong nagagamit kadyang oras para sa Dios amo yadtong, sang una, may daon un nga oras sa pagpangamuyo. Gani ‘nag-conclude’ sanda nga ong pangamuyo owa nasandig sa oras kundi sa paghigugma sa Dios. Ong mga tawo indi mangin palangadi kon taw-an sanda et dugang nga oras. Sa pihak nga bahin, ong mga nagapalangga ag nagadangop sa Dios makakita gid et tion sa pagpangamuyo, bisan pa, sa sulod et 24 ka oras lang.”
Ong matuod nga pangamuyo amo ong pagbatyag nga ikaw ginapalangga gid et Dios. Gani nagapangamuyo ikaw kanana tungod palangga mo man sia. Ikaw nagapasalamat, nagakasadya, ag nagatinguha nga sundon ong ana kabubut-on sa tanan nga kahigayunan. Pirme mo sia ginapanumdom ag ginahulat nga may kalangkag ong ana pag-abot. Tani amo gid kita kaon.


FR. DODO

CHRIST THE KING (B)

GINASILING MO NGA AKO HARI!
Karon nga Dominggo aton ginatakup ang isa naman ka pahina sa kalendaryo sang aton nga liturhiya sa Simbahan. Nagatakup na ang “Cycle B”, kag nagasugud naman ang isa ka cycle nga amo ang “Cycle C”. Ini nagapakita lang sa aton nga katulad sang aton pagpangabuhi nga “nagapanglakaton”, ang Simbahan padayon man nga nagatikang sa isa ka pagpasimpalad tuhoy sa PAGPANIBAG-O.
Ang kapiestahan sang aton Ginuo bilang hari, isa ka pagtakup nga nagahatag sa aton sang paglaum nga sa likod sang pagbinaylo-baylo nga nagakahanabo sa aton kabuhi, maayo man ukon malain, sa katapusan kita makalantaw nga ang KATUMANAN sang tanan yara nasandig sa aton Ginuong Jesus. Diri siguro naghalin ang hulubaton nga nagasiling: “Kay haba-haba man nga prosesyon, sa Simbahan pa rin ang tuloy!”- Kay Kristo nagapatuhoy ang “katumanan” sang tanan tungud Siya amo ang Hari nga magakari bilang hukom kag tag-iya sang tanan nga mga butang. Siling gani ni San Juan: “Sa ginsuguran, yara na ang Pulong, kag ang Pulong yara sa Diyos, kag ang Pulong Diyos… ini nga Pulong nangin Tawo kag nagpuyo upod sa aton.”
Si Kristo amo ang kapupun-an sang pagpahayag sang Amay sang Iya nga kaugalingon sa aton, sa bagay nga ginhatag sa Iya ang tanan nga “OTORIDAD” sa langit kag sa duta. Siya amo ang Hari nga nagkari indi agud alagaran kundi sa PAG-ALAGAD!
Ginasiling gani nga piesta sang “Cristo Rey” kapiestahan sang mga amay sang pamilya, tungud diri ginabase ang otoridad sang mga amay sa ila kaugalingon nga mga panimalay. Ini nagahatag sa aton sang kahigayunan sa pag-usisa sang aton kaugalingon kon bala kita matuod gid nga NAGA-ALAGAD BILANG MGA AMAY?


FR.RONNIE
HARI ET KAMATUORAN
Si Jesukristo Hari ag ana ginpasanag dya paagi sa simple nga mga pulong: “…Tungod sini, nagpakatawo ako ag nagkari sa kalibutan sa pagsaksi sa KAMATUORAN. Ong yara sa kamatuoran nagapamati sa akon.” Si Kristo hari tungod et kamatuoran. Kon owa et kamatuoran, ong ana pagkahari owa et pulos.
Aton nasayran nga mabudlay ag masubo ong paghambal et kamatuoran ag ong magkabuhi para sa kamatuoran. Ngaman? Nahauna, dya tungod kon magproklamar ikaw para sa kamatuoran, ikaw nagaisahanon gid lang. Amo gid dya ong natabo kay Kristo. Isahanon lang sia sa atubangan ni Pilato. Ong ana pamilya, pariente, mga pinalangga ag ong ana mga gintutun-an owa sa tupad nana tungod sanda nakulbaan nga mapatay upod nana. Ikaduha, dya tungod ong kamatuoran masami nga nagapanghangkat ag indi tanan nga tawo luyag nga hangkaton nga magbag-o o mag-ayo. Ikatlo, dya tungod ong kamatuoran mabudlay himuon ag indi tanan nga tawo gusto magkabuhi nga honest. Sa karang panahon, mas duro tana et kwarta ong mga tonto. Ikap-at, ong hublas nga kamatuoran makahuluya ag indi tanan nga tawo makaatubang et makahuluya nga kamatuoran. Ikalima, dya tungod ong masakit nga kamatuoran duro masami ong naigoan ag nasakitan ag masami man nagabalik sa naghambal kadya, ag indi tanan luyag mag-antus o mapatay para sa paghambal et ensakto ag matuod.
Apang si Kristo Hari tungod siya nagkari sa pagsaksi (paghambal ag pagsugid) sa kamatuoran. Sa minatuod lang, san-o ong katapusan nga tion nga ikaw nag-antus sa imo pagsugid et kamatuoran? Kon owa ikaw nakaantus tungod sa paghambal et matuod, dya bala tungod kay nagamon ka un sa pagbinutig, pagbinakak, pagbinug-ak ag pagpinaditol?
Mabuhay ong Maalwan nga mga Mambusaonon!

FR. DODO


ANECDOTE
LAST REQUEST
Tragically, three friends die in a car crash, and they find themselves at the gates of heaven. Before entering, they are each asked a question by St. Peter.
"When you are in your casket and friends and family are mourning upon you, what would you like to hear them say about you?" asks St. Peter.
The first guy says, "I would like to hear them say that I was a great doctor of my time, and a great family man."
The second guy says, "I would like to hear that I was a wonderful husband and school teacher who made a huge difference in our children of tomorrow."
The last guy replies, "I would like to hear them say, "Look! He's moving!"

33rd Sunday Ord. Time (B)

ENDING AND BEGINNING...
Makakulugmat pamati-an ang Ebanghelyo subong nga Dominggo tungud ini nagapakita sa aton sang imahen sang pagkagunaw sang kalibutan… “ang adlaw magadulum kag ang bulan indi na magsanag, ang mga bituon magakalahulog gikan sa langit; kag ang gahum sa kahawaan pagapatalangon sa ila kinaandan nga alagyan…”
Siling sang mga “doomsday prophets”, sang mga “astrologers”, kag iban pa nga mga “scientists”, ini nga mga hitabo amat-amat na nga nagakahanabo sa aton nga panahon subong. Katulad nalang abi sang bag-o nga nadiskubrehan sang siyensya nga “planet” Nibiru nga ginapa-abut nga magasulud sa aton solar system sa tuig 2012, nga magadulut sang pagsalangisag kag mga “natural catastrophes” sa aton kalibutan, sa bagay nga suno sa “Mayan Calendar”, magunaw ang kalibutan sa Dec. 21, 2012.
Kon sa Biblia naton basehon ang kahulugan sang “katapusan”, ini naangut sa ideya sang “fulfillment” ukon KATUMANAN… Kon ginasiling naton nga natapus na ang tanan, buot silingon nga ang tanan nga plano, misyon kag mga buluhaton, natuman na. Kon bala sa pelikula, ang pag-obra sang “script” sang istorya, matahum, tungud sa katapusan, makita naton ang dinalan nga “THE END”. Kon manami gid gani ang sine, nagapamalakpak pa kita pagkatapos! Ngaman? tungud ang tanan nga gintahi-tahi nga mga insidente sang pelikula naintindihan naton sa katapusan. Sa sini MAKASUGUD naman sang bag-o nga istorya ang “script-writer”.
WALA sang gintagna nga adlaw ang aton Ginuo… wala kita makahibalo kon san-o “maguba” ang kalibutan. Apang dapat kita magmangin-handa sa “pag-guba” sang daan agud may “pagbag-o” kita nga padulungan.
Sa pagkamatuod, ang “THE END” indi sang katapusan, kundi isa ka bag-o nga pagsugud...a NEW BEGINNING!
FR.RONNIE


END OF DAYS

Samtang nagahilapit un ong katapusan nga Domingo et liturhiya, ginapanumdom kanaton ong “Katapusan nga Panahon”. Ginapakilala dya et Ebanghelyo sa estilo ag lenggwahe nga Apokaliptiko. Dya nga sahi et paghambal nagatumod sa kadalag-an et Dios batok sa gahum et kadulom.Kon ong mga tawo makasegurado et kadalag-an, magapadayon sanda sa pagtinguha nga mangin tampad sa pulong et Dios bisan ano pa ong matabu nga paghingabot kananda. Gani masiling naton nga baliskad ong tinutuyo kadyang “makahaladluk o makangilidlis” nga matabo. Dya indi isa ka pamahog nga nagapakurog o nagapakulba sa tawo kundi dya tana nagatao et paglaum ag kabakod sa katawhan et Dios.
Sa manakarya nga panahon, literal ong pagbasa et iban nga mga tawo sa kadyang lenggwahe nga apokaliptiko. Anda dya ginagamit nga basehan sa pagtungkad et mga misteryo ag pagpaathag et mga trahedya nga nagakahanabo hindon. Ong iban naman nagapanagna nga madali un lang maguba ong kalibutan. Gani gabaliskaran ong nagakahanabo: imbes nga paglaum, kahadluk ong ginatanum sa painuino ag taguipusuon et tawo.
Kahadluk o kakulba bala ong katapusan nga tinaga sa katapusan et panahon? Dapat INDI! Ong mga mahanabo sa langit, ong mga kalalat-an sa duta indi dapat kahadlukan. Kay dya simbolo lamang et pagguba et daan nga kahimtangan agud buslan et Dios et bag-o. Gani owa et luha, kasakit ukon sakrispisyo nga indi mapuslan. Ong aton katampad ag katutom ayhan magdulot sa aton et kasakit o kalugaw-an. Apang may katapusan dya. May padulungan dya nga bag-o ag permanente – kabuhi nga dayon. Gani abi kon maglinog manakara gid ag labanlaban nga mapatay gid taton? Mahadluk ka bala o malipay tungod makita mo un ong imo Dios?
Mabuhay ong Maalwan nga mga Mamabusaonon!

FR. DODO


ANECDOTE
THE BETTER NEWS
Harry answers the telephone and it's an Emergency Room doctor.
The doctor says, "Your wife was in a serious car accident, & I have bad news and good news. The bad news is she has lost all use of both arms & both legs, & will need help eating & going to the bathroom for the rest of her life."
Harry says, "My God. What's the good news?"
The doctor says, "I'm kidding. She's dead."

FOOD FOR THOUGHT
“The world is round and the place which may seem like the end may also be the beginning.” (Ivy Baker Priest)

32nd Sunday Ord. Time (B)

NAGHATAG SANG PANGABUHI-AN

Madamo sang mga hitabo sa kabuhi sang aton Ginuong Jesus nga nagapakita sang Iya paghatag sang importansya sa PAGKA-ALWAN. Siya gani nagpanudlo nga “Kon magpahulam kamo, indi kamo magpaabut sang bayad… Kon maghiwat ikaw sang punsyon, indi pag-agdaha ang imo mga abyan nga sarang maka-agda man sa imo, kundi, agdaha ang mga piang, mga bulag, mga bungol kag mga imol– kay ini sila indi sarang makabalus sa imo, kundi ang imo Amay sa langit amo ang magabalus sa imo!
Sa aton Ebanghelyo subong ginapakita man ang pagdayaw sang aton Ginuo sa isa ka balo nga naghatag bisan pa sang iya nga kinahanglanon. Ang mga balo sa panahon sang aton Ginuo, mga makalulu-oy, tungud sila nagakabuhi lamang sa “rasyon” sang gobyerno kag sila ginakabig nga mga “maluya” sang sosyedad. Apang sa likud sini nga sitwasyon, sa gihapon ang balo naghatag sang iya halad sa Mahal nga Diyos, bisan pa sang iya nga PANGABUHI-AN!
Isa ini ka “insulto” sa mga manggaranon nga naghatag man, apang naghatag lang sila suno sa “sobra” sang ila nga manggad!- nga indi man gani ila! Sila naghatag suno sa kabuganaan sang ila dutan-on nga manggad, apang ang balo naghatag gikan sa KABUGANAAN SANG IYA NGA TAGIPUSU-ON!
Tubtub subong, padayon kita nga nagahalad sa Diyos sa Iya nga Templo ukon sa Simbahan, kag sa gihapon padayon man nga nagaluntad ang mentalidad sa paghatag suno sa kabuganaan nga ayhan “sobra” lang, ukon sa kabuganaan nga naghalin sa tagipusu-on– bisan pa ang kinahanglanon. Kon kaisa, sa sobra KAISIP, ginapangayu-an pa gani sang “proper accounting” ang manugdumala sang Simbahan! Apang, ANO ANG NAHATAG MO? Sobra?, ukon halin sa imo pangabuhian? Ukon WALA gid gani? INDI KA MAGMA-ISIP!
FR.RONNIE


DUKOT

Ong regalo indi mapamatud-an sa hapin lang kadya. Ong sulod et kahon, indi ong hapin kadya, ong matuod nga regalo. Gani, indi pareho sa tawo nga madali mabuyok sa katahum nga makita sa gwa, ong Dios nagatulok pirme sa sulod kay ong labing importante daon sa sulod. Dya ong ginatumod et hulobaton nga nagasiling: “Ong ginatulok et Dios indi amo ong kabahol et regalo kundi ong kahanggud et taguipusuon”. Indi ong presyo o bili et regalo ong importante kundi ong panumdoman ag motibo et nagatao et regalo.
“May estorya nahanungod sa isa ka mag-asawa nga nagselebrar et masinadyahon et anda “Golden Wedding Anniversary”. Pagkahin-aga ag sa anda nakagamnan nga himuon, ong bana ong nagsukad et kan-on sa kaldero. Ag sa ana ‘nakagawian’ nga himuon sa nagliligad nga 50 anos, ana ginbutang ong dukot sa plato et ana asawa. Ong asawa nagpangakig et todo ag nagsiling nga indi un sia magkaon et dukot ag nagpadayon sa pagpusnga sa ana bana nga owa gid kuno dya et patugsiling ag pagpalangga kanana.
Dayon ong bana nga nagahipos lang sa sulod et malaba nga pag-alburoto ag ‘sermon’ et ana asawa, nag-uyat et kamot et ana asawa ag naghambal: “Palangga ko nga asawa, owa ka bala kasayud nga sa kadugayon nga upod kita, abi ko gusto mo gid magkaon et dukot? Panggay, bal-an mo, ong dukot ong pinakapaborito ko nga kan-on! Ag adlaw-adlaw ag aga-aga, ginatao ko gid ron kanimo tungod palangga ta gid ikaw!”
Si Mark Link, SJ, nagsugid nga may daon nga tatlo ka sahi et manugregalo. Nahauna, ong nagatao nga may pagkanugon, nga nagasiling, “Owa gid ako nanamian sa pagregalo”. Dya nga manug-ilus nagapaabot nga balusan. Ikaduha, ong nagatao tungod et katungdanan ag napilitan lang, gani nagasiling, “Kinahanglan ko nga magregalo”. Dya nga manug-ilus nahadluk nga mahuy-an ag luyag kilalahon ag dayawon et iban. Ikatlo, ong nagatao tungod kay nagapasalamat ag nagasiling, “Gusto ko ag nalipay gid ako nga magregalo”. Dya ong sinsero nga manug-ilus ag nagakilala nga ong Dios ong tag-iya et tanan ag ginabalik lang nana sa Dios ong para kanana paagi sa ana pagpaambit kadya sa iban. Utod, sa diin ka sa kadya nga tatlo ka sahi et manugtao?


FR. DODO


ANECDOTE
INVESTMENT
An artist asked the gallery owner if there had been any interest in his paintings on display at that time.
"I have good news and bad news," the owner replied. "The good news is that a gentleman inquired about your work and wondered if it would appreciate in value after your death. When I told him it would, he bought all 15 of your paintings."
"That's wonderful," the artist exclaimed. "What's the bad news?"
"The guy was your doctor."

FOOD FOR THOUGHT
“Think of giving not as a duty but as a privilege.”
(John D. Rockefeller, Jr.)

SOLEMNITY OF ALL SAINTS (B)

BULAHAN ANG MGA MALULUY-ON!

Ginasa-ulog naton subong nga Dominggo ang Kapiestahan sang mga Santos… mga tawo nga katulad man naton apang naghimud-os nga makalampuwas sa aton tawohanon nga kahuyang. Sila amo ang mga tawo nga nagpakigbato sa ila kaluyahon, ilabi na gid sa pagda-ug sa pag-ganyat sang kasal-anan. Sila nagapahayag sa ila pagkabuhi nga ang tawo, bisan pa nga kaupod na sa iya pagkatawo ang pagkahuyang, ang tawo may kapasidad nga magbatak sang iya nga kaugalingon kag sarang makasabat sa panawagan sang aton Ginuong Jesus nga: “Magmangin himpit subong nga ang Iya Amay sa langit, himpit”… Be perfect as my Heavenly Father is perfect! Sila nagapakita sa aton nga ang mga pagpanginbulahan nga ginmitlang sang aton Ginuong Jesus subong nga Ebanghelyo sarang naton maangkon kon kita maghimud-os sa aton masarangan, kag sa pagsandig sa sarang mabuhat sang Diyos sa aton kabuhi.
Isa sa mga ginmitlang sa mga pagpanginbulahan sang aton Ginuo amo ang MALULUY-ON. Ini tungud sila pagakalu-oyan man sang ila Amay sa langit. Buot silingon nga ginalantaw sang aton Amay sa langit ang aton buhat sang kaluoy tungud una sa tanan, Siya amo ang Amay sang kaluoy, kag luyag Niya nga kita, bilang Iyang mga anak, magpaluntad man sang kaluoy sa aton tunga!
Amo ini ang mga Santos, nalampuwasan nila ang ila tawohanon nga pagkasakon tungud sila nagapati kag nagatuo nga ang aton Amay sa langit napun-an man sang kaluoy kag ginagikanan sang tanan nga kalu-oy.
Ang piesta sang mga Santos nagatudlo sa aton nga ang aton pagkawo wala nasandig sa pagpakasala kundi sa pagtikang sa dalan nga ginatudlo sang aton Amay sa langit!-KALUOY, PAGHIDAIT, KAG PAGPAUBOS!


FR.RONNIE

TRUE HEROES

Si San Agustin, sang una, nagpamangkot: “Kon ong mga simple ag ordinaryo nga mga lalake ag babaye sarang mangin santo, hamat ako indi pwede?” Ong selebrasyon et “Todos los Santos” nagapahanumdom kanaton nga kita tanan ginatawag nga mangin santo ag ong pagkabalaan, pagkasagrado o pagkasantos posible para sa tanan. K-ahit S-ino P-wede!
Apang hamat ginasaulog gid naton dyang “All Saints Day” kay duro man nga mga inadlaw sa isa ka tuig nga aton man ginapadunggan, ‘optional’ o ‘obligatory’, ong isa, duha, tatlo o duro sa kadyang mga santos? Dya tungod kay ong Simbahan nagatulod kanaton sa pagdumdom ag pagpadungog, bisan isa lang sa isa ka tuig ag indi lang sa aton mga paborito, kundi sa TANAN NGA MGA SANTOS, labi na gid ong mga indi sikat, owa nakilal-an ag ‘na-canonized’ et Simbahan.
Karon, paano naton padunggan ag tahuron ong mga ‘HEREOS’ O ‘BAGANIHAN’ et aton Simbahan? Owa un et iban pa nga pamaagi kundi ong ILOGON sanda. Magtinguha nga mangin balaan, sagrado o santo man pareho kananda.
Ag paano? Tumanon ag himuon ong mismo nga “Sermon sa Bukid” ni Kristo: Ong “Beatitudes” – ong Dalan et Pagkabalaan o Pagkabulahan! Paagi kadya, si Kristo nagtao un nga daan et “kodigo” et ana “Final’s Questions” kanaton sa katapusan et aton kabuhi: May espiritu ka bala nga mapainubuson? Maluluy-on ka bala? Nagapaluntad ka bala et Paghidait? Nagtinguha ka bala para sa kaayohan et imo kalag? Matarung ka bala? Malimpyo bala ong imo taguipusuon? Ag iban pa… Kon ong aton sabat ta HUO, ti indi malayo nga dyang “November 1”, mangin akon ag imo man FIESTA sa ulihe! Kabay pa!
Mabuhay ong Maalwan nga mga Mambusaonon!


FR. DODO


ANECDOTE

THE LAST RITES

The priest was preparing a man for his long day's journey into night.
Whispering firmly, the priest said, "Denounce the devil! Let him know how little you think of his evil!"
The dying man said nothing so the priest repeated his order.
Still the dying man said nothing.
The priest asked, "Why do you refuse to denounce the devil and his evil?"
The dying man said, "Until I know where I'm heading, I don't think I ought to aggravate anybody."

FOOD FOR THOUGHT

“Happiness cannot be traveled to, owned, earned, worn or consumed. Happiness is the spiritual experience of living every minute with love, grace and gratitude.” (Denis Waitley)

30th Sun. Ord. Time (B)

OPPORTUNITY KNOCKS ONLY ONCE...

Isa ka bulag nga nakabati nahungud sa naga-agi nga Manunudlo ang ginalaragway karon nga Domingo sa aton nga Ebanghelyo. Indi katulad sa iban nga mga gin-ayo sang aton Ginuo, ini nga bulag ginhingadlan gid ni San Markos sa iyang sinulatan. Siya amo si Bar-timeo, nga anak ni Timeo. Kag indi man katulad sang iban nga ginpang-ayo, siya wala’y huya-huya kag wala’y-patay nga nagsinggitan nga ayuhon siya sang Anak ni David– ang isa ka titulo sang aton Ginuo nga Siya isa ka Hari tungud Siya nag-gikan sa linya sang mga Hari!
Ayhan matuod nga bulag si Bartimeo, apang mas “nakakita” siya sang sa mga tawo nga nagapalibut sa aton Ginuong Jesus, tungud iya nga natalupangdan nga matuod nga ang aton Ginuo, isa ka alagad sang Diyos nga nagkari agud sa paghilway sang iya mga katawohan sa gapus sang sala kag sa iya makahalalit nga mga bunga sini, katulad sang iya nga pagkabulag.
Wala sing pahuway nga nagpanawag si Bartimeo tungud para sa iya, KAISA lang ini nga hitabo nga magaagi ang Manluluwas sa iya ginahamtangan, gani wala gid niya pagpalipasa ini nga tini-on nga siya MAKAKITA kag mangin “NORMAL” ang iya nga pagkabuhi kaupod sa isa ka katilingban. Para sa iya, ining KAISA LANG nga kahigayunan, mangin isa ka tini-on sa iya pagpanibag-o sa iyang kabuhi kag tungud sining pagsumalang sa aton Ginuo, siya man magalakat sa isa ka dalan sang pagpanibag-o sa pagsugud bilang isa ka normal nga tinuga.
Madamo man nga mga oportunidad ang ginhatag sa aton, kag madamo man nga mga tawo nga ayhan masiling naton nga nagbulig kag nag-alungay sa aton sang yara kita sa kamusmusan sang aton kabuhi. Ginakabig man bala naton ini nga tion sang aton pagpanibag-o? NAKITA bala naton ang husto nga dalan?


FR.RONNIE

MATIN-AW NGA MATA
“May daon nga isa ka tawo nga owa nagatuo sa Dios nga nagdala et ana asawa nga manug-unga un sa isa ka Katoliko nga Ospital. Pagkakita nana sa Krusipiyo nga nagakabit sa dingding, ana ginmandoan ong ‘nurse’: “Kuhaa ina nga Krus ag ihaboy. Indi ko gusto nga paggwa et unga ko, aron nga Krus ni Kristo ong ana makita!”
Ong bata nabun-ag sa sina man nga gab-I, ag pagkahin-aga, ong ‘atheist’ nga tatay nagpamangkut sa ‘nurse’: “Kumusta ong akon subang?” “Maayo man sia”, hambal et ‘nurse’, “apang indi un nana makita si Kristo”. Ong Amay nagngirit sang pagkabati nana sadto ag naghambal: “Amo gid man ron ong gusto ko”. Dayon ong ‘nurse’ nagsiling: “Sobra kalain sinang imo gusto, apang ginsabat man gyapon! Ong imo unga natawo nga bulag!”
Dugang pa sa kadya nga estorya, ong dinalan et kanta nga Bulag, Pipi at Bingi nagasiling man kanaton: “Huwag mabahala kaibigan, isinilang ka mang ganyan, isang bulag sa kamunduhan, ligtas ka sa kasalanan. Hindi nalalayo sa iyo ang tunay na mundo. Marami sa ami’y nabubuhay na tulad mo.”
Dya tanan nagapahanumdom sa bulag, apa ag bungol nga indi sanda dapat magbatyag et kapung-aw ag kalisod bangod kay mas maayo pa sanda sang sa kadamuan kay malayo sanda sa kasal-anan. Indi pareho kanaton sa manakarya nga panahon nga duro kanaton ong makakita, makahambal ag makabati apang daw bulag, bungol ag apa. Buot silingon, mas makahuluya ag mas masakit nga batyagon ong kamatuoran sang nagakatabu manakara nga bisan kita makakita, kita hungod nga nagapabulagbulag; nga bisan kita makabati, kita hungod nga nagapabungolbungol; nga bisan kita makahambal ag makasinggit, kita hungod nga nagapaapaapa.
“Manunudlo, luyag ako makakita!” Dyang ginsiling ni Bartimaeus kay Jesus, dapat mangin pangamuyo ko dya, dapat mangin pangamuyo mo man dya, dapat mangin pangamuyo naton tanan!


FR. DODO

ANECDOTE Archery Contest

Once upon a time there was an archery contest.
The first archer, wearing a long cape covering his face, lines up in position...
He takes a deep breath and fires an arrow which finds the center of the target.
Then he takes of his cape and screams: I AM...... ROBIN HOOD!!! The crowd cheers!
The second archer with a cape lines up in position.
He fires his arrow which hits the center and cuts robin hood's arrow into two!!!
He takes off his cape and screams: I AM...... WILLIAM TELL!!!!!! The crowd cheers!!
Finally, a third man in cape lines up in position... He fires his arrow but it goes all wrong!!!
It flies past the crowd and kills the king!!! Then the man takes off his cape and screams: I AM...... SORRY!!!

FOOD FOR THOUGHT
“Small opportunities are often the beginning of great enterprises.” (Demosthenes)

29th Sun. Ord. Time (B)

GAHUM PAAGI SA PAG-ALAGAD...

Sang nagligad nga Dominggo ginhangkat kita sang aton Ginuo nga kon luyag kita magsunud sa Iya, dapat naton ibaligya kag ipanghatag ang tanan, agud mangin hilway kita nga makaalagad sa Iya kag sa isa kag isa. Subong nga Dominggo, Iya man ginapahayag kon ano nga SAHI ini nga pag-alagad ang kinahanglanon agud mangin DAKU kita sa atubangan sang Diyos. Ini amo ang pag-alagad nga kita dapat mangin SULUGU-ON sang tanan! “The greatest among you should be the SERVANT of all!”
Kabudlay man sini nga mga panudlo! Ayhan amo ini ang reaksyon sang mga gintutun-an sang pagkabati nila sini nga mga pulong sang aton Ginuo. Kay sa pagkamatu-od, duna na sa aton pagkatawo nga mas naluyagan naton nga ALAGARAN sang sa MAG-ALAGAD! Luyag kita nga dayaw-dayawon sang mga tawo tungud kita manggaranon, inpluwensyado, lutaw, kag mas may ikasarang sang sa iban. Amo gani nga balingag gid nga lantawon ang mga tawo nga nangako sang SERBISYO PUBLIKO apang kon bayawon ang kwenta, kon ara na sila sa palangaku-an, SILA ANG GINA-ALAGARAN. Kon ingkaso nga sila “mag-alagad” gid man, ini dapat may PORSYENTO gikan sa ila “proyekto”! Tani makamuklat man sila nga ining ila mga proyekto kag ang kwarta nga ginagasto sa amo nga mga proyekto, indi sang ila, kundi IYA SANG MGA PUMULUYO! Makalulu-oy man si Juan de la Cruz nga nagabinayad sang buwis agud tani mag-umwad ang iya pangabuhi, apang ginpanghimuslan lang sang pila naton nga mga “alagad” sa paghut-hut sang iya ginpaninguhaan!
Ang minatuod nga pag-alagad wala naga-isip kag wala nagapamintaha! Sa baylo, ini nagapakita sang pagkasulugu-on paagi sa pag-alagad bisan pa sa labing kubos naton nga mga kautoran. Ini nga pag-alagad nagalab-ut sa tatlo ka “L” sa aton katilingban– the LEAST, the LAST, and the LOST! Diri nasanding ang “PAGKAGAMHANAN”!


FR.RONNIE

ONG GAHUM

Owa nagapalareho ong paggamit et gahum ag awtoridad. Ong iban nagagamit et gahum agud magpang-ulipon. Ong iban naman nagapati nga dya para sa pagpaduro et manggad. Apang may daon man nga nagasiling nga ong gahum ginagamit para sa pag-alagad ag paghimo et kaayohan.
“Ong gahum para sa pag-alagad”. Dya ong importante ag nagakaigo nga mensahe et Ebanghelyo para sa aton sa moderno nga panahon. Manakarya, makita naton nga ginagamit ong gahum sa paglupig et iban. Dya ginapadayawdayaw. Ginagamit dya agud makakwarta. Ginagamit pa gid dya para lang sa interes nga personal ukon sa interes et pila lamang ukon et partido political.
Ong Ebanghelyo buot magtadlong kadyang sayup nga paggamit et gahum, ag buot gid magpahanumdom kanaton nga ong gahum ginatao lamang agud ong isigkatawo maalagaran. Kay sarang naton masiling nga tanan kita may daon nga gahum. Ayhan bilang maestro, nanay o tatay, magulang, lider et grupo ukon asosasyon, tag-iya et balay nga may mga sinakpan, ag duro pa.
Gani mag-andam ag maghalong gid taton nga indi naton magamit ong aton gahum sa pag-abuso, pagmanipular ag paghalit et iban, kay ong Dios nagaapin sa mga kubos ag mga sumulonod. Ong awtoridad dapat gamiton sa pag-alagad, ag sa pag-alagad lamang. Ikaw, utod, paano mo gamiton ong imo gahum?
Mabuhay ong Maalwan nga mga Mambusaonon


FR. DODO


ANECDOTE Forgive Me Father

An elderly Frenchman who is a Catholic goes to confession and says to the Priest: "Father, I have been a very bad man. I have come to seek forgiveness for my sins".
The Priest can see that the man has a great deal on his mind and says: "Tell me what it is my son. It cannot be that bad".
The man replies: "In the Second World War a young Jewish lady came to me and asked me to hide her from the Germans. I did and made a place for her in the attic".
"But my son", replied the Priest "that is an act of great kindness for which you will be rewarded".
"Yes", said the man "but I was lonely and in order to let her stay, I demanded sexual favors from her".
“Oh. I see", said the Priest. "But my son, times were so hard then. You sought solace in the woman you were protecting. You are forgiven".
"Thank you", said the man "that has been a great weight off of my shoulders. While I'm here, do you think that I should tell her the war has ended?"

FOOD FOR THOUGHT

“He who wishes to secure the good of others, has already secured his own.” (Confucius)