27th Sun. Ord. Time (B)

NAHIUSA SA PAGHIGUGMA

Ang masami nga kabangdanan kon ngaman naga-asawahay ang lalaki kag babayi, ini tungud kay sila nagahigugma-anay. Sa tagsa ka kalasalon nga akon na-interview, ginasiguro ko gid nga ang elemento sang paghigugma nagaluntad sa tunga sang kabuhi sang nobyo kag nobya. Apang isa ka daku nga pagkanugon ang akon mabatyagan, kon pagkaligad sang pila ka bulan ukon pila ka tuig, masapwan nga ang amo nga mga nagbaton sang sakramento sang kasal, nagabulagay suno sa ila mga personal nga mga kabangdanan. Indi madula sa akon painu-ino nga magpamalandong nga ayhan sa pagkamatuod, sang sila gina-interview, wala gid nila mahangpan sing maayo ang kahulugan sang paghigugma. Ayhan masiling naton nga sadto nga tion “love is blind as lovers cannot see”. Ayhan sa sadto nga tion, INDI sang gugma ang nagluntad, kundi lain nga “attraction” ang nagpatunga sa nobyo kag nobya… ayhan ang ila maayong lawas ukon katahum ang nagbuyok sa ila nga “magluyagay” sa isa kag isa.
Sa aton Ebanghelyo subong, ginapakita sang aton Ginuo nga paghigugma indi lamang sang “luyag” ukon “pagkagusto” sa isa ka tawo kundi ini isa ka SINUMPAAN NGA SAGRADO tungud ini nagapahayag sang plano sang Diyos sa PAGHIUSA sang lalaki kag babayi, sugud pa sang Iya pagtuga sa ila.
Ang paghigugma isa ka DESISYON sa pagbiya sang ginikanan agud maghi-usa sa pinalangga tubtub gid sa kamatayon. Ini nagakahulugan nga ini nga desisiyon napasad sa PAGKAMATUTUM. Isa ini ka daku nga panghangkat sa aton nga panahon karon, ilabi na gid sa mga mag-asawa. MATUTUM BALA KITA SA ATON SINUMPAAN?

FR.RONNIE

BERISHIT (In the beginning)

“Isa ka adlaw, May daon nga bana nga nagboating upod sa ana asawa ag nanay sa suba et Mambusao. Nagapanaminami sanda et pautaw-utaw sa suba apang, sang hinali, nagbaha. Naguba gali ong dam sa Sinondojan. Tungod et mabaskug nga baha, nagtaob ong anda ginasakyan nga baroto ag nagkalahulog sanda nga tatlo sa tubig. Sa pagkadimalason, indi tana gali kamaan maglangoy ong asawa ag nanay et bana. Kon ikaw ong bana ag isa lang ong dapat mo luwason, sin-o ong imo luwason? Ong imo nanay ukon ong imo asawa?
Sa Moral Theology, ong tama mo nga himuon ag kinahanglan mo luwason amo lamang ong imo asawa ag pabay-an mo nga malumos ong imo nanay!”
Masakit matuod aron nga kamatuoran apang dira ginapakita ong kamatuoran et ginhambal ni Kristo: “Sa ginsugoran, ong Dios naghimo kananda nga lalaki ag babayi. Ag tungod kadya, ong lalaki magabiya et ana amay ag iloy ag magapuyo upod sa ana asawa, ag sanda indi un et daywa kundi isa. Gani indi dapat pagbulagon et tawo ong gintingob et Dios.”
Ong pag-asawahay isa ka sagrado nga butang, isa ka sacramento. Ag dya isa ka sinumpaan et paghigugmaanay sa bug-os nga kabuhi. Apang sa aton moderno nga panahon, duro ong nagatiawtiaw nga: “Father, indi man ya namon pag-idivorce ukon bayaan amon asawa ah! Dugangan lang namon sanda!
Kon amo kadya ong aton panumduman, ti labanlaban nga magahuyang ong aton pagtahod sa balaan nga paghiusa et bana ag asawa. Kabay nga indi taton madala sa tentasyon nga magkabuhi et patuyang ag pawasak sa aton mga kailigbon.
Mabuhay ong Maalwan nga mga Mambusaonon!


FR. DODO

ANECDOTE
Marriage Conclusion

A woman's husband had been slipping in and out of a coma for several months, yet she stayed by his bedside every single day. When he came to, he motioned for her to come nearer.
As she sat by him, he said, "You know what? You have been with me all through the bad times. When I got fired, you were there to support me. When my business failed, you were there. When I got shot, you were by my side. When we lost the house, you gave me support. When my health started failing, you were still by my side... You know what?"
"What dear?" She asked gently.
"I think you bring me bad luck."

FOOD FOR THOUGHT

“Love does not consist of gazing at each other, but in looking together in the same direction.” (Antoine de Saint-Exupery)

26th Sunday Ord. Time (B)

MAGKALIPAY SA KADALAG-AN !
Ang mga gintutun-an may pagpati nga sila lang ang makabuhat sang gamhanan nga mga buhat nga ginhimo sang aton Ginuo tungud sila lamang ang mga tawo nga yara sa “circle of friends” sang aton Ginuo. Gani, isa ka daku nga “upset” sa ila sang ila makita nga may isa ka tawo nga nagapang-ayo kag nagabuhat sang mga kaayohan sa ngalan sang aton Ginuo. Naalarma sila kay ang tawo indi kabahin sang ila nga grupo.
Kon aton gid nga usisa-on sing maayo ining reaksyon sang mga apostoles, ayhan masiling naton nga ini, bunga sang ila nga “kahikaw” ukon “kahisa” sa sining tawo nga nagabuhat man sang ila buluhaton. Sa pagkamatu-od nahadluk sila nga basi labawan sila sang isa ka tawo nga “estranghero” sa ila nga grupo. Nahadluk sila labawan kay nagapati sila nga sila lang ang makabuhat sang ginbuhat sang aton nga Ginuo nga pagpang-ayo!
Amat-amat man sila nga na-inpluwensya sang painu-ino sang mga Pariseo nga nagapati nga sila lang ang may “kapas” nga maluwas tungud sila ang “nakahangup” sang kasugu-an sang Diyos.
Natalupangdan ini sang aton nga Ginuo nga painu-ino sang mga apostoles sa bagay nga Iya nga gintawag ang ila nga atensyon nga: “Pabay-I lang ninyo sia kay wala sing may nagahimo sang milagro paagi sa akon ngalan kag makahambal dayon sang malain batok sa akon…!” Buot silingon nga dapat sila MAGKALIPAY tungud nangin madinalag-on ang isa ka tawo sa pagbuhat sang maayo kag ini indi dapat pagkahikawan, kay ang Diyos padayon nga nagabuhat sang kaayohan sang tanan. “We should rejoice with those who rejoice and praise God for the success of others.” Amo kuntani sini ang aton pamatasan. Kon nakita naton nga nangin madinalag-on ang iban, dapat kita MAGMAPINASALAMATON sa Diyos kay Siya maalwan!
FR. RONNIE

INDI “LAIN SA IBAN”
“May tawo nga nagdamgo nga ginbuksan ong ganhaan et langit para kanana, ag gin-abiabi sia et isa ka anghel. Apang natingala gid sia sang makita nana ong mga tawo nga nakilal-an nana sa kalibutan. Ong iban kananda ginsiling nana anay nga indi gid bagay pasudlon sa ginharian et langit. Gani naakig sia kag buot kuntani magreklamo kay San Pedro, apang hinali sia nga naurongan sa ana nakita ag nabatyagan: “ong tanan ya nagtulok ag nakibot sa pagkakita kanana didto sa langit!”
Sadto anay, pirme mabatian ong hulobaton nga “Sa gwa et Simbahan, wa et kaluwasan”. Apang mas bagay kuno kon hambalon nga “Kon wa ong Simbahan, wa et kaluwasan”. Sa minatuod lang, si Jesus ong ginagikanan et kaluwasan. Apang gintukod ag ginbilin nana ong Simbahan agud mangin “sakramento et kaluwasan”. Buot silingon, dya amo ong tanda ag instrumento et paghiliusa et Dios ag tawo, gani wa et kaluwasan kon wa ong Simbahan.
Apang sa panahon manakara et Konsilyo Vaticano II, ong Simbahan wa nagasiling nga ong tawo indi makapalapit sa Dios luwas lamang kanana ukon kay Kristo. May relihiyon nga, katulad et Kristianismo, ginasunod man et kadam-an: Hinduismo, Budhismo, Muslim, Judaismo. Ong iban kananda, nauna pa gani sa Kristianismo. Tuhoy kananda, ong Konsilyo Vaticano II nagdeklarar: “Ong Simbahan nga Katoliko wa nagasikway et ano man nga matuod ag balaan sa kadyang mga relihiyon. Ginapadunggan nana ong pinaagi nga kabuhi ag binatasan, ong mga kasugoan ag pagtulun-an nga, bisan lain sa ana mga ginatudlo, masunson nga nagadala et silak sinang kamatuoran nga nagaiwag sa tanan nga katawhan.” (Nostra Aetate, n.2)
Dyang pagrespeto ag pagtahod sa iban nga mga tawo amo ong ginatumod et Pulong et Dios sa kadyang Domingo. Gani indi taton maghisa sa iban nga gintaw-an man et Dios et kahigayunan nga makaalagad kanana ag sa isigkatawo. Indi naton hawid ag kontrolado ong Dios. Ong ana kaluwasan para sa tanan. Kon kita mga instrumento et kaluwasan et Dios, ong iban mga instrumento man. Indi taton “lain sa iban”!



FR. DODO

ANECDOTE JUST A MINUTE
The man: "God, how long is a million years?"
God: "To me, it's about a minute."
The man: "God, how much is a million dollars?"
God: "To me it's a penny."
The man: "God, may I have a penny?"
God: "Wait a minute."

FOOD FOR THOUGHT
“The hardest arithmetic to master is that which enables us to count our blessings.” (Eric Hoffer)

25TH Sunday Ord. Time (B)

SMALL BUT TERRIBLE!
Ang mga apostoles nagabina-is kon sin-o gid ang labing “importante” ukon ang “sikat” sa ila tanan. Sin-o gid bala sa ila ang may pinakamataas nga “pwesto” sa ila pag-inupdanay bilang mga sumulunod sang aton Ginuo. Wala nila mahangpan ang mga pulong sang aton Ginuo sang sila nagalakat kag nagpanagna nahanungud sang Iya nga kamatayon. Siya bilang ila pangulo, maga-antus kag mapatay kag sa ikatlo ka adlaw, mabanhaw! Ang Iya nga pag-antus kag kamatayon amo ang pagpahayag sang Iya nga PAGPA-UBOS sa pagtuman sang kabubut-on sang Iyang Amay sa langit!
Nagkuha ang aton Ginuo sang isa ka bata nga ayhan makalaragway sang Iya buot silingon, kon ano ang kahulugan sang “GREATNESS” ukon “PAGKA-DAKU” sa atubang sang Iya Amay sa langit. Ini nasandig sa sadsaran sang pagpa-ubos katulad sang isa ka bata, ukon isa ka ulipon nga naga-alagad sa tanan, katulad sang aton Ginuo nga wala magkari agud alagaran, kundi agud mag-alagad!
Kon sayuron, ang dalan sang pagka-daku sa atuba- ngan sang Diyos, makita indi sa kadungganan nga ginahatag sang tawo, kundi sa kalidad sang aton pag-inalagaray sa isa kag isa! Indi ini sang paindis-indis nga maagum naton paagi sa palapit-lapit sa luwag ukon sa mga pinasulabi nga mga pwesto, kundi kita ginatakus sang aton Ginuo kon bala kita nag-alagad suno sa aton masarangan nga wala nagapanumdum sang aton personal nga bentaha katulad sang isa ka bata!
Pila ayhan sa aton ang nagasakit ang buot kon indi ma-”RECOGNIZE” ang aton binuhatan ukon nabulig, ukon nahatag? Dapat kuntani malipay kita, kay ang nakatalupangud kag magabalus sini amo ang aton Amay sa langit! Ulihi ka, pero, UNA sa listahan sang Diyos!


FR.RONNIE
ONG LABING HANGGUD!
Isa ka adlaw, ong mga nanarisari nga mga “organ” sa lawas et tawo nagpinabugal et anda importansya. “Ako ong pinakaimportante sa lawas et tawo”, siling et tiil, “kay ako ong nagadala sa tawo kon diin nana luyag mag-adto!” Ag nagpalakpak ong tanan. Dayon ong kamut naghambal man: “Ako ong pinakaimportante sa lawas et tawo kay ako ong nagasunggab et mga kontra nana!” Nagpalakpak man ong tanan sa pagdayaw. Dayon nagsaligbat man ong tiyan: “Ako gid ya ong pinakaimportante kay ako ong nagatunaw et ginakaon et tawo para mangin mapagrus sya!” Sa liwat, palakpakan na naman sanda. Dayon sa tapos sadto, nagsunodsunod un ong pagpinabugal et tanantanan nga bahin sa lawas et tawo. Ong mga panit, ulo, tul-an, ag iban pa, nagtinikal nga sanda gid ong number one, numero uno ukon labing importante sa tanan.
Sa katapusan, may isa gid lang nga wa gid et maipabugal, sa bagay, nga anda pa gani ginyaguta. Dya amo ong ALIPUTAN (Anus o Buli). Siling nanda sa aliputan: “Ikaw nga aliputan ka, maglayas ka duri sa lawas et tawo kay wa ka duri et pulos. Makahuluya ka! Mabaho ka na, maitom pa! Ag masami, may bulbol pa! Layas! Indi ka manon duri kinahanglan.” Ong aliputan nagtinangis kay nasakitan gid, gani nagsunggod ag kumipot. Pito ka adlaw nga wa naka’withdraw’ ong tawo.
Pagkatapos et isa ka semana, ong kamut nga nagapahambog nga sia nagapangsunggab, hinali lang nga nangin paloy. Ong tiil nga nagapabugal nga masaligan sa paglakat, hinali lang tumiklop ong tuhod. Ong ulo naglinginlingin. Ong tiyan dumako, etc…. Ag sang nagahimumugto ag dali un lang mapatay ong tawo, didto ag anda tanan nasayran nga ong pinakaimportante ya gali anga parte sa lawas et tawo, amo ong aliputan!
Bilang mga tawo, duna nga may daon gid sa sulod naton nga nagaduso kanaton para magpabugal et aton kadalag-an; magpakitakita et aton kinaadman; magpalawaylaway et aton kamanggaran ag naabutan, agud kita dayawon, tahuron ag kilalahon et tanan. Apang indi dya ong sukatan o pamaagi agud mangin minatuod nga ‘labing daku’ sa mata et Dios, suno kay Kristo.
Kon gusto naton ‘mangin hanggud’ nga minatuod, dapat kita mangin gamay pareho et isa ka unga. Kinahanglan naton nga mangin mapainubuson. Buot silingon, bisan ano pa ka madinalag-on kanaton, dapat naton dumdumon nga ong tanan naton nga kadalag-an, ong tanan naton nga pagkabutang ag ong tanan sa aton o yara sa aton, naghalin tanan sa Dios. Gani Sya gid lamang ong may kinamatarung sa pagdayaw o pagkilala kon sin-o kanaton ong minatuod nga ‘labing daku’, ag indi ong mga tawo sa ana lang man gintuga nga kalibutan.
Mabuhay ong Maalwan nga mga Mambusaonon!
FR. DODO

ANECDOTE THE END IS NEAR
A priest and pastor from the local parishes are standing by the side of the road holding up a sign that reads, "The End is Near! Turn yourself around now before it's too late!"
They planned to hold up the sign to each passing car.
"Leave us alone you religious nuts!" yelled the first driver as he sped by.
From around the curve they heard screeching tires and a big splash.
"Do you think," said one clergy to the other, "we should just put up a sign that says 'Bridge Out' instead?"

FOOD FOR THOUGHT
Do you wish people to think well of you? Don't speak well of yourself. (Blaise Paschal)

24th Sun. Ord. Time (B)

SIN-O BALA SI KRISTO?

Sa aton Santos nga Ebanghelyo subong nga Dominggo, ang aton Ginuo nagpamangkut sa Iya mga gintutun-an kon sin-o Siya para sa ila. Ini nga pamangkut indi lamang sang isa ka pamangkut nahanungud sa mga huring-huring sang mga tawo, ukon isa ka “background check” sang Iya nga pagkatawo, kundi isa ka pamangkutanon nga natuhoy sa ila “personal” nga pagkilala sa Iya.
Ayhan, malawig-lawig na ang ila nga pag-inupdanay, kag ayhan madamo naman sila sang nahibalu-an nahanungud sa Iya nga pagkatawo, kag gani, kon may makahambal nga may “otoridad” nahanungud sa “character” sang aton Ginuo, ini wala sang liwan kundi ang Iya mismo nga mga sumulunod.
Maayo ang sabat sang mga apostoles sang pamangkut sang aton Ginuo kon sin-o Siya suno sa mga tawo, apang sang ginpatuhoy na sa ila ang pamangkut kon sin-o Siya para sa ila, ayhan na-ukyan sila, kay ang pamangkut sang aton Ginuo wala nagakinahanglan sang sabat nga ginabase sa “tsimis” ukon “sugid-sugid” ukon sa “ideya”, kundi sa ila “personal experience” sang Iya nga presensya sa ila tunga. Si Pedro gid lang ang isganan nga nagtindog kag nagpahayag nga Siya amo ang Kristo! - sabat nga wala ginbase sa iya eksperyensya sa kay Jesus, kundi paagi sa pagtudlo sang Espiritu Santo nga amo ang nagtulod sa iya sa pagpahayag sini nga pagtuo.
Tubtub subong, padayon man kita nga ginapamangkut sang aton Ginuo kon sin-o Siya para sa aton. Indi suno sa aton mga nabasahan, ideya, ukon nabati-an sa mga sermon, kundi kon sin-o Siya sa aton adlaw-adlaw nga pagkabuhi! Ginasiling gani nga “mahapus mangin Kristiyano apang mabudlay ang magpaka-Kristiyano.” Sin-o kag ano si Kristo sa aton?


FR.RONNIE

WHAT IS YOUR NAME?

Duro nga mga Pilipino ong nagapangalan et anda mga unga nga pareho sa anda ngalan. Kon may daon un sanda nga “junior”, ginahingalanan pa gid nanda ong iban nga anak nga “the third”, “the fourth”, hasta sa punta… Seguro ong rason kadya amo nga kon patay un sanda, ong anda ngalan nagakabuhi man gyapon sa kalibutan. Buot silingon, indi gid sanda malipatan. Apang amo gid bala kadya ong matuod nga ‘valor’ et isa ka ngalan?
Masami, sa Biblia, kon ong Dios magpili et isa ka tawo para sa isa ka misyon o bulohaton, ana ginataw-an ina nga tawo et bag-o nga ngalan. Por ejemplo, si Abram nahimo nga Abraham, si Jacob nangin Israel, si Levi nahimo nga Mateo, ag si Simon nangin Pedro. Ong Misyon ukon Bulohaton daon sa ngalan. Kon sa mga Romano pa, “Nomen est Omen!” (The destiny is in the name.)
Ong ngalan et isa ka tawo nagapahayag et ana personalidad ag pamatasan. Kay ong ngalan et isa ka tawo isa ka omen, isa ka tanda o senyal, ag kon masayran mo dya, masayran mo man kon sin-o ka. Kay ong pagkamaan et imo ngalan nagaklaro mismo et imo panumduman kon ano gid bala ong imo misyon sa kabuhi.
Si Jesus nakahibalo kon ano ong ginahambal et mga tawo nahanungod kanana. Apang nakahibalo Sia kon sin-o gid Sia. Nagkari Sia sa pagtuman et Misyon nga gintao et Amay kanana, nga amo ong pagluwas kanaton.
Ikaw, ano ong ngalan mo? Ano ong misyon mo sa kabuhi? Ngaman daon ka sa kalibutan?


FR. DODO

ANECDOTE WHAT IS YOUR NAME?
Walking through Chinatown, a tourist is fascinated with all the Chinese restaurants, shops, signs and banners. He turns a corner and sees a building with the sign, "Hans Olaffsen's Laundry."
"Hans Olaffsen?", he muses. "How in hell does that fit in here?" So he walks into the shop and sees an old Chinese gentleman behind the counter.
The tourist asks, "How did this place get a name like 'Hans Olaffsen's Laundry?'" The old man answers, "Is name of owner."
The tourist asks, "Well, who and where is the owner?" "Me...is right here," replies the old man.
"You? How did you ever get a name like Hans Olaffsen?"
"Is simple," says the old man. "Many, many year ago when come to this country, was stand in line at Documentation Center. Man in front was big blonde Swede. Lady look at him and go, 'What your name?' He say,'Hans Olaffsen.' Then she look at me and go, 'What your name?'"
"I say Sem Ting."

FOOD FOR THOUGHT
“A friend is one who knows you and loves you just the same.” (Elbert Hubbard)

23rd Sun. Ord. Time (B)

DAW ANO KAAYO ANG IYA PAGHIMO
SANG TANAN…

Sa aton nga Ebanghelyo karon nga Dominggo, ginsaysay ni San Markos ang hitabo sang pag-ayo sang aton Ginuo sa isa ka tawo nga bungol kag halos makahambal. Pagkatapos nga ang tawo nag-ayo, kag naglapnag ang maayong balita nahanungud sini, ang tanan nga nakabati natingala gid kag naghambal: “ Daw ano kaayo ang Iya paghimo sang tanan nga mga butang!” Ini nga mga pulong, indi lamang sang pagpahayag sang kahangawa ukon katingala, kundi isa ka “expression” sang mga Israelinhon sang PAGKAGAMHANAN sang Diyos. Ini nga ekspresyon, ginbase sa dinalan sang Santos nga Kasulatan sa Libro sang Genesis sang pagtuga sang Diyos sang tawo kag sang tanan nga mga butang sa sining kalibutan: “Ginlantaw sang Diyos ang tanan Niya nga ginhimo kag nanami-an gid Siya!” Buot silingon nga “MAAYO gid ang paghimo Niya sang tanan nga mga butang!”
Sa pag-”quote” sang mga tawo sini nga dinalan sang Pagtuga sang Diyos, ila man ginasiling kag ginapahayag nga ang ginbuhat sang aton Ginuong Jesus, isa ka buluhaton sang Diyos, kag ini nagapatima-an nga sila nagatuo nga ang aton Ginuo nagikan sa Diyos. Ang Iyang mga buhat nagapahayag kag nagapanaksi sang Iya pagka-Diyos, tungud ini nagahalin sa Iya matuod nga Kinatuhay. “Jesus’ actions give witness to the words and Good News He proclaimed!”
Kita, bilang mga sumulunod sang aton Ginuo dapat man magpanaksi sang buluhaton sang Diyos tungud kita mga “anak” Niya. Ang aton bala mga buhat nagapahayag man sang Maayong Balita sang Ginuo?


FR.RONNIE

BUNGOL AG APA KA MAN BALA?

“May daon nga isa ka pari nga nagsuspetsa sa ana sacristan nga nagakupit sa kolektasan. Gani ana ginsugo nga magkompesar kanana. Sa pagsugid et sacristan et ana litania et sala, ong pari nagpanumdom nga daw nalipatan et sacristan nga isugid o akuon ong ana mga dyagku nga sala. Gani ong pari nagsaligbat: “Daw nalipat ka man magsugid kanakon nga ginakinupit mo ong kolekta ag ginaininum ong ‘mompo’ kon wa ako!”
Pagkatapos hala sadto et pari, nagluntad ong malawig nga kalinong. Gani ong pari naggwa sa konfesionaryo ag naghambal sa sacristan: “Hay, ngaman wa ka un gasabat? Indi ka kabati haw?”
Nagsabat ong sacristan: “Indi gid Father. Wa gid takon et may mabatian!” Gani ong pari nagsiling: “Ok, baylohanay ta dabi. Ikaw duri hambal ag ako dira mamati!”
Gani nagbaylohanay sanda ag ong sacristan naghambal sa pari: “Father, ngaman hasta manakarya, wa mo man ko gyapon ginabayran “SSS” ag ginataw-an et akon allowance? Ag Father, sin-o un ong babaye nga pirme lang nabisita kanimo?”
Ong pari dalidali nga naggwa ag naghambal: “Tama ka! Wa gid man ko et may mabatian bisan isa ka tinaga dira!”
Dya nga estorya nagapakita gid kanaton nga sarang taton nga mga indi bungol ag apa nga mangin bungol ag apa, labi na gid, kon estoryahan un gani ong aton mga sala ag kasaypanan. Makabati kita apang nagapabungolbungol taton. Makahambal kita apang daw mga apa taton ukon ginalain naton dayon ong estorya.
Makahuluya ong sitwasyon ag nabatyagan et isa ka bungol ag apa nga tawo. Apang mas makahuluya ag mas kaladlawan di bala ong isa ka tawo nga indi man bungol ag apa nga nagapaapaapa ag nagapabungolbungol? Si Kristo nag-ayo et minatuod nga bungol ag apa nga tawo. Ag sya nagaayo man et mga indi matuod ag nagapakunokuno nga bungol ag apa nga tawo. Gani kon luyag mo mag-ayo, mag-adto, mag-ako ag magsalig ka lang kanana.



FR. DODO


ANECDOTE

THE PRISON HOSPITAL
Prisoner: Look here, doctor! You've already removed my spleen, tonsils, adenoids, and one of my kidneys. I only came to see if you could get me out of this place!
Doctor: I am, bit by bit.

FOOD FOR THOUGHT
“God writes a lot of comedy... the trouble is, he's stuck with so many bad actors who don't know how to play funny.” (Garrison Keillor

22nd Sun. (Ord. Time) Year B

MALAYO ANG TAGIPUSU-ON...

Paano naton mahibalu-an ang minatuod sa butig? Paano naton makilala ang “tunay” sa “peke”? Ang pang-”gwa” nga pagkatawo sarang makabulag sa aton sa minatu-od nga tinutuyo nga yara nagaluntad sa tagipusu-on sang tawo. Si Propeta Isaias nagpanagna sini sa iya nga libro: “nga ang Ginuo indi maghukum paagi sa Iya makita, ukon paagi sa sugid-sugid lang; Pagahukman Niya ang mga imol sing nagaka-igo kag apinan Niya ang kinamatarong sang mga mapa-inubuson.” Buot silingon nga ang Diyos indi malimbungan tungud sa aton ginapakita nga pamatasan, tungud Siya nagalantaw sa SULUD sang aton nga kasing-kasing! Amo gani nga mabaskug gid nga ginsulit sang aton Ginuo ang mga pulong ni Isaias nga Propeta ang nahanugud sa mga tawo nga ang ila pagkabuhi, indi sang tampad, kundi PAKITA-KITA lamang: “Ang Diyos nagsiling, ginapadunggan ako sining mga tawo sang ila mga BIBIG, pero ang ila tagipusu-on MALAYO gid sa Akon. Wala sing pulos ang ila pagsimba sa akon, kay ginapatuman nila ang mga kasugu-an sang tawo subong mga kasugu-an sang Diyos!” Ini sila gintawag sang aton Ginuo sa mga pulong nga SALIMPAPAW, tungud gani MANABAW ang ila pagkabuhi nga wala mapasad sa kamatuoran kundi sa KABUTIGAN!
Pila ayhan sa aton ang nagapati sa sini nga hulubaton: “Follow what I say, but don’t follow what I do”? Amo ini ang sayup sang mga manunudlo sang kasugu-an kag sang mga Pariseo sang panahon sang aton Ginuo! Kon amo sini ang aton pagkabuhi, masiling naton nga ang aton pagkabuhi isa ka BUTIG! Tampad gid bala kita sa aton pulong paagi sa paghatag katumanan sini sa aton buhat?


FR.RONNIE

X-RAY VISION
May isa ka dalaga nga nagkompesar sa pari! Siling nana: “Father, manakarya nga aga, sobra gid isa ka oras nga ako nagpinungko sa atubangan et espejo ag nagdinayaw sa akon kagwapa! Ano bala ong akon pinetensya?” Ong pari nagsabat: “Wa anak! Ong pinetensya ginatao lamang sa nakasala, indi sa isa ka nga ilusyunada!”
Sa aton moderno nga panahon, may daon nga sobrante nga pagdayaw sa mga butang nga makita sa gwa ukon sa ‘external’. Lantawa lang bala ong duro nga mga ‘commercials’ sa ‘tv’ nga nagabaligya et mga produkto nga nagahimo sa isa ka tawo nga mas gwapo o gwapa, mas maputi, mas may manami nga buhok ukon ‘simply irresistible’ sa ‘opposite sex’. Gani ong tawo nagagasto et sobra-sobra nga kwarta para lang mapakita sa iban kon ano sanda kagwapo o kagwapa, o kanamitorn tulukon.
Apang kon ‘imagine’non mo dabi nga, sa hinali lang, ikaw nangin si ‘superman’ nga gintaw-an et ‘powers’ et ‘x-ray vision’ nga sarang mo makita ong sulod et taguipusuon ag kalag et tagsa ka tawo. Wala ka un gatulok sa gwa kundi sa sulod et taguipusuon ag kalag gid mismo et iban. Nagatulok ikaw sa imo mga abyan ag kakilala ag imo makita ong anda mga sekreto nga ‘ambitions’, balatyagon, plano, panumduman, ag sala. Segurado gid takon nga ma’shock’ ka gid sa imo makita ag masayran nga duro gali sa mga manami lantawon sa gwa ong puno sa sulod et bugal, kahisa, kaakig, dumot, kaharot, ag pagkasungaksungak; ag duro man nga tawo nga daw kabos sa imo panulok tungod kay indi gid man sanda et manggaranon, daw indi edukado ag daw malaw-ay nga amo pa gani ong may matahum ag puraw nga taguipusuon.
Karon, kon imo man dabi gamiton ong ‘x-ray vision’ sa imo kaugalingon, ano bala ong imo makita? Malipay ka bala sa imo makita? Gwapo o gwapa gid man bala ong sa sulod mo? Importante gid dya katama nga aton makita kay tungod amo gid dya kon paano magtulok ong Dios sa tawo. Ag kon kita mapatay, kita pagahukman man suno sa aton makita sa kadyang mga ‘x-ray eyes’!


FR. DODO

ANECDOTE
CONSULTATION FEES
A lawyer's dog, running around town unleashed, heads for a butcher shop and steals a roast. The butcher goes to the lawyer's office and asks, "if a dog running unleashed steals a piece of meat from my store, do I have a right to demand payment for the meat from the dog's owner?" The lawyer answers, "Absolutely."
"Then you owe me P400.00. Your dog was loose and stole a roast from me today."
The lawyer, without a word, writes the butcher a check for P400.00. The butcher, having a feeling of satisfaction, leaves.
Three days later, the butcher finds a bill from the lawyer: P3,000.00 due for a consultation

FOOD FOR THOUGHT
Every time you smile at someone, it is an action of love, a gift to that person, a beautiful thing. (Mother Teresa)

21st Sun. in Ord. Time (B)

PULONG-ESPIRITU-KABUHI

“Ang mga pulong nga ginahambal ko sa inyo amo ang Espiritu kag ang Kabuhi!” Amo ini ang ginahatagan subong sang aton Ginuo sang igtalupangud– ang kaangtanan sang Pulong, sang Espiritu, kag sang kabuhi. Ang kalabanan sang mga gintutun-an indi makabatas sang ginhambal sang aton Ginuo ang nahanungud sang “pagka-on” sang Iyang unod, apang wala Siya magbaylo sang Iyang pagpanudlo, sa bagay nga Iya pa gid ginpadaluman ang kamatuoran nahanungud sini. Ginapahangup sang aton Ginuo sa mga gintutun-an nga ini nga “unod” wala sing pulos kon wala ang “Pulong” nga amo ang nagahatag sang matuod nga “Espiritu kag Kabuhi”. Sa pagpanudlo sang aton Ginuo, Iya ginapahibalo nga may kaangtanan ang Pulong, ang Unod, ang Espiritu, kag ang Kabuhi. Ini sa pagpamatuod man nga ang aton Ginuo amo ang Pulong nga nangin Unod, kag ini nga Pulong amo ang nagahatag sang Espiritu kag sang Kabuhi. Buot silingon nga indi sang bastante nga ginabaton lang naton ang unod sang aton Ginuo, kon una sa tanan, indi man kita bukas magbaton sang Iyang Pulong, kay paagi lamang sini nga aton mabaton ang KABUG-OSAN sang Kabuhi kag Espiritu.
Para sa aton Ginuo, ang Pulong-Unod-Kabuhi-Espiritu isa ka naangut nga kamatuoran, kag indi pwede nga ihamulag ang isa sa isa. Sa amo nga bagay, kita Iya ginaagda sa pagkabuhi sini nga kamatuoran. Ang aton pulong sarang man makahatag sang kabuhi sa aton isigkatawo o sarang man ini makahalit sa pag-guba sa ila. “For God, the Word is CONSTRUCTIVE!”- nagahatag sang kabuhi– may Unod. Kita paano ang aton pag-gamit sang aton Pulong. Nagabulig bala ini o nagahalit? Ang aton bala tinaga may “unod” o puro lang “hangin” kag “habok”? Tani indi lang kita puro hala kundi “GAWA”!


FR.RONNIE

KUMOD KA BALA?

“May daon nga morauton nga tiguwang nga reklamador sa tanan nga bagay. Isa ka adlaw, nagkulomuron sia sang makita nana ong duro nga agi et lapukon nga tiil sa tanan nga parte et ana balay. Sa ana kaakig, ana ginpatawag ong tanan nana nga mga kabulig ag ginpangmulay sanda tungod sa nagdamulit nga higku sa ana balay. Ana sanda ginpamangkut isa isa kon sin-o kananda ong may lapukon nga tiil nga naghigku et ana balay. Sa ana katingala, wa gid sia et may nakita nga may mahigku nga tsinelas o sapatos kananda. Apang sa ana pagtulok sa ana mga tiil, didto ag ana nasayran nga sia gali ya ong may lapukon ag mahigku nga tiil.”
Ong moral et estorya nagasiling nga “ong palahusga sa sala et iban amo pa gani, sa masami, ong duro et sala ag dapat hulusgahan.”
Duro nga mga tawo, pati un ong ana mga gintutun-an, nga indi makabatas sa pagpamati sa mga ginpanudlo ni Kristo gani sanda nagbiya ag indi un mag-upod kanana. Dyang anda nga “murmuring” naghalin sa griego nga tinaga nga “goggyzo” ag nagapahanumdom kanaton et pagkulumuron o pagngurob sadto anay et mga Israelinhon batok kay Moises ag Aaron sa desierto sang sanda wa un et ilimnon(Ex.15:24) ag wa un et kaunon(Ex. 16:3). Dya isa ka sahi et rebellion, indi lamang batok kay Moises ag Aaron kundi batok gid sa Dios. Gani si Moises nagsiling kananda: “Ong inyo pagkulumuron indi para kanamon, kundi para sa Dios.”
Si Kristo nagkontra sa mga Judio tungod kadyang pareho man nga pagkulumuron. Sa anda pagsikway ag indi pagtuo kay Kristo, labi na gid sa ana mga ginpanudlo, ginasikway nanda, indi lamang Sia kundi labi na gid ong Dios mismo nga nagpadala kanana.
Gani sa tanan sa aton nga mahilig manglibak, magreklamo ag magkumod sa iban nga mga tawo, segurado gid bala kita nga ong tawo lang ong aton ginakontra o basi ong Dios un mismo?

FR. DODO

ANECDOTE

SORRY FOR EATING PEANUTS

A man visits his aunt in the nursing home. It turns out that she is taking a nap, so he just sits down in a chair in her room, flips through a few magazines, and munches on some peanuts sitting in a bowl on the table.

Eventually, the aunt wakes up, and her nephew realizes he's absentmindedly finished the entire bowl. "I'm so sorry, auntie, I've eaten all of your peanuts!"

"That's okay, dearie," the aunt replied. "After I've sucked the chocolate off, I don't care for them anyway."


FOOD FOR THOUGHT
“Words which do not give the light of Christ increase the darkness.” (Mother Teresa)

20th Sun. Ord. Time (B)

NAGAKABUHI AKO SA IYA!
Ang isa sa mga pinakamatahum nga mapromisa sang isa ka abyan amo nga siya indi gid magbiya sa iya abyan bisan ano pa man ang matabo… Isa ka pagpakig-upod nga sa bisan ano pa man nga sitwasyon sang kabuhi, ara man siya gihapon– being ALWAYS THERE through THICK & THIN.
Ayhan, amo man ini ang ginahandum sang tagsa-tagsa sa aton- nga makakita kita sang abyan nga MATUOD-TUOD nga mangin kaupod naton sa aton pagpanglakaton… abyan nga makahangup kag makabaton sang aton “kaluya kag kahuyang” kag indi sa gihapon magbaylo sang iya nga paglantaw sa aton. Sa gihapon yara siya nga nagapalangga kag padayon nga nagatulod sa aton sa pagpadayon sang aton pagtikang sa kabuhi. Ginahandum naton ini nga klase sang abyan, tungud ini nga abyan mabudlay kaayo nga makit-an, kag kon aton makit-an ini, daw nakakita man kita sang malahalon nga manggad! Ini nga abyan nagabaton sa aton nga wala sang mga kondisyon, kag siya nangin “ka-bahin” man sang aton kabuhi tungud ang iya pagpakig-upod sa aton wala ginalaktan sang pagka-isip ukon pagpa-iya-iya, kundi nga lamang YARA LANG SIYA para sa aton.
Amo ini ang klase sang pagpakig-abyan ang ginatan-ay sang aton Ginuong Jesukristo sa tagsa naton ka pagsa-ulog sang Santos nga Misa– ang Iyang pagpakig-angut sa aton kabuhi paagi sa aton pag-ambit sang Iyang kabuhi nga Iya ginahatag sa bayhon sang tinapay kag bino nga amo ang Iya BUHI NGA LAWAS KAG DUGO. Sa sini nga paagi kita nagapakig-ambit sang kabuhi nga WALA SING KATAPUSAN tungud Siya NAGAKABUHI SA ATON kag KITA SA IYA! Bukas bala kita sa sining kaangtanan sang pagpakig-abyan nga ginatan-ay sa aton sang aton Ginuo?

FR.RONNIE

HULOG ET LANGIT

“Isa ka adlaw, may daon nga eroplano nga ‘na-crash’ sa isa ka isla nga puno et ‘cannibals’. Pagkaligad et isa ka semana, ong ‘sultan’ et mga ‘cannibals’ naglibotlibot, ag natingala sang ana nadiparahan nga nagbag-o ong mga batasan et ana mga sakop. “Lantawa bala ina nga cannibal, hutik nana sa ana ‘right hand’, sang una, ron nga cannibal bundol gid tana apang manakarya, gasinulat un et mga libro et tula! Seguro nakakaon gid ni et taga-England mo!” Dayon nakita naman nanda ong isa ka cannibal nga ‘naga-ballet’. “Nakakaon gid et Russian imaw!”, saligbat et ana ‘right hand’. Dayon nakita naman nanda ong isa nga naga-imbento et bisan ano-ano. “Segurado gid ko nga Amerikano gid ong ginlamon kadya!” hambal et Sultan. Sa anda padayon nga pagpanaw, duro pa gid ong anda nadiparahan ag nasaydan. Apang ong anda gid natingalahan amo sang makita nanda ong anda ‘heneral’ et mga hangaway. Sang una, dya ong pinakahugod sa mga ‘cannibals’ ag pinakamasaligan sa tanan nga butang. Apang manakayra, nagapinungko un lang ag nagapinaditol nga ‘bahala un ong Dios!’ ag maghigda sa idalum et bayabas ag magnganga samtang nagahulat nga malagbong ong bunga sa baba nana. Dayon ong sultan nagsiling, “Indi gid ko mahimo magsala. Dya nga cannibal nakakaon gid et isa ka Filipino!”
Dya nga estorya nagapakita gid kanaton et kamatuoran et hulobaton nga “we are what we eat”. Si Jesus nagasiling nga sia TINAPAY GIKAN SA LANGIT. Apang mas mahangpan naton kon silingon ta nga sia TINAPAY NGA HULOG ET LANGIT. Ong tawo “hulog et langit” kon sia ginagikanan et bulig ag bendisyon. Sa ana pagpangwali sadto anay, si Jesus “hulog et langit” sa mga tawo nga ana gin-ayo, ginpangita, ginpatawad, ginbanhaw… Si Jesus nagapadayon bilang “Tinapay gikan sa langit” paagi sa mga tawo nga “Hulog et langit” sa anda mga kautoran. Kuntani magpadayon gid kita nga “magkaon ag mag-inum” kay Kristo sa Eukaristiya agud nga magpadayon man kita nga “hulog et langit” sa iban ag indi, nga tungod kanaton, daw “gintakluban sanda et langit”.


FR. DODO

ANECDOTE
MADE IN JAPAN
There was a Japanese man who came here in the Philippines for sight-seeing. On his last day, he hail a cab and told the driver to drive to the airport. During the journey, a Honda drove past the taxi. Thereupon, the man leaned out of the window excitedly and yelled, “Honda, very fast! Made in Japan.” After awhile, a Toyota sped past the taxi. Again the Japanese man leaned out of the window and yelled, “Toyota, very fast! Made in Japan.” And then a Mitsubishi sped past the taxi. For the third time, the Japanese leaned out of the window and yelled, “Mitsubishi, very fast! Made in Japan. ”The driver was a little angry, but he kept quiet. And this went on for quite a number of cars. Finally, the taxi came to the airport. The fare was P1,500. The Japanese exclaimed, “Wah…so expensive!” There upon, the driver yelled back, “Meter, very fast! Made in Japan.”

FOOD FOR THOUGHT
“Friendship is a single soul dwelling in two bodies.” (Aristotle)

19th Sunday Ord. Time (B)

ANO INI NGA TINAPAY?
Padayon ang diskurso sang aton Ginuo nahanungud sa “tinapay sang kabuhi”, kag ini nga tinapay Iya karon ginpahayag nga wala sang lipud-lipud. Ini nga tinapay amo ang Iya nga UNOD, sa bagay nga ang mga Hudiyo nagkulumoron sa sini nga pahayag sang aton Ginuo. Para sa ila, imposible nga mabuhat ini sang Ginuo tungud nahibalu-an nila ang Iya “tawohanon” nga ginhalinan, kag indi pwede nga Siya maghalin sa “langit”. Apang maathag nga ginpahayag sang aton Ginuo ang Iya nga “kaangtanan” sa Iyang Amay sa langit. Siya makapanaksi sini nga kaangtanan tungud Siya wala magkari sa Iya kaugalingon lamang, kundi tungud kay ang Iyang Amay amo ang nagpadala sa Iya, kag tungud kay Siya ginpadala sang Amay, Siya man “nakakita” sa Amay.
Ang aton Ginuo ginpadala sang Amay indi lamang bilang tawo nga nagakabuhi sa aton tunga, kundi bilang pagkaon sa bayhon sang “tinapay” nga nagasagud sa aton agud kita may kabuhi nga WALA SING KATAPUSAN. Siya amo ang “BUHI” nga tinapay, kag ini wala sang liwan kundi ang Iya nga UNOD nga ginahatag sa aton, sa tagsa naton ka pagselebrar sang handumanan nga Iya ginbilin sang katapusan nga panihapon, sa diin Iya gintukod ang Sakramento sang Santos nga Misa. Diri Siya nahiusa sa aton sa himpit nga pama-agi tungud diri ginhalad Niya ang Iya nga kaugalingon bilang aton “tinapay sang kabuhi”- ginabaton naton ang Iya buhi nga unod nga amo ang nagahatag sa aton sang kahigayunan sa pag-ambit sang kabuhi nga wala sing katapusan. Sa sini nga kaangtanan, tungud kita nagaambit sang tinapay sang kabuhi, kita man naga-ambit sang kabuhi sang Diyos nga wala’y katapusan.


FR.RONNIE

PAGKAON ET KALUWASAN
“May daon nga isa ka tiguwang nga mangunguma nga nagdala et ana baligya sa siudad. Tungod kay udto un ag sobra kainit et panahon, sia ginutom ag nagsulod sa isa ka restaurant para mag-ilabas. Sia nagpungko sa kilid et lamesa et mga ‘social’ nga mga estudyante nga nagadinaskal sa mga waitress nga nagasirbe sa mga costumers. Pag-abot et order et tiguwang, sia nagpanguros ag nagpangamuyo ag dayon nagkaon. Sa pagkakita et ana ginhimo, ong isa sa mga soltero nga buot magdinaskal ag magpakahuya sa tiguwang, nagpamangkot sa iya nga nagasinggit, agud mabatian et tanan ong ana tingog: “Yoy, ginahimo gid man bala ina et iban sa imo ginhalinan, ong ginhimo mo?” Nagsabat ong imol nga mangunguma: “Indi tanan to! Sa uma, ong mga BABOY wa sina nagahimo!”
Kon maglantaw ka et “TV”, imo makita ong duro nga mga “commercials” nga nagaganyat sa pagbakal o pagkaon sa mga butang nga anda ginabaligya sa mga tawo, nga daw amo un dya ong sabat sa anda ginapangita, o ong makapaumpaw sa anda kauhaw o ong makatao et matuod nga ‘satisfaction’. Apang sa ulihi, masapwan naton gihapon ong tawo nga gutom, disgustado ag nagapangita et bag-o. Dya tungod ong gina-offer et “advertising world” hapaw lamang ag nagalipas. Sa pihak nga bahin, si Kristo gid lamang ong makatao et ginapangita et tawo. Sya lamang ong makatao et matuod nga “satisfaction”. Dya tungod ong ana ginatao wa nagakapan-os o nagakadunot, kundi nagadugay ag wa et katubtuban. Ong gina-offer ni Kristo wa lamang nagabusog et aton tiyan ag buy-on, kundi nagapuno et aton taguipusuon ag nagagarantiya et kaluwasan sa aton mga kalag.
Gani dali na! Magsimba ka na ag magpangalawat ka kay Kristo!



FR. DODO


ANECDOTE

CONSTANTLY COMPLAINING ABOUT THE TEMPERATURE

A customer was bothering the waiter in a restaurant. First, he asked that the air conditioning be turned up because he was too hot, then he asked it be turned down cause he was too cold, and so on for about half an hour.
Surprisingly, the waiter was very patient, he walked back and forth and never once got angry. So finally, a second customer asked him why he didn't throw out the pest.
"Oh, I really don't care or mind," said the waiter with a smile. "We don't even have an air conditioner."

FOOD FOR THOUGHT

“I have a simple philosophy: Fill what's empty. Empty what's full. Scratch where it itches.” (Alice Roosevelt Longworth)

18th Sun. Ord. Time (B)

WE ARE WHAT WE EAT!
Suno sa mga “dietician” kon ano ang aton ginaka-on, amo man ina kita. May kaangtanan ini nga mga pulong sa aton Ebanghelyo subong nga Dominggo. Ang aton Ginuo nagasiling nga: “Indi kamo magpangabudlay tungud sa kalan-on nga nagakapan-os, kundi magpangabudlay kamo tungud sa kalan-on nga nagatener kag nagahatag sang kabuhi nga wala sing katapusan.”
Matuod nga nagakinahanglan ang aton “lawas” sang kalan-on agud ini mabuhi, apang ang lawasnon nga kalan-on nga iya ginakinahanglan sini amo ang kalan-on nga “nagakapan-os”… nagalipas lamang ini, kag wala sang kapahuwayan ang aton nga kagutum. Ang aton Ginuo nagahambal subong sang isa ka klase sang kalan-on nga sa diin ang mga tawo nagpangayo sini sa Iya agud ihatag sa ila. Amo ini ang kalan-on nga Iya ginahatag: “Ako amo ang tinapay sang kabuhi. Ang nagakari sa akon indi na gid paggutumon, kag ang nagatuo sa akon indi na gid pag-uhawon.” Buot silingon nga ang matuod-tuod nga kalan-on nga ginhatag sang aton Ginuo amo ang Iya KAUGALINGON nga lawas. Amo gani nga ginbilin Niya sa aton ang isa ka SAKRAMENTO, nga nagahatag indi lamang sang isa ka handumanan kundi sang Iya PADAYON nga presensya, nga sa tagsa naton ka pagsaulog sini, kita NAHIUSA sa Iya! Sa Santos nga Misa, ang aton Ginuo nagahatag sang Iya kaugalingon sa mga pulong: “Ini amo ang akon LAWAS… Ini amo ang akon DUGO!” Sa sini kita naga-ambit sang kabuhi nga wala sing katapusan nga Iya gintagna nga aton paga-ambitan. Kon kita nahiusa kay Kristo sa Santos nga Misa, kita man nangin KATULAD Niya… kita may kahigayunan sa pagbag-o sang aton kaugalingon. Nagapangabudlay bala kita para sa sini nga pagkaon? Ginapangita ta bala ang Ginharian sang Diyos, una sa tanan?


FR.RONNIE

ANECDOTE
YOU SHOULD LEARN TO BE MORE POLITE
One day, Bill and Tom went to a restaurant for dinner. As soon as the waiter took out two steaks, Bill quickly picked out the bigger steak for himself.
Tom wasn't happy about that: "When are you going to learn to be polite?"
Bill: "If you had the chance to pick first, which one would you pick?"
Tom: "The smaller piece, of course."
Bill: "What are you whining about then? The smaller piece is what you want, right?"

FOOD FOR THOUGHT
Bad men live that they may eat and drink, whereas good men eat and drink that they may live. (Socrates -c.470-399 BC) How a Young Man Ought to Hear Poems by Plutarch (AD c.46-c.119)

17th Sun. Ord. Time (B)

MILAGRO SANG PAGMU-AD

Ang isa sa mga pinaka “dramatic” nga milagro nga ginbuhat sang aton Ginuo amo ang pagpamu-ad sang lima ka bilog nga tinapay nga sebada kag duha ka bilog nga mga isda, nga nagdamo kag nakapaka-on sang lima ka libo nga mga lalaki, wala labut ang mga babayi kag mga kabataan.
Madamo sang mga interpretasyon ang mga batikan nga mga “scholars” sini. Ang isa sang akon nanami-an, amo nga sadto anay, kon magpanglakaton ang mga tawo, nagabalon sila sang pagka-on nga ila ginasulud sa ila mga “back-packs”. Ini tungud kay wala pa sang mga salakyan sadtong una, kag sigurado gid nga ang ila pagpanglakaton nagadugay sang mga inadlaw. Sa ila nga pagsunud sa aton Ginuo sa malawig nga tini-on, ayhan “naubos” na ang ila nga balon. “Naubos” sa punto nga wala na sang “extra” nga nabilin para sa ila ingkaso nga maglawig pa ang mga inadlaw kag pagpanglakaton. Amo gani nga bisan may “ara” pa nga diutay nga nabilin, naghambal sila nga WALA na! Sa pagkamatu-od, “gintipid” nila ang ila nga balon… gintago lang nila ini agud makapanigurado sila nga indi sila MAWAD-AN.
Apang sang may isa ka bata nga nagbukas sang iya nga balunan kag naghatag sang iya “ginasupot-supot” nga balon, kag nagtunghol sini sa mga apostoles, kag sang makita sang iban ang ginbuhat sang bata, nahuya sila sa ila kaugalingon, kag nagsugud man sila sa pagbukas sang ila balunan. Diri nagsugud ang pagpa-ambitanay sang ila balon nga NAGSULOLOBRA pa gani! Amo sini ang mahimo sang PAGPA-AMBITANAY– WALA SANG MAY MAGUTUMAN!... WALA SANG MAY MAKULANGAN! Kita? Ano ang aton ginpa-ambit sa isa kag isa?


FR.RONNIE


X YA, INDI + LANG!

Sa eksena et pagpaduro ni Kristo et tinapay, tatlo ka mensahi ong aton sarang makuha:
Una, sarang naton masiling nga dya isa ka milagro; nga tungod Sya Anak et Makagagahum nga Dios, dya matuod nga ‘pag-multiply’ et lima ka tinapay ag daywa ka bilog nga isda ag nagbusog et sobra lima ka libo nga mga tawo.
Ikaduha, dya paghanduraw et Misa bilang isa ka sacramento et ululupod nga pagkaon ag pagsimba sa isa lamang ka lamesa. Kay sa isa ka Judeo nga pareho kay Kristo, ong pagkaon et dululungan ginakabig nga sagrado nga kasugtanan et pag-abyanay. Indi lamang nga “Who prays together, stays together”, kundi nga “They who pray and EAT together, stay together”.
Ikatlo, sarang naton masiling nga may daon nga dala nga pagkaon ong tagsa ka tawo sa anda paglakat et sulosobra 17 ka kilometro para lamang mamati kay Kristo. Galing ong problema amo nga wa et buot mag-ilus sa iban nga wa nakadala. ‘Ako ong nagdala sini gani ako lang man ong makaon eh!’ Dayon si Kristo nagkuha et gamay nga dala et bata nga lima ka ‘barley’ bread ag daywa ka isda, nagbendisyon kadya ag ginpapanagtag sa iban. Ag sa pagkakita et mga tawo et ana ginhimo, sanda man nagtao et anda dala sa iban, hasta ong tanan nagkalabusog ag nagsulobra pa gani et dose ka alat. Kon amo kadya ong natabo, amo na dya ong pinakadyagku nga milagro, indi ong pagpadamo ni Kristo et tinapay ag isda, kundi ong pagbag-o et batasan et mga tawo, halin sa pagkasungaksungak paadto sa pagkaalwan, pag-ulikid ag pagkabalaka sa iban. Gani ong pamangkut kanaton amo dya: Naka-experiensia ka na bala kadya nga milagro?


FR. DODO


ANECDOTE

CELEBRATING AN EVENT

An aged farmer and his wife were leaning against the edge of their pig-pen when the old woman wistfully recalled that the next week would mark their golden wedding anniversary.
"Let's have a party, Homer," she suggested. "Let's kill a pig."
The farmer scratched his grizzled head. "Gee, Ethel," he finally answered, "I don't see why the pig should take the blame for something that happened fifty years ago."


FOOD FOR THOUGHT
“Kindness trumps greed: it asks for sharing. Kindness trumps fear: it calls forth gratefulness and love. Kindness trumps even stupidity, for with sharing and love, one learns.” (Marc Estrin)

16th Sunday Ord. Time (B)

MAKALULU-OY NGA PANONG
Ang mga karnero ginakabig sa isa sa mga pinakamabu-ot sa mga kasapatan. Ini tungud ang kinatuhay sang mga karnero nagapakita nga wala gid sila sang inugsagang o inugbato sa ila kaugalingon– wala sila sang matalum nga mga kuko, wala sang bangkil kag sungay, kag iban pa nga masiling naton nga ila nga taming kon sila gus-abon sang iban nga mabangis nga mga kasapatan. Amo gani nga ang mga karnero nagakinahanglan gid sang “manugbantay” agud nga sila mapangapinan sa tion sang mga kapipit-an. Kon wala sila sang manugbantay, ukon kon uyaya ang manugbantay, ang mga karnero magatalalang kag madali sila mangin biktima sang mga luyag mamintaha sa ila.
Amo ini ang sitwasyon sang mga tawo sang panahon sang aton Ginuo, kag bisan pa gani siguro sa aton man nga panahon. May yara matu-od nga mga “manugbantay” nga natalana sa ila, apang imbes nga sila bantayan pakadto sa maayo nga halalban, ukon sa mga luyag mamintaha sa ila, sila ginapangunyadi-an lamang sang mga yara sa otoridad. Madamo nga mga ginakabig nga mga “manunudlo” sang kasugu-an apang imbes nga sila magpamag-an sang palas-anon sang mga tawo, ginapabug-at pa gani nila ini!
Masakit ini nga palanan-awon sa aton Ginuo tungud Siya isa man ka Manugbantay kag sinsero sa Iya nga misyon, sa bagay nga Siya “ginsubu-an” gid sang Iya makita ang “panong” nga nagapangita sang kasanag kag pagtuy-toy sang isa ka Maayo nga Manugbantay. Ang aton bala pagkabuhi “nasandig” sa Iya?

FR.RONNIE


“HIN-AGA LANG…”

“Si Filemon isa ka tawo nga pabaya nga nakasumalang, isa ka adlaw, et isa ka imol nga nagapakilimos. Luyag nana buligan ong nagapakalimos ag sya naghambal, “Oo, limusan ta ka pero hindon lang!” Paglabay nana et simbahan, nadumduman nana nga wa pa sia kapangamuyo. Ginsingganan nana ong ana kaugalingon, “Mangadi ko karon!” Sa ana pagpadayon et panaw, nasugat-an nana ong isa ka tiguwang nga naghinyo kanana, “Toto, ong akon apo may ‘swine flu’. Nagaisahon nako ag gaigod-igod. Indi un ako kaagubay kanana. Palihog man ko dala kanana sa ospital to, maluoy ka!” “Ahay, oo la,” hala ni Filemon, “dal-on ko sia, apang hin-aga lang ha! May importante dabi ko nga panawan. Ag isa pa, indi pa man sia gro mapatay ah!”
Pagbiya nana sa tiguwang, si Filemon binunggoan et ‘ceres’ ag napatay. Gintagbong ong ana kalag sa impyerno. Ag samtang sia ginasunog, nagpakiluoy sia sa isa ka anghel sa langit, “Maluoy ka man kanakon! Paimna man ko et tubig!” Nagsabat ong anghel, “Oo Filemon, paimnon ta ka pero hindon lang!” Pagkakita pa gid nana et isa ka anghel, si Filemon nagpakiluoy na naman, “Please man o, kuhaa man ko di sa kalayo!” “Oo Filemon,” sabat et anghel, “kuhaon ta ka da apang bwas lang ah!” Ag ong anghel nagbiya kanana.
Sa ana nga pakitluoy sa iban pa gid nga mga anghel, Si Filemon nakabaton et amo man lang gyapon nga sabat, “Oo, apang hindon lang! Oo, apang bwas lang…” Ag samtang padayon nga ginasunog sa kalayo si Filemon, didto nana nasayran nga ONG NAGAPA-BWAS SA PAGHIMO ET MAAYO, GINAPABWASAN MAN ET GINUO!”
Sa aton Ebanghelyo, ginasaysay nga bag-o lang nakatapos et ana bulohaton sa isa ka adlaw si Jesus. Ginsingganan pa gani nana ong ana mga gintutun-an nga magpahuway. Kay seguro, kinapoy man sia ag gusto ‘magspent’ et ‘quality time’ upod kananda. Ukon basi gusto nana mag-inuminum kananda para ‘panghagod sa pagod’. Apang nahibaluan naton ong matuod nga natabo! Pagkakita nana sa mga tawo, naluoy gid sia ag gani sia padayon nga nagtudlo ag nagserbisyo kananda. Kay si Jesus nakasayud gid nga ONG PAGHIMO ET MAAYO WA ET GINAHULAT O GINAPILI NGA TION. SA BISAN ANO NGA SITWASYON, ESTADO O LUGAR, ONG PAGBULIG SA IBAN DAPAT BUHATON SA ORAS NGA TANAN! MANAKARYA AG INDI UN PAGPABWASAN PA!
Mabuhay ong Maalwan nga mga Mambusaonon


FR. DODO


ANECDOTE
OFFICER AND A WISE GUY

A policeman pulls a man over for speeding and asks him to get out of the car. After looking the man over he says, “Sir, I couldn’t help but notice your eyes are bloodshot. Have you been drinking?”

The man gets really indignant and says, “Officer, I couldn’t help but notice your eyes are glazed. Have you been eating doughnuts?”

FOOD FOR THOUGHT

“In these times you have to be an optimist to open your eyes when you awake in the morning.” (Carl Sandburg)

15th Sun. Ord. Time (B)

ANG AWTORIDAD KAG PAG-ALAGAD
Bilang pagpasakup sa misyon sang aton Ginuo, ang mga gintutun-an gihatagan man sang “awtoridad” sang aton Ginuo sa pagtabug sang mga malain nga espiritu kag sa pag-ayo sang mga masakiton… bisan pa gani sa pagbanhaw sang mga patay. Nahibalu-an sang aton Ginuo nga may katapusan gid ang Iya nga misyon sa sining dutang luhaan, sa bagay, nga ining pagpa-ambit sang Iya nga misyon, nagakahulugan lamang nga DAPAT ini PADAYUNON tubtub sa katubtuban.
Apang indi katulad sang tawohanon nga awtoridad, nga amo ang pag-gahum sa pakusug nga pamaagi, ini nga awtoridad nabase sa sadsaran sang PAG-ALAGAD nga wala nagapanumdum sang makina-ugalingon nga pagpamintaha. Ini nga kabuhi sang isa ka gintutun-an, isa ka kabuhi sang PAGSAKRIPISYO: “Indi kamo magdala sang bisan ano magluwas lamang sang sungkod, wala sang kwarta ukon mga suludlan, isa lang ka sandalyas kag bayu…” Ini nagapatima-an lamang nga magluwas sa kinahanglanon, ang iban nga mga dalalhon pabug-at lamang sa isa ka gintutun-an nga nagadala sang Maayong Balita. Isa ini ka kabuhi nga nagahangkat sa tagsa-tagsa sa pagsakripisyo kag sa pagkalimut sa kaugalingon nga mga kinahanglanon agud WALA SANG MAGA-UPANG sa paglapnag sang Maayong Balita.
Matahum nga usisa-on naton ang aton kaugalingon bilang mga gintutun-an sang aton Ginuo. Ano bala ang mga naga-upang sa aton pag-alagad sa Iya? Ano ang aton ginsakripisyo agud mabantala sang Maayong Balita ?

FR.RONNIE


ALTER CHRISTUS (OTHER CHRIST)
Sa pagpadala ni Jesus et ana mga Apostoles, ginapakita kanaton ong bulohaton et Simbahan. Ag dyang misyon et Simbahan ginapakilala nga amo ong pagpadayon et Misyon ni Kristo. Gani, sa malip-ot nga pulong, dyang misyon et Simbahan, misyon et Dios.
Ong “Fathers of the Church” (Mga Amay et Simbahan) nagapahanumdom sa mga tumulu-o nga si Kristo mismo ong nagapanghikot sa aton mga Sakramento. Kon ong pari magbunyag, si Kristo gid ong nagabunyag. Kon ong Obispo magkumpirma, si Kristo mismo ong nagakonpirma. Kon ong pari magpakompesar, si Kristo mismo ong nagapatawad et mga sala. Kon ong pari magbadlis, si Kristo mismo ong nagabadlis. Kon ong pari magmisa, si Kristo mismo ong nagamisa. Gani, sa pagkamatuod lang, ong ginahimo et Simbahan manakarya, pagpadayon et hinimuan ni Kristo sang una. Kon makaluluwas ong ginhimo ni Kristo, makaluluwas man ong ginahimo et Simbahan manakarya. Kay ong Simbahan nagahimo kadya “in persona Christi” (in the person of Christ)
Ong ‘pag-act’ o pagbuhat sa persona ni Kristo isa ka labing-halangdon nga bokasyon, apang isa man dya ka regalo. Wa et tawo nga segurado nga gintawag gid sia. Kinahanglan nana danay nga magpangamuyo, magbinagbinag, magpamalandong ag magpreparar para duri. Wa et pari nga nagtuhaw lamang sa buho. Bisan gani ong daon un sa Seminaryo, wa et makapat-ud nga gintawag gid un sia, kay basi ginapasitsitan lang sia. Sa malip-ot nga pulong, duro ong gintawag apang diutay lang ong ginpili.
Ong aton “Cursillistas” naghimo et ‘picture’ ni Kristo nga wa et kamut ag tiil. Kay ong tagsa ka ‘cursillista’ ginahimok gid nga mangin kamut ag tiil ni Kristo – ong magapadayon et bulohaton et kaluwasan nana sa aton panahon. Kon matuod dya sa aton cursillistas, mas matuod gid dya sa aton ministro et Simbahan tungod sanda ong mga ‘salili’ et mga Apostoles. Karon, paagi sa bunyag, ikaw, ako, kita tanan ginatawag man sa kadya nga misyon, tungod ong tanan nga Kristiano misyonero.

FR. DODO


ANECDOTE

I FEEL INSULTED

A lady with her baby is sitting in a bus beside the driver… “What an ugly baby!”, said the driver to the lady.
Feeling insulted, she moved to another seat and murmured a few things under her breathe. The man next to her asked, “What happened?”
“The driver just insulted me!” she cried. Sympathetic, the man offered, “That bastard, he shouldn’t have insulted you! Go, get his number. I’ll hold your monkey for you.”


FOOD FOR THOUGHT

“Every noble work is at first impossible.”
(Thomas Carlyle)

14th Sun. Ord. Time (B)

BULAG SA KAAYOHAN

Isa sa mga pinakamasakit nga eksperyensya sang tawo amo ang di-pagpati sang iya mga binuhatan sang mga tawo nga pinaka-suod sa iya!- Mga abyan, paryente kag mga kakilala! Sa aton eksperyensya, mas maayo pa gani ang “iban” nga mga tawo, daw mahapus pa maka-intyende kag makapati sang sa ginakabig naton nga mga malapit sa aton. Ang mga kano may hambalanon sini: “Familiarity breeds contempt!” Tungud sa imo pagkilala sa tawo, nga ayhan tama kalapit, nangin ordinaryo na lamang siya sa imo panan-awan, kag yadtong sang una nga ginakabig mo nga daw katingalahan sa iya ginabuhat, karon nangin isa na lamang ka ordinaryo nga buluhaton. Ang sadtong una nga daw “misteryo” para sa imo, nangin isa na lamang ka simple nga kamatuoran!
Masami ini nagakahanabo sa mga mag-asawa. Sang una, sang nagaluyagay pa lang sila, ginahanda-an ang tanan… pinakahamut nga perfume… pinakamanami nga bayo ukon pantalon… pinakamanami nga okasyon– bisan pa gani ang “anniversaries” ginpadasig kag ginihimo na nga “month-sary”… pinakamanami nga regalo, kag iban pa. Apang sang nag-asawahay na sila, sus! indi na gani kadumdum sang anniversary, pirmi na lang mabaho, ang mga bayo nga ginasuksuk sa sulud sang panimalay amo ang mga yat-yat kag mga gisi-gisi, tungud kay tutal, “asawa ko manlang siya!” Nangin ordinaryo na nga palanan-awon ang isa ka asawa sa sulod sang panimalay! Nadula na ang “magic!”
Amo man ini ang natabo sa aton Ginuo sa atubang sang Iya mga kasimanwa. Ano bala Siya para sa aton?

FR.RONNIE

BULANO AG BULANA KO

“Sa bilog nana nga kabuhi, wa gid makakita et leon ong lobo. Gani sa anda pagsumalangay, ong lobo nagkulurog gid sa kahadlok. Sa anda ikaywa nga pagsumalangay, ong lobo nahadlok man gyapon apang gintago un nana ong ana kakulba. Sa ikatlo, nakabatyag un sia et kaisog gani nagpalapit sya sa leon ag nagsugilanon kanana.” Sa kadyang gamay nga sugilanon, nagkuha ong ulipon nga Griego nga si Aesop (620-560 BC) et leksyon: ‘Familiarity breeds contempt!’ Kon kilala naton ong tawo, wa on naton sia ginasapak. Ukon masakit matuod ong pagbulagay, apang mabutla un ong dugay nga pag-updanay.
Amo dya ong natabu kay Jesus ag sa ana mga kasimanwa sa Nazareth. Indi sanda magtuo kanana sanglit kilala gid nanda sia. Ong tawo nga naghanggud sa tunga nanda ag nakilala nanda nga isa ka ordinaryo nga karpintero, nagpakilala kananda manakarya bilang mangin-alamon, halangdon nga manunudlo ag manughimo et milagro. Indi sanda makapati nga sa sulod et malawig nga mga tinuig, sala ong anda pagkilala sa anda bolano. Indi nanda makita ong Dios kay Kristo. Sa malip-ot nga pulong, indi nanda mabaton nga sanda nagsala.
Ag dyang napilasan nga kahambog amo ong isa nga nagtulod sa mga tawo nga indi magtuo kay Kristo. Apang may daon man nga nadaug et kahisa. Indi nanda mabaton nga labaw ong kaalam ni Kristo kananda ag ginaestoryahan sa mga kabanwahanan ong ana gahum sa paghimo et mga milagro. Naakig sanda kay indi nanda ‘hawid’ si Jesus. Bahin dya et kahisa. Kay ong kahisa bunga et di-pagkontento tungod et mga pagkabutang, nahimuan ag kaayohan et iban. Dya balatian et kadalok, pagkahamalhamal o pagkasungaksungak.
Kita tanan nahisa kon kaisa. Nabudlayan taton magbaton et kadalag-an et aton mga kaupod. Nagasiling taton nga kilala gid naton sanda et maayo. Nagakatingala gid taton kon ong iban magdayaw kananda. Tungod kay ‘familiarity breeds contempt’, nagataas ong aton kilay ag nabudlayan taton sa pagkilala et kaayo ag kadalag-an et aton kapalareho.Apang tandaan gid naton nga bisan kita “unique”,may kaayo gid ya ag katahum sa tagsa ka tawo, bisan pa nga malain dya sa mata et katilingban. Tani matukiban ag mabaton ta dya. Agud indi un taton masulay sa pagkahisa sa iban, kundi sa baylo, magkalipay pa gani sa anda nahimuan ag kadalag-an. Ag labi sa tanan, maghugyaw sa kadalag-an et mga tawo nga kilala gid naton.


FR.DODO

ANECDOTE

HAPPY LITTLE OLD MAN
A woman walked up to a little old man rocking in a chair on his porch. “I couldn’t help noticing how happy you look,” she said. “What’s your secret for a long happy life?”
“I smoke three packs of cigarettes a day,” he said. “I also drink a case of whiskey a week, eat fatty foods, and never exercise.”
“That’s amazing,” the woman said. “How old are you?’
“Twenty-six!” he said.


FOOD FOR THOUGHT
“Don't marry the person you think you can live with; marry only the individual you think you can't live without.” (James C. Dobson)

13th Sun. Ord Time (B)

MAGBUGTAW KA!
May hulubaton kita nga nagasiling: “Mabudlay pukawon ang nagapatulog-tulog sang sa nagakatulog!” Tungud aton nahibalu-an nga ang nagapatulog-tulog, naga-”drama” lamang ukon nagahatag sang impresyon nga kuno siya nagakatulog apang sa minatu-od, bugtaw siya. Ini nga hulubaton ayhan nagtuhaw tungud sa aton madalum nga mga eksperyensya sa kabuhi nga sa masami sa aton “muklat” nga pag-ginawi, may mga tawo nga nagapakuno-kuno nga sila daw nagakatulog… nga daw sila wala makakita, ukon nagapabulag-bulag! Ini nga mga klase sang mga tawo makabig naton nga daw mga “nagalakat nga mga patay”- mga “walking- deads” tungud wala sila sang labut sa nagakahanabo sa ila nga “katilingban” ukon “komunidad”. Ini nga mga tawo naghi-mo sa ila kaugalingon nga “isla”, sa bagay nga ang ila kaangtanan sa iban, nautod kag gani “patay” ang ila nga relasyon sa ila isigkatawo. Daw ano kasubo sini nga kahimtangan… daw ano ka makalulu-oy… daw ano kalain! Ngaman? Tungud ang tawo isa ka “sosyal” nga tinuga– ang iya kabuhi napatuhoy para sa iban, sa iya kaangtanan sa ila kag iya pagbalay sang relasyon sa iya isig-kapareho.
Sa aton Ebanghelyo, ang aton Ginuo “nagpukaw” sang isa ka “nagakatulog” nga dalagita, nga suno sa mga tawo “patay” na! Ini nagapakita lamang nga sa aton Ginuo, wala sang lugar ang kamatayon. Padayon kita nga naangut sa isa kag isa tungud Siya amo ang Diyos sang kabuhi! MAGBUGTAW kita kag MAGBALAY sang maayo nga relasyon sa tagsa-tagsa!

FR.RONNIE



MAGBANGON KA!
“May isa ka makahaladluk nga estorya nahanungod sa isa ka babaye nga ginpamatbatan et ‘life sentence’ sa prisohan. Akig ag nagaribok sa ana sitwasyon, sia nagtuad nga manginmatay un lang sia kon maabutan pa sia et isa ka tuig sa prisohan.
Sa paglipas et mga tinuig, sia nangin suod nga abyan et ‘caretaker’ o manuglubong et mga priso nga nagkalamatay. Kon mapatay ong isa ka priso, ong obra et sepultorero, amo ong pagbagting et lingganay agud ong tanan makasayud nga may namatay. Dayon ana ginakuha ong bangkay ag ginasulod sa lungon. Dayon sia nagasulod sa ana opisina sa pagfill-up et death certificate ag dayon nagabalik sa lungon sa pagselyado kadya. Ag sa katapusan, ana ginabutang sa ‘wheelbarrow’ ong lungon ag dal-on dya sa sementeryo sa gwa et prisohan, kon sa diin, ana dya ilubong.
Sa pagkamaan et babaye sang sini nga ‘routine’, sia nakapanumdom et plano para makapalagyo. Sia nagpangayo et bulig sa ‘caretaker’ nga sa masunod nga may mapatay, sia magagwa sa ana selda ag magasulod sa lungon et bangkay et namatay samtang ong ‘caretaker’ nagafill-up et death certificate. Dayon kon malubong na ong lungon, ong ‘caretaker’ magabalik sa gab-i sa pagkutkot et lungon ag pagbukas kadya ag dayon ong babaye manginhilway un.
Indi pa tani magpasugot ong ‘caretaker’, galing kay sanda mag-abyan, nagpauyon un lang sia.
Ong babaye naghulat et pila ka semana nga may mamatay. Sia nagakatulog pa ag namuragmuragan sang ong bagting ana nabatian. Gani dalidali sia nagbangon ag naggwa sa ana selda ag nag-adto sa kwarto et mga lungon. Kadaywa pa sia gamay lang madakpan. Bisan madulom, dalidali sia nagsulod sa lungon ag naghigda upod sa bangkay. Dayon ana nabatian ong tunog et mga tikang ag ong pagpukpok et mga lansang sa lungon. Bisan indi sia kumportable ag nakulbaan nga upod et bangkay, sia naghipos lang samtang ong lungon ginadala pagwa sa sementeryo. Ag sa katapusan, ana nabatyagan ong paglubong et lungon ag ong pagtampok, sa ibabaw kadya, et duta.Dayon pagkatapos et malawig nga kalinong, ong babaye naghinibayag. Hilway na sia! Dayon tungod sa kuryosidad, sia nagsindi et posporo agud masaydan kon sin-o ong patay sa kilid nana. Sa ana nga kakugmat, ana nadiskubrihan nga ong patay nga nagahigda upod nana amo ong bangkay et ana abyan nga ‘caretaker’.”
Duro nga tawo ong nagapati nga hawid nanda ong anda kabuhi. Nagapinakasala sanda, nagakabuhi suno sa anda gusto ag tungod kadya, daw may daon sanda nga matuod nga kahilwayan ag kalipay. Apang sa katapusan, anda lamang madiskubrihan ong makangilidlis nga kamatuoran – nga ong anda sala nagatapos sa anda kamatayon ag kalaglagan. Nag-abot ong kamatayon sanglit ginpili et tawo nga magbulag sa Dios ag magpaidalum sa gahum et yawa. Tani indi ikaw kasubong sini!
Mabuhay ong Maalwan nga mga Mambusaonon!

FR.DODO


ANECDOTE

GOD VS THE SCIENTIST
God was sitting in heaven one day when a scientist said to Him,  “God, we don’t need you anymore. Science has finally figured out a way to create life out of nothing – in other words, we can now do what you did in the beginning.”
“Oh, is that so? Explain…” replies God.  “Well,” says the scientist, “we can take dirt and form it into the likeness of you and breathe life into it, thus creating man.”
“Well, that’s very interesting… show Me.”
So the scientist bends down to the earth and starts to mold the soil into the shape of a man.  “No, no, no…” interrupts God, “Get your own dirt.”


FOOD FOR THOUGHT
“Death is no more than passing from one room into another. But there's a difference for me, you know. Because in that other room I shall be able to see.” (Helen Keller)

12th Sun. Ord. Time (B)

NGAA BALA NAHADLUK GID KAMO?
Ginasiling nga ang aton kabuhi sa sining dutang luhaan isa ka “pagpanakayon” sa isa ka sakayan sa isa ka malapad nga lawod sang aton indi mapaktan nga kabuhi. Sa masami, ini nga lawod, indi sang makanay ang panakayon kundi napun-an sang pagsumpiya sang mabaskug nga mga unos kag mga balud.
Ang mga gintutun-an sang aton Ginuo, indi sang bag-o sa sini nga eksperyensya tungud sila mga mangingisda. Nahibalu-an nila nga mabudlay ang kabuhi sa lawod ilabi na gid kon ikaw naga-isahanon. Makakulugmat kag makatilindog-balahibo kon imo matalupangdan nga daw sa halos wala na ikaw sang kapyutan! Amo ini ang ila nabatyagan sang ginasumpiya sang mabaskug nga balud ang ila nga sakayan… sang nabatyagan nila ang “bagyo” nga nagahampas sa ila. Matuod nga madamo sila, apang NAGPA-IYA-IYA na sila sang panumdum sa ila kaugalingon nga kaluwasan. Nalipatan na nila ang ila kaupdanan, kag ang naghari amo ang painu-ino kon “paano AKO maluwas?!” Daw sa NAG-ISAHANON na ang tagsa-tagsa kag amo ini ang nagdulot sang tuman nga kahadluk sa ila.
Sang ginpamangkut nila ang Ginuo kon bala “wala Siya nagakabalaka” sa sitwasyon nga daw sa “malumos” na sila, ang sabat sang aton Ginuo: “Ngaa nahadluk gid kamo?”. Ayhan ang sugpon sini “KAY YARI MAN AKO!”. Huo, wala kita sang dapat kahadlukan sa kabuhi tungud kaupod naton ang Ginuo! Sa likud sang mga pagtilaw kag problema, yara Siya. Nagasalig bala kita sa Iya?

FR.RONNIE


MALINAW
“Sang ako nagpaligo sa “Lake Genezareth”, ako isa lang nga nagapautaw-utaw sa malamig ag malinaw sini nga tubig. Apang sang hinali, ako nakibot ag kinulbaan sang ong tubig nag-amok, naghalanggud ag nagsalpukanay tana ong mga balud. Abi ko may daon nga bagyo, ukon may naglabay nga barko ukon may daon nga ‘tornado’. Didto ko dayon nadumduman ong Ebanghelyo manakarya kon sa diin hinadlukan gid ong mga Apostoles sang bulobaliswaon et balod ong anda baroto. Didto ko man ‘first hand’ nga naexperiensyahan ong “east wind” o hanging habagat nga ginasiling, nga bisan ano pa ka kanami et panahon, hinali lang ya mahuyop ong mabaskug nga hangin. Isa pa, sang ako nag-adto sa Tiberias ag nagsulod sa anda diutay nga Museo, didto nakita ko man ong baroto nga ginsakyan sang una day Kristo. Mga isa ko ka dupa ag tunga ong haba ag isa ka dupa ong lapad. Kon sakyan et mga anum ka tawo, dya dali un lang nga magtugob. Gani naintiendihan ko gid ong kakulba et mga Apostoles, bisan pa sanda kabalo maglangoy ag lagting nga mga mangingisda, sang ong anda baroto bulobaliswaon et balud. Ako kinulbaan man gani nagtakas un kay daw delikado nga malumos man takon.”
Ong kahulogan et Ebanghelyo manakarya, indi nga ginapakanay ni Kristo ong hangin ag tubig didto sa Galilea, kundi nga, SA BISAN DIIN NGA DAON SI KRISTO, BSAN PA MAY BAGYO O MAGARUT ONG TIEMPO, ONG PANAHON MAGALINAW ET SEGURADO. Si Kristo wala nagpromisa nga tungod kita mga Katoliko, mangin matawhay ong aton kabuhi. Ong ana lamang ginhambal amo nga bisan kita padayon nga ginahampak et “balod” et balatian, pagluib, katalagman, kaluya o bisan kamatayon, Sia magaupod kanaton sa pagtao et kalinaw ag paghidaet.
Si Santa Teresa et Avila ginsulay danay kontra sa ana sinumpaan nga kaulay. Ong ana mga pangamuyo daw indi makabulig kanana ag daw tuman kalayu ong Dios. Isa ka aga, sang maghapaw un ong pagsulay, nagreklamo sia sa Ginoo: sa diin bala Sia samtang sia ginasulay? “Sa imo taguipusuon”, siling et Ginoo.
Mabuhay ong Maalwan nga mga Mambusaonon!


FR.DODO


ANECDOTE

THE CONFESSIONAL BOX

After a heavy night of drinking at the local bar, a drunk stumbles into a Catholic church and slowly makes his way into the confessional booth. There, the priest patiently awaits the man to begin his confession.

After a few minutes of silence, the priest politely taps on the window… nothing. The priest taps again and this time clears his throat a bit… still nothing. At this point the priest begins to lose his patience and bangs on the window.

Finally the drunk yells out… “Ain’t no use knocking, there ain’t no paper over here either!”


FOOD FOR THOUGHT
“Faith has to do with things that are not seen and hope with things that are not at hand.” (St.Thomas Aquinas)

CORPUS CHRISTI (B)

ANG KASUGTANAN
Sang mag-abut ang mga Espanyol sa Pilipinas, sang magpakig-abyan sila sa mga tumandok nga mga Pilipino, ang kasugtanan nga ila ginhimo, GINSILYOHAN nila sang ila nga dugo paagi sa pagbuhat sang “blood compact”. Ini nga hilikuton wala lamang nahanabo diri sa aton, kundi sa bisan diin man nga kultura. Ang dugo ginakabig nga “balaan” nga silyo sang isa ka promisa ukon pangako sa ginahigugma. Amo gani nga sa daan nga kasugtanan, ang halad sang tawo sa Diyos gina-updan sang paghalad sang dugo sang mga sapat.
Nagla-in ang sistema sang paghalad sang pag-abut sang aton Ginuong Jesukristo. Ini nga dugo indi na sang dugo sang sapat kundi dugo sang Manluluwas– sang bugtong nga Anak sang Diyos, nga naghalad sang Iya nga kabuhi para sa kaluwasan sang tanan.
Gintagna na ini nga paghalad sang aton Ginuo sang katapusan nga panihapon sang Iya ginpamihak-pihak ang tinapay nga amo ang “Iyang” lawas, kag ginapalibut ang kupa sang bino nga amo ang “Iyang” dugo, bilang isa ka wala’y katapusan nga kasugtanan sa Diyos. Ang tinapay kag bino indi lamang sang “simbolismo” sang lawas kag dugo sang aton Ginuo kay wala Siya magsiling nga ini amo ang akon “daw” lawas kag “daw” dugo, kundi AMO INI ANG AKON LAWAS...DUGO nga amo ang wala’y katapusan nga kasugtanan sa Diyos!
“Jesus offered no less than Himself as a covenant for us with His Father”. Kita, ano ang aton halad kag sinumpaan nga ginhatag sa Diyos?
FR.RONNIE
SABOD
“May daon nga biyuda nga nagakabuhi nga nagaisahanon, gani, sobra ka masinulob-on. Sia nag-adto sa isa ka ‘Pet Shop’, ag pagkatapos lantaw sa tanan nga mga sapat, nagbakal et isa ka ‘nagahambal’ nga Pikoy sa bili nga 10 mil. “Dya nga pikoy ong magapasadya kanakon!”, siling nana sa ana kaugalingon. Apang sa pagligad et pila ka adlaw, ong pikoy wa gid et may namitlang bisan isa ka tinaga. Gani sia nagbalik sa “Pet Shop” ag nagreklamo sa tag-iya. Nagsiling ong tag-iya, “Maam, kinahanglan mo butangan et hagdan ong hawla et pikoy sa diin sia makasaka panaug ag makalataylatay. Dayon mahambal na na sia!” Pero wa man gyapon naghambal ong pikoy. Gani ong biyuda nagbalik na naman ag nagreklamo. “Butangi et ‘swing’”, suhestyon et tag-iya. Pero pagkatapos et isa ka semana, amo man gyapon ong natabu: ‘wa epek!’. Sang magbalik ong biyuda para magreklamo, ong tag-iya nagsiling kanana nga kinahanglan et pikoy nga makita ong ana itsura: “Butangi et espejo!” Apang sa gyapon, ong pikoy wa gid nagahala.
Pagkaligad et isa pa gid ka semana, ong biyuda nagbalik na naman sa “Pet Shop” ag sa sini nga tion, nangin sobra pa gid ka masinulob-on. Ana ginsugid nga ong malahalon nana nga ong pikoy namatay un. Ong tag-iya nahuy-an gid katama ag nagpamangkot, “Ti Maam wa gid sia et may nahala bisan isa ka tinaga?” Ong biyuda nagsabat, “May daon man. Ag isa gid lang. Sang ong pikoy nagatinghak un ag nagalurat ong mata, sia nagsiling, “SABOD….”
Dya nga estorya nagatudlo kanaton et importansya et pagkaon sa aton kabuhi. Kinahanglan naton magkaon agud mabuhi. Apang bilang mga Kristiano, indi lang ‘sabod’ para sa lawas ong aton kinahanglan kundi ong ‘sabod’ man et aton kalag. Ag dya nga ‘sabod’ amo ong “Lawas ni Kristo” nga aton ginabaton sa tagsa ka pagkalawat sa Misa. Si Kristo amo gid mismo ong nagsiling, “Ong nagakaon et akon unod ag nagainum et akon dugo magakabuhi et wa’y katapusan ag akon sia banhawon sa katapusan nga adlaw!” Ginasagud bala naton kadya nga ‘sabod’ ong aton kalag? Ukon pirme bala kita nagakompesar ag nagapangalawat?
Mabuhay ong Maalwan nga mga Mambusaonon!
FR. DODO

ANECDOTE

MILLIONS OF STARS

The Lone Ranger and Tonto went camping in the desert. After they got their tent all set up, both men fell sound asleep.
Some hours later, Tonto wakes the Lone Ranger and says, “Kemo Sabe, look towards sky, what you see?”The Lone Ranger replies, “I see millions of stars.”“What that tell you?” asked Tonto.The Lone Ranger ponders for a minute then says, “Astronomically speaking, it tells me there are millions of galaxies and potentially billions of planets.”“Astrologically, it tells me that Saturn is in Leo.”“Time wise, it appears to be approximately a quarter past three in the morning.”“Theologically, it tells me that the Lord is all-powerful and we are small and insignificant.”“Meteorologically, it seems we will have a beautiful day tomorrow.
What’s it tell you, Tonto?”“You dumber than buffalo dung. It means someone stole the tent.”


FOOD FOR THOUGHT
“The only way to have a friend is to be one.” (Ralph Waldo Emerson -1803-1882- "Friendship" - Essays: First Series, 1841)

TRINITY SUNDAY (B)

SANTISIMA TRINIDAD - MISTERYO?
Akon nadumduman and istorya sang isa ka seminarista nga nagkuha sang “Oral Examination” sa Unibersidad sang Santo Tomas, para sa “Bachelorship” sa Sacred Theology, nga ginpamangkut sang propesor: “Explain to me the Mystery of the Blessed Trinity.” Pagkatapus sang malawig nga pagpamalandong, nagsugud na ang seminarista sa pagsaysay sang iya nahibalu-an nahanungud sa Doktrina sang Santisima Trinidad, katulad sang “Procession of Persons in the Blessed Trinity– The Father loves the Son and the Son loves the Father, and the love that binds them together is the Person of the Holy Spirit… as such, even though there are three persons, yet there is only one God!” Pagkatapos patpat sang seminarista sang iya nga sabat, maabtik nga nagsaligbat ang propesor: “Now, where is the MYSTERY there, since you have already explained it to me?”
Ang isa ka bagay, hitabo, ukon tawo ginakabig naton nga misteryo kon ini indi na matungkad sang aton tawohanon nga painu-ino. Bisan anhon naton sa pag-eksplikar sini, sa gihapon makita naton nga kulang ang aton ihabalo kag pagtungkad, tungud ini amo ang KINATUHAY sang Diyos - WALA SANG TUPONG KAG DILI GID MATUNGKAD! Makahatag lamang kita sang palaanggiran, nga “daw subong sini”, apang indi gid ini makahakus sang BUG-OS nga kamatuoran. Ini tungud ang misteryo indi sang palaligban nga sololbaron kundi kamatuoran nga dapat IKABUHI! Ang Santisima Trinidad MISTERYO SANG PAGHIGUGMA! Mahangpan ta lang ini kon kita man maghigugma sang MINATUOD!
FR.RONNIE
TRIUMVIRATE
Sa ulihi nga mga tinuig et Roma bilang republika, ginpanguluhan dya et Senado, apang sa mga senador may daon nga “primi inter pares” (nahauna sa mga alalangay). Dya ong daywa ka konsul nga may hanggud nga gahum militar. Kon kaisa may isa pa nga ginadugang, ag sanda nga tatlo ginatawag nga ‘tresviri’ (tatlo ka tawo) sa diin nagikan ong tinaga nga ‘triumvirate’ ukon ‘triumvirs’.
Dyang tatlo nagatinguha nga manguna sa iban, gani masunson nga may ‘guerra civil’ sa Roma. Ong ‘triumvirate’ wa nagmadinalag-on sanglit kay pirme nga nagapaindis-indis ong mga katapu kadya ag ong anda mga sumulunod. Indi pagbinuligay ong anda tinutuyo kundi ong kon sin-o ong magpangibabaw. Kon amo kadya, ong pinakamakusog ag labing gamhanan lamang ong mabilin, ag kuhaan nana et gahum ong iban.
Sa pagsaulog naton et Domingo et Santisima Trinidad, ginabinagbinag naton ong misteryo et bilang isa ka ‘triumvirate’ kay ong Dios may tatlo ka persona: Amay, Anak, ag Espiritu Santo. Ong Kristianismo naggikan sa ‘monoteismo’ et Israel nga nagasiling nga isa lamang ong Dios nga dapat higugmaon ag simbahon. Apang ong Kristiano nagapati nga kon makilala gid et tawo ong Dios, makita nana nga ong Dios wa nagaisahanon kundi nagahulag ag nagapangita et tawo. Isa lamang ong Dios apang wa nagaisahanon.
Ong tatlo ka persona iban sa isa ag isa, apang nagahiliusa sanda sa isa ka paghigugma. Tungod sa paghigugma sa Amay, nagsugot nga mangin-tawo ong Anak, ag matapos un nana ong ana bulohaton et pagtubos, ginpadala man ong Espiritu Santo sa pagpasantos sa mga tawo. Duri makita naton ong iban nga sahi et ‘triumvirate’: wa et paindis-indis sa isa ag isa. Wa et una ag ulihe. Wa et mataas ag manubo. Ong tanan alalangay. Daon kananda ong kumpleto nga paghangpanay ag paghirupay.
Ginasiling nga ong “Simbahan amo ong “ICON” (estatwa, nawong, laragway, etc…) et Santisima Trinidad”. Kabay nga mangin amo gid man kita!
Mabuhay ong Maalwan nga mga Mambusaonon!

FR. DODO
ANECDOTE

THE NEW PRIEST’S FIRST MASS
The new Priest was so nervous at his first mass that he could hardly speak. Before the second week in the pulpit he asked the bishop how he could relax. The Bishop said, “Next week, put some vodka in the water pitcher. After a few sips, everything should run smoothly.”The next Sunday, the new priest put the suggestion into practice and was able to talk up a storm and felt just great. Upon returning to the rectory, however, he found a note from the Bishop…
1. Next time sip, rather than gulp.
2. There are 10 Commandments, not 12.
3. There are 12 Disciples, not 10.
4. David slew Goliath, he didn’t kick the shit out of him.
5. We do not refer to Jesus Christ and his Apostles as “J.C. and the boys.”
6. Next week there is a taffy pulling contest at St. Peters, not a Peter pulling contest at St. Taffy.
7. We do not refer to the cross as “The Big T.”
8. We do not refer to the Father, Son and the Holy Ghost as “Big Daddy, Junior and the Spook.”
9. The recommended way of saying grace is not Rub-a-dub-dub, thanks for the grub, Yea God!”
10. And last but not least, it is the “Virgin Mary,” not “Mary with the cherry.”

FOOD FOR THOUGHT
“All the art of living lies in a fine mingling of letting go and holding on.” (Henry Ellis)

Pentecost Sunday (B)

ANG MANANABANG
Pagkatapos sang singkwenta (50) ka adlaw nga mapatay ang aton Ginuo sa kahoy sang Krus, kag sa pagligad sang madamo nga mga beses nga Iya ginpamatud-an nga Siya matuod nga NABANHAW, karon Iya na ginahatag ang katumanan sang Iya nga promisa sang Siya magkayab sa paglingkod sa tuo sang Iyang Amay, sang nagligad nga Dominggo, nga Siya magapadala sang isa ka Mananabang nga mangin aton kabulig sa pagpadayon sang Iya ginbilin nga misyon nga amo ang pagbantala sang Maayong Balita sa bug-os nga kalibutan.
Ining Espiritu santo Iya nga ginhatag sa Iya mga apostoles paagi sa aksyon sang “huyop” sa ila kaupod ang paghatag sang awtoridad sa pagpatawad sang mga sala. Ang huyop nagapatima-an sang hangin, kag ini nga hangin amo ang nagahatag sa aton sang kabuhi! Ang tawo nga mahubsan sang hangin, madulaan man sang kabuhi. Gani, sa “paghuyop” sang aton Ginuo sa mga apostoles, Iya man ginhatag sa ila ang isa ka “bag-o” nga kabuhi, tungud sugud karon, magasugud man sila sang isa ka bag-o nga pagpanglakaton, kag ini amo ang pagwali sang Maayong Balita sa tanan nga mga kapungsoran.
Ini nga Espiritu Santo, amo ang naga-alungay sa kabuhi sang Simbahan sa aton nga panahon. Ang promisa sang aton Ginuo nga Siya mangin kaupod naton paagi sa Espiritu Santo nagapabilin nga matuod. Nagakabuhi man bala kita nga naga-upod sa misyon sang Ginuo?

FR.RONNIE

“GINHAWA ET DIOS”

“Sang ako ‘theologo’ pa lamang sa SJRS, kami ginpapanaw para sa amon ginatawag nga “desert day” ukon adlaw et pagpamalandong ag pangamuyo ag kon swertihon, makasalapo sa Dios. Ako nag-adto sa Port San Pedro ag nagpungko sa kilid et suba nga ginaagyan et mga barko samtang nagabulad sa tagiti et adlaw sa pagpamalandong. Nagsugod ako et alas-9 sa aga sa pagpamalandong ag sang mga alas-2 un et hapon, may isa ka grupo et mga unga nga nagpalapit kanakon ag nagpamangkut, “Nong, naga-ano ka da?” Ako nagsabat,“Nagapamalandong ko di sang Espiritu Santo ah!” “Espiritu Santo? Ano na ang Espiritu Santo man?” pamangkot liwat et unga. Dayon ako nag-explikar kananda, “Bal-an nyo mga bata, ang Espiritu Santo indi nyo na makita pero inyo na mabatyagan. Daw pareho bala et hangin nga indi mo makita pero imo mabatyagan!” Ag dayon ong pinakadaku kananda, nga abi ya buang ako ag nagadeliryo tungod sa gutom ag init, nagsaligbat, “Binuang! Wala pulos estorya! Puli ta!”
Matuod nga mabudlay patihan ong mga butang nga indi naton makita ag indi man naton matandog, labi na gid, kon unga ka pa. Unga ka pa haw? Apang amo dya ong Espiritu Santo. Indi naton makita ukon mahawiran apang aton gid mabatyagan ong epekto sini. Nagatumod dya sa kon ano ong ginahimo et espiritu o kalag sa tawo. Kon daon ong kalag, nagakabuhi ong isa ka tawo; nagagiho ong ana lawas. Kon wa on ong kalag, nagadunot ong lawas. Ong espiritu o kalag amo ong nagapain sa buhi sa indi buhi. Dya ong ginagikanan et kusog ag kabuhi. Para sa aton nga mga tawo, dya ong ‘x-factor’ ukon rason kon nga-a kita nagakabuhi, nagagiho ag nagapamensar.
Sa Biblia, isa lamang ka tinaga ong gingamit para sa mga tinaga nga “hangin”, “ginhawa” ag “Espiritu et Dios”. Ag dya nga tinaga amo ong “RUAH”. Sa Genesis, aton mabasahan nga ong Dios nagginhawa kay Adan ag sia nabuhi (Gen.2,7). Sang ong Dios nagpili et mga tawo para sa isa ka “special” nga misyon, pareho dabi sa kanday Samson, Saul, David ag iban pa, ong “RUAH” ginhuyop man kananda. Buot silingon, dyang “RUAH–Ginhawa et Dios” amo ong matuodtuod nga ginagikanan et kabuhi ag et tanan nga kadalag-an et mga tawo sa estorya et kaluwasan. Gani, kumusta ong imo pagginhawa? Ginhawa bala ina et Dios? O malain imo ginhawa?
Mabuhay ong Maalwan nga mga Mambusaonon!

ANECDOTE

WORTHY OF HEAVEN

A man appears before St. Peter at the pearly gates. “Have you ever done anything of particular merit?” St. Peter asks. “Well, I can think of one thing,” the man offers. “Once, on a trip to the Black Hills, out in South Dakota, I came upon a gang of high-testosterone bikers who were threatening a young woman.I directed them to leave her alone, but they wouldn’t listen. So I approached the largest and most heavily tattooed biker.I smacked him on the head, kicked his bike over, ripped out his nose ring and threw it on the ground, and told him,‘Leave her alone now or you’ll answer to me.’”St. Peter was impressed.“When did this happen?”“Just a few minutes ago.”


FOOD FOR THOUGHT
“I prayed for twenty years but received no answer until I prayed with my legs.” (Frederick Douglass)
FR. DODO

Ascension Sunday (B)

PAGKAYAB-BAHIN SANG PAGKABANHAW
Mabudlay hangpon ang hitabo sang Pagkayab sang aton Ginuo kon indi naton pag-iangut ini sa hitabo sang Iyang Pagkabanhaw kag Kamatayon. Daw pareho lang ini dayon sang istorya sang mga super-heroes nga katulad nanday Superman kag sa aton “local” nga si “Kapitan Boom”, ukon iban pa. Daw sa nagbuhat lang si Jesus sang makatilingala nga mga buhat dayon, bayaan na lang kita Niya paagi sa Iya paglupad pakadto sa kahawaan! Kag dayon ano ang matabo sa aton? Daw sa ginbilin kita Niya nga mga ilo nga nadula-an sang ginikanan sa wala ginapa-abut nga tion.
Lain ang hitabo sang Pakayab! Indi ini sang pagpaalam ukon “goodbye” kay natapos na sang aton Ginuo ang Iya nga buluhaton sa sining dutang luhaan, kundi isa ini ka PAG-ABUT, ukon “ARRIVAL” sang isa ka bag-o nga panahon sa kabuhi sang Simbahan. Ang isa ka bag-o nga kalibutan nagluntad kag nagasugud bilang katumanan sang gab-i sang Pagkabanhaw sang aton Ginuo. Sadto nga gab-i, Iya nga ginpamatud-an ang pagdaug sang “matu-od nga kabuhi” sa kamatayon… sadto nga bag-i Iya ginpahayag nga ang kabutigan indi makadaug sang kamatu-oran… sadto nga gab-i, Iya nga ginpahibalo sa aton nga nalutos na ang gahum sang kadulum kag kita naga-ambit na sang kasanag sang isa ka bag-o nga kabuhi!
Sa Pagkayab sang aton Ginuo, Siya nagapangako sa pagpadala sa aton sang MANUGBULIG nga amo ang ESPIRITU SANTO! Sa sini, kita may KAPAG-ON.

FR.RONNIE

“SA DIIN KAW PA-ADTO?”
“May tatlo ka tawo nga bag-o gid lang nagsampot sa pwertahan et langit ag ginaimbestigar ni San Pedro. Siling et nahauna, “Wa gid takon nagluib sa akon asawa. Never gid ko nga nagmitir et iban nga babaye!” “Very good gid anak”, siling ni San Pedro, “Tungod sina, taw-an ta ka et mansion ag Ferrari!” Dayon ong ikaduha naghambal man, “Nakaluib ko sa akon asawa apang isa gid lg ka bes!” Ag nagsabat si San Pedro, “Ok lg na. Ari, ginatao ko kanimo ong isa ka 2-storey nga balay ag isa ka Pajero!” Ag ong ikatlo nagtuad man, “Nakasala ko sa akon asawa et duha gid ka beses!” Ag si San Pedro nagsiling, “Ok batuna ong yabe et imo isa ka apartment ag isa ka Toyota Tamaraw!”
Gani nagsulod un sanda sa langit ag nag-adto sa anda kaugalingon nga mga puloy-an ag pagkatapos, nagsuroysuroy sa bilog nga langit. Angan-angan, ong duha ka natingala gid kay nakita nanda ong nahauna nanda nga upod nga nagapungko sa kilid et karsada ag masubo nga nagamihamiha. Anda sia ginpalapitan ag ginpamangkot, “Ano ong natabu? Hamat gapangasubo kaw? Dapat magtumbo ka gani sa kalipay kg? Di bala ikaw ong nakabaton et pinaka-d’best nga regalo sa aton nga tatlo?” Dayon ong tawo naghambal, “Ano nga matumbo sa kalipay man? Paano ako magkalipay kadya kay ato, bag-o ko lang nasugat-an ong akon pinalangga nga asawa! Nagasakay sa iya trisikad!”
Ong Pagkayab ni Kristo palangit nagatudlo kanaton nga ong aton ‘final destination’ indi dyang luhaan nga kalibutan kundi ong sa masunod nga kabuhi. Ong Pagkayab et Ginoo amo ong tion et ana kahimayaan, nga magalingkod un sia sa pinakamataas nga trono et Dios ag magaaman et lugar sa tanan nga nagtuo kanana. Buot silingon, dya oras un et paghulat nana et aton pag-apas kanana sa langit! Gani kon usisaon ta ong aton kaugalingon nga kabuhi manakarya, sa diin kita nagapadulong? Naga-apas gid man bala kita padulong kanana o nagasuroy taton et lain nga dalan?
Mabuhay ong Maalwan nga mga Mambusaonon!

FR. DODO
ANECDOTE

TWO PROSTITUTES, ONE SIGN

A couple young, entrepreneurial prostitutes were riding around town with a sign on the top of their car that read: “Two Prostitutes – P500.00.” A police officer, seeing the sign, pulled the ladies over and advised that they will have to remove the sign or go to jail. Right about that time a minivan passed by with a sign on the side of it that read: “Jesus Saves.” “How come you don’t stop them?!” asked one of the girls. “Well, that’s a little different,” the officer replied… “their sign pertains to religion.” The two ladies of the night pouted a bit, but they took their sign down and drove off peacefully.
The following day the same police officer was running radar when he noticed the same two young ladies driving around with another sign on their car. Figuring he had an easy arrest, he flipped his lights on and began to catch up when he noticed the what the new sign read:“Two Fallen Angels Seeking Peter – P500.00.”


FOOD FOR THOUGHT

“Faith is to believe what you do not see; the reward of this faith is to see what you believe.” (St. Augustine)

6th Sun Easter (B)

ULIPON UKON ABYAN?

“Wala ko na kamo ginatawag nga mga ulipon, kay ang ulipon wala makahibalo kon ano ang ginahimo sang iya nga agalon. Sa baylo ginatawag ko kamo nga mga abyan, kay ginsugid ko sa inyo ang tanan nga akon nabatian gikan sa akon Amay.”
Sa kaalibutoran sang pagpakatawo sang aton Ginuo kag sa paghalad Niya sang Iya nga kabuhi sa Krus amo ang “Balaan nga Plano” sang Amay nga ang tawo nga napukan sa sala magapakig-uli sa Diyos nga iya ginpakasal-an. Sa sini nga paagi, ginpahayag sang Diyos ang Iya matuod-tuod nga kaangtanan sa tawo, kag ini amo nga Siya ang Diyos nga NAGAHIGUGMA.
Sa sining paghigugma, Iya ginpahayag ang kabug-usan sang Iya nga kaangtanan sa aton, nga wala sing lipud-lipod ukon mga tinago nga mga katingalahan. Paagi sa aton Ginuong Jesus, ginpahayag sang Amay ang Iya nga paghigugma sa aton tanan nga wala sang “hawid-hawid”… wala sang “limbong” ukon pagbinutig… wala sing katapusan, bisan ini nagakahulugan sang paghalad sang kabuhi sang Iyang Anak didto sa Krus! Amo ini ang KAMATUORAN sang PAGHIGUGMA sang Diyos! Indi lamang sang “drama” ukon “pakita-kita”, kundi ginalikupan sang kamatu-oran!
Amo gani nga si Jesus wala nagkabig sa aton nga mga suluguon kundi mga ABYAN, tungud ginpahayag Niya sa aton tanan ang bug-os nga kamatuoran sang paghigugma sang Diyos. Ang paghigugma indi sang butigon… ang paghigugma TAMPAD, kag indi sang MAIYA-IYAHON! Matuod man bala ang aton paghigugma?
FR. RONNIE
ANECDOTE

THE AMBITIOUS YOUNG JUDGE’S CLERK

An ambitious, young clerk’s responsibilities included bringing the judge a hot cup of coffee every morning. And, every morning, the judge became infuriated when the coffee cup was brought to him just 2/3 full.
With his back to the corner, the young clerk explained that he had to rush to get the coffee delivered while it was still hot, which caused him to spill much of it along the way. After weeks of yelling and insults, nothing the judge said to the young clerk produced a full cup of coffee - until he threatened to cut the clerk’s pay by 1/3 if he continued to produce 1/3 less than the judge wanted.
The following morning, the judge was greeted with a cup of coffee that was full to the brim, and the next morning and the morning after that. The judge couldn’t resist gloating over his success and smugly complimented the clerk on his new technique.
“Oh, there’s not much to it,” admitted the clerk happily, “I take some coffee in my mouth right outside the coffee room, and spit it back in when I get outside your office.”



FOOD FOR THOUGHT

“Being deeply loved by someone gives you strength, while loving someone deeply gives you courage.” (Lao Tzu)

5th Sunday (Easter-B)

MGA SANGA NGA NAANGUT SA PUNO

“Ako amo ang matuod nga puno sang ubas… ang tagsa ka sanga nga yara sa akon nga wala nagapamunga, ginautod Niya…” Amo ini ang mga pulong sa Santos nga Ebanghelyo subong nga Dominggo. Ginhalintulad naman sang aton Ginuo ang Iya nga relasyon sa aton bilang aton ginagikanan sang kabuhi paagi sa pagsiling nga Siya amo ang Puno sang ubas. Sa sini maathag Niya nga ginapahayag nga kita amo ang mga sanga… mga “extensions” sang Iya nga kabuhi, kag bilang mga nagaambit sang kabuhi sini nga Puno dapat kita naangut sa Iya sa tanan nga oras agud may kabuhi kita sa KABUGANAAN!
Ini nga kabuganaan sang kabuhi makita lamang paagi sa aton pagpamunga sang padayon, sa diin kita nagapahayag sang himaya sang aton Amay sa langit. Apang kon wala kita nagapamunga, buot silingon kon “palso” ang aton pagginawi sa sining ginapaambit nga kabuhi sang Diyos, kita gina-utod niya ukon kon sa aton pa, kita wala sang kaangtanan sa matuod nga Puno!
Kita naangut na sa kabuhi ni Kristo paagi sa aton pagbaton sang sakramento sang bunyag. Diri kita nag-angkon sang dignidad nga kita gintawag nga mga UTOD ni Kristo kag nangin ANAK man kita sang Diyos, apang sa aton adlaw-adlaw nga pagkabuhi, matuod gid ayhan nga kita naangut gid sa kay Kristo? Sa tagsa ka pagsugud sang isa ka bag-o nga adlaw kon kita magbugtaw, ginasuguran bala naton ini paagi sa paghimo kay Kristo bilang sadsaran kag pamuno sang aton mga inadlaw? Buhi bala ang aton relasyon kay Kristo?
FR. RONNIE

“MENO”

Ong isa ka tinaga nga paborito gamiton ni San Juan amo ong Griego nga pulong nga “MENO”, nga ong buot silingon, “pagtener, pagpuyo, pag-estar ukon pagpabilin”. Wa dya nagatumod sa pag-okupar lamang et isa ka lugar, kundi sa pagpabilin man sa sulod et malawig nga tion. Isa dya ka pagpuyo nga “nagadugay, nangin malig-on, ag nagapadayon”. Sa patag et pag-angtanay, ong pagpuyo ginatuyo nga mangin permanente nga kahimtangan, ag mangin tuburan et inspirasyon, kabaskug ag katutom.
Sa Ebanghelyo manakarya, ong larawan et “Puno et Ubas” nagapahayag et nagakaigo nga kaangtanan sa tunga ni Jesus ag et ana katilingban et mga gintutun-an. Ong “pagpabilin” kay Jesus nagakahulogan et wala’y katapusan nga pag-angot kanana sa bagay nga indi kaw bala mabuhi kon wala sia, nga pareho et sanga nga patay o nagakalaya ag nagakadunot kon wa un naangot o nautod sa puno. Buot silingon, ong isa ka tawo nga wa “nagatener, nagapuyo, naga-estar, nagapabilin, naangot o naangkla” kay Kristo sarang nga magpadayon sa pagginhawa, apang sia nagakabuhi et ‘anino nga pagkabuhi’ nga wa et damil ag wa nagapamunga et sahi et bunga nga nagapadayon. Haman? Tungod sa simple nga rason nga dyang aton nagaisahanon nga kabuhi naghalin yuman sa aton nagaisahanon nga Dios.
Siling gani et isa ka pari, “If you take God out of your life, you will go out of your life”. Dya nagapasat-um et kamatuoran nga kita tanan naghalin sa Dios ag dapat sa Dios man kita mabalik. Gani kon ikaw nagakabuhi nga daw wa ong Dios kanimo, makabalik ka pa ayhan sa ginhalinan mo? Klaro gid si Kristo nga nagsiling, “Kon wa ako, wa kamo et sarang mahimo”. Mo gani nga kon kwaon ta ong ‘CHRIST’ sa tinaga nga ‘CHRISTIAN’, ong mabilin kanaton amo ong tinaga nga “I-A-N”, nga ong buot silingon, “I AM NOTHING”.
FR.DODO

ANECDOTE

And God said “Let there be Bridge”

A biker was riding along a California beach when suddenly the sky clouded above his head and, in a booming voice, the Lord said, “Because you have TRIED to be faithful to me in all ways, I will grant you one wish.” The biker pulled over and said, “Build a bridge to Hawaii so I can ride over anytime I want.”
The Lord said, “Your request is materialistic. Think of the enormous challenges for that kind of undertaking. The supports required to reach the bottom of the Pacific! The concrete and steel it would take! It will nearly exhaust several natural resources. I can do it, but it is hard for Me to justify your desire for worldly things. Take a little more time and think of something that could possibly help mankind.”
The biker thought about it for a long time finally he said, “Lord, I wish that I and all men could understand our wives. I want to know how she feels inside, what she’s thinking when she gives me the silent treatment, why she cries, what she means when she says nothing’s wrong, and how I can make a woman truly happy.”
The Lord replied, “You want two lanes or four on that bridge?.”

FOOD FOR THOUGHT
“I am a little pencil in the hand of a writing God who is sending a love letter to the world” (Mother Teresa of Calcutta)

4th Sun-Easter B

MAAYO NGA MANUGBANTAY

Ang isa sa mga pinakamatahum nga “imahen” nga ginpakita sang aton Ginuo sa aton amo nga Siya amo ang “Maayo nga Manugbantay”, kag indi katulad sang mga “sinuhulan” nga mga manugbantay nga nagapalagyo ukon uyaya sa ila nga obligasyon, Siya nakakilala sang tagsa niya ka panong kag indi gid magbiya sa ila, sa bagay nga kon may madula gani, bisan isa lamang, Siya indi gid mag-untat sa pagpangita tubtub nga Iya nga makita ini. Ang isa ka Maayo nga Manugbantay handa sa paghalad sang Iya kaugalingon para sa Iya nga panong. Ini naangut sa ginsiling sang aton Ginuo :”Nga wala na sang may mas maglabaw sa paghigugma sang isa ka tawo, sang sa paghalad niya sang iyang kabuhi para sa iya mga abyan!”- Amo ini ang pag-higugma sang isa ka Maayo nga Manugbantay.
Sa aton nga panahon karon, kita gina-agda sa pagtulok sining imahen sang Maayong Manugbantay agud aton mausisa sing maayo ang aton mga kaugalingon. Madamo sa aton karon nga luyag magprobitsar, apang wala man naga-alagad sang insakto...madamo sa aton ang yara sa palangaku-an nga nagpangako nga mag-alagad apang kon yara na sila sa ila puwesto, sila na ang gina-alagaran! Pila ang yara sa aton tunga ang ginakabig naton nga manugbantay apang sila gali sa minatu-od BANTAY-SALAKAY= Ginabantayan lang nga wala ka makatalupangud kag dayon salakayon ka sa wala mo ginapa-abut! Pila sa aton ang matuod nga NAGA-ALAGAD kag NAGAHIGUGMA katulad sang isa ka Maayo nga Manugbantay?
FR. RONNIE
“PASTOR”

May daywa ka sahi et manugbantay et karnero. Daon ong INDI MAAYO – ong mga “sinuholan”. Sang una pa, ginatumod un sanda et mga propeta: nagaribok sanda kontra sa Ginuo (Jer.2,8); nagainum sanda et gatas, nagabayo sanda et lana, ag nagaihaw et matambok nga karnero, apang wala nanda ginaatipan ong mga panong (Eze 34,3); wala sanda nagabatyag para sa mga panong (Zac 11,4-8).
Sa pihak nga bahin, daon ong mga MAAYO. Labi sa tanan, ong Dios ginatawag nga manugbantay et ana katawhan (Sal 23,1; Is 40,11) Ong Israel, ong pinili nga banwa, ginatawag nga panong et Dios (Sal 74,1). Sa mga pinuno et Israel, daon si Moises nga ginatawag nga manugbantay et Israel (Is 63,10) Amo man si Haring David nga ong ginalauman nga Mesiyas magagikan sa ana linahe (Sal 78,70-72; Miq 5,3). Ong maayo nga manugbantay nagatuytoy et panong sa madabong nga halalban ag sa higad et matin-aw nga tubig (Sal 23). Ginaamligan nana ong mga karnero sa matarong nga taguipusoon ag ginatatap ag ginatuytoyan sanda paagi sa sampaton nga kamot (Sal 78,72). Bilang maayo nga manugbantay, si Jesus nagatao et ana kabuhi para sa ana panong.
May daon nga estorya nga nagasaysay nahanungod sa isa ka panong et mga karnero nga nagpanaw ag nagpinangita sa anda pastor. Dayon sanda ginsingganan, “Sorry gid pero ong inyo pastor, pareho man et iban, nagpapanaw et anda panong sa pagpangita et anda kaugalingon nga halalban, ag manakarya, ato sanda sa bar, nagapinalilong ag nagapinaditol kon sin-o kananda ong pinakamaayo nga pastor.”
Gani kon ikaw isa ka manugbantay, maayo ka bala o indi maayo?
Mabuhay ong Maalwan nga mga Mambusaonpn!


FR. DODO