TRINITY SUNDAY (B)

SANTISIMA TRINIDAD - MISTERYO?
Akon nadumduman and istorya sang isa ka seminarista nga nagkuha sang “Oral Examination” sa Unibersidad sang Santo Tomas, para sa “Bachelorship” sa Sacred Theology, nga ginpamangkut sang propesor: “Explain to me the Mystery of the Blessed Trinity.” Pagkatapus sang malawig nga pagpamalandong, nagsugud na ang seminarista sa pagsaysay sang iya nahibalu-an nahanungud sa Doktrina sang Santisima Trinidad, katulad sang “Procession of Persons in the Blessed Trinity– The Father loves the Son and the Son loves the Father, and the love that binds them together is the Person of the Holy Spirit… as such, even though there are three persons, yet there is only one God!” Pagkatapos patpat sang seminarista sang iya nga sabat, maabtik nga nagsaligbat ang propesor: “Now, where is the MYSTERY there, since you have already explained it to me?”
Ang isa ka bagay, hitabo, ukon tawo ginakabig naton nga misteryo kon ini indi na matungkad sang aton tawohanon nga painu-ino. Bisan anhon naton sa pag-eksplikar sini, sa gihapon makita naton nga kulang ang aton ihabalo kag pagtungkad, tungud ini amo ang KINATUHAY sang Diyos - WALA SANG TUPONG KAG DILI GID MATUNGKAD! Makahatag lamang kita sang palaanggiran, nga “daw subong sini”, apang indi gid ini makahakus sang BUG-OS nga kamatuoran. Ini tungud ang misteryo indi sang palaligban nga sololbaron kundi kamatuoran nga dapat IKABUHI! Ang Santisima Trinidad MISTERYO SANG PAGHIGUGMA! Mahangpan ta lang ini kon kita man maghigugma sang MINATUOD!
FR.RONNIE
TRIUMVIRATE
Sa ulihi nga mga tinuig et Roma bilang republika, ginpanguluhan dya et Senado, apang sa mga senador may daon nga “primi inter pares” (nahauna sa mga alalangay). Dya ong daywa ka konsul nga may hanggud nga gahum militar. Kon kaisa may isa pa nga ginadugang, ag sanda nga tatlo ginatawag nga ‘tresviri’ (tatlo ka tawo) sa diin nagikan ong tinaga nga ‘triumvirate’ ukon ‘triumvirs’.
Dyang tatlo nagatinguha nga manguna sa iban, gani masunson nga may ‘guerra civil’ sa Roma. Ong ‘triumvirate’ wa nagmadinalag-on sanglit kay pirme nga nagapaindis-indis ong mga katapu kadya ag ong anda mga sumulunod. Indi pagbinuligay ong anda tinutuyo kundi ong kon sin-o ong magpangibabaw. Kon amo kadya, ong pinakamakusog ag labing gamhanan lamang ong mabilin, ag kuhaan nana et gahum ong iban.
Sa pagsaulog naton et Domingo et Santisima Trinidad, ginabinagbinag naton ong misteryo et bilang isa ka ‘triumvirate’ kay ong Dios may tatlo ka persona: Amay, Anak, ag Espiritu Santo. Ong Kristianismo naggikan sa ‘monoteismo’ et Israel nga nagasiling nga isa lamang ong Dios nga dapat higugmaon ag simbahon. Apang ong Kristiano nagapati nga kon makilala gid et tawo ong Dios, makita nana nga ong Dios wa nagaisahanon kundi nagahulag ag nagapangita et tawo. Isa lamang ong Dios apang wa nagaisahanon.
Ong tatlo ka persona iban sa isa ag isa, apang nagahiliusa sanda sa isa ka paghigugma. Tungod sa paghigugma sa Amay, nagsugot nga mangin-tawo ong Anak, ag matapos un nana ong ana bulohaton et pagtubos, ginpadala man ong Espiritu Santo sa pagpasantos sa mga tawo. Duri makita naton ong iban nga sahi et ‘triumvirate’: wa et paindis-indis sa isa ag isa. Wa et una ag ulihe. Wa et mataas ag manubo. Ong tanan alalangay. Daon kananda ong kumpleto nga paghangpanay ag paghirupay.
Ginasiling nga ong “Simbahan amo ong “ICON” (estatwa, nawong, laragway, etc…) et Santisima Trinidad”. Kabay nga mangin amo gid man kita!
Mabuhay ong Maalwan nga mga Mambusaonon!

FR. DODO
ANECDOTE

THE NEW PRIEST’S FIRST MASS
The new Priest was so nervous at his first mass that he could hardly speak. Before the second week in the pulpit he asked the bishop how he could relax. The Bishop said, “Next week, put some vodka in the water pitcher. After a few sips, everything should run smoothly.”The next Sunday, the new priest put the suggestion into practice and was able to talk up a storm and felt just great. Upon returning to the rectory, however, he found a note from the Bishop…
1. Next time sip, rather than gulp.
2. There are 10 Commandments, not 12.
3. There are 12 Disciples, not 10.
4. David slew Goliath, he didn’t kick the shit out of him.
5. We do not refer to Jesus Christ and his Apostles as “J.C. and the boys.”
6. Next week there is a taffy pulling contest at St. Peters, not a Peter pulling contest at St. Taffy.
7. We do not refer to the cross as “The Big T.”
8. We do not refer to the Father, Son and the Holy Ghost as “Big Daddy, Junior and the Spook.”
9. The recommended way of saying grace is not Rub-a-dub-dub, thanks for the grub, Yea God!”
10. And last but not least, it is the “Virgin Mary,” not “Mary with the cherry.”

FOOD FOR THOUGHT
“All the art of living lies in a fine mingling of letting go and holding on.” (Henry Ellis)

Pentecost Sunday (B)

ANG MANANABANG
Pagkatapos sang singkwenta (50) ka adlaw nga mapatay ang aton Ginuo sa kahoy sang Krus, kag sa pagligad sang madamo nga mga beses nga Iya ginpamatud-an nga Siya matuod nga NABANHAW, karon Iya na ginahatag ang katumanan sang Iya nga promisa sang Siya magkayab sa paglingkod sa tuo sang Iyang Amay, sang nagligad nga Dominggo, nga Siya magapadala sang isa ka Mananabang nga mangin aton kabulig sa pagpadayon sang Iya ginbilin nga misyon nga amo ang pagbantala sang Maayong Balita sa bug-os nga kalibutan.
Ining Espiritu santo Iya nga ginhatag sa Iya mga apostoles paagi sa aksyon sang “huyop” sa ila kaupod ang paghatag sang awtoridad sa pagpatawad sang mga sala. Ang huyop nagapatima-an sang hangin, kag ini nga hangin amo ang nagahatag sa aton sang kabuhi! Ang tawo nga mahubsan sang hangin, madulaan man sang kabuhi. Gani, sa “paghuyop” sang aton Ginuo sa mga apostoles, Iya man ginhatag sa ila ang isa ka “bag-o” nga kabuhi, tungud sugud karon, magasugud man sila sang isa ka bag-o nga pagpanglakaton, kag ini amo ang pagwali sang Maayong Balita sa tanan nga mga kapungsoran.
Ini nga Espiritu Santo, amo ang naga-alungay sa kabuhi sang Simbahan sa aton nga panahon. Ang promisa sang aton Ginuo nga Siya mangin kaupod naton paagi sa Espiritu Santo nagapabilin nga matuod. Nagakabuhi man bala kita nga naga-upod sa misyon sang Ginuo?

FR.RONNIE

“GINHAWA ET DIOS”

“Sang ako ‘theologo’ pa lamang sa SJRS, kami ginpapanaw para sa amon ginatawag nga “desert day” ukon adlaw et pagpamalandong ag pangamuyo ag kon swertihon, makasalapo sa Dios. Ako nag-adto sa Port San Pedro ag nagpungko sa kilid et suba nga ginaagyan et mga barko samtang nagabulad sa tagiti et adlaw sa pagpamalandong. Nagsugod ako et alas-9 sa aga sa pagpamalandong ag sang mga alas-2 un et hapon, may isa ka grupo et mga unga nga nagpalapit kanakon ag nagpamangkut, “Nong, naga-ano ka da?” Ako nagsabat,“Nagapamalandong ko di sang Espiritu Santo ah!” “Espiritu Santo? Ano na ang Espiritu Santo man?” pamangkot liwat et unga. Dayon ako nag-explikar kananda, “Bal-an nyo mga bata, ang Espiritu Santo indi nyo na makita pero inyo na mabatyagan. Daw pareho bala et hangin nga indi mo makita pero imo mabatyagan!” Ag dayon ong pinakadaku kananda, nga abi ya buang ako ag nagadeliryo tungod sa gutom ag init, nagsaligbat, “Binuang! Wala pulos estorya! Puli ta!”
Matuod nga mabudlay patihan ong mga butang nga indi naton makita ag indi man naton matandog, labi na gid, kon unga ka pa. Unga ka pa haw? Apang amo dya ong Espiritu Santo. Indi naton makita ukon mahawiran apang aton gid mabatyagan ong epekto sini. Nagatumod dya sa kon ano ong ginahimo et espiritu o kalag sa tawo. Kon daon ong kalag, nagakabuhi ong isa ka tawo; nagagiho ong ana lawas. Kon wa on ong kalag, nagadunot ong lawas. Ong espiritu o kalag amo ong nagapain sa buhi sa indi buhi. Dya ong ginagikanan et kusog ag kabuhi. Para sa aton nga mga tawo, dya ong ‘x-factor’ ukon rason kon nga-a kita nagakabuhi, nagagiho ag nagapamensar.
Sa Biblia, isa lamang ka tinaga ong gingamit para sa mga tinaga nga “hangin”, “ginhawa” ag “Espiritu et Dios”. Ag dya nga tinaga amo ong “RUAH”. Sa Genesis, aton mabasahan nga ong Dios nagginhawa kay Adan ag sia nabuhi (Gen.2,7). Sang ong Dios nagpili et mga tawo para sa isa ka “special” nga misyon, pareho dabi sa kanday Samson, Saul, David ag iban pa, ong “RUAH” ginhuyop man kananda. Buot silingon, dyang “RUAH–Ginhawa et Dios” amo ong matuodtuod nga ginagikanan et kabuhi ag et tanan nga kadalag-an et mga tawo sa estorya et kaluwasan. Gani, kumusta ong imo pagginhawa? Ginhawa bala ina et Dios? O malain imo ginhawa?
Mabuhay ong Maalwan nga mga Mambusaonon!

ANECDOTE

WORTHY OF HEAVEN

A man appears before St. Peter at the pearly gates. “Have you ever done anything of particular merit?” St. Peter asks. “Well, I can think of one thing,” the man offers. “Once, on a trip to the Black Hills, out in South Dakota, I came upon a gang of high-testosterone bikers who were threatening a young woman.I directed them to leave her alone, but they wouldn’t listen. So I approached the largest and most heavily tattooed biker.I smacked him on the head, kicked his bike over, ripped out his nose ring and threw it on the ground, and told him,‘Leave her alone now or you’ll answer to me.’”St. Peter was impressed.“When did this happen?”“Just a few minutes ago.”


FOOD FOR THOUGHT
“I prayed for twenty years but received no answer until I prayed with my legs.” (Frederick Douglass)
FR. DODO

Ascension Sunday (B)

PAGKAYAB-BAHIN SANG PAGKABANHAW
Mabudlay hangpon ang hitabo sang Pagkayab sang aton Ginuo kon indi naton pag-iangut ini sa hitabo sang Iyang Pagkabanhaw kag Kamatayon. Daw pareho lang ini dayon sang istorya sang mga super-heroes nga katulad nanday Superman kag sa aton “local” nga si “Kapitan Boom”, ukon iban pa. Daw sa nagbuhat lang si Jesus sang makatilingala nga mga buhat dayon, bayaan na lang kita Niya paagi sa Iya paglupad pakadto sa kahawaan! Kag dayon ano ang matabo sa aton? Daw sa ginbilin kita Niya nga mga ilo nga nadula-an sang ginikanan sa wala ginapa-abut nga tion.
Lain ang hitabo sang Pakayab! Indi ini sang pagpaalam ukon “goodbye” kay natapos na sang aton Ginuo ang Iya nga buluhaton sa sining dutang luhaan, kundi isa ini ka PAG-ABUT, ukon “ARRIVAL” sang isa ka bag-o nga panahon sa kabuhi sang Simbahan. Ang isa ka bag-o nga kalibutan nagluntad kag nagasugud bilang katumanan sang gab-i sang Pagkabanhaw sang aton Ginuo. Sadto nga gab-i, Iya nga ginpamatud-an ang pagdaug sang “matu-od nga kabuhi” sa kamatayon… sadto nga bag-i Iya ginpahayag nga ang kabutigan indi makadaug sang kamatu-oran… sadto nga gab-i, Iya nga ginpahibalo sa aton nga nalutos na ang gahum sang kadulum kag kita naga-ambit na sang kasanag sang isa ka bag-o nga kabuhi!
Sa Pagkayab sang aton Ginuo, Siya nagapangako sa pagpadala sa aton sang MANUGBULIG nga amo ang ESPIRITU SANTO! Sa sini, kita may KAPAG-ON.

FR.RONNIE

“SA DIIN KAW PA-ADTO?”
“May tatlo ka tawo nga bag-o gid lang nagsampot sa pwertahan et langit ag ginaimbestigar ni San Pedro. Siling et nahauna, “Wa gid takon nagluib sa akon asawa. Never gid ko nga nagmitir et iban nga babaye!” “Very good gid anak”, siling ni San Pedro, “Tungod sina, taw-an ta ka et mansion ag Ferrari!” Dayon ong ikaduha naghambal man, “Nakaluib ko sa akon asawa apang isa gid lg ka bes!” Ag nagsabat si San Pedro, “Ok lg na. Ari, ginatao ko kanimo ong isa ka 2-storey nga balay ag isa ka Pajero!” Ag ong ikatlo nagtuad man, “Nakasala ko sa akon asawa et duha gid ka beses!” Ag si San Pedro nagsiling, “Ok batuna ong yabe et imo isa ka apartment ag isa ka Toyota Tamaraw!”
Gani nagsulod un sanda sa langit ag nag-adto sa anda kaugalingon nga mga puloy-an ag pagkatapos, nagsuroysuroy sa bilog nga langit. Angan-angan, ong duha ka natingala gid kay nakita nanda ong nahauna nanda nga upod nga nagapungko sa kilid et karsada ag masubo nga nagamihamiha. Anda sia ginpalapitan ag ginpamangkot, “Ano ong natabu? Hamat gapangasubo kaw? Dapat magtumbo ka gani sa kalipay kg? Di bala ikaw ong nakabaton et pinaka-d’best nga regalo sa aton nga tatlo?” Dayon ong tawo naghambal, “Ano nga matumbo sa kalipay man? Paano ako magkalipay kadya kay ato, bag-o ko lang nasugat-an ong akon pinalangga nga asawa! Nagasakay sa iya trisikad!”
Ong Pagkayab ni Kristo palangit nagatudlo kanaton nga ong aton ‘final destination’ indi dyang luhaan nga kalibutan kundi ong sa masunod nga kabuhi. Ong Pagkayab et Ginoo amo ong tion et ana kahimayaan, nga magalingkod un sia sa pinakamataas nga trono et Dios ag magaaman et lugar sa tanan nga nagtuo kanana. Buot silingon, dya oras un et paghulat nana et aton pag-apas kanana sa langit! Gani kon usisaon ta ong aton kaugalingon nga kabuhi manakarya, sa diin kita nagapadulong? Naga-apas gid man bala kita padulong kanana o nagasuroy taton et lain nga dalan?
Mabuhay ong Maalwan nga mga Mambusaonon!

FR. DODO
ANECDOTE

TWO PROSTITUTES, ONE SIGN

A couple young, entrepreneurial prostitutes were riding around town with a sign on the top of their car that read: “Two Prostitutes – P500.00.” A police officer, seeing the sign, pulled the ladies over and advised that they will have to remove the sign or go to jail. Right about that time a minivan passed by with a sign on the side of it that read: “Jesus Saves.” “How come you don’t stop them?!” asked one of the girls. “Well, that’s a little different,” the officer replied… “their sign pertains to religion.” The two ladies of the night pouted a bit, but they took their sign down and drove off peacefully.
The following day the same police officer was running radar when he noticed the same two young ladies driving around with another sign on their car. Figuring he had an easy arrest, he flipped his lights on and began to catch up when he noticed the what the new sign read:“Two Fallen Angels Seeking Peter – P500.00.”


FOOD FOR THOUGHT

“Faith is to believe what you do not see; the reward of this faith is to see what you believe.” (St. Augustine)

6th Sun Easter (B)

ULIPON UKON ABYAN?

“Wala ko na kamo ginatawag nga mga ulipon, kay ang ulipon wala makahibalo kon ano ang ginahimo sang iya nga agalon. Sa baylo ginatawag ko kamo nga mga abyan, kay ginsugid ko sa inyo ang tanan nga akon nabatian gikan sa akon Amay.”
Sa kaalibutoran sang pagpakatawo sang aton Ginuo kag sa paghalad Niya sang Iya nga kabuhi sa Krus amo ang “Balaan nga Plano” sang Amay nga ang tawo nga napukan sa sala magapakig-uli sa Diyos nga iya ginpakasal-an. Sa sini nga paagi, ginpahayag sang Diyos ang Iya matuod-tuod nga kaangtanan sa tawo, kag ini amo nga Siya ang Diyos nga NAGAHIGUGMA.
Sa sining paghigugma, Iya ginpahayag ang kabug-usan sang Iya nga kaangtanan sa aton, nga wala sing lipud-lipod ukon mga tinago nga mga katingalahan. Paagi sa aton Ginuong Jesus, ginpahayag sang Amay ang Iya nga paghigugma sa aton tanan nga wala sang “hawid-hawid”… wala sang “limbong” ukon pagbinutig… wala sing katapusan, bisan ini nagakahulugan sang paghalad sang kabuhi sang Iyang Anak didto sa Krus! Amo ini ang KAMATUORAN sang PAGHIGUGMA sang Diyos! Indi lamang sang “drama” ukon “pakita-kita”, kundi ginalikupan sang kamatu-oran!
Amo gani nga si Jesus wala nagkabig sa aton nga mga suluguon kundi mga ABYAN, tungud ginpahayag Niya sa aton tanan ang bug-os nga kamatuoran sang paghigugma sang Diyos. Ang paghigugma indi sang butigon… ang paghigugma TAMPAD, kag indi sang MAIYA-IYAHON! Matuod man bala ang aton paghigugma?
FR. RONNIE
ANECDOTE

THE AMBITIOUS YOUNG JUDGE’S CLERK

An ambitious, young clerk’s responsibilities included bringing the judge a hot cup of coffee every morning. And, every morning, the judge became infuriated when the coffee cup was brought to him just 2/3 full.
With his back to the corner, the young clerk explained that he had to rush to get the coffee delivered while it was still hot, which caused him to spill much of it along the way. After weeks of yelling and insults, nothing the judge said to the young clerk produced a full cup of coffee - until he threatened to cut the clerk’s pay by 1/3 if he continued to produce 1/3 less than the judge wanted.
The following morning, the judge was greeted with a cup of coffee that was full to the brim, and the next morning and the morning after that. The judge couldn’t resist gloating over his success and smugly complimented the clerk on his new technique.
“Oh, there’s not much to it,” admitted the clerk happily, “I take some coffee in my mouth right outside the coffee room, and spit it back in when I get outside your office.”



FOOD FOR THOUGHT

“Being deeply loved by someone gives you strength, while loving someone deeply gives you courage.” (Lao Tzu)

5th Sunday (Easter-B)

MGA SANGA NGA NAANGUT SA PUNO

“Ako amo ang matuod nga puno sang ubas… ang tagsa ka sanga nga yara sa akon nga wala nagapamunga, ginautod Niya…” Amo ini ang mga pulong sa Santos nga Ebanghelyo subong nga Dominggo. Ginhalintulad naman sang aton Ginuo ang Iya nga relasyon sa aton bilang aton ginagikanan sang kabuhi paagi sa pagsiling nga Siya amo ang Puno sang ubas. Sa sini maathag Niya nga ginapahayag nga kita amo ang mga sanga… mga “extensions” sang Iya nga kabuhi, kag bilang mga nagaambit sang kabuhi sini nga Puno dapat kita naangut sa Iya sa tanan nga oras agud may kabuhi kita sa KABUGANAAN!
Ini nga kabuganaan sang kabuhi makita lamang paagi sa aton pagpamunga sang padayon, sa diin kita nagapahayag sang himaya sang aton Amay sa langit. Apang kon wala kita nagapamunga, buot silingon kon “palso” ang aton pagginawi sa sining ginapaambit nga kabuhi sang Diyos, kita gina-utod niya ukon kon sa aton pa, kita wala sang kaangtanan sa matuod nga Puno!
Kita naangut na sa kabuhi ni Kristo paagi sa aton pagbaton sang sakramento sang bunyag. Diri kita nag-angkon sang dignidad nga kita gintawag nga mga UTOD ni Kristo kag nangin ANAK man kita sang Diyos, apang sa aton adlaw-adlaw nga pagkabuhi, matuod gid ayhan nga kita naangut gid sa kay Kristo? Sa tagsa ka pagsugud sang isa ka bag-o nga adlaw kon kita magbugtaw, ginasuguran bala naton ini paagi sa paghimo kay Kristo bilang sadsaran kag pamuno sang aton mga inadlaw? Buhi bala ang aton relasyon kay Kristo?
FR. RONNIE

“MENO”

Ong isa ka tinaga nga paborito gamiton ni San Juan amo ong Griego nga pulong nga “MENO”, nga ong buot silingon, “pagtener, pagpuyo, pag-estar ukon pagpabilin”. Wa dya nagatumod sa pag-okupar lamang et isa ka lugar, kundi sa pagpabilin man sa sulod et malawig nga tion. Isa dya ka pagpuyo nga “nagadugay, nangin malig-on, ag nagapadayon”. Sa patag et pag-angtanay, ong pagpuyo ginatuyo nga mangin permanente nga kahimtangan, ag mangin tuburan et inspirasyon, kabaskug ag katutom.
Sa Ebanghelyo manakarya, ong larawan et “Puno et Ubas” nagapahayag et nagakaigo nga kaangtanan sa tunga ni Jesus ag et ana katilingban et mga gintutun-an. Ong “pagpabilin” kay Jesus nagakahulogan et wala’y katapusan nga pag-angot kanana sa bagay nga indi kaw bala mabuhi kon wala sia, nga pareho et sanga nga patay o nagakalaya ag nagakadunot kon wa un naangot o nautod sa puno. Buot silingon, ong isa ka tawo nga wa “nagatener, nagapuyo, naga-estar, nagapabilin, naangot o naangkla” kay Kristo sarang nga magpadayon sa pagginhawa, apang sia nagakabuhi et ‘anino nga pagkabuhi’ nga wa et damil ag wa nagapamunga et sahi et bunga nga nagapadayon. Haman? Tungod sa simple nga rason nga dyang aton nagaisahanon nga kabuhi naghalin yuman sa aton nagaisahanon nga Dios.
Siling gani et isa ka pari, “If you take God out of your life, you will go out of your life”. Dya nagapasat-um et kamatuoran nga kita tanan naghalin sa Dios ag dapat sa Dios man kita mabalik. Gani kon ikaw nagakabuhi nga daw wa ong Dios kanimo, makabalik ka pa ayhan sa ginhalinan mo? Klaro gid si Kristo nga nagsiling, “Kon wa ako, wa kamo et sarang mahimo”. Mo gani nga kon kwaon ta ong ‘CHRIST’ sa tinaga nga ‘CHRISTIAN’, ong mabilin kanaton amo ong tinaga nga “I-A-N”, nga ong buot silingon, “I AM NOTHING”.
FR.DODO

ANECDOTE

And God said “Let there be Bridge”

A biker was riding along a California beach when suddenly the sky clouded above his head and, in a booming voice, the Lord said, “Because you have TRIED to be faithful to me in all ways, I will grant you one wish.” The biker pulled over and said, “Build a bridge to Hawaii so I can ride over anytime I want.”
The Lord said, “Your request is materialistic. Think of the enormous challenges for that kind of undertaking. The supports required to reach the bottom of the Pacific! The concrete and steel it would take! It will nearly exhaust several natural resources. I can do it, but it is hard for Me to justify your desire for worldly things. Take a little more time and think of something that could possibly help mankind.”
The biker thought about it for a long time finally he said, “Lord, I wish that I and all men could understand our wives. I want to know how she feels inside, what she’s thinking when she gives me the silent treatment, why she cries, what she means when she says nothing’s wrong, and how I can make a woman truly happy.”
The Lord replied, “You want two lanes or four on that bridge?.”

FOOD FOR THOUGHT
“I am a little pencil in the hand of a writing God who is sending a love letter to the world” (Mother Teresa of Calcutta)

4th Sun-Easter B

MAAYO NGA MANUGBANTAY

Ang isa sa mga pinakamatahum nga “imahen” nga ginpakita sang aton Ginuo sa aton amo nga Siya amo ang “Maayo nga Manugbantay”, kag indi katulad sang mga “sinuhulan” nga mga manugbantay nga nagapalagyo ukon uyaya sa ila nga obligasyon, Siya nakakilala sang tagsa niya ka panong kag indi gid magbiya sa ila, sa bagay nga kon may madula gani, bisan isa lamang, Siya indi gid mag-untat sa pagpangita tubtub nga Iya nga makita ini. Ang isa ka Maayo nga Manugbantay handa sa paghalad sang Iya kaugalingon para sa Iya nga panong. Ini naangut sa ginsiling sang aton Ginuo :”Nga wala na sang may mas maglabaw sa paghigugma sang isa ka tawo, sang sa paghalad niya sang iyang kabuhi para sa iya mga abyan!”- Amo ini ang pag-higugma sang isa ka Maayo nga Manugbantay.
Sa aton nga panahon karon, kita gina-agda sa pagtulok sining imahen sang Maayong Manugbantay agud aton mausisa sing maayo ang aton mga kaugalingon. Madamo sa aton karon nga luyag magprobitsar, apang wala man naga-alagad sang insakto...madamo sa aton ang yara sa palangaku-an nga nagpangako nga mag-alagad apang kon yara na sila sa ila puwesto, sila na ang gina-alagaran! Pila ang yara sa aton tunga ang ginakabig naton nga manugbantay apang sila gali sa minatu-od BANTAY-SALAKAY= Ginabantayan lang nga wala ka makatalupangud kag dayon salakayon ka sa wala mo ginapa-abut! Pila sa aton ang matuod nga NAGA-ALAGAD kag NAGAHIGUGMA katulad sang isa ka Maayo nga Manugbantay?
FR. RONNIE
“PASTOR”

May daywa ka sahi et manugbantay et karnero. Daon ong INDI MAAYO – ong mga “sinuholan”. Sang una pa, ginatumod un sanda et mga propeta: nagaribok sanda kontra sa Ginuo (Jer.2,8); nagainum sanda et gatas, nagabayo sanda et lana, ag nagaihaw et matambok nga karnero, apang wala nanda ginaatipan ong mga panong (Eze 34,3); wala sanda nagabatyag para sa mga panong (Zac 11,4-8).
Sa pihak nga bahin, daon ong mga MAAYO. Labi sa tanan, ong Dios ginatawag nga manugbantay et ana katawhan (Sal 23,1; Is 40,11) Ong Israel, ong pinili nga banwa, ginatawag nga panong et Dios (Sal 74,1). Sa mga pinuno et Israel, daon si Moises nga ginatawag nga manugbantay et Israel (Is 63,10) Amo man si Haring David nga ong ginalauman nga Mesiyas magagikan sa ana linahe (Sal 78,70-72; Miq 5,3). Ong maayo nga manugbantay nagatuytoy et panong sa madabong nga halalban ag sa higad et matin-aw nga tubig (Sal 23). Ginaamligan nana ong mga karnero sa matarong nga taguipusoon ag ginatatap ag ginatuytoyan sanda paagi sa sampaton nga kamot (Sal 78,72). Bilang maayo nga manugbantay, si Jesus nagatao et ana kabuhi para sa ana panong.
May daon nga estorya nga nagasaysay nahanungod sa isa ka panong et mga karnero nga nagpanaw ag nagpinangita sa anda pastor. Dayon sanda ginsingganan, “Sorry gid pero ong inyo pastor, pareho man et iban, nagpapanaw et anda panong sa pagpangita et anda kaugalingon nga halalban, ag manakarya, ato sanda sa bar, nagapinalilong ag nagapinaditol kon sin-o kananda ong pinakamaayo nga pastor.”
Gani kon ikaw isa ka manugbantay, maayo ka bala o indi maayo?
Mabuhay ong Maalwan nga mga Mambusaonpn!


FR. DODO

3rd Sunday Easter (B)

PAGPANAKSI
Nagatakup ang aton Ebanghelyo sa sini nga Dominggo sa sini nga mga pulong: “Kamo ang mga saksi sini nga mga butang.” Ginhambal ini sang aton Ginuo matapos Siya magpakita liwat sa Iya mga gintutun-an, nagka-on sang sinugba nga isda sa ila atubangan, kag nagpasalig sa ila nga indi sila magpangduha-duha tungud nga matuod nga nabanhaw Siya, suno sa gintagna sang mga kasulatan.
Sa Iya masunsun nga pagpakita sa Iya mga gintutun-an, gina-amat-amat man Niya pahangup sa ila nga ang Iya ti-on sa sining kalibutan, nagatakup na, kag ini nagabukas naman sa isa ka ganhaan nga pagapadayunon sang Iya mga gintutun-an. Amat-amat Niya nga ginapakita nga may yara pa nga nabilin nga mga buluhaton ang mga gintutun-an kag ini amo ang PAGPANAKSI sang tanan nila nga nakita kag nabati-an nahanungud sa ila nga Ginuo, kag ini paga-updan sa pagdala sang mensahi sa paghinulsol kag pagpatawad sang mga sala!
Bisan natapos na ang tawohanon nga kabuhi sang aton Ginuo, sa gihapon ang Iya nga misyon padayon nga pagadalhon sang Iya mga gintutun-an tubtub nga ini naka-abut sa aton man nga tini-on. Ang ginwali sang mga gintutun-an sang una amo man ang aton ginawali sa subong gid nga mga tini-on, kag ang pagpanaksi nga ila ginhimo sa pagbantala sang Maayong Balita sang aton Ginuo, amo man nga pagpanaksi nga nagahangkat sa aton sa sini gid nga tion! Ano bala ang aton mga GINBUHAT sa pagpamatu-od nga BUHI ang aton Ginuo sa aton adlaw-adlaw nga pagginawi? Kita bala ang mga bag-o nga SAKSI sang aton Ginuo?
FR. RONNIE
SAKSI NI KRISTO

Ong mangin saksi sa kay Kristo amo ong mangin isa ka martir. Sang si Kristo magsiling, “Kamo ong mga saksi sini nga butang”, ana nga gintao sa ana mga gintutun-an ong titulo nga ‘Martir’. Gani ong tanan nga sumulunod ni Kristo, mga saksi ni Kristo. Ong minatuod nga nagasunod kay Kristo, isa ka martir.
Ong mangin isa ka martir wa nagakahulugan nga patyon gid para kay Kristo. Ong mangin isa ka martir nagakahulugan nga mangin isa ka saksi ni Kristo. Apang masami sang una, nga ong mangin saksi ni Kristo nagadala sa isa ka tawo nga patyon para kay Kristo. Apang sa pagkamatuod, ong isa ka tawo indi dapat mapatay para kay Kristo agud mangin isa ka martir.
Sa manakarya nga panahon, ong tinaga nga “MARTIR” masami nga ginataw-an et lain o sala nga kahulugan. Ong isa ka ‘battered wife’ nga padayon nga galumon sa ana bana ginatawag nga martir. Ong isa ka obrero nga ginadaugdaug et ana amo ginakabig nga martir. Apang mamangkot taton: Kon ong isa ka babaye, isa ka ‘battered wife’, kay sin-o sia nagapanaksi? Ag kon ong isa ka empleyado ginadaugdaug, kay sin-o sia nagapanaksi?
Buot silingon, ong nagahimo sa isa ka babaye o lalake nga martir amo kon sin-o ong ana ginataw-an et panaksi. Ong isa ka tawo nga nagabagun-a o ginadaugdaug, indi matawag nga martir kon ong ana pag-antus wa naangot sa kay Kristo. Gani ong panaksi lamang sa kay Kristo ong minatuod nga nagahimo sa tawo nga martir.
Haman? Tungod ong pagkamartir indi tana nahanungod sa kamatayon kundi sa kabuhi. Kon paano ag para kay sin-o kita nagakabuhi amo ong nagahimo kanaton nga martir. Wa labot kon kamatayon man ong katapusan et aton pagpanaksi.
Haman liwat? Tungod wa et tawo nga ‘instant’ nga martir. Matuod nga ong kamatayon et isa ka martir gaabot et hinali, apang ong pagkamartir wa ginnabdos sa isa lamang ka adlaw. Ong isa ka tawo makabaton et kamatayon et isa ka martir tungod ana un nga daan ginkabuhi nga mapatay sa ana kaugalingon para mabuhi ong iban, pareho kay Kristo, nga kon sa kay Sta. Theresa et Lisieux pa, ‘mapatay et mga diutay nga kamatayon adlaw-adlaw’.
Gani sa paghambal ni Kristo nga, “Kamo ong saksi sini nga mga butang”, kita ginaagda nana nga mangin martir. Ag ong buot silingon nana amo nga kinahanglan naton magkabuhi et aton kabuhi para kanana antes kita manginmatay para kanana. Nakasugod ka un bala magkabuhi o mangin saksi para kanana?
Mabuhay ong Maalwan nga mga Mambusaonon!

FR. DODO

2nd Sunday of Easter- B

PAGHIDA-IT
Ang isa sa mga “titulo” sang aton Ginuong Jesus nga makita sa dinalan sang Biblia nga Siya amo ang "Prinsipe sang Paghida-it”. Maathag ini nga makita sang Siya matawo bilang isa ka lapsag sa aton tunga! Ining pagkaprinsipe sang Paghida-it indi lamang sang isa ka titulo para sa aton Ginuo kundi isa ka MISYON… ISA KA PANGAKO nga sa diin Iya ginpakita ang katumanan bisan pa sa likud sang kamatayon! Padayon Siya nga nagahangkat sa aton nga magdala sining paghida-it bilang MAAYONG BALITA sa tanan nga mga kapungsoran.
Ang pagkabanhaw sang aton Ginuo nagatulud sa aton sa isa ka tikang sang pagtuo nga ang paghida-it indi lamang sang isa ka handum kundi isa ka BULUHATON nga aton sarang malab-ut kon kita nagakabuhi sang pagkabanhaw nga may bug-os nga determinasyon sa pagbuhat sang ginbilin sang aton Ginuo nga amo nga kita ang magadala kag magapadayon nga mga INSTRUMENTO sang paghidait!
Masalimu-ot kaayo ang kalibutan tungud sang mga kinagamo nga kalabanan gintuna-an lamang sang bugal kag paindis-indis. Wala ini untat nga nagaluntad sa aton tunga tungud ang kalabanan sa aton wala nagalantaw sang pagkabanhaw nga isa ka buluhaton, kundi isa lamang ka talan-awon nga daw sa “nag-magic” lang ang aton Ginuo. Gani, ang paglkabanhaw nangin isa lamang ka “makatalanhaga” nga hitabo kag wala gid maka-salupsup sa aton kaugalingon.
Ang pagkabanhaw nagatulud sa aton sa paglakat sa dalan sang pagpanibag-o! Ano ang nabag-o sa aton?
FR. RONNIE


“2C = F8”
Sa kadya nga panahon nga duro et wakalan, ditol ag nagapakunokuno, maayo gid nga maghalong sa mga ginahambal et iban. “To see is to believe”. Maayo gid nga makita naton ong mga pamatuod et ginahamabal et tawo.
Ong Pagkabanhaw et Ginuo ginpamatud-an et mga nakakita kanana. Dya indi et imbento o himohimo lang nanda. Ong mga gintutun-an nagtuo kanana sanglit kay nakita gid sia et anda kaugalingon nga mga mata.
Kapaslawan ong nabatyagan et mga gintutun-an sang gindakop si Jesus ag sanda nagpalalagyo. Gani si Tomas wa magpati et ginsugid et ana mga kaupod nga nabanhaw ong anda Manunudlo. Basi dya sanda nalatnan lang et ginatawag nga ‘mass illusion’ bangud et kahadlok ag pagkadesperado. Apang nagpakita liwat si Jesus kananda ag ginsabat nana ong hangkat ni Tomas.
Dyang natabo kay Tomas nagapakilala nga ong Pagkabanhaw ni Jesus indi isa ka palanan-awon lamang: nakita sia et mga Apostoles, nabatian nanda sia, ag ayhan ginhakos ag gin-uyatan pa nanda sia. Buot silingon, ginpakit-an sanda et pamatuod. Gani garantiya dya sa madason nga mga kaliwatan nga ong pagtuluohan sa Pagkabanhaw indi himohimo lamang.
Ong pagpangduhaduha ag pagtuo wala pirme nagakontrahanay. Mahimo nga ong pagtuo nagasugod sa pangduhaduha. Kay sa pagsugod, kinahanglan ong mga pamatuod. Apang sa pagtuluohan, indi pirme kinahanglan nga makita ong tanan. May mga butang nga matuod apang indi matalupangdan et aton mga mata.
Pagkatapos et ana pangduhaduha, si Tomas nagtuo. Wala na ginsiling kon gingulo pa nana ong ana tudlo sa agi et mga lansang. Tuman o bastante un nga nasayran ni Jesus ong pangduhaduha ni Tomas sa wa pa sanda magkit-anay. Si Tomas nga nagsimba kay Jesus bilang Ginoo ag Dios nakalab-ot sa India sa pagpalapnag ag pagpanginmatay sa kadyang ana Ginoo ag Dios.
Mabuhay ong Maalwan nga mga Mambusaonon!

FR. DODO

Easter Sunday- B

BUHI SIYA!
Masami, sa aton naandan, nagakadto kita sa sementeryo kon Piesta Minatay, apang sa ordinaryo nga lakat sang aton kabuhi, sa adla-adlaw naton nga kina-andan, wala kita nagapalapit diri. Ngaa ayhan? Sin-o man sa aton ang na-ila sa pagsagad kinadto sa lugar sang mga patay? … Sa lugar nga puro lang tul-an?... Sa lugar nga nagasimbolo sang pagtapos sang kabuhi?! Ayhan, ang isa pa gid ka madalum nga rason kon ngaman nga sa ordinaryo naton nga kabuhi, wala kita nagakadto sa sementeryo tungud ini nga lugar NAGAPAHANUMDUM SA ATON SANG ATON MISMO NGA KAMATAYON! Sa sementeryo kita nagasumalang sa isa ka kamatuoran nga mapa-it, kag ini, amo ang kahuyang naton nga mga tinuga, nga sa ulihi, kita man mapatay. Nahadluk kita mapatay, amo gani nga bisan sa mga sugilanon, ginalikawan naton ang topiko sang kamatayon tungud ini kamatuoran nga mabudlay batunon! Luyag kita nga magkabuhi, kon pwede lang, nga WALA SING KATAPUSAN!
KON PWEDE LANG? Amo ini ang mensahe sang PAGKABANHAW sang aton Ginuo– PWEDE GID! Pwede gid nga kita mag-angkon sang kabuhi nga WALA’Y KATAPUSAN, tungud sa Iya nga pagkabanhaw, gin-upod man Niya kita sa pag-ambit sang KABUHI nga wala’y katapusan– Ang kabuhi nga MAHIMAYAON!
Sa Pagkabanhaw sang aton Ginuo, Iya nga ginpakita nga wala na ang dalit sang kamatayon tungud Siya amo ang DIYOS SANG MGA BUHI kag ang tanan nga naangut sa Iya may KABUHI NGA WALA SING KATAPUSAN!
FR. RONNIE
RESURREXIT ALLELUIA!
Sobra ka duro nga mga tawo ong nagadayaw kay Jesus ag kanana nga pagtulun-an apang wa sanda magpabunyag agud mangin kristiano. Daon si Mahatma Gandhi nga nagkuha et inspirasyon sa “Beatitudes” ni Jesus. Sanda CHRIST-FANS, indi CHRIST-IANS. Ong nagapugong sa kadam-an kananda agud mangin kristiano amo ong pagtuluohan nga si Kristo nabanhaw sa mga minatay. Para kananda, ong pagtuo sa Pagkabanhaw ni Jesus amo ong “bukid” nga indi nanda mataklad. Mabaton ag mapatihan nanda ong tanan nga ginatuohan et mga Kristiano luwas lamang kadya. Apang dya ong pagtuluohan nga sentro ag sadsaran et aton pagka-Kristiano. Si San Pablo klaro nga nagsiling: “Kon si Kristo wa mabanhaw… ong inyo pagtuo wa pulos” (1 Cor 15,14).
Kon aton usisaon ong sugilanon et Pagkabanhaw, may duha ka bagay nga nagapamatuod nga dya may basehan sa realidad. (Indi dya ‘scientific proof’ et Pagkabanhaw ag indi man dya kontra sa pangrason et tawo. Gani kinahanglan duri ong ‘leap of faith’)
Ong una nga hitabo amo ong hanggud nga pagbag-o sa mga gintutun-an. Pagkatapos et trahedya et Kalbaryo, mga talawit sanda nga nagpalanago sa kwarto, kay nahadlok sanda a awtoridad. Magamo ong anda painoino, nadulaan sanda et paglaum, halos wa un et saysay ong anda kabuhi. Apang pagkaligad et pila ka semana, makita naton sanda nga maisog nga nagaatubang sa Sanhedrino agud makigdebate (Bin 4:5-22); sanda nga mga mangingisda nagasupak sa Pinakamataas nga Konsilyo et mga Judio! Paano naton mapaathag dya?
Ong ikaduha nga pamatuod amo ong wala nagabalhin nga panaksi et mga Apostoles. Duro kananda ong ginpatay bangud sa anda pagtuo sa Pagkabanhaw. Kon dya bunga lamang et anda imahinasyon ukon dya anda lang gin-imbento ag patopato, ayhan may pila sa anda nga magbalhin et hunahuna kon malapit un sanda patyon. Sanda magahambal: “Opps, hulat anay, indi matuod adto; amon-amon lang to!” Apang wa gid nanda ginligwat dya nga pagtuo.
Mabuhay ong Maalwan nga mga Mambusaonon!
FR. DODO

Palm Sunday (B)

ANG PASYON NI JESUS
Sa aton pagsaulog sang Dominggo de Ramos, aton ginasuguran ang pinakabala-an nga “tini-on” sa aton Kalendaryo sa Simbahan, kag ini amo ang Semana Santa. Tungud ang Semana Santa nagapatuhoy sa tion sang aton KALUWASAN nga aton naangkon paagi sa KASAKIT, KAMATAYON, KAG PAGKABANHAW SANG ATON GINUONG JESUS.
Pinakabalaan ini tungud diri aton ginahanduraw ang kahulugan sang PAGHIGUGMA sang Diyos sa aton tanan nga ginpahayag sang aton Ginuo paagi sa Iya pag-antus kag kamatayon.
Sa sini nga hitabo sa Semana Santa ginapakita sa aton sang Diyos nga ang tawo nga Iya gintuga suno sa Iya gid nga larawan, INDI SANG BARATOHON, bisan pa nga siya nag-gikan sa yab-ok, tungud siya nagadala sang MARKA kag DIGNIDAD bilang anak sang Diyos.
Sa Dominggo de Ramos, aton ginabendisyonan ang mga LUKAY, tungud inii amo ang timaan sang “madinalag-on” nga pagsulud sang aton Ginuo sa Jerusalem, sa diin Siya ginkabig kag luyag himu-on sang mga tawo nga isa ka HARI! Apang, ginpakita sang aton Ginuo, nga ang matuod nga pagkahari wala nagasandig sa poder ukon gahum nga tawohanon sa diin aton gina”dominar” ang mga tawo sa paagi sang pakusog kag inpluwensya, kundi, paagi sa PAG-ALAGAD kag sa PAGHALAD SANG KABUHI, agud ang maangkon sang tagsa-tagsa ang minatuod nga kahilwayan kag kabuhi.
Amo ini ang kahulugan sang Semana Santa– PAGHALAD SANG BUG-OS NGA KAUGALINGON!- Ano ang aton halad para sa Ginuo sa sining Semana Santa?

FR. RONNIE

CORAZON NI SANTINO

Semana Santa un. Gani magpangamuyo kita et santo nga taguipusuon. Kay dyang santo nga taguipusuon amo ong nagahimo sa Semana Santa nga santo.
Ong taguipusuon et Dios nga Amay amo ong nagahimo sa kadya nga semana nga santo. Isa dya ka taguipusuon nga nagapalangga gid kanaton sa bagay nga ana gintao kanaton ong ana bugtong nga anak.
Ong taguipusuon ni Kristo amo ong nagahimo kadya nga semana nga santo. Dya taguipusuon nga masinulondon et isa ka anak. Dya taguipusuon nga wala gid nagkahikaw nga bun-on sa Krus agud mahugasan taton sa aton mga sala.
Ong taguipusuon ni Santa Maria amo ong nagahimo kadya nga semana nga santo. Dya taguipusuon nga nagnabdos ag dungan nga nagapitik sa ana anak. Amo dya ong wala’y dagta nga taguipusuon et Iloy et Dios.
Ong taguipusuon ni San Juan ag ong mga taguipusuon et mga babaye sa tiilan et krus amo ong nagahimo kadya nga semana nga santo. Taguipusuon dya nga nagpabilin upod sa taguipusuon ni Jesus sa krus. Dya mga taguipusuon nga nagrisgo et anda kabuhi para sa anda Ginuo. Dya mga masaligan ag tampad nga mga taguipusuon et mga sumulunod et Dios.
Indi dya nga semana ong nagahimo sa aton taguipusuon nga santo. Ong santo nga taguipusuon amo ong nagahimo kadya nga Semana Santa nga santo.
Dyang santo nga taguipusuon malimpyo nga taguipusuon. Dya taguipusuon nga wala mahigkui et dumot ag pagtimalos. Dya taguipusuon nga wala et yab-uk et pagkasungaksungak, pagdinaya ag ‘wala-ko-labot!’ Dya taguipusuon nga nagapatawad, maalwan ag nagabulig sa iban.
Gani ano bala ong imo taguipusuon? Maputi bala o maitom?
Mabuhay ong Maalwan nga mga Mambusaonon!

FR. DODO

2nd Sunday of Lent (B)

PAGPAMUKADKAD

Ang kwaresma nga tinaga nga isa ka paglubad sa aton nga pulong naghalin sa tinaga nga “LENTE”, amo gani nga ang translation sang mga Amerikano sa sini nga tinaga amon ang LENT. Ang “lent” isa ka panahon nga nagakahulugan “SPRINGTIME”, buot silingon nga sa sini nga panahon, NAGAPAMUKADKAD ang pagtubo liwat sang mga kabulakan pagkatapos sang malawig nga tigtulug-naw. Ini nagatudlo sa aton nga ang panahon sang Kwaresma isa ka tini-on sa diin kita nagasugud sa isa ka bag-o nga panahon sang aton kabuhi, kag ini amo ang pagpamukadkad liwat sang isa ka bag-o man nga kabuhi nga aton gina-ambit sa kabuhi sang aton Ginuo.

Sa aton nga Ebanghelyo, ang aton Ginuo nagpahayag sang Iya “nagapamukadkad” nga himaya paagi sa pagbaylo sang Iya nga dagway sa diin Siya nagmasilaw sa panan-awan sang Iya mga Apostoles.

Antes mahanabo ini, ginpanagna sang aton Ginuo ang Iya nagahilapit nga Kamatayon kag ayhan, nadula-an sang pagla-um ang Iya mga Apostoles, tungud sila nagakabig sa aton Ginuo nga isa ka manluluwas sa ila pagkapigos sa gahum sang mga Romanhon. Ila ginapanumdum ang lawasnon nga kahilwayan! Apang sa hitabo subong, ginatudlu-an sila sang aton Ginuo nga may ara pa nga mas labaw nga kahilwayan sang sa lawasnon, kag ini amo ang kahilwayan sang aton BUG-OS nga pagkatawo– lawas kag kalag!

Ayhan katulad man kita sang mga Apostoles, nagakinahanglan man kita sang kahilwayan sa aton kabuhi...pinansyal, gutum, puluy-an, kaangtanan, kag iban pa. Ang Ginuo lang ang may sabat sini. Sa Iya kita makapamukadkad sa bag-o nga kabuhi kag paglaum!
FR.RONNIE


ANTES ONG KANAMIT, KASAKIT!

Duro kanaton ong pareho kadya. Gusto naton mangin madinalag-on bisan wala et paghimud-os. Gusto naton magkalipay bisan wala danay et panghayhay. Gusto naton magkabuhi nga matawhay nga wala et kabudlay. Kon sa pulong pa et isa ka mangunguma, “Gusto naton mag-ani et humay bisan wala un et pag-araduhay!”
Apang ong ‘Transpigurasyon’ o Pagabalhin et dagway ni Kristo nagaligwat kadya nga mga painoino. Sang ako nag-adto sa Mt. Tabor, pareho kay San Pedro, ako man nakahambal, “Uhmm kanamitorn. Its really good to be here.” Kay didto sa ibabaw malamig ag manami magkatyog ag imo pa makita ong latagon et Megiddo sa idalum (Ong lugar et katapusan nga away et ‘good & evil’ nga nasulat sa Bugna ni San Juan).
Ong ‘Transpigurasyon’ ni Kristo, ginasiling et mga ‘theologo’, nga isa ka pasamit, padilap o pahimutad lamang et ana nga HIMAYA ET PAGKABANHAW. Apang aton gid nasaydan nga bisan ano pa kanami himutaran ong mahimayaon nga dagway ni Kristo sa ibabaw et bukid ag bisan ano pa nga diskarte et paganot ni San Pedro nga magpabilin sila didto, sa gihapon, sanda nagpanaug sa idalum. Duri ginaklaro kanaton nga ANTES ONG ANA MAHIMAYAON NGA PAGKABANHAW, SI KRISTO DAPAT ANAY MAG-ANTUS AG MAPATAY SA KRUS.
Dya nga kamatuoran makita gid sa aton kabuhi bilang tawo. Kinahanglan danay naton magtuon o magsunog et kilay kon gusto naton makapasar sa aton mga ‘examinasyon’. Kinahanglan danay ni Manny Pacquiao nga magtraining et malawig ag minatuod kon gusto nya dag-on subong si Hatton. Kinahanglan naton mag-obra et maayo kon gusto naton ma-promote.
Sa pagkamatuod, indi kinahanglan ni Kristo nga mag-agi sa isa ka makangilidlis nga pag-antus ag kamatayon sa Krus. Sarang Nana taton maluwas sa isa lamang ka pitik et ana nga tudlo. Dya misteryo ag dya nga misteryo may daon nga mensahi: WALA ET HIMAYA KON WALA ET KRUS. Wala taton et sarang makuha sa wala.

FR. DODO

1st Sunday of Lent (B)

KWARESMA-KWARENTA
Kwarenta ka adlaw ang ginhatag sa aton sa aton kalendaryo sa Simbahan bilang paghanda sang aton kaugalingon sa paghanda sa pala-abuton nga pagsa-ulog sang kasakit, kamatayon, kag pagkabanhaw sang aton Ginuong Jesus. Kwarenta ka adlaw sa pagpamalandong kon bala ang aton pag-ginawi nasanto suno sa kabubut-on sang Diyos ukon nagapasunud-sunod gihapon kita sa mga pag-ganyat sang Yawa paagi sa pagpadala-dala sa mga tentasyon nga iya ginatanyag?
Ang Kwaresma isa ka panahon sa aton kalendaryo sa diin kita ginapahanumdum sang panawagan sang aton Ginuo sa pagkaayo sang aton kabuhi kag sa pagtuo sa Iyang Maayong Balita: “Repent and believe the Gospel!” Amo ini ang kahulugan sang Kwaresma, nga ini tini-on sa diin gina-usisa naton ang aton kaugalingon kon bala tadlong man ang aton kaangtanan sa isa kag isa kag sa Mahal nga Diyos.
Gina-agda kita sang aton Ginuo sa pag-upod sa Iya sa “disyerto”, sa diin Siya naghimo sang tinindugan sa pagpili sang “binu-buot” sang Iyang Amay sang sa mga kadayawan kag kamanggaran nga gintan-ay sang panulay.
Kita man sa masami, naga-agi sa madamo nga mga pagsulay sang Yawa, kag sa sining mga tini-on, ano nga desisyon ang aton ginhimo? Nakahibalo na kita kon ano ang tama kag ang sala, apang sa aton mga desisyon nga ginabuhat sa aton kabuhi, sa masami, ano bala ang aton ginpili? Ginpili ta bala si Kristo nga amo ang aton ginatu-ohan, ukon ginpili ta ang mga bagay sa diin kita makapamintaha, tungud ini ginabuhat man sang iban? Kasan-o kita naghimo sang tinindugan tungud kita sumulunod ni Kristo? Mangin ano ayhan ang aton Kwaresma? FR. RONNIE
TANTALUS
“Mala mali malo mala contulit omnia mundo”. Dya isa ka dumaan nga hambalanon nga ong buot silingon, “Ong tanan nga kalainan sa kalibutan naghalin sa isa lamang ka mansanas”. Ong Biblia wala nakamentionar kon ano gid nga prutas ong ginkaon nanday Adan ag Eba sa Paraiso. Gani wala gid kita kasayud kon ano adto. Pwede man seguro nga indi dya ‘apple’ gid kundi star apple, pineapple, guava apple,etc… Apang sa gusto naton o indi, makatutulo laway gid man ya kon tulukon o makagalanyat ag kanamitorn kan-on ong mansanas.
Sa Greek mythology, si Tantalus ong hari et Phrygia. Bilang ‘punishment’ et mga ‘gods’ kanana tungod et ana nga pagpasaway kananda, si Tantalus ginkondenar nga magtindog sa tubig nga hasta sa ana nga liog samtang ong mga prutas ag pagkaon nagalambitin sa ibabaw et ana ulo. Kon gusto nya gani mag-inum, ong tubig naganabaw ag kon gusto naman nya magkaon, ong pagkaon ginahuyop et hangin. Imaw dya ong ginhalinan et tinaga nga “tantalize” (nagaganyat, nagapaibog, nagapaila, etc..) nga ong buot silingon amo ong “pagtan-ay o pagduho et isa ka manami nga butang sa tawo agud madismaya lamang sya kay sa punta, imo man lang bawion ag bay-an sya sa wala”. Ag si Adan ong nahauna nga nakana kadyang makagalanyat nga pagtonto ni Satanas. Paagi sa pagkaon ni Adan et makailibog nga ‘mansanas’ ni Satanas, ong sala nagsulod sa kalibutan.
Dyang estilo et pagganyat amo ong aton ginaagihan kon kita GINATENTAR O GINASULAY. Kay sa pagkamatuod, ong tentasyon o pagsulay amo ong imbitasyon ukon pangagda sa pagbuhat et mga butang nga bal-an naton nga sala, wala’y pulos ag nagahalit sa aton, sa iban, ag sa aton relasyon sa Dios. Dya nga pangagda sarang maghalin sa sutsot et iban ukon sa aton kaugalingon nga kalipayan mismo. Ong tentasyon nagatulod kanaton sa daywa ka nagasalungkaki nga padulungan suno sa klaro nga ginhambal ni San Ambrosio: “Ong demonyo nagasulay agud sya mangguba; ong Dios nagasulay agud Sya mangkorona!” Karon, paano kita makadaug sa tentasyon? Daywa ka bagay: Una, ONG PAG-ILOG KAY KRISTO. Kon luyag naton makadaug sa sala ag sa panulay, dapat naton ilogon si Kristo sa ana nga PANGAMUYO, PUASA AG PAGBANTAY sa desierto. Ikaduha, MAGLIKAW SA MGA OKASYON ET SALA. Buot silingon, maglikaw sa mga tawo,lugar ag mga butang nga nagadala kanaton sa pagpakasala. Kay ginasiling, “Ong pagpangamuyo batok sa tentasyon ag nagalukso man lang dayon sa mga okasyon, pareho man lang sa pagbutang et imo kamot sa ibabaw et nagadabadaba nga kalayo, ag magpangamuyo ‘kaw nga indi dya masunog!” FR. DODO

6th Sunday (A) Ord. Time

INDI MATAGO ANG KAAYOHAN
Isa sa mga kalidad sang Ebanghelyo ni San Markos amo nga ini may ginatawag nga “Messianic Secret”. Daw sa ginapahibalo niya sa iya mga manugbasa nga sa likud sang pagkatawo, sang pagkamaayo kag pagkamaluluy-on sang aton Ginuo, may ara nga ginatago nga sikreto sa Iyang pagkatawo
Ini maathag nga aton mabasahan kag mabati-an sa aton Ebanghelyo subong sa diin nagpamulong ang aton Ginuo sa bag-o lang Niya gin-ayo nga aru-on: “Indi mo gid ini pag-ipanugid bisan kay sin-o…” Ayhan ini ginsulat ni San Markos agud sa pagpahanumdum sa iya nga katilingban nga ang pagkawo sang aton Ginuo, dapat nga ila PAGATUKIBON… dapat nga ila KILALAHON… kag dapat nila HUPTAN sa ila kaugalingon agud ini mangin bahagi sang ila nga kabuhi!
Apang mapunggan bala naton yadtong aru-on nga ginbuhatan sang aton Ginuo sang milagro sa pag-ayo kon siya magpanugid sang ginhimo sang Ginuo? Sin-o bala sa aton ang magahipos lang matapos nga mahanabo ang isa ka milagro sa aton kabuhi?
Sa wala sing duha-duha, ang aru-on GINTANDOG sang aton Ginuo kag paagi sini natukiban niya kag nakilala ang KAAYO sang Diyos nga nagpalanupsup sa iyang kaugalingon, sa bagay nga subong, handa na siya magpanaksi sa kamatu-oran nga ang Diyos wala nagapabaya sa Iya mga tawo kundi padayon Siya nga naga-upod sa ila pagpanglakaton bisan pa sa tunga sang mga kasablagan.
Madamo nga mga kaayuhan ang ginhimo sang Diyos sa aton kabuhi. Ginhuptan ta bala ini sa aton tagipusu-on? Nangin MAPINASALAMATON man bala kita sa Iya?

FR. RONNIE
ZARA’AT
Ong aru nagikan sa Griego nga tinaga nga “leptein” o sa tinaga nga Hebreo nga “zara’at”, nga ong buot silingon “nagakahulog nga panit”. Mga sahi dya et katol. Indi dya ong ginatawag nga ‘Hansen’s disease’ sa manakarya nga panahon tungod kay indi tanan nga katol makalalaton. Apang mahangpan naton ong kasakit nga ginaaguman et mga “aruon” sadto – mga tawo nga may mga katol ag mga di-matinlo nga balatian sa panit. Ginapahilayo sanda sa anda pamilya, kakilala ag sa kadam-an. Ginakangil-aran ag ginalikawan ong mga ‘aruon’ indi tungod kay “ginalapnan”(infect) nanda ong katawhan, kundi tungod kay “ginahigkuan”(pollute) nanda ong mga tawo ag dya mangin kabangdanan nga sanda man indi un makasimba sa Dios sa sinagoga ukon sa templo.
Ginasiling nga ong aru bunga o simbolo et kasal-anan kay ong lawas nga ginaagnas tanda et kalag nga ginaagnas man. Ong tawo nga aruon ginakabig nga ginpatumbayaan et Dios. Nagakabuhi sia nga isahanon ukon upod sa katulad man nana nga aruon. Sia isa ka ‘living dead’: buhi pa sia apang ginakabig nga patay un et ana nga pamilya. Gani ginatawag ong aru sadto nga “subang et kamatayon” (Job 18,13).
Sa Ebanghelyo, ong pagpadala ni Kristo et aruon sa pari sa templo nagapahisayud kanaton nga Sia nagatuman et Kasuguan. Apang si Jesus wala nagapati nga ong aruon dapat ‘kastiguhon’ bangod et ‘ana nga kasal-anan’. Gani, sa ana nga daku nga kaluoy, ana nga gindab-ot ag gintandog ong aruon. Sa kadya nga buhat, ginsupak ni Jesus ong Kasugoan. Tinutuyo et Kasugoan nga amligan ong tawo nga indi malapnan. Apang si Jesus nga labaw pa sa Kasugoan, wala ginahigkuan sa ana nga pagtandog sa aruon; sa baylo, ginatinlo nana dya. Ong ana nga pulong ag pagtandog nagatinlo, nagaayo ag nagatao et bag-o nga kabuhi. Ong pag-ayo ni Kristo sa aruon nagapakita kanaton sa ana nga pagtao ag pagduho liwat et saysay sa kabuhi et aruon ag sa pagpabalik et “tinapok” sa ana nga pamilya, katilingban ag sa Dios. Ong gin-ayo makabalik liwat sa pagsimba sa templo upod ong “balaan” nga banwa et Dios.
Sa aton panahon manakarya, may mga tawo man nga ginakangil-aran ag ginapahilayo kanaton tungod et anda nga balatian. Halimbawa lamang ong mga tawo nga may AIDS, meningo coccimia, hepatitis, tb ag iban pa. Ano bala ong aton pagtulok, pagkabig, ginahimo o ginatao kananda?

FR. DODO

5th Sunday Ord. Time (B)

GINATAPOS KAG GINASUGURAN
Sa pagtapos sang Santos nga Misa aton mabatian ang pari nga nagasiling:”Maglakat kamo sa paghida-it, tapos na ang Santos nga Misa.” Ini nagapahayag lamang nga ang “selebrasyon” sang isa ka buluhaton sa sulud sang Simbahan, natapos na, apang ini nagakahulugan man nga ang ginhiwat nga selebrasyon, dapat SUGURAN sa aton paggwa sa duog sa diin aton ginselebrar ang pinakabala-an kag putuk-putukan nga Sakramento nga ginbilin sang aton Ginuong Jesus… Ini dapat padayunon sa aton pagginawi sa gwa sang Simbahan bilang tanda sang padayon nga PAGBANTALA SANG MAAYONG BALITA sa tagsa ka duog nga aton pagakadtu-an. Sa aton paggwa sa Simbahan ginakung-king naton ang “Good News” nga amo ang aton mangin balon sa paglab-ot sa aton mga isigkatawo bilang bahagi sang aton nga Puno nga amo ang aton Ginuong Jesukristo.
Sa pagkamatu-od, ang Misa isa ka “bukas” nga buluhaton para sa aton tanan. Wala sang sagang nga dapat magluntad sa aton tungasa tagsa ka selebtasyon sini. Bisan sa sulud mismo sang selebrasyon dapat kita bukas sa tanan nga posibilidad nga ginadulut sang Diyos nga mga grasya sa aton…. Sa posibilidad nga diri sarang kita makapatawad, diri sarang kita magtingud nga isa ka panimalay... diri sarang kita makasugud sa isa ka bag-o nga pagpanglakaton kaupod sa aton mga kautoran.
Ang kabangdanan sang pagkari sang aton Ginuo amo ang pagwali sang Maayong Balita nga ang aton Diyos nagapakig-upod sa Iya mga tawo. Kita naga-ambit sini nga misyon. Ano ang aton Maayong Balita sa aton paggwa sa Simbahan?
FR. RONNIE

AMUMA
“Sa isa ka Kasal, ong pari naghambal sa bana, “Ikaw ang HALIGI et panimalay”. Ag sa asawa, “Ikaw ang SUGA et balay”. Dayon ong nanay et bana nagsaligbat, “Ti ako ya Father? Ano ‘ko ya?” Ang pari nagsabat, “Ikaw ang ANAY et balay!”
Dya isa lamang sa mga madamu nga negatibo nga estorya nahanungod sa relasyon et mga mag-asawa sa ila mga UGANGAN. Apang matuod gid bala dya? Ukon isa lang ka pamatyagan?
Makasiling kita nga sa masami, matuod gid nga daw malain ong mga ugangan tungod kay sanda naga-entra o nagasabdong o nagapasilabot, bisan wala gani ginapangabayan kadya, sa kabuhi et mag-asawa. Apang basi ginahimo lamang nanda dya tungod sa pagpalangga nanda kanaton? Kay bisan gusto naton o indi, bilang mga ginikanan, ong mga ugangan daon gid na ya ag himuon o itao ong tanan para lang malipay o mangin maayo ong anda mga anak.
Sa aton ebanghelyo, ginapakita kanaton ong isa ka maayo nga ugangan, ong ugangan ni San Pedro. Pagkatapos sya ayuhon ni Kristo sa ana nga lagnat, sya “NAGHULAT” kananda.(Mk 1,31) Kon sa Iningles ong aton basihan nga paglubad, dya literal gid. “And she WAITED on them.” Apang sa aton Bisaya nga Leksyonaryo, dya gintama kag ginlubad nga, “Kag sya NAG-AMUMA sa ila”. Dyang translation naton sa bisaya amo ang ensakto. Kay kon aton balikan ang original nga tinaga ni San Markos, ong ana gingamit amo ang tinaga nga DIAKONIA, nga ong buot silingon, AMUMA O SERBISYO, ag indi ong PAGHULAT.
Dyang aksyon (DIAKONIA) et ugangan ni San Pedro, wala lamang nagapahisayud nga maayo na gid sya sa ana nga hilanat ukon isa lamang ka “blow-out” et pagpainum ag pagpakaon sa ana mga bisita, kundi dya pagpahanumdom sa tanan, kon ano ong nagakaigo nga serbisyo o aksyon nga dapat himuon sang isa nga nakaagi un et pag-ayo ag pagluwas sang Ginuo. Ag amo gid dya nga serbisyo ong gina-expektar man kanaton tanan bilang mga sumulunod ni Kristo.
Gani, bisan sin-o ka man, ugangan ka man, bata, matambok, maniwang, bisan ikaw bingkong, laon, binayaan, bisan ikaw aswang, ginahulat ka et Dios sa pagserbisyo kanana bilang akto mo et pagpasalamat sa kaayo Nana kanimo!

FR.DODO

4th Sun. Ord. Time (B)

GINAGIKANAN SANG OTORIDAD
Ang isa sa mga ginakahangaw-an sang mga tawo sa pagpanudlo sang aton Ginuo, amo nga Siya nagapanudlo nga may OTORIDAD nga bisan ang mga demonyo nagsunud sa Iya mga mando. Madali nga ginaligwat ini sang mga mga Pariseo nga nagasiling nga ang aton Ginuo nagabuhat sini tungud nga Siya may “alliance” sa Prinsipe sang mga demonyo! Apang mahapos man nga ginbali sang aton Ginuo ang ila argumento sa pagpa-athag nga ang isa ka panimalay nga nagabinahin-bahin indi magdugay, kundi magabulog-lag!
Ang otoridad sang aton Ginuo nga ginakahangaw-an sang mga Pariseo amo nga ini wala Niya ginakuha sa iban, ukon indi ini pareho sang mga manunudlo sang kasugu-an nga nagagamit sang pormula nga: “Suno sa kasulatan”, ukon “Suno sa kay Propeta…”, ukon, “ Suno sa kasugu-an…” kundi Siya nagamando suno sa IYA KAUGALINGON nga otoridad! Ini agud sa paghibalo sa ila nga sarang Niya mabuhat ini tungud Siya amo ang Anak sang Diyos… Siya amo ang Pulong nga nangin tawo nga paagi sining Pulong ang tanan natuga kag nag-ambit sang kabuhi sang Diyos. Sa pagkatawo sang aton Ginuo ang tanan may bag-o nga kabuhi!
Ang mga Pariseo bilib sila sa ila kaugalingon. Nagadumdum sila nga sila lang ang maalam kag may ikasarang! Apang ang ila kaalam tubtub lang sa ila panghuna-huna apang wala ini gina-updan sang ila buhat. Sa pihak nga bahin ang aton Ginuo may otoridad tungud ang Iya ginatudlo gina-updan sang Iya BUHAT!
Ginabuhat ta man bala ang aton ginatudlo?
FR. RONNIE

ONG PANIMUOT AG KABUBUT-ON ET DIOS
Sang ako mag-adto sa Caphernaum, akon nakit-an ag
natungtungan ang mismo nga SINAGOGA nga anay ginsudlan ag ginwalihan ni Kristo, suno sa ginmitlang sa Ebanghelyo (Mk1,21). Dya amo ang pinakahanggud ag nagaisahanon nga Sinagoga nga imo makita sa bilog nga Israel nga daon pa ong ana sini orihinal nga mga haligi ag pundasyon. Dya mga veinte metros ang kalayuon halin sa balay ni San Pedro nga ginakabig nga ilistaran ni Kristo kon duri Sya mag-adto ag kon sa diin ana nga gin-ayo ong ugangan ni Pedro sang dya hilanaton.
Kinaandan un sa Sinagoga nga ong isa ka ‘RABBI’ magkomentaryo sa Santos nga Kasulatan, masami paagi sa bulig et ‘pag-quote’ sa mga nagkalainlain nga ‘sources’, agud sa pagtudlo sa mga tawo et mga ‘pamaagi’ et Dios. Kita makasiling nga si Kristo nakapanudlo bangud Sya ginakabig man nga ‘RABBI’ o Manunudlo, et mga tawo. Gani sa sini nga tiempo ag punto, Sya gin-agda ag gintaw-an et kahigayunan sa paghambal bilang anda nga ‘guest speaker’.
Si San Markos nagasugid kanaton nga kon si Kristo ang magtudlo, ang tanan nga mga tawo natingala gid. Indi Sya et pareho sa mga Manunudlo et Kasugoan. Wala Sya naga-quote sa ginsiling et iban kundi Sya nagatudlo nga ‘may awtoridad’.
Paano si Kristo makapanudlo nga may ‘awtoridad’? Lain si Kristo sa tanan nga mga ‘Rabbi’ bangud sa simple nga rason nga SI KRISTO DIOS. Sa ana nga pagpanudlo, ong ana ginahambal amo gid ong PANIMUOT AG KABUBUT-ON ET DIOS.
Kita man dapat magtinguha sa pag-angkon sa aton mga kaugalingon kadyang PANUMDUMAN AG KABUBUT-ON ET DIOS. Magaabot ong mga tion nga kinahanglan naton magtao et ‘advise’ ag ‘counsel’ sa iban. Kon wala et bulig ag pagtuytoy et Espiritu Santo, ong aton ginahambal mangin ‘samong’ o ‘gamo’ lamang, ag indi makadulut sa taguipusuon ag igdulungog et mga nagapamati kanaton.
FR.DODO

3rd Sun. Ord. Time- B

ANG PAGTAWAG
Sang pagsugud sang ministeryo publiko (public ministry) sang aton Ginuong Jesukristo, Siya nagtawag sang pila ka mga tawo nga mangin Iya mga gintutun-an. Ini nga mga tawo nahamtang sa sitwasyon nga yara sila sa ila naandan nga pagpangabuhi, nga ayhan sa sadto nga tini-on, katulad man sa kadamu-an sa aton, masako nga nagahiwat para sa ila adlaw-adlaw nga pangabuhi-anan. Apang bisan pa nga sila yara sa tunga-tunga sang ila mga buluhaton, ginbayaan nila sang “HINALI” ang ila mga sahid kag panimalay, kag nagsunud sa aton Ginuong Jesukristo! Wala na sang “question”… wala sang pamalibad… wala sang rason-rason, sila nag-upod nga ayhan “pagtuo” gid lang ang balon, nga ang nagapangagda sa ila indi gid magdala sa ila sa kalainan ukon magbutig sa ila sang Siya maghambal nga:”Sugud karon, tudlu-an ko kamo sa pagpanahid sang mga tawo!”
Ginpili sang Ginuo ang mga “simple” nga mga tawo… halos wala gani sila sang tinapusan nga kurso, ang ila gid lang nahibalu-an amo ang pagpangisda… mga “malangsa” nga klase sang mga tawo… mga ordinaryo kag indi maalam nga mga tawo! Sila amo ang ginpili sang aton Ginuo indi tungud kay mahapos sila tontohon kundi nga tungud sang ila pagka-ordinaryo kag pagkasimple, sila mangin alagyan sa diin mapahayag sang Diyos ang Iya kaalam kag pagkagamhanan.
Sa aton panahon ayhan masiling naton nga ordinaryo lang kita nga mga tawo, apang padayon sa gihapon ang pagpanawag sang aton Ginuo. Ayhan “masako” man kita! Sa tunga sini tanan, ginasabat ta bala ang pangagda sang Ginuo?
FR. RONNIE

SANTO NIÑ0 (B)

Sa titulo sang aton Ginuo bilang Santo Niño, aton matalupangdan, nga kon aton lantawon sa “grammar”, ini nagapahayag sang isa ka pagsalungkaki sang ideya. Ang “Santo” nga termino ginagamit lamang para sa mga “hamtong” nga mga tawo. Para sa isa ka “niño”, ang dapat nga termino nga gingamit “Santito”, tungud siya, gamay. Ang titulo nga “grammatically right” dapat “Niño Santito”!
Apang ngaman nga wala gid magbaylo sang painu-ino ang aton nga Simbahan sa paghatag sang titulo nga “Santo Niño” sa aton Ginuo sang Siya bata pa? Ini tungud, ini nga titulo indi sang suheto sang grammar, kundi sang aton pagtuo! Bisan ang aton Ginuo gamay, o indi pa hamtong, apang ang Iya pagkabuhi ‘daku” sa panulukan sang Iyang Amay sa langit… Ang Iya pagkamasinulundon sa binubuot sang Amay amo ang naghimo sa Iya nga “labing daku” sa tanan nga mga tawo kag mga hari nga nagtuhaw sa sining kalibutan.
Ang aton Ginuong Jesus “Santo” bisan pa sa dagway sang isa ka bata, tungud Siya nagpabilin nga mapainubuson sa pagbaton sang Iya nga misyon, bisan pa ini nagakahulugan sang paghalad sang Iyang kabuhi didto sa kahoy sang Krus. Indi bala nga ang aton Ginuo ang nagsiling nga: “Ang nagapa-ubos sang Iya kaugalingon, pagapataason”?- Ang PINAKAKUBOS amo ang PINAKADAKU sa atubangan sang aton Amay sa langit!
Naghamtong na bala kita sa aton pagtuo?
FR. RONNIE

BAPTISM OF THE LORD (B)

ANAK NGA NAHAMUT-AN
Sa Kapiestahan sa “Pagbunyag” sang aton Ginuong Jesus, aton mabati-an ang mga pulong sang Ebanghelyo ni San Markos nga gikan sa langit nga nagasiling: “Ikaw ang akon hiinigugma nga Anak. Nalipay gid ako sa Imo.” Ini nga mga pulong ginpahayag sang aton Amay sa langit sang ang aton Ginuong Jesus nagbaton sang bunyag nga ginahatag ni Juan Bautista.
Ayhan madamo ang nagapamangkut kon ngaman nga nagbaton sini nga pagbunyag ang aton Ginuo, kay ini nga pagbunyag isa ka pagbunyag sa pagpatima-an sang paghinulusol, kag ang aton Ginuo, wala man sang dapat nga pagahinulsulan kay wala man siya sang sala! Amo man ini ang naghatag sing palaligban kay Juan Bautista. Para sa iya, dapat siya ang magbaton sang pagbunyag nga igahatag sang aton Ginuo.
Apang ang aton Ginuo wala magpabunyag kay Juan tungud kay kinahanglanon niya nga maghinulsol ukon mahilway sa sala, kundi siya nagpabunyag tungud Siya NAGAHI-USA sa estado sang tawo nga “makasasala” kag tungud sini nga paghi-usa, iya man GINBATAK ang pagkamakasasala sang tawo sa pag-ambit sang Iya nga PAGKABALAAN. Sa sini nga pamaagi, ginpakita sang aton Ginuo nga tawo nangin BUG-OS nga tawo indi tungud kay siya nakasala, kundi tungud kay siya nagapakabalaan o nagapakasantos! Sa sini nga pamaagi, GINAPAHALIPAY KAG NAHAMUOT ang aton Amay sa langit!
Masiling bala naton nga nahamuot man ang aton Amay sa aton adlaw-adlaw nga mga ginabuhat?
FR. RONNIE

EPIPHANY

ANG BITUON NGA NAGSUBANG!
Ginasiling sa hulubaton “ Every child that is born, a STAR is born also.” Suno sa mga katigulangan, sa tagsa ka bata nga matawo, nagatuhaw man ang isa ka bituon sa kalangitan. Ayhan naangut ini sa promisa sang Diyos sa kay Abraham, nga mangin subong kadamo sang kabitu-onan sa langit ang iya mangin kaliwat sa bug-os nga kalibuan! Ini tungud nga si Abraham nangin MASINULUNDON sa kabubut-on sang Diyos.
Karon nga Dominggo may isa man ka bituon nga nagsubang ukon nagtuhaw sa kahawaan, kag isa ini ka ESPESYAL nga bituon tungud ini nagapahayag sang Manluluwas nga natawo kag magapuyo sa aton tunga. Ini nga Manluluwas nagdaku nga nagmangin matinumanon sa binubu-ot sang Iyang Amay.
Ang kapiestahan sang Pagpahayag sang aton Ginuong Jesus nagaganyat sa aton sa pag-usisa sang aton kaugalingon kon bala kita matuod nga nangin masinulundon sa binubuot sang aton Amay sa langit.
Matutum bala kita sa pagtuman sang aton mga katungdanan sa Mahal nga Diyos, sa aton panimalay, kag sa aton mga isigkatawo? Sa aton pagkatutum, aton ginapahayag ang KAPAWA nga nagagikan sa pagkatawo sang aton Ginuo. Nagasanag bala kita ukon nangin INSPIRASYON sa aton mga kautoran nga yara pa sa “kadulum”?
Nagpahayag na ang aton Ginuo. Kita? Ginapahayag bala naton siya sa aton mga kautoran?
FR. RONNIE

4th Sunday of Advent (B)

ANG “FIAT MIHI” NI MARIA
“Alagad ako sang Ginuo. Kabay nga matuman sa akon suno sa imo ginsiling.” Ini amo ang famoso nga mga tinaga ni Maria Santisima sang iya ginbaton ang papel nga mangin “Iloy sang Bugtong nga Anak sang Diyos”. Amo ini ang kahulugan sang “Fiat mihi” nga latin nga mga pulong. Bisan pa nga indi ni Maria mahangpan ang buot silingon sang Anghel, ginbaton niya ini nga wala sing pangduha-duha bilang kabubut-on sang Diyos nga Amay.
Madamo sang mga bagay nga mabudlay hangpon sa sining kalibutan. Bisan ang akto sang pagluwas sang aton Ginuong Jesukristo sa aton, isa ka pala-isipan para sa aton. Ngaaman nga ihalad gid Niya ang Iya nga kabuhi sa aton nga sa ginsuguran, kita mga MAKASASALA? Ngaman nga mapatay ang isa ka MAAYO nga tawo para sa mga tampalasan? Ngaman nga kon sin-o pa ang maayo nga mga tawo, sila pa ang masami nga gina-una kuha sa sining kalibutan? Kon aton lang tawohanon nga painu-inu ang magtungkad sini, ang isa ka pamangkut, magatuga lamang sang madamo pa nga pasunud nga mga pamangkut. Ini mangin wala’y katapusan nga “cycle” sang sabat-pamangkut… daw naganilibut-libot lang kita.
Husto ang ginpamulong ni Maria! Wala na siya nagpamangkut sa pagbulut-an sang Diyos, kundi bilang isa ka MAPA-INUBUSON nga alagad, iya ini ginbaton nga matigayon ang plano sang Diyos paagi sa iya.
“Man proposes, but God disposes.” Sa aton paghanda sa Paskwa sang Pagkatawo, ginamulalungan kag ginbuhat bala naton ang plano sang Diyos sa aton kaangtanan sa isa kag isa? Makahulugan kuntani ang pagkatawo sang aton Ginuo sa aton tunga!.
FR. RONNIE

3rd Sunday of Advent (B)

ANG ATON TINGUG
Isa sang mga pinakamanami nga regalo sang Diyos nga ginhatag sa aton kaupod sa bugay sang kabuhi amo ang aton “TINGUG”. Sa aton tingug, kita nababati-an… kita nahahangpan… kita makahimo sang pagdayaw ukon makapahayag sang aton nabatyagan sa sulud sang aton nga kasing-kasing.

Importante ang aton tingug tungud diri naton ginapasad ang mga relasyon sa diin kita nagakabuhi nga may paghangpanay. Ini kon ang aton tingug ginagamit suno sa plano kag ginbuko sang Diyos. Apang kon ang aton tingug gamiton sa tiko kag mala-in nga katuyu-an, ini makadala sang halit nga mas kapin pa sang sa halit sang pisikal nga kasakitan nga aton gina-angkon. Ginasiling gani nga “maayo na lang nga kita masamaran sa aton panit, kay ini nagapali; apang kon kita masamaran tungud sa aton mga pulong nga ginpakawas sang aton tingug, ini indi mahapus malipatan… ini padayon nga nagatapik sa aton pagkatawo, kag wala naga-ayo bisan pa sa mahaba nga tini-on.

Sa Biblia ginasiling nga “ang aton dila katulad sang isa ka espada nga duha ang sulab! Sarang ini makahalit sa sulud kag sa gwa sang tawo!”, kag si Santiago nagpahayag nga “ang dila katulad sang isa ka “timon”, kagamay nga bahin sang barko, apang sarang ini makahatag sang direksyon sa amo nga sakayan (Jas 3:4)”. Ini nagahulugan lamang nga dapat kita magma-inandamon sa tagsa ka hala nga aton ginapakawas paagi sa aton tingug kay ini sarang makabulig ukon makahalit!

Ang aton tingug dapat mangin instrumento sa pagdayaw sa Diyos kag pagtahud sa aton isigkatawo! Sa diin bala naton ginagamit ang aton tingug? Sa pagdala kaayohan o sa paghalit?
FR. RONNIE

2nd Sunday of Advent (B)

UBI MAJOR, CESAT MINOR!
Ang aton tigulo sini nga mensahe karon, ginkuha sa ni-Latin nga pulong nga kon aton lubaron sa aton linggwahe nagakahulugan… “Kon ara ang mas mataas, dapat magsunud ang manubo…” Ukon “ Kon ara ang manunudlo, dapat magsunod ang bumulutho!” Madamo ini sang kahulugan nga nagapatuhoy sa isa ka kamatu-oran nga nagasiling nga kon ara ang “agalon” ang “sulugu-on dapat magpa-ubos!

Ayhan amo man ini ang nabatyagan ni Juan Bautista sa aton pagpamalandong sa ika-duha nga Dominggo sang Adbiento! Nahangpan niya sang maayo ang iya nga hilikuton kag papel sa pag-abut sang Mesias, nga siya indi ang ginapa-abut sang mga tawo nga Manluluwas, kundi siya isa lamang ka tiglawas nga ginpadala sang Diyos nga maghanda sa pag-abut sang Manluluwas sang kalibutan.

Madamo kaayo ang mga tawo nga nagsunud sa iya kag nagbaton sang iyang pangagda sa paghinulusol. Kon sa aton pa, si Juan Bautista madamo na sang mga “fans” tungud sang iya pagpangwali nga wala sing ginapasuna-id, kundi ini tampad sa pag-confrontar sang kamatu-oran sang kabuhi sang tagsa-tagsa. Apang bisan pa nga siya “sikat” sa panulok sang mga tawo, wala “maghabok” ang iya nga ulo sa bugal sa pag-angkon sang kadungganan nga siya amo ang ginapa-abut nga Mesias. Sa baylo, siya nagsiling nga “Ang magakari nga ulihi lang sa akon mas gamhanan pa sa akon…”

Ini nga PAGPA-UBOS ni Juan Bautista naga-agda man sa aton nga mangin mapa-inubuson. Usisa-on kag tan-awon naton ang aton kaugalingon kon bala kita matu-od nga mapa-inubuson ukon nagahari sa gihapon ang bugal sa aton kabuhi?
FR. RONNIE

CHRIST THE KING

ANG MATUOD NGA HARI
Ginatakup naton karon nga Dominggo ang isa naman ka pahina sang aton Kaledaryo Liturhiko sa Santa Iglesia Catolica. Sa pagtakup sini aton ginaselebrar ang Kapiestahan sa pagpahayag nga si Kristo amo ang aton nga hari! Hari sang bug-os nga Kalibutan kag hari sang aton nga kabuhi.
Amo gani nga suno sa una nga kustombre, ini nga kapiestahan amo ang kapiestahan sang mga Amay sang mga panimalay tungud ang mga amay amo ang “hari” sang ila nga pamilya… Ang hari nga amo ang dapat nga haligi sang panimalay nga Kristiyano. Ini nga pagkahari naga-ilig sa pagkahari sang aton Ginuong Jesus nga amo ang aton sadsaran sang aton nga pagtuluohan nga Kristiyano.
Diin bala makita ang pagkahari sang aton Ginuo? Siya nagsiling nga “Kon luyag ka nga mangin daku sa atubangan sang Diyos, dapat ka nga mangin kubos… kag mangin sulugu-on sang tanan!” Sa sini nga painu-ino ang pagkahari sang aton Ginuo napasad sa kamatuoran nga Siya nangin alagad kag wala magpa-alagad. Siya nagkari suno sa iya agud “mangin alagad sang tanan kag indi agud alagaran.
Ang pagkahari sang aton Ginuo, matuod-tuod kag wala naga-isip nga pag-alagad. Kag ini amo kuntani ang sulundan sang aton mga amay sang aton tagsa ka panimalay. Ang isa ka amay nga uyaya sa iya obligasyon sa pag-alagad sa iya pamilya, indi takus nga mangin amay sang panimalay! Ang isa ka amay, bilang haligi, dapat mangin kabakud sang iya nga pamilya kag ginagikanan sang kusug sang tagsa ka katapo sa pagpangatubang sang mga kabudlayan sa adlaw-adlaw nga pagkabuhi!
Pila ayhan sa aton mga amay sang pamilya ang makabig naton nga matuod-tuod nga hari nga naga-alagad?

FR. RONNIE

33rd Sun. Ord. Time

ANG ATON “DIUTAY” NGA TALENTO
Malapit na lang magatakup ang isa naman ka pahina sa Kalendaryo sang Simbahan. Sa dili madugay, magasugud na ang Adbiento nga amo naman ang bag-o nga “cycle” sang Kalendaryo Liturhiko. Amo gani nga bisan ang mga balasahon sa aton mga Misa sa sining mga tini-on, nagapatuhoy sa tema nahanungud sa katapusan nga mga panahon.
Ang Ebanghelyo sa subong nga Dominggo nasentro sa tema sa diin ang Diyos magakari subong isa ka “Agalon” nga magapangayo sing “husay” sa iya mga enkargado, sa diin siya naghatag sang mga nanuhay-tuhay nga mga talento ukon kapasidad sa tagsa-tagsa, ayhan, suno sa ila masarangan. Wala ni isa sa ila nga wala nakabaton. Ang duha, nagpatikang sini sing maayo, apang ang isa nagrason nga “nahadluk” siya tungud “istrikto” ang iya nga agalon, kag gani, iya lang ginlubong sa duta ang “talento” ukon “manggad” nga gintugyan sa iya.
Mahapos maghimo sing “rason” sa aton mga kakulangan, katulad sang ikatatlo nga sulugu-on. Nahadluk gid bala siya? Wala man ginsiling sa Ebanghelyo nga istrikto ang iya nga agalon. Ginsiling lang nga siya nagapangayo sing husay! Pero wala siya sang mahatag, tungud sa pagkamatuod, GINATAMARAN siya magpatikang sang manggad sang iya nga agalon.
Indi kita magsiling nga diutay lang ang aton masarangnan. Panumdumun naton nga si Hitler nagda-ug sa pagdumala sang Nazi Party tungud lamang sa “isa ka diutay” nga boto sang 1923! Madamo pa sa aton maragtas ang nagda-ug tungud sa “isa” lang!
Ayan, diutay lang ang ginhatag sa aton, apang ginhimud-usan ta bala nga magdamo ini? Amo ini ang ipamangkut sa aton sa katapusan! Ano ang ginbuhat ta sa talento nga ginhatag sang Diyos sa aton?

FR. RONNIE

DEDICATION OF ST. JOHN LATERAN

PAGTAHUD SA PULOY-AN SANG DIYOS
Sa isa ka puloy-an may mga nanari-sari nga mga hulot ukon lugar sa diin kita nagabuhat sang aton mga buluhaton. May yara nga sala, kon kita nagakinahanglan maghilay-hilay ukon magsugilanon. May yara nga hulot tululogan kon luyag kita mag-”descanso”. May hulot kalan-an ukon “dining room” kon luyag kita magka-on. May kasilyas ukon “Comfort Room” kon kita magbuhin sang sobra nga nagasulud sa aton lawas… kag madamo pa nga mga klase sang mga hulot nga sarang naton maplastar sa aton mga panimalay. Ang iban may yara nga “Music Room” ukon “TV Room” ukon “Bar” kag iban pa. Ini tungud luyag naton nga ang tanan “plastado” kag ang aton buluhaton ginahimo naton sa insakto nga lugar.
Amo man ini ang Simbahan. Ini ginakabig naton nga isa ka BALAAN” nga duog, tungud diri nagasumalang ang kabuhi naton nga nagapakig-angut sa kabuhi sang Diyos. Ang Simbahan balaan tungud kita nagapati nga diri “NAGAPUYO” ang LABING BALAAN sa tanan– Ang Diyos nga aton Manunuga. Ginbalay naton ini para sa Iya agud Siya madulutan naton sang PAGHIMAYA, PAGDAYAW, PAGHIGUGMA, PAG-ALAGAD KAG PAGTAHUD! Diri sa Simbahan ginahiwat ang mga butang nga ginakabig naton nga Sagrado sa atubangan sang Diyos!
Amo gani nga naakig gid ang aton Ginuong Jesus sang makita Niya nga ang balay sang Iya nga Amay, ginhimo nga “Merkado” kag “Balay sang mga Makawat kag mga Buyong” sang mga tawo. Siya nagahigugma kag nagatahud sang tuman sa Iya nga Amay, kag Siya nagala-um man nga kuntani ang mga tawo nga gintuga sang Amay suno Iya laragway maghatag man sang nagaka-igo nga katahuran.
Kon magsulud kita sa Simbahan, ginapatuhoy bala naton ang tama nga katahuran sa Diyos? Anak bala kita sang Diyos o mga Buyong?
FR. RONNIE

30th Sun. Ord Time

MATUOD NGA PAGHIGUGMA
Masami, sa aton nga lenggwahe, kon magsiling ikaw nga ikaw nagahigugma, ini nagakahulugan nga “mamag-an” ang imo balatyagon… daw nagalutaw ikaw sa rosa nga panganud… ukon kanami sang imo balatyagon kay daw sa masanag ang tanan… ukon iban pa nga makapahayag sang manami nga eksperyensya. Masami ginapaangid naton ang paghigugma suno sa aton NABATYAGAN.
Apang kon aton nga usisa-on ang dinalan sang Santos nga Kasulatan, malayo ini kaayo nga kahulugan sang minatuod nga paghigugma. Kay sa mga pulong sang Diyos, ang paghigugma indi lamang sang balatyagon, kundi isa ka DESISYON!... Desisyon nga bisan indi man maayo ang imo pamatyagan, sa gihapon padayon ikaw nga magahatag sang katumanan sini tungud ini isa ka SINUMPA-AN NGA BALAAN,
Sang pagpadala sang aton Diyos nga Amay sang Iyang Anak agud maghalad sang Iyang kabuhi sa aton, Siya naghimo sang isa ka desisyon sa paghigugma sa aton bisan pa nga dili kita takus tungud sang aton mga sala, agud padayon Niya mapaambit ang Iya himaya sa aton.
Sang ginhalad sang aton Ginuo ang Iya kabuhi sa Krus sa isa ka makahuluya nga kamatayon sang isa ka Kriminal, Siya naghimo sang isa ka desisyon sang kahulugan sang Iya nga paghigugma sa aton.
Ang paghiguma kabus nga ginasimbolo sang “tagipusu-on” lamang. Ang minatu-od nga simbolo sang paghigugma amo ang KRUS… paghigugma nga handa mag-antus bisan pa ini nagakahulugan sang paghalad sang kabuhi.Naghigugma bala kita sang MINATUOD? Ano ang aton mga desisyon sang paghigugma?

FR. RONNIE

29th Sunday Ord. Time- A

MASAKO UKON MATAMAD?

Sang ginhatag sang Diyos sa kay Moises ang Iya napulo ka mga sugo, ang ikatatlo sini nagasiling nga “Pakabala-ana ang adlaw sang Diyos.” Sa aton nga mga Katoliko ini nga adlaw, nga adlaw sang “Inugpahuway” amo ang adlaw sang Dominggo. Iya ini nga adlaw sang Diyos- amo ini ang adlaw nga ginatumud bilang “Dies Dominica”, tungud ini amo ang adlaw sang Pagkabanhaw nga amo ang piesta sang mga piesta sa diin gindaug sang aton Ginuong Jesus ang gahum sang Kamatayon.
Bilang pagpakabalaan sini, kita ginahatagan sang kahigayunan sa pagdayaw sa Diyos paagi sa aton pagtipon, bilang isa ka panimalay sa Iya nga puluy-an nga amo ang templo ukon kon sa aton nga panahon, sa Simbahan.
Amo ini ang ginasabat nga pamangkut sang aton Ginuo sa mga luyag magdakup-dakup sa Iya kon bala nagakadapat nga magbayad sang buhis ang mga Israelinhon sa mga gobyerno sang Roma. Sa mga pulong sa Ebanghelyo ginsiling sang aton Ginuo nga “Ihatag kay Cesar ang para sa kay Cesar kag sa Diyos ang para sa Diyos.” Buot silingon nga obligasyon kita para sa aton gobyerno bilang mga katapo sang pungsud, apang may obligasyon man kita sa Diyos bilang katapo sa iya PAMILYA, kay kita Iya mga anak.
Ginahatag bala naton ang Adlaw sang Diyos para sa Iya? Ukon masako kita tungud sa aton pangabuhian? Unahon ta ang Diyos nga ginagikanan sang aton pagpaninguha, kag ang tanan, igahatag sa aton. Basi indi man kita masako...MATAMAD LANG!

FR. RONNIE

28th Sunday- Ord. Time- A

MGA KAHIGAYUNAN SA KABUHI
Ang kabuhi sang isa ka kristiyano sa karon nga panahon, padayon nga ginahangkat sa tagsa ka iya gina-agihan. Madamo sa aton subong ang halos nagalutaw sa painu-ino kag pamangkut paano bala naton masumalang ang aton Ginuo, kag paano siya ma-eksperiyensyahan sa aton adlaw-adlaw nga pagkabuhi.
Ayhan isa ka daku nga “grasya” sang Diyos nga makita gid naton si Kristo “in persona”, nga Siya gid ang aton gina-atubang. Sa masami, wala ini nagakahanabo. Gani, paano naton masumalang si Jesukristo sa aton nga panahon subong.
Sa Santos nga kasulatan, Siya nagasiling nga “kon sin-o ang nagabaton sang pinaka-labing kubos sang iya mga kautoran, nagabaton man sa Iya.” Buot silingon nga padayon ang Iya nga presensya sa aton tunga… padayon Siya nga nagapalapit sa aton paagi sa mga kubos… padayon Siya nga naga-agda sa aton sa pagtalupangud sang Iya pangagda nga mangin kaupod kita Niya sa Iya lamesa kag bangkete.
Ang tagsa ka tini-on sang aton kabuhi napun-an sang pangagda sang aton Ginuo, apang sa masami, wala naton ginamulalungan ang Iya pagpanawag kay nawili kita sa aton mga kabilinggan! Ang tagsa ka pagtan-ay naton sang bulig sa nagakinahanglan, pagkilala nga ang Diyos yara sa aton tunga.
“Opportunity knocks only once”, kag sa pagpanuktuk sang aton Ginuo paagi sa mga kubos, ginabuksan kag ginabaton bala naton Siya?
FR. RONNIE

GAME NA!
“Isa ka adlaw, nag-ugahab si Lola Basyang tungod nadula ong iya pinalangga nga si Ruby. Gani nagamihamiha nga nag-adto sya sa Bombo Radyo agud tani magpa-agong. Ang reporter naghambal kanana, ‘Okey la, on-air na kita! Pwede ka na kapanawagan!’ Kag si Lola Basyang nagpanawagan, “Kuruuk, krruuk, kruk, kuurrok, kruukkkay…!” Si Ruby manok gali.”
Matahum panumdumon nga ginpakilala ni Jesus ang Ginharian sang Dios bilang isa ka Punsyon sang Kasal. Apang mas matahum pa gid masaydan nga kita tanan ginaagda, bisan pa indi takus, sa pagpakigbuylog duri. Taliwas sa panawagan ni Lola Basyang, klaro ang PANAWAGAN ag PANGAGDA sa aton sang Ginuo ag Sya nagahulat o nagaexpektar gid sang aton sabat sa pagtambong – Duri na ag Manakarya, indi sang Hindon o Hin-aga pa!
Apang masami kita nga mga tawo NAGAPAMALIBAD sa sini nga IMBITASYON sang Ginuo. Kaangay sang lalaki nga nag-adto sa iya uma, ayhan nagatao kita et labi nga pagpasulabi sa aton mga hilikuton sa bagay nga nalipatan na naton ang Dios. Ukon kaangay sang tawo nga nag-adto sa iya baligyaan, ayhan ginapasulabi naton ang aton negosyo ag pagpangita sang manggad. Madamo nga mga pagkabutang, kalingawan ukon kabalak-an, bisan pa gani maayo nga mga butang, ang sarang makapahilayo sa aton sa Ginoo. Ginapangita naton ang mga bugay ag dulot sa bagay nga ginakalimtan naton ang nagtao sini.
Sa pagkamatuod, ang PANGAGDA sa aton sang Ginuo, pangagda sa pagkabuhi suno sa landong sang Iya kabuhi; sa pagkabuhi suno sa Iya gintudlo ag binuhatan. Isa dya ka pangagda sang pagbag-o ag magkabuhi bilang matuodtuod nga mga Sumulunod ni Kristo. Kag sa sining Iya pangagda, ang Dios nagalaum gid sang aton POSITIBO nga RSVP, SABAT ag SAAD. Indi ta pag-indianon ang Ginoo.Kay Sya pat-ud nga magaindian man sa mga naga-indian kanana.
Gani pamangkuton ta ang mga kaugalingon ta,“GAME KA NA BA?” Tani ang sabat ta, nagalupok nga “GAME NA!”


FR. DODO

27th Sunday Ord Time (A)

ANO ANG ATON MGA BUNGA?

Ang isa ka maayo nga puno wala nagapamunga sang higos kundi sang maayo man nga mga bunga. Kon ngaman nga gintuga kita sang Mahal nga Diyos, ini kay tungud nga luyag Niya nga ipa-ambit sa aton ang Iya nga paghigugma… paghigugma nga dapat ipa-ambit sa isa kag isa. Buot silingon ini nga sahi sang paghigugma nagapamunga sa aton pagkabuhi. Sa tagsa naton nga pagpa-ambit sini nga gugma, ginapahag naton ang kaayo sang aton Manunuga. Indi naton sarang matago ini nga paghiguma kay ang naturalesa sang paghigugma, dapat GINAPA-AMBIT! Suno sa hulubaton: “Love is not love, unless it is given away!”- (Indi sang minatuod ang gugma kon wala ini ginahatag!). Kon ginatago lamang naton ii sa aton kaugalingon, ini indi sang paghiguma nga minatuod kundi PAGKAMAIYA-IYAHON.
Ang aton Amay sa langit, nagapa-abut sini nga bunga sang paghigugma sa aton kabuhi. Siya padayon nga nagapadala sa aton tunga sang mga tawo kag mga instrumento sa pagpahanumdum sa aton nga Siya isa ka Amay nga mahigugma-on kag kita, bilang Iya mga anak, may katungdanan sa pagpa-ambit sang Iya nga gugma sa isa kag isa.
Mayad kita magbaton sang regalo sang paghigugma, apang maalwan man bala kita sa pagpa-ambit sini nga gugma ilabi na gid sa mga mabudlay nga higugma-on?... Ang aton kaaway… ang mga nagsakit sang aton balatyagon? Nagpamunga bala kita sang maayo?

fr. Dodo's Reflection

ANG BALLPEN. BOW! (26TH SUNDAY ORD.TIME)

Sa aton relasyon sa Dios, indi importante kon ano ang aton ginahambal o kon ano ang aton ginapromisa. Ang mas labing importante amo nga kon ano ang aton nahimo kag kon ano ang aton ginpakita sa buhat. Kay dya amo ang marka kag palatandaan nga kita matuodtuod gid nga SUMULUNOD ni KRISTO!
“Isa ka adlaw, may isa ka negosyante nga nag-order sang 1000 ka ballpen sa isa ka manugbaligya matapos ang malawig nga pagkumbinse sini. Sang isulat na sang salesman sa iya notebook ang order sang negosyante, nakibot sya kag nakum-an sa ginhambal sang iya ginbaligyaan: “Hopss! Dali lang! Ikansel na lang ang akon order! Indi nako magbakal sang ballpen mo!” Kag ang negosyante nagpanaw sang dalidali pagwa sa store.
Sang iya masumalang ang iya amigo nga nakumbinse kag nakabakal man sang amo nga klase sang ballpen, dya nagpamangkot sa iya, “Migs, ngaman ginkansel mo ang imo order sang ballpen?” Ang negosyante nagapangakig nga nagsabat: “HAMAN MIGS? Tungod sang pagkatapos sulosobra isa ka oras nga pagkumbinse sang kupagkupag nga salesman kanakon nga dapat ko gid baklon ang iya ballpen tungod dya amo ang pinaka’the best’ sa tanan, iya lang tana ginsulat ang akon order paagi sa LAPIS! Ang iya ginbuhat salikwaot sa iya ginhambal!”
Sa aton relasyon sa Dios, matuod nga wala gid man labot ang ‘ballpen’ apang ang punto dira imaw dya: Ginabuhat gid man bala naton ang aton ginabungat? Ginatuman bala naton ang aton ginapromisa? Ginapamatud-an bala naton ang aton sinumpaan? Ginakabuhi bala naton ang aton ginatuohan?

Parable of Two Sons

ANG ATON PULONG (26th Sun. (A) Ord. Time)

Ginasiling ni San Juan Ebanghelista sa iya nga sulat nga ang tawo nga nagasiling nga ginahigugma niya ang Diyos, apang wala niya ginahigugma ang iya isigkatawo, butigon. Kay paano niya mahigugma ang Diyos nga indi niya makita kon ang iya isigkatawo, nga iya makita, indi niya mahigugma. Buot silingon ni San Juan, nga ang aton pulong dapat MATINUOD-TUORON. Ang aton pulong dapat maglaragway kon anano ang yara sa sulod sang aton tagipusu-on.
Isa ka butig ang aton pagkabuhi kon lain ang aton ginabuhat sang sa aton ginahambal. May yara nga nagasiling: “Follow what I say, but don’t follow what I do!” Para sa isa ka Kristyano indi ini sang tama nga painu-ino tungud ini nagahatag lamang sang kabangdanan nga sarang naton matiko ang tadlong tungud sa painu-inu nga tutal pwede man gali nga indi naton matuman ang aton hinambalan.
Para sa isa ka sumulunod ni Kristo sa sini nga panahon, kita ginahangkat nga ang aton pag-ginawi mangin saksi sang aton ginapahayag sa nga pagtuo baba … nga ang aton pulong isa ka sinumpaan nga dapat igakabuhi sa aton adlaw-adlaw nga pag-ginawi.
Magmangin tampad kita sa aton mga pulong sa diin ini magapamukad-kad sa aton buhat. Paagi sa aton pulong kita nagabalay sang isa ka matuod-tuod nga Kristiyanong katilingban… Ang aton pulong nagapahayag sang KATAMPAD kag indi sang KABUTIGAN

22nd Sun. (Ord. Time) Year A

ANG KARITON SANG KABUHI

May isa ka hulubaton sang mga katigulangan nga nagasiling: “Ang kabuhi, daw isa ka kariton nga nagati-ug: Kon kaisa ara sa ibabaw, kon kaisa ara sa idalum.” Ayhan ini ginasambit sang mga katigulangan tungud ini nga kamatu-oran ila na na-agihan sa ila nga kina-andan nga pagkabuhi. Ginagamit gani ini nga kamatu-oran bisan pa sa mga ambahanon katulad sang “Gulong nga palad.”
Duna sa aton, nga ang tagsa-tagsa sa sining dutang luhaan, naga-agi sa sini nga halintang sang kabuhi. Bisan ang aton Ginuong Jesus, wala mahilway sa sini nga kamatu-oran. Pagkatapos nga Siya ginpahayag ni Pedro nga Siya amo ang Mesiyas nga ginpadala sang Diyos nga buhi, nga dapat pagahimaya-on kag dayawon, ang aton Ginuo nagpanagna dayon sang Iya malapit nga kamatayon– ang putuk-putukan sang Iya nga misyon!
Madamo sa aton ang nakatilaw sang kahamungaya-an sa aton kabuhi, nga daw sa puro lang himaya ang aton gina-agum, apang sa isa lang ka pamisuk, ini nga kalipay, ginabayluhan sang tuman nga kasakit kag kasubo. Ato na kuntani kita sa ibabaw, apang sa hinali lang, ginbutong kita pa-idalum tungud sang mga palaligban nga nagtuhaw.
Nakahangup ang aton Ginuo sa “kariton sang aton kabuhi” tungud Siya nag-agi man sini nga halintang. Magpalapit kita sa Iya sa tion sang palaligban o kahamungaya-an kay Siya nagapanglakaton upod sa aton.

My Partner's (Fr. Dodo) Reflection

PETRA

Sang una nga panahon, ang mga ngalan sang tawo may kaangtanan sa ila pagpangabuhi kag palangitan-an, kag itsura. Gani, may mga apelyido kag mga hayu nga kasubong sini: “Baker” (Panadero), “Schumacher” (Sapatero), “Taylor” (Mananahi), “Butcher” (Matadero). May da-un man nga ginabansagan “Shorty” (Putot), “Kulot” (Curlytopped), “Palito” (Skinny) kag iban pa.
Sa Biblia iya, ang Diyos masunsun nga nagbahin sang mga ngalan sang tawo kon sila hatagan sang misyon. Una na diri sa Abram (Amay nga ginadayaw) nga gintaw-an sang ngalan nga Abraham (Amay sang madamo nga mga pungsud). Masunod dira ang iya apo nga si Jacob nga gintaw-an sang bag-o nga ngalan nga Israel (Ang Ginuo Nagda-ug).
Sa Ebanghelyo ang ngalan nga ginta-u ni Kristo kay Simon amo ang Pedro (Bato)- Kepha sa Aramaic kag Petros sa Griego. Apang sa kadamu-damu nga ngalan nga sarang mata-u kanana, ngaman “Bato” gid? Aton gid naman-an nga kon ang isa ka tawo tawgon nga “Bato”, pareho dabi sang “Totoy Bato”, ang buot silingon sina, siya matig-a ulo, matig-a iya tagipusu-on, negatibo… kay ang bato masami ginahaboy sa kontra mo, ukon pirmi nangin “skandalon” (bato nga nagapadusmo), nagapamalabag sa alagyan kag nagapadasma sa tawo. Buot silingon, dya isa ka sablag kag nagahalit sa tawo. Gani, halos wala ini ginagamit nga ngalan sang tawo.
Apang sa pihak nga bahin, ang bato sarang man magamit nga salandigan ukon unlan kon gusto magpahuway-huway sang tawo. Sarang man dya mausar nga tulungtungan sang dapug kon kita galuto sang aton mga tinig-ang. Ginahimo man dya nga lugud sa pagkuha sang arikis ag agud-ud sang tawo. Buot silingon, ang bato nagabulig tana sa tawo. Kon si Kristo magsiling nga si Simon “Bato”, buot silingon sina, siya amo ang salandigan ag sadsaran, ang bato sa diin gintihab ang bag-o nga pinili nga katawhan sang Dios - KITA! Gani ang pamangkut dira, amo nga “Kon ano ikaw nga klase sang bato?”

FR. DODO

21st Sun. in Ord. Time (A)

SIN-O BALA AKO?

Ini nga pamangkut, wala lamang nagatumud kon sin-o bala ang imo nga ngalan, ukon kon sa diin ka nagikan, ukon sin-o ang pamilya nga ginhalinan. Amo ini ang pamangkut subong nga Dominggo sang aton Ginuong Jesus sa Iya mga apostoles. Sin-o bala Siya suno sa ila pagkilala sa Iya - Sin-o bala siya suno sa ila nga pag-eksperyensya sa Iya sa ila kabuhi?
Isa ini ka PERSONAL nga pamangkut sang aton Ginuo nga ayhan Iya man ginapamangkut sa aton subong, bilang mga kristiyano sang moderno nga kalibutan.
Ayhan madamo na kita sang mga ideya sa aton Ginuo tungud sang mga ginsulat ukon mga pagtukib nga nahimo tungud sa iya. Ayhan may ideya kita sa Iya sa mga libro nga aton nabasahan, apang indi ini nga sabat ang Iya ginapangayo sa aton subong. Ang Iya ginapa-abut nga sabat sa aton amo nga kon bala, paano naton Siya nasumalang o na-eksperyensyahan sa aton adlaw-adlaw nga pagkabuhi.
Siling gani sang aton Ginuo: “Kon ginabaton ninyo ang pinakakubos sa akon mga kautoran, ginabaton man ninyo ako.” Yara Siya nga luyag diskubrihon sa aton mga utod ilabi na gid sa tatlo ka “L” nga mga tawo– the Least, the Lost, and the Last!
Gintalupangud bala naton ang Iya presensya sa aton mga kautoran? Kilala gid bala naton Siya? Sin-o bala sa Kristo sa aton personal kag adlaw-adlaw nga pagkabuhi?

Note: My apologies for my long "silence". Been assigned to a new Parish in Mambusao, Capiz, far bigger than my previous Parish. Still have to adjust to my new assignment, and I hope I could share with you regularly my weekly reflections. God bless us all!

TRINITY SUNDAY

SANTISIMA TRINIDAD (A)
Jn 3:16-18

Sa kapiestahan Solemne sang Santisima Trinad naga-atubang kita sa labing madalum nga “MISTERYO” sang Diyos bilang isa sang “panimalay” sang mga personas, Amay, Anak, kag Espiritu Santo sa diin may yara nga kalinong, paghigugma, kag paghida-it.” Kon ano ang relasyon sini nga misteryo sa aton kabuhi, ayhan makita naton sa pagpamalandung sa mga pulong sa Santos nga Kasulatan nga nagasiling nga “kita mga anak sang Diyos nga Amay nga nagahigugma sa aton, nga nagpadala sang Iyang Anak nga si Jesus nga mangin aton utod kag nagpakamatay sa aton, nga amo ang nagpadala sang Espiritu Santo nga amo ang aton abyan, mananabang kag kabakud sa tion sang mga kabudlayan sa aton kabuhi!” Ang Santisima Trinidad isa ka pangagda sa aton sa pagtukib kag pagpadalum sang aton nga relasyon sa Mahal nga Diyos kag sa aton kaugalingon sa kasanag sang Ebanghelyo nga nagatudlo sa aton nga “kon kita gintuga suno sa laragway kag nawong sang Diyos”, dapat maghimud-os kita nga mangin katulad Niya sa aton masarangan, tungud amo ini ang katumanan sa aton handum nga mangin kaupud sang Diyos kag sa paglantaw sa Iya nga nawong.

Ining pagkilala sang aton matuod-tuod nga dignidad bilang mga anak sang Diyos isa ka daku nga hilikuton tungud ini nagakahulugan sang aton pagpanibag-o kag pagliso sing bug-os para sa aton Ginuo… dapat naton isikway ang mga kalibutanon nga mga huyog sang aton lawas nga nagahigut sa aton sa sining kalibutan. Ang aton paghi-usa sa isa ka Diyos nga may tatlo ka personas, naga-agda sa aton sa pagpasulabi sang aton nga kaangtanan sa Iya labaw sang sa aton iban nga mga kaangtanan, ilabi na gid ang mga material nga mga bagay katulad sang tawohanon nga gahum, kwarta, kag kadayawan! Ang kaalwan sang Amay nga nagpadala sang Iyang Anak nagapangibabaw sa tanan nga sahi sang kahakug kag pagkamaiya-iyahon!

Ang Diyos amo ang pinakamadalum nga misteryo sa aton kabuhi, kag bilang Diyos sang kaluoy kag paghigugma, Siya naga-agda sa aton paagi sa Iyang Anak nga mag-alalangut kita bilang isa ka panimalay. Tungud Siya naghigugma sa aton, kita man gina-agda nga maghigugma sa isa kag isa agud mabalay ang katilingban sang Iyang mga anak nga nagakabuhi sa gugma.

Sugud sa aton pagbataon sang Sakramento sang Bunyag sa ngalan sang Amay, Anak, kag Espiritu Santo, naghimo kita sang “sinumpaan” nga ang aton mga buhat mangin tima-an sining presensya sang Santisima Trinidad nga igapalapnag naton sa bug-os nga kalibutan, kag sa ulihi kita mahi-usa sa amo man nga Diyos kaupud sa Iya katilingban tubtub sa walay katubtuban!

Kabay nga ining kapiestahan magtulud sa aton sa pagbalay sang matuod nga kalingban sang Diyos sa aton tunga sa diin may yara nga kalinong, paghigugma, kag paghidait!

PAGKUNSAD SANG ESPRITU SANTO

PENTECOST SUNDAY

(Jn 20: 19-23) A

May 11, 2008

Ginasaulog naton karon ang kapiestahan sang Pagkunsad sang Espiritu Santo sa mga apostoles. Ini nga Kapiestahan nagakahulugan sang “pagkatawo” sang Simbahan tungud sa Dominggo sang Pagkunsad ang isa ka “lapsag” nga Simbahan ginbun-ag sa diin sya magatuman sang iya nga hilikuton sa PAGMISYON!

Ginasiling sang Santos nga kasulatan nga samtang nagapangamuyo ang mga gintutun-an kaupod ni Maria Santisima didto sa hulot sa ibabaw, may isa ka mabaskug nga hangin nga naghuyup kag ang Espiritu Santo nagkunsad nga daw sa dila sang kalayo sa tagsa-tagsa sa ila nga nagbaylo sang ila katugnaw kag katalaw sa isa ka mas maisug nga mga tawo nga nagkadto sa tunga sang mga dalan kag wala’y hadluk-hadluk nga nagbantala sang maayong balita sa ila mga abyan kag bisan pa sa mga nagahingabut sa ila.

Ining hitabo sang kaisug wala lamang matabo sadtong Dominggo sang Pagkunsad, kundi sugud sadto, ang Espiritu Santo padayon nga naga-upud kag naga-ubay sa Iya nga Simbahan nga Siya amo ang ginagikanan sang kusug sa pagtuy-toy, sa pag-alungay kag sa pag-giya sang iya nga dalan.

Ining buluhaton sang Espiritu Santo padayon tubtub sa aton nga panahon kag maathag nga ginapakita paagi sa aton pagbaton sang Sakramento sang Pagbunyag. Paagi diri ginatanum ang binhi sang pagtuo sa aton tagipusu-on nga nagadala sa aton sa isa ka mahigugma-on nga relasyon sa Mahal nga Diyos, nga naga-agda sa aton bilang iya mga inayupan nga mga anak. Ang Dominggo sang Pagkunsad kag pag-abut sang Espiritu Santo amo si Hesus nga nagabantala nga ang Diyos nga Amay naghatag sang Iya nga ginhawa sa aton agud makaambit kita sang isa ka kabuhi nga Diyosnon. Ang langit sarang na naton “maabut” apang ang ginharian sang langit indi naton maangkon kon inidi kita magmangin-handa sa pagpanibag-o kag maghatag sang duog sa Espiritu Santo nga magpuyo sa aton kaugalingon. Gani, bilang pagsugud sa pagbaton sang dulot sang Espiritu Santo dapat naton papag-unon ang aton kabuhi sang pagpangamuyo nga amo ang magabutang sa aton sa isa ka mahigugma-on nga pagtamud sang Diyos. Aton talupangdon sa Ebanghelyo nga ang Espiritu Santo nagkunsad sa mga apostoles sa tion nga sila NAGAPANGAMUYO! Kon wala ini, mabudlay kaayo nga mahangpan naton ang mga bugay sang Espiritu Santo sa diin kita ginatawag sa pagpakig-ambit sa misyon sang Simbahan. Kon aton matalupangdan ini nga mga bugay, aton mahatagan sing katumanan ang aton mga hilikuton bilang mga katapo sang Isa ka Lawas sang aton Ginuo sa Iya nga Simbahan.

Ang maragtas sang Pagkunsad isa ka pangagda sa aton sa pagpamalandung sang aton katampad sa Ginuo kag kon ano kita ka bukas sa ginabubu nga mga bugay sang Espiritu sa aton kabuhi. Sa kasaku-on sang aton kabuhi subong, may mga tin-on pa bala kita nga ginahatag sa aton Ginuo sa pagpangamuyo? Sa aton pagpangamuyo ginapamalandungan man bala naton kon paano naton mapaambit ang mga bugay nga aton nabaton gikan sa Diyos? Kabay nga ang Espiritu Santo magtuy-toy kag magpabakud sa aton.

ASCENSION

Note: Due to the needs of the local clergy, I will be publishing my reflections in the dialect (Ilonggo) version. Hope this will be helpful to my brothers in the ministry. Thanks a lot!

PAGKAYAB SANG GINUO

(May 4, 2008)

Ang paghamulag sa hinigugma indi sang mahapus, kag isa ini ka bagay nga wala naton maandan. Ang pagkayab sang aton Ginuo nagakahulugan sang pagtakup sang Iya nga misyon sining kalibutan kag sang Iyang mahimayaon nga pagbalik sa Iyang Amay. Natuman na Niya ang Iya nga buluhaton sa diin Siya ginpadala. Samtang nagatunog ang mga trumpeta sa kalangitan sa pag-abut sang aton Ginuo, ayhan ang mga apostoles sa pihak nga bahin nagabatyag sang tuman nga kasubo sa Iyang pagtaliwan. Apang ang katapusan nga mga pulong sang aton Ginuo nagasiling, ‘Mangin kaupud ninyo ako sa tanan na tion. Maglakat kamo kag magbantala sang Maayong Balia sa tanan nga mga kapungsoran.’ – puno sang paglugpay apang nagapanawag sang maabtik nga pagsabat! Wala sila ginpabay-an sang aton Ginuo apang ginahatag Niya sa ila ang Iya nga misyon sa paghimo sang paghigugma sang Diyos nga mahibalu-an sang tanan paagi sa ila di-maisip nga paghigugma kag pag-alagd sa ila isig-katawo. Ang ‘pagkadula’ sang aton Ginuo nagatulud sa mga apostoles sa pagpangatubang sang pala-abuton nga may kaisug. May daku sila nga buluhaton sa pagpalapnag sang kaluwasan nga ginda-ug ni Kristo didto sa kalbaryo, sa pagbag-o sang kamatayon sa isa ka bag-o nga kabuhi! Indi na mangin kaupod sang mga apostoles si Kristo sa Iya tawohanon nga pagpakig-upod kundi Siya mangin kaupod nila paagi sa Espritu Santo nga amo ang ila mangin gabay kag kabakud samtang sila nagapanglakaton sa sining kinabuhi.

Kon atnn nga pamalandungan ining daku nga kapiestahan karon, aton matalupangdan kon ano kadaku ang pagsalig sang Diyos sa aton, tungud ang pagkayab nagapahayag kon ang ATON DAPAT BUHATON agud mangin kaupud naton si Kristo sa wala’y katubtuban. Kon sa diin Siya nagkadto, didto kita nagalaum nga maga-upud! Katulad sang mga apostoles yari kita sa sentro sang entablado sang kabuh kag ang panawagan sa aton amo ang pag-alagad. Yari kita diri agud sa pagpadayon sang binuhatan sang mga apostoles kag sa pagpadayon a pagpaluntad sang ginharian sang Diyos. Sa kalibutan nga ginalikupan sang kadulum kag kasubo, kita ginatawag sa paghatag kasanag kag kalipay. Ayhan ang aton kabuhi mangin isa ka libro sa diin sarang makabasa ang mga tawo sang Maayong Balita. Ang aton pagkabuhi mangin mabaskug nga mensahi sang sa aton ginahala ukon ginabantala. Nagasalig sa aton ang Ginuo. Ang aton pangamuyo amo nga bag-uhon Niya kita paagi sa buhat sang Espiritu Santo agud aton mahibalu-an ang kamatuoran kag may kabakud kita sa pagbuhat sang maayo.

Ang pagkayab nagahangkat sa aton sa pagpadayon sang ginsuguran sang aton Ginuo. Ano bala ang aton ginbuhat para sa Iya?